News

ໃນ​ສະ­ພາບ​ອາດ​ກາດ​ທີ່​ຮ້ອນ​ອົບ­ເອົ້າ ມັນ​ໄດ້​ສົ່ງ​ຜົນ​ກະ­ທົບ​ຫຼາຍ​ຢ່າງ​ຕໍ່​ສິ່ງ​ທີ່​ມີ​ຊີ­ວິດ​ຢູ່​ໃນ​ໂລກ ໃນ​ນັ້ນ ກໍ​ມີ​ຜົນ​ກະ­ທົບ​ຕໍ່​ຜູ້​ຊົມ­ໃຊ້​ໄຟ­ຟ້າ ໃນ​ໄລ­ຍະ​ທີ່​ກ້າວ​ເຂົ້າ​ສູ່​ລະ­ດູ­ແລ້ງ​ທີ່​ອາ­ກາດ​ຮ້ອນ​ອົບ­ເອົ້າ​ຢູ່​ປະ­ເທດ​ເຮົາ ກໍ​ຄື ຢູ່​ນະ­ຄອນ­ຫຼວງ​ວຽງ​ຈັນ ທີ່​ເປັນ​ຕົວ​ເມືອງ​ໃຫຍ່​ການ​ຊົມ­ໃຊ້​ໄຟ­ຟ້າ​ເປັນ​ບັນ­ຫາ​ສຳ­ຄັນ ແລະ ຂາດ​ບໍ່​ໄດ້ ເມື່ອ​ອາ­ກາດ​ຮ້ອນ​ແນ່­ນອນ​ການ​ຊົມ­ໃຊ້​ເຄື່ອງ​ໄຟ­ຟ້າ​ກໍ​ເພີ່ມ​ຂຶ້ນ​ເປັນ­ຕົ້ນ ແອ, ພັດ​ລົມ ແລະ ອື່ນໆ ເພື່ອ​ສະ­ດວກ​ໃຫ້​ແກ່​ການ​ດຳ­ລົງ​ຊີ­ວິດ​ປະ­ຈຳ​ວັນ​ຂອງ​ຄົນ​ເຮົາ ໂດຍ​ສະ­ເພາະ ເດືອນ​ເມ­ສາ​ຜ່ານ​ມາ ຜູ້​ຊົມ­ໃຊ້​ໄຟ­ຟ້າ​ຫຼາຍ​ຄົນ​ມີ​ການ​ຈົ່ມ​ວ່າ​ໄປ​ໃນ​ຫຼາຍ​ແງ່​ຫຼາຍ​ມູມ ອອກ​ມາ​ວ່າ​ຄ່າ​ໄຟ­ຟ້າ​ສູງ​ຜິດ​ປົກ­ກະ­ຕິ​ທຽບ­ໃສ່​ໄລ­ຍະ​ຜ່ານ​ມາ ທັງໆ​ທີ່​ເຄື່ອງ­ໃຊ້​ຍັງ​ຄື­ເກົ່າ​ບໍ່​ມີ​ການ​ປ່ຽນ­ແປງ ແຕ່​ຄ່າ​ກະ­ແສ​ໄຟ­ຟ້າ​ໃນ​ເດືອນ​ຜັດ​ມີ​ການ​ປ່ຽນ­ແປງ​ຕົວ​ເລກ​ເງິນ​ສູງ​ສອງ​ເທົ່າ ສາມ​ເທົ່າ​ຕົວ ຈາກ​ສະ­ພາບ​ດັ່ງ­ກ່າວ​ນັ້ນ ຫຼາຍ​ຄົນ​ໄດ້​ເອົາ​ລົງ​ທາງ​ສື່​ອອນ​ລາຍ ເປັນ­ຕົ້ນ ເຟສ​ບຸກ​ແບບ​ເວົ້າ​ໄປ​ຕາມ​ພາ­ສາ​ຄວາມ​ເຂົ້າ­ໃຈ​ຂອງ​ຕົນ​ເອງ ທີ່​ເປັນ​ທາງ​ລົບ​ໃຫ້​ແກ່​ໄຟ­ຟ້າ​ລາວ ກໍ​ຄື ໄຟ­ຟ້າ​ນະ­ຄອນ­ຫຼວງ​ວຽງ​ຈັນ. ທ່ານ ເຄນ ເທບ​ວົງ­ສາ ຜູ້​ຊ່ວຍ​ຜູ້­ອຳ­ນວຍ­ການ​ໃຫຍ່​ລັດ​ວິ​ສາ​ຫະ​ກິດ​ໄຟ­ຟ້າ​ລາວ ມະ­ຫາ­ຊົນ ຫົວ­ໜ້າ​ຝ່າຍ​ປະ­ຕິ­ບັດ​ການ​ໄຟ­ຟ້າ​ນະ­ຄອນ­ຫຼວງ​ວຽງ​ຈັນ ໄດ້​ໃຫ້​ສຳ­ພາດ ວັນ​ທີ 22 ພຶດ­ສະ­ພາ 2019 ວ່າ: ສາ­ເຫດ​ທີ່​ພາ­ໃຫ້​ຄ່າ​ກະ­ແສ​ໄຟ­ຟ້າ​ຜູ້​ຊົມ­ໃຊ້​ສູງ​ໃນ​ໄລ­ຍະ​ເດືອນ​ມີ­ນາ​ຫາ​ເດືອນ​ເມ­ສາ 2019 ນັ້ນ ຍ້ອນ​ສະ­ພາບ​ອາ­ກາດ​ຮ້ອນ​ອົບ­ເອົ້າ ຈຶ່ງ​ເຮັດ​ໃຫ້­ການ​ຊົມ­ໃຊ້​ໄຟ­ຟ້າ​ຂອງ​ແຕ່​ລະ​ຄົວ​ເຮືອນ ສຳ­ນັກ­ງານ ອົງ­ການ ແລະ ຫົວ­ໜ່ວຍ​ທຸ­ລະ​ກິດ​ເພີ່ມ​ຂຶ້ນ. ສະ­ເພາະ​ການ​ຊົມ­ໃຊ້​ໄຟ­ຟ້າ​ທີ່­ຢູ່​ອາ­ໄສ ແມ່ນ​ປະ­ຕິ­ບັດ​ການ​ເສຍ​ຄ່າ​ໄຟ­ຟ້າ 6 ຂັ້ນ ຖ້າ​ທຽບ​ເດືອນ​ມີ­ນາ​ໃສ່​ເດືອນ​ກຸມ­ພາ​ຂັ້ນ 1 ແຕ່ 0-25 ບໍ່​ໄດ້​ເພີ່ມ​ຂັ້ນ ...

ກອງປະຊຸມລັດຖະບານ ສະໄໝສາມັນ ປະຈໍາເດືອນພຶດສະພາ 2019 ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 22 ພຶດສະພາ 2019 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ມີບັນດາ ທ່ານຮອງນາຍົກລັດ ຖະມົນຕີ ແລະ ສະມາຊິກລັດຖະບານ ເຂົ້າຮ່ວມ. ກອງປະຊຸມລັດຖະບານຄັ້ງນີ້, ຈະໄດ້ດຳເນີນເປັນເວລາ 2 ວັນ (ວັນທີ 22-23 ພຶດສະພາ 2019), ຊຶ່ງຈະໄດ້ພ້ອມກັນຄົ້ນຄວ້າ, ປະກອບຄໍາຄິດຄໍາເຫັນ ແລະ ພິຈາລະນາຮັບຮອງເອົາ 9 ເອກະສານສໍາຄັນ ຄື: 1. ບົດລາຍງານການຄຸ້ມຄອງ, ການຟື້ນຟູ ແລະ ການປູກປ່າ ເພື່ອທົດແທນການຫັນເນື້ອທີ່ປ່າເປັນເຂດສຳປະທານການລົງທຶນ ແລະ ເພື່ອບັນລຸຄາດໝາຍເນື້ອທີ່ປ່າປົກຫຸ້ມ ໃນປີ 2020. 2. ບົດລາຍງານການປະຕິບັດວຽກຈຸດສຸມ ພັດທະນາຊັບພະຍາກອນມະນຸດ ຕິດພັນກັບການພັດ ທະນາເສດຖະກິດ-ສັງຄົມ ໃນແຕ່ລະໄລຍະ. 3. ບົດລາຍງານຜົນການວິເຄາະໂຄງສ້າງລາຄານໍ້າມັນ ແລະ ທິດທາງໃນການຄຸ້ມຄອງນໍ້າ ໃນ ສ ປປ ລາວ. ...

ຫຼັງຈາກໄດ້ມີຂ່າວຄາວຈາກປະຊາຊົນໄດ້ລົງສື່ອອນລາຍ ແລະ ກໍມີຫຼາຍສຳນັກຂ່າວທັງອອນລາຍ ແລະ ໜັງສືພີມ ໄດ້ສະເໜີຂ່າວ ແລະ ແຊຮ໌ຂ່າວ ທີ່ເປັນບັນຫາເດືອນຮ້ອນຂອງປະຊົນ ກ່ຽວກັບ ໂຮງງານແຮ່ມ ໄດ້ປ່ອຍນໍ້າເສຍ,​ນໍ້າເປື້ອນລົງສູ່ແຫຼ່ງນໍ້າທໍາມະຊາດ ແລະ ສົ່ງກິ່ນເໝັນໃຫ້ກັບປະຊາຊົນຕໍ່ກັບເຫດການຄັ້ງນີ້, ທາງພາກສ່ວນກ່ຽວຂ້ອງແຂວງບໍລິຄໍາໄຊ ກໍບໍ່ນິ້ງນອນໃຈ  ໄດ້ມີການຈັດກອງປະຊຸມປຶກສາຫາລືໃນວັນທີ 20 ພຶດສະພາ 2019 ຜ່ານມາ, ພ້ອມທັງໄດ້ຂໍ້ສະຫຼຸບວ່າມອບໃຫ້ໂຮງງານສະກັດຝຸ່ນເຄືອແຮ່ມຈັນສ່ອງຟ້າ ຈໍາກັດ ເປັນຜູ້ຮັບຜິດຊອບທັງໝົດໃນການເກັບມ້ຽນສິ່ງເສດເຫຼືອດັ່ງກ່າວ ໃຫ້ສໍາເລັດໃນເດືອນພຶດສະພານີ້, ໂດຍມີຄະນະຮັບຜິດຊອບຈາກພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ ລົງຕິດຕາມຢ່າງໃກ້ສິດການປະຕິບັດງານໃນຄັ້ງນີ້. ໂດຍຂໍ້ມູນເປີດເຜີຍຄັ້ງຫຼ້າສຸດຂອງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມ (ພສຊ)ແຂວງບໍລິຄໍາໄຊ ໃຫ້ຮູ້ຕໍ່ທີມຂ່າວພວກເຮົາໃນວັນທີ 21 ພຶດສະພາວ່າ: ໃນວັນທີ 20 ພຶດສະພາຜ່ານມາ, ທີ່ຫ້ອງປະຊຸມ ພສຊ ໄດ້ຈັດກອງປະຊຸມປຶກສາຫາລື ກ່ຽວກັບການແກ້ໄຂບັນຫາຜົນກະທົບທາງດ້ານສິ່ງແວດລ້ອມຈາກການດໍາເນີນກິດຈະການໂຮງງານສະກັດຝຸນເຄືອແຮ່ມຈັນສ່ອງຟ້າ ຈໍາກັດ ຢູ່ບ້ານທ່າສີ ເມືອງບໍລິຄັນ ແຂວງບໍລິຄໍາໄຊ, ໂດຍເປົ້າໝາຍເພື່ອຫາລືຊອກຫາວິທີແກ້ໄຂ ແລະ ຫຼຸດຜ່ອນບັນຫາຜົນກະທົບທາງດ້ານສິ່ງແວດລ້ອມ ຕົ້ນຕໍແມ່ນບັນຫານໍ້າເປື້ອນ, ບັນຫາສິ່ງເສດເຫຼືອຈາກເຄືອແຮ່ມ ຈາກການດໍາເນີນກິດຈະການຂອງໂຮງງານ, ເນື່ອງຈາກການດໍາເນີນກິດຈະການດັ່ງກ່າວໃນໄລຍະຜ່ານມາເປັນລະດູຝົນເຮັດໃຫ້ນໍ້າເປື້ອນຈາກອ່າງບໍາບັດຂອງໂຮງງານລົ້ນລົງສູ່ສາຍຫ້ວຍທໍາມະຊາດທີ່ຢູ່ອ້ອມຂ້າງໂຮງງານ, ພ້ອມດຽວກັນນັ້ນດ້ານລະບົບການບໍາບັດນໍ້າເປື້ອນຂອງໂຮງງານຍັງບໍ່ໄດ້ມາດຕະຖານ ຍັງເປັນແບບປະຖົມປະຖານ, ສ່ວນປະລິມານເສດເຄືອແຮ່ມມີຈໍານວນຫຼວງຫຼາຍ ແລະ ຖິ້ມຊະຊາຍຕາມບໍລິເວນໂຮງງານ, ພ້ອມນັ້ນຜູ້ປະກອບການຍັງບໍ່ເອົາໃຈໃສ່ປະຕິບັດຕາມແຜນຄຸ້ມຄອງສິ່ງແວດລ້ອມຂອງໂຮງງານຢ່າງເຂັ້ມງວດ, ...

ໃນທີ່ສຸດ ກໍ່ຈອດກັນ !!! ຊົມເຊີຍ ຜົນສໍາເລັດການເຊື່ອມຈອດ ຂົວລົດໄຟ ລາວ-ຈີນ ຂ້າມແມ່ນໍ້າຂອງ ແຫ່ງທໍາອິດ ຢູ່ແຂວງຫຼວງພະບາງ ຕອນນີ້ ເຊື່ອມຈອດກັນ ເປັນທີ່ຮຽບຮ້ອຍແລ້ວຈຸດລະຫວ່າງ ເມືອງ ຈອມເພັດ ຫາ ນະຄອນຫຼວງພະບາງ !!! ພຽງສອງປີນັບຈາກນີ້, ລົດໄຟລາວ – ຈີນຈະແລ່ນຜ່ານອຸໂມງ, ຂ້າມຂົວຂ້າມແມ່ນ້ໍາຂອງແຂວງຫຼວງພະບາງ ຢູ່ທີ່ຂົວນີ້ແມ່ນມີຄວາມຍາວ 1,458 ແມັດ ແລະ ມີເສົາຄໍ້າຂະໜາດໃຫຍ່ຫຼາຍກວ່າ 30 ຕົ້ນ. ແລະ ລົດໄຟໂດຍສານມີຄວາມໄວ 160 ກິໂລແມັດຕໍ່ຊົ່ວໂມງໃນຂະນະລົດໄຟຂົນສົ່ງຈະແລ່ນດ້ວຍຄວາມໄວ 120 ກິໂລແມັດຕໍ່ຊົ່ວໂມງ. ເສັ້ນທາງລົດໄຟ ໃນໄລຍະຜ່ານແຂວງຫຼວງພະບາງ ມີຄວາມຍາວທັງໝົດ 37 ກິໂລແມັດ, ມີອຸໂມງ 10 ແຫ່ງ ແລະ ຂົວ 24 ແຫ່ງ ແລະ ໜ້າວຽກຕ່າງໆແມ່ນໄດ້ຮັບການປະຕິບັດຕາມແຜນການກໍານົດໄວ້, ຍ້ອນໄດ້ຮັບການຮ່ວມມືທີ່ດີຈາກພາກລັດ, ອໍານາດການປົກຄອງທ້ອງຖິ່ນ ແລະ ປະຊາຊົນທີ່ຢູ່ໃກ້ເຂດໂຄງການໄດ້ອໍານວຍຄວາມສະດວກໃນດ້ານຕ່າງໆເປັນຢ່າງດີ, ໂດຍຄາດວ່າຂົວດັ່ງກ່າວຈະສ້າງສໍາເລັດສົມບູນໃນທ້າຍປີ 2019 ນີ້.  

ໃນ​ວັນທີ 21 ພຶດ​ສະ​ພາ 2019 ທີ່​ນະ​ຄອນ​ຫຼວງວຽງ​ຈັນ, ທ່ານ ສົມ​ດີ ດວງ​ດີ ຮອງ​ນາ​ຍົກ​ລັດ​ຖະ​ມົນ​ຕີ ແຫ່ງ ສ​ປ​ປ ລາວ, ລັດ​ຖະ​ມົນ​ຕີ​ ກະ​ຊວງ​ການ​ເງິນ ໄດ້​ຕ້ອນ​ຮັບ ທ່ານ ນາງ ອີ​ເຕີ​ລີ ຄ​ຣີນ​ເທັດ ຫົວ​ໜ້າ​ຄະ​ນະ​ປະ​ເມີນ ​ເສດ​ຖະ​ກິດ​ມະ​ຫາ​ພາກ ອົງ​ການກອງ​ທຶນ ​ການ​ເງິນ​ສາ​ກົນ ຫຼື IMF ພ້ອມ​ດ້ວຍ​ຄະ​ນະ ໃນ​ໂອ​ກາດ​ທີ່​ເດີນ​ທາງ​ມາຢ້ຽມຢາມ ແລະ ເຮັດວຽກຢູ່ ສປປ ລາວ. ໂອກາດດັ່ງກ່າວ,​ ທ່ານ ສົມ​ດີ ດວງ​ດີ ໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງ ຕໍ່ ທ່ານ ນາງ ອີ​ເຕີ​ລີ ຄ​ຣີນ​ເທັດ ທີ່ໄດ້ນຳພາຄະນະ ເດີນທາງມາຢ້ຽມຢາມ ສປປ ລາວ ໃນຄັ້ງນີ້, ເຊິ່ງເປັນການປະກອບສ່ວນ ເຂົ້າໃນການຮັດແໜ້ນ ການພົວພັນຮ່ວມມື ລະຫວ່າງ ສປປ ລາວ ແລະ ອົງ​ການກອງ​ທຶນ​ການ​ເງິນ​ສາ​ກົນ ຫຼື IMF ທີ່ໄດ້ໃຫ້ການສະໜັບສະໜູນ ...

ລັດຖະບານ ກໍຄື ກະຊວງກະສິກຳ ແລະ ປ່າໄມ້ ໄດ້ປະກາດໃຫ້ຍົກເລີກການປູກກ້ວຍ ທີ່ນັກລົງທຶນກຳລັງບຸກເບີກເນື້ອທີ່ໃໝ່ ຈຳນວນ 600-700 ເຮັກຕາ ຢູ່ນະຄອນຫຼວງວຽງຈັນ, ສ່ວນຈຳນວນເນື້ອທີ່ ທີ່ໄດ້ປູກ ແລະ ໃຫ້ຜົນຜະລິດແລ້ວນັ້ນ, ໃຫ້ຫັນເປັນກະສິກໍາສະອາດ. ທ່ານ ບຸນຂວາງ ຄຳບຸນເຮືອງ ຮອງລັດຖະມົນຕີ ກະຊວງກະສິກຳ ແລະ ປ່າໄມ້ ໄດ້ໃຫ້ສຳ ພາດໃນວັນທີ 21 ພຶດສະພາ 2019 ນີ້ວ່າ: ອີງຕາມຫາງສຽງຂອງປະຊາຊົນ ສະເໜີວ່າ ປັດຈຸບັນ, ມີນັກລົງທຶນໄດ້ໄປເຊົ່າດິນນຳປະຊາຊົນໂດຍກົງ, ໂດຍບໍ່ໄດ້ຮັບອະນຸຍາດ ຈາກພາກສ່ວນກ່ຽວຂ້ອງ ກຳລັງບຸກເບີກເນື້ອທີ່ ຈຳນວນ 600-700 ເຮັກຕາ ຢູ່ເມືອງນາຊາຍທອງ ເຂດນ້ຳຫຸມ, ອີ່ໄລເໜືອ ແລະ ແສນດິນ ເພື່ອປູກກ້ວຍສົ່ງອອກຕ່າງປະເທດ, ຊຶ່ງພາຍຫຼັງລົງເກັບກໍາຂໍ້ມູນຕົວຈິງແມ່ນມີແທ້ ແລະ ລັດຖະບານ ຈະບໍ່ອະນຸຍາດໃຫ້ສືບຕໍ່ປູກເດັດຂາດ ທີ່ມາ: ຂ່າວສານປະເທດລາວ

ໜັງສືແຈ້ງການ(ດ່ວນທີ່ສຸດ): ເລື່ອງ: ການເຄື່ອນໄຫວກິດຈະການການບິນອາວະກາດຂອງ ສປ ຈີນ ໃນເຂດນ່ານຟ້າຂອງ ສປປ ລາວ. + ອີງຕາມຂໍ້ມູນຈາກຫ້ອງການຂ່າວສານການບິນຂອງ ສປ ຈີນ ໃນວັນທີ 16/5/2019. + ອີງຕາມຜົນຂອງກອງປະຊຸມປຶກສາຫາລື ກ່ຽວກັບການເຄື່ອນໄຫວກິດຈະການການບິນອາວະກາດຂອງ ສປ ຈີນ ໃນເຂດນ່ານຟ້າຂອງ ສປປ ລາວ ຄັ້ງວັນທີ່ 20/5/2019. + ອີງຕາມທິດຊີ້ນຳຂອງທ່ານ ພົນເອກ ສັນຕິສຸກ ສົມມາລາວົງ ຮອງລັດຖະມົນຕີລົງວັນທີ່ 20/5/2019. ຫ້ອງການກະຊວງ ໂຍທາທິການ ແລະ ຂົນສົ່ງຂໍຖືເປັນກຽດຢ່າງສູງແຈ້ງມາຍັງທ່ານຊາບວ່າ: ຫ້ອງການຂ່າວສານການບິນຂອງ ສປ ຈີນ ໄດ້ແຈ້ງວ່າ ຈະມີກິດຈະການ ການບິນອາວະກາດ ໃນວັນທີ່ 23 ພຶດສະພາ 2019 ກົງກັບເວລາທ້ອງຖິ່ນ 05:57 ໂມງ ຫາ 06:13 ໂມງ. ຊື່ງອາດຈະມີຊິ້ນສ່ວນໃນການເຮັດກິດຈະການດັ່ງກ່າວ ຕົກລົງບໍລິເວນແຂວງຈຳປາສັກ, ສາລະວັນ, ອັດຕະປື, ແຂວງເຊກອງ ແລະ ສະຫວັນນະເຂດຕາມຈຸດພິກັດດັ່ງລຸ່ມນີ້: – 15”09”39”N ...

ຂໍເຊີນບັນດາທ່ານ ຮ່ວມງານການສຶກສາຕໍ່ ທີ່ສະຫະຮາຊອານາຈັກ ອັງກິດ ຈັດໂດຍ British Education Centre Lao Study Abroad (ບຮີທິສ ອີດູເຄຊັນ ເຊັນເຕີ ລາວ ສະຕາດີ ອາ-ບຣອດ) ຊຶ່ງຈະໄດ້ຈັດຂຶ້ນ ຢູ່ທີ່ໂຮງແຮມ ຄຮາວພລາຊ້າ ໃນວັນເສົາ ທີ 25 ພຶດສະພາ 2019 ເລີ່ມແຕ່ເວລາ 13:00-17:00. ພາຍໃນງານ ຈະມີຕົວແທນ ຈາກມະຫາວິທະຍາໄລ ອັງກິດ 3 ແຫ່ງ ເຂົ້າຮ່ວມງານ ເຊັ່ນ: University of Greenwich ຈາກເມືອງລອນດອນ De Montfort University ຈາກເມືອງ ເລສເຕີ້ ແລະ University of Dundee ສະກ໋ອດແລນ ຊຶ່ງເປັນບັນດາມະຫາວິທະຍາໄລ ທີ່ຕິດຢູ່ໃນ ທ໋ອບ 30 ມະຫາໄລ ຂອງສະຫະຮາຊອານາຈັກ ອັງກິດ ຜູ້ມາຮ່ວມງານ ສາມາດໄດ້ຮັບສ່ວນຫຼຸດທັນທີ 2,000-14,000 ປອນ ...

ການໄປຮໍ່າຮຽນສຶກສາຕໍ່ ເປັນສິ່ງທີ່ຫຼາຍໆຄົນມີຄວາມຕ້ອງການຢາກໄປ ເພື່ອຮຽນເອົາຄວາມຮູ້ ປະສົບການ ແລະ ດ້ານພາສາຂອງຕ່າງປະເທດ ມື້ນີ້, ເລີຍມີທຶນດີໆມາແນະນຳໃຫ້ທຸກຄົນທີ່ສົນໃຈໄປສຶກສາຕໍ່ ທີ່ ສປ ຈີນ (ທຶນ 100%) ຕ້ອງສະໝັກ ທຶນນີ້: Jiangsu Government Scholarship for Southeast Asia 2019 ! ປິດຮັບສະໝັກ: 31/05/2019 ລາຍລະອຽດແລະ ວິທີການສະໝັກກົດເຂົ້າລິ້ງລຸ່ມນີ້ເລີຍ: http://www.seameo.org/…/201…/JiangsuScholar_2019withJPDE.pdf ທີ່ມາ: Lao Youth Radio FM 90.0 Mhz ?? ?? ?? ສໄນໃຈໄປສຶກສາຕໍ່ ທີ່ ສປ ຈີນ (ທຶນ 100%) ຕ້ອງສະຫມັກ ທຶນນີ້: Jiangsu Government Scholarship for Southeast Asia… Posted by Lao Youth Radio FM 90.0 Mhz on Sunday, ...

ຫ້ອງການກະຊວງຖະແຫຼງຂ່າວ ວັດທະນະທຳ ແລະ ທ່ອງທ່ຽວ ອອກແຈ້ງການ ເລກທີ 185/ຫກ ລົງວັນທີ 17 ພຶດສະພາ 2019 ຮຽກຮ້ອງມາຍັງບັນດາກົມ, ກອງ, ສະຖາບັນ, ໂຮງຮຽນ ແລະ ພາກສ່ວນຕ່າງໆອ້ອມຂ້າງກະຊວງໃຫ້ພ້ອມກັນຈັດຕັ້ງປະຕິບັດໂຄງການ, ກິດຈະກຳດ້ວຍທຶນຊ່ວຍເຫຼືອລ້າ, ກູ້ຢືມ ຫຼື ທຶນສົມທົບຈາກພາຍໃນ ແລະ ຕ່າງປະເທດໃຫ້ເປັນເອກະພາບ, ລວມສູນ, ຜ່ານປະຕູດຽວ ແລະ ໄປໃນທິດທາງດຽວກັນ ຕາມວິໄສທັດ 2030, ຍຸດທະສາດ 2015 ແລະ ແຜນງານພັດທະນາວຽກງານ ຖວທ 2016-2020 ໂດຍຕ້ອງໄດ້ຜ່ານກົມແຜນການ-ການເງິນ, ກົມຮ່ວມມືສາກົນ ເຊິ່ງເປັນຜູ້ປະສານງານ ຄຸ້ມຄອງ ຕິດຕາມ ຊຸກຍູ້ ແລະ ປະເມີນຜົນບັນດາໂຄງການ ພ້ອມທັງເກັບກຳຂໍ້ມູນຕົວເລກສະຖິຕິຂອງການຊ່ວຍເຫຼືອທາງການເພື່ອການພັດທະນາ ທັງນີ້ກໍເພື່ອເຮັດໃຫ້ການຈັດຕັ້ງປະຕິບັດບັນດາໂຄງການ, ກິດຈະກຳດ້ວຍທຶນຊ່ວຍເຫຼືອລ້າ, ກູ້ຢືມ ຫຼື ທຶນສົມທົບຈາກພາຍໃນ ແລະ ຕ່າງປະເທດໃນແຕ່ລະປີມີປະສິດຕິພາບ, ປະສິດຕິຜົນສູງ, ໂປ່ງໃສ ແລະ ສາມາດກວດສອບໄດ້. ທີ່ມາ: ຂ່າວສານປະເທດລາວ