News

ກົມປູກຝັງ ກະຊວງກະສິກໍາ ແລະ ປ່າໄມ້ ຮ່ວມກັບ ບໍລິສັດ ໄໝສຽງພັດທະນາກະສິກໍາ ແຂວງໄຮ່ລົງຈ່ຽງ ຈໍາກັດ ແຫ່ງ ສປ ຈີນ ໄດ້ເຊັນບົດບັນທຶກຄວາມເຂົ້າໃຈຮ່ວມມືດ້ານກະສິກໍາສະອາດທັນສະໄໝໃນວັນທີ 17 ມີນາ ໃຫ້ກຽດຮ່ວມລົງນາມໃນສັນຍາໂດຍທ່ານ ບຸນຈັນ ກົມບຸນຍະສິດ ຫົວໜ້າກົມປູກຝັງ, ທ່ານນາງ ເອີເວ ປະທານບໍລິສັດ ໄໝສຽງພັດທະນາກະສິກໍາ ແຂວງໄຮ່ລົງຈ່ຽງ ແຫ່ງ ສປ ຈີນ. ໃນພິທີ, ທ່ານຮອງຫົວໜ້າກົມປູກຝັງໄດ້ລາຍງານວ່າ: ໂຄງການດັ່ງກ່າວໄດ້ເຊັນບັນທຶກຄວາມເຂົ້າໃຈມາແຕ່ປີ 2018 ແຕ່ເນື່ອງດ້ວຍມີການລະບາດຂອງພະຍາດໂຄວິດ ຈຶ່ງບໍ່ສາມາດດຳເນີນການໄດ້. ມາຮອດປັດຈຸບັນ ບໍລິສັດມີຄວາມພ້ອມສືບຕໍ່ຈັດຕັ້ງປະຕິບັດ ແລະ ໄດ້ຮ່ວມກັບກົມປູກຝັງ ຄົ້ນຄວ້າ, ປຶກສາຫາລື, ປັບປຸງບົດບັນທຶກຄວາມເຂົ້າໃຈ ຮ່ວມມືດ້ານກະສິກຳສະອາດ ທັນສະໄໝຄືນໃໝ່, ເພື່ອການຜະລິດພືດຜັກ ແລະ ໝາກໄມ້ສະອາດທັນສະໄໝ ແລະ ນຳໃຊ້ພະລັງງານແສງຕາເວັນ ເຂົ້າໃນການຜະລິດສະອາດ. ໂຄງການດັ່ງກ່າວ ຈະໄດ້ຈັດຕັ້ງປະຕິບັດ 4 ຈຸດ ຄື: ຢູ່ສູນມາດຕະຖານກະສິກຳສະອາດ, ກົມປູກຝັງ, ບ້ານໄຜ່ລ້ອມ, ບ້ານ ດົງບັງ ແລະ ບ້ານແກ້ງໄຄ້, ...

