ບໍລິສັດໄຟຟ້າຫົງສາຈໍາກັດເປັນບໍລິສັດທີ່ດຳເນີນທຸລະກິດດ້ານການຜະລິດກະແສໄຟຟ້າ ແລະ ເປັນໂຮງໄຟຟ້າພະລັງງານຄວາມຮ້ອນຈາກຖ່ານຫີນລິກໄນແຫ່ງທຳອິດຂອງສປປລາວທີ່ມີກໍາລັງການຜະລິດ 1.878 ເມກາວັດໂດຍລັດຖະບານແຫ່ງສາທາລະນະລັດປະຊາທິປະໄຕປະຊາຊົນລາວ ເປັນຜູ້ອະນຸມັດສັນຍາສຳປະທານ, ເນື້ອທີ່ສໍາປະທານທັງໝົດ 76,2 ກິໂລແມັດມົນທົນແລະມີອາຍຸສໍາປະທານ 25 ປີນັບຕັ້ງແຕ່ປີ 2016-2041. ທ່ານມາໂນດຈິນໃຈນາມຜູ້ຈັດການຝ່າຍປະຊາສໍາພັນຂອງບໍລິສັດໄຟຟ້າຫົງສາຈໍາກັດຍັງໃຫ້ຮູ້ຕື່ມອີກວ່າ: ພັນທະກິດຫຼັກຂອງບໍລິສັດໄຟຟ້າຫົງສາຈໍາກັດບໍ່ພຽງແຕ່ເປັນຜູ້ດໍາເນີນທຸລະກິດດ້ານການຜະລິດກະແສໄຟຟ້າເທົ່ານັ້ນແຕ່ຍັງໃຫ້ຄວາມສໍາຄັນໃນເລື່ອງຂອງການປົກປັກຮັກສາສິ່ງແວດລ້ອມແລະເອົາໃຈໃສ່ຊຸມຊົນໃນບໍລິເວນເນື້ອທີ່ປະຕິບັດງານໃຫ້ມີຄວາມເປັນຢູ່ທີ່ດີເພື່ອກ້າວສູ່ການພັດທະນາທີ່ຢືນຍົງຕາມທີ່ລະບຸໄວ້ໃນວິໄສທັດຂອງບໍລິສັດຄື: “ການເປັນໂຮງໄຟຟ້າປາກບໍ່ແຮ່ນຳໜ້າໃນອາຊຽນດ້ວຍການເຮັດວຽກທີ່ເປັນເລີດສ້າງຄວາມເຊື່ອໝັ້ນແລະຄວາມສຸກສູ່ສັງຄົມ” ກ່ອນການກໍ່ສ້າງໂຮງໄຟຟ້າ: ເປັນການດໍາເນີນງານກ່ຽວກັບການຍົກຍ້າຍຊຸມຊົນທີ່ອາໄສຫຼືທີ່ມີເນື້ອທີ່ການຜະລິດຢູ່ໃນເຂດທີ່ສຳປະທານໂດຍບໍລິສັດໄຟຟ້າຫົງສາຈຳກັດໄດ້ຈັດຫາທີ່ຢູ່ອາໄສແລະເນື້ອທີ່ການຜະລິດໃໝ່ຕາມຄວາມເໝາະສົມຕະຫຼອດເຖິງການສະໜັບສະໜູນແລະຊ່ວຍເຫຼືອໃນດ້ານຕ່າງໆເຊັ່ນ: