ມະຫາວິທະຍາໄລແຫ່ງຊາດ ເປີດໃຫ້ລົງທະບຽນສອບເສັງແບບອອນລາຍແລ້ວ ເລີ່ມແຕ່ວັນທີ 1-30 ກໍລະກົດ 2019 ເອກະສານຕ່າງໆທີ່ຜູ້ສະໝັກຈະຕ້ອງໄດ້ກະກຽມ ແລະ ນໍາມາສະເໜີຕໍ່ຄະນະກໍາມະການກວດກາ ແລະ ອອກບັດອະນຸຍາດເຂົ້າຫ້ອງສອບເສັງ. ສໍາລັບຜູ້ສະໝັກທີ່ຈົບການສອບເສັງມັດທະຍົມສົມບູນ ມ7 ໃນສົກສຶກສາ 2018-2019 ໃຫ້ປະກອບເອກະສານດັ່ງນີ້: ສໍາເນົາບັດເຂົ້າຫ້ອງສອບເສັງ ມ7 (1 ສະບັບ), ສໍາເນົາບັດປະຈໍາຕົວ ຫຼືປຶ້ມສໍາມະໂນຄົວ (1 ສະບັບ) ແລະ ຮູບຖ່າຍ ຂະໜາດ 3×4 ຖ່າຍບໍ່ໃຫ້ເກີນ 3 ເດືອນ (2 ໃບ) (ໂດຍໃຫ້ເອົາຮູບດຽວກັນກັບຮູບທີ່ຕິດບັດເຂົ້າຫ້ອງສອບເສັງມໍປາຍ ແລະ ເອກະສານທຸກຊະນິດຈະຕ້ອງມີຕົ້ນສະບັບມາຢັ້ງຢືນ ເພື່ອກວດສອບຄວາມຖືກຕ້ອງ). ສໍາລັບຜູ້ສະໝັກທີ່ຈົບການສຶກສາມັດທະຍົມສົມບູນກ່ອນສົກສຶກສາ 2018-2019 ໃຫ້ປະກອບເອກະສານດັ່ງນີ້: ສໍາເນົາປະກາສະນີຍະບັດຈົບ ມ7 (1 ສະບັບ), ສໍາເນົາບັດປະຈໍາຕົວ ຫຼືປຶ້ມສໍາມະໂນຄົວ (1 ສະບັບ) ແລະ ຮູບຖ່າຍຂະໜາດ 3×4 ຖ່າຍບໍ່ໃຫ້ເກີນ 3 ເດືອນ (2 ໃບ). ສ່ວນຜູ້ສະໝັກຜູ້ທີ່ເປັນພະນັກງານ ຕ້ອງມີສໍາເນົາປະກາສະນີຍະບັດຈົບ ມ7 (1 ...

ຖືເປັນຂ່າວດີທີ່ຢາກໃຫ້ຕິດຕາມກັບໂຄງການກໍ່ສ້າງເສັ້ນທາງລົດໄຟຊ່ວງຕໍ່ຈາກທ່ານາແລ້ງເຂົ້າສູ່ຕົວເມືອງຫຼວງວຽງຈັນທີ່ສະຖານີບ້ານຄຳສະຫວາດ ເມືອງໄຊເສດຖາ, ຫຼັງຈາກນັ້ນຜູ້ທີ່ມີຈຸດປະສົງໄປໃຊ້ບໍລິການລົດໄຟລາວອອກສູ່ໜອງຄາຍ ແລະ ກຸງເທບຂອງໄທຈະໃຊ້ເວລາພຽງບໍ່ເທົ່າໃດນາທີກໍ່ຮອດເພາະຫ່າງຈາກຕົວເມືອງພຽງ 4 ກິໂລແມັດເທົ່ານັ້ນ. ການກໍ່ສ້າງເສັ້ນທາງລົດໄຟຕໍ່ຊ່ວງຈາກສະຖານີທ່ານາແລ້ງຫາບ້ານຄຳສະຫວາດ ເມືອງໄຊເສດຖາ ເປັນໂຄງການທີ່ທາງອົງການທາງລົດໄຟມີເປົ້າໝາຍສ້າງມາດົນແລ້ວ ແຕ່ເນື່ອງຈາກເງື່ອນໄຂປິ່ນອ້ອມຫຼາຍຢ່າງຍັງບໍ່ພ້ອມໂດຍສະເພາະເລື່ອງທຶນຮອນຈິ່ງເຮັດໃຫ້ແກ່ຍາວມາຫຼາຍປີ.