Magazine

ຄັ້ງໜຶ່ງໃນຊີວິດຂອງໝົດທຸກຄົນຈະມີຈຸດໜຶ່ງວ່າເຮົາບໍ່ຮູ້ຫຍັງເລີຍ ຄືຕອນທີ່ເຮົາບໍ່ປະສົບຄວາມສໍາເລັດ ຫຼື ຜິດພາດ. ເພາະກ່ອນໜ້ານີ້ເຮົາຈະຄິດວ່າເຮົາຮູ້ທຸກຢ່າງ ແຕ່ການລົ້ມລົງຂອງແຕ່ລະຄົນບໍ່ຄືກັນບາງຄົນລົ້ມລົງແລ້ວ ກໍຮຽນຮູ້ຈາກຂໍ້ຜິດພາດ ແລະ ລຸກຂື້ນມາໃໝ່ ສຶກສາສິ່ງທີ່ຜິດພາດ ເຮັດໃໝ່, ແລ້ວເລີ່ມໃໝ່ຈົນກວ່າຈະປະສົບຜົນສຳເລັດ ສະນັ້ນ ມື້ນີ້ຈະມາເວົ້າເຖິງການລົ້ມ 3 ຄັ້ງວ່່າມັນຈະປ່ຽນແປງຊີວິດຂອງທ່ານໄດ້ແນວໃດ? ລົ້ມຄັ້ງທີ 1 ລົ້ມຍ້ອນຄວາມບໍ່ຮູ້, ລົ້ມຍ້ອນເຂົ້າໃຈວ່າເຮົາເຂົ້າໃຈທຸກຢ່າງ, ລົ້ມຍ້ອນຂາດປະສົບການ… ການລົ້ມຄັ້ງນີ້ຈະເປັນຄູສອນໃຫ້ເຮົາໄດ້ອ່ານ, ໄດ້ຂຽນເປັນ ແລະ ຄຳນວນເປັນ. ທຽບໃສ່ແລ້ວ ການລົ້ມຄັ້ງນີ້ປຽບດັ່ງຄູຄົນທຳອິດຂອງເຮົາ ນັ້ນກໍຄືຄູປະຖົມ ການລົ້ມຄັ້ງນີ້ຈະສອນໃຫ້ເບິ່ງທຸລະກິດເປັນ ໃຫ້ຄິດໄລ່ເປັນ ສອນໃຫ້ຮູ້ເຫັນເຖິງການແຂ່ງຂັນຢ່າງແທ້ຈິງ. ຫຼາຍຄົນລົ້ມແລ້ວ ຍົກເລີກໄປເຮົາບໍ່ນັບ, ເຮົານັບແຕ່ຄົນທີ່ຈະປະສົບຜົນສຳເລັດຕ້ອງເດີນໜ້າ ໄປລົ້ມໄດ້ອີກໃນຄັ້ງຕໍ່ໄປ. ລົ້ມຄັ້ງທີ 2 ເປັນການລົ້ມຍ້ອນຄວາມດື້ດ້ານ ແລະ ຄວາມຮູ້ສຶກ. ປຽບດັ່ງແຟນຄົນທໍາອິດຂອງເຮົາ ຕອນສະໄໝຮຽນຢູ່ລະດັບມັດທະຍົມ ເພາະການລົ້ມຄັ້ງນີ້ປຽບຄືເຮົາເປັນເດັກນ້ອຍຮຽນໜັງສື ແລະ ມີຈິດໃຈທີ່ມັກສາວໃນຫ້ອງຮຽນ ແນ່ນອນ 99% ເຮົາຈະບໍ່ສົມຫວັງໃນຮັກຄັ້ງນີ້ ເຮົາຈະໄດ້ຮຽນຮູ້ວ່າສິ່ງທີ່ເຮົາຄາດຫວັງ, ຄວາມຜິດຫວັງ, ທີ່ເຮົາຕ້ອງໄດ້ປັບປຸງ, ອາລົມ ແລະ ຄວາມມັກຮັກໃນສິ່ງທີ່ເຮັດ.ໍ ລົ້ມຄັ້ງທີ 3 ຄືການລົ້ມທີ່ປຽບໄດ້ດັ່ງຂັ້ນມະຫາວິທະຍາໄລ ການລົ້ມຄັ້ງນີ້ຈະເຮັດໃຫ້ເຮົາຮູ້ແທ້ເຫັນຈິງ ແລະ ການລົ້ມຄັ້ງນີ້ ...

ປີ 2019 ລັດຖະບານ ຖືວ່າເປັນປີປ່ຽນແປງທີ່ສໍາຄັນໃນການກໍ່ສ້າງແຜນລາຍຮັບ-ລາຍຈ່າຍ ໂດຍອີງໃສ່ຄວາມສາມາດທາງດ້ານງົບປະມານຕົວຈິງ ແນ່ໃສ່ຫຼຸດຜ່ອນການຂາດດຸນງົບປະມານ. ໃນບົດລາຍງານລວມກ່ຽວກັບສະພາບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ; ແຜນງົບປະມານແຫ່ງລັດ; ແຜນເງິນຕາ ປີ 2018 ແລະ ທິດທາງແຜນການ ປີ 2019 ຕໍ່ກອງປະຊຸມສະໄໝສາມັນເທື່ອທີ່ 6 ຂອງສະພາແຫ່ງຊາດຊຸດທີ່ VIII ( ຄັ້ງກໍານົດ 20 ພະຈິກ – 21 ທັນວາ 2018 ) ທີ່ສະເໜີໂດຍ: ທ່ານ ສົມດີ ດວງດີ , ຮອງນາຍົກລັດຖະມົນຕີ, ລັດຖະມົນຕີກະຊວງການເງິນໄດ້ມີບາງຈຸດເວົ້າເຖິງແຜນພັດທະນາເສດຖະກິດ-ສັງຄົມ ໃນປີ 2019 ໄວ້ວ່າ: ໂດຍລວມແລ້ວສະພາບເສດຖະກິດຂອງໂລກໃນປີ 2109 ຄາດວ່າຈະເຕີບໂຕໃນຈັງຫວະດຽວກັນປີ 2018 ຄືປະມານ 3,9%, ການສົ່ງອອກແຮ່ທາດຕ່າງໆຈະປັບໂຕຂຶ້ນ, ລາຄານໍ້າມັນຈະສູງຂຶ້ນ. ບັນຫາທີ່ທ້າທາຍ ແລະ ເປັນຄວາມສ່ຽງຕໍ່ເສດຖະກິດບັນດາປະເທດກໍາລັງພັດທະນາແມ່ນສົງຄາມການຄ້າ ລະຫວ່າງ ສະຫະລັດອາເມຣິກາ ກັບບັນດາປະເທດຄູ່ຄ້າທີ່ເກີນດູນການຄ້າກັບສະຫະລັດ, ການເພີ່ມຂຶ້ນຂອງອັດຕາດອກເບ້ຍ ຂອງຕະຫຼາດການເງິນສາກົນ, ຫຼາຍປະເທດກໍາລັງພັດທະນາ ປະເຊີນກັບວິກິດການທາງດ້ານໜີ້ສິນ ແລະ ອັດຕາແລກປ່ຽນ, ຊິ່ງອາດຈະແຜ່ລາມກ້ວາງອອກ ກະທົບໃສ່ເສດຖະກິດໂລກໂດຍລວມ. ...

ການຮ້ອງຟ້ອງ ຖືເປັນສິດຂັ້ນພື້ນຖານຂອງພົນລະເມືອງ ຕາມທີ່ກໍານົດໄວ້ໃນ ມາດຕາ 41 ຂອງລັດຖະທໍາມະນູນ ສະບັບປັບປຸງປີ 2015 ທັງນີ້ກໍເພື່ອເປັນການຟື້ນຟູສິດ ແລະ ຜົນປະໂຫຍດອັນຊອບທໍາຂອງຕົນ ທີ່ຖືກແຕະຕ້ອງ ຈາກບຸກຄົນອື່ນ, ເຖິງຢ່າງໃດກໍຕາມ ການຮ້ອງຟ້ອງ ອາດຈະນໍາມາເຊິ່ງຜົນໄດ້ ແລະ ຜົນເສຍ, ເຊິ່ງກ່ອນຈະຮ້ອງຟ້ອງ ຜູ້ຮ້ອງຟ້ອງຄວນຄິດໃຫ້ຮອບຄອບ ຫຼື ປຶກສາຜູ້ທີ່ຮູ້ກົດໝາຍ ຖ້າບໍ່ດັ່ງນັ້ນ ອາດຈະຖືກຟ້ອງແຍ່ງ (ຖືກຟ້ອງຄືນ), ຈ່າຍຄ່າເສຍຫາຍ ຫຼື ອາດມີໂທດທາງອາຍານໍາອີກ. ໃນບົດຄວາມນີ້ ຂ້າພະເຈົ້າ ຈະອະທິບາຍກ່ຽວກັບຄວາມສ່ຽງທີ່ອາດຈະຂຶ້ນກັບ ຜູ້ຮ້ອງຟ້ອງ ໂດຍມີລາຍລະອຽດດັ່ງລຸ່ມນີ້: ອາດຖືກຟ້ອງແຍ່ງ (ຖືກຟ້ອງຄືນ): ຜູ້ທີ່ຖືກຮ້ອງຟ້ອງ ຫຼື ຈໍາເລີຍ ມີສິດຟ້ອງແຍ່ງ ໂຈດ (ຟ້ອງຄືນ) ໄດ້ເຊັ່ນກັນ (ຫຼື ເວົ້າແບບພາສາຊາວບ້ານວ່າ ເຈົ້າຟ້ອງໄດ້, ຂ້ອຍກະຟ້ອງໄດ້ຄືກັນ) ຖ້າຫາກຄົບເງື່ອນໄຂ ຕາມທີ່ໄດ້ກໍານົດໄວ້ໃນ ມາດຕາ 174 ວັກ 02 ຂອງ ກົດໝາຍ ວ່າດ້ວຍການດໍາເນີນຄະດີແພ່ງ ສະບັບປັບປຸງປີ 2012 ເຊິ່ງກໍານົດວ່າ: “ຄໍາຟ້ອງແຍ່ງ ແມ່ນເອກະສານຂອງ ...

