ຂ່າວ ພາຍໃນປະເທດ

ໃນວັນທີ 17 ທັນວາ 2018 ທີ່ນະຄອນຫຼວງພະບາງ ແຂວງຫຼວງພະບາງ ກອງປະຊຸມລັດຖະມົນຕີ ຕ່າງປະເທດແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 4 ໄດ້ໄຂຂຶ້ນຢ່າງເປັນທາງການ, ມີບັນດາລັດຖະມົນຕີ ຕ່າງປະເທດ ພ້ອມດ້ວຍຄະນະ ຈາກບັນດາປະເທດແມ່ນ້ຳຂອງ-ແມ່ນ້ຳລ້ານຊ້າງ ຄື: ສປປ ລາວ, ສສ.ຫວຽດນາມ. ສປ.ຈີນ, ກຳປູເຈຍ, ມຽນມາ ແລະ ໄທ ເຂົ້າຮ່ວມ. ພາຍຫຼັງສຳເລັດກອງປະຊຸມລັດຖະມົນຕີ ຕ່າງປະເທດ ແມ່ນ້ຳຂອງ-ແມ່ນ້ຳລ້ານຊ້າງ ຄັ້ງທີ 4 ໄດ້ມີການຖະແຫຼງຂ່າວຮ່ວມ ໂດຍ ທ່ານ ສະເຫຼີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ຫວັງ ອີ້ ທີ່ປຶກສາແຫ່ງລັດ, ລັດຖະມົນຕີ ກະຊວງການຕ່າງປະເທດແຫ່ງ ສປ.ຈີນ ໃນການຖະແຫຼງຂ່າວ ທ່ານ ສະເຫຼີມໄຊ ກົມມະສິດ ໄດ້ໃຫ້ຮູ້ວ່າ: ກອງປະຊຸມບັນດາລັດຖະມົນຕີຕ່າງປະເທດ ແມ່ນ້ຳຂອງ-ແມ່ນ້ຳລ້ານຊ້າງ ໄດ້ປຶກສາຫາລືຢ່າງເລິກເຊິ່ງ ກ່ຽວກັບການພັດທະນາ ແລະ ຈັດຕັ້ງປະຕິບັດຜົນໄດ້ຮັບຂອງກອງປະຊຸມ ຄັ້ງກ່ອນ ...

ເປີດແລ້ວ ຮັບສະໝັກ ທຶນການສຶກສາ Chongqing Municipal Government Mayor Scholarship 2019 ທີ່ປະເທດຈີນ ປິດຮັບສະໝັກ: 15/04/2019 ລາຍລະອຽດ ແລະ ວິທີການສະໝັກທີ່: http://english.cqupt.edu.cn/…/Chongqing_Municipal_Governmen… 2019  Chongqing Municipal Government Mayor Scholarship at CQUPT      （For Undergraduate and Graduate Students） In order to encourage more outstanding international students to pursue a higher education in Chongqing, Chongqing Municipal Government launches the Chongqing Municipal Government Mayor Scholarship. 1. University Name: Chongqing University of Posts and Telecommunications 2. ...