ແນວໃດກໍ່ຕາມ ປັດຈຸບັນແມ່ນໄດ້ແຫຼ່ງທຶນພ້ອມແລ້ວທີ່ຈະດຳເນີນການກໍ່ສ້າງເສັ້ນທາງລົດໄຟ ຈາກຂົວມິດຕະພາບລາວໄທ ແຫ່ງທີ I ທ່ານາແລ້ງເຂົ້າມາຫາສູນກາງ ນະຄອນຫຼວງວຽງຈັນ ລວມຄວາມຍາວເປັນໄລຍະ 11 ກິໂລແມັດ ກໍາລັງຈະເປັນຄວາມຈິງຂຶ້ນມາ ພາຍຫຼັງ ການເຊັນບົດບັນທຶກ ຄວາມເຂົ້າໃຈ ລະຫວ່າງ ກົມທາງລົດໄຟ ກະຊວງ ໂຍທາ ແລະ ຂົນສົ່ງ ຮ່ວມກັບ ບໍລິສັດ Sermsanguan Construction ຈໍາກັດ ຈາກປະເທດໄທ. ໂຄງການເຟສ II ດັ່ງກ່າວ ແມ່ນໄດ້ຮັບງົບປະມານ ການຊ່ວຍເຫຼືອລ້າຈາກປະເທດໄທ 30% ແລະ ອີກ 70% ໃນຮູບແບບ ການກູ້ຍືມ ດອກເບ້ຍຕໍ່າ ໂດຍສະຖານີໃໝ່ນີ້ຕັ້ງຢູ່ໃກ້ສູນກາງ ຂອງນະຄອນຫຼວງວຽງຈັນ ແມ່ນສະຖານີ ທີ່ຕັ້ງຢູ່ບ້ານ ຄໍາສະຫວາດ (ປະມານ 4 ກມ ຈາກ ທາດຫຼວງວຽງຈັນ). ການກໍ່ສ້າງເສັ້ນທາງລົດໄຟ ພາກຂະຫຍາຍນີ້ ...

ກົມອຸຕຸນິຍົມ ແລະ ອຸທົກກະສາດ ອອກແຈ້ງເຕືອນໄພຝົນຕົກໜັກ ສະບັບທີ 2 ເລກທີ 0907/ກອຕທ ລົງວັນທີ 2 ກໍລະກົດ 2019 ວ່າ: ຄວາມກົດດັນຕ່ຳຂອງອາກາດຮ້ອນທີ່ປົກຄຸມຢູ່ທະເລຈີນໃຕ້ຕອນເໜືອໄດ້ເພີ່ມກຳລັງແຮງຂຶ້ນເປັນພາຍຸເດເປຼຊັນ, ເຊິ່ງໃນເວລາ 7 ໂມງເຊົ້າຂອງວັນທີ 2 ກໍລະກົດ 2019 ມີຈຸດສູນກາງຢູ່ເສັ້ນຂະໜານທີ 18.5 ອົງສາເໜືອ ແລະ ເສັ້ນແວງທີ 113.3 ອົງສາຕາເວັນອອກ, ພວມເຄື່ອນທີ່ໄປທາງທິດຕາເວັນຕົກສຽງເໜືອດ້ວຍຄວາມໄວ 15 ກິໂລມແມັດຕໍ່ຊົ່ວໂມງ, ພາຍຸຫົວນີ້ຈະເຄື່ອນທີ່ຜ່ານເກາະໄຮໜານໃນຕອນຄ່ຳຂອງມື້ນີ້ ຈາກນັ້ນຈະມີທ່າອ່ຽງຜ່ານໃກ້ພາກເໜືອຂອງປະເທດຫວຽດນາມ ໃນໄລຍະວັນທີ 3 ຫາ 5 ກໍລະກົດ 2019. ຈາກທ່າອ່ຽງການເຄື່ອນທີ່ຂອງພາຍຸຫົວນີ້ ຈະເຮັດໃຫ້ລົມມໍລະສຸມຕາເວັນຕົກສຽງໃຕ້ມີກຳລັງແຮງເພີ່ມຂຶ້ນ ພັດປົກຄຸມທົ່ວທຸກພາກຂອງປະເທດລາວ ເຊິ່ງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ແລະ ຕົກໜັກຢູ່ບາງທ້ອງຖິ່ນແຂວງພາກເໜືອດ້ານຕາເວັນອອກ ລົງຫາພາກກາງ ແລະ ພາກໃຕ້ ພ້ອມມີລົມພັດແຮງເປັນບາງໂອກາດໃນຂອບເຂດທົ່ວປະເທດ. ດັ່ງນັ້ນ, ຈຶ່ງແຈ້ງເຕືອນເຖິງອຳນາດການປົກຄອງທຸກພາກສ່ວນ ແລະ ປະຊາຊົນບັນດາເຜົ່າ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ທີ່ຈະເຮັດໃຫ້ມີນ້ຳຖ້ວມອັ່ງຢູ່ແຂວງພາກກາງ ຫາ ພາກໃຕ້ ແລະ ມີລົມພັດແຮງທີ່ອາດຈະເຮັດໃຫ້ຕົ້ນໄມ້ຫັກ, ...