ຄວາມທຸກຍາກຍັງແມ່ນວຽກບູລິມະສິດທີ່ຕ້ອງໄດ້ສຸມໃສ່ຢ່າງຕັ້ງໜ້າ, ເຖິງແມ່ນວ່າ ການລາຍງານ ການຂະຫຍາຍຕົວເສດຖະກິດສູງເທົ່າໃດກໍມີຄວາມໝາຍໜ້ອຍ ຖ້າຫາກຊິວິດການເປັນຢູ່ຂອງປະຊາຊົນສ່ວນໃຫຍ່ຍັງທຸກຍາກຂາດເຂີນ, ການບໍລິການສາທາລະນະຍັງມີຄຸນນະພາບຕ່ຳ. ໃນໄລຍະປີ 2008 ສປປ ລາວ ໄດ້ມີການເງິນຈຸລະພາກເຂົ້າມາ ແຕ່ປະຊາຊົນສ່ວນໃຫຍ່ກໍຍັງບໍ່ທັນໄດ້ມີຄວາມເຂົ້າໃຈ ແລະ ຮູ້ເຖິງຈຸດປະສົງຂອງການເງິນຈຸລະພາກຢ່າງເຖິງຖອງ. ດຳລັດວ່າດ້ວຍສະຖາບັນການເງິນຈຸລະພາກ ສະບັບເລກທີ 460/ລບ ລົງວັນທີ 3 ຕຸລາ 2012 ເຊິ່ງໄດ້ມີການລະບຸຈຸດປະສົງຂອງການເງິນຈຸລະພາກໄວ້ຢ່າງຊັດເຈນ. ລວມທັງການແຍກປະເພດຂອງສະຖາບັນການເງິນຈຸລະພາກທີ່ຮັບເງິນຝາກ, ສະຖາບັນການເງິນຈຸລະພາກທີ່ບໍ່ຮັບເງິນຝາກ ແລະ ໂຄງການການເງິນຈຸລະພາກ, ນອກຈາກນັ້ນຍັງໄດ້ມີການລະບຸປະເພດທຸລະກຳຕ່າງໆທີ່ສະຖາບັນການເງິນຈຸລະພາກສາມາດປະຕິບັດໄດ້ ແລະ ຂໍ້ຫ້າມລວມທັງມາດຕະການຕໍ່ຜູ້ລະເມີດ. ການເງິນຈຸລະພາກແມ່ນການໃຫ້ບໍລິການທາງການເງິນທີ່ເຮັດໃຫ້ປະຊາຊົນສາມາດເຂົ້າເຖິງການບໍລິການທາງການເງິນໄດ້ (Financial inclusions).ພາຍໃຕ້ການຄຸ້ມຄອງຂອງກົມຄຸ້ມຄອງສະຖາບັນການເງິນ, ທະນາຄານແຫ່ງ ສປປ ລາວ. ປັດຈຸບັນມີສະຖາບັນການເງິນຈຸລະພາກທີ່ຂຶ້ນກັບທະນາຄານແຫ່ງ ສປປ ລາວ ຈຳນວນ 185 ແຫ່ງທົ່ວປະເທດ. ເຊິ່ງໃນນັ້ນປະກອບມີສະຖາບັນການເງິນຈຸລະພາກທີ່ຮັບເງິນຝາກ 20 ແຫ່ງ, ສະຖາບັນການເງິນຈຸລະພາກບໍ່ຮັບເງິນຝາກ 77 ແຫ່ງ, ສະຫະກອນສິນເຊື່ອ ແລະ ເງິນຝາກປະຢັດ 27 ແຫ່ງ, ບໍລິສັດເຊົ່າສິນເຊື່ອ 29 ແຫ່ງ, ໂຮງຊວດຈຳ 27 ແຫ່ງ ແລະ ໂອນເງິນດ່ວນ ...

ຖ້າຫາກກ່າວເຖິງເຄື່ອງໝາຍການຄ້າ ຫຼາຍໆທ່ານຄົງຄິດວ່າເປັນເລື່ອງໄກຕົວ ແລະ ເປັນເລື່ອງທີ່ເຂົ້າໃຈຍາກ ແຕ່ຄວາມຈິງແລ້ວ ເຄື່ອງໝາຍການຄ້າ ເປັນສິ່ງທີ່ຢູ່ອ້ອມຕົວຂອງພວກເຮົາ ເຊິ່ງຕິດພັນກັບ ການດໍາລົງຊີວິດ, ການນໍາໃຊ້ສິນຄ້າ ຫຼື ການບໍລິການ, ເຊິ່ງເປັນຊັບສິນທາງປັນຍາປະເພດໜຶ່ງ ທີ່ສ້າງຂຶ້ນເພື່ອ ບົ່ງບອກວ່າ ເປັນສິນຄ້າ ຫຼື ການບໍລິການປະເພດໃດ? ເປັນຂອງໃຜ? ຫຼື ຂອງບໍລິສັດໃດ? ເຊິ່ງໃນປັດຈຸບັນເຮົາສາມາດເຫັນ “ໂລໂກ້” (logo) ຫຼື ເຄື່ອງໝາຍການຄ້າ ຈາກການບໍລິການທີ່ມີຊື່ສຽງຢູ່ພາຍໃນປະເທດ ເຊັ່ນ: “ໂລໂກ້” ຂອງທະນາຄານການຄ້າຕ່າງປະເທດລາວ ມະຫາຊົນ, ທະນາຄານ ພັດທະນາລາວ ຫຼື ຈາກຜະລິດຕະພັນທີ່ມີຊື່ສຽງ ເຊັ່ນ: ກາເຟດາວ, ກາເຟສີນຸກ, ເບຍລາວ, ນໍ້າດື່ມຕ່າງໆ ແລະ ອື່ນໆ ດັ່ງນີ້ເປັນຕົ້ນ. ນອກຈາກນີ້ ເຮົາຍັງສາມາດເຫັນໄດ້ຈາກ “ແບຣນ” ທີ່ມີຊື່ສຽງລະດັບໂລກ ເຊັ່ນ: ໄນກີ່ (NIKE), ອາດີດາສ໌ (ADIDAS), ແອັບເປິ້ນ (APPLE), ຊໍາຊູງ (SAMSUNG), ຫົວເວີຍ (HUAWEI) ແລະ ອື່ນໆ. ...

ຫຼາຍທ່ານອາດເຄີຍໄດ້ຍິນຂ່າວ ແລະ ຮັບຮູ້ການເຄື່ອນໄຫວຊື້-ຂາຍຮຸ້ນ ຜ່ານສື່ສານມວນຊົນອື່ນໆທັງພາຍໃນ ແລະ ຕ່າງປະເທດມາແດ່ແລ້ວ. ແຕ່ເຊື່ອວ່າ ຍັງມີຫຼາຍທ່ານທີ່ຍັງບໍ່ທັນຮັບຮູ້ ແລະ ເຂົ້າໃຈວ່າ: ຕະຫຼາດຮຸ້ນ ກໍຄື ຕະຫຼາດຫຼັກຊັບ ເຄື່ອນໄຫວວຽກງານຄືແນວໃດແດ່ ແລະ ເນື້ອໃນໃຈຄວາມຫຼັກໆໃນການມີຕະຫຼາດຮຸ້ນນີ້ແມ່ນເພື່ອຫຍັງກັນແທ້. ດັ່ງນັ້ນ, ຈຶ່ງຂໍສະເໜີບົດຄວາມນີ້ ໃນມຸມມອງທັດສະນະຂອງຜູ້ຂຽນ ໂດຍສົມທົບກັບການສຳພາດ ແລະ ສອບຖາມກັບຜູ້ທີ່ມີຄວາມເຂົ້າໃຈພາບລວມຂອງຕະຫຼາດຮຸ້ນລາວນັ້ນ ມາຖ່າຍທອດຕໍ່ເພື່ອເປັນການແລກປ່ຽນປະສົບການໃຫ້ກັນ ແລະ ກັນຊາບ. ໃນຄວາມຈິງແລ້ວ ຕະຫຼາດຮຸ້ນລາວ ມີຊື່ທາງການວ່າ “ຕະຫຼາດຫຼັກຊັບລາວ” ເປັນຕະຫຼາດຫຼັກຊັບແຫ່ງດຽວຂອງ ສປປ ລາວ ທີ່ໄດ້ເຄື່ອນໄຫວວຽກງານຫຼັກຊັບໃນລາວຢ່າງຖືກຕ້ອງຕາມກົດໝາຍວ່າດ້ວຍຫຼັກຊັບ ທີ່ຢູ່ພາຍໃຕ້ການຄຸ້ມຄອງ-ຕິດຕາມຂອງລັດຖະບານແຫ່ງ ສປປ ລາວ ຜ່ານ ຄະນະກຳມະການຄຸ້ມຄອງຫຼັກຊັບ (ຄຄຊ) ໂດຍມີສໍານັກງານ ຄຄຊ ເປັນເສນາທິການໃຫ້ແກ່ ຄຄຊ. ໃນນັ້ນ, ເຄື່ອງມືທາງການເງິນ ທີ່ເຮົາເອີ້ນກັນວ່າ “ຫຼັກຊັບ” ທີ່ສາມາດນໍາໄປຊື້-ຂາຍຢູ່ຕະຫຼາດດັ່ງກ່າວນັ້ນ ແມ່ນບໍ່ມີພຽງແຕ່ ຮຸ້ນ ກໍຄື ຮຸ້ນສາມັນ ເຊິ່ງຖືກຈັດປະເພດວ່າເປັນ ຫຼັກຊັບທຶນ ເທົ່ານັ້ນ ແຕ່ຍັງລວມມີ ຫຼັກຊັບໜີ້ (ເຊັ່ນວ່າ: ພັນທະບັດລັດຖະບານ, ຮຸ້ນກູ້ ...

ໃນໄລຍະ 30 ປີ ຜ່ານມາທະນາຄານ ຮ່ວມພັດທະນາ ໄດ້ພັດທະນາຕົນເອງໃຫ້ມີຄວາມເຂັ້ມແຂງທາງດ້ານການເງິນ, ມີຄວາມແຂງແກ່ນທາງດ້ານການບໍລິການລູກຄ້າ ແລະ ການບໍລິຫານມີນະໂຍບາຍທີ່ເຂັ້ມແຂງ, ເຮັດໃຫ້ທະນາຄານຮ່ວມພັດທະນາ ກ້າວໄປສູ່ຄຸນນະພາບໃໝ່ ທີ່ໄດ້ມາດຕະຖານສາກົນ,ໄດ້ຂະຫຍາຍຕານ່າງການບໍລິການໄປທົ່ວປະເທດ ເຊິ່ງມີຈໍານວນ 60 ໜ່ວຍບໍລິການ ເພີ້ມຂຶ້ນ 15 ເທົ່າຕົວ ໄດ້ປ່ຽນແປງຮູບແບບການບໍລິຫານຢ່າງມືອາຊີບ ຊຶ່ງໄດ້ເອົາໃຈໃສ່ວຽກງານການບໍລິການໃຫ້ເປັນທີ່ປະທັບໃຈຂອງລູກຄ້າທຸກລະດັບ, ເຮັດໃຫ້ JDB ກາຍເປັນທະນາຄານທີ່ທັນສະໄໝໄດ້ມາດຕະຖານສາກົນ, ໄດ້ຮັບການຢັ້ງຢືນ ISO 9001: 2015 ໃນດ້ານການບໍລິການເພື່ອບໍລິຫານ ແລະ ຈັດການຄຸນນະພາບໃນວຽກງານການບໍລິການລູກຄ້າທຸກລະດັບຢ່າງປະທັບໃຈ. ວິໄສທັດ: ທ່ານ ບຸນສະຫວ່າງ ພິລາໄຊພິທັກ ໄດ້ເບິ່ງທິດທາງການຂະຫຍາຍຕົວຂອງເສດຖະກິດ ແລະ ການເງິນຂອງໂລກບົນພື້ນຖານການປະຕິວັດອຸດສະຫະກໍາຄັ້ງທີ 4 ຂອງໂລກ ຫຼື ເອີ້ນວ່າຍຸກ Digital 4.0ເຊິ່ງມັນເປັນແນວທາງການພັດທະນາຂອງ JDBໃຫ້ກ້າວເປັນທະນາຄານທີ່ນໍາໜ້າທາງດ້ານເຕັກໂນໂລຊີ ທັນຍຸກທັນສະໄໝຢູ່ໃນ ສປປ ລາວ ແລະ ຢູ່ໃນພາກພື້ນສາມາດຮອງຮັບກັບສະພາບການແຂ່ງຂັນໄດ້ເພື່ອຮັບໃຊ້ການບໍລິການລູກຄ້າໄດ້ຢ່າງສະດວກສະບາຍ ລູກຄ້າສາມາດນໍາໃຊ້ໄດ້ທຸກຂອດບໍລິການຂອງ JDB ໄດ້, ໂດຍບໍ່ຈໍາເປັນເຂົ້າມາຫາໜ່ວຍບໍລິການຂອງທະນາຄານ, ມຸ່ງເນັ້ນໃຫ້ເປັນສັງຄົມທີ່ບໍ່ໃຊ້ເງິນສົດ “Cash less Society”ເທື່ອລະກ້າວ ເພື່ອໃຫ້ບັນລຸຕາມຈຸດປະສົງ ແລະ ເປົ້າໝາຍດັ່ງກ່າວທະນາຄານ ...

   ໃນສະບັບເດືອນ ພຶດສະພາ ໄດ້ຮັບກຽດສໍາພາດທ່ານ ບຸນສະຫວ່າງ ພິລາໄຊພິທັກ ຜູ້ອໍານວຍການໃຫຍ່ ທະນາຄານ ຮ່ວມພັດທະນາ ເຊິ່ງນອກຈາກທ່ານຈະມີຜົນງານເດັ່ນຫຼາຍດ້ານໃນການປະກອບສ່ວນເຂົ້າໃນການພັດທະນາທະນາຄານ ຕະຫຼອດໄລຍະ 30 ປີຜ່ານມາແລ້ວ ທ່ານຍັງມີວິໄສທັດເພື່ອພັດທະນາ “ເຈດີບີ” ໃຫ້ກ້າວເປັນທະນາຄານທີ່ນໍາໜ້າທາງດ້ານເຕັກໂນໂລຊີທັນຍຸກທັນສະໄໝ ໃນ ສປປ ລາວ ແລະ ໃນພາກພື້ນ, ພ້ອມທັງມີຄວາມມຸ່ງໝັ້ນ ເຮັດໃຫ້ເປັນສັງຄົມທີ່ບໍ່ຕ້ອງໃຊ້ເງິນສົດ “Cashless Society” ເທື່ອລະກ້າວ ແລະ ເຮັດໃຫ້ “ເຈດີບີ” ກ້າວເປັນຜູ້ນໍາທາງດ້ານບໍລິການຜະລິດຕະພັນ ເອເລັກໂຕຼນິກ, ກາຍເປັນທະນາຄານທີ່ເຕີບໃຫຍ່ໄວທີ່ສຸດໃນ ສປປ ລາວ. ພາຍໃຕ້ການນຳພາຂອງພັກປະຊາຊົນປະຕິວັດລາວພັກ ແລະ ລັດຖະບານ ໄດ້ປະຕິບັດພາລະກິດປ່ຽນແປງໃໝ່ຢ່າງຮອບດ້ານໂດຍມີຫຼັກການເສີມຂະຫຍາຍ ນະໂຍບາຍເປີດກ້ວາງການຮ່ວມມືກັບຕ່າງປະເທດເພື່ອພັດທະນາເສດຖະກິດ-ສັງຄົມຂອງຊາດ ທະນາຄານ ຮ່ວມພັດທະນາ ແມ່ນທະນາຄານເອກະຊົນແຫ່ງທຳອິດຂອງ ສປປ ລາວ ແລະ  ເປັນທະນາຄານທຳອິດທີ່ນຳໃຊ້ການບໍລິການບັດ ATM ໃນລາວ. ພາຍໃຕ້ການຊີ້ນໍາຢ່າງໃກ້ສິດຈາກທະນາຄານແຫ່ງ ສປປ ລາວ ເພື່ອເປັນສ່ວນປະກອບທີ່ສຳຄັນໃນການພັດທະນາປະເທດຊາດ, ທະນາຄານ ຮ່ວມພັດທະນາ ໄດ້ຖອກພັນທະເຂົ້າງົບປະມານໃຫ້ລັດ ແລະ ໄດ້ປະກອບສ່ວນໃນການຊ່ວຍເຫຼືອສັງຄົມນັບແຕ່ປີ 1989 ເປັນຕົ້ນມາຈົນເຖິງປັດຈຸບັນ. ໃນທ້າຍປີ ...

