Magazine

ໃນໂອກາດທີ່ການພົວພັນທາງການທູດລະຫວ່າງ ລາວ-ໄທ-ລາວ ຈະຄົບຮອບ 70 ປີ ໃນເດືອນ ທັນວາ ປີ 2020 ຈະມາເຖິງນີ້ ລັດຖະບານຂອງສອງປະເທດ ແລະ ໜ່ວຍງານກ່ຽວຂ້ອງ ໄດ້ມີການກະກຽມເພື່ອສະເຫຼີມສະຫຼອງວັນດັ່ງກ່າວ ດ້ວຍບັນຍາກາດທີ່ຄຶກຄື້ນ. ປັດຈຸບັນ ການພົວພັນຂອງສອງປະເທດແມ່ນຢູ່ໃນລະດັບທີ່ດີ ໃນໄລຍະຫຼາຍປີຜ່ານມາ ສອງປະເທດໄດ້ເສີມຂະຫຍາຍການຮ່ວມມືລະຫວ່າງກັນໃນຫຼາຍດ້ານ, ດ້ານເສດຖະກິດຂອງທັງສອງປະເທດມີການເຊື່ອມໂຍງກັນຢ່າງແໜ້ນແຟ້ນໃນທຸກດ້ານ ມູນຄ່າການຄ້າລະຫວ່າງປະເທດມີການຂະຫຍາຍຕົວຢ່າງຕໍ່ເນື່ອງ ໂດຍຫຼ້າສຸດໃນປີ 2018 ມີມູນຄ່າລວມຫຼາຍກວ່າ 6 ຕື້ໂດລາສະຫະລັດ ເພີ່ມຂຶ້ນ 11% ສົມທຽບໃສ່ປີຜ່ານມາ ແລະ ລັດຖະບານຂອງສອງປະເທດໄດ້ຕັ້ງເປົ້າໝາຍຮ່ວມກັນທີ່ຈະເພີ້ມມູນຄ່າການຄ້າໃຫ້ໄດ້ປະມານ 11 ຕື້ໂດລາສະຫະລັດໃນປີ 2021. (ລາຍລະອຽດເພີ່ມຕື່ມສາມາດຊອກອ່ານໄດ້ໃນວາລະສານທາເກັດ ສະບັບ 159 ເດືອນຕຸລາ 2019 ໄດ້ທີ ສຳນັກງານຫ້ອງການພາກລັດ ແລະ ເອກະຊົນ, ຫ້ອງສະໝຸດ, ຮ້ານອາຫານ, ຮ້ານກາເຟ, ຮ້ານ kaogee cafe, ຮ້ານ The pizza company ແລະ ຫຼາຍໆບ່ອນໃນນະຄອນຫຼວງ ຫຼື ສອບຖາມຈອງເປັນສະມາຊິກໄດ້ທີ່ເບີ 021 216 666)Royal ...

ສຳລັບເຂດທີ່ຢູ່ອາໄສໃນກຸງເທບທີ່ມີຊື່ສຽງ ແລະ ຫຼາຍຄົນຮູ້ຈັກດີ ຈະຮູ້ວ່າແມ່ນຢູ່ຖະໜົນສຸຂຸມວິດ ຫຼື ທອງຫຼໍ່ ເຊິ່ງເປັນເຂດທີ່ມີຄວາມສຳຄັນ ແລະ ໄດ້ຮັບຄວາມນິຍົມທີ່ສຸດສຳລັບຄົນໃນຕົວເມືອງກຸງເທບ ເພາະເຂດນີ້ເປັນເຂດສະດວກສະບາຍທີ່ສຸດ ບໍ່ວ່າຈະເປັນເລື່ອງການເດີນທາງ, ອາຫານ, ຮ້ານ ຄາເຟ່ ແລະ ບາ ທີ່ມີເອກະລັກໂດດເດັ່ນ ຄົນກຸງເທບນິຍົມໄປທ່ຽວຫຼາຍທີ່ສຸດ. ບໍ່ພຽງເທົ່ານັ້ນ, ເຂດທອງຫຼໍ່ຍັງເປັນເຂດທີ່ຢູ່ອາໄສຂອງບຸກຄົນສໍາຄັນ ແລະ ນັກທຸລະກິດທີ່ມີອິດທິພົນຂອງປະເທດ ເພາະເປັນເຂດທີ່ມີຄວາມສະຫງົບ, ປອດໂປ່ງ ແລະ ຄວາມເປັນສ່ວນຕົວທີ່ສຸດ. ຖ້າໃຜຫາກໄດ້ຜ່ານໄປແຖວທອງຫຼໍ່ຈະສັງເກດເຫັນສະຖາປັດຕະຍາກໍາຕຶກອາຄານສູງທີ່ເປັນຮູບຊົງ Monolith “ໂມໂນລິດ” ແຫ່ງທໍາອິດຂອງປະເທດໄທ ແລະ ຍັງເປັນໂຄງການທີ່ສູງທີ່ສຸດໃນເຂດທອງຫຼໍ່ “ດີໄຊ໌” ທີ່ເອີ້ນວ່າເປັນ World-class Design