News

ເກີດເຫດໄຟໄໝ້ປ່າອາເມຊອນທີ່ປະເທດບຣາຊິນ ໄດ້ໄໝ້ເປັນເວລາ 3 ອາທິດແລ້ວ. ປັດຈຸບັນ, ປ່າໄມ້ໄດ້ຫາຍໄປແລ້ວປະມານ 15% ຫຼື 3.000 ກມ ແລະ  ຍັງບໍ່ສາມາດມອດໄຟປ່າແຫ່ງນີ້ໄດ້, ເຮັດໃຫ້ນະຄອນຫຼວງຂອງປະເທດ ບຣາຊິນ ເຕັມໄປດ້ວຍໝອກຄວັນ ບໍ່ມີມື້ເວັນ ມື້ຄືນ ເປັນເວລາຫຼາຍມື້ ຕິດຕໍ່ກັນ. ນັກວິທະຍາສາດຍັງວິຕົກກັງວົນວ່າ ຫາກປ່າຫາຍໄປເຖິງ 25% ປ່າຝົນທີ່ໃຫຍ່ທີ່ສຸດຂອງໂລກຜືນນີ້ຈະບໍ່ມີປ່າໄມ້ສ້າງວັດທະຈັກຂອງນ້ຳ ແລະ ໃນທີ່ສຸດປ່າທີ່ເຄີຍໜາແໜ້ນກໍຈະກາຍເປັນທົ່ງຫຍ້າຮ້ອນໆ ແລະ ການປ່ຽນແປງນີ້ຈະສົ່ງຜົນກະທົບໄປທົ່ວໂລກ ເນື່ອງຈາກປ່າອາເມຊອນເປັນແຫຼ່ງຜະລິດແກ໊ສອົກຊີແຊນແຫຼ່ງໃຫຍ່ຂອງໂລກ ທີ່ໄດ້ຊື່ວ່າ ປອດຂອງໂລກ ທັງຍັງຊ່ວຍດູດຊຶມ ແລະ ເກັບກັກແກ໊ສກາກບອນຊຶ່ງເປັນແກ໊ສເຮືອນແກ້ວໜຶ່ງໃນໂຕການຂອງພາວະໂລກຮ້ອນ. ໄຟ້ໄໝ້ຄັ້ງນີ້, ຖືເປັນຄັ້ງທີ່ຮຸນແຮງທີ່ສຸດໃນຮອບ 5 ປີ ສົ່ງຜົນໃຫ້ເກີດຄວາມເສຍຫາຍຢ່າງໜັກ ຄວາມແຮງຂອງມັນ  ສາມາດເຫັນຄວັນທີ່ໜາທຶບໄດ້ຈາກອາວະກາດ ສາມາດເຫັນໄດ້ຈາກນອກໂລກ, ອາກາດຫາຍໃຈສ່ວນໜຶ່ງຂອງເຮົາໄດ້ຈາກປ່າອາເມຊອນ 20% ນັ້ນສະແດງວ່າຖ້າບໍ່ມີປ່າອາເມຊອນ ເຮົາກໍ່ຂາດອາກາດຫາຍໃຈໄປ 20%  ສາເຫດການເກີດໄຟໄໝ້ປ່າ ໃນຄັ້ງນີ້ ຄາດວ່າ ຈະເກີດຈາກ ສະພາບການປ່ຽນແປງດິນຟ້າອາກາດ ເກີດຄວາມແຫ້ງແລ້ງ ໃນພື້ນທີ່ປ່າ ເປັນບໍລິເວນກ້ວາງ ບວກໃສ່ກັບ ການບຸກລຸກ ຖາງປ່າຈູດໄຮ່ຂອງພໍ່ແມ່ປະຊາຊົນ ອ້ອມຮອບເຂດປ່າ. ສະຖາບັນວິໄຈອະວະກາດແຫ່ງຊາດຂອງບຣາຊິນ (INPE) ເປີດເຜີຍໂຕເລກທີ່ໜ້າຕົກໃຈວ່າ ນັບແຕ່ເດືອນມັງກອນ-ສິງຫາເກີດເຫດໄຟປ່າໃນແຖບອາເມຊອນຫຼາຍກວ່າ 72.843 ...

