News

ກະຊວງການເງິນອອກແຈ້ງການ ເລື່ອງ ເສຍຄ່າທາງ ປີ 2019  ແລະ  ນະໂຍບາຍ ສໍາລັບຜູ່ຊື້ລົດໃໝ່ທ້າຍປີ. ຖ້າຊື້ພາຍໃນເດືອນ ຕຸລາ-ທັນວາ ແມ່ນຈະຍົກເວັ້ນ ຫຼື ໃຫ້ເສຍໃນປີຖັດໄປ. ເພື່ອເຮັດໃຫ້ການເກັບຄ່າທຳນຽມປະຈຳປີ 2019 ຖືກຈັດຕັ້ງປະຕິບັດຕາມກຳນົດເວລາ ແລະ ມີຄວາມເປັນເອກະພາບໃນຂອບເຂດທົ່ວປະເທດ ທີ່ເປັນເຈົ້າຂອງນຳໃຊ້ຍານພາຫະນະດັ່ງນີ້: ໄລຍະເວລາປົກກະຕິຂອງການເສຍຄ່າທຳນຽມທາງແມ່ນແຕ່ເດືອນ ມັງກອນ ຫາເດືອນມີນາ ຂອງທຸກໆປີ, ຖ້າບໍ່ເສຍຕາມເວລາທີ່ທາງການກຳນົດໄວ້ຈະຖືກປັບໃໝຕາມແຕ່ລະກໍລະນີທີ່ໄດ້ກຳນົດໄວ້ໃນ VI ຂໍ້ 2 ຄຳແນະນຳ ສະບັບເລກທີ 3455/ກງ ລົງວັນທີ 10 ຕຸລາ 2017. ໃນກໍລະນີຫາກຍັງບໍ່ໄດ້ເສຍຄ່າທຳນຽມຂອງປີຜ່ານມາ ນອກຈາກໄດ້ເສຍຄ່າທຳນຽມທາງຕາມອັດຕາທີ່ກຳນົດໄວ້ໃນລັດຖະບັນຍັດວ່າດ້ວຍຄ່າທຳນຽມທາງຄືນແລ້ວ ຍັງຈະໄດ້ຖືກປະຕິບັດມາດຕະການປັບໃໝດັ່ງນີ້: ຖືກປັບໃໝ 60% ຂອງມູນຄ່າທຳນຽມທາງຕໍ່ປີ ກໍລະນີຍັງບໍ່ໄດ້ເສຍຄ່າທາງນັບແຕ່ປີ 2017 ຖືກປັບໃໝ 40% ຂອງມູນຄ່າທີ່ຕ້ອງເສຍຄ່າທຳນຽມທາງປະຈຳປີ 2018 ກໍລະນີຍັງບໍ່ໄດ້ເສຍຂອງປີ 018. 3. ນັບແຕ່ປີ 2019 ເປັນຕົ້ນໄປ ສຳລັບ ບຸກຄົນ,​ນິຕິບຸກຄົນ ຫຼື ອົງການຈັດຕັ້ງ ທີ່ໄດ້ຊື້ຍານພາຫະນະໃໝ່ (ອອກຈາກຮ້ານ) ໃນເດືອນຕຸລາ – ເດືອນທັນວາ ...

ສຳນັກຂ່າວຊິນຫົວລາຍງານໃນວັນທີ 18 ກຸມພາ 2019 ວ່າ ບໍລິສັດຫົວເຫວີຍ ລາຍໃຫ່ຍດ້ານເຕັກໂນໂລຊີຂອງຈີນ ເປີດຕົວລະບົບ 5 ຈີ ໃນອາຄານເປັນຄັ້ງທຳອິດຂອງໂລກ ທີ່ສະຖານີລົດໄຟຫົງສຽວຂອງນະຄອນຊຽງໄຮ້ ໜຶ່ງໃນອາຄານຜູ້ໂດຍສານທີ່ສຳຄັນໃນເຄືອຂ່າຍລົດໄຟຂອງຈີນ ໂດຍໄດ້ອັບເດດບໍລິການອິນເຕີເນັດພາຍໃນສະຖານີ ເຊິ່ງເຮັດໃຫ້ສະຖານີລົດໄຟແຫ່ງນີ້ ເປັນ Smart ສະຖານີທີ່ສຸດໃນໂລກ ໂຄງການດັ່ງກ່າວນັບເປັນກ້າວສຳຄັນແຫ່ງວິວັດທະນາການຂອງເຄືອຂ່າຍທາງລົດໄຟແດນມັງກອນ ເຊິ່ງລວມເອົານະວັດຕະກຳ ແລະ ເຕັກໂນໂລຊີທີ່ທັນສະໄໝຫຼາຍຢ່າງໄວ້ດ້ວຍກັນ ເຊັ່ນການຈື່ຈຳໃບໜ້າແທນການໃຊ້ປີ້, ການໃຊ້ແອັບໃນສະມາດໂຟນສົ່ງອາຫານ ມາສົ່ງໃນລະຫວ່າງການເດີນທາງຢູ່ລົດໄຟເປັນຕົ້ນ ຈາກຖະແຫຼງຂ່າວຢູ່ເວັບໄຊຂອງບໍລິສັດ ຈົນເຖິງທ້າຍເດືອນມັງກອນຜ່ານມາ ຫົວເຫວີຍໄດ້ເຂົ້າຮ່ວມເປັນພັນທະມິດການຄ້າກັບພາດເນີ 5 ຈີ ຫຼາຍກ່ວາ 50 ຄົນ ໃນທົ່ວໂລກ ແລະ ໄດ້ສ້າງສະຖານີ 5 ຈີ ແລ້ວຫຼາຍກ່ວາ 25.000 ແຫ່ງທົ່ວໂລກ ທີ່ມາ: ABC Laos news ສຳນັກຂ່າວເອບີຊີລາວ

Freelance ທີ່ຖືກຈ້າງຫຼາຍທີ່ສຸດ… ພະນັກງານ Freelance ຍັງຄົງເປັນອາຊີບທີ່ດີທີ່ສຸດຂອງຄົນຍຸກນີ້, ເຊິ່ງຈາກສະຖິຕິລະບຸວ່າ ປັດຈຸບັນອາຊີບ Freelance ໃນບ້ານເຮົາເພີ່ມຂຶ້ນຫຼາຍ ແລະ ມີທ່າອ່ຽງວ່າຈະເພີ່ມຂຶ້ນອີກໃນອະນາຄົດ. ເຊິ່ງເຫດຜົນຫຼັກໆທີ່ເຮັດໃຫ້ອາຊີບນີ້ໄດ້ຮັບຄວາມສົນໃຈຄື ໄດ້ເປັນນາຍຕົນເອງ, ບໍ່ມີໝູ່ຮ່ວມງານຄອຍກວນໃຈ, ຫາກບໍລິຫານຈັດການເວລາໄດ້ດີ ກໍມີເວລາວ່າງຫຼາຍພໍທີ່ຈະເຮັດໃນສິ່ງທີ່ຢາກເຮັດ ແລະ ເປັນທີ່ຕ້ອງການຂອງຕະຫຼາດ. ເພາະສາມາດຊ່ວຍຜູ້ຈ້າງຫຼຸດຄ່າໃຊ້ຈ່າຍໄດ້ເຖິງ 60% ເມື່ອທຽບກັບການຈ້າງພະນັກງານປະຈໍາ. ສໍາລັບຄົນທີ່ຢາກຍ່າງຕາມເສັ້ນທາງສາຍນີ້ ຕ້ອງກຽມຕົວໃຫ້ພ້ອມທັງໃນເລື່ອງຂອງແຟ້ມຜົນງານ ເພື່ອໃຊ້ປະກອບການສະເໜີວຽກໃຫ້ລູກຄ້າ, ຕາຕະລາງການເຮັດວຽກທີ່ຕ້ອງຈັດໃຫ້ຊັດເຈນ ເພື່ອຈະໄດ້ຮັບບໍລິຫານເວລາໄດ້ຢ່າງມີປະສິດທິພາບ ແລະ ສຶກສາເລື່ອງອື່ນໆທີ່ກ່ຽວຂ້ອງ ເພື່ອຮັກສາຜົນປະໂຫຍດຂອງຕົນເອງໃຫ້ໄດ້ຫຼາຍທີ່ສຸດ ເຊັ່ນ ເງື່ນໄຂການຈ້າງວຽກ ແລະ ການກໍານົດລາຄາຄ່າຈ້າງຢ່າງເໝາະສົມ ເປັນຕົ້ນ. ນອກນັ້ນ Freelance ຍັງຈໍາເປັນຕ້ອງຮູ້ແນວໂນ້ມຂອງຜູ້ຈ້າງນໍາວ່າ ໄລຍະນີ້ນິຍົມຈ້າງວຽກປະເພດໃດ ເພື່ອຈະໄດ້ກຽມພ້ອມຮັບມືກັບປະລິມານວຽກທີ່ອາດຈະເພີ່ມຂຶ້ນ, ຫາກເປັນ Freelance ໃນປະເພດວຽກນັ້ນ ຫຼືຈະໄດ້ປ່ຽນສາຍວຽກໄດ້ທ່ວງທັນ ເພື່ອຮອງຮັບຄວາມຕ້ອງການຂອງຜູ້ຈ້າງ. ໂດຍຫຼ້າສຸດ Facebook Platform ທີ່ຮວບຮວມຂໍ້ມູນ Freelance ແລະ ມືອາຊີບດ້ານຕ່າງໆກວ່າ 30.000 ວຽກ. ໄດ້ເປີດເຜີຍ 5 ປະເພດວຽກທີ່ຖືກຈ້າງຫຼາຍທີ່ສຸດ ດັ່ງນີ້ ອັນດັບ 1: Graphic ...

