ອ້າງຕາມສຳນັກຂ່າວໄທ. ທ່ານ ບໍຣິສ ຈອນສັນ ນາຍົກລັດ ຖະມົນຕີ ອັງກິດ ຈະໃຫ້ເງິນສະໜັບສະໜູນ ການຟື້ນຟູປ່າ ອາເມຊອນ ທີ່ມີຂະໜາດໃຫຍ່ຂອງໂລກ ດ້ວຍມູນຄ່າ 10 ລ້ານປອນ ພາຍຫຼັງ ລັດຖະບານອັງກິດໄດ້ອອກຖະແຫຼງການ ນອກກອງປະຊຸມສຸດຍອດກຸ່ມຊາດອຸດສາຫະກຳຊັ້ນນຳ 7 ປະເທດ (ຈີ7) ຢູ່ຝຣັ່ງ ເມື່ອບໍ່ດົນມານີ້. ຂະນະທີ່ ປະຊາຄົມໂລກຈະຕ້ອງເລັ່ງແກ້ໄຂບັນຫາ ການປ່ຽນແປງສະພາບດິນຟ້າອາກາດ ຄຽງຄູ່ ເປັນກັບການແກ້ໄຂ ການສູນເສຍຄວາມຫຼາກຫຼາຍ ທາງຊີວະພາບ ເພາະທັງສອງ ບັນຫານີ້ ແຍກອອກຈາກ ກັນບໍ່ໄດ້. ນອກນີ້ ທ່ານ ບໍຣິສ ຈອນສັນ ຍັງຢືນຢັນ ການເປັນເຈົ້າພາບ ກອງ ປະຊຸມລັດ ພາຄີ ອະນຸສັນຍາ ສະຫະປະຊາຊາດ ວ່າດ້ວຍການປ່ຽນແປງ ສະພາບດິນຟ້າອາກາດ ຄັ້ງທີ່ 26 ໃນປີໜ້າ ເນື່ອງຈາກເປັນເວທີ ເນັ້ນຄົ້ນຫາທາງອອກ ເລື້ອງການປ່ຽແປງດິນ ຟ້າອາກາດ ດ້ວຍວິທີທຳມະຊາດ ໂດຍສະເພາະ ການຟື້ນຟູປ່າ. ທີ່ມາ: ຂ່າວສານປະເທດລາວ

ປັດຈຸບັນ ສະຖານະການທົ່ວໄປຢູ່ຊາຍແດນລາວ-ກຳປູເຈຍ ຍັງມີຄວາມສະຫງົບ ແລະ ປອດໄພດີ ແລະ ບໍ່ໄດ້ເປັນດັ່ງຂ່າວລືທີ່ສື່ສັງຄົມອອນລາຍເຜີຍແຜ່ໃນອາທິດທີ່ຜ່ານມາ, ໃນຂະນະທີ່ທັງສອງຝ່າຍຢຶດໝັ້ນຢ່າງໜັກແຫນ້ນຕາມແນວທາງສັນຕິວິທີໂດຍຜ່ານການເຈລະຈາເພື່ອແກ້ໄຂບັນຫາຊາຍແດນຂອງສອງປະເທດຮ່ວມກັນ. ທ່ານ ອານຸສິນ ຂັດຕິຍະລາດ, ຮອງຫົວໜ້າຄະນະກໍາມະການຊາຍແດນແຫ່ງຊາດ, ກະຊວງການຕ່າງປະເທດ ສປປ ລາວຖະແຫຼງຕໍ່ສື່ມ່ວນຊົນພາຍໃນປະເທດ ໃນຕອນເຊົ້າມື້ນີ້ ວັນທີ 27 ສິງຫາ 2019 ທີ່ກະຊວງການຕ່າງປະເທດ ນະຄອນຫຼວງວຽງຈັນວ່າ: ເນື່ອງຈາກວ່າໃນອາທິດຜ່ານມາໄດ້ມີກະແສຂ່າວປອມທີ່ແຜ່ ກະຈາຍຜ່ານສື່ອອນລາຍກ່ຽວກັບສະຖານະການຄວາມບໍ່ສະຫງົບໃນບໍລິເວນຊາຍແດນລາວ-ກຳປູເຈຍເຂດຍອດເຊລຳເພົາ ເບື້ອງລາວທີ່ຂື້ນກັບເມືອງມຸນລະປະໂມກ, ແຂວງຈຳປາສັກ, ເບື້ອງກຳປູເຈຍຂື້ນກັບເມືອງ ແສບ, ແຂວງເພຣຍວິເຮຍ. ຕໍ່ຂ່າວທີ່ເຜີຍແຜ່ຜ່ານສື່ສັງຄົມອອນລາຍດັ່ງກ່າວນີ້ ແມ່ນບໍ່ເປັນຄວາມຈິງເລີຍ ເພາະສະພາບຊາຍແດນລາວ-ກຳປູເຈຍ ຍັງປົກກະຕິດີຄືເກົ່າ.  ທ່ານຮອງຫົວຫນ້າຫ້ອງ ການຄະນະກຳມະການຊາຍແດນແຫ່ງຊາດ, ກະຊວງການຕ່າງປະເທດ ໃຫ້ຮູ້ຕື່ມວ່າ: ສຳລັບການແກ້ໄຂບັນຫາລະຫວ່າງລາວ-ກຳປູເຈຍ, ທັງສອງຝ່າຍແມ່ນຢືດໝັ້ນຕາມແນວທາງສັນຕິວິທີໂດຍຜ່ານການເຈລະຈາ ເພື່ອເຮັດໃຫ້ຊາຍແດນຮ່ວມຂອງສອງປະເທດກາຍເປັນຊາຍແດນແຫ່ງສັນຕິພາບ, ມິດຕະພາບ ແລະ ການຮ່ວມມືຢ່າງແທ້ຈິງ. ຂ່າວ: ບຸນຕຽງ ຈັນທະວົງ ທີ່ມາ: Lao National Radio

ໂຄງການຫຼຸດຜ່ອນຄວາມທຸກຍາກ (ທລຍ) ສຳຫຼວດເສັ້ນທາງກຽມລົງມືຈັດຕັ້ງປະຕິບັດໃນປີ 2020 ເມື່ອບໍ່ດົນມານີ້, ພະແນກກະສິກຳ ແລະ ປ່າໄມ້ແຂວງສາລະວັນ, ພ້ອມດ້ວຍວິຊາການ ໂຄງການຫຼຸດຜ່ອນຄວາມທຸກຍາກ(ທລຍ), ຫ້ອງການ ຍທຂ ເມືອງ, ຫ້ອງການກະສິກຳ ແລະ ປ່າໄມ້ເມືອງ, ຜູ້ປະສານງານກຸ່ມ ແລະ ອຳນາດການປົກຄອງບ້ານ ໄດ້ຮ່ວມກັນລົງສຳຫຼວດໂຄງການກໍ່ສ້າງເສັ້ນທາງບ້ານຖໍ້າມະລື ຫາ ບ້ານນາມະຕ້ອງ, ເມືອງຕຸ້ມລ້ານ ແຂວງສາລະວັນ ເພື່ອກະກຽມລົງມືຈັດຕັ້ງປະຕິບັດໃນປີ 2020 ທີ່ຈະມາເຖິງ. ທ່ານ ສົມຊາຍ ຈັນທະວົງ ວິຊາການ ທລຍ ແຂວງ ໄດ້ໃຫ້ຮູ້ວ່າ: ເສັ້ນທາງດັ່ງກ່າວ ໄດ້ກຳນົດເປັນແຜນບູລິມະສິດທີ 1 ທີ່ຈະລົງມື້ຈັດຕັ້ງປະຕິບັດໃນປີ 2020 ກໍຄື ຮອບວຽນທີ່ 17 ຂອງ ທລຍ, ເຊິ່ງທາງເສັ້ນນີ້ມີຄວາມຍາວທັງໝົດ 8 ກິໂລເມັດ, ກວ້າງ 4,5 ເມັດ ແລະ ມີຮ່ອງລະບາຍນໍ້າ 2 ຟາກທາງ, ເປັນທາງດິນແດງ, ມີຈຸດທີ່ຈະໃສ່ທໍ່ 2 ຈຸດ, ມີຄວາມຍາວ 6 ...