ກອງປະຊຸມລັດຖະບານສະໄໝສາມັນ ປະຈໍາເດືອນສິງຫາ 2019 ໄດ້ໄຂຂຶ້ນຢ່າງເປັນທາງການໃນວັນທີ 20 ແລະ ປິດລົງໃນຕອນເຊົ້າວັນທີ 22 ສິງຫາ ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກ ລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານ ພ້ອມດ້ວຍແຂກທີ່ຖືກເຊີນ ເຂົ້າຮ່ວມຢ່າງພ້ອມພຽງ. ກອງປະຊຸມຄັ້ງນີ້ ໄດ້ພ້ອມກັນສຸມໃສ່ປຶກສາຫາລື, ປະກອບຄໍາຄິດຄໍາເຫັນ ແລະ ພິຈາລະນາຮັບຮອງເອົາ 9 ເອກະສານສໍາຄັນທັງໝົດ 9 ສະບັບເປັນຕົ້ນແມ່ນ 1. ຮ່າງກົດໝາຍ ວ່າດ້ວຍການຊົດເຊີຍຄ່າເສຍຫາຍຈາກລັດ (ສ້າງໃໝ່) 2. ຮ່າງກົດໝາຍ ວ່າດ້ວຍການລົ້ມລະລາຍຂອງວິສາຫະກິດ (ສະບັບປັບປຸງ). 3. ຮ່າງກົດໝາຍ ວ່າດ້ວຍຮູບເງົາ (ສ້າງໃໝ່). 4. ຮ່າງກົດໝາຍ ວ່າດ້ວຍຫຼັກຊັບ (ສະບັບປັບປຸງ). 5. ຮ່າງກົດໝາຍ ວ່າດ້ວຍຄວາມສະເໝີພາບ ຍິງ-ຊາຍ (ສ້າງໃໝ່). 6. ຮ່າງດໍາລັດ ວ່າດ້ວຍການປິດບໍ່ແຮ່ ພາຍຫຼັງການຂຸດຄົ້ນ. 7. ຮ່າງດໍາລັດ ວ່າດ້ວຍການຄຸ້ມຄອງທຸລະກິດຍານພາຫະນະທາງບົກ. 8. ແຜນພັດທະນາແບບກວມລວມເຂດພູພຽງບໍລະເວນ. ...

ກອງ​ປະຊຸມ​ປຶກສາ​ຫາລື​ການ​ຊື້-ຂາຍ​ໄຟຟ້າ​ລະຫວ່າງ ສ​ປປ ລາວ ​ແລະ ສສ.ຫວຽດນາມ ​ໄດ້ມີ​ຂຶ້ນ​ເມື່ອ​ບໍ່​ດົນ​ນີ້​ຢູ່​ນະ​ຄອນ​ຫຼວງ​ວຽງ​ຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ​ລັດຖະມົນ​ຕີ​ກະຊວງ​ພະລັງງານ-ບໍ່​ແຮ່ ຄໍາ​ມະນີ ອິນ​ທິລາດ. ເພື່ອປືກສາ​ຫາລື​ແຜນການ​ສົ່ງ​ອອກ​ໄຟຟ້າ​​ໃຫ້ ສສ.ຫວຽດນາມ ຈາກ 320 ​ເມ​ກາ​ວັດ​ໃນ​ປັດ​ຈຸ​ບັນ​ຂຶ້ນ​ເປັນ 5.000 ​ເມ​ກາ​ວັດ​ໃນ​ປີ 2030. ກອງ​ປະຊຸມ,​ ສອງ​ຝ່າຍຍັງ​ໄດ້​ທົບ​ທວນຄືນ​ການຮ່ວມ​ມືພັດ​ທະນາພະລັງງານ​ໄຟຟ້າ​ໃນ​ຜ່ານ​ມາ,​ ​ໂດຍ​ສະ​ເພາະ​​ບັນດາໂຄງການ​ທີ່ຫວຽດນາມ​ໄດ້​ລົງທຶນມີ​ຈຸດ​ດີ, ຈຸດ​ອ່ອນ ​ແລະ ຂໍ້​ຫຍຸ້ງຍາກ​ແນວ​ໃດ ​ເພື່ອ​ພ້ອມ​ກັນ​ແກ້​ໄຂ. ​ໃນ​ໂອກາດ​ນີ້, ຝ່າຍ​ລາວ​ໄດ້​ສະ​ເໜີ​​ຫຼາຍ​ບັນຫາໃຫ້​ຫວຽ​ດນາມຊ່ວຍ​ກະຕຸກ​ຊຸກຍູ້​ການ​ຊື້-ຂາຍ​ໄຟຟ້າ​ຈາກ​ເຂື່ອນ​ໄຟຟ້າ​ນໍ້າ​ຊໍາ​ໃຫ້​​ເປັນ​ຮູບ​ປະ​ທໍາ, ​ໂດຍ​ສະ​ເພາະການ​ກໍານົດຈຸດ​ເຊື່ອມ​ຕໍ່​ໃໝ່ ​ເນື່ອງ​ຈາກ​ໄຟຟ້າ​ລາວ​ສະ​ເໜີ​ຂາຍ​ໄຟຟ້າ​ເພີ່ມ​ຂຶ້ນຈາກ​ໂຄງການ​ໄຟຟ້າ​ຄວາມ​ຮ້ອນ ​ແລະ ​ໂຄງການ​ໄຟຟ້າ​ນໍ້າ​ໂມ້ 2,​​ ໂຄງການ​ນໍ້າ​ກົງ 2 ​ແລະ 3, ນໍ້າ​ອີ​ມູນ, ນໍ້າ​ອ່າງ, ນໍ້າ​ງອນ, ຫ້ວຍ​ກະ​ອວຍ ​ແລະ ຫ້ວຍ​ລະ​ແງ, ຊຶ່ງ​ລວມມີ​ກໍາລັງ​ຕິດ​ຕັ້ງ​ປະມານ 465 ​ເມ​ກາ​ວັດ, ​ໂດຍ​ສາມາດ​ນໍາ​ໃຊ້​ສາຍ​ສົ່ງ​ຂອງ​ເຊ​ກະ​ໝານ 1 ​ແລະ 3 ທີ່​ມີ​ແລ້ວ. ສໍາລັບ​ໂຄງການ​​ເຂື່ອນນໍ້າ​ອູ 5,6 ​ແລະ 7 ​ລວມມີ​ກໍາລັງ​ຕິດ​ຕັ້ງ 630 ​ເມ​ກາ​ວັດ ທີ່​ມີ​ແຜນ​ຈະ​ຂາຍ​ໃຫ້​ຫວຽດນາມ​ ນັບ​ແຕ່​ປີ 2021 ​ເປັນ​ຕົ້ນ​ໄປ​ໃນ​ລາຄາ​ທີ່​ຕົກລົງ​ກັນ ...

ດັ່ງທີ່ຫຼາຍຄົນຮູ້ຈັກກັນດີແລ້ວວ່າ ຜົ້ງສາລີ ເປັນແຂວງທີ່ຂຶ້ນຊື່ເລື່ອງຊາມາຍາວນານ, ຊາເປັນສິນຄ້າປາຍແຫຼມຂອງແຂວງທີ່ຕະຫຼາດທັງພາຍໃນ ແລະ ຕ່າງປະເທດຍັງມີຄວາມຕ້ອງການສູງ ຫຼ້າສຸດ, ຊາແຂວງຜົ້ງສາລີ ສາມາດໄປຄວ້າລາງວັນຊະນະເລີດຈາກການປະກວດຊາສາກົນຢູ່ຮົງກົງໃນປີ 2019 ນີ້. ຜົນງານຊະນະເລີດຄັ້ງນີ້ ເປັນລາງວັນໃນສາຍ “ຊາຜູເອີ໋” ໃນນີ້ຊາທີ່ນຳເຂົ້າປະກວດເປັນຊາຈາກໂຮງງານຊາແສງຄຳ ແຂວງຜົ້ງສາລີ. ທັງນີ້ ຊາຜູເອີ໋ ແມ່ນມີຕົ້ນກຳເນີດ ແລະ ນິຍົມປູກກັນໃນບໍລິເວນພາກໃຕ້ຂອງແຂວງຢູນນານ ປະເທດຈີນ ທີ່ເມືອງຜູເອີ໋ ນັບວ່າເປັນຊາທີ່ມີຊື່ສຽງ ແລະ ໂດ່ງດັງໃນປັດຈຸບັນ. ຊາຊະນິດນີ້ຜູ້ໃດໄດ້ດື່ມເປັນຄັ້ງທຳອິດຈະຮູ້ສຶກວ່າມີກິ່ນແຮງ ແລະ ລົດຊາດເຂັ້ມຂຸ້ນຫຼາຍ ແຕ່ເມື່ອດື່ມຄັ້ງຕໍ່ໆໄປຈະຮູ້ສຶກຕິດໃຈ. ການເຂົ້າຮ່ວມແຂ່ງຂັນໃນງານຄັ້ງນີ້ ແມ່ນຢູ່ພາຍໃຕ້ການສະໜັບສະໜູນ ຈາກກົມປູກຝັງ, ກະຊວງກະສິກຳ ແລະ ປ່າໄມ້ ແລະ ໂຄງການໄບໂອເທຣດ ເພື່ອໂຄສະນາຊາລາວໃຫ້ເປັນທີ່ຮັບຮູ້ໃນຕະຫຼາດສາກົນ. ທີ່ມາ: ຂ່າວສານເສດຖະກິດ-ການຄ້າ

ຫົວໜ້າ​ພະ​ແນ​ກຈະລາຈອນ​ແຂວງຫຼວງ​ພະ​ບາງ ​ໄດ້ອອກ​ມາ​ເຕືອນຜູ້​ທີ່​ຈະ​ເດີນທາງ​ໄປ​ພາກ​ເໜືອ​ໃນ​ໄລຍະລະ​ດູ​ຝົນ​ນີ້,​​ ໂດຍ​ສະ​ເພາະ​ໄປ​ແຂວງ​ຫຼວງ​ພະ​ບາງ ຄວນ​ຫຼີກ​ລ່ຽງການ​ນໍາ​ໃຊ້​ເສັ້ນທາງ​ຕັດ​ໃໝ່ (​ພູ 9 ຫຼັກ) ​ກາສີ-​ເມືອງ​ນານ, ​ເນື່ອງ​ຈາກ​ເສັ້ນທາງ​ດັ່ງ​ກ່າວ​ຕັດ​ຜ່ານ​ພູ​ສູງ​ຊັນ, ໝື່ນ ​ແລະ ມີຫຼາຍ​ຈຸດ​ເປ​ເພ່ ​ເຊິ່ງ​ເປັນ​ອັນຕະລາຍ​ ​ແລະ ມີ​ຄວາມ​ສ່ຽງ​ເກີດອຸປະຕິ​ເຫດ​ໄດ້,​ ​ໂດຍ​ສະ​​ເພາະ​ລົດ​ຂົນ​ສົ່ງ, ​ໂດຍສານ​ ຫຼື ລົດ​ບັນທຸກ​ໜັກຕ່າງໆ​ແມ່ນ​ບໍ່ຄວນ​ໃຊ້​ເສັ້ນທາງ​ນີ້​ເດັດຂາດ ​ຫຼັງ​ຈາກ​ຜ່ານ​ມາ​ໄດ້ມີ​ອຸປະຕິ​ເຫດລົດ​ຕົກລົງ​ເຫ​ວ​ເປັນ​ຈໍານວນ​ຫຼາຍ​ລາຍ​ແລ້ວ, ຊຶ່ງ​ກໍລະນີ​ລ່າ​ສຸດ​ແມ່ນ​ອຸປະຕິ​ເຫດທີ່​ເກີດ​ຂຶ້ນ​ໃນວັນ​ທີ 19 ສິງຫາ​ນີ້, ​ໂດຍລົດ​ເມ​ນໍາ​ທ່ຽວ​​​ໜຶ່ງ​ມີ​ນັກ​ທ່ອງ​ທ່ຽວ​ຊາວ​ຈີນ, ພ້ອມ​​ດ້ວຍ​ພະນັກງານ​ນໍາ​ທ່ຽວຄົນ​ລາວ ​ລວມທັງ​ໝົດ 46 ຄົນ​ ​ໄດ້​ເກີດເສຍຫຼັກ​ປີ້ນລົງ​ເຫວ​ເລິກປະມານ 100 ກວ່າ​ແມັດ​ໃນ​ຈຸດຂົວ​ນໍ້າ​ງາ​ວ, ​ເມືອງ​ນານ​ແຂວງ​ຫຼວງ​ພະ​ບາງຢ່າງ​ຮຸນ​ແຮງ, ​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ຄາ​ທີ່ 13 ຄົນ. ທ່ານຍັງ​ໃຫ້​ຮູ້​ວ່າ: ​ເສັ້ນທາງ​ດັ່ງ​ກ່າວ​​ແມ່ນ​ສ້າງບໍ່ໄດ້​ມາດຕະຖານ,​​ ເນື່ອງຈາກ​​​ເປັນ​ເສັ້ນທາງຍຸດ​ທະສາດ​ຮັບ​ໃຊ້​ວຽກ​ງານທາງການ​ທະຫານ,​ ​ແຕ່​ເມື່ອ​ໄດ້ເປີດນໍາ​ໃຊ້ກໍ​​ມີຜູ້ຂັບ​ຂີ່​ພາຫະນະ​ນໍາ​ໃຊ້​ເສັ້ນທາງ​ດັ່ງ​ກ່າວ​ເປັນ​ຈໍານວນ​ຫຼາຍ, ​ເນື່ອງ​ຈາກ​ວ່າ​ຊ່ວຍ​ປະຢັດ​ເວລາ​ໃນ​ການ​ເດີນທາງ​ລະຫວ່າງ​ແຂວງວຽງ​ຈັນ​ຫາ​ຫຼວງ​ພະ​ບາງຫຼຸດລົງ​​ເຖິງ 3-4 ຊົ່ວ​ໂມງ​ເມື່ອ​ທຽບ​​ໃສ່ການ​ນໍາ​ໃຊ້​ເສັ້ນທາງ​ເກົ່າ (​ເມືອງ​ກາສີ-​ເມືອງພູ​ຄູນ), ແຕ່ຖ້າຫາກນັກ​ຂັບ​ຂີ່​ມີ​ຄວາມຈໍາ​ເປັນ​ໄດ້​ເດີນທາງ​ຜ່ານ​ເສັ້ນທາງນີ້​ ກໍ​ຂໍ​ໃຫ້​ມີ​ສະຕິ​ລະ​ມັດ​ລະວັງ​ທີ່​ສຸດ, ​ໃຫ້​ຄ່ອຍ​ໄປ​ຄ່ອຍ​ມາ, ສະພາບ​ເຕັກນິກລົດ​ກໍຕ້ອງ​ໃຫ້​ຮັບປະກັນ, ​ໂດຍ​ສະ​ເພາະ​ແມ່ນ​ລະບົບ​​ຫ້າມ​ລໍ້, ລະບົບ​ເກ່ຍຕ້ອງ​ດີ ​ເພື່ອ​ຄວາມ​ປອດ​ໄພ​ໃນ​ການ​ເດີນທາງ. ຂອບໃນຂໍ້ມູນຈາກ: ໜັງສືພິມລາວພັດທະນາ

ເມື່ອ​ບໍ່ດົນມານີ້ທ່ານ ຄຳ​ຜົງ ນາມມະ​ວົງ​ມີ​ໄຊ ຫົວໜ້າຫ້ອງການວິຊາ​ການ ມະຫາວິທະຍາ​ໄລ​ແຫ່ງ​ຊາດ ​ໄດ້ອອກ​ມາ​ເຕືອນວ່າ: ຜ່ານມາ ໄດ້ມີ​ກຸ່ມ​ຄົນ​ບໍ່ດີ​ຈຳນວນໜຶ່ງ​ ເຄື່ອນ​ໄຫວຕົວະ​ຍົວະຫຼອກ​ລວງ​ຜູ້ປົກຄອງ, ກໍຄືພໍ່​ແມ່ ວ່າສາມາດ​​ວິ່ງ​ເຕັ້ນແລ່ນ​ເອົາ​ລູກ​ຫຼານ​​ເຂົ້າຮຽນຢູ່ມະຫາວິທະຍາ​ໄລ​ແຫ່ງ​ຊາດ ​ໂດຍ​​ນັກ​ສຶກສາບໍ່ຕ້ອງຜ່ານ​ການ​ສອບ​ເສັງ ຫຼື ​ເສັງ​ບໍ່ຜ່ານ​ກໍ​ສາມາດປອມ​ແປງ​ລາຍ​ຊື່​ໃຫ້​ເຂົ້າຮຽນ​ໄດ້ ແລະ ​ໃນ​ຊຸມປີຜ່ານມາທາງ​ມະຫາວິທະຍາ​ໄລ​ແຫ່ງ​ຊາດ​ ໄດ້​ພົບ​ເຫັນ​ກໍລະນີທີ່​ນັກ​ສຶກສາ​ໄດ້​ປອມ​ແປງ​ເອກະສານເຂົ້າ​ມາ​ເຊັ່ນ: ​ໃບ​ປະກາດ​ຈົບ​ຊັ້ນ ມໍປາຍ ​ແລະ ​ປ່ຽນລາຍ​ຊື່​, ລວມທັງການຊື້ຈ້າງເພື່ອ​ໄດ້ໃຫ້ເຂົ້າສຶກສາ​ຮ່ຳ​ຮຽນຢູ່ມະຫາວິທະຍາໄລແຫ່ງຊາດ ສຸດທ້າຍກໍບໍ່ໄດ້ຮັບຜົນທັງເສຍຊັບສິນເງິນ-ຄຳ ຈຳນວນບໍ່ໜ້ອຍ. ຢ່າງໃດກໍຕາມກຸ່ມຄົນບໍ່ດີຈໍານວນໜຶ່ງໄດ້ຖືກລົງໂທດທາງວິໄນ ແລະ ມອບໃຫ້​ເຈົ້າໜ້າທີ່​ດຳ​ເນີນ​ຄະດີ​ຕາມ​ລະບຽບກົດໝາຍມາ​ແລ້ວ. ດັ່ງ​ນັ້ນ ອີກ​ເທື່ອ​ໜຶ່ງ ທາງມະຫາວິທະຍາ​ໄລ​ແຫ່ງ​ຊາດ ກໍ​ໄດ້​ອອກ​ມາ​ເຕືອນ​ໃຫ້​ສັງຄົມ, ກໍ​ຄືຜູ້​ປົກຄອງນັກຮຽນ-ນັກ​ສຶກສາຢ່າ​ຫຼົງ​ເຊື່ອ​ກັບ​ການ​ຕົວະ​ຍົວະໃນລັກ ສະນະດັ່ງກ່າວ​ຢ່າງເດັດຂາດ ແລະ ​ທັງໄດ້​ຢືນຢັນວ່າ ​ການ​ສອບ​ເສັງ​ຄັດ​ເລືອກ​ເອົານັກ​ສຶກສາ​ເຂົ້າຮຽນ ຢູ່ມະຫາວິທະຍາ​ໄລ​ແຫ່ງ​ຊາດສົກຮຽນນີ້ ແມ່ນຈະເນັ້ນ​ຄວາມເຂັ້ມງວດ, ໂປ່​ງ​ໃສ ແລະ ຍຸຕິ​ທຳຫຼາຍຂຶ້ນ. ​ເນື່ອງຈາກປັດຈຸບັນການກວດ​ຄະ​ແນນ ​ແລະ ກວດ​ຂໍ້​ສອບ ​ແມ່ນ​ໄດ້​ໃຊ້​ມາດຕະຖານ​ສາກົນ ກໍຄືການນຳ​ໃຊ້​ລະບົບ​ຄອມ​ພິວ​ເຕີ ຊຶ່ງ​​ເຮັດ​ໃຫ້​ມີ​ຄວາມ​ວ່ອງ​ໄວ ​ແລະ ​ໂປ່​ງ​ໃສ​ທີ່​ສຸດ, ພ້ອມ​ນີ້ການ​ປະກາດຜົນ​ການ​ສອບ​ເສັງ​​ ແມ່ນໄດ້​ຜ່ານ​ການ​ກວດກາຂອງ​ຄະນະ​ກຳມະການ​ສອບ​ເສັງ​ລະດັບ​ຊາດ, ​ໂດຍ​ຈັດ​ລຽງຄະ​ແນນ​ແຕ່​ສູງຫາ​ຕ່ຳ ຕາມ​ເກນ​ມາດຕະຖານ​ຄະ​ແນນ​ທີ່​ກຳນົດ​ໃນ​ລາຍ​ວິຊາຢ່າງ​ເຂັ້ມ​ງວດ. ​ພາຍຫຼັງ​​ກວດກາ​ລາຍ​ຊື່ ແລະ ຄະ​ແນນ​ທີ່​ຖືກຕ້ອງ ​ໂດຍຜ່ານ​ການ​ຮັບຮອງ​ຜົນ​ສອບ​ເສັງຈາກ​ກະຊວງ​ສຶກສາ​ທິການ ​ແລະ ກິລາ ພາຍ​ໃນ ...

ອີງຕາມແຈ້ງການ ຂອງຫ້ອງວ່າການສຳນັກງານນາຍົກລັດຖະມົນຕີ ເລກທີ 1132/ຫສນຍ ລົງວັນທີ 3 ກໍລະກົດ 2019 ເລື່ອງການສະເໜີຂໍຫັນສະໜາມກິລາແຂວງຈຳປາສັກ ໃຫ້ພາກເອກະຊົນເພື່ອພັດທະນາເປັນສູນການຄ້າ. ຫ້ອງວ່າການສຳນັກງານນາຍົກລັດຖະມົນຕີໄດ້ແຈ້ງວ່າ: ທ່ານນາຍົກລັດຖະມົນຕີ “ບໍ່ເຫັນດີໃຫ້ຫັນສະໜາມກິລາແຂວງຈຳປາສັກ ໃຫ້ພາກເອກະຊົນພັດທະນາເປັນສູນການຄ້າ, ໃຫ້ຮັກສາໄວ້ເປັນຂອງລັດ (ແຂວງຈຳປາສັກ) ຕາມການສະເໜີຂອງກະຊວງສຶກສາທິການ ແລະ ກິລາ ແລະ ໃຫ້ມີການນຳໃຊ້ໃຫ້ມີປະສິດທິພາບສູງສຸດ ແລະ ມີລາຍຮັບ ເພື່ອນຳມາບູລະນະຮັກສາໃຫ້ຍືນຍົງ”.  