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໂອ້ລົມພາກທຸລະກິດທົດລອງໂອນຫົວໜ່ວຍທຸລະກິດ ໃຫ້ 9 ແຂວງຄຸ້ມຄອງປະຈໍາປີ 2023 ໃນວັນທີ 17 ມີນາ 2023 ປະກອບມີ: ແຂວງຫລວງພະບາງ, ຫລວງນໍ້າທາ, ໄຊຍະບູລີ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ອັດຕະປື, ເຊກອງ ແລະ ແຂວງຈໍາປາສັກ. ທ່ານລັດຖະມົນຕີ ກະຊວງການເງິນ ໄດ້ມີຄຳເຫັນເນັ້ນຕື່ມວ່າ: ບັນດາຫົວໜ່ວຍທຸລະກິດທີ່ມອບໂອນຈາກສູນກາງ ໄປສູ່ບັນດາແຂວງຄຸ້ມຄອງໃນຄັ້ງນີ້ ໃຫ້ນຳໄປຈັດຕັ້ງປະຕິບັດຖືກຕ້ອງຕາມກົນໄກທີ່ໄດ້ກຳນົດໄວ້ ເປັນຕົ້ນ ຫົວໜ່ວຍທຸລະກິດ ຕ້ອງໄດ້ເອົາໃຈໃສ່ໃນການຈັດຕັ້ງປະຕິບັດການມອບພັນທະສ່ວຍສາອາກອນທຸກປະເພດ, ຄ່າເຊົ່າ, ຄ່າສຳປະທານ, ຄ່າພາກຫລວງ, ຄ່າຊັບພະຍາ ກອນທຳມະຊາດ ແລະ ລາຍຮັບອື່ນໆເຂົ້າງົບປະມານຂອງແຂວງ ໃຫ້ຖືກຕ້ອງ, ຄົບຖ້ວນ… ການເຮັດທົດລອງ ການມອບຫົວໜ່ວຍວິສາຫະກິດທີ່ສູນກາງຄຸ້ມຄອງ ໃນໄລຍະຜ່ານມາໃຫ້ບັນ ດາແຂວງສືບຕໍ່ຄຸ້ມຄອງ ແລະ ຈັດຕັ້ງປະຕິບັດນັບແຕ່ປີ 2023 ເປັນຕົ້ນໄປ ເພື່ອໃຫ້ບັນດາແຂວງມີຄວາມເຂັ້ມແຂງດ້ວຍຕົນເອງເທື່ອລະກ້າວ ແລະ ເປັນແຂວງເກີນດຸນທາງດ້ານງົບປະມານ (ລາຍຮັບກຸ້ມລາຍຈ່າຍ ແລະ ມີສ່ວນເຫລືອດຸ່ນດ່ຽງໃຫ້ສູນກາງ). ທີ່ມາ: ກະຊວງການເງິນ #TargetMagazine

ຈາກລູກຄ້າກາຍເປັນເຈົ້າຂອງສວນ! ຈີນ ປູກຖົ່ວລຽນເອງໄດ້ແລ້ວ ກຽມເກັບກ່ຽວ 2.450 ໂຕນ ປະມານ 0,3% ຂອງການນໍາເຂົ້າຖົ່ວລຽນປີ 2022. ເວັບໄຊ້ Say ປະເທດ ມາເລເຊຍ ລາຍງານວ່າ: ສປ ຈີນ ສາມາດປູກຖົ່ວລຽນເອງໄດ້ແລ້ວ ແລະ ຄາດວ່າ ຈະເກັບກ່ຽວປະມານ 2.450 ໂຕນ ໃນເດືອນ ມິຖຸນານີ້ ເນື່ອງຈາກຖົ່ວລຽນເປັນໝາກໄມ້ທີ່ຄົນຈີນນິຍົມ ຈົນຕະຫຼາດຖົ່ວລຽນໃນຂົງເຂດອາຊີຕາເວັນອອກສ່ຽງໃຕ້ເຕີບໂຕ ຈາກການສົ່ງອອກຖົ່ວລຽນໄປ ສປ ຈີນ. ແຕ່ຜົນສໍາເລັດໃນການປູກຖົ່ວລຽນຂອງ ສປ ຈີນຄັ້ງນີ້ ອາດກະທົບການສົ່ງອອກຖົ່ວລຽນ “ໄທ” ເນື່ອງຈາກປີຜ່ານມາ ໄທ ສົ່ງອອກຖົ່ວລຽນໄປຈີນສູງເປັນອັນດັບຕົ້ນໆ ເຖິງ 90%. ມີຂໍ້ມູນຈາກໂລກອອນລາຍ ທີ່ເຜີຍແຜ່ຄຣິບຂອງຊາຍຈີນ ກຳລັງຖ່າຍວິດີໂອໃຫ້ເບິ່ງສວນຖົ່ວລຽນທີ່ມີຕົ້ນຖົ່ວລຽນຈໍານວນຫຼາຍ ໂດຍລະບຸວ່າ “ທີ່ນີ້ບໍ່ແມ່ນມາເລເຊຍ ຫຼື ໄທ ແຕ່ເປັນ ຈີນ ຊາວສວນຢູ່ນີ້ກໍແມ່ນຄົນຈີນ”.ໂດຍໃຫ້ຂໍ້ມູນວ່າສວນຖົ່ວລຽນແຫ່ງນີ້ຈະເກັບກ່ຽວຜົນຜະລິດປະມານ 93 ເຮັກຕາ ໃນເດືອນມມິຖຸນານີ້ ຄາດວ່າຜົນຜະລິດທັງໝົດຈະໄດ້ປະມານ 2.450 ໂຕນ ຫຼືປະມານ 0,3% ຂອງການນໍາເຂົ້າຖົ່ວລຽນຂອງຈີນໃນປີ 2022 ...