ເມື່ອທ້າຍອາທິດຜ່ານມາ, ທ່ານ ດຣ.ບຸນກອງ ສີຫາວົງ ລັດຖະມົນຕີ ກະຊວງສາທາ ລະນະສຸກ ໄດ້ອອກຄຳສັ່ງໃຫ້ຮີບຮ້ອນຫັນພະນັກງານລົງຊ່ວຍໂຮງໝໍນ້ອຍ (ສຸກສາລາ), ໂຮງໝໍເມືອງ ເພື່ອຕອບໂຕ້ໄຂ້ຍຸງລາຍ, ເນື່ອງຈາກປັດຈຸບັນ ພະຍາດໄຂ້ຍຸງລາຍໄດ້ມີການລະບາດຮຸນແຮງ ໃນຫຼາຍແຂວງ ນັບແຕ່ເດືອນມັງກອນ 2019 ຈົນເຖິງປັດຈຸບັນ ມີຜູ້ເປັນໄຂ້ຍຸງລາຍຫຼາຍກວ່າ 7 ພັນກໍ ລະນີ ແລະ ມີການເສຍຊີວິດເຖິງ 24 ກໍລະນີ ແລະ ເຫັນວ່າການລະບາດຂອງພະຍາດໄຂ້ຍຸງລາຍໃນປີນີ້ ມີທ່າອ່ຽງຈະຮ້າຍແຮງຂຶ້ນທຸກມື້. ທີ່ມາ: ຂ່າວສານປະເທດລາວ

ເຖິງວ່າຜ່ານມາລັດຖະບານຈະເອົາໃຈໃສ່ຫຼາຍດ້ານໃນການແກ້ໄຂຄວາມທຸກຍາກຂອງປະຊາຊົນບັນດາເຜົ່າທີ່ຢູ່ເຂດຫ່າງໄກສອກຫຼີກແຕ່ກໍຍັງມີຄວາມທ້າທາຍຫຼາຍດ້ານໂດຍສະເພາະການເຂົ້າເຖິງຄອບຄົວທຸກຍາກເນື່ອງຈາກຍັງມີຫຼາຍສິ່ງທີ່ບໍ່ເອື້ອອຳນວຍເປັນຕົ້ນເສັ້ນທາງ, ໄຟຟ້າ, ນໍ້າສະອາດ ແລະ ອື່ນໆ, ປັດຈຸບັນທົ່ວປະເທດຍັງມີຄອບຄົວທຸກຍາກທັງໝົດ 64.593 ຄອບຄົວ, 1.536 ບ້ານ ແລະ 23 ເມືອງທຸກຍາກຂະນະທີ່ນາຍົກໄດ້ກ່າວຢໍ້າພວກເຮົາຕ້ອງໄດ້ດຳເນີນການເລັ່ງດ່ວນຮຽ ກຮ້ອງປຸກລະດົມຂະແໜງການ, ສູນກາງ, ທ້ອງຖິ່ນ, ນັກທຸລະກິດ, ຜູ້ປະກອບການເພື່ອສ້າງຊົນນະບົດໃຫ້ມີໃບໜ້າໃໝ່ເພື່ອແກ້ໄຂ ແລະ ນໍາພາປະຊາຊົນປະເທດ ຊາດຫຼຸດພົ້ນອອກຈາກຄວາມດ້ອຍພັດທະນາໃຫ້ໂດຍໄວ. ວັນທີ 28 ມິຖຸນາຜ່ານມາທີ່ນະຄອນຫຼວງວຽງຈັນໄດ້ມີກອງປະຊຸມຍູ້ຂະບວນການແຂ່ງຂັນຮັກຊາດ ແລະພັດທະນາຕິດພັນກັບການພັດທະນາຊົນນະບົດ ແລະແກ້ໄຂຄວາມທຸກຍາກໂດຍໃຫ້ກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ, ທັງເປັນປະທານຄະນະຊີ້ນຳລະດັບຊາດກ່ຽວກັບວຽກງານແຂ່ງຂັນ-ຍ້ອງຍໍຮັກຊາດ ແລະພັດທະນາ. ທ່ານ ຄຳໝັ້ນ ສູນວິເລີດ ລັດຖະມົນຕີກະຊວງພາຍໃນ, ຮອງປະທານຄະນະຊີ້ນຳລະດັບຊາດກ່ຽວກັບວຽກງານແຂ່ງຂັນ-ຍ້ອງຍໍຮັກຊາດ ແລະ ພັດທະນາກ່າວວ່າ: ປັດຈຸບັນນີ້ທົ່ວປະເທດຍັງມີຄອບຄົວທຸກຍາກ 64.593 ຄອບຄົວ, ບ້ານທຸກຍາກ 1.536 ບ້ານ ແລະເມືອງທຸກຍາກຈໍານວນ 23 ເມືອງ ໃນນັ້ນບ້ານທີ່ຍັງທຸກຍາກຍ້ອນບໍ່ມີເສັ້ນທາງເຂົ້າເຖິງ ຫຼື ທຽວໄດ້ພຽງລະດູດຽວ 1.240 ບ້ານ ເທົ່າກັບ 14,64%, ບ້ານ ທີ່ຍັງບໍ່ໄດ້ຊົມ ໄຊໄຟຟ້າ 773 ບ້ານ ...

 ເຈົ້າໜ້າທີ່ຈະເຂັ້ມງວດໃນການກວດທາດເຫຼົ້າກັບຜູ້ຂັບ ຂີ່ຕາມທ້ອງຖະໜົນ ເຊິ່ງຈະເລີ່ມແຕ່ ວັນທີ່ 01 ກໍລະກົດ 2019 ເປັນຕົ້ນໄປຕາມ ຂໍ້ຕົກ ລົງເລກທີ 1323 ຂອງເຈົ້າຄອງ ນະຄອນຫຼວງວຽງຈັນ. ຕາມແຜນແລ້ວ ຈະເລີ່ມກວດໃນເດືອນເມສາຜ່ານມາ ແຕ່ທາງເຈົ້າ ໜ້າບໍ່ພ້ອມຈຶ່ງໄດ້ເລື່ອນ ມາປະຕິບັດໃນເດືອນກໍລະກົດນີ້. ຈຸດປະສົງກໍເພື່ອໃຫ້ຫຼຸດຜ່ອນການ ເກີດອຸປະຕິເຫດຕາມທ້ອງຖະໜົນ ເພາະສ່ວນໃຫຍ່ອຸປະຕິເຫດແມ່ນ ເກີດມາຈາກການດື່ມສິ່ງມຶນເມົາ. ບາງເນື້ອໃນຢູ່ໃນຂໍ້ຕົກລົງ ເລກທີ 1323 ຂອງເຈົ້າຄອງນະຄອນຫຼວງ ວຽງຈັນໄດ້ລະບຸໄວ້ວ່າ ຖ້າກວດພົບ ທາດເຫຼົ້າຂອງຜູ້ຂັບລົດຈະໄດ້ກ່າວເຕືອນ ແລະ ປັບໃໝ 20 ເທົ່າ ໂດຍ ອີງໃສ່ດໍາລັດເລກທີ 188/ນຍ, ລົງວັນ ທີ 03 ກໍລະກົດ 2007 ວ່າດ້ວຍການ ປັບໃໝມາດຕະການຕ່າງໆຕໍ່ຜູ້ລະເມີດລະບຽບກົດໝາຍການຈະລາ ຈອນທາງບົກ, ການຂົນສົ່ງທາງບົກ ແລະ ປົກປັກຮັກສາທາງຫຼວງ. ໃນມາດຕາ 13 ຂອງໝວດທີ III ຂອງຂໍ້ຕົກລົງ ເລກທີ 1323 ຂອງເຈົ້າຄອງນະຄອນຫຼວງໄດ້ລະ ບຸໄວ້ວ່າ: ເມື່ອກວດພົບທາດເຫຼົ້າ ແລະ ສິ່ງມຶນເມົາໃນຮ່າງກາຍຂອງຜູ້ຂັບ ຍານພາຫະນະເກີນປະລິມານທີ່ກໍາ ...