ເງິນສົດຊົດເຊີຍຕາມທີ່ລັດຖະບານແລະປະຊາຊົນທີ່ຕ້ອງຍົກຍ້າຍເຫັນດີຮ່ວມກັນ, ເຮືອນຫຼັງໃໝ່ໃນເນື້ອທີ່ 450 ແມັດມົນທົນ, ເນື້ອທີ່ເຮັດການຜະລິດ 2 ເຮັກຕາຕໍ່ຄອບຄົວ, ການສົ່ງເສີມແລະພັດທະນາອາຊີບ, ການຈ້າງງານຢ່າງນ້ອຍ 1 ຕຳແໜ່ງຕໍ່ 1 ຄອບຄົວຕະຫຼອດໄລຍະເວລາສໍາປະທານເຊິ່ງການຍົກຍ້າຍໄດ້ເລີ່ມຂຶ້ນເດືອນມີນາ 2011 ແລະສຳເລັດໃນເດືອນກໍລະກົດ 2012 ໂດຍມີປະຊາຊົນທີ່ຕ້ອງຍົກຍ້າຍອອກຈາກເຂດເນື້ອທີ່ສຳປະທານທັງໝົດ 450 ຄອບຄົວ. ການດຳເນີນງານການກໍ່ສ້າງໂຮງໄຟຟ້າ: ບໍລິສັດໄຟຟ້າຫົງສາຈໍາກັດໄດ້ເລີ່ມການດໍາເນີນການກໍ່ສ້າງໃນເດືອນພະຈິກ 2010 ແລະສໍາເລັດໃນເດືອນມີນາ 2016 ສາມາດຜະລິດກະແສໄຟຟ້າໄດ້ຄົບທັງ 3 ໜ່ວຍຜະລິດໃນວັນທີ 3 ມີນາ 2016 ໂຮງໄຟຟ້າພະລັງງານຄວາມຮ້ອນຫົງສາປະກອບດ້ວຍ: 3 ໜ່ວຍຜະລິດແຕ່ລະໜ່ວຍຜະລິດສາມາດຜະລິດກະແສໄຟຟ້າໄດ້ 626 ເມກາວັດລວມທັງໝົດໂຮງໄຟຟ້າພະລັງງານຄວາມຮ້ອນຫົງສາສາມາດຜະລິດກະແສໄຟຟ້າໄດ້ 1.878 ເມກາວັດໂດຍສົ່ງກະແສໄຟຟ້າໃຫ້ກັບການໄຟຟ້າຝ່າຍຜະລິດແຫ່ງປະເທດໄທ 1.473 ເມກາວັດແລະສົ່ງກະແສໄຟຟ້າໃຫ້ກັບລັດວິສາຫະກິດໄຟຟ້າລາວ100 ເມກາວັດມາຮອດປັດຈຸບັນບໍລິສັດໄຟຟ້າຫົງສາຈໍາກັດສາມາດຜະລິດກະແສໄຟຟ້າໄດ້ຕາມສັນຍາມາໂດຍຕະຫຼອດ. ການດຳເນີນງານໃນປັດຈຸບັນ: ເມື່ອສໍາເລັດການກໍ່ສ້າງໂຮງໄຟຟ້າບໍລິສັດໄຟຟ້າຫົງສາຈໍາກັດ ໄດ້ດໍາເນີນການຜະລິດກະແສໄຟຟ້າແລະສົ່ງກະແສໄຟຟ້າໃຫ້ກັບການໄຟຟ້າຝ່າຍຜະລິດແຫ່ງປະເທດໄທແລະລັດວິສາຫະກິດໄຟຟ້າລາວໄດ້ຕາມສັນຍານອກຈາກນີ້, ...

ນ້ອງນັກຮຽນລາວສາມາດຍາດໄດ້ຫຼຽນລາງວັນຈາກການເຂົ້າຮ່ວມແຂ່ງຂັນດ້ານວິທະຍາສາດ ທີ່ປະເທດໄທ ກະຊວງວິທະຍາສາດ ແລະ ເຕັກໂນໂລຊີ ໃນນາມເປັນຈຸດປະສານງານວຽກງານອາຊຽນດ້ານວິທະຍາສາດ ເຕັກໂນໂລຊີ ແລະ ນະວັດຕະກຳ ໄດ້ນຳພາຄະນະຜູ້ຕິດຕາມ ແລະ ນ້ອງນັກຮຽນຈາກ ໂຮງຮຽນ ມສ ວຽງຈັນ ແລະ ໂຮງຮຽນ ກຽດຕິສັກ ລວມທັງໝົດຈຳນວນ 10 ຄົນເຂົ້າຮ່ວມກິດຈະກຳ ໂຄງການວິທະຍາສາດໜຸ່ມນ້ອຍ ອາຊຽນບວກສາມ ຫຼື ເອີ້ນວ່າ: ASEAN Plus Three Junior Science Odyssey (APT JSO) ຊຶ່ງເປັນໂຄງການໜຶ່ງທີ່ບັນດາປະເທດສະມາຊິກອາຊຽນພັດປ່ຽນກັນເປັນເຈົ້າພາບໃນແຕ່ລະປີ, ໃນປີ 2019 ນີ້ເປັນຄັ້ງທີ 8 ໂດຍແມ່ນ ຣາຊະອານາຈັກໄທ ເປັນເຈົ້າພາບ ຈັດຂຶ້ນໃນລະຫວ່າງວັນທີ 9-15 ມິຖຸນາ 2019 ຜ່ານມາ, ທີ່ແຂວງ ປະທຸມທານີ ໂດຍປີນີ້ຈັດຂຶ້ນໃນຫົວຂໍ້ “ບົດບາດຂອງຊາວໜຸ່ມໃນການສື່ສານ ເອົາວຽກວິທະຍາສາດ ເຂົ້າໃນການຈັດຕັ້ງປະຕິບັດເປົ້າໝາຍໃນການພັດທະນາແບບຍືນຍົງ” (The Role of Youth in Communicating Science for ...

ພະແນກການຕ່າງປະເທດແຂວງຊຽງຂວາງ ອອກໜັງສືແຈ້ງການ  ເລື່ອງ ການເປີດນຳໃຊ້ ສູນຮັບຄຳຮ້ອງເຮັດໜັງສືຜ່ານແດນ ຢູ່ແຂວງຊຽງຂວາງ ຢູ່ທີ່ບ້ານນາລີ ເມືອງແປກ ແຂວງຊຽງຂວາງ. ການສ້າງສູນຮັບຄຳຮ້ອງເຮັດໜັງສືຜ່ານແດນ (Passport) ຂອງກະຊວງການຕ່າງປະເທດ ໄດ້ສຳເລັດ ແລະ ພ້ອມຈະເປີດໃຫ້ບໍລິການ ຮັບໃຊ້ສັງຄົມ ແລະ ເພື່ອເຮັດໃຫ້ການອອກໜັງສືຜ່ານແດນ ຖືກຕ້ອງຕາມເຕັກນິກການເກັບກຳຂໍ້ມູນຂອງສາກົນ ເຊິ່ງຈະເພີ່ມຄວາມສະດວກສະບາຍ ແລະ ປະຢັດລາຍຈ່າຍ ໃຫ້ປະຊາຊົນຢູ່ບັນດາແຂວງ ພາກເໜືອ ຜູ້ທີ່ຕ້ອງການເຮັດໜັງສືຜ່ານແດນ. ກະຊວງການຕ່າງປະເທດ ຈະໄດ້ເປີດບໍລິການຮັບຄໍາຮ້ອງຂໍໜັງສືຜ່ານແດນເລີ່ມວັນທີ 1​ ກໍລະກົດ 2019 ເປັນຕົ້ນໄປ ຢູ່ທີ່ສູນຮັບຄໍາຮ້ອງ ເຮັດໜັງສືຜ່ານແກນ ບ້ານລີ່ ເມືອງແປກ ແຂວງຊຽງຂວາງ ຢ່າງເປັນທາງການ.