ລັດຖະບານ ສປປ ລາວ ຕົກລົງມອບຫຼຽນໄຊແຮງງານຊັ້ນ 1 ໃຫ້ແກ່ໂຮງງານ ເບຍລາວ ແຂວງຈຳປາສັກ ພິທີປະດັບຫຼຽນໄຊ ຈັດຂຶ້ນໃນຄໍ່າຄືນຂອງວັນທີ 15 ທັນວາ ປີ 2018 ຜ່ານມາທີ່ໂຮງແຮມ ເອລະວັນຣີເວີໄຊ ນະຄອນປາກເຊ ແຂວງຈຳປາສັກ. ໃນໂອກາດງານລ້ຽງສະເຫຼີມສະຫຼອງ ບໍລິສັດເບຍລາວ ຈຳກັດ ຄົບຮອບ 45 ປີ ແລະ ຄົບຮອບ 10 ປີ ການສ້າງຕັ້ງໂຮງງານເບຍລາວ ແຂວງຈຳປາສັກ, ນອກຈາກການປະດັບຫຼຽນໄຊແຮງງານຊັ້ນ 1 ແລ້ວຍັງໄດ້ປະດັບຫຼຽນໄຊແຮງງານຊັ້ນ 3 ໃຫ້ແກ່ພະນັກງານທີ່ມີຜົນງານດີເດັ່ນຈຳນວນ 10 ສະຫາຍ,ຫຼຽນກາແຮງງານ 11 ສະຫາຍ,ໃບຍ້ອງຍໍລັດຖະບານ,ຂັ້ນກະຊວງ,ຂັ້ນແຂວງ ອີກທັງໜົດ 107 ສະຫາຍ. ໃຫ້ກຽດຕາງໜ້າລັດຖະບານ ປະດັບຫຼຽນໄຊ ໃຫ້ແກ່ໂຮງງານເບຍລາວ ແຂວງຈຳປາສັກ ຄັ້ງນີ້,ແມ່ນ ທ່ານ ບົວສອນ ວົງສອງຄອນ ຮອງເຈົ້າແຂວງ ຈຳປາສັກ. ຂໍ້ມູນຈາກ: ສະຖານີວິທະຍຸຈໍາປາສັກ 100,7 Mhz

ອົງການພັດທະນາສາກົນ ອາເມຣິກາ ຫຼື USAID ມອບປຶ້ມຄູ່ມື ການຍ້ອມສີທຳມະຊາດ ໃຫ້ແກ່ກະຊວງອຸດສາຫະກຳ ແລະ ການຄ້າ ໃນວັນທີ 11 ທັນວາ 2018 ທີ່ຜ່ານມາ. ງານມອບຮັບ ໄດ້ຖືກຈັດຂຶ້ນ ທີ່ໂຮງແຮມສາລານາບູທີກ ເຊິ່ງເປັນກຽດເຂົ້າຮ່ວມໂດຍ ທ່ານ ດຣ. ອາເລັກຊານເດຍ ຮູເອຕ້າ, ຜູ້ອຳນວຍການອົງການ USAID ປະຈຳລາວ ແລະ ທ່ານນາງ ບານສະຕິ ເທບພະວົງ, ຫົວໜ້າຫ້ອງການ ກະຊວງອຸດສາຫະກຳ ແລະ ການຄ້າ ພ້ອມກັບບັນດາພະນັກງານລັດ, ຜູ້ປະກອບການ ແລະ ຕາງໜ້າຈາກບັນດາບໍລິສັດເອກະຊົນຫຼາຍກ່ວາ 20 ທ່ານ. ທ່ານ ດຣ. ຮູເອຕ້າ ກ່າວວ່າ: ປຶ້ມຄູ່ມື ແລະ ວິດີໂອນີ້ ຈະເປັນຄູ່ມືທີ່ມີ່ປະໂຫຍດໃຫ້ແກ່ບັນດາຜູ້ປະກອບການທົ່ວສປປ ລາວ ແລະ ການເຝິກອົບຮົມ ຫຼື ການສໍາມະນາໃນອະນາຄົດ. ການພັດທະນາທັກສະການຍ້ອມສີທຳມະຊາດນີ້ຈະຊ່ວຍໃຫ້ພວກເຂົາເພີ່ມລາຍຮັບ ໃຫ້ແກ່ຄອບຄົວ, ສ້າງຄວາມເຂັ້ມໃຫ້ແກ່ຊຸມຊົນ ແລະ ປະກອບສ່ວນເຂົ້າໃນການພັດທະນາເສດຖະກິດຂອງ ສປປ ລາວ. ໃນເດືອນມິຖຸນາ ...

ໃນວັນທີ 17 ທັນວາ 2018 ທີ່ທໍານຽບປະທານປະເທດ, ທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ຄະນະຜູ້ແທນສານດີກາ ແຫ່ງ ຣາຊະອານາຈັກໄທ, ຊຶ່ງນຳໂດຍ ທ່ານ ຊີບ ຈຸລະມົນ ປະທານສານດີກາ ແຫ່ງ ຣາຊະອານາ ຈັກໄທ ເນື່ອງໃນໂອກາດເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນລະຫວ່າງ ວັນທີ 14 -17 ທັນວາ 2018. ໃນໂອກາດດັ່ງກ່າວ, ທ່ານຮອງປະທານປະເທດ  ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ ການຢ້ຽມຢາມ ສປປ ລາວ ຢ່າງເປັນທາງການຂອງຄະນະໃນຄັ້ງນີ້, ຊຶ່ງເປັນການປະກອບສ່ວນອັນສຳຄັນ ເຂົ້າໃນການເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ນັບມື້ນັບໄດ້ຮັບການເສີມຂະຫຍາຍຢ່າງຕໍ່ເນື່ອງ. ຂອບໃຈຂໍ້ມູນຈາກ: ຂປລ.

ໃນວັນທີ 17 ທັນວາ 2018 ທ່ານ ທອງລຸນ ສີສຸລິດ ນາຍົກລັດຖະມົນຕີ ແລະ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍ ບັນດາລັດຖະມົນຕີ, ຮອງລັດຖະມົນຕີ ແລະ ຜູ້ຕາງໜ້າ ຈາກກະຊວງ-ອົງການທີ່ກ່ຽວຂ້ອງ ໄດ້ລົງເຄື່ອນໄຫວຢ້ຽມຢາມ ແລະ ພົບປະໂອ້ລົມກັບປະຊາຊົນ ທີ່ຖືກຜົນກະ ທົບ ຈາກໄພພິບັດນໍ້າຖ້ວມ ທີ່ເມືອງສະໜາມໄຊ, ແຂວງອັດຕະປື. ໃນໂອກາດດັ່ງກ່າວ, ທ່ານນາຍົກລັດຖະມົນຕີ ພ້ອມດ້ວຍຄະນະ ໄດ້ໄປຢ້ຽມຢາມ ແລະ ພົບປະໂອ້ລົມກັບປະຊາຊົນ ຢູ່ຈຸດພັກຊົ່ວຄາວ ຈຸດດົງບາກ, ຈຸດປິນດົງ ແລະ ຈຸດຕະມໍຢອດ ທີ່ໄດ້ຮັບຜົນກະທົບ ຈາກໄພພິບັດນໍ້າຖ້ວມ ໃນທ້າຍເດືອນກໍລະກົດ ທີ່ຜ່ານມາ. ການໄປແຕ່ລະສະຖານທີ່ ທ່ານນາຍົກລັດຖະມົນຕີ ໄດ້ພົບປະໂອ້ລົມ ກ່າວສະແດງຄວາມເປັນຫ່ວງເປັນໄຍ ຕໍ່ປະຊາຊົນ ໂດຍໄດ້ຖາມເຖິງສະພາບການດຳລົງຊີວິດຂອງເຂົາເຈົ້າ, ການຮຽນ-ການສອນ ຂອງຄູອາຈານ ແລະ ລູກຫຼານນັກຮຽນ, ຄວາມຄືບໜ້າ ໃນການແກ້ໄຂ ແລະ ປັບປຸງຊີວິດການເປັນຢູ່ຂອງປະຊາຊົນ, ໂດຍສະເພາະແມ່ນການສ້າງທີ່ພັກຊົ່ວຄາວ ແລະ ຖາວອນ, ແຜນການປັບປຸງ ...

ຕາມແຫຼ່ງຂ່າວຂອງເຈົ້າໜ້າທີ່ບອກໃຫ້ຮູ້ວ່າ ໃນວັນທີ 13 ທັນວາ 2018 ທີ່ເຂດເສດຖະກິດພິເສດ ສາມລ່ຽມຄໍາ ເມືອງຕົ້ນເຜີ້ງ ແຂວງບໍ່ແກ້ວ ໜ່ວຍງານບັງຄັບໃຊ້ກົດໝາຍວ່າດ້ວຍສັດປ່າ ກອງກວດກາປ່າໄມ້ ແລະ ເຈົ້າໜ້າທີ່ຈາກກົມກວດກາປ່າໄມ້ ພ້ອມດ້ວຍທະຫານ-ຕໍາຫຼວດ, ພາສີ, ສານ, ໄອຍາການ ແລະ ປກສ ເຂດເສດຖະກິດພິເສດ ສາມລ່ຽມຄໍາ ເຂົ້າກວດຄົ້ນບັນດາຮ້ານຄ້າໃນເຂດເສດຖະກິດພິເສດ (Chinatown) ຕໍ່ວຽກງານບັງຄັບໃຊ້ກົດໝາຍ ວ່າດ້ວຍການສະກັດກັ້ນ ແລະ ກວດຄົ້ນ ການຄ້າ-ຂາຍສັດປ່າ ໂດຍສະເພາະຜະລິດຕະພັນທີ່ມາວາງຂາຍ ທີ່ອາດເຮັດຈາກຊິ້ນສ່ວນສັດປ່າ ທີ່ຜິດກົດໝາຍ. ຜົນສະຫຼຸບໂດຍລວມ ຈາກກອງກວດກາປ່າໄມ້ ແຂວງບໍ່ແກ້ວ ກ່ຽວກັບການເຂົ້າກວດຄົ້ນຮ້ານຄ້າເປົ້າໝາຍ ໃນເຂດເສດຖະກິດພິເສດ ສາມລ່ຽມຄໍາ ແລະ ຮ້ານຄ້າ ເຂດເມືອງຕົ້ນເຜິ້ງ ແຂວງບໍ່ແກ້ວ ລວມທັງໝົດມີ 5 ຮ້ານ ພ້ອມຍຶດຂອງກາງທັ້ງໝົດ 32 ຢ່າງ ສ່ວນໃຫຍ່ເປັນຊິ້ນສ່ວນສັດປ່າ ທີ່ຜິດກົດໝາຍ. ໜ່ວຍງານບັງຄັບໃຊ້ກົດໝາຍ ວ່າດ້ວຍສັດນໍ້າ-ສັດປ່າ ແຂວງບໍ່ແກ້ວ ພ້ອມເຈົ້າໜ້າທີ່ຈາກກົມກວດກາປ່າໄມ້ ແລະ ພາກສ່ວນທີ່ກ່ຽວຂ້ອງ ຈໍານວນ 50 ທ່ານ ເຂົ້າກວດຄົ້ນ 5 ...

ກອງ​ປະ­ຊຸມ​ພົບ​ປະ​ຜູ້​ຊົງ​ຄຸນ​ວຸດ​ທິ​ບັນ­ດາ­ເຜົ່າ​ທົ່ວ​ປະ­ເທດ ຄັ້ງ​ທີ 3 ຈັດ​ຂຶ້ນ​ວັນ​ທີ 13 ທັນ­ວາ 2018 ທີ່​ຫໍ​ປະ­ຊຸມ​ແຫ່ງ​ຊາດ ນະ­ຄອນ­ຫຼວງ​ວຽງ​ຈັນ ໂດຍ​ເປັນ​ປະ­ທານ​ຂອງ​ທ່ານ ໄຊ​ສົມ​ພອນ ພົມ­ວິ­ຫານ ປະ­ທານ​ສູນ​ກາງ​ແນວ​ລາວ​ສ້າງ​ຊາດ ມີ​ພະ​ເຖ­ລາ­ນຸ­ເຖລະ ທ່ານ ບຸນ​ຍັງ ວໍ­ລະ​ຈິດ ປະ­ທານ​ປະ­ເທດ ບັນ­ດາ​ການ​ນຳ​ພັກ-ລັດ ອະ­ດີດ​ການ​ນຳ​ພັກ-ລັດ​ຂັ້ນ​ສູງ ແນວ​ລາວ​ສ້າງ​ຊາດ​ຂັ້ນ​ສູນ​ກາງ ແລະ ທ້ອງ­ຖິ່ນ​ທົ່ວ​ປະ­ເທດ ຜູ້­ຕາງ­ໜ້າ​ເຊື້ອ​ຊາດ​ລາວ​ຈາກ 11 ປະ­ເທດ​ເຂົ້າ​ຮ່ວມ. ກອງ​ປະ­ຊຸມ​ໄດ້​ຕີ​ລາ­ຄາ​ບັນ­ຫາ​ທີ່​ພົ້ນ​ເດັ່ນ ແລະ ຂໍ້­ຄົງ­ຄ້າງ​ຈຳ­ນວນ​ໜຶ່ງ ຂອງ​ການ­ຈັດ­ຕັ້ງ​ປະ­ຕິ­ບັດ​ຜົນ​ກອງ​ປະ­ຊຸມ​ພົບ​ປະ​ຜູ້​ຊົງ​ຄຸນ​ວຸດ​ທິ​ບັນ­ດາ​ຊົນ­ເຜົ່າ​ທົ່ວ​ປະ­ເທດ ຄັ້ງ​ທີ 2 ປີ 2015 ເຫັນ​ວ່າ​ມີ​ຫຼາຍ​ບັນ­ຫາ​ທີ່​ຈະ​ຕ້ອງ​ໄດ້​ມີ​ການ​ປັບ­ປຸງ ເພື່ອ​ເຮັດ​ໃຫ້​ການ­ຈັດ­ຕັ້ງ​ປະ­ຕິ­ບັດ​ກອງ​ປະ­ຊຸມ​ຄັ້ງ​ນີ້ ບັນ­ລຸ​ຕາມ​ຄາດ­ໝາຍ​ທີ່​ວາງ​ໄວ້ ໂດຍ​ມີ​ບາງ​ບັນ­ຫາ ແລະ ທິດ​ທາງ​ໜ້າ­ທີ່​ຈຸດ​ສຸມ ແລະ ມາດ​ຕະ­ການ​ປະ­ຕິ­ບັດ ເປັນ­ຕົ້ນ ການ­ຈັດ­ຕັ້ງ​ເຊື່ອມ​ຊຶມ​ແນວ­ທາງ​ນະ­ໂຍ­ບາຍ​ຂອງ​ພັກ ໃນ​ການ​ກໍ່­ສ້າງ​ຄວາມ​ສາ­ມັກ­ຄີ​ປອງ​ດອງ​ປະ­ຊາ­ຊົນ​ບັນ­ດາ­ເຜົ່າ ຊັ້ນ​ຄົນ ເພດ-ໄວ ນັກ­ຮຽນ​ຮູ້ ປັນ­ຍາ​ຊົນ ນັກ­ທຸ­ລະ­ກິດ ກຳ­ມະ­ກອນ ຊາວ​ກະ­ສິ­ກອນ ແລະ ສາ­ສະ­ໜາ​ຕ່າງໆ ພາຍ​ໃຕ້​ການ​ນຳ­ພາ​ຂອງ​ພັກ​ເປັນ​ມູນ­ເຊື້ອ​ອັນ​ດີ­ງາມ​ຂອງ​ຊາດ​ລາວ​ເຮົາ ເປັນ​ກຳ­ລັງ​ແຮງ​ຊະ­ນະ​ເລີດ​ຂອງ​ປະ­ຊາ­ຊົນ ໃຫ້​ທົ່ວ​ສັງ­ຄົມ​ເຂົ້າ­ໃຈ ປະ­ກອບ­ສ່ວນ​ເຂົ້າ​ໃນ​ການ​ສ້າງ​ຄວາມ​ເປັນ​ປຶກ​ແຜ່ນ​ພາຍ​ໃນ​ຊາດ ບັນ­ດາ​ຜູ້​ຊົງ​ຄຸນ​ວຸດ​ທິ ນັກ­ຮຽນ​ຮູ້ ...

ກອງ​ປະ​ຊຸມ​ Lao Digital Forum ຄັ້ງ​ທີ​ສາມ ຈັດຂຶ້ນທີ່ນະຄອນຫຼວງວຽງຈັນ ເພື່ອ​ສຸ່ມ​ໃສ່ໂອ​ກາດ​ການ​ຄ້າ​ທາງເ​​ອ​ເລັກ​ໂຕ​ຣ​ນິກ (e-commerce) ຢູ່​ ສ​ປ​ປ ລາວ ​ແລະ ວິ​ທີ​ການ​ກະ​ຕຸ້ນ​ການ​ຈະ​ເລີນ​ເຕີບ​ຂອງ​ການ​ຄ້າ​ດັ່ງ​ກ່າວ. ໃນ​ບົດ​ກ່າວ​ເປີດ​ຂອງ ​ທ່ານນາງ ເຂັມ​ມະ​ນີ ໄດ້​ໃຫ້​ຮູ້​ວ່າ ການ​ຄ້າ​ທາງ​ເອເລັກ​ໂຕ​ຣ​ນິກ ​​ເປັນ​ສ່ວນ​ໜຶ່ງ​ຂອງ​ແຜນ​ແມ່​ບົດ​ປະ​ຊາ​ຄົມ​ເສດ​ຖະ​ກິດ​ອາ​ຊຽນ 2025 ແລະ ໄດ້​​ຊີ້​ໃຫ້​ເຫັນ​ເຖິງ​ເປົ້າ​ໝາຍ​ຂອງ​ລັດ​ຖະ​ບານ​ລາວ​ໃນ​ການ​ສ້າງກອບ​ແຜນ​ວຽກ​ທາງ​ດ້ານ​ກົດ​ໝາຍ​ສໍາລັບ​ການ​ຄ້າ​ທາງ​​ເອ​ເລັກ​ໂຕຣ​ນິກ​ໃນ​ປີ​ໜ້າ. ທ່ານນາງ ເຂັມ​ມະ​ນີ ກ່າວ​ຕື່ມວ່າ  “ພວກ​ເຮົາ​ເນັ້ນ​ໃສ່​ສອງ​ບັນ​ຫາ”  “ບັນ​ຫາ​ທີໜຶ່ງ​ຄື​ພວກ​ເຮົາ​ຕ້ອງ​ການ​ໃຫ້​ຜູ້​ຜະ​ລິດ​ ແລະ ຜູ້​ໃຫ້​ບໍ​ລິ​ການພາຍ​ໃນ​ຂອງ​ພວກ​ເຮົາ​ມີ​ສ່ວນ​ຮ່ວມ​ໃນ​ຕະຫຼາດ​ທີ່​ໃຫຍ່​ຂຶ້ນ ແລະ ບັນ​ຫາ​ທີ​ສອງ​ຄື ເຮັດ​ໃຫ້​ຜູ້​ຊົມ​ໃຊ້​ພາຍ​ໃນ​ຂອງ​ພວກ​ເຮົາ​ສາ​ມາດ​ເຂົ້າ​ເຖິງ​ຜະ​ລິດ​ຕະ​ພັນ ແລະ ການ​ບໍ​ລິ​ການ​ທີ່ຫຼາກຫຼາຍ.” ທ່ານ ທູດອາເມຣິກາ ຣີນາ ບິດເຕີ ໄດ້​ຊີ້ໃຫ້​ເຫັນ​ເຖິງ​ທ່າ​ແຮງ​ທີ່​ເຂັ້ມ​ແຂງ​ການ​ຄ້າ​ທາງເ​ອ​ເລັກ​ໂຕ​ຣ​ນິກ​ໃນ ສ​ປ​ປ ລາວ,​ ທ່ານຍົກໃຫ້ເຫັນວ່າ “​ການ​ຄ້າ​ທາງເ​ອ​ເລັກ​ໂຕຣ​ນິກ ​ສ້າງ​ວຽກ​ເຮັດ​ງານ​ທຳ ແລະ ເພີ່ມ​ປະ​ສິດ​ທິ​ພາບ​ທາງ​ດ້ານ​ເສດ​ຖະ​ກິດ. ສິ່ງ​ທີ່​ສຳ​ຄັນ​ທີ່​ສຸດ​ຄື​ການ​ຄ້າ​ທາງເອເລັກ​ໂຕ​​ຣນິກ​ ສາ​ມາດ​ຊ່ວ​ຍຫຼຸດ​ຊ່ອງວ່າງ ​ໃນ​ການ​ພັດ​ທະ​ນາ​ຊົນ​ນະ​ບົດ-​ຕົວ​ເມືອງ ຊຶ່ງ​ການ​​ຄ້າ​ທາງ​ເອ​ເລັກ​ໂຕ​ຣ​ນິກ ໄດ້​ສົ່ງ​ເສີມ​ການ​ເຕີບ​ທາ​ງ​ດ້ານ​ເສດ​ຖະ​ກິດ​ທົ່ວ​ປະ​ເທດ.” ທ່ານ​ ເຈັນ ປີເຕີ ລູເກັນເຮີມ ເອກ​ອັກ​ຄະ​ລັດ​ຖະ​ທູດ ເຢຍ​ລະ​ມັນ ກ່າວ​ວ່າ “ກ​ານ​ຄ້າ​ທາງ​ເອເລັກ​ໂຕ​ຣ​ນິກ ແມ່ນ​ກຳ​ລັງ​ເຕີບ​ໂຕ​ໃນ​ສາ​ກົນ ...

ກອງ​ປະ­ຊຸມ​ພົບ​ປະ​ລະ­ຫວ່າງ​ຄະ­ນະ​ປະ­ຈຳ​ພັກ ນະ­ຄອນ­ຫຼວງ​ວຽງ​ຈັນ (ນວ) ແລະ ຄະ­ນະ​ພັກ​ກະ­ຊວງ​ການ​ເງິນ ໄດ້​ຈັດ​ຂຶ້ນ ເມື່ອສັບປະດາຜ່ານມາ ທີ່​ຫ້ອງ​ວ່າ­ການ​ປົກ­ຄອງ ນວ. ທ່ານ ສົມ​ດີ ດວງ​ດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້​ໃຫ້​ຄຳ​ຊີ້​ນຳ​ຕໍ່​ຂໍ້​ສະ­ເໜີ​ຂອງ ນວ ວ່າ: ສຳ­ລັບ​ໜີ້​ສິນ​ໂຄງ­ການ​ລົງ­ທຶນ​ຂອງ​ລັດ​ໃນ 46 ໂຄງ­ການ​ນັ້ນ ໃຫ້​ແບ່ງ​ຄວາມ​ຮັບ­ຜິດ­ຊອບ​ຢ່າງ​ຈະ­ແຈ້ງ ຂຶ້ນ​ກັບ​ພາກ­ສ່ວນ​ໃດ ​ມອບ​ໃຫ້​ພາກ­ສ່ວນ​ນັ້ນ​ຮັບ­ຜິດ­ຊອບ ສຳ­ລັບ​ໜີ້​ກະ­ແສ​ໄຟ­ຟ້າ ​ທີ່​ຄ້າງ​ຈ່າຍ​ໃນ​ຜ່ານ​ມາ​ນັ້ນ ແມ່ນ​ມອບ​ໃຫ້ ນວ ເປັນ​ຜູ້​ຮັບ­ຜິດ­ຊອບ​ເອງ ແລະ ສ່ວນ​ບັນ­ຫາ​ອື່ນໆ​ແມ່ນ​ຈະ​ນຳ​ພິ​ຈາ­ລະ​ແກ້​ໄຂ​ຮ່ວມ​ກັບ​ພາກ­ສ່ວນ​ກ່ຽວ­ຂ້ອງ. ກອງ​ປະ­ຊຸມ​ໄດ້​ປຶກ­ສາ​ຫາ­ລື​ຫຼາຍ​ບັນ­ຫາ​ສຳ­ຄັນ​ຢູ່ ນວ ເປັນ­ຕົ້ນ ບັນ­ຫາ​ໜີ້​ສິນ​ໂຄງ­ການ​ລົງ­ທຶນ​ຂອງ​ລັດ​ທີ່ ນວ ສະ­ເໜີ​ໃຫ້​ແບ່ງ​ຄວາມ​ຮັບ­ຜິດ­ຊອບ​ໜີ້​ສິນ ລະ­ຫວ່າງ​ສູນ​ກາງ ແລະ ທ້ອງ­ຖິ່ນ ເຊິ່ງ​ໂຄງ­ການ​ໃຫຍ່​ມີ​ລັກ­ສະ­ນະ​ລວມ ​ຂອງ​ປະ­ເທດ​ໃນ ນວ ມີ 46 ໂຄງ­ການ ມູນ​ຄ່າ​ຕາມ​ສະ­ພາ​ຮັບ­ຮອງ 4.000 ຕື້​ກວ່າ​ກີບ ມູນ​ຄ່າ​ຕາມ​ສັນ­ຍາ 4.510 ຕື້​ກວ່າ​ກີບ ປະ­ຕິ­ບັດ​ໄດ້ 70,60% ຍັງ​ຄ້າງ​ຊຳ­ລະ 3.515 ຕື້​ກວ່າ​ກີບ ແລະ ຍັງ​ຄ້າງ​ຊຳ­ລະ​ຕາມ​ວຽກ​ສຳ­ເລັດ 2.189 ຕື້​ກວ່າ​ກີບ ...