ໃນວັນທີ 22 ສິງຫາ 2019, ສະຫະລັດອາເມລິກາ ໄດ້ຮ່ວມກັບ ສູນບົ່ມທຸລະກິດ TOH-LAO ແລະ  ບໍລິສັດເຕັກໂນໂລຊີຊັັ້ນນໍາ ລວມທັງ ເຟສບຸກ ໄດ້ເປີດໂຄງການ AC STEM Lab ການເຝິກອົບຮົມຢ່າງເປັນທາງການ ເຊິ່ງຈັດຂຶ້ນເພື່ອສ້າງ ແລະ ຂະຫຍາຍ ຈໍານວນບຸກຄະລະກອນທີ່ມີທັກສະສູງເພື່ອຕອບສະໜອງໃຫ້ກັບການຈ້າງງານໃນຂະແໜງເຕັກໂນໂລຊີ ໃນ ສປປ ລາວ. AC STEM Lab ແມ່ນໂຄງການລິເລີ່ມເຊິ່ງມີໄລຍະການຮຽນການສອນເປັນເວລາໜຶ່ງປີຢູ່ທີ່ສູນອາເມລິກາທາດດໍາ. ໂຄງການນີ້ແມ່ນໄດ້ໃຫ້ການເຝິກອົບຮົມໃຫ້ແກ່ບັນດາຜູ້ເຂົ້າຮ່ວມໃຫ້ມີທັກສະໃນການສ້າງ ແອັບພລິເຄຊັນ ສຳລັບໄອໂຟນ ແລະ ລະບົບເອນດຮອຍ, ການຂຽນໂປຣແກມ, ການອອກແບບເວບໄຊແລະ ການພັດທະນາທຸລະກິດ ລວມໄປເຖິງການສ້າງຄວາມຮັບຮູ້ ແລະ ກະກຽມຄວາມພ້ອມໃຫ້ບັນໄວໜຸ່ມໃນການມີສ່ວນຮ່ວມໃນຂົງເຂດວິທະຍາສາດ, ເຕັກໂນໂລຢີ, ວິສະວະກຳສາດ ແລະ ຄະນິດສາດ (STEM)ໃນສປປ ລາວ. ທ່ານເອກອັກຄະລັດຖະທູດ ສະຫະລັດອາເມລິກາ ປະຈຳ ສປປ ລາວ ຣີນາ ບິດເຕີ ໄດ້ເປັນເຈົ້າພາບເປີດງານເພື່ອຕ້ອນຮັບແຂກພິເສດຈາກເຟສບຸກປະຈຳທີ່ອາຊີປາຊິຟິກເຊິ່ງມີຫ້ອງການໃຫ່ຍທີ່ປະເທດສິງກະໂປພ້ອມທັງບັນດາຜູ້ນຳທາງດ້ານທຸລະກິດ ແລະ ຜູ້ຕາງໜ້າຈາກບໍລິສັດເຕັກໂນໂລຢີຊັ້ນນຳ ໃນ ສປປ ລາວ. ທ່ານທູດ  ຣີນາ ...

ໃນວັນທີ 23 ສິງຫາ 2019 ຜ່ານມາ, ບໍລິສັດ ແລນໂລເວີ ໃນຈັດງານ RANGE ROVER OWNER EVENT  ເພື່ອຄືນກຳໄລໃຫ້ກັບລູກຄ້າ ຢູ່ຫ້ອງຂາຍ ລາວແລນໂລເວີ ບ້ານໂພນທັນ,​ ເມືອງໄຊເສດຖາ, ນະຄອນຫຼວງວຽງຈັນ. ໂດຍການເປັນປະທານງານຂອງທ່ານ ນາງ ອຸທິດ ສີພັນດອນ ຫົວໜ້າຜູ້ບໍລິຫານຝ່າຍຂາຍ ລາວແລນໂລເວີ, ມີບັນລູກຄ້າ ແຂກຄົນພິເສດຂອງແລນໂລເວີເຂົ້າຮ່ວມງານ. ພາຍໃນການໄດ້ຮັບຟັງການນຳສະເໜີລົດ Range Rover  ປັບຮູບໂຊມໃຫມ່ທີ່ເປັນລົດ  Premium Luxury Car  ທີ່ອອກແບບໃຫ້ມີຄວາມແຂງແກ່ນ, ໂດດເດັ່ນ, ດຸດັນເໝາະສົມກັບບຸກຄົນທີ່ມັກລົດປະເພດ SUV ຂະໜາດໃຫຍ່ ຈາກທ່ານ ສຸລິຄານ ຈັກຄິນ ທີ່ປຶກສາສູນຂາຍລົດບໍລິສັດ ລາວແລນໂລເວີ. ນອກນີ້, ພາຍໃນງານຍັງໄດ້ແຈກຂອງຂວັນລາງວັນ ໃຫ້ກັບຜູ້ຮ່ວມງານກໍຄືລູກຄ້