ເມື່ອບໍ່ດົນມານີ້, ກອງປະຊຸມສຸດຍອດ ກຸ່ມປະເທດ ເສດຖະກິດ ຂະໜາດໃຫຍ່ (ຈີ20)ຢູ່ນະຄອນໂອຊາກາຂອງຍີ່ປຸ່ນ ໄດ້ສິ້ນສຸດລົງ ດ້ວຍຜົນສຳເລັດ ອັນຈົບງາມ ໃນການສະໜັບສະໜູນ ລັດທິຫຼາຍຝ່າຍ ຢ່າງເຂັ້ມແຂງ ໄດ້ຜ່ານຖະແຫຼງການ ໂດຍສະໜັບສະໜູນ ການປະຕິຮູບ ທີ່ຈຳເປັນຕໍ່ອົງການການຄ້າໂລກ, ປະເທດພາຄີ ສົນທິສັນຍາ ປາຣີ ໃນສະມາຊິກ G20 ໄດ້ກ້າຢືນຢັ້ນວ່າ: ຈະປະຕິບັດຕາມສັນຍາ ຮັບມືກັບການປ່ຽນແປງ ຂອງດິນຟ້າອາກາດ ແລະ ກາຍເປັນເວທີສຳຄັນ ທີ່ຊຸກຍູ້ລັດທິ ຫຼາຍຝ່າຍ ແລະ ແກ້ໄຂບັນຫາຕ່າງໆ ເຮັດໃຫ້ປະຊາຄົມໂລກ ມີຄວາມໝັ້ນໃຈເພີ່ມຂຶ້ນ.ພາຍຫຼັງ ທ່ານ ສີ ຈິ້ນຜິງ ປະທານປະເທດຈີນ ໄດ້ລົງເລິກ ປຶກສາຫາລື ກັບຜູ້ນຳປະເທດຕ່າງໆ ແລະ ອົງການຈັດຕັ້ງສາກົນ ກ່ຽວກັບ ຫົວຂໍ້ ຊຸກຍູ້ການສ້າງ ການພົວພັນສາກົນ ແບບໃໝ່ ທີ່ເຄົາລົບກັນ ມີຄວາມຍຸດຕິທຳ ແລະ ຄວາມເປັນທຳ ແລະ ຮ່ວມມືກັນ ແບບຕ່າງຝ່າຍ ຕ່າງມີຜົນປະໂຫຍດ, ສ້າງເສດຖະກິດໂລກ ແບບເປີດປະຕູ ສູ່ພາຍນອກ ທີ່ມີຜົນດີ ຕໍ່ການພັດທະນາປະເທດ ທີ່ເປັນຕະຫຼາດ ຈະເລີນໃໝ່ ແລະ ປະເທດພວມພັດທະນາ ໃຫ້ດີກວ່າເກົ່າ, ແກ້ໄຂບັນຫາຈຸດເດັ່ນ ຂອງພາກພື້ນ ດ້ວຍວິຖີ ທາງການເມືອງ, ສ້າງສາປະຊາຄົມ ຮ່ວມຊາຕາກຳ ຂອງມວນມະນຸດ ແລະ ອື່ນໆ, ເຊິ່ງທັດສະນະ ຂໍ້ສະເໜີ ແລະ ມາດຕະການທີ່ ທ່ານ ສີ ຈິ້ນຜິງ ສະເໜີອອກມານັ້ນ, ໄດ້ເຮັດໃຫ້ປະຊາຄົມໂລກ ມີຄວາມໝັ້ນໃຈ ເພີ່ມຂຶ້ນພາຍໃຕ້ ສະພາບການທີ່ເສດຖະກິດ ແລະ ຄວາມໝັ້ນຄົງຂອງໂລກ ເຕັມໄປດ້ວຍ ຄວາມບໍ່ແນ່ນອນ, ທັງໄດ້ຊີ້ແຈງ ທິດທາງໃຫ້ແກ່ ການປະຕິຮູບ ດ້ານການບໍລິຫານທົ່ວໂລກ.
ນອກຈາກນີ້ ທ່ານ ອັນໂຕນິໂອ ກູເຕີເຣັສ ເລຂາທິການໃຫຍ່ ສະຫະ ປະຊາຊາດ ໄດ້ກ່າວເນັ້ນວ່າ: ປັດຈຸບັນ ສະຖານະການສາກົນ ພວມຢູ່ໃນໄລຍະສຳຄັນ, ໃນຂົງເຂດການຄ້າ ແລະ ຢູ່ເຂດອ່າວເປີເຊຍ ມີສະຖານະການທີ່ເຄັ່ງຕຶງ, ໂລກພວມຜະເຊີນກັບ ສະພາບການທີ່ຂາດເຂີນ ແຮງຈູງໃຈ ໃນການຊຸກຍູ້ ລັດທິຫຼາຍຝ່າຍ ແລະ ປະຕິບັດຕາມກົດໝາຍ.
ທີ່ມາ: ຂ່າວສານປະເທດລາວ.