​ເມື່ອ​ບໍ່​ດົນ​ມາ​ນີ້, ກອງ​ປະຊຸມ​ສຸດ​ຍອດ​ ກຸ່ມ​ປະ​ເທດ ​ເສດຖະກິດ​ ຂະໜາດ​​ໃຫຍ່ (ຈີ20)ຢູ່​ນະ​ຄອນ​ໂອ​ຊາ​ກາຂອງ​ຍີ່​ປຸ່ນ ​ໄດ້​ສິ້ນ​ສຸດ​ລົງ ດ້ວຍ​ຜົນສຳ​ເລັດ​ ອັນ​ຈົບງາມ ​ໃນ​ການ​ສະໜັບສະໜູນ ລັດທິ​ຫຼາຍ​ຝ່າຍ ​ຢ່າງ​ເຂັ້ມແຂງ ໄດ້​ຜ່ານ​ຖະ​ແຫຼງ​ການ ໂດຍ​ສະ​ໜັບ​ສະ​ໜູນ​ ການ​ປະ​ຕິ​ຮູບ ​ທີ່​ຈຳ​ເປັນ​ຕໍ່​ອົງ​ການ​​ການ​ຄ້າ​ໂລກ, ປະ​ເທດ​ພາ​ຄີ​ ສົນ​ທິ​ສັນ​ຍາ ​​ປ​າ​ຣີ​ ໃນ​ສະ​ມາ​ຊິກ G20 ໄດ້​ກ້າຢືນຢັ້ນ​ວ່າ​: ຈະ​ປະ​ຕິ​ບັດ​ຕາມ​ສັນ​ຍາ​ ​ຮັບ​ມື​ກັບ​ການ​ປ່ຽນ​ແປງ​ ຂອງ​ດິນ​ຟ້າ​ອາ​ກາດ ​ແລະ ​ກາຍ​ເປັນ​ເວ​ທີ​ສຳ​ຄັນ ​ທີ່​ຊຸກ​ຍູ້​ລັດ​ທິ ຫຼາຍ​ຝ່າຍ ແລະ ແກ້​ໄຂ​ບັນ​ຫາຕ່າງໆ ເຮັດ​ໃຫ້​ປະ​ຊາ​ຄົມ​ໂລກ​ ມີ​ຄວາມ​ໝັ້ນ​ໃຈ​ເພີ່ມ​ຂຶ້ນ.ພາຍຫຼັງ ທ່ານ​ ສີ​ ຈິ້ນ​ຜິງ ປະ​ທານ​ປະ​ເທດ​ຈີນ​ ໄດ້​ລົງ​ເລິກ​ ປຶກ​ສາ​ຫາ​ລື ​ກັບ​ຜູ້​ນຳ​ປະ​ເທດ​ຕ່າງໆ ແລະ ອົງ​ການ​ຈັດ​ຕັ້ງ​ສາ​ກົນ​ ​ກ່ຽວ​ກັບ​ ຫົວ​ຂໍ້​ ຊຸກ​ຍູ້​ການ​ສ້າງ​ ການ​ພົວ​ພັນ​ສາ​ກົນ ​ແບບ​ໃໝ່ ​ທີ່​ເຄົາ​ລົບ​ກັນ ມີ​ຄວາມ​ຍຸດຕິ​ທຳ ແລະ ຄວາມ​ເປັນ​ທຳ ແລະ ​ຮ່ວມ​ມື​ກັນ​ ແບບ​ຕ່າງ​ຝ່າຍ​ ຕ່າງ​ມີ​ຜົນ​ປະ​ໂຫຍດ, ສ້າງ​ເສດ​ຖະ​ກິດ​ໂລກ ​ແບບ​ເປີດ​ປະ​ຕູ​ ສູ່​ພາຍນອກ ​ທີ່​ມີ​ຜົນ​ດີ​ ຕໍ່​ການ​ພັດ​ທະ​ນາ​ປະ​ເທດ ...