ບໍລິສັດຊີເຄພາວເວີຈໍາກັດ (ມະຫາຊົນ) ຫຼືCK Power ເປັນບໍລິສັດຜູ້ລົງທຶນແລະກໍ່ສ້າງໂຄງການໂຮງງານໄຟຟ້າທັງໃນປະເທດໄທແລະພາກພື້ນອາຊຽນ, ວິໄສທັດຫຼັກຂອງບໍລິສັດບໍ່ໄດ້ມຸ່ງເນັ້ນແຕ່ຜົນກໍາໄລທາງທຸລະກິດ. CK Power ດໍາເນີນກິດຈະການໂຮງງານໄຟຟ້າທັງໝົດ3  ປະເພດຄື: ພະລັງງານຄວາມຮ້ອນ (Cogeneration Power), ພະລັງງານແສງອາທິດ (Solar Power) ໂດຍມຸ່ງເນັ້ນຄວາມສາມາດໃນການພັດທະນາໂຄງການທາງດ້ານພະລັງງານນໍ້າ (Hydroelectric Power) ປັດຈຸບັນດໍາເນີນການກໍ່ສ້າງໂຮງງານໄຟຟ້າໃນສປປລາວທັງໝົດ 2 ໂຄງການຄື: 1.ໂຮງງານໄຟຟ້າພະລັງນໍ້ານໍ້າງື່ມ 2 ມີກໍາລັງການຜະລິດ 615 ເມກາວັດເລີ່ມເດີນເຄື່ອງຈັກແຕ່ວັນທີ1 ມັງກອນ 2013 ກະແສໄຟຟ້າທັງໝົດສົ່ງຈໍາໜ່າຍໃຫ້ການໄຟຟ້າຝ່າຍຜະລິດແຫ່ງປະເທດໄທເປັນໄລຍະເວລາ 25 ປີ. 2.ໂຄງການໄຟຟ້າພະລັງນໍ້າໄຊຍະບູລີເປັນອີກຄວາມພາກພູມໃຈຂອງບໍລິສັດ CK Power ເນື່ອງຈາກໂຄງການນີ້ເປັນໂຮງງານແຫ່ງທໍາອິດທີ່ຕັ້ງຢູ່ແມ່ນໍ້າຂອງຕອນລຸ່ມຫ່າງຈາກນະຄອນຫຼວງພະບາງໄປທາງທິດໃຕ້ 80 ກິໂລແມັດເປັນທີ່ຖືກຈັບຕາເບິ່ງຈາກທຸກພາກສ່ວນໃນຄວາມສາມາດຂອງຜູ້ໂຄງການຂອງບໍລິສັດ CK Power ທີ່ສາມາດສ້າງສົມດູນໃນການຈັດການໂຄງການຂະໜາດໃຫຍ່ຕັ້ງແຕ່ການອອກແບບເພື່ອໃຫ້ເປັນໄປຕາມPreliminary Design Guidance for Proposed Mainstream Dams in the Lower Mekong Basin (PDG 2009)  MRC ໃນຮູບແບບ  Run-of-River ຫຼືຝາຍກັ້ນນໍ້າຂະໜາດໃຫຍ່ບໍ່ມີອ່າງກັກເກັບນໍ້າເໜືອໂຮງງານໄຟຟ້າແລະບໍ່ມີການກັກເກັບນໍ້າໃນຕອນເທິງຂອງຝາຍຂະໜາດໃຫຍ່ທີ່ເຮັດໜ້າທີ່ເປັນໂຮງງານໄຟຟ້າເອີ້ນວ່າ: ນໍ້າທຸກຢາດທີ່ໄຫຼມາກໍຜ່ານໄປຈົນໝົດແລະເກີດເປັນໄຟຟ້າສະອາດຈາກໄຊຍະບູລີໄປຍັງປະເທດໄທ ແລະ ...