ສຳນັກຂ່າວຊິນຫົວລາຍງານເມື່ອວັນທີ 20 ສິງຫາ 2019 ວ່າ ທ່ານ ຄຳພັນ ສິດທິດຳພາ (Khamphan Sitthidampha) ເຈົ້າແຂວງແຂວງວຽງຈັນລາຍງານວ່າ: ລັດຖະບານໄທ ແລະ ລາວກຳລັງວາງແຜນທີ່ຈະສ້າງ ຂົວມິດຕະພາບ ຂ້າມແມ່ນ້ຳຂອງແຫ່ງໃໝ່ເພື່ອເຊື່ອມແຂວງວຽງຈັນ ກັບຈັງຫວັດເລີຍ ທ່ານ ຄຳພັນ ສິດທິດຳພາ ຊື່ງໄດ້ຮັບການແຕ່ງຕັ້ງໃຫ້ເປັນເຈົ້າແຂວງແຂວງວຽງຈັນເມື່ອ 2 ເດືອນກ່ອນ ເຜີຍວ່າເຈົ້າໜ້າທີ່ທ້ອງຖິ່ນຂອງວຽງຈັນໄດ້ສະເໜີໂຄງການເພື່ອໃຫ້ລັດຖະບານພິຈາລະນາ ແລະ ກຳລັງສຶກສາຕຳແໜ່ງທີ່ຕັ້ງຂອງຂົວ ເພື່ອຕັດສິນວ່າຄວນຈະຢູ່ໃນເຂດຊະນະຄາມ  ຫຼື ເຂດເມືອງໝື່ນ ທ່ານ ຄຳພັນກ່າວວ່າ: ເຈົ້າໜ້າທີ່ໄດ້ຂໍໃຫ້ລັດຖະບານຍົກລະດັບການຂ້າມແດນ ລະດັບທ້ອງຖິ່ນໃນວຽງຈັນ ກັບຈັງຫວັດເລີຍ (ປະເທດໄທ)  ເພື່ອເປັນທາງຂ້າມແດນລະຫວ່າງປະເທດໂດຍສົມບູນສ່ວນເວລາໃນການເລີ່ມກໍ່ສ້າງຂົວນັ້ນ ລັດຖະບານລາວ ແລະ ໄທຍັງຄົງຫາລືກັນຢູ່ ທັງນີ້ ດ້ວຍຄວາມຊ່ວຍເຫຼືອຈາກລັດຖະບານອອສເຕຣເລຍ ລາວ ແລະໄທ ປະສົບຄວາມສຳເລັດໃນການກໍ່ສ້າງຂົວຂ້າມແມ່ນ້ຳຂອງແຫ່ງທຳອິດ ເຊື່ງເຊື່ອມນະຄອນຫຼວງວຽງຈັນ ເມືອງຫຼວງຂອງປະເທດລາວ ກັບຫນອງຄາຍ ປະເທດໄທ ເມື່ອປີ 1994 ໂດຍຂົວນີ້ເປັນສັນຍາລັກຂອງນະໂຍບາຍເປີດປະເທດຂອງລາວ ຄວາມສຳເລັດຂອງຂົວດັ່ງກ່າວເປັນແຮງບັນດານໃຈໃຫ້ລັດຖະບານລາວ ແລະໄທໃນການສ້າງຂົວຂ້າມແມ່ນ້ຳຂອງເຊື່ອມສອງປະເທດອີກໃນປີຕໍ່ໆໄປ ປັດຈຸບັນມີຂົວ ລາວ-ໄທ 4 ແຫ່ງທີ່ຂ້າມແມ່ນ້ຳຂອງ ແລະຍັງມີການລົງນາມຂໍ້ຕົກລົງສຳລັບການກໍ່ສ້າງຂົວອີກແຫ່ງທີ່ເຊື່ອມລະຫວ່າງແຂວງດ້ວຍ ທ່ານ ຄຳພັນກ່າວປິດທ້າຍວ່າ ...

