ຂ່າວ ພາຍໃນປະເທດ

ເພື່ອເປັນການລະດົມແນວ ຄວາມຄິດຈາກພາກສ່ວນ ຕ່າງໆທັງພາກລັດ ແລະ ພາກທຸລະກິດໃນການພັດທະນາ ແຂວງສະຫວັນນະເຂດໃຫ້ ສືບຕໍ່ມີການຂະຫຍາຍຕົວ ຢ່າງຕໍ່ເນື່ອງ, ໃນທ້າຍອາທິດຜ່ານມານີ້, ທີ່ຫ້ອງວ່າການປົກຄອງແຂວງ, ບັນດາພາກສ່ວນຕ່າງໆທັງ ພາກລັດ ແລະ ພາກທຸລະກິດ ໄດ້ເຂົ້າຮ່ວມກອງປະຊຸມ ສຳມະນາ ເພື່ອລະດົມຄວາມ ຄິດເຫັນກ່ຽວກັບທິດທາງໃນການພັດທະນາດ້ານເສດຖະກິດ ຢູ່ແຂວງສະຫວັນນະເຂດ ແລະ ທິດທາງໃນການແກ້ໄຂຄວາມທຸກຍາກຂອງປະຊາຊົນ. ພາຍໃຕ້ການເປັນປະທານ ຂອງທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ, ທ່ານ ສຈ ອອດ ພົງສະຫວັນ ກຳມະການສູນກາງແນວລາວສ້າງຊາດ ພ້ອມຄະນະສະມາຊິກ ສູນກາງແນວລາວສ້າງຊາດ, ບັນດາທ່ານຜູ້ຊົງຄຸນວຸດທິ, ມີຫົວໜ້າພະແນກການກົມກອງອ້ອມຂ້າງແຂວງ,ຄະນະສະພາການຄ້າ-ອຸດສາຫະກໍາແຂວງ, ບັນດານັກທຸລະກິດ ແລະບໍລິສັດຫ້າງຮ້ານຕ່າງໆທີ່ກ່ຽວຂ້ອງເຂົ້າຮ່ວມ. ຈຸດປະສົງຂອງກອງປະຊຸມ ຄັ້ງນີ້ ເພື່ອສ້າງຄວາມເປັນເອກະພາບກ່ຽວກັບທິດທາງໃນການພັດທະນາເສດຖະກິດ ຢູ່ແຂວງສະຫວັນນະເຂດ ແລະ ທິດທາງໃນການແກ້ໄຂຄວາມທຸກຍາກຂອງປະຊາຊົນບັນດາເຜົ່າພາຍໃນແຂວງ. ໂອກາດນີ້, ກອງປະຊຸມໄດ້ຮັບຟັງການ ນຳສະເໜີຈາກວິຊາການທີ່ມີຄວາມຮູ້ ແລະ ປະສົບການຈາກ ສູນກາງແນວລາວສ້າງຊາດ ກ່ຽວກັບແຜນພັດທະນາ ເສດຖະກິດ-ສັງຄົມ ແລະ ທ່ອງທ່ຽວແຂວງສະຫວັນນະເຂດ ພ້ອມທັງຂໍ້ແນະນຳການສະເໜີຂໍສິນເຊື່ອສຳລັບທຸລະກິດ ຊຶ່ງໃຫ້ຮູ້ໂດຍສັງເຂບວ່າ: ສໍາລັບເປົ້າໝາຍໃນການພັດທະນາດ້ານເສດຖະກິດຢູ່ແຂວງ ສະຫວັນນະເຂດໃນຕໍ່ໜ້ານີ້ ແມ່ນແນໃສ່ການພັດທະນາ ແລະເສີມສ້າງທຸລະກິດຂະໜາດນ້ອຍ ແລະ ...