ທີ່ເຂດໃຈກາງເມືອງ ແລະ ເຂດສຳຄັນທົ່ວໂລກມັກນິຍົມກັນສ້າງອາຄານສະຖາປັດຕະຍາກຳ “ໂມໂນລິດ” ມີເອກະລັກໂດດເດັ່ນຮູບຊົງເປັນແທ່ງຊື່ສູງ ແລະ ມີອັດຕາສ່ວນລະຫວ່າງຄວາມກ້ວາງຂອງຖານອາຄານຕໍ່ຄວາມສູງຂອງອາຄານຢູ່ທີ່ 1:10 ເຊິ່ງກໍບໍ່ແປກໃຈເລີຍທີ່ຈະເຮັດໃຫ້ໂຄງການນີ້ ກຸ້ມຄ່າແກ່ການເປັນເຈົ້າຂອງ ເພາະຄວາມແຕກຕ່າງທີ່ໂດດເດັ່ນຈະສະແດງເຖິງລົດນິຍົມ ແລະ ບົ່ງບອກຕົວຕົນຂອງຜູ້ເປັນເຈົ້າຂອງ. THE MONUMENT THONG LO ເປັນໂຄງການຈາກ ແສນສິລິ ຄືແລນມາກແຫ່ງໃໝ່ໃນຖະໜົນເສັ້ນຫຼັກຂອງເຂດທອງຫຼໍ່ ແລະ ເປັນເປົ້າໝາຍທີ່ຢູ່ອາໃສຂອງລູກຄ້າກຸ່ມ “Luxury” ເພາະດ້ວຍເຂດທີ່ຕັ້ງທີ່ມີອັດຕາລາຄາດິນທີ່ສູງຂຶ້ນຢ່າງຕໍ່ເນື່ອງ ...

ໃນຫົກເດືອນຕົ້ນປີ 2019 ທີ່ຜ່ານມາ ຜູ້ອ່ານຫຼາຍທ່ານກໍຄົງຈະຮູ້ສຶກວ່າ ລາຄາສິນຄ້າໃນຕະຫຼາດຫຼາຍຢ່າງ ແພງຂຶ້ນ ແລະ ມີທ່າອ່ຽງແພງຂຶ້ນເລື້ອຍໆ ສັງເກດງ່າຍໆຈາກ ລາຄາສິນຄ້າອຸປະໂພກ ແລະ ບໍລິໂພກ ທີ່ເຮົາ ຕ້ອງໃຊ້ຈ່າຍໃນຊີວິດປະຈຳວັນ ເຊິ່ງເຫດຜົນຕົ້ນຕໍທີ່ຊາວຄ້າຂາຍອ້າງເຖິງກໍຄື “ເງິນໂດລາຂຶ້ນ” “ເງິນບາດຂຶ້ນ” ຫຼື ໃນທາງວິຊາການແລ້ວເອີ້ນວ່າ ການອ່ອນຄ່າຂອງເງິນກີບ. ພ້ອມດຽວກັນນັ້ນ ຜູ້ປະກອບການຫຼາຍທ່ານ ກໍອາດ ສັງເກດໄດ້ວ່າ ຕົວເລກກຳໄລຫຼຸດລົງ ທີ່ອາດສືບເນື່ອງມາຈາກຕົ້ນທຶນການຜະລິດທີ່ເພີ່ມຂຶ້ນ ຫຼື ຍອດລາຍຮັບຫຼຸດລົງ, ຜູ້ປະກອບການແຕ່ລະທ່ານອາດໄດ້ຮັບຜົນກະທົບຈາກການອ່ອນຄ່າດັ່ງກ່າວແຕກຕ່າງກັນຕາມລັກສະນະ ແລະ ປະເພດຂອງທຸລະກິດ. ໃນບົດຄວາມນີ້ ຜູ້ຂຽນຈຶ່ງຂໍນຳສະເໜີໃຫ້ເຫັນເຖິງ ຜົນກະທົບຂອງການເໜັງຕີງຂອງຄ່າເງິນກີບ ຕໍ່ເສດຖະກິດພາຍໃນປະເທດ ໂດຍໃຊ້ຂໍ້ມູນອັດຕາແລກປ່ຽນເງິນໂດລາ ແລະ ບາດ ເຊິ່ງເປັນເງິນຕາຕ່າງປະເທດສອງສະກຸນຫຼັກທີ່ຕິດພັນກັບການຊຳລະສະສາງລະຫວ່າງປະເທດຂອງ ສປປ ລາວ ຈາກທະນາຄານການຄ້າຕ່າງປະເທດລາວ ມະຫາຊົນເປັນຂໍ້ມູນອ້າງອີງ. ການແຂງຄ່າຂອງເງິນກີບໝາຍເຖິງ: ມູນຄ່າຂອງເງິນກີບເພີ່ມຂຶ້ນເມື່ອທຽບກັບສະກຸນເງິນອື່ນ. ຕົວຢ່າງ: ເງິນກີບ ແຂງຄ່າເມື່ອທຽບໃສ່ເງິນໂດລາ ແລະ ເງິນບາດ ຈາກເມື່ອວັນທີ 19 ກຸມພາ 2019 ອັດຕາແລກປ່ຽນແມ່ນ 8.580 ກີບຕໍ່ໂດລາ ແລະ 277,27 ກີບຕໍ່ບາດ ...

ປັດຈຸບັນເປັນຍຸກທີ່ເອີ້ນໄດ້ວ່າ Smart Phone ຫຼື ໂທລະສັບມືຖື ຄອບຄອງທຸກສິ່ງ, ເປັນສິ່ງທີ່ທຸກຄົນຂາດບໍ່ໄດ້ຕ້ອງຈັບຕິດຕົວຢູ່ຕະຫຼອດເວລາ, ຍິ່ງເວລາໄປທ່ອງທ່ຽວ, ໄປກິນເຂົ້າ, ໄປສະຖານທີ່ໃໝ່ໆ ທີ່ມີຄວາມງົດງາມ ກໍບໍ່ພາດທີ່ຈະຈັບມືຖືມາຖ່າຍຮູບໂລດ ແລະ ພະຍາດອີກອັນໜຶ່ງທີ່ຄົນຍຸກນີ້ເປັນຄື ພະຍາດຕິດສື່ສັງຄົມອອນໄລ໌ (social media) ທີ່ໄປໃສ, ເຮັດຫຍັງກໍຕ້ອງມີຮູບໂພສລົງ ເພື່ອສະແດງໃຫ້ຮູ້ເຖິງການເຄື່ອນໄຫວ, Life Style ຂອງຕົນເອງ ໃຫ້ຜູ້ຕິດຕາມໄດ້ຮັບຮູ້ ຈົນບາງຄົນກາຍເປັນ “ນັກໂຄສະນາ” ໄປໃນຕົວເລີຍກໍວ່າໄດ້ ເພາະຮູບທີ່ຖ່າຍມາໄປສ້າງຄວາມສົນໃຈໃຫ້ແກ່ຜູ້ຕິດຕາມຢາກຮູ້, ຢາກລອງ ແລະ ກາຍເປັນການສ້າງລູກຄ້າໃຫ້ເພີ່ມຂຶ້ນ ໂດຍທີ່ເຈົ້າຂອງບໍ່ຕ້ອງເຮັດການຕະຫຼາດຫຍັງເລີຍ… ນີ້ຈຶ່ງຖືກເອີ້ນວ່າ “ຍຸດທະສາດ! ການສ້າງລູກຄ້າໃຫ້ເປັນພະນັກງານຂາຍ” ແລ້ວການສ້າງໃຫ້ລູກຄ້າເປັນພະນັກງານຂາຍໄດ້ນັ້ນ ເຮັດໄດ້ແນວໃດ? ມື້ນີ້ທາງວາລະສານທາເກັດເລີຍຢາກຈະນໍາສະເໜີ ຍຸດທະສາດນີ້ໂດຍການໃຊ້ປະໂຫຍດຈາກສື່ສັງຄົມອອນໄລ໌ ດັ່ງທີ່ກ່າວມາຂ້າງເທິງນັ້ນວ່າ ຍຸກປັດຈຸບັນນີ້ ເປັນຍຸກທີ່ Smart Phone ຫຼື ມືຖືເປັນສູນກາງຂອງຄົນ, ຫຼາຍຄົນຂາດມັນບໍ່ໄດ້ ແລະ ຄົນເຫຼົ່ານັ້ນກໍມັກສະແດງຕົວຕົນ ແລະ ການເຄື່ອນໄຫວຕ່າງໆ ຜ່ານໂລກ”ໂຊຊຽວ” ສະນັ້ນ ການເຮັດການຕະຫຼາດໂດຍໃຫ້ ລູກຄ້າມາເປັນພະນັກງານນັ້ນ ຈຶ່ງເປັນການຕະຫຼາດຮູບແບບໃໝ່ທີ່ຜູ້ປະກອບການຍຸກນີ້ ນິຍົມນໍາມາໃຊ້ຫຼາຍ ເຊິ່ງວິທີກໍຄືເຮັດແນວໃດກໍໄດ້ ໃຫ້ສິນຄ້າ, ຫຼື ...