ກະຊວງສຶກສາທິການ ແລະ ກິລາ ( ສສກ ) ກຽມຂຶ້ນບັນຊີ 3 ປະເພດ ເພື່ອແກ້ໄຂບັນຫາຄູອາສາສະໝັກ ກ່ອນຈະຄ່ອຍໆບັນຈຸເຂົ້າເປັນລັດຖະກອນຕາມໂກຕາທີ່ລັດຖະບານແບ່ງໃຫ້ ແຕ່ຕ້ອງໄດ້ຜ່ານການສອບເສັງຕາມລະບຽບ, ໃນຂະນະທີ່ການຄຸ້ມຄອງຄຸນນະພາບໂຮງຮຽນເອກະຊົນ, ກະຊວງສຶກສາທິການ ແລະ ກິລາ ແລະ ພາກສ່ວນກ່ຽວຂ້ອງໄດ້ເອົາໃຈໃສ່ລົງຕິດຕາມ, ກວດກາ ແລະ ປະເມີນຜົນຢ່າງເປັນປົກກະຕິ ພ້ອມທັງໄດ້ຈັດກອງປະຊຸມຖອດຖອນບົດຮຽນໃນແຕ່ລະປີ. ທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການແລະ ກິລາ ໄດ້ໃຫ້ສຳພາດຕໍ່ສື່ມວນຊົນ ໃນໂອກາດເຂົ້າຮ່ວມກອງປະຊຸມລັດຖະບານເປີດກວ້າງ ເມື່ອວັນທີ 27 ມິຖຸນາຜ່ານມານີ້ ໃຫ້ຮູ້ວ່າ: ການຄຸ້ມຄອງໂຮງຮຽນແຕ່ລະປະເພດແມ່ນໄດ້ມີນິຕິກຳຫຼາຍສະບັບ ເພື່ອເປັນບ່ອນອີງໃນການຄຸ້ມຄອງບັນດາໂຮງຮຽນເອກະຊົນ ແລະ ກໍາລັງສ້າງນິຕິກໍາກ່ຽວກັບການເກັບຄ່າຮຽນ – ຄ່າບໍລິການປະເພດຕ່າງໆຢູ່ສະຖາບັນການສຶກສາເອກະຊົນ. ນອກນັ້ນ, ຍັງມີສູນປະກັນຄຸນນະພາບການສຶກສາທີ່ມີພາລະບົດບາດໃນການກໍານົດມາດຕະຖານຄຸນນະພາບການສຶກສາທຸກຊັ້ນ, ທຸກສາຍທັງພາກລັດ ແລະ ເອກະຊົນ ລວມທັງກໍານົດຂອບວຸດທິການສຶກສາແຫ່ງຊາດ ໃຫ້ເທົ່າທຽມກັບມາດຕະຖານຂອງພາກພື້ນ ແລະ ສາກົນ ຕາມຂໍ້ຕົກລົງ ວ່າດ້ວຍການຈັດຕັ້ງ ແລະ ເຄື່ອນໄຫວຂອງສູນປະກັນຄຸນນະພາບການສຶກສາ. ນອກຈາກນີ້, ຍັງມີຫ້ອງການສົ່ງເສີມການສຶກສາພາກເອກະຊົນທີ່ເປັນໜ່ວຍງານຄົ້ນຄວ້າ ແລະ ກໍານົດນະໂຍບາຍສົ່ງເສີມການພັດທະນາວຽກງານສຶກສາພາກເອກະຊົນ ໃຫ້ສອດຄ່ອງກັບການພັດທະນາການສຶກສາ ແລະ ກີລາ ...