ເຫດການເກີດຂຶ້ນເມື່ອວັນທີ 15 ສິງຫາ 2019 ໃນຂະນະທີ່ຍົນກຳລັງເດີນທາງໄປແຂວງໄຊສົມບູນ ໃນລະຫວ່າງທາງໄດ້ພົບກັບສະພາບອາກາດແປປ່ວນ ນັກບິນຈຶ່ງຕັດສິນໃຈເອົາຍົນລົງຈອດສຸກເສີນຢູ່ເທິງຈອມພູ ໂຊກດີບໍ່ມີໃຜເປັນຫຍັງ ແຕ່ຍົນເສຍຫາຍພໍສົມຄວນ ຈາກກໍລະນີທີ່ມີການເຜີຍແຜ່ຄຼິບວີດີໂອ ແລະ ຮູບນິ້ງ ເຮືອບິນເຮລິຄອບເຕີ ຂອງກຳລັງ ປກຊ ລົງສຸກເສີນກາງໄຮ່ ໃນເຂດພູສູງແຫ່ງໜຶ່ງນັ້ນ, ໃນຂະນະເຮືອບິນດັ່ງກ່າວ ປະຕິບັດໜ້າທີ່ ປົກກະຕິໃນການປ່ຽນຖ່າຍກຳລັງ ເຊິ່ງໃນຂະນະນັ້ນໄດ້ ເກີດມີລົມພັດແຮງຈົນນັກບິນບໍ່ສາມາດບັງຄັບເຮືອບິນໃຫ້ສະຖຽນໄດ້ ຈຶ່ງຕັດສິນໃຈລົງຈອດສຸກເສີນຢູ່ກາງໄຮ່ແຫ່ງໜຶ່ງໃນແຂວງໄຊສົມບູນ ໂຊກດີບໍມີການບາດເຈັບ, ສ່ວນ ເຮືອບິນເປ່ເພສ່ວນຫາງ ແລະ ຫົວ.     ພາຍຫຼັງມີການເຜີຍແຜ່ຄລິບເຫດການດັ່ງກ່າວຜ່ານສື່ ອອນລາຍ, ຊາວເນັດທັງຫຼາຍລ້ວນຊົມເຊີຍຄວາມສາມາດຂອງນັກບິນ ທີ່ສາມາດລົງຈອດສຸກເສີນຢ່າງປອດ ໄພ. ທີ່ມາ: ຂ່າວສານປະເທດລາວ  

ອັດຕາເງິນເຟີ້ ເດືອນກໍລະກົດ 2019 ຢູ່ທີ່ 3,00 % ເພີ່ມຂຶ້ນຈາກເດືອນມິຖຸນາ 0,79% ປັດໄຈສຳຄັນທີ່ເຮັດໃຫ້ອັດຕາເງິນເຟີ້ເພີ່ມຂຶ້ນມາຈາກສິນຄ້າປະເພດອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນສະເລ່ຍ 4,33%. ພ້ອມນີ້, ໝວດສິນຄ້າ ແລະ ບໍລິການອື່ນໆກໍເພີ່ມຂຶ້ນເຊັ່ນກັນ, ສ່ວນໝວດຄົມມະນາຄົມ ແລະ ການຂົນສົ່ງຫຼຸດລົງເລັກໜ້ອຍ. ອີງຕາມບົດລາຍງານຂອງສູນສະຖິຕິແຫ່ງຊາດ ກະຊວງແຜນການ ແລະ ການລົງທຶນ ໃຫ້ຮູ້ວ່າ: ດັດຊະນີລາຄາການຊົມໃຊ້ ( ອັດຕາເງິນເຟີ້ ) ປະຈໍາເດືອນກໍລະກົດ 2019 ເພີ່ມຂຶ້ນ 3,00% ເຊິ່ງເປັນການເພີ່ມຂຶ້ນຕໍ່ເນື່ອງນັບແຕ່ເດືອນມີນາເປັນຕົ້ນມາ ປັດໄຈສໍາຄັນທີ່ສົ່ງຜົນໃຫ້ອັດຕາເງິນເຟີ້ເພີ່ມສູງແມ່ນມາຈາກດັດຊະນີປະເພດອາຫານສົດ ປະກອບມີ: ເຂົ້າສານ, ຊີ້ນ, ປາ, ໝາກໄມ້ ແລະ ຜັກສົດ ໂດຍສະເລ່ຍທຽບຕໍ່ປີເພີ່ມຂຶ້ນ 4,64% ໂດຍສະເພາະແມ່ນເຂົ້າທຽບປີຕໍ່ປີສູງເຖິງ 15,42% ຍ້ອນລາຄາເຂົ້າເພີ່ມຂຶ້ນ ເນື່ອງຈາກປະຊາຊົນ, ຊາວນາ ແລະ ພໍ່ຄ້າຊາວຂາຍມີຄວາມກັງວົນຕໍ່ກັບສະພາບດິນຟ້າອາກາດທີ່ບໍ່ໄປຕາມລະດູການ ແລະ ຢູ່ບັນດາປະເທດເພື່ອນບ້ານກໍເກີດວິກິດ. ສະນັ້ນ, ຈຶ່ງສົ່ງຜົນໃຫ້ລາຄາເຂົ້າປັບສູງຂຶ້ນ. ສໍາລັບປະເພດຊີ້ນ ແລະ ປາ ແມ່ນຍັງສາມາດຄວບຄຸມໄດ້ຢູ່ໃນເກນປົກກະຕິ; ສ່ວນໝວດສິນຄ້າທີ່ມີການເໜັງຕີງເພີ່ມຂຶ້ນໄດ້ແກ່: ...