ບັນດາທ່ານ ສອງສະບັບກ່ອນໄດ້ນໍາສະເໜີບົດລາຍງານ ຂອງທ່ານ ນາຍົກລັດຖະມົນຕີ ທອງລຸນ ສີສຸລິດ ຕໍ່ກອງປະຊຸມສະໄໝສາມັນ ເທື່ອທີ 7 ສະໄໝທີ VIII; ໃນສະບັບນີ້ຢາກນໍາສະເໜີບັນດາທ່ານໃຫ້ຮູ້ເຖິງ ແຜນສູ້ຊົນຂອງລັດຖະບານເພື່ອບັນລຸຄາດໝາຍ ແລະ ລື່ນຄາດໝາຍໃນປະ 2019 ໂດຍສະເພາະແມ່ນສຸມໃສ່ວຽກທີ່ກ່ຽວຂ້ອງກັບ 8 ມາດຕະການ ກະຕຸ້ນເສດຖະກິດ; ນັ້ນກໍຄືການປະຕິບັດໂຄງການລົງທຶນຂອງລັດຖະບານ ທີ່ໄດ້ອະນຸມັດແລ້ວໃນແຜນປະຈໍາປີ 2019 ເພື່ອນໍາໃຊ້ເຂົ້າໃນການຜະລິດໃຫ້ໄວ, ຍູ້ແຮງການຜະລິດ ແລະ ບໍລິການ, ຍູ້ແຮງວຽກທ່ອງທ່ຽວ, ແກ້ໄຂໜີ້ສິນບູລິມະສິດການລົງທຶນຂອງລັດ. ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນໄດ້ລາຍງານຕໍ່ກອງປະຊຸມລັດຖະບານໃນວັນທີ 26 ມີຖຸນາ 2019 ຮູ້ວ່າ: ການຊຸກຍູ້ປະຕິບັດມາດຕະການ, ນະໂຍບາຍຂອງລັດຖະບານເປັນຕົ້ນແມ່ນ 8 ມາດຕະການກະຕຸ້ນເສດຖະກິດ ໄດ້ເຮັດໃຫ້ການຜະລິດ, ການບໍລິການ ແລະ ການລົງທຶນຍັງດໍາເນີນເປັນປົກກະຕິ ແລະ ມີທ່າອ່ຽງດີຂຶ້ນ ເຫັນໄດ້ຈາກການຜະລິດຕາມຂະແໜງການຄື: ການປະລິເຂົ້າບັນລຸ 4,53 ແສນໂຕນ ເພີ່ມຂຶ້ນ 13% ທຽບກັບໄລຍະດຽວກັນຂອງປີຜ່ານມາ, ລ້ຽງສັດສະໜອງໃຫ້ກັບສັງຄົມໄດ້ 2,28 ແສນໂຕນເພີ່ມຂຶ້ນ 14%, ...

ສະບາຍດີທ່ານຜູ້ອ່ານທຸກໆທ່ານທີ່ຮັກແພງ ແລະ ນັບຖືເປັນຢ່າງສູງ, ມື້ນີ້ຂ້າພະເຈົ້າຮູ້ສຶກເປັນກຽດ, ຕື່ນເຕັ້ນ ແລະ ດີອົກດີໃຈເປັນພິເສດທີ່ໄດ້ຂຽນບົດຄວາມກ່ຽວກັບວິທີລ້ຽງລູກຢູ່ວາລະສານທາກເກັດອັນຊົງຄຸນຄ່າແຫ່ງນີ້. ເມື່ອເວົ້າເຖິງສະໄໝ 30 ປີກ່ອນ, ທີ່ຂ້າພະເຈົ້າຍັງເປັນເດັກນ້ອຍປະມານ 10 ປີ, ພໍ່ແມ່ຂອງຂ້າພະເຈົ້າໄດ້ລ້ຽງລູກດ້ວຍວິທີໃຫ້ຕິດພັນກັບທໍາມະຊາດ ແລະ ໃຫ້ອິດສະຫຼະພາບທາງຄວາມຄິດຫຼາຍທີ່ສຸດ, ນັ້ນກໍຄືພໍ່ແມ່ອະນຸຍາດໃຫ້ຂ້າພະເຈົ້າໄດ້ໄປແລ່ນຫຼິ້ນຢູ່ທົ່ງໄຮ່ທົງນາທີ່ຂຽວງາມມີຕົ້ນເຂົ້າເຕັມທົ່ງນາ, ບາງເທື່ອກໍໄປສະປາ, ໄປຈັບຕັກກະແຕນ, ໄປແລ່ນວ່າວຢູ່ທົ່ງນາອັນແສນກ້ວາງໃຫຍ່ໄພສານ. ບາງເວລາຂ້າພະເຈົ້າກໍໄດ້ໄປແລ່ນຫຼິ້ນຢູ່ກາງເດີ່ນບ້ານນໍາໝູ່ເພື່ອນ, ເຮັດກິດຈະກໍາຫຼາຍໆຢ່າງເຊັ່ນ: ຫຼິ້ນບ່າຈິລຸ້ນ, ຫຼິ້ນເຕັ້ນຢາງ, ຫຼິ້ນເຕັ້ນໄຮ່ນາ, ຫຼິ້ນຈາດແປັກ, ຫຼິ້ນຄິດໃນແກ່ນໝາກຂາມ…ທີ່ກໍາລັງເປັນກິດຈະກໍາການຫຼິ້ນທີ່ນິຍົມສໍາລັບເດັກນ້ອຍໃນສະໄໝນັ້ນ, ອາດຈະເປັນຍ້ອນຂ້າພະເຈົ້າໄດ້ແລ່ນຫຼິ້ນນໍາໝູ່ເພື່ອນຢູ່ທົ່ງນາອັນກ້ວາງໃຫຍ່ສີຂຽວສະບາຍຕາສະບາຍໃຈ ຕັ້ງແຕ່ຍັງນ້ອຍໆນີ້ບໍຈຶ່ງເຮັດໃຫ້ຂ້າພະເຈົ້າມີຄວາມກ້າຫານ, ກ້າຮຽນຮູ້ສິ່ງໃໝ່ໆ, ກ້າລອງຜິດລອງຖືກ, ຮັກຄວາມຄິດສ້າງສັນ ແລະ ຮັກການສ້າງຄວາມສໍາພັນທີ່ດີກັບໝູ່ເພື່ອນຢ່າງສະໝໍ່າສະເໝີ, ຕ້ອງຂອບໃຈພໍ່ແມ່ຂ້າພະເຈົ້າທີ່ໄດ້ໃຫ້ຂ້າພະເຈົ້າໄດ້ໃຊ້ຊີວິດຕິດພັນກັບທໍາມະຊາດ ແລະ ໃຊ້ຊີວິດຮ່ວມກັບໝູ່ເພື່ອນເປັນກຸ່ມກ້ອນ. 30 ປີໄດ້ຜ່ານພົ້ນໄປຢ່າງໄວວາເໝືອນດັ່ງສາຍນໍ້າໄຫຼທີ່ບໍ່ມີວັນໄຫຼຢ້ອນກັບມາ, ຈົນຂ້າພະເຈົ້າບໍ່ຢາກເຊື່ອຕົນເອງວ່າຕອນນີ້ອາຍຸຂອງຂ້າພະເຈົ້າໄດ້ກ້າວເຂົ້າ 40 ປີແລ້ວ, ເປັນຕາໜ້າເສຍດາຍ ແລະ ຄ້ອຍອົກຄ້ອຍໃຈເອົາແທ້ເອົາວ່າທີ່ທົ່ງໄຮ່ທົ່ງນາ ໄດ້ເຄີຍເປັນບ່ອນແລ່ນຫຼິ້ນຫົວສະອິກສະອ້ອຍກັບໝູ່ເພື່ອນ ໃນເມື່ອກ່ອນນັ້ນໄດ້ກາຍເປັນເຮືອນຫຼັງໃຫຍ່ ແລະ ຖະໜົນຫົນທາງໄປໝົດແລ້ວ. ຕອນນີ້ຂ້າພະເຈົ້າມີລູກຊາຍສຸດທີ່ຮັກ 2​ ຄົນ, ຜູ້ກົກອາຍຸ 7 ປີ ແລະ ຜູ້ຫຼ້າອາຍຸ 1 ປີ. ຂ້າພະເຈົ້າຄົງບໍ່ສາມາດລ້ຽງລູກໃຫ້ຄືກັນກັບຕອນຂ້າພະເຈົ້າຍັງນ້ອຍໄດ້ຢ່າງສົມບູນ, ...