ແຫຼ່ງຂ່າວຈາກແຂວງຜົ້ງສາລີ ໃຫ້ຮູ້ວ່າ: ແຂວງຜົ້ງສາລີ ໄດ້ຖືເອົາວຽກງານອຸດສາຫະກຳ-ການຄ້າ ເປັນວຽກປາຍແຫຼມໃນການພັດທະນາເສດຖະກິດ-ສັງຄົມ, ເຊິ່ງໄລຍະຜ່ານມາ ພະແນກອຸດສາຫະກຳ-ການຄ້າແຂວງ ກໍໄດ້ສົມທົບກັບພາກສວ່ນກ່ຽວຂ້ອງ ໃນການຊຸກຍູ້ສົ່ງເສີມການຜະລິດສິນຄ້າທີ່ເປັນທ່າແຮງຂອງແຕ່ລະທ້ອງຖິ່ນ ທີ່ມີເອກກະລັກສະເພາະ ແລະ ມີຄຸນະພາບສູງ ບວກກັບການຍົກລະດັບສີນຄ້າໃຫ້ກາຍເປັນສິນຄ້າໂອດ໋ອບ, ມາຮອດປັດຈຸບັນ ແຂວງຜົ້ງສາລີ ມີສິນຄ້າໂອດ໋ອບແລ້ວ 8 ລາຍການຄື: ຫັດຖະກຳຕ່ຳຫູກທໍໄໝບ້ານ ຫ້ວຍດອຍ ເມືອງໃໝ່, ຜະລິດຕະພັນນໍ້າເຜິ້ງ ບ້ານແສນລາດ ເມືອງຂວາ, ຫັດຖະກໍາແຜນແພ ບ້ານລ້ອງນາຍ ເມືອງບຸນໃຕ້, ຊາພະຍາສີ ເມືອງຜົ້ງສາລີ, ຊາຂຽວຜົ້ງສາລີ ເມືອງຜົ້ງສາລີ, ຊາພຽງໂມຢາ ບ້ານບໍ່ກົ້ງ ເມືອງຜົ້ງສາລີ, ຊາທ່ອນ ບ້ານລຸງຈິງ ເມືອງຜົ້ງສາລີ ແລະ ຫັດຖະກຳໄມ້ປ່ອງ ບ້ານຕ້າງ ເມືອງຍອດອູ. ນອກນີ້, ຍັງມີແຜນຈະປະກາດເປັນສິນຄ້າໂອດ໋ອບເພີ່ມອີກ 2 ລາຍການຄື: ຜະລິດຕະພັນເຫຼົ້າຂຽວ ບ້ານຂຸນສຸກ ເມືອງຜົ້ງສາລີ ແລະ ໄຄແຜນ ປາກນ້ຳນ້ອຍ ເມືອງຂວາ. ທີ່ມາ: ຂ່າວສານປະເທດລາວ

ການປູກກ້ວຍ ເພື່ອການຄ້າໃນ ສປປລາວ ໄດ້ສ້າງຊື່ສຽງອັນບໍ່ເພິ່ງປາຖະໜາຕໍ່ຄົນລາວ ເລື່ອງຂອງການ ນຳໃຊ້ສານເຄມີ ທີ່ເປັນພິດ ທີ່ຮ້າຍແຮງ ຕໍ່ສະພາບແວດລ້ອມ ບໍ່ວ່າ ດິນ, ແຫຼ່ງນໍ້າ ແລະ ຮວມທັງຊີວິດ ຂອງຄົນ. ເຊິ່ງການສູນເສຍນີ້ ແມ່ນຍາກທີ່ຈະຟື້ນຟູ ຄືນສູ່ສະພາບເດີມໄດ້ ໃນໄລຍະຈໍ້ໆ.   ແຕ່ແນວໃດກໍດີ ໝາກກ້ວຍ ໄດ້ສ້າງລາຍຮັບເຂົ້າປະເທດຫຼາຍສົມຄວນ, ອີງຕາມກະຊວງ ອຸດສາຫະກຳ ແລະການຄ້າ ລາຍງານວ່າ ປີ 2017 ສປປລາວ ສາມາດລາຍຮັບ ຈາກການສົ່ງອອກກ້ວຍໄດ້ 169.7 ລ້ານໂດລາ ສະຫະລັດ ອາເມລິກາ ແລະ ເຖິງວ່າ ລັດຖະບານ ຈະສັ່ງໂຈະ ການຂະຫຍາຍ ເນື້ອທີ່ການປູກກ້ວຍ ໃນປີດັ່ງກ່າວ ແຕ່ ກ້ວຍກໍຍັງເປັນ ພືດເສດຖະກິດທີ່ສຳຄັນຂອງປະເທດ. ໃນເວລາດຽວກັນນັ້ນ ສະຖາບັນ ການຄົ້ນກະສິກຳ ແລະ ປ່າໄມ້ແຫ່ງຊາດ ໄດ້ລາຍງານ ປີ 2016​ ນັ້ນວ່າ ການປູກກ້ວຍ ເພື່ອການຄ້າ ໃນ ສປປລາວ ແມ່ນມີຜົນກະທົບດ້ານລົບຫຼາຍສົມຄວນ ...