ທຸລະກິດຂະຫຍາຍໄວຈົນເປັນອັນຕະລາຍ… Startup ມືໃໝ່ມັກຈະພາວະນາໃຫ້ທຸລະກິດຂອງຕົວເອງກ້າວໜ້າ ແລະ ເຕີບໃຫຍ່ຢ່າງໄວວາ. ແຕ່ບາງຄັ້ງການທີ່ເຮົາປະສົບຄວາມສໍາເລັດແບບກ້າວກະໂດດກໍຈະເປັນອັນຕະລາຍໃຫ້ກັບທຸລະກິດໄດ້ ເຊັ່ນ ບໍ່ມີຄວາມພ້ອມໃນການຮັບມືກັບຄວາມປ່ຽນແປງ, ຕັດສິນໃຈແກ້ໄຂບັນຫາບໍ່ທັນ, ບໍ່ມີແຜນຮັບມືໃນເລື່ອງຕ່າງໆ ແລະ ຫຼາຍໆເລື່ອງ ໂດຍເຮົາສາມາດສຶກສາໄດ້ຈາກບົດຮຽນຂອງຜູ້ປະກອບການທີ່ເຕີບໃຫຍ່ຢ່າງໄວວາ ຈະສົ່ງຜົນທະໃນທາງລົບຕໍ່ທຸລະກິໄດ້ ເລີ່ມຈາກ: ວັດທະນະທໍາອົງກອນໄດ້ຮັບຜົນກະທົບ ໜຶ່ງບັນຫາສໍາຄັນທີ່ບໍ່ມີໃຜຄາດຄິດກໍຄື ເມື່ອບຸກຄະລິກກະພາບ ແລະ ວັດທະນະທໍາອົງກອນຍັງບໍ່ແຂງແຮງ ຫຼືຍັງບໍ່ເປັນໄປຕາມໂຄສະນາ ຫຼືປະຊາສໍາພັນອອກໄປ. ແບຣນຍ່ອມໄດ້ຮັບຜົນກະທົບ ແລະ ຖືກກ່າວຫາວ່າສ້າງພາບໄດ້ງ່າຍໆ ຕົວຢ່າງ: ເຮົາບອກໄປເວົ້າວ່າ ທຸລະກິດຂອງເຮົາໃນຕອນນີ້ເປັນສັງຄົມແຫ່ງຄວາມສະເໝີພາບ, ຍຶດໝັ້ນຫຼັກຄວາມເທົ່າທຽມກັນ. ແຕ່ຄົນໃນບໍລິສັດກີດກັນເພດທີສາມ ຫຼືບໍ່ໃຫ້ໂອກາດຜູ້ພິການເຂົ້າເຮັດວຽກດ້ວຍອັກຄະຕິສ່ວນຕົວ ແບບນີ້ເອີ້ນວ່າຂັດກັບຄວາມເປັນຈິງ ແລະ ຈະຖືກໂຈມຕີໃນທີ່ສຸດ. ສິ່ງທີ່ຕ້ອງເຮັດ: ໃນໄລຍະທໍາອິດ ເຮົາສາມາດຫຼໍ່ຫຼອມວັດທະນະທໍາອົງກອນໄດ້ບໍ່ຍາກ ເພາະມີຈໍານວນພະນັກງານບໍ່ເທົ່າໃດຄົນ ແລະ ເມື່ອຕ້ອງຂະຫຍາຍທຸລະກິດ ພະຍາຍາມຊອກວິທີໃຫ້ແນ່ໃຈວ່າໄດ້ປູກຝັງວັດທະນະທໍາທີ່ດີ ແລະ ແບບດຽວກັນໃຫ້ພະນັກງານທຸກຄົນແລ້ວ. ຄວາມຊັບຊ້ອນທາງດ້ານການເງິນ ຫາກທຸລະກິດຂອງເຮົາເຕີບໃຫຍ່ຂຶ້ນຢ່າງໄວວາດ້ວຍເງິນຈາກນັກລົງທຶນ ເຊິ່ງຫຼາຍຄົນເບິ່ງວ່າເປັນເລື່ອງທີ່ດີ, ໃນຂະນະທີ່ບາງຄົນເບິ່ງວ່າເປັນຝັນຮ້າຍ. ຄວາມຈິງທຸລະກິດກໍມີທັງດ້ານບວກ ແລະ ດ້ານລົບ ໂດຍໃນດ້ານລົບນັ້ນຜູ້ໃຫ້ເງິນສະໜັບສະໜູນຍ່ອມຫວັງຜົນຕອບແທນ, ອາດຈະຄອຍເບິ່ງເຮົາທຸກກ້າວຍ່າງ, ຄອຍຄວບຄຸມ ແລະ ຮ້າຍແຮງໄປກວ່ານັ້ນຄືອອກຄໍາສັ່ງກັບເຮົາໂດຍກົງ. ສິ່ງທີ່ຕ້ອງເຮັດ: ກ່ອນຈະຂໍເງິນຈາກແຫຼ່ງທຶນໃດໆ ພະຍາຍາມເຮັດວຽກບ້ານໃຫ້ດີວ່າ ຜູ້ໃຫ້ເງິນຕ້ອງການຫຍັງຈາກເຮົາ ແລະ ...

ໂດຍຕອບ​ສະ​ໜອງ​ຕາມ​ຄຳ​ເຊີນ​ຂອງ ສົມເດັດ ຊຸນຕານ ຮາຈິ ຮັດຊານານ ໂບນເກຍ ແຫ່ງ ບຣູໄນ ດາຣູຊາລາມ, ​ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສາ​ທາ​ລະ​ນະ​ລັດ ປະ​ຊາ​ທິ​ປະ​ໄຕ ປະ​ຊາ​ຊົນ​ລາວ ແລະ ​ຄະ​ນະ ເດີນ​ທາງ​ຢ້ຽມ​ຢາມ​ ປະເທດບຣູໄນ ດາຣູຊາລາມ ຢ່າງ​ເປັນທາງ​ການ ໃນລະຫວ່າງວັນ​ທີ 16-17 ກຸມພາ 2019, ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ລາວ-ບຣູໄນ, ເຊິ່ງເປັນການຢ້ຽມຢາມຄັ້ງທຳອິດ ນັບຕັ້ງແຕ່ດຳລົງຕຳແໜ່ງເປັນນາຍົກລັດຖະມົນຕີ ແຫ່ງ ສປປ ລາວ. ໃນວັນທີ 16 ກຸມພາ 2019, ທີ່ ພະລາຊະວັງ ອິດສະຕານາ ນູຣູນ ອີມານ ແຫ່ງ ບຣູໄນ ດາຣູຊາລາມ, ພາຍຫຼັງພິທີຕ້ອນຮັບຢ່າງເປັນທາງການ, ​ພະນະທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ພົບປະສອງຝ່າຍກັບ ສົມເດັດ ຊຸນຕານ ...