ບັນດາທ່ານອາດໄດ້ຍິນແລ້ວວ່າເຕັກໂນໂລຊີ ໂດຍສະເພາະດ້ານ ໄອທີ ພາໃຫ້ເກີດທຸລະກິດຮູບແບບໃໝ່ທີ່ບໍ່ເຄີຍມີມາກ່ອນ ພ້ອມທັງກາຍເປັນຄູ່່ແຂ່ງສຳຄັນຕໍ່ທຸລະກິດແບບດັ້ງເດີມນຳອີກ. ຕົວຢ່າງຢູ່ຕ່າງປະເທດຈະມີ  “ແອັບພລີເຄຊັ່ນ”(application)ທີີ່ຊື່ວ່າ: ແກຣັບ (Grab) ຫຼື ອູເບີ (Uber) ທີ່ຊ່ວຍພາທ່ານເດີນທາງຈາກບ່ອນໜຶ່ງໄປຫາອີກບ່ອນໜຶ່ງໂດຍໃຫ້ບໍລິການດ້ວຍລົດສ່ວນຕົວ ຄືກັບການຂີ່ແທັກຊີ (Taxi) ແຕ່ບໍ່ເອີ້ນວ່າເປັນການບໍລິການແທັກຊີ ເຊິ່ງທ່່ານສາມາດເອີ້ນໃຊ້ບໍລິການພຽງແຕ່ກົດເອີ້ນຜ່ານ “ແອັບພລີເຄຊັ່ນ” ໃນໂທລະສັບມືຖື. ຮູ້ບໍ່ວ່າຢູ່ລາວ ປັດຈຸບັນນີ້ ກໍມີການບໍລິການແບບດຽວກັນນີ້ ໂດຍເປັນການລິເລີ່ມແລະສ້າງຕັ້ງດ້ວຍຄົນລາວເຮົາເອງ. ໂອກາດນີ້ພວກເຮົາມາຮູ້ຈັກກັບ ທ່ານ ສຸລິໂຍ ວົງດາລາ ອາຍຸ 28 ປີ ແຕ່ກໍສາມາດເຮັດຫຼາຍທຸລະກິດທາງ “ອອນໄລ໌” ໃນຖານະຜູ້ສ້ງຕັ້ງ ບໍລິສັດ ໂລກ້າລາວ (Loca Laos). ນອກນີ້ຍັງມີທຸລະກິດອື່ນທີ່ໃຫ້ບໍລິການດ້ານ “ອອນໄລ໌” ບໍ່ວ່າຈະເປັນ ດ້ານ ”ຊອບແວ” (software), ການຕະຫຼາດ “ດີຈິຕອນ” ແລະ ເວັບໄຊ໌ມ່ວນ. ທ່ານ ສຸລິໂຍ ຮຽນຈົບຂະແໜງໄຟຟ້າມາແຕ່ ອາເມຣິກາ. ໂດຍສ່ວນຕົວແລ້ວເພິ່ນມັກດ້ານເຕັກໂນໂລຊີ ແລະ ຢາກຮູ້ກ່ຽວກັບພະລັງງານໄຟຟ້າທົດແທນຈຶ່ງເລືອກຮຽນຂະແໜງນີ້. ຄວາມຈິງແລ້ວເພິ່ນໄດ້ເຮັດວຽກດ້ານໄອທີຕັ້ງແຕ່ປີ 2009 ກ່ອນຈະໄປຮຽນຢູ່ອາເມຣິກາແລ້ວຈົບມາໃນປີ 2016. ທ່ານ ສຸລິໂຍ ...

ໃນຍຸກປັດຈຸບັນ ການປະກອບອາຊີບພຽງອາຊີບດຽວອາດບໍ່ພຽງພໍຕໍ່ລາຍຈ່າຍຕົວຈິງ ຫຼາຍໆຄົນຈິຶ່ງເລີ່ມແນມຫາຊ່ອງທາງການສ້າງລາຍໄດ້ເພີ່ມ ບໍ່ວ່າຈະເປັນລົງທຶນເພື່ອໃຫ້ຊັບສິນທີ່ມີຢູ່ເກີດດອກອອກຜົນ ຫຼື ການຕັດສິນໃຈ ດຳເນີນທຸລະກິດຂອງຕົນເອງ. ແຕ່ບໍ່ວ່າຈະເປັນທາງໃດແມ່ນກໍບໍ່ງ່າຍເລີຍ ເນື່ອງຈາກທ່ານຕ້ອງມີຄວາມຮູ້ສະເພາະດ້ານນັ້ນໆ ແລະ ມີເງິນທຶນທີ່ພຽງພໍ, ແຕ່ທ່ານຮູ້ ຫຼື ບໍ່ວ່າທັດສະນະແນວຄິດຂອງເຈົ້າຂອງທຸລະກິດກໍຖືເປັນໜຶ່ງໃນປັດໄຈຫຼັກທີ່ສຳຄັນ ເພາະທັດສະນະທີ່ດີຍ່ອມສົ່ງຜົນທີ່ດີໃຫ້ການດຳເນີນທຸລະກິດ. ແຕ່ແນວໃດຈຶ່ງຈະເອີ້ນວ່າທັດສະນະທີ່ສົ່ງເສີມໃຫ້ທຸລະກິດປະສົບຜົນສຳເລັດ? ດັ່ງນັ້ນ, ຜູ້ຂຽນຈຶ່ງໄດ້ນຳເອົາທັດສະນະແນວຄິດທີ່ທ່ານຄວນມີ ເພື່ອບັນລຸຜົນສຳເລັດໃນການເລີ່ມຕົ້ນເຮັດທຸລະກິດມາໃຫ້ອ່ານນຳກັນ. ອັນດັບທຳອິດ ທ່ານຕ້ອງຮູ້ຈັກຕົວເອງ ແລະ ຮັກໃນສິ່ງທີ່ຢາກເຮັດ ຕ້ອງຮູ້ວ່າຕົວເອງມີຄວາມມັກ ຫຼື ສົນໃຈໃນສິ່ງໃດ ເຊິ່ງໃນນີ້ແມ່ນໝາຍເຖິງປະເພດທຸລະກິດທີ່ທ່ານຢາກເຮັດ. ການຄົ້ນຫາຕົນເອງມີຄວາມສຳຄັນຫຼາຍ ເພາະການຮູ້ຈັກຕົວເອງ ແລະ ສິ່ງທີ່ສົນໃຈຖືເປັນບາດກ້າວທຳອິດທີ່ພາທ່ານໄປສູ່ການຊອກຮູ້ໃນລາຍລະອຽດທີ່ຈຳເປັນສຳລັບການວາງແຜນກ່ຽວກັບທຸລະກິດຂອງທ່ານໃນຂັ້ນຕໍ່ໄປ. ຄຽງຄູ່ກັນນັ້ນ, ການຮັກໃນສິ່ງທີ່ເຮັດນັ້ນ ເຮົາຈະເຮັດໄດ້ດີກວ່າສະເໝີ ເພາະເຮົາຈະມີຄວາມກະຕືລືລົ້ນຢາກປະສົບຜົນສຳເລັດ ເຮັດໃຫ້ມີການສຸມແຮງກາຍ ແລະ ແຮງໃຈໃສ່ເພື່ອໃຫ້ບັນລຸເປົ້າໝາຍ. ຫຼັງຈາກທີ່ຄົ້ນພົບທຸລະກິດທີ່ທ່ານສົນໃຈແລ້ວ ທ່ານຕ້ອງມີຄວາມຄິດທີ່ສ້າງສັນທີ່ແຕກຕ່າງ ເພື່ອເຮັດທຸລະກິດຂອງທ່ານມີເອກະລັກ ລວມທັງຍຸດທະສາດການຕະຫຼາດທີ່ແປກໃໝ່ເພື່ອດຶງດູດລູກຄ້າ ເຊິ່ງທັກສະເຫຼົ່ານີ້ສາມາດໄດ້ຈາກທັງພອນສະຫວັນ ແລະ ພອນສະແຫວງ ດ້ວຍການຊອກຮູ້, ການເປີດໃຈຕໍ່ສິ່ງໃໝ່ ແລະ ຄວາມປັບຕົວຕໍ່ກັບການປ່ຽນແປງ ແລະ ໝູນໃຊ້ບົດຮຽນໃຫ້ເກີດປະໂຫຍດ. ນອກນັ້ນ ການເຊື່ອໝັ້ນໃນຕົນເອງ ກໍເປັນອີກທັດສະນະສຳຄັນໜຶ່ງທີ່ທ່ານຕ້ອງມີ ໂດຍທ່ານຕ້ອງເຊື່ອວ່າແນວຄິດກ່ຽວກັບທຸລະກິດຂອງທ່ານສາມາດເປັນໄປໄດ້, ເຊື່ອວ່າຕົນເອງຕ້ອງເຮັດໄດ້ ແລະ ເຊື່ອວ່າຕົນເອງສາມາດຜ່ານຜ່າອຸປະສັກທີ່ອາດຈະເກີດຂຶ້ນ ແລະ ໄປເຖິງເປົ້າໝາຍທີ່ຕັ້ງໄວ້ ...