ກະຊວງຊັບພະຍາກອນທຳມະຊາດ ແລະສິ່ງແວດລ້ອມ ກົມອຸຕຸນິຍົມ ແລະອຸທົກກະສາດ ແຈ້ງເຕືອນໄຟຝົນຕົກໜັກ: ໃນໄລຍະວັນທີ 2 ຫາ 5 ກໍລະກົດ 2019 ລົມມໍລະສຸມຕາເວັນຕົກສ່ຽງໃຕ້ມີກຳລັງປານກາງຫາແຮງພັດປົກຄຸມຢູ່ຕອນໃຕ້ຂອງປະເທດ ສປ ຈີນ ແລະ ຈະມີກຳລັງແຮງເພີ່ມຂຶ້ນພັດຜ່ານເກາະໄຮໜານເຂົ້າສູ່ປະເທດ ສສ ຫວຽດນາມ ແລະ ຍັງຈະເພີ່ມກຳລັງແຮງຂື້ນຕື່ມປົກຄຸມຢູ່ພາກເຫນືອ ຫາ ພາກກາງຂອງປະເທດລາວ, ຊື່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງ ເປັນບໍລິເວນກວ້າງ ແລະ ຕົກຫນັກ ພ້ອມມີລົມພັດແຮງ, ຟ້າຜ່າ ແລະ ດິນເຈື່ອນ ຢູ່ບາງທ້ອງຖິ່ນແຂວງ ພາກເຫນືອ ຫາ ພາກກາງ ແລະ ພາກໃຕ້. ດັ່ງນັ້ນ, ຈື່ງແຈ້ງເຕືອນເຖິງອຳນາດການປົກຄອງ ແລະ ປະຊາຊົນບັນດາເຜົ່າທີ່ອາໄສຢູ່ບັນດາແຂວງ ຜົ້ງສາລີ, ຫົວພັນ, ຊຽງຂວາງ, ຫຼວງນ້ຳທາ, ອຸດົມໄຊ, ບໍ່ແກ້ວ,ຫຼວງພະບາງ, ໄຊຍະບູລີ, ໄຊສົມບູນ, ວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ນັບທັງນະຄອນຫລວງວຽງຈັນ, ສາລະວັນ, ຈຳປາສັກ, ເຊກອງ ແລະອັດຕະປື ໃຫ້ມີສະຕິລະມັດລະວັງຕໍ່ສະພາບຝົນຕົກຟ້າຮ້ອງເຫຼື້ອມ, ...

“ຈົ່ງຮັກໃນສິ່ງທີ່ເຮັດ” ສິ່ງທີ່ໄດ້ຍິນຕະຫຼອດໂດຍສະເພາະເວລາທີ່ມີຄົນຈົ່ມວ່າເບື່ອວຽກ ຢາກປ່ຽນວຽກ ກໍຈະມີສຸພາສິດນີ້ມາເຕືອນສະຕິຢູ່ສະເໝີ, ແມ່ນຢູ່ວ່າຄົນເຮົາເລືອກເຮັດໃນສິ່ງທີ່ຕົນເອງມັກບໍ່ໄດ້ຕະຫຼອດເວລາ ແຕ່ກໍມີຫຼາຍກໍລະນີທີ່ອົດທົນຢູ່ກັບສິ່ງທີ່ບໍ່ແມ່ນ ຍິ່ງຈະເພີ່ມຄວາມທຸກຈົນສົ່ງຜົນເສຍຕາມມາຫຼາຍຢ່າງ. ເຊິ່ງເຮົາຈະຮູ້ໃດແນວໃດວ່າ ຍາມໃດຈຶ່ງຈະຮອດເວລາປ່ຽນວຽກເຮັດ ລອງມາເບິ່ງນຳກັນວ່າທ່ານມີ 7 ສັນຍານເຫຼົ່ານີ້ບໍ່?.