ໃນວັນທີ 7 ທັນວາ 2018, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ພົບປະໂອ້ລົມ ສະມາຊິກສະມາຄົມຜູ້ອາຍຸສູງ ນະຄອນຫຼວງວຽງຈັນ ເພື່ອເປັນການໃຫ້ກຳລັງໃຈອັນໃຫຍ່ຫຼວງ ຕໍ່ການບໍລິຫານເຄື່ອນໄຫວ ຂອງສະມາຄົມໃຫ້ມີຄວາມຍືນຍົງ ແລະ ເຂັ້ມແຂງຍິ່ງຂຶ້ນໄປເລື້ອຍໆ ກ້າວໄປເຖິງການສ້າງຕັ້ງ ຜູ້ອາຍຸສູງລະດັບຊາດ ຫຼື ສະຫະພັນຜູ້ອາຍຸສູງແຫ່ງຊາດ.  ໂອກາດດັ່ງກ່າວ, ທ່ານ ທອງລຸນ ສີສຸລິດ ໄດ້ສະແດງຄວາມຊົມເຊີຍຕໍ່ ສະມາຄົມຜູ້ອາຍຸສູງ ນະຄອນຫຼວງວຽງຈັນ ທີ່ໄດ້: ປະຕິບັດໜ້າທີ່ວິຊາສະເພາະຂອງຕົນ ຈົນໄດ້ຮັບຜົນສໍາເລັດໃນຫຼາຍດ້ານ, ຕັ້ງໜ້າປະຕິບັດໜ້າທີ່ວຽກງານຂອງຕົນດ້ວຍນຳໃຈເສຍສະຫລະສູງ, ປະຕິບັດໜ້າທີ່ຕາມກົດລະບຽບ ແລະ ແຜນການທີ່ວາງໄວ້ດ້ວຍຄວາມຮັບຜິດຊອບ, ມີຜົນງານທີ່ເປັນຮູບປະທຳຢ່າງໜ້າເພິງພໍໃຈ. ສາມາດເຕົ້າໂຮມຄວາມສາມັກຄີເປັນປຶກແຜ່ນ, ສັງຄົມພາຍນອກໄດ້ຮັບຮູ້ ແລະ ໄດ້ອຸ້ມຊູຊ່ວຍເຫຼືອເຊິ່ງກັນ ແລະ ກັນ; ສາມາດເວົ້າໄດ້ວ່າ ການຈັດຕັ້ງ ແລະ ການເຄື່ອນໄຫວຂອງສະມາຄົມ ສອດຄ່ອງກັບແນວທາງນະໂຍບາຍຂອງພັກ-ລັດຖະບານ ທັງເປັນການແບ່ງເບົາພາລະຂອງພັກ-ລັດ ນຳອີກ.  ພ້ອມກັນນັ້ນ, ທ່ານ ນາຍົກຍັງໄດ້ອະທິບາຍ ແລະ ລາຍງານ: ສະພາບການເຄື່ອນໄຫວ ການຈັດຕັ້ງປະຕິບັດວຽກງານຂອງລັດຖະບານ ໃນທຸກຂະແໜງການ ເປັນຕົ້ນ ຂະແໜງການສຶກສາ, ສາທາລະນະສຸກ, ...

ເຊີນຮ່ວມປະມູນຊື້ໄມ້ ຮ່ວງໄມ້ຢຶດຂອງແຂວງຈຳປາສັກ. ຄະນະກຳມະການຮັບຜິດຊອບປະມູນໄມ້ຍຶດຂັ້ນແຂວງ (ພະແນກອຸດສາຫະກຳ ແລະ ການຄ້າແຂວງຈຳປາສັກ) ໄດ້ອອກແຈ້ງການເລກທີ 1560/ພອຄ.ຈສ, ລົງວັນທີ 04 ທັນວາ 2018 ແລະ ແຈ້ງການເລກທີ 1576/ພອຄ.ຈສ, ລົງວັນທີ 05 ທັນວາ 2018 ເພື່ອແຈ້ງເຊີນມາຍັງບັນດາສະມາຄົມເຟີນິເຈີ, ໂຮງງານປຸງແຕ່ງໄມ້, ໂຮງງານເຟີນິເຈີ ແລະ ທຸລະກິດໄມ້ ໃນຂອບເຂດທົ່ວປະເທດ ເພື່ອເຂົ້າມາຮ່ວມການປະມູນຊື້-ຂາຍໄມ້ຍຶດຂອງລັດ. Start Date/Time:04-12-2018 08:00 ມື້ປິດ:18-12-2018 16:00 ຄະນະກຳມະການຮັບຜິດຊອບປະມູນໄມ້ຍຶດຂັ້ນແຂວງ (ພະແນກອຸດສາຫະກຳ ແລະ ການຄ້າແຂວງຈຳປາສັກ) ສາມາດຍຶດໄດ້ ຈຳນວນ 777.540 ຕັບ/ເສັ້ນ/ແຜ່ນ, ບໍລິມາດ 3.199,222 (ສາມພັນໜຶ່ງຮ້ອຍເກົ້າສິບເກົ້າຈຸດສອງຮ້ອຍຊາວສອງ) ແມັດກ້ອນ ແລະ ຈຳນວນ 84.732 ທ່ອນສັ້ນ/ຕັບ/ເສັ້ນ, ບໍລິມາດ 1.168,551(ໜຶ່ງພັນໜຶ່ງຮ້ອຍຫົກສິບແປດຈຸດຫ້າຮ້ອຍຫ້າສິບເອັດ) ແມັດກ້ອນ. ຜູ້ທີ່ສົນໃຈໃນການປະມູນ ໃຫ້ເຂົ້າມາພົວພັນຊື້ຊອງປະມູນທີ່ ພະແນກອຸດສາຫະກຳ ແລະ ການຄ້າແຂວງຈຳປາສັກ (ຂະແໜງການຄ້າພາຍໃນ) ແລະ ພະແນກອຸດສາຫະກຳ ແລະ ການຄ້າແຂວງຈຳປາສັກ ...