ປີ 2019 ວາລະສານ ວັນເດີລັດ (Wanderlust Magazine) ຂອງອັງກິດ ໄດ້ຈັດໃຫ້ ນະຄອນຫຼວງພະບາງ ເປັນເມືອງທ່ອງທ່ຽວຍອດນິຍົມໃນໂລກ ອີກຄັ້ງ ຫຼັງຈາກທີ່ເຄີຍເປັນລຳດັບ 1 ມາແລ້ວ 8 ຄັ້ງ ແລະ ເຄີຍຕິດ 1 ໃນ 10 ລຳດັບ ເຖິງ 12 ຄັ້ງ. ວິທີການຈັດລຳດັບຂອງ ວາລະສານ ວັນເດີລັດ ແມ່ນເປີດໂອກາດໃຫ້ສະມາຊິກ ຂອງ ວາລະສານ ຈາກທົ່ວໂລກ ເລືອກເອົາເມືອງທີ່ພວກຕົນເອງມັກທີ່ສຸດ. 10 ເມືອງ ທີ່ນັກທ່ອງທ່ຽວ ໃຫ້ຄະແນນ ວ່າ ເປັນເມືອງຍອດນິຍົມໃນການທ່ອງທ່ຽວ ໃນປີ 2019 ລວມມີ: ນະຄອນຫຼວງພະບາງ 95.25%, ຮອງລົງມາແມ່ນ Granada (ສະເປນ) 94.78%, Seville (ສະເປນ) 94.62%, Cape Town (ອັບຝຣິກາໃຕ້) 94.44%, Krakow (ໂປແລນ) 94.08%, Edinburgh (ສະກອດແລນ) ...

ໃນວັນທີ 13 ກຸມພາ 2019 ທີ່ຜ່ານມາ, ສາຍການບິນ ແອເອເຊຍໄດ້ຈັດງານພົບປະສື່ມວນຊົນລາວ ແລະ ຖະແຫຼງຂ່າວ ກ່ຽວກັບສາຍການບິນແອເອເຊຍ ເປັນສາຍການບິນລາຄາປະຢັດ ທີ່ດີທີ່ສຸດໃນໂລກ ດ້ວຍການໄດ້ຮັບລາງວັນ 10 ປີຊ້ອນ.  ໃຫ້ກຽດເປັນປະທານໄດ້ແກ່: ທ່ານ ນາງ ລັດດາວັນ ມີຊັບວັດທະນາ ຜູ້ຈັດການ ຝ່າຍການຕະຫຼາດອິນດູຈີນ ຂອງສາຍການບິນ ແອເອເຊຍ ພ້ອມດ້ວຍແຂກທີ່ຖືກເຊີນເຂົ້າຮ່ວມງານ.  ທ່ານ ນາງ ລັດດາວັນ ມີຊັບວັດທະນາ ຜູ້ຈັດການ ຝ່າຍການຕະຫຼາດອິນດູຈີນ ໄດ້ກ່າວວ່າ: ແອເອເຊຍພ້ອມທີ່ຈະໃຫ້ບໍລິການດ້ວຍມາດຕະຖານສາກົນ ແລະ ເປີດເສັ້ນທາງບິນໃໝ່ ເພື່ອເຊື່ອມໂຍງເຂດພາກພື້ນອາຊີຕາເວັນອອກສຽງໃຕ້ ໃຫ້ຄວບຄຸມ ເພື່ອອໍານວຍຄວາມສະດວກດ້ານການເດີນທາງໃຫ້ຊາວລາວ. ປັດຈຸບັນ, ປະເທດໄທ ເປັນແຫຼ່ງທ່ອງທ່ຽວທີ່ຄົນລາວນິຍົມເດີນທາງໄປຊື້ເຄື່ອງ ແລະ ທ່ອງທ່ຽວ. ສ່ວນປະເທດ ມາເລເຊຍ ເປັນເມືອງທາງດ້ານການຄ້າ ແລະການລົງທຶນທີ່ສໍາຄັນໃນອາຊຽນ. ແອເອເຊຍ ໄດ້ເປີດໃຫ້ບໍລິການບິນກົງສູ່ປະເທດລາວຢ່າງຕໍ່ເນື່ອງ ພ້ອມນໍາສະເໜີເສັ້ນທາງບິນເຊື່ອງໂຍງລາວສູ່ 130 ປາຍທາງ ໃນທົ່ວໂລກ ຄວບຄຸມເສັ້ນທາງບິນສູ່ຂົງເຂດ ອາຊີຕາເວັນອອກສ່ຽງໃຕ້ ແລະ ທົ່ວອາຊີ. ປັດຈຸບັນ, ແອເອເຊຍ ໃຫ້ບໍລິການຢູ່ໃນປະເທດລາວ 2 ແຂວງ ຄື: ນະຄອນຫຼວງວຽງຈັນ ...