ເປັນຂ່າວດັງຮືຮາຢ່າງຕໍ່ເນື່ອງ, ທີ່ທົ່ວໂລກໃຫ້ຄວາມສົນໃຈເປັນພິເສດ ກັບການປິດຕົວລົງຂອງທະນາຄານທຸລະກິດໃນສະຫະລັດອາເມຣິກາ, ຊຶ່ງອາທິດດຽວ ຢຸດຕິການດຳເນີນທຸລະກິດແລ້ວ 3 ແຫ່ງ ເຊັ່ນ: ທະນາຄານ ຊິວເວີເກດ (Silvergate) ທະນາຄານ ເອັສວີບີ (SVB) ແລະ ຊິກເນເຈີແບັງ (SIGNATURE BANK). ສິ່ງດັ່ງກ່າວໄດ້ກະທົບຕໍ່ຄວາມເຊື່ອໝັ້ນຂອງນັກລົງທຶນທົ່ວໂລກ ແລະ ກັງວົນວ່າຈະເກີດວິກິດການເງິນອີກຮອບໃໝ່. ເຖິງຢ່າງໃດກໍ່ຕາມ, ນັກເສດຖະສາດໃຫ້ທັດສະນະວ່າ: ເຫດການດັ່ງກ່າວແຕກຕ່າງຈາກຫຼາຍປີຜ່ານມາ ທີ່ໂລກຜະເຊີນກັບວິກິດຄັ້ງກ່ອນໆ; ເຖິງຈະເປັນວິກິດຂັ້ນເລີ່ມຕົ້ນ ແຕ່ບໍ່ຄວນປະໝາດ ເພາະນີ້ອາດເປັນສັນຍານເຕືອນຈຸດເລີ່ມຕົ້ນຂອງເສດຖະກິດໂລກຖົດຖອຍ. ເຫດຜົນທີ່ເກີດເຫດການດັ່ງກ່າວ: ບັນຫາຂອງທະນາຄານທຸລະກິດທັງ 3 ແຫ່ງເກີດມາຈາກ ການບໍລິຫານຊັບສິນ ແລະ ໜີ້ສິນທີ່ຜິດພາດເທົ່ານັ້ນ, ບໍ່ເຖິງຂັ້ນເປັນວິກິດການເງິນທົ່ວໂລກແຕ່ຢ່າງໃດ?. ແນວໃດກໍ່ດີ, ສະຫະລັດອາເມຣິກາ ໄດ້ມີມາດຕະການເພື່ອດູແລເງິນຝາກຂອງລູກຄ້າ, ການປົກປ້ອງລູກຄ້າ ແລະ ມີນະໂຍບາຍຫຼາຍຢ່າງ ເພື່ອດຶດຄວາມເຊື່ອໝັ້ນໄດ້ໃນລະດັບໃດໜຶ່ງ. ນັດເສດຖະສາດທ່ານໜຶ່ງ ກ່າວວ່າ: ເມື່ອໃດກໍ່ຕາມທີ່ທະນາຄານກາງສະຫະລັດ ມີການຂຶ້ນດອກເບ້ຍສູງໆ ເພື່ອສູ້ກັບເງິນເຟີ້ ກໍ່ມັກຈະມີບັນຫາຕາມມາ, ສິ່ງທີ່ຫຼີກລຽງບໍ່ໄດ້ກໍ່ຄືພາວະເສດຖະກິດຖົດຖອຍ ແລະ ນີ້ຄືຕົວຢ່າງທີ່ຕ້ອງເອົາເປັນບົດຮຽນ. ສໍາລັບຜົນກະທົບ ຕໍ່ສະຖຽນລະພາບດ້ານເງິນໃນອາຊຽນຍັງບໍ່ມີ ເພາະວ່າທະນາຄານທຸລະກິດໂດຍສ່ວນໃຫຍ່ ບໍ່ໄດ້ມີການເຮັດທຸລະກໍາໂດຍກົງກັບ 3 ທະນາຄານດັ່ງກ່າວ ແລະ ປະລິມານທຸລະກຳໃນຟິນເທັກ ...

TARGET ມີຂ່າວດີຈະມາບອກ:ທະນາຄານພັດທະນາລາວ (LDB Bank) ເອົາໃຈຄົນຫຍຸ້ງວຽກ ດ້ວຍການໃຫ້ບໍລິການ ຊໍາລະຄ່າທໍານຽມທາງແບບ Online, ເຖິງວ່າທ່ານຈະຄາວຽກ, ບໍ່ມີເວລາ ແລະ ບໍ່ວ່າທ່ານຈະຢູ່ໃສ ກໍ່ສາມາດຊຳລະຄ່າທຳນຽມທາງໄດ້ ດ້ວຍແອັບ LDB TRUST ແລະ ແອັບ LDB Biz ໄດ້ຕະຫຼອດ 24 ຊົ່ວໂມງ! #TargetMagazine #LDBBank

ບໍລິສັດ ພູເບ້ຍ ມາຍນິງ ເລັ່ງດໍາເນີນການຂຸດເຈາະ, ຄົ້ນຄວ້າ-ວິໄຈຕາມສາຍແຮ່ ໃນເຂດບໍ່ຂະຫຍາຍພື້ນທີ່ສໍາປະທານໂຄງການຂຸດຄົ້ນ-ປຸງແຕ່ງ ຄໍາ-ເງິນ ບ້ານຫ້ວຍຊາຍ, ເມືຶອງລ້ອງແຈ້ງ, ແຂວງໄຊສົມບູນ; ຊຶ່ງພົບແຮ່ທີ່ມີຄຸນນະພາບ ແລະ ປະລິມານຫຼາຍສົມຄວນ ເພື່ອນໍາມາປ້ອນໂຮງງານ ໂດຍຄາດວ່າຈະມີແຮ່ພຽງພໍ ແລະ ສາມາດຍືດເວລາການປິດບໍ່ໄປເຖິງປີ 2030. ທ່ານ Timothy Popham, ຜູ້ຈັດການຝ່າຍພັດທະນາຊັບພະຍາກອນບໍ່ແຮ່ ບໍລິສັດ ພູເບ້ຍ ມາຍນິງ ກ່າວໃນໂອກາດທີ່ທ່ານ ທອງພັດ ອິນທະວົງ, ຮອງລັດຖະມົນຕີກະຊວງພະລັງງານ ແລະ ບໍ່ແຮ່, ປະທານຄະນະກໍາມະການຕິດຕາມການປະຕິບັດງານຂອງບໍລິສັດ ພູເບ້ຍ ມາຍນິງ ວ່າ: ບໍ່ຂະຫຍາຍໂຄງການຂຸດຄົ້ນ-ປຸງແຕ່ງຄໍາ-ເງິນ ບ້ານຫ້ວຍຊາຍ ໄດ້ສຳຫຼວດເມື່ອ 3 ປີຜ່ານມາ ແລະ ປີ 2022 ມາເຖິງປັດຈຸບັນ ໄດ້ເລີ່ມເບີກໜ້າດິນ, ຂຸດເຈາະ ຢູ່ 2 ບ່ອນ ຄື: ຢູ່ບ້ານພູເງິນ ແລະ ບ້ານຜາແຍງ ເພື່ອຄົ້ນຄວ້າ-ວິໄຈຕາມສາຍແຮ່ ທີ່ຢູ່ໃນເຂດສຳປະທານຂອງໂຄງການ, ການສຳຫຼວດດັ່ງກ່າວແມ່ນໃຊ້ຮູບແບບຮູເຈາະ. ປັດຈຸບັນມີ 180 ຮູເຈາະສໍາຫຼວດ, ບາງຮູເຈາະມີລະດັບຄວາມເລິກ ...

ທ່ານ ນາງ ດຳດວນ ຈັນທະວົງ, ຫົວໜ້າຄະນະຮັບຜິດຊອບຄົ້ນຄວ້າສ້າງຕັ້ງເມືອງໃໝ່ ຂອງນະຄອນຫລວງວຽງຈັນ ໄດ້ລາຍງານໃຫ້ຮູ້ ໃນໂອກາດທີ່ທ່ານ ອາດສະພັງທອງ ສີພັນດອນ, ເຈົ້າຄອງນະຄອນຫຼວງເຄື່ອນໄຫວກວດກາຂອບເຂດພື້ນທີ່ເມືອງໃໝ່ ເມື່ອວັນທີ 10 ກຸມພານີ້ວ່າ: ປີ 2022 ຜ່ານມາ, ຄະນະຮັບຜິດຊອບໄດ້ສໍາເລັດຫລາຍໜ້າວຽກສໍາຄັນ ເປັນຕົ້ນ: ໄດ້ລົງສໍາຫລວດເກັບກໍາຂໍ້ມູນທາງດ້ານເສດຖະກິດ-ສັງຄົມຕ່າງໆ ເຮັດໃຫ້ໄດ້ຂໍ້ມູນປະກອບຂຽນບົດວິພາກສໍາເລັດແລ້ວ, ໄດ້ສໍາຫລວດພົນລະເມືອງຄືນໃໝ່ໃນ 24 ບ້ານເປົ້າໝາຍຂອງເມືອງໄຊທານີ ທີ່ຈະສ້າງເປັນເມືອງໃໝ່, ຊຶ່ງມີພົນລະເມືອງທັງໝົດ 35.224 ຄົນ. ໃນນີ້, ມີເຜົ່າລາວ 32.043 ຄົນ, ເຜົ່າມົ້ງ 2.757 ຄົນ ແລະ ເຜົ່າກຶມມຸ 424 ຄົນ. ມາຮອດປັດຈຸບັນ, ໄດ້ສຳເລັດການກຳນົດທີ່ຕັ້ງສຳນັກງານຕ່າງໆຂອງລັດ ເປັນຕົ້ນ: ຈຸດທີ່ຕັ້ງສຳນັກງານຫ້ອງວ່າການປົກຄອງເມືອງ, ຈຸດທີ່ຕັ້ງກອງບັນຊາການ ປກຊ-ປກສ ແລະ ອື່ນໆ, ພ້ອມນີ້ ໄດ້ສໍາເລັດການກໍານົດຈຸດສຸມພັດທະນາເມືອງໃໝ່ ປະກອບມີ 3 ບ້ານ ຄື: ບ້ານນາໂງມເກົ່າ, ນາໂງມໃໝ່ ແລະ ບ້ານນາຕານ, ສໍາເລັດການເດີນສໍາຫລວດຕອນດິນ 8 ປະເພດ ...

ທ່ານ ກິແກ້ວ ໄຂຄໍາພິທູນ, ຮອງນາຍົກລັດຖະມົນຕີ ໄດ້ໂອ້ລົມຕໍ່ກອງປະຊຸມແຮງງານ ແລະ ສະຫວັດດີການສັງຄົມ (ຮສສ) ທົ່ວປະເທດ ປະຈໍາປີ 2022 ໃນວັນທີ 10 ກຸມພາ 2023 ໂດຍເນັ້ນບາງຈຸດ ໃຫ້ຄະນະນໍາ ແລະ ພະນັກງານຫລັກແຫລ່ງຂອງ ຮສສ ເອົາໃຈໃສ່ບາງບັນຫາເພື່ອຜັນຂະຫຍາຍບັນດາເປົ້າໝາຍ, ແຜນວຽກຈຸດສຸມ ແລະ ຄາດໝາຍແຜນພັດທະນາແຮງງານ ເປັນຕົ້ນແມ່ນ:. 1). ຄະນະພັກແຕ່ລະຂັ້ນ ຕ້ອງປັບປຸງຢ່າງຈິງຈັງວຽກງານພະນັກງານ ເປັນປັດໄຈສ້າງການຫັນປ່ຽນຢ່າງແຂງແຮງເລິກເຊິ່ງ, ນັບແຕ່ການສ້າງ ແລະ ປະຕິບັດແຜນກຳນົດພະນັກງານ, ການເລືອກເຟັ້ນ ແລະ ຊັບຊ້ອນພະນັກງານ, ການປະຕິບັດນະໂຍບາຍ ແລະ ສະຫວັດດີການຕໍ່ພະນັກງານ. ສິ່ງສໍາຄັນໃນບັນຫາພະນັກງານ ບັນດາສະຫາຍຕ້ອງຕັດສິນໃຈແກ້ດ້ວຍຕົນເອງ ບໍ່ຄອງຄອຍລໍຖ້າໃຫ້ການຈັດຕັ້ງແກ້ ເພື່ອຈະບໍ່ໃຫ້ມີຜົນກະທົບໂດຍກົງຕໍ່ຕົວພະນັກງານເອງ ແລະ ການຈັດຕັ້ງ;. 2). ການພັດທະນາສີມືແຮງງານ ໃຫ້ສືບຕໍ່ພະຍາຍາມຈັດຕັ້ງປະຕິບັດໄດ້ ຕາມຄາດໝາຍທີ່ວາງໄວ້ ປັບປຸງພື້ນຖານໂຄງລ່າງ, ອຸປະກອນເຕັກນິກທັນສະໄໝ, ທັງວິທີການ ແລະ ຫລັກສູດພັດທະນາສີມືແຮງງານໃຫ້ຫລາກຫລາຍ ເພື່ອຕອບສະໜອງໃຫ້ຕະຫລາດແຮງງານໃນຕໍ່ໜ້າ;. 3). ເປັນໃຈກາງປະສານງານ ລະຫວ່າງສະຖາບັນ ຫລື ສູນພັດທະນາສີມືແຮງງານ ກັບ ...

ພິທີມອບ-ຮັບໜ້າທີ່ ລະຫວ່າງ ສະຫາຍ ວຽງສະຫວັດ ສີພັນດອນ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງ ໂຍທາທິການ ແລະ ຂົນສົ່ງ(ຍທຂ) ຜູ້ເກົ່າ ໄປຮັບໜ້າທີ່ໃໝ່ຢູ່ ແຂວງຫລວງນໍ້າທາ ແລະ ສະຫາຍ ງາມປະສົງ ເມືອງມະນີ ເລຂາຄະນະບໍລິຫານງານພັກ ຄະນະປະຈໍາພັກ, ລັດຖະມົນຕີກະຊວງ ຍທຂ ຜູ້ໃໝ່ ຈັດຂຶ້ນໃນວັນທີ 6 ກຸມພາ 2023. ສະຫາຍ ກິແກ້ວ ໄຂຄຳພິທູນ ຮອງນາຍົກລັດຖະມົນຕີ ໄດ້ສະເໜີໃຫ້ ສະຫາຍລັດຖະມົນຕີຜູ້ໃໝ່ ກໍຄືພະນັກງານ, ສະມາຊິກ ແລະ ພະນັກ ງານຫລັກແຫລ່ງທົ່ວກະຊວງ ຍທຂ ໃຫ້ເອົາໃຈໃສ່ບາງບັນຫາຄື: ຕ້ອງເປັນເອກະພາບນຳຂັ້ນເທິງ ໃຫ້ບັນດາສະຫາຍເອົາໃຈໃສ່ວຽກງານ, ບໍ່ໃຫ້ມີການສວຍໂອກາດທັບຖົມ-ໂຈມຕີກັນ ໃນທາງບໍ່ດີ ເປັນຕົ້ນ ໃນຂົງເຂດວຽກງານວິຊາສະເພາະຂອງຕົນ ແລະ ສືບຕໍ່ເອົາໃຈໃສ່ຕ້ານ ແລະ ສະກັດກັ້ນທຸກກົນອຸບາຍເລ່ຫລ່ຽມ ແລະ ຖ້ອຍທຳນອງ ໃສ່ຮ້າຍປ້າຍສີ, ປັ່ນປ່ວນ, ແບ່ງແຍກຄວາມສາມັກຄີ. ນອກນັ້ນ, ຍັງຕ້ອງເອົາໃຈໃສ່ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກ, ແຜນພັດທະນາເສດຖະກິດ-ສັງຄົມ ...

ພິທີມອບ-ຮັບໜ້າທີ່ ລະຫວ່າງ ທ່ານ ສັນຕິພາບ ພົມວິຫານ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງສະຫວັນນະເຂດ (ຜູ້ເກົ່າ) ແລະ ທ່ານ ບຸນໂຈມ ອຸບົນປະເສີດ ກຳມະການສູນກາງພັກ, ເລຂາຄະນະບໍລິຫານງານພັກແຂວງ ຮັກສາການເຈົ້າແຂວງສະຫວັນນະເຂດ (ຜູ້ໃໝ່) ຈັດຂຶ້ນໃນວັນທີ 6 ກຸມພາ 2023 ໃນພິທີ, ທ່ານ ນາງ ບຸດສະດີ ທະນະເມືອງ ກຳມະການສູນກາງພັກ, ຮອງຫົວໜ້າຄະນະຈັດຕັ້ງສູນກາງພັກ ໄດ້ຜ່ານມະຕິຕົກລົງຂອງກົມການເມືອງສູນກາງພັກ ວ່າດ້ວຍການແຕ່ງຕັ້ງ ທ່ານ ບຸນໂຈມ ອຸບົນປະເສີດ ກຳມະການສູນກາງພັກ ເປັນເລຂາຄະນະບໍລິຫານພັກແຂວງ, ຮັກສາການເຈົ້າແຂວງສະຫວັນນະເຂດ (ຜູ້ໃໝ່) ແລະ ຍົກຍ້າຍ ທ່ານ ສັນຕິພາບ ພົມວິຫານ ກຳມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງສະຫວັນນະເຂດ (ຜູ້ເກົ່າ) ໄປຮັບໜ້າທີ່ໃໝ່ຢູ່ກະຊວງການເງິນ ທ່ານ ທ່ານ ບຸນທອງ ຈິດມະນີ ຮອງປະທານປະເທດ ຍັງໄດ້ເນັ້ນໜັກໃຫ້ຄະນະບໍລິຫານງານພັກແຂວງ ຈົ່ງສືບຕໍ່ເອົາໃຈໃສ່ຕໍ່ວຽກງານການ ເມືອງ-ແນວຄິດ ຢ່າງຕໍ່ເນື່ອງ, ເປັນເອກະພາບ ແລະ ເປັນເຈົ້າການຕື່ນຕົວປະຕິ ບັດແນວທາງນະໂຍບາຍຂອງພັກ, ...