ໃນວັນທີ 7 ທັນວາ 2018 ທີ່ນະຄອນຫຼວງວຽງຈັນ, ອົງການກວດກາລັດຖະບານ ໄດ້ຈັດພິທີສະເຫຼີມສະຫຼອງ ວັນຕ້ານການສໍ້ລາດບັງຫຼວງສາກົນ ຄົບຮອບ 15 ປີ, ໂດຍການເຂົ້າຮ່ວມຂອງ ທ່ານ ສີໃນ ມຽງລາວັນ ຮອງປະທານອົງການກວດກາລັດຖະບານ ແລະ ຕ້ານການສໍ້ລາດບັງຫຼວງ, ໂດຍມີ ທ່ານ ເອີເລນ ໂອດູນຊັນ ຟອນ ຕາງໜ້າອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳ ປະຈຳ ສປປ ລາວ(UNODC), ພ້ອມດ້ວຍທູຕານຸທູດ ອົງການຈັດຕັ້ງສາກົນ ຕາງໜ້າບັນດາກະຊວງ-ອົງການ ແລະ ພາກສ່ວນກ່ຽວຂ້ອງເຂົ້າຮ່ວມ. ໃນໂອກາດດັ່ງກ່າວ, ທ່ານ ສີໃນ ມຽງລາວັນ ກ່າວວ່າ: ການສໍ້ລາດບັງຫຼວງ ແມ່ນສະພາບຫຍໍ້ທໍ້ໜຶ່ງໃນກົງຈັກການຈັດຕັ້ງ, ເປັນໄພອັນຕະລາຍຮ້າຍແຮງ ເຊິ່ງສົ່ງຜົນກະທົບ ແລະ ກົດໜ່ວງ ທ່ວງດຶງ ການພັດທະນາເສດຖະກິດ-ສັງຄົມ ຂອງແຕ່ລະປະເທດໃນໂລກ; ການສໍ້ລາດບັງຫຼວງເປັນໄພຂົ່ມຂູ່ເຖິງຄວາມມີສະຖຽນລະພາບຂອງອົງການຈັດຕັ້ງ ທັງພາກລັດ ແລະ ເອກະຊົນ, ສ້າງໃຫ້ເກີດມີຄວາມບໍ່ສະຫງົບ, ຄວາມບໍ່ຍຸຕິທຳໃນສັງຄົມ, ເປັນການບັນທອນກຳລັງແຮງ ກໍຄື ຄວາມເຊື່ອໝັ້ນ ແລະ ຄ່ານິຍົມຂອງສັງຄົມຕໍ່ສະຖາບັນການປົກຄອງ ...