ໃນວັນທີ 14 ກຸມພາ 2019, ຜູ້ຕາງໜ້າຈາກອົງການ ການກຸສົນ Spirit of America ແລະ ສະຖານທູດສະຫະລັດອາເມຣິກາ  ໄດ້ມອບອຸປະກອນ ເປັນຈຳນວນເງິນ ຫຼາຍກວ່າ 10.000 ໂດລາສະຫະລັດ ເພື່ອສົ່ງເສີມ Laos Buffalo Dairy ຢູ່ທີ່ນະຄອນຫຼວງພະບາງ. The Laos Buffalo Dairy ແມ່ນເປັນທຸລະກິດຮ່ວມ ຂອງສະຫະລັດອາເມຣິກາ ຢູ່ທີ່ຫຼວງພະບາງໂດຍການເຊົ່າສັດລ້ຽງເຊັ່ນ: ຄວາຍ ຈາກຊາວກະສິກອນເພື່ອແລກປ່ຽນກັບນໍ້ານົມຄວາຍ. ຫຼັງຈາກນັ້ນ, ນໍ້ານົມຄວາຍຈະໄດ້ຖືກນຳໄປແປຮູບເປັນຫຼາກຫຼາຍຜະລິຕະພັນ ເຊັ່ນ:  ເນີຍແຂງ, ນົມສົ້ມ ແລະ ກະແລມ ເພື່ອໄປຈຳໜ່າຍ ໃນຕະຫຼາດທ້ອງຖິ່ນ. Laos Buffalo Dairy ໄດ້ສ້າງລະບົບຕ່ອງໂສ້ການຜະລິດເພື່ອສະໜອງຜະລິດຕະພັນໃຫ້ແກ່ຮ້ານອາຫານ ທີ່ຫຼວງພະບາງ ແລະ ນະຄອນຫຼວງວຽງຈັນ ແລະ ໃນຫວ່າງບໍ່ດົນມານີ້ ໄດ້ມີບັນດາປະເທດໃນອາຊີລວມທັງປະເທດຍີ່ປຸ່ນ ທີ່ໄດ້ສັ່ງຊື້ຜະລິດຕະພັນດັ່ງກ່າວ. ນັບຕັ້ງແຕ່ເປີດທຳການຜະລິດໃນປີ 2016, The Laos Buffalo Dairy ໄດ້ເພີ່ມການຜະລິດໃນແຕ່ລະມື້ເພື່ອຕອບສະໜອງຄວາມຮຽກຮ້ອງຕ້ອງການໃຫ້ແກ່ລູກຄ້າທັງພາຍໃນ ແລະ ຕ່າງປະເທດ ທີ່ມີຈຳນວນເພີ່ມຂື້ນ ...

ເຟສບຸກ “FaceBook” ກາຍເປັນສື່ສັງຄົມອອນໄລ໌ທີ່ຄົນເຮົາສ່ວນຫຼາຍນັບທັງແອັດມິນເອງກໍຕິດໂລກອອນໄລ໌ເປັນທີ່ສຸດ 5555 ຫຼາຍຕໍ່ຫຼາຍຄົນເຖິງຂັ້ນຕ້ອງໄດ້ເປີດໂທລະສັບມືຖືສະມາດໂຟນເລື່ອນເບິ່ງໜ້າຟີດຂ່າວເຟສບຸກຢູ່ຕະຫຼອດເວລາ ແບບວ່າປາສະຈາກໄປ ບໍ່ໄດ້ ບໍ່ວ່າຈະເຂົ້າຫ້ອງນໍ້າ, ກິນເຂົ້າ, ກ່ອນນອນ…..ຈົນມັນກາຍເປັນສ່ວນໜຶ່ງຂອງກິດຈະວັດປະຈຳວັນໃນການໃຊ້ຊີວິດຂອງຄົນເຮົາໄປແລ້ວ. ມີລາຍງານວິໄຈຈາກ New York University and Stanford ຊີ້ໃຫ້ເຫັນວ່າ ຜູ້ໃຊ້ເຟສບຸກຈະມີຄວາມສຸກກັບການໃຊ້ຊີວິດຫຼາຍຂຶ້ນ ແລະ ມີຄວາມວິຕົກກັງວົນ,​ຄິດຫຼາຍ, ຄວາມຄຽດໜ້ອຍລົງ ຈາກການຢຸດຫຼິ້ນເຟສບຸກ ເພາະພວກເຂົາ ມີກິດຈະກຳຫຼາຍສິ່ງຫຼາຍຢ່າງທີ່ຕ້ອງເຮັດ ບໍ່ວ່າຈະເປັນການພົບປະກັບໝູ່ເພື່ອນ, ທ່ອງທ່ຽວກັບຄອບຄົວ ແລະ ເບິ່ງໂທລະພາບ ໂດຍບໍ່ຕ້ອງເສຍເວລາກັບການຕິດຕາມຂ່າວຄາວຕ່າງໆທີ່ຫຼາກຫຼາຍໃນໜ້າຟີດຂ່າວ ທີ່ມີຂ່າວດີແດ່ບໍ່ດີແດ່, ມີທັງໂຄສະນາທີ່ລໍໜ້າລໍຕາລໍໃຈເຮັດໃຫ້ເຮົາຢາກຊື້ສິນຄ້ານັ້ນນີ້ ມາໃຫ້ຄິດແບບເຈັບຫົວ. ແຕ່ຜົນວິໄຈນີ້ ກໍບໍ່ໄດ້ໂນ້ມນ້າວໃຈໃຫ້ຄົນລົບເຟສບຸກອອກຈາກມືຖື ເນື່ອງຈາກຜົນວິໄຈນີ້ຍັງມີຫຼາຍເລື່ອງທີ່ຕ້ອງພິຈາລະນະ ໂດຍ  TechCrunch ທີ່ມາ: https://www.blognone.com/node/107892

ກະຊວງການເງິນ ໄດ້ຈັດກອງປະຊຸມ ຄົບຄະນະບໍລິຫານງານພັກ ເປີດກວ້າງຄັ້ງທີ 7 ສະໄໝທີ II ຂຶ້ນໃນວັນທີ 13 ກຸມພາ 2019, ໂດຍການເປັນປະທານ ຂອງສະຫາຍ ສົມດີ ດວງດີ ກຳມະການສູນກາງພັກ, ເລຂາຄະນະພັກ, ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ມີບັນດາສະຫາຍ ກຳມະການປະຈຳພັກ, ກຳມະການຄະນະບໍລິຫານພັກ, ເລຂາຄະນະພັກຮາກຖານ ພາຍໃນກະຊວງການເງິນ ເຂົ້າຮ່ວມ. ໂອກາດດັ່ງກ່າວ, ສະຫາຍ ສົມດີ ດວງດີ ໄດ້ສະຫຼຸບຕີລາຄາ ການຊີ້ນຳ-ນຳພາຮອບດ້ານ ຂອງຄະນະພັກກະຊວງການເງິນ ປີ 2018 ແລະ ທິດທາງວຽກງານຈຸດສຸມປີ 2019, ເຊິ່ງຄະນະບໍລິ ຫານງານກະຊວງການເງິນ ໄດ້ເອົາໃຈໃສ່ຊີ້ນຳ-ນຳພາ ຄະນະພັກ, ຄະນະນຳ ແຕ່ລະຂັ້ນ ເອົາໃຈໃສ່ ປະຕິບັດໜ້າທີ່ການເມືອງ ທີ່ໄດ້ຮັບມອບໝາຍໃຫ້ມີປະສິດທິພາບ ແລະ ມີຜົນສຳເລັດໃນແຕ່ລະດ້ານ. ພ້ອມດຽວກັນນັ້ນ, ຄະນະພັກແຕ່ລະຂັ້ນ ໄດ້ສຸມໃສ່ແກ້ໄຂສະພາບແນວຄິດ ຂອງພະນັກງານຈຳນວນໜຶ່ງ ທີ່ມີຄວາມຮັບຜິດຊອບທາງດ້ານການເມືອງບໍ່ທັນສູງ, ແນວຄິດເຫັນແກ່ຜົນປະໂຫຍດສ່ວນຕົວ, ຂາດຄວາມກະຕືລືລົ້ນ, ສວຍໃຊ້ໜ້າທີ່ ທີ່ບໍ່ຖືກຕ້ອງຕາມລະບຽບກົດໝາຍ ໃຫ້ມີການຫັນປ່ຽນຢ່າງຕັ້ງໜ້າ ໂດຍການນຳໃຊ້ຫຼາຍຮູບແບບ, ຫຼາຍວິທີ ...