​ ບໍ່ມັກວຽກທີ່ເຮັດ: ຖ້າຫາກຄວາມບໍ່ມັກວຽກພຽງຢ່າງດຽວ ອາດຈະບໍ່ທີ່ສຸດຍັງພໍເຮັດໄດ້ ບໍ່ໄດ້ລຳບາກໃຈຫຼາຍ ກໍອາດຈະຍັງຢູ່ໃນລະດັບທີ່ຮັບມືໄດ້ຕໍ່ໄປ ແຕ່ຖ້າລະດັບຂອງຄວາມບໍ່ມັກແບບຮຸນແຮງຫຼາຍ ຈົນໃຊ້ຄຳວ່າຝືນໃຈໄປເຮັດວຽກຊື່ໆ, ຂາດແຮງຈູງໃຈ ຖ້າແຕ່ຮອດທ້າຍອາທິດ, ຂໍໃຫ້ຮອດເວລາເລີກວຽກໄວ້ໆໃຫ້ໝົດແຕ່ລະມື້ເທົ່ານັ້ນ ຫາກທ່ານກຳລັງຮູ້ສຶກວ່າ ບ່ອນເຮັດວຽກຂອງທ່ານເປັນບ່ອນທີ່ເຮັດໃຫ້ທ່ານບໍ່ມີຄວາມສຸກທີ່ສຸດໃນໂລກ ນີ້ແຫຼະຄືສັນຍານວ່າ ອາດຈະຮອດເວລາປ່ຽນບ່ອນເຮັດວຽກໄດ້ແລ້ວ. ເຂົ້າກັບວັດທະນະທຳຂອງບ່ອນເຮັດວຽກບໍ່ໄດ້: ບາງຄັ້ງທ່ານອາດບໍ່ມີບັນຫາກັບວຽກງານ ແຕ່ມີບັນຫາກັບເພື່ອນຮ່ວມງານ, ຫົວໜ້າ ຫຼື ອາດຈະເຂົ້າກັບວັດທະນະທຳຂອງອົງກອນບໍ່ໄດ້ເລີຍ ຄືກັນກັບສຸພາສິດທີ່ເວົ້າວ່າ “ຄັບທີ່ຢູ່ໄດ້ ຄັບໃຈຢູ່ຍາກ” ຖ້າສັງຄົມໃນບ່ອນເຮັດວຽກບໍ່ເອື້ອອໍານວຍໃຫ້ທ່ານເປັນຕົວຂອງຕົນເອງ ຫຼື ມີແຕ່ຈະເຮັດໃຫ້ທ່ານບໍ່ສະບາຍໃຈ ຕ້ອງຝືນຄວາມຮູ້ສຶກຕົວເອງຢູ່ຕະຫຼອດເວລາ ກໍບໍ່ມີຄວາມຈຳເປັນຕ້ອງທົນຕໍ່ໄປ ອົງກອນແຕ່ລະບ່ອນກໍມີຄວາມແຕກຕ່າງກັນໄປ ອາດຈະມີບ່ອນອື່ນທີ່ເໝາະສົມກັບທ່ານໄດ້. ບໍ່ມີໂອກາດກ້າວໜ້າ: ເຮັດວຽກມາຫຼາຍປີ ປະສົບການຫຼາກຫຼາຍ ຜົນງານກໍຢູ່ໃນຂັ້ນດີ ແຕ່ຍັງຢູ່ຕໍາແໜງເກົ່າ ບໍ່ເຄີຍໄດ້ເລື່ອນຂຊັ້ນຕໍາແໜ່ງຄືຄົນອື່ນ ບາງຄັ້ງມີຄົນໃໝ່ເຂົ້າມາເຮັດວຽກກັບກ້າວໜ້າກວ່າເຮົາ, ປຶກສາກັບຫົວໜ້າແລ້ວກໍຍັງບໍ່ມີຄວາມປ່ຽນແປງ ມີແຕ່ຄຳສັນຍາທີ່ບໍ່ເຄີຍເກີດຂຶ້ນຈິງ ທ່ານອາດຈະຕ້ອງພິຈາລະນາໄປກ້າວໜ້າໃນບ່ອນອື່ນໄດ້ແລ້ວ. ບໍ່ມີໂອກາດໃຫ້ທ່ານສະແດງຄວາມສາມາດ ຫຼື ຮຽນຮູ້ເພີ່ມ: ທ່ານມີຄວາມຮູ້ຄວາມສາມາດຫຼາກຫຼາຍແຕ່ບໍ່ໄດ້ໃຊ້ຈົນເລີ່ມຮູ້ສຶກເບື່ອ, ຮູ້ສຶກວ່າງວຽກ ແລະ ວຽກທີ່ທ່ານເຮັດນີ້ບໍ່ມີຄວາມໝາຍ ຖ້າທ່ານມີຄວາມຮູ້ສຶກນີ້ລອງປຶກສາຫົວໜ້າກ່ອນ ...