ໃນສະບັບເດືອນເມສາ ໄດ້ຮັບກຽດສໍາພາດທ່ານ ໂດ໋ ດັງ ຄາງ (DO DANG KHANG) ຜູ້ອໍານວຍການໃຫຍ່ບໍລິສັດລ້ານຊ້າງ ປະກັນໄພ ມະຫາຊົນ (LAP) ເຊິ່ງທ່ານຈະໄດ້ແນະນໍາໃຫ້ຊາບເຖິງຄວາມເປັນມາພ້ອມທັງວິໄສທັດ ແລະ ພາລະກິດຂອງລ້ານຊ້າງປະກັນໄພ ລວມທັງການເຕີບໃຫຍ່ຂະຫຍາຍຕົວຂອງທຸລະກິດຕະຫຼອດໄລຍະ 9 ປີຜ່ານມາ. ກະລຸນາແຈ້ງໃຫ້ພວກເຮົາຮູ້ກ່ຽວກັບຄວາມເປັນມາຂອງບໍລິສັດລ້ານຊ້າງປະກັນໄພ ມະຫາຊົນ? ບໍລິສັດ ລ້ານຊ້າງປະກັນໄພ ມະຫາຊົນ (LANEXANG ASSURANCE) ໄດ້ສ້າງຕັ້ງຂຶ້ນໃນປີ 2010, ໂດຍການຮ່ວມມືຈາກຜູ້ຖືຫຸ້ນລະຫວ່າງທະນາຄານ ພັດທະນາລາວ (LDB)ແລະ ກຸ່ມບໍລິສັດປະກັນໄພໄປສະນີຫວຽດນາມ (PTI), ເຊິ່ງແຕ່ລະຝ່າຍໄດ້ປະກອບສ່ວນ 50% ຂອງທຶນຈົດທະບຽນ. ລ້ານຊ້າງປະກັນໄພໄດ້ມີການເຄື່ອນໄຫວໃນຂົງເຂດປະກັນໄພທົ່ວໄປ. ພວກເຮົາມີຄວາມໂຊກດີທີ່ໄດ້ສືບທອດປະສົບການ ແລະ ເຕັກໂນໂລຊີຈາກ PTI ເຊິ່ງເປັນບໍລິສັດປະກັນໄພອັນດັບຕົ້ນໆຂອງຫວຽດນາມ ກໍຄືການນຳໃຊ້ຄວາມເຊື່ອໝັ້ນ ແລະ ເຄືອຄ່າຍທີ່ກ້ວາງຂວາງທົ່ວປະເທດຂອງທະນາຄານພັດທະນາລາວ. ການໄດ້ສືບທອດມູນເຊື້ອຈາກຜູ້ຖືຫຸ້ນທັງສອງຝ່າຍໃນຂົງເຂດປະກັນໄພ ແລະ ທະນາຄານທີ່ໄດ້ເປັນພື້ນຖານອັນໝັ້ນຄົງເພື່ອສ້າງຕັ້ງບໍລິສັດປະກັນໄພທົ່ວໄປຢູ່ແຖວໜ້າໃນຕະຫຼາດລາວ. ພາລະກິດຂອງ ລ້ານຊ້າງປະກັນໄພ ແມ່ນຫຍັງ? ຕໍ່ກັບພາລະກິິດຂອງຕົນ, ພວກເຮົາມີຄວາມເຊື່ອໝັ້ນວ່າ ການບໍລິການປະກັນໄພທີ່ມີຄຸນນະພາບສູງ ແມ່ນຈຳເປັນຕ້ອງມີຄວາມພ້ອມໃນການໃຫ້ບໍລິການຢູ່ສະເໝີ  ແລະ ພວກເຮົາສັນຍາວ່າຈະສະໜອງຜະລິດຕະພັນຄຸນນະພາບສູງໃຫ້ແກ່ທຸກທ່ານບໍ່ວ່າຈະຢູ່ຈຸດໃດຂອງປະເທດລາວ. ຕໍ່ກັບຕາໜ່າງເຄືອຄ່າຍທີ່ກວ້າງຂວາງທົ່ວປະເທດ ໄດ້ຊ່ວຍໃຫ້ພວກເຮົາສາມາດຮັບປະກັນໄດ້ເຖິງການບໍລິການຂອງຕົນວ່າມີຄຸນນະພາບຢ່າງທົ່ວເຖິງໃນຂອບເຂດທົ່ວປະເທດ. ວິໄສທັດ ຂອງລ້ານຊ້າງປະກັນໄພ ...