ກະຊວງ​ໂຍທາ​ທິການ ແລະ ຂົນ​ສົ່ງ ຈະ​ເລັ່ງປະສານ​ສົມທົບ​ກັບ​ຂະ​ແໜງ​ກ່ຽວຂ້ອງ​ອື່ນໆ ​ເພື່ອ​ໃຫ້ການ​ຄຸ້ມ​ຄອງ​ພາຫະນະ​ຂອງ​ລັດ​ຖືກຕ້ອງ​ຕາມ​ລະບຽບ​ກົດໝາຍ, ພາຍຫຼັງ​ເຫັນ​ວ່າ​ມີ​ລົດ​ລັດ (ປ້າຍ​ຟ້າ) ​ເກືອບ 2 ພັນ​ຄັນ ​ເອກະສານ​ຍັງ​ບໍ່​ຄົບ​ຖ້ວນ ​ແຕ່​ຂໍຂຶ້ນທະບຽນ​ລົດ​ກ່ອນ. ທ່ານ​ລັດຖະມົນຕີ​ກະຊວງ​ໂຍທາ​ທິການ ​ແລະ ຂົນ​ສົ່ງ ​ໃຫ້​ຮູ້​ວ່າ: ການ​ຂຶ້ນທະບຽນ​ພາຫະນະ​ຂອງ​ລັດ ​ເຊິ່ງ​ເປັນ​ຊັບ​ສົມບັດ​ຂອງ​ລັດ, ຕາມ​ລະບຽບ​ກົດໝາຍ​ຕ້ອງ​ໄດ້​ຈົດ​ທະບຽນ​ເປັນ​ຊັບ​ສິນ​ຂອງ​ລັດ​ ​ແຕ່​ຜ່ານ​ມາ​ມີ​ໃບ​ສະ​ເໜີ​ຈາກ​ພາກສ່ວນ​ກ່ຽວຂ້ອງ​ຂໍຂຶ້ນປ້າຍ​ທະບຽນ​ລົດ​ກ່ອນ, ມາ​ຮອດ​ປັດຈຸບັນ​ຍັງ​ມີ​ລົດ​ປ້າຍ​ລັດ​ບໍ່​ທັນ​ໄດ້​ປະກອບ​ເອກະສານ​ມາ​ຄົບ​ຖ້ວນ​ຈຳນວນ 1,919 ຄັນ ​ແລະ ພາຍຫຼັງ​ປີ 2015 ​ໄດ້​ມີ​ແຈ້ງ​ການ​ຂອງ​ກະຊວງ​ການ​ເງິນ​ກ່ຽວ​ກັບ​ການ​ຄຸ້ມ​ຄອງ ​ແລະ ນຳ​ໃຊ້​ພາຫະນະ​ຂອງ​ລັດ ​ໂດຍ​ໄດ້​ຫ້າມ​ກອງ​ຄຸ້ມ​ຄອງ​ພາຫະນະ ​ແລະ ການ​ຂັບ​ຂີ່​ແຂວງ ​ແລະ ນະຄອນຫຼວງ​ຢຸດຕິ​ອອກ​ໃບ​ທະບຽນ​ຊົ່ວຄາວ​ໃຫ້​ບຸກຄົນ ​ແລະ ການຈັດຕັ້ງຕ່າງໆ​ຕິດ​ປ້າຍ​ລົດ​ລັດ​ບໍລິຫານ ​ໂດຍ​ບໍ່​ໄດ້​ຮັບ​ອະນຸຍາດ​ຈາກ​ຂະ​ແໜງ​ຄຸ້ມ​ຄອງ​ຊັບ​ສິນ​ຂອງ​ລັດ, ຜ່ານ​ມາ​ການ​ຄຸ້ມ​ຄອງ​ພາຫະນະ​ລັດ​ແມ່ນ​ຂຶ້ນກັບ​ຫຼາຍ​ພາກສ່ວນ​ຄື: ບັນດາ​ກະຊວງ-ອົງການ​ປົກຄອງ​ທ້ອງ​ຖິ່ນ ​ແລະ ປັດຈຸບັນ​ຍັງ​ບໍ່​ທັນ​ສາມາດ​ແຍກ​ບັນຊີ​ການ​ຄຸ້ມ​ຄອງ​ໄດ້​ລະອຽດ ​ໂດຍ​ກະຊວງ ຍທຂ ຈະ​ສືບ​ຕໍ່​ປະສານ​ກັບ​ກະຊວງ​ການ​ເງິນ ​ແລະ ພາກສ່ວນ​ກ່ຽວຂ້ອງ​ອື່ນໆ ​ເພື່ອ​ດຳ​ເນີນ​ການຄົ້ນຄວ້າ​ສ້າງ​ນິຕິ​ກຳ​ຄຸ້ມ​ຄອງ​ທີ່​ຮັດກຸມ​ຂຶ້ນຕື່ມ​ອີກ. ຂໍ້ມູນຈາກ : ໜັງສືພິມ ເສດຖະກິດ-ສັງຄົມ