ນັກສຶກສາລາວຫຼັ່ງໄຫຼເຂົ້າໄປສຶກສາຮໍ່າຮຽນຢູ່ປະເທດຈີນເພີ່ມຂຶ້ນແບບກ້າວກະໂດດ ເຖິງປັດຈຸບັນ ມີຕົວເລກສູງເຖິງ 7.000 ກວ່າຄົນ ເຫດຜົນຍ້ອນຄຸນນະພາບ-ມາດຕະຖານການສຶກສາສູງກວ່າບາງປະເທດພວມພັດທະນາ ແລະ ເທົ່າທຽມກັບບາງປະເທດພັດທະນາແລ້ວ, ຂະນະທີ່ ນັກສຶກສາລາວຈໍານວນບໍ່ໜ້ອຍເຊື່ອວ່າລະບົບການປົກຄອງ-ການເມືອງຄ້າຍຄືກັນ ຍິ່ງກວ່ານັ້ນ ພາຍໃຕ້ຂໍ້ລິເລີ່ມໜຶ່ງແລວໜຶ່ງເສັ້ນທາງໄດ້ກາຍເປັນສິ່ງດຶງດູດເຮັດໃຫ້ເຂົາເຈົ້າຕ້ອງເລືອກສະແຫວງຫາເຂົ້າມາຮຽນ ສປ ຈີນ ເພີ່ມຂຶ້ນ ເຊິ່ງຈະເປັນໂອກາດໃຫ້ປະສົບຜົນສໍາເລັດໃນອາຊີບຫຼາຍກວ່າ. ສະຖານເອກອັກຄະລັດຖະທູດແຫ່ງ ສປປ ລາວປະຈໍາ ສປ ຈີນໄດ້ຈັດກອງປະຊຸມໃຫຍ່ຄັ້ງທີ I ຂອງຄະນະຊາວໜຸ່ມສະຖານເອກອັກຄະລັດຖະທູດແຫ່ງ ສປປ ລາວ ປະຈໍາ ສປ ຈີນໃນວັນທີ 15 ມິຖຸນາ 2019 ທີ່ ນະຄອນຫຼວງປັກກິ່ງ ສປ ຈີນ ໂດຍເປັນປະທານຂອງ ສະຫາຍ ສະເຫຼີມໄຊ ທະທົງສັກ ຄະນະພັກ, ຫົວໜ້າຫ້ອງການສະຖານທູດ ສປປ ລາວ ປະຈໍາ ສປ ຈີນ, ພ້ອມ ສະຫາຍ ວົງສິນ ໃຊຍະວົງ ເລຂາຄະນະຊາວໜຸ່ມ, ເລຂາເອກຝ່າຍສຶກສາ ແລະ ວັດທະນະທໍາສະຖານທູດ ສປປ ລາວ ປະຈໍາ ສປ ຈີນ ລວມທັງນັກສຶກສາລາວເຂົ້າຮ່ວມ ...

ໃນວັນທີ 17 ມິຖຸນາ 2019, ທີ່ສະໜາມບິນສາກົນວັດໄຕ ນະຄອນຫຼວງວຽງຈັນ, ໄດ້ມີພິທີມອບ-ຮັບ ສິ່ງເສດເຫຼືອຂອງທະຫານອາເມລິກາ ທີ່ຫາຍສາບສູນໃນປາງສົງຄາມຢູ່ລາວ, ເຊິ່ງສິ່ງເສດເຫຼືອດັ່ງກ່າວແມ່ນຜົນສໍາເລັດ ທີ່ໄດ້ຮັບຈາກການປະຕິບັດງານຮ່ວມຢູ່ພາກສະໜາມ ຂອງຄະນະວິຊາການລາວ-ອາເມຣິກາ ໃນການສໍາຫຼວດ, ຂຸດຄົ້ນ ເພື່ອຊອກຫາຮ່ອງຮອຍ ແລະ ສິ່ງເສດເຫຼືອຂອງທະຫານອາເມລິກາ ທີ່ຫາຍສາບສູນໃນປາງສົງຄາມຢູ່ລາວ (MIA) ຄັ້ງທີ 4 ປະຈໍາປີ 2018-2019 ຢູ່ເຂດເມືອງບົວລະພາ ແຂວງຄໍາມ່ວນ ແລະ ເມືອງວິລະບູລີ ເເຂວງສະຫວັນນະເຂດ. ທີ່ມາ: ຂ່າວສານປະເທດລາວ.