ໃນສະບັບເດືອນເມສາ ໄດ້ຮັບກຽດສໍາພາດທ່ານ ໂດ໋ ດັງ ຄາງ (DO DANG KHANG) ຜູ້ອໍານວຍການໃຫຍ່ບໍລິສັດລ້ານຊ້າງ ປະກັນໄພ ມະຫາຊົນ (LAP) ເຊິ່ງທ່ານຈະໄດ້ແນະນໍາໃຫ້ຊາບເຖິງຄວາມເປັນມາພ້ອມທັງວິໄສທັດ ແລະ ພາລະກິດຂອງລ້ານຊ້າງປະກັນໄພ ລວມທັງການເຕີບໃຫຍ່ຂະຫຍາຍຕົວຂອງທຸລະກິດຕະຫຼອດໄລຍະ 9 ປີຜ່ານມາ. ກະລຸນາແຈ້ງໃຫ້ພວກເຮົາຮູ້ກ່ຽວກັບຄວາມເປັນມາຂອງບໍລິສັດລ້ານຊ້າງປະກັນໄພ ມະຫາຊົນ? ບໍລິສັດ ລ້ານຊ້າງປະກັນໄພ ມະຫາຊົນ (LANEXANG ASSURANCE) ໄດ້ສ້າງຕັ້ງຂຶ້ນໃນປີ 2010, ໂດຍການຮ່ວມມືຈາກຜູ້ຖືຫຸ້ນລະຫວ່າງທະນາຄານ ພັດທະນາລາວ (LDB)ແລະ ກຸ່ມບໍລິສັດປະກັນໄພໄປສະນີຫວຽດນາມ (PTI), ເຊິ່ງແຕ່ລະຝ່າຍໄດ້ປະກອບສ່ວນ 50% ຂອງທຶນຈົດທະບຽນ. ລ້ານຊ້າງປະກັນໄພໄດ້ມີການເຄື່ອນໄຫວໃນຂົງເຂດປະກັນໄພທົ່ວໄປ. ພວກເຮົາມີຄວາມໂຊກດີທີ່ໄດ້ສືບທອດປະສົບການ ແລະ ເຕັກໂນໂລຊີຈາກ PTI ເຊິ່ງເປັນບໍລິສັດປະກັນໄພອັນດັບຕົ້ນໆຂອງຫວຽດນາມ ກໍຄືການນຳໃຊ້ຄວາມເຊື່ອໝັ້ນ ແລະ ເຄືອຄ່າຍທີ່ກ້ວາງຂວາງທົ່ວປະເທດຂອງທະນາຄານພັດທະນາລາວ. ການໄດ້ສືບທອດມູນເຊື້ອຈາກຜູ້ຖືຫຸ້ນທັງສອງຝ່າຍໃນຂົງເຂດປະກັນໄພ ແລະ ທະນາຄານທີ່ໄດ້ເປັນພື້ນຖານອັນໝັ້ນຄົງເພື່ອສ້າງຕັ້ງບໍລິສັດປະກັນໄພທົ່ວໄປຢູ່ແຖວໜ້າໃນຕະຫຼາດລາວ. ພາລະກິດຂອງ ລ້ານຊ້າງປະກັນໄພ ແມ່ນຫຍັງ? ຕໍ່ກັບພາລະກິິດຂອງຕົນ, ພວກເຮົາມີຄວາມເຊື່ອໝັ້ນວ່າ ການບໍລິການປະກັນໄພທີ່ມີຄຸນນະພາບສູງ ແມ່ນຈຳເປັນຕ້ອງມີຄວາມພ້ອມໃນການໃຫ້ບໍລິການຢູ່ສະເໝີ  ແລະ ພວກເຮົາສັນຍາວ່າຈະສະໜອງຜະລິດຕະພັນຄຸນນະພາບສູງໃຫ້ແກ່ທຸກທ່ານບໍ່ວ່າຈະຢູ່ຈຸດໃດຂອງປະເທດລາວ. ຕໍ່ກັບຕາໜ່າງເຄືອຄ່າຍທີ່ກວ້າງຂວາງທົ່ວປະເທດ ໄດ້ຊ່ວຍໃຫ້ພວກເຮົາສາມາດຮັບປະກັນໄດ້ເຖິງການບໍລິການຂອງຕົນວ່າມີຄຸນນະພາບຢ່າງທົ່ວເຖິງໃນຂອບເຂດທົ່ວປະເທດ. ວິໄສທັດ ຂອງລ້ານຊ້າງປະກັນໄພ ...