ຂຶ້ນປົກເດືອນຕຸລາ ພວກເຮົາໄດ້ຮັບກຽດສໍາພາດທ່ານ ໂມດ ໄອນີ ອາຕັນ ເອກອັກຄະລັດຖະທູດ ມາເລເຊຍ ປະຈໍາ ສປປ ລາວ ເຊິ່ງທ່ານຈະໄດ້ສະເໜີໃຫ້ຊາບເຖິງການພົວພັນມິດຕະພາບ ແລະ ການຮ່ວມມືລະຫວ່າງສອງປະເທດຕະຫຼອດໄລຍະ 53 ປີທີ່ຜ່ານມາພ້ອມທັງວິໄສທັດໃນການຮ່ວມມືໃນອະນາຄົດ ແລະ ຄາດໝາຍເພື່ອດຶງດູດນັກທ່ອງທ່ຽວຈາກ ສປປ ລາວ ໃນປີ 2020. ສາຍພົວພັນທາງການທູດ ລະຫວ່າງລັດຖະບານລາວ ແລະ ລັດຖະບານມາເລເຊຍ ໄດ້ຮັບການປັບປຸງຄືແນວໃດ? ທີ່ຜ່ານມາ, ມີຈັກໂຄງການທີ່ ມາເລເຊຍ ໃຫ້ການສະໜັບສະໜຸນຢູ່ໃນ ລາວ? ມາເລເຊຍ ແລະ ລາວ ມີສາຍພົວພັນມິດຕະພາບອັນອົບອຸ່ນຮ່ວມກັນນັບຕັ້ງແຕ່ການສ້າງຕັ້ງສາຍພົວພັນທາງການທູດໃນວັນທີ 1 ກໍລະກົດ 1966. ຍ້ອນວ່າທັງສອງເປັນປະເທດສະມາຊິກອາຊຽນຄືກັນ, ສາຍພົວພັນສອງຝ່າຍຂອງພວກເຮົາ ຈຶ່ງສືບຕໍ່ໄດ້ຮັບການຍົກລະດັບ ໂດຍຜ່ານການແລກປ່ຽນຢ້ຽມຢາມ ແລະ ພົບປະກັນລະຫວ່າງການນຳຂັ້ນສູງ, ລວມທັງການຮ່ວມມືກັນໃນຫຼາຍຂົງເຂດ, ເຊັ່ນວ່າດ້ານການຄ້າ, ການລົງທຶນ, ພະລັງງານ, ການທ່ອງທ່ຽວ,ການສຶກສາ ແລະ ການສ້າງຂີດຄວາມສາມາດ. ດ້ານການແລກປ່ຽນຢ້ຽມຢາມລະຫວ່າງການນຳຂັ້ນສູງ, ພະນະທ່ານ ທອງລຸນ ສີສຸລິດ, ນາຍົກ ລັດຖະມົນຕີແຫ່ງ ສປປ ລາວ, ກໍໄດ້ໄປຢ້ຽມຢາມ ...

ໃນການດໍາເນີນທຸລະກິດ “ສັນຍາ” ຖືເປັນເອກະສານໜຶ່ງທີ່ມີຄວາມຈໍາເປັນ ແລະ ມີຄວາມສໍາຄັນຫຼາຍ ເນື່ອງຈາກວ່າເປັນສິ່ງທີ່ພາໃຫ້ເກີດຂໍ້ຜູກພັນທາງດ້ານກົດໝາຍ ແລະ ເປັນການກໍານົດການຕົກລົງຂອງຄູ່ສັນຍາ ລວມທັງ ຮັບປະກັນການປະຕິບັດສິດ ແລະ ພັນທະຕາມທີ່ກໍານົດໄວ້ໃນສັນຍາ ແລະ ກົດໝາຍ. ນອກຈາກນີ້ ຍັງສາມາດໃຊ້ເປັນຫຼັກຖານ ຫຼື ເອກະສານໃນເວລາທີ່ເກີດຂໍ້ຂັດແຍ່ງ ຫຼື ຮ້ອງຟ້ອງໄປຍັງສານປະຊາຊົນໄດ້. ເມື່ອກ່າວເຖິງ ສັນຍາແລ້ວຫຼາຍໆທ່ານ ອາດເຄີຍໄດ້ຍິນຄໍາວ່າ “ສັນຍາຕ້ອງເປັນສັນຍາ” [Contract must be served] ຫຼື ສັນຍາຕ້ອງໄດ້ຮັບການປະຕິບັດ ແຕ່ຄໍາຖາມກະຄືວ່າ ຖ້າສັນຍາບໍ່ເປັນສັນຍາ ຫຼື ມີການລະເມີດສັນຍາແລ້ວ ອີກຝ່າຍສາມາດ ຍົກເລີກໄດ້ບໍ່? ດັ່ງກໍລະນີຕົວຈິງຂ້າງລຸ່ມນີ້. ທ້າວ ກໍ ແລະ ນາງ ຂໍ (ນາມສົມມຸດ) ໄດ້ເຮັດສັນຍາຊື້-ຂາຍທີ່ດິນ ແລະ ເຮືອນ ນໍາກັນ ໂດຍມີມູນຄ່າຊື້-ຂາຍທັງໝົດ 100,000,000 ກີບ ໂດຍທີ່ ທ້າວ ກໍ (ຜູ້ຊື້) ໄດ້ຈ່າຍເງິນມັດຈໍາໃຫ້ແກ່ ນາງ ຂໍ (ຜູ້ຂາຍ) ຈໍານວນ 50,000,000 ...