ດ້ວຍສະພາບເສດຖະກິດໃນຍຸກປັດຈຸບັນໂດຍສະເພາະໃນເງື່ອນໄຂທີ່ງົບປະມານແຫ່ງລັດຍັງຂາດແຄນລັດຖະບານໄດ້ມີທິດທາງປັບປຸງລະບົບການຈັດຕັ້ງຂອງລັດໃຫ້ມີຄວາມກະທັດຮັດໂດຍເນັ້ນໃສ່ປະສິດທິພາບຫຼາຍກວ່າປະລິມານ. ດັ່ງນັ້ນ, ລັດຖະບານຈຶ່ງໄດ້ອະນຸມັດຕົວເລກລັດຖະກອນໃໝ່ສຳລັບປີ 2019 ຈຳນວນພຽງແຕ່ 1.500 ຄົນໃນຂອບເຂດທົ່ວປະເທດ ຫຼຸດລົງຈາກປີຜ່ານມາ 50%. ນີ້ກໍເປັນການສົ່ງສັນຍານເບື້ອງຕົ້ນຂອງລັດຖະບານວ່າພາກເອກະຊົນຄວນປະກອບສ່ວນໃນການສ້າງວຽກເຮັດງານທຳໃຫ້ຫຼາຍຂຶ້ນກວ່າເກົ່າເພື່ອຮອງຮັບບັນດິດທີ່ຈົບໃໝ່ໃນແຕ່ລະໄລຍະ ແລະ ກຳລັງແຮງງານທີ່ໜຸ່ມນ້ອຍ ເນື່ອງຈາກວ່າ ສປປ ລາວ ແມ່ນໜຶ່ງໃນປະເທດຂົງເຂດອາຊຽນທີ່ມີປະຊາກອນໜຸ່ມອາຍຸຕໍ່າກວ່າ 25 ປີລົງມາ ກວມເອົາອັດຕາສ່ວນ 60% ຂອງພົນລະເມືອງລາວ (United Nations Population Fund/UNFPA 2015). ພ້ອມນັ້ນ, ກໍຕ້ອງຊຸກຍູ້ໃຫ້ພວກເຂົາເຫຼົ່ານັ້ນກາຍເປັນຜູ້ປະກອບກິດຈະການທີ່ຈະສ້າງວຽກເຮັດງານທຳຕໍ່. ທັງໝົດນັ້ນ ກໍເພື່ອຜັນຂະຫຍາຍນະໂຍບາຍຫຼຸດຜ່ອນຄວາມທຸກຍາກ ແລະ ຊຸກຍູ້ການເຕີບໂຕທາງດ້ານເສດຖະກິດຂອງຊາດ.ຍ້ອນແນວນັ້ນລະບົບການສຶກສາຂອງລາວກໍຄວນໄດ້ມີການປັບປຸງໃຫ້ແທດເໝາະເພື່ອສ້າງຊັບພະຍາກອນມະນຸດທີ່ຊາດຕ້ອງການໃນສະພາບການປ່ຽນ ແປງໃໝ່. ໄລຍະຜ່ານມາ ສປປ ລາວ ໄດ້ຮັບການຊ່ວຍເຫຼືອຈາກຜູ້ໃຫ້ທຶນຕ່າງປະເທດເຂົ້າໃນວຽກງານ ສົ່ງເສີມການເປັນຜູ້ປະກອບກິດຈະການ ແລະ ກໍອີງໃສ່ການຊ່ວຍເຫຼືອດັ່ງກ່າວເປັນຫຼັກ ໃນການນຳສະເໜີການຮຽນການສອນກ່ຽວກັບການເປັນຜູ້ປະກອບກິດຈະການ ຫຼືEntrepreneurial Learning(EL). ຕົວຢ່າງ:ອົງການແຮງງານສາກົນ (International Labour Organization – ILO) ໄດ້ໃຫ້ການຊ່ວຍເຫຼືອແກ່ກະຊວງສຶກສາທິການ ແລະ ກິລາ ໃນການນຳສະເໜີອົງປະກອບ EL ພາຍໃຕ້ຫົວຂໍ້ “ຮູ້ກ່ຽວກັບທຸລະກິດ” ຫຼືKnow about Business (KAB) ...