ໃນວັນທີ 6 ທັນວາ 2018 ທີ່ນະຄອນຫຼວງວຽງຈັນ, ໄດ້ມີພິທີເຊັນສັນຍາຊ່ວຍເຫຼືອ ແລະ ປົກປ້ອງເດັກ ທີ່ບໍ່ມີ ພໍ່, ແມ່ ແລະ ຜູ້ປົກຄອງດູແລ ທີ່ໄດ້ຮັບຜົນກະທົບຈາກໄພພິບັດ ຢູ່ເມືອງສະໜາມໄຊ ແຂວງອັດຕະປື ເພື່ອເຮັດໃຫ້ເດັກເຫຼົ່ານັ້ນໄດ້ຮັບການປົກປ້ອງ ແລະ ຊ່ວຍເຫຼືອດີຂຶ້ນກວ່າເກົ່າ, ເຊິ່ງລັດຖະບານສ.ເກົາຫລີ ໄດ້ອະນຸມັດທຶນ 3 ແສນໂດລາສະຫະລັດ ໃຫ້ອົງການຢູນິເຊັບ ເພື່ອໃຊ້ໃນການຊ່ວຍເຫຼືອດັ່ງກ່າວ, ລົງນາມໂດຍ ທ່ານ ຊິນ ຊົງ ຊູນ ເອກອັກຄະລັດຖະທູດ ສ. ເກົາ ຫລີ ປະຈຳ ສປປ ລາວ ແລະ ທ່ານ ອົກຕາວຽນ ບີໂວນ ຜູ້ຕາງໜ້າອົງການຢູນິເຊັບ. ພິທີເຊັນສັນຍາດັ່ງກ່າວ, ແມ່ນສໍາລັບໂຄງການ ເຮັດໃຫ້ເດັກນ້ອຍຢູ່ແຂວງອັດຕະປື ໄດ້ຮັບການປົກປ້ອງ ແລະ ຊ່ວຍເຫຼືອທີ່ດີຂຶ້ນ ໂດຍຜ່ານລະບົບການດູແລ ແລະ ປົກປ້ອງເດັກ. ມີຈຸດປະສົງເພື່ອຮັບມືກັບພາວະສຸກເສີນ ທີ່ເກີດຈາກເຫດການສັນເຄື່ອນແຕກ ທີ່ແຂວງອັດຕະປື, ພ້ອມນັ້ນ ກໍເພື່ອຮັບປະກັນໃຫ້ການສະໜັບສະໜູນຊ່ວຍເຫຼືອ ໃນໄລຍະສຸກເສີນເຂົ້າສູ່ການຟື້ນຟູໄລຍະກາງ, ໄລຍະຍາວມີຄວາມຍືນຍົງ ແລະ ສ້າງຄວາມເຂັ້ມແຂງ ໃຫ້ແກ່ລະບົບປົກປ້ອງເດັກໄປພ້ອມໆກັນ. ...

ໃນວັນທີ 5 ທັນວາ 2018, ທ່ານ ສະເຫຼີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ທ່ານ ຣູເບັນ ດາຣີໂອ ໂມລີນາ ຮອງລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ໂບລີວາຣຽນ ເວເນຊູເອລາ, ຜູ້ຊີ້ນຳວຽກງານຂົງເຂດອາຊີ, ຕາເວັນອອກກາງ ແລະ ໂອເຊອານີ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ລະຫວ່າງວັນທີ 4-5 ທັນວາ ນີ້. ໂອກາດດັ່ງກ່າວ, ທ່ານ ສະເຫຼີມໄຊ ກົມມະສິດ ກໍໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງຕໍ່ ທ່ານ ຣູເບັນ ດາຣີໂອ ໂມລີນາ ທີ່ໄດ້ນຳພາຄະນະເດີນທາງມາຢ້ຽມຢາມ ແລະ ເຮັດວຽກໃນຄັ້ງນີ້, ຊຶ່ງເປັນການປະກອບສ່ວນ ສຳຄັນ ເຂົ້າໃນການເສີມຂະຫຍາຍ ສາຍພົວພັນມິດຕະພາບ ແລະ ການຮ່ວມມື ຊ່ວຍເຫຼືອເຊິ່ງກັນ ...

ກະຊວງປ້ອງກັນປະເທດ ຈັດພິທີຊ້ອມການເດີນສວນສະໜາມ ຂຶ້ນວັນທີ 6 ທັນວາ 2018 ທີ່ວິທະຍາຄານກົມມະດຳ ເພື່ອກະກຽມງານສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວຄົບ ຮອບ 70 ປີ (20/1/1949-20/1/2018) ໂດຍມີ ທ່ານ ພົນຕີ ຈັນທອງ ສອນຕະອາດ ຮອງຫົວໜ້າກົມໃຫຍ່ເສນາທິການກອງທັບ ກະຊວງປ້ອງກັນປະເທດ ບັນດາຄະນະພັກ ຄະນະບັນຊາ ພ້ອມດ້ວຍຄະນະຮັບຜິດຊອບການເດີນສ່ວນສະໜາມ 70 ປີ ກອງທັບເຂົ້າຮ່ວມ. ສຳລັບການຊ້ອມເດີນສວນສະໜາມປະກອບມີທັງໝົດ 19 ກ້ອນກຳລັງ ໃນນັ້ນມີ ກ້ອນທຸງໄຊ ກອງທັບປະຊາຊົນລາວ, ກ້ອນກອງທັບລາວອິດສະຫຼະ, ກ້ອນແມ່ຍິງ 369, ກ້ອນນາຍທະຫານບົກ, ກ້ອນນາຍທະຫານອາກາດ, ກ້ອນກໍາລັງທະຫານຊາຍແດນ, ກ້ອນກໍາລັງທະຫານຮາບ, ກ້ອນກໍາລັງທະຫານຕີພິເສດ, ກ້ອນເຫຼົ່າຮົບລົດຕັງ-ຍານເກາະ, ກ້ອນເຫຼົ່າຮົບປືນໃຫຍ່ໜ້າດິນ, ກ້ອນເຫຼົ່າຮົບປ້ອງກັນອາກາດ, ກ້ອນເຫຼົ່າຮົບເສນາຮັກ, ກ້ອນກອງຫຼອນ, ກ້ອນເຫຼົ່າຮົບຊ່າງແສງ, ກ້ອນກໍາລັງປ້ອງກັນຕົວ, ກ້ອນເຫຼົ່າຮົບສື່ສານ, ກ້ອນກໍາລັງທະຫານທ້ອງຖິ່ນ ແລະ ກ້ອງກ້ອງແກວົງ.   ຂໍ້ມູນຈາກ:ເຟສບຸກວຽງຈັນໃໝ່ ພາບ-ຂ່າວ ລັດເວລາ

ໃນວັນທີ 28 ພະຈິກ 2018 ທີ່ຜ່ານມານີ້, ທີ່ຫ້ອງປະຊຸມມະຫາວິທະຍາໄລແຫ່ງຊາດໄດ້ຈັດການແຂ່ງຂັນພາສາລັດເຊຍ “ມາໂຕຣສ໌ກາ”ຄັ້ງທີ 1 ໃນການເປີດພິທີແຂ່ງຂັນ, ຮອງຄະນະບໍດີຄະນະອັກສອນສາດ – ທ່ານ ບຸນເລືອນ ແສງສຸລິນ ໄດ້ຊີ້ໃຫ້ເຫັນວ່າຫຼັງຈາກການລົ້ມສະລາຍຂອງສະຫະພາບໂຊວຽດ ແລະ ໄດ້ຢຸດການສອນພາສາຣັດເຊຍ, ດ້ວຍເຫດນີ້ກໍໄດ້ຕັດສິນໃຈທີ່ຈະຟື້ນຟູພະແນກພາສາຣັດເຊຍຂຶ້ນ. ຜູ້ນໍາຂອງປະເທດ ແລະ ມະຫາວິທະຍາໄລເຊື່ອວ່າພາສາຣັດເຊຍ, ແມ່ນຫນຶ່ງໃນພາສາທີ່ເປັນທາງການຂອງສະຫະປະຊາຊາດ, ມີຄວາມຫມາຍຄວາມສໍາຄັນໃນໂລກທີ່ທັນສະໄຫມ. ໃນປີ 2011, ວຽກງານຂອງພະແນກໄດ້ສືບຕໍ່ຟື້ນຟູ ແລະປະຈຸບັນນັກສຶກສາຈຳນວນ 60 ຄົນໄດ້ສຶກສາຢູ່ທີ່ ມຊ. ໃນການຕ້ອນຮັບທັກທາຍ, ຜູ້ຕາງຫນ້າ Rossotrudnichestvo, ທ່ານ ຊາອູຣ໌ ເລຕິຟອບ, ໄດ້ສະແດງຄວາມຂອບໃຈມາຍັງ ມຊ ສໍາລັບການເຮັດວຽກຂອງຕົນຢ່າງຫ້າວຫັນ, ການຮ່ວມມືທີ່ດີກັບ ສວວຣ ປະຈຳນະຄອນຫລວງວຽງຈັນ ແລະມະຫາວິທະຍາໄລຕ່າງໆຂອງຣັດເຊຍ. ຜູ້ແຂ່ງຂັນໄດ້ຖືກປະເມີນໂດຍຄະນະກໍາມະການ, ຄູອາຈານທີ່ສອນຫຼັກສູດພາສາຣັດເຊຍທີ່ໄດ້ຖືກເຊື້ອຈາກ ສວວຣ ປະຈຳ ນະຄອນຫຼວງວຽງຈັນ – ທ່ານ ນາງ ເອເລນາ ອັນເດຼຍເຈນໂກະ ແລະ ທ່ານ ນາງ ນາຕາເລຍ ສິງດາຣາ. ພ້ອມດຽວກັນນັ້ນອາຈານຂອງມະຫາວິທະຍາໄລເສດຖະກິດ ແລະການບໍລິການແຫ່ງລັດວະລາດີວາສ໌ຕົກ, ອາຈານຝຶກຫັດພະແນກພາສາຣັດເຊຍຂອງ ...

ໃນຕອນຄໍ່າຂອງວັນທີ 5 ທັນວາ 2018 ຜ່ານມາ ຢູ່ທີ່ສະຖານເອກອັກຄະຣາຊະທູດໄທ ປະຈຳ ສປປ ລາວ, ໄດ້ຈັດພິທີສະເຫຼີມສະຫຼອງວັນພໍ່ແຫ່ງຊາດ ແລະ ວັນຊາດໄທ, ໂດຍການໃຫ້ກຽດເຂົ້າຮ່ວມຂອງທ່ານ ສົມມາດ ພົນເສນາ ລັດຖະມົນຕີ ກະຊວງຊັບພະຍາກອນ ແລະ ສິ່ງແວດລ້ອມ, ທ່ານ ນາງ ຄໍາເພົາ ເອີນທະວັນ ຮອງລັດຖະມົນຕີ ກະຊວງການຕ່າງປະເທດ ມີບັນດາ ຮອງລັດຖະມົນຕີ, ທູຕານຸທຸດ ແລະ ຜູ້ຕາງໜ້າອົງການຈັດຕັ້ງສາກົນ, ພ້ອມດ້ວຍແຂກຖືກເຊີນ ເຂົ້າຮ່ວມ. ທ່ານ ກຽດຕິຄຸນ ຊາດປະເສີດ ເອກອັກຄະຣາຊະທູດໄທ ປະຈຳ ສປປ ລາວ ໄດ້ກ່າວວ່າ: ວັນທີ 5 ທັນວາ ຂອງທຸກປີ ນອກຈາກວັນຊາດແລ້ວ ຍັງເປັນວັນສະເຫຼີມພຣະຊົນມະພັນສາຂອງພຣະບາດສົມເດັດ ພຣະປະຣະມິນທະຣະມະຫາພູມິພົນ ອະດຸນຍະເດດ ບໍຣົມມະນາດບໍພິດ ແລະ ວັນພໍ່ແຫ່ງຊາດ ແຫ່ງ ຣາຊະອານາຈັກໄທ ນຳອີກ. ພາຍໃນງານຍັງມີການສະແດງສິລະປະວັນນະຄະດີ ແລະ ງານລ້ຽງອາຫານຄໍ່າແບບບຸບເຟ ໂດຍມີບັນດາຮ້ານອາຫານຈາກປະເທດໄທ ແລະ ລາວ ...