Macro Economic

ການນຳ ວາງພວງມະລາ ຕ້ອນຮັບ​ກອງປະຊຸມຄັ້ງປະຖົມມະລຶກຂອງສະພາແຫ່ງ ຊາດ ຊຸດທີ IX

ການນຳ ວາງພວງມະລາ ຕ້ອນຮັບ​ກອງປະຊຸມຄັ້ງປະຖົມມະລຶກຂອງສະພາແຫ່ງ ຊາດ ຊຸດທີ IX ໃນວັນທີ 20 ມີນາ 2021 ນີ້, ຄະນະຜູ້ແທນ ທີ່ຈະເຂົ້າຮ່ວມກອງປະຊຸມ ຄັ້ງປະ ຖົມມະລຶກຂອງສະພາແຫ່ງ ຊາດ ຊຸດທີ IX ໄດ້ເຂົ້າວາງພວງມະລາ ຢູ່ອະນຸ ສາວະລີນັກ ຮົບນິ ລະນາມ (ດາວແດງ) ແລະ ວາງກະຕ່າດອກໄມ້ ຢູ່ຫໍພິພິທະພັນ ປະທານ ໄກສອນ ພົມວິຫານ. ການວາງ​ພວງ​ມະລາ ​ແລະ ກະຕ່າ​ດອກ​ໄມ້ ​ໃນ​ຄັ້ງ​ນີ້, ​ໄດ້​ແບ່ງ​ອອກ​ເປັນ 4 ຄະນະ ຄື: ຄະນະ​ທີ 1 ນຳ​ໂດ​ຍ ທ່າ​ນາງ ປານີ ຢາ​ທໍ່​ຕູ້ ປະທານ​ສະພາແຫ່ງຊາດ, ຄະນະ​ທີ 2 ນຳ​ໂດຍ ທ່ານ ​ໄຊ​ສົມ​ພອນ ພົມວິຫານ ປະທານ​ສູນ​ກາງ​ແນວ​ລາວ​ສ້າງ​ຊາ​ດ, ຄະນະ​ທີ 3 ນຳ​ໂດຍ​ທ່ານ​ນາງ ສູນ​ທອນ ​ໄຊ​ຍະ​ຈັກ ຫົວໜ້າ​ຄະນະ​ພົວພັນ​ຕ່າງປະ​ເທດ​ສູນ​ກາງ​ພັກ ​ແລະ ຄະນະ​ທີ ...

Read More »

ເງິນໂອນຜິດເຂົ້າບັນຊີ ສົ່ງດີ ຫຼື ບໍ່?

ເມື່ອເວລາທີ່ມີເງິນຖືກໂອນເງິນເຂົ້າບັນຊີເງິນຝາກໂດຍບໍ່ຮູ້ວ່າແມ່ນໃຜສົ່ງໃຫ້ ຫຼື ຮູ້ວ່າບໍ່ມີໃຜເປັນໜີ້ຕົນ… ຄົນສ່ວນຫຼາຍມັກຈະຄິດວ່າ ເງິນທີ່ໂອນເຂົ້າບັນຊີຂອງໂຕເອງແບບຫຼົງຜິດແບບນີ້ “ເປັນໂຊກລາບ” ຫຼື “ລາບລອຍ” ແລະ ບໍ່ສົ່ງຄືນ. ບັນຫາແບບນີ້ກົດໝາຍວ່າແນວໃດ?. ໃນມື້ນີ້ພວກເຮົາມາສ້າງຄວາມເຂົ້າໃຈກັນກ່ຽວກັບເລື່ອງນີ້ໃນທາງກົດໝາຍ. ກ່ອນອື່ນໝົດ ຜູ້ຂຽນຂໍນຳສະເໜີວັກໜຶ່ງຂອງ ມາດຕາ 503 ປະມວນກົດໝາຍແພ່ງລາວ, ຊຶ່ງມີຜົນສັກສິດແຕ່ວັນທີ 27 ພຶດສະພາ 2020 ທີ່ຜ່ານມານີ້, ກຳນົດໄວ້ວ່າ: “ບຸກຄົນໃດຫາກໄດ້ຮັບຊັບສິ່ງຂອງ ຫຼື ຜົນປະໂຫຍດຂອງບຸກຄົນອື່ນໂດຍເຈດຕະນາ ຊຶ່ງຮູ້ວ່າຕົນບໍ່ມີສິດຮັບຊັບສິ່ງຂອງ ຫຼື ຜົນປະໂຫຍດນັ້ນ, ບຸກຄົນດັ່ງກ່າວ ຕ້ອງສົ່ງຊັບສິ່ງຂອງ ຫຼືຜົນປະໂຫຍດນັ້ນຄືນໃຫ້ຜູ້ເປັນເຈົ້າຂອງ ພ້ອມທັງໝາກຜົນ ນັບແຕ່ເວລາທີ່ໄດ້ຮັບເປັນຕົ້ນໄປ”. ຈາກມາດຕາ 503 ນີ້, ການໄດ້ຮັບເງິນທີ່ຖືກໂອນເຂົ້າຜິດບັນຊີ ຫຼື ຫຼົງບັນຊີ ໂດຍທີ່ຮູ້ວ່າແມ່ນໃຜເປັນຜູ້ໂອນໃຫ້ຖືວ່າເປັນການຮັບຊັບສິ່ງຂອງ ຫຼື ຜົນປະໂຫຍດ ທີ່ບໍ່ມີພື້ນຖານທາງດ້ານກົດໝາຍ, ນັ້ນໝາຍຄວາມວ່າ ຜູ້ຮັບເງິນດັ່ງກ່າວຕ້ອງສົ່ງຄືນ ຫຼື ໂອນຄືນໃຫ້ເຈົ້າຂອງບັນຊີ-ເຈົ້າຂອງເງິນນັ້ນ. ເຈົ້າຂອງເງິນ ຫຼື ເຈົ້າຂອງບັນຊີ ກໍມີສິດຮຽກຮ້ອງໃຫ້ ຜູ້ຮັບໂອນເງິນທີ່ໂອນຜິດນັ້ນກັບຄືນໃຫ້ຕົນໄດ້ເຊັ່ນດຽວກັນ. ໃນກໍລະນີທີ່ຜົນປະໂຫຍດ ຫຼື ຊັບສິ່ງຂອງນັ້ນຫາກເກີດດອກອອກຜົນ ເຊັ່ນ: ດອກເບ້ຍເງິນຝາກ, ຜູ້ຮັບເງິນທີ່ໂອນເຂົ້າບັນຊີດ້ວຍຄວາມຫຼົງຜິດນັ້ນ ຜູ້ຮັບຊັບດັ່ງກ່າວກໍຕ້ອງໂອນດອກເບ້ຍສົ່ງຄືນເຈົ້ເຈົ້າຂອງເງິນເຊັ່ນດຽວກັນ. ...

Read More »

ການດໍາເນີນທຸລະກິດນໍ້າມັນເຊື້ອໄຟ

ເປັນບັນຫາທີ່ນັກທຸລະກິດຫຼາຍທ່ານຕັ້ງຂຶ້ນກ່ຽວກັບຂັ້ນຕອນການຂໍອະນຸຍາດດໍາເນີນກິດຈະການປໍ້ານໍ້າມັນໃນເຂດຫ່າງໄກສອກຫຼີກວ່າການສະໜອງຂໍ້ມູນ ແລະ ການແຈ້ງຕອບຜູ້ປະກອບການຢາກໃຫ້ມີຄວາມວ່ອງໄວ ແລະ ຊັດເຈນ. ກ່ຽວກັບເລື່ອງນີ້ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນໄດ້ຊີ້ແຈງຕໍ່ກອງປະຊຸມສາມັນເທື່ອທີ 09 ຂອງສະພາແຫ່ງຊາດຊຸດທີ VIII ຜ່ານມານີ້ວ່າ: ໂດຍປະຕິບັດຕາມຄໍາສັ່ງວ່າດ້ວຍການປັບປຸງລະບຽບການ ແລະ ກົນໄກປະສານງານໃນການດໍາເນີນທຸລະກິດ ຢູ່ ສປປ ລາວ ສະບັບເລກທີ 02/ນຍ ລົງວັນທີ 01 ກຸມພາ 2018, ກະຊວງ ອຸດສາຫະກໍາ ແລະ ການຄ້າ ໄດ້ປັບປຸງລະບົບການແຈ້ງຂຶ້ນທະບຽນວິສາຫະກິດ ໂດຍໄດ້ອອກຂໍ້ຕົກລົງວ່າດ້ວຍການຂຶ້ນທະບຽນວິສາຫະກິດ ສະບັບເລກທີ 0023/ອຄ.ກທຄວ ລົງວັນທີ 09 ມັງກອນ 2019 ເຊິ່ງໄດ້ເຮັດໃຫ້ການຂຶ້ນທະບຽນວິສາຫະກິດ ສະດວກ, ງ່າຍດາຍ ແລະ ສາມາດຈັດຕັ້ງປະຕິບັດໄດ້ແຕ່ຂັ້ນສູນກາງເຖິງທ້ອງຖິ່ນ. ສະເພາະຂັ້ນຕອນ ການບໍລິການອອກໃບທະບຽນວິສາຫະກິດໂດຍສະເລ່ຍໃຊ້ເວລາພຽງ 3 ວັນ. ນອກຈາກນັ້ນ, ກໍໄດ້ເປີດເວບໄຊຖານຂໍ້ມູນທຸລະກິດແຫ່ງຊາດ (www.erm.gov.la) ເພື່ອອໍານວຍຄວາມສະດວກໃຫ້ແກ່ ນັກລົງທຶນ ແລະ ນັກທຸລະກິດ ໃນການຂຶ້ນທະບຽນວິສາຫະກິດ, ກວດສອບຊື່ວິສາຫະກິດ, ດາວໂຫຼດຄໍາຮ້ອງ-ແບບຟອມ ...

Read More »

Customer Insight ຫົວໃຈຫຼັກໃນການວາງຍຸດທະສາດການຕະຫຼາດທີ່ຖືກຕ້ອງ

Subhead: ໝາຍເຖິງຄວາມເຂົ້າໃຈລູກຄ້າໃນລະດັບເລິກ ບໍ່ແມ່ນພຽງແຕ່ “ຮູ້ຈັກ” ຂໍ້ມູນ (Data) ແຕ່ຍັງລວມເຖິງການວິເຄາະ ແລະ ຕີຄວາມຈາກບັນດາຂໍ້ມູນຫຼາຍໆພາກສ່ວນ ໃນທີ່ສຸດ ພວກເຮົາກໍເດີນທາງມາຮອດເດືອນສຸດທ້າຍຂອງປີ 2020 ປີ ເຊິ່ງເປັນປີທີ່ເຕັມໄປດ້ວຍສິ່ງທ້າທາຍຈາກທຸກທິດທາງ ການເຮັດການຕະຫຼາດກໍຄາດເດົາໄດ້ຍາກ ເນື່ອງຈາກມີເຫດການທີ່ຄາດການບໍ່ໄດ້ເກີດຂຶ້ນຢູ່ຕະຫຼອດເວລາ ໂດຍສະເພາະການແຜ່ລະບາດຂອງ ພະຍາດໂຄວິດ-19 ທີ່ກະທົບຕໍ່ວິຖີຊີວິດ ແລະພຶດຕິກຳຂອງຄົນທົ່ວໂລກ ສົ່ງຜົນໃຫ້ເກີດວິຖີດຳລົງຊີວິດແບບໃໝ່ (New Normal) ທີ່ນັກການຕະຫຼາດຕ້ອງໄດ້ທຳຄວາມເຂົ້າໃຈ ເພື່ອນຳໄປດັດປັບຍຸດທະສາດການຕະຫຼາດໃຫ້ແທດເໝາະກັບການປ່ຽນແປງໃໝ່ທີ່ໄວວາຄັ້ງນີ້. ແນ່ນອນວ່າ ການທຳຄວາມເຂົ້າໃຈຂໍ້ມູນພຶດຕິກຳຂອງລູກຄ້າທີ່ປ່ຽນແປງໃໝ່ໃຫ້ເລິກເຊິ່ງ ເປັນທາງລອດດຽວຂອງຜູ້ປະກອບການ, ໃນຂະນະທີ່ ການຫັນປ່ຽນເປັນອອນລາຍກໍເປັນເງື່ອນໄຂບັງຄັບຂອງທຸກໆຫົວໜ່ວຍທຸລະກິດບໍ່ວ່ານ້ອຍຫຼືໃຫຍ່. Close-up of female postwoman signing parcels at the table at post office ອີກສິ່ງໜຶ່ງທີ່ຜູ້ປະກອບການ ແລະ ນັກການຕະຫຼາດຄວນໃຫ້ຄວາມສຳຄັນໃນວິກິດການນີ້ ກໍຄື “Customer Insight” ເຊິ່ງໝາຍເຖິງຄວາມເຂົ້າໃຈລູກຄ້າໃນລະດັບເລິກ ບໍ່ແມ່ນພຽງແຕ່ “ຮູ້ຈັກ” ຂໍ້ມູນ (Data) ແຕ່ຍັງລວມເຖິງການວິເຄາະ ແລະ ຕີຄວາມຈາກບັນດາຂໍ້ມູນຫຼາຍໆພາກສ່ວນ ເຊັ່ນ: ຂໍ້ມູນດ້ານປະຊາກອນ (Demographic), ພຶດຕິກຳຂອງລູກຄ້າ, ...

Read More »

ບາງມາດຕະການ ແກ້ໄຂອັດຕາເງິນເຟີ້

ໃນບົດຊີ້ແຈງກ່ຽວກັບສະພາບເງິນຕາຕ່າງປະເທດ; ອັດຕາແລກປ່ຽນ; ອັດຕາເງິນເຟີ້ ແລະ ມາດຕະການແກ້ໄຂນັ້ນ ທ່ານ ຜູ້ວ່າການທະນາຄານ ແຫ່ງ ສປປ ລາວ ໄດ້ກ່າວຕໍ່ກອງປະຊຸມສະໄໝສາມັນເທື່ອທີ 9 ຂອງສະພາແຫ່ງຊາດ ຊຸດທີ VIII ຄັ້ງວັນທີ 24 ມິຖຸນາ – 02 ກໍລະກົດ 2020 ຜ່ານມານີ້ ໂດຍມີບາງມາດຕະການດັ່ງນີ້: ສັງລວມແລ້ວ ໃນໄລຍະ 2 ເດືອນຕົ້ນປີ 2020 , ປັດໄຈຕົ້ນຕໍທີ່ພາໃຫ້ອັດຕາເງິນເຟີ້ຂອງ ສປປ ລາວ ເພີ່ມຂຶ້ນ ແມ່ນໄດ້ຮັບແຮງກົດດັນທັງເບື້ອງຄວາມຕ້ອງການ (Demand Pull), ໃນສະພາບທີ່ພື້ນຖານການຜະລິດພາຍໃນຍັງບໍ່ເຂັ້ມແຂງ ສົມທົບກັບທຸກປະເທດປະຕິບັດມາດຕະການການປິດປະເທດ ແລະ ສຸມໃສ່ແກ້ໄຂບັນຫາພະຍາດລະບາດໂຄວິດ-19 ໄດ້ເຮັດໃຫ້ຄວາມຕ້ອງການ ໂດຍສະເພາະ ສະບຽງອາຫານ, ສິນຄ້າອຸປະໂພກ-ບໍລິໂພກທີ່ຈໍາເປັນພື້ນຖານໃນຊີວິດປະຈໍາວັນ, ສິນຄ້າປະເພດຢາ ແລະອຸປະກອນປ້ອງກັນພະຍາດ ຍິ່ງມີສູງຂຶ້ນ ໃນຂະນະທີ່ຕ່ອງໂສ້ການຜະລິດ ແລະ ການຈໍລະຈອນຂອງຫຼາຍສິນຄ້່າໄດ້ຮັບຜົນກະທົບ ແລະ ການຢຸດສະງັກ; ພ້ອມກັນນັ້ນ, ປັດໄຈຈາກແຮງກົດດັນດ້ານຕົ້ນທຶນ (Cost Push) ກໍມີຜົນ ເນື່ອງຈາກການປັບຂຶ້ນລາຄາຂອງສິນຄ້າບາງປະເພດຢູ່ປະເທດຜູ້ສົ່ງອອກ ຕາມສະພາບກົນໄກການສະໜອງທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19 ...

Read More »

ການຄ້າລາວ-ຫວຽດນາມເຕີບໂຕໄວ ແລະ ໜັກແໜ້ນໃນແບບເກີນດຸນ

ສອງຊາດລາວ-ຫວຽດນາມ ໄດ້ມີການພົວພັນຖານບ້ານໃກ້ເຮືອນຄຽງທີ່ດີນໍາກັນ ມາແຕ່ບູຮານນະການ ແລະ ພິເສດໃນປະຫວັດສາດແຫ່ງການພົວພັນອັນຍາວນານນັ້ນກໍແມ່ນມິດຕະພາບອັນຍິ່ງໃຫຍ່ ແລະ ຄວາມ ສາມັກຄີພິເສດນັບແຕ່ສະໄໝຕໍ່ສູ້ກູ້ຊາດ ແລະ ການຖະນຸຖະໜອມ-ເພີ່ມພູນຄູນສ້າງມາຢ່າງສະເໝີຕົ້ນສະເໝີປາຍ. ດັ່ງຄໍາສອນທີ່ເປັນຕໍານານຂອງທ່ານປະທານ ໂຮ່ຈີ່ມິນ ທີ່ວ່າ “ສອງຊາດລາວ-ຫວຽດ ໄດ້ຝັງຄວາມຮັກຢູ່ໃນໃຈ ຮົ່ງຮ່າ ທັງແມ່ຂອງ-ບໍ່ເລິກປຸນປານໄດ້” ແລະ ທ່ານປະທານ ໄກສອນ ພົມວິຫານ ທີ່ວ່າ “ຕາບໃດແມ່ນໍ້າຂອງ ບໍ່ເຫືອດແຫ້ງ ເຂີນຂາດແປນຊາຍ ສາຍພູຫຼວງແສນສູງ ບໍ່ຕໍ່າລົງເປັນຄັງຫຍ້າ ຮົງຮາວັງເວີນກວ້າງ ບໍ່ແປນດິນກະທ້າງໄຕ່ ສອງສາຍໃຈລາວ-ຫວຽດນາມ ພີ່ນ້ອງ ບໍ່ໄກຂ້າງຫ່າງກັນນັ້ນແລ້ວ”. ມາຮອດວັນທີ 5 ກັນຍາ 2020 ແມ່ນວັນຄົບຮອບການສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 58 ປີ ແລະ ວັນທີ 18 ກໍລະກົດ 2020 ແມ່ນວັນຄົບຮອບການເຊັນສັນຍາມິດຕະພາບ ແລະ ການຮ່ວມມື ລາວ-ຫວຽດນາມ ຄົບຮອບ 43 ປີ, ເຊິ່ງສະແດງເຖິງໝາກຜົນ ແລະ ບາດກ້າວຂະຫຍາຍຕົວຂອງການຮ່ວມມືຂອງສອງປະເທດມາຢ່າງຕໍ່ເນື່ອງ. ເມື່ອມາເບິ່ງຄືນຂໍ້ມູນທາງການຄ້າລະຫວ່າງລາວ-ຫວຽດນາມໃນລະຫວ່າງ 2004-2018, ຕະຫຼອດ 15 ...

Read More »

ມາດຕະການ ເພີ່ມທະວີການຈັດເກັບລາຍຮັບ

ການຈັດເກັບລາຍຮັບປີ 2020 ບໍ່ໄດ້ຕາມຄາດໝາຍຍ້ອນການລະບາດຂອງພະຍາດໂຄວິດ-19 ແຕ່ເຖິງຢ່າງໃດກໍ່ຕາມ ລັດຖະບານກໍ່ມີຄວາມພະຍາຍາມຈະເຮັດໃຫ້ການເກັບລາຍຮັບໃຫ້ໄດ້ຕາມຄວາມເປັນຈິງ. ໃນເວລາຊີ້ແຈງຕໍ່ກອງປະຊຸມສະໄໝສາມັນເທື່ອທີ່ VIIII ຂອງສະພາແຫ່ງຊາດ ຊຸດທີ່ VIII ທີ່ດໍາເນີນແຕ່ວັນທີ 24 ມິຖຸນາ – 02 ກໍລະກົດ 2020 ຜ່ານມານີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີວ່າການ ກະຊວງການເງິນໄດ້ຊີ້ແຈງວ່າ: ຂ້າພະເຈົ້າ ຂໍຊີ້ແຈງ ກ່ຽວກັບ ນະໂຍບາຍ, ມາດຕະການ ໃນການເພີ່ມທະວີການຈັດເກັບລາຍຮັບ ໄປພ້ອມກັບການຈໍາກັດ ແລະ ປະຢັດລາຍຈ່າຍ ແລະ ລະດົມທຶນຈາກພາຍໃນ ແລະ ຕ່າງປະເທດ ເພື່ອມາດຸນດ່ຽງງົບປະມານ ແລະ ການປະຕິບັດພັນທະຊໍາລະໜີ້ເງິນກູ້ຢືມພາຍໃນ ແລະ ຕ່າງປະເທດ ທີ່ງົບປະມານແຫ່ງລັດມີຄວາມຫຍຸ້ງຍາກ ຊຶ່ງກະຊວງການເງິນ ໄດ້ມີບາງນະໂຍບາຍ ແລະ ມາດຕະການ ທາງດ້ານການເງິນ-ງົບປະມານ ໃນ 6 ເດືອນສຸດທ້າຍ ປີ 2020 ທີ່ສາມາດສັງລວມໄດ້ດັ່ງນີ້: ນະໂຍບາຍ ແລະ ມາດຕະການ ໃນການເພີ່ມທະວີການຈັດເກັບລາຍຮັບ:ສືບຕໍ່ເຮັດວຽກງານແນວຄິດການເມືອງຄະນະພັກ-ຄະນະນໍາ, ຕໍ່ສະມາຊິກພັກ-ພະນັກງານຫຼັກແຫຼ່ງ ...

Read More »

“ໜຶ່ງແລວໜຶ່ງເສັ້ນທາງ” ດີຫຼືບໍ່? ມີແຕ່ປະເທດທີ່ເຂົ້າຮ່ວມຈຶ່ງມີສິດປະກອບຄຳຄິດເຫັນທີ່ສຸດ…

ໃຜໆກໍຮູ້ດີແລ້ວວ່າ, ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແມ່ນຜະລິດຕະພັນສາທາລະນະທົ່ວໂລກທີ່ຈີນສະໜອງໃຫ້ແກ່ປະຊາຄົມໂລກ. ນັບມາຮອດເດືອນພຶດສະພາປີນີ້, ໃນທົ່ວໂລກມີ 138 ປະເທດແລະ 30 ອົງການຈັດຕັ້ງສາກົນໄດ້ເຊັນເອກກະສານຮ່ວມມືກ່ຽວກັບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ກັບຈີນ 200 ສະບັບ. ນີ້ແມ່ນປະຊາຄົມໂລກໃຫ້ການສະໜັບສະໜູນແລະມີຄວາມໝັ້ນໃຈຕໍ່ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ດ້ວຍການກະທຳຕົວຈິງ.ຂໍຍົກກເອົາປະເທດລາວເປັນຕົວຢ່າງ. ປະເທດລາວແມ່ນປະເທດທີ່ບໍ່ມີທາງອອກສູ່ທະເລພຽງປະເທດດຽວໃນອາຊີຕາເວັນອອກສຽງໃຕ້, ການທີ່ “ປະເທດລາວກຳນົດຍຸດທະສາດການຫັນປະເທດທີ່ບໍ່ມີທາງອອກສູ່ທະເລເປັນປະເທດເຊື່ອມໂຍງເຊື່ອມຈອດ” ແມ່ນຍຸດທະສາດການພັດທະນາຂອງລັດຖະບານສປປລາວ, ທັງແມ່ນຄວາມໃຝ່ຝັນອັນແຮງກ້າໃນການພັດທະນາຂອງປະຊາຊົນລາວ. ສະນັ້ນ, ເພື່ອຕອບສະໜອງກັບຄວາມຮຽກຮ້ອງຕ້ອງການຂອງປະເທດລາວ, ຈີນ-ລາວໄດ້ຮ່ວມກັນຊຸກຍູ້ການຮ່ວມມືກັນສ້າງພື້ນຖານໂຄງລ່າງ, ໃນນັ້ນເສັ້ນທາງລົດໄຟຈີນ-ລາວແລະທາງດ່ວນວຽງຈັນ-ວັງວຽງຕ່າງກໍຈະກໍ່ສ້າງໃຫ້ສຳເລັດ ແລະ ເປີດແລ່ນລົດໄດ້ໃນທ້າຍປີໜ້າແລະທ້າຍປີນີ້, ເຊິ່ງທາງສອງເສັ້ນນີ້ຈະຊ່ວຍໃຫ້ປະເທດລາວສາມາດເຊື່ອມໂຍງເຂົ້າກັບຕາໜ່າງເຊື່ອມໂຍງເຊື່ອມຈອດກັນໃນພາກພື້ນດ້ວຍທ່ວງທ່າອັນໃໝ່ອ່ຽມ. ເມື່ອບໍ່ດົນມານີ້, ຜູ້ນຳຂອງປະເທດລາວຍັງໄດ້ເວົ້າຕໍ່ຜູ້ນຳຈີນວ່າ: ເສັ້ນທາງສອງເສັ້ນດັ່ງກ່າວມີຄວາມໝາຍສຳຄັນທາງດ້ານຍຸດທະສາດສຳລັບສປປລາວ ເພື່ອຫັນປ່ຽນສະພາບທີ່ເປັນປະເທດທີ່ບໍ່ມີທາງອອກສູ່ທະເລໃຫ້ກາຍເປັນປະເທດທີ່ເຊື່ອມໂຍງເຊື່ອມຈອດກັບຫຼາຍປະເທດອ້ອມຂ້າງ. ນອກຈາກນັ້ນ, ປະຊາຊົນທ້ອງຖິ່ນກໍໄດ້ພາກັນເຂົ້າຮ່ວມເຮັດວຽກນຳໂຄງການແລະມີລາຍຮັບຫຼາຍສົມຄວນ. ແຕ່ວ່າ, ເມື່ອຜະລິດຕະພັນສາທາລະນະດັ່ງກ່າວໄດ້ຮັບຄວາມນິຍົມຊົມຊອບທີ່ສຸດຈາກທົ່ວໂລກ, ນັກການເມືອງອາເມຣິກາທີ່ຍຶດຖືແນວຄິດສົງຄາມເຢັນພັດໄດ້ເສກສັນປັ້ນແຕ່ງຄວາມຫຼອກລວງອັນທີ່ເອີ້ນວ່າ: “ກັບດັກໜີ້ສິນ”. ປະເທດທີ່ເຂົ້າຮ່ວມ “ໜຶ່ງແລວໜຶ່ງເສັ້ນທາງ” ໄດ້ຕົກຢູ່ໃນສະພາບ: “ກັບດັກໜີ້ສິນ” ແທ້ຫຼືບໍ່? ຄວາມຈິງຈະເປັນຫຼັກຖານທີ່ດີທີ່ສຸດ. ເລີ່ມແຕ່ຈີນສະເໜີຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ເມື່ອປີ 2013 ເປັນຕົ້ນມາ, ຕົວເລກສະຖິຕິທີ່ກ່ຽວຂ້ອງສະແດງໃຫ້ເຫັນວ່າ, ໃນໜີ້ສິນຂອງປະເທດແລະເຂດແຄວ້ນທີ່ກ່ຽວຂ້ອງນັ້ນ, ໜີ້ສິນກ່ຽວກັບໂຄງການຮ່ວມມືກັບຈີນແມ່ນໜ້ອຍທີ່ສຸດ, ນັບມາຮອດປັດຈຸບັນບໍ່ມີປະເທດໃດໄດ້ຕົກເຂົ້າສູ່ສະພາບອັນທີ່ເອີ້ນວ່າ: “ກັບດັກໜີ້ສິນ” ຍ້ອນການຮ່ວມມືກັບຈີນ. ສຳລັບຫຼາຍປະເທດໃນໂລກແລ້ວ, “ໜຶ່ງແລວໜຶ່ງເສັ້ນທາງ” ມີຄວາມໝາຍແນວໃດ? ພຶດຕິກຳຕົວຈິງໃນ ...

Read More »

ເຊື່ອວ່າ ຫຼາຍໆຄົນຕ້ອງມີພຶດຕິກຳການຊື້ ທີ່ບໍ່ມີເຫດຜົນ ແມ່ນບໍ່?

ສະບາຍດີ ທ່ານຜູ້ອ່ານວາລະສານທາເກັດທັງຫຼາຍ ໃນປີທີ່ຜ່ານມາທ່ານໄດ້ເຫັນແລ້ວວ່າ ບ້ານເຮົາມີທຸລະກິດຫຼາຍປະເພດທີ່ເປີດຂຶ້ນມາໃໝ່ ແລະກໍມີທຸລະກິດຈຳນວນຫຼວງຫຼາຍ ທີ່ທົນຕໍ່ສະພາບການແຂ່ງຂັນທີ່ດຸເດືອດ, ປັບຕົວກັບການປ່ຽນແປງຂອງຕະຫຼາດ ແລະພຶດຕິກຳຂອງຜູ້ບໍລິໂພກ ຍຸກ 5.0 ບໍ່ທ່ວງທັນ ຈົນຕ້ອງຈຳໃຈປິດກິດຈະການໄປ. ເຊິ່ງເມື່ອວິເຄາະແລ້ວ ບັນຫາຫຼັກໆ ທີ່ເຮັດໃຫ້ທຸລະກິດເຫຼົ່ານັ້ນ ຕ້ອງຕົກຢູ່ໃນສະພາບຝືດເຄືອງ ຍອດຂາຍຕົກຕ່ຳແບບຕໍ່ເນື່ອງ ສາຍເຫດມາຈາກການຂາດຄວາມຮູ້ທາງການຕະຫຼາດ ບໍ່ວ່າຈະເປັນ ການຂາດການວາງຍຸດທະສາດ ແລະການປະເມີນຜົນທີ່ເໝາະສົມ, ບໍ່ມີການເຈາະຈົງກຸ່ມເປົ້າໝາຍທີ່ແນ່ນອນ ຈຶ່ງເຮັດໃຫ້ບໍ່ເຂົ້າໃຈຄວາມຕ້ອງການ ແລະພຶດຕິກຳການຊື້ ຂອງກຸ່ມເປົ້າໝາຍສະເພາະ ແລ້ວຍັງປ່ຽນແປງໄປຕາມປັດໄຈພາຍນອກ ແລະຄວາມກ້າວໜ້າທາງເຕັກໂນໂລຊີນຳອີກ. ນອກຈາກນີ້ ໃນປີທີ່ຜ່ານມາ ບັນດາທ່ານກໍອາດເຄີຍໄດ້ຍິນຜ່ານໆຫູ ກ່ຽວກັບຄວາມຮູ້ທາງການຕະຫຼາດແບບໃໝ່ ທີ່ເອີ້ນວ່າ: ການຕະຫຼາດແບບປະສາດວິທະຍາ (Neuroscience / Neuromarketing) ທີ່ໃຊ້ເຄື່ອງມືທາງວິທະຍາສາດ ເຂົ້າມາສຶກສາການເຮັດວຽກຂອງສະໝອງຄົນ ສາມາດຈັບຄື່ນສະໝອງ ຈັບສັນຍານ ຄວາມເຄື່ອນໄຫວຂອງສາຍຕາ ອັດຕາການເຕັ້ນຂອງຫົວໃຈ ອາລົມຄວາມຮູ້ສຶກ ແລະອື່ນໆ. ເຮັດໃຫ້ເຂົ້າໃຈຂະບວນການຄິດຂອງຄົນ ປະຕິກິລິຍາຕອບສະໜອງຕໍ່ໂຄສະນາສິນຄ້າຕ່າງໆ. ສະນັ້ນ, ຄວາມຮູ້ຂະແໜງນີ້ ຈຶ່ງກາຍເປັນອີກເຄື່ອງມືໜຶ່ງທີ່ຖືກກ່າວເຖິງຢ່າງຫຼວງຫຼາຍ ໃນວົງການການຕະຫຼາດ ຖືກນຳໃຊ້ວິເຄາະເພື່ອຊອກຫາ ຂໍ້ມູນລູກຄ້າແບບເຈາະເລິກ (Customer insights) ເຊິ່ງເຮັດໃຫ້ການວາງແຜນການຕະຫຼາດ ການຜະລິດສື່ໂຄສະນາມີປະສິດທິພາບຫຼາຍຂຶ້ນ. ຈາກການສຳຫຼວດພຶດຕິກຳການຊື້ ໂດຍໃຊ້ການຕະຫຼາດແບບປະສາດວິທະຍາ ເຫັນວ່າ 75% ...

Read More »

ຄວາມແຕກຕ່າງ ທີ່ຂາດກັນບໍ່ໄດ້ ລະຫວ່າງ ການຕະຫຼາດ ແລະ ການຂາຍ indispensable differences between marketing and sales

ເວລາທີ່ທ່ານເຫັນປະກາດຮັບສະໝັກງານ ຕຳແໜ່ງພະນັກງານຂາຍ (Sales) ແລະ ການຕະຫຼາດ (Marketing) ຫຼືບາງບໍລິສັດກໍປະກາດຕຳແໜ່ງ ພະນັກງານຂາຍ ແລະການຕະຫຼາດ (Sales & Marketing) ທ່ານເຄີຍສົງໄສບໍ່ວ່າ ໜ້າທີ່ຫຼັກໆ ຂອງພະນັກງານຂາຍ ແລະການຕະຫຼາດ ສຳຄັນແຕກຕ່າງກັນແນວໃດກັນແທ້, ນອກຈາກນີ້ ໃນຖານະຜູ້ປະກອບການ ຫຼືຜູ້ທີ່ສົນໃຈສຶກສາການສ້າງທຸລະກິດ ແລະການຕະຫຼາດຫຼາຍທ່ານ ກໍອາດເຄີຍພົບຈຸດທີ່ສັບສົນ ຫຼືຈັງຫວະທີ່ຕ້ອງຖາມຕົວເອງວ່າ ກິດຈະກຳນີ້ ເປັນໜ້າທີ່ຂອງຝ່າຍການຕະຫຼາດ ຫຼື ຝ່າຍຂາຍ? ສະນັ້ນ ມື້ນີ້ວາລະສານທາເກັດຈະມາໄຈ້ແຍກໃຫ້ທ່ານຟັງ Marketing ຫຼື ການຕະຫຼາດ: ໝາຍເຖິງການສື່ສານໃຫ້ຜູ້ບໍລິໂພກເຂົ້າໃຈເຖິງເຫດຜົນ ວ່າເປັນຫຍັງຈຶ່ງຄວນຊື້ສິນຄ້າ ແລະບໍລິການທີ່ບໍລິສັດທ່ານນຳສະເໜີ (our offerings) ຫຼາຍກວ່າສິນຄ້າ ຫຼື ບໍລິການຂອງຄູ່ແຂ່ງ. ສະນັັ້ນ ໜ້າທີ່ຂອງທີມການຕະຫຼາດ ຈຶ່່ງແມ່ນການວາງຍຸດທະສາດ ການຄິດກ່ຽວກັບຍີ່ຫໍ້ (Branding) ການສ້າງສື່ (Media) ແລະອື່ນໆ ເພື່ອນຳໄປສູ່ຄວາມຕ້ອງການຊື້ສິນຄ້າ ແລະບໍລິການຂອງບໍລິສັດ. ຄວາມແຕກຕ່າງລະຫວ່າງ ນັກການຕະຫຼາດທີ່ເກັ່ງ ແລະນັກການຕະຫຼາດທົ່ວໄປ ຈຶ່ງແມ່ນຄວາມສາມາດໃນການເລືອກເຄື່ອງມື ວິທີການ ແລະຂໍ້ຄວາມທີ່ໃຊ້ສື່ສານ (Marketing Message) ເພື່ອເຮັດໃຫ້ຜູ້ບໍລິໂພກໄດ້ຮັບຮູ້ ຈື່ຈຳ ແລະສາມາດຈູງໃຈຈົນເກີດຄວາມຕ້ອງການສິນຄ້າ ...

Read More »