ດ້ວຍການເຕີບໃຫຍ່ຂະຫຍາຍຕົວຂອງສະພາບເສດຖະກິດ-ສັງຄົມໃນປັດຈຸບັນທີ່ມີຂະແໜງການແຍກຍ່ອຍຫຼາຍ. ສະນັ້ນ, ຈິ່ງມີຄວາມຈຳເປັນສ້າງກົດໝາຍໃໝ່ຂຶ້ນມາເພື່ອເປັນເຄື່ອງມືໃນການກຳນົດຫຼັກການ, ລະບຽບການ, ວິທີການ ແລະ ມາດຕະການ ກ່ຽວກັບການຄຸ້ມຄອງ ແລະ ຕິດຕາມວຽກງານອາກອນລາຍໄດ້ ເຮັດໃຫ້ວຽກງານດັ່ງກ່າວມີປະສິດທິຜົນ. ເນື້ອໃນຕົ້ນຕໍຂອງຮ່າງກົດໝາຍວ່າດ້ວຍສ່ວຍສາອາກອນ ເພື່ອຊຸກຍູ້ສົ່ງເສີມການດໍາເນີນທຸລະກິດ ໃຫ້ມີການຂະຫຍາຍຕົວຢ່າງແຂງແຮງ, ດັດສົມລາຍໄດ້ໃນສັງຄົມ, ແນ່ໃສ່ເກັບລາຍຮັບເຂົ້າງົບປະມານແຫ່ງລັດ ໃຫ້ຖືກຕ້ອງ, ຄົບຖ້ວນ,ໂປ່ງໃສ ແລະ ຍຸດຕິທໍາ, ສ້າງເງື່ອນໄຂໃຫ້ແກ່ການເຊື່ອມໂຍງເຂົ້າກັບພາກພື້ນ ແລະ ສາກົນ ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງຊາດ. ປະກອບມີ IX ພາກ, 6 ໝວດ ແລະ 76 ມາດຕາ. ອາກອນລາຍໄດ້ແມ່ນອາກອນທີ່ເກັບຈາກບຸກຄົນ, ນິຕິບຸກຄົນ ຫຼື ການຈັດຕັ້ງທີ່ມີລາຍໄດ້ຈາກການດໍາເນີນທຸລະກິດ ຫຼື ມີລາຍໄດ້ຈາກການປະກອບອາຊີບ ລ້ວນແຕ່ມີພັນທະເສຍອາກອນລາຍໄດ້ ຕາມທີ່ໄດ້ກໍານົດໄວ້ໃນກົດໝາຍສະບັບນີ້ ແລະ ຕ້ອງມີເລກປະຈໍາຕົວເສຍອາກອນ. ກົດໝາຍວ່າດ້ວຍອາກອນລາຍໄດ້ ຖືກນຳສະເໜີຕໍ່ກອງປະຊຸມສະພາແຫ່ງຊາດໃນວັນທີ 18 ມິຖຸນາ 2019 ໂດຍ ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ເພື່ອໃຫ້ບັນດາສະມາຊິກສະພາແຫ່ງຊາດຊ່ວຍປະກອບຄຳຄິດເຫັນ ແລະຮັບຮອງເອົາ. ການຄິດໄລ່ອັດຕາອາກອນລາຍໄດ້ໃນຮ່າງກົດໝາຍສະບັບນີ້ມີອັດຕາທະວີຄູນແຕ່ 0-28 ສ່ວນຮ້ອຍ ໃນນີ້ຜູ້ທີ່ມີລາຍຮັບແຕ່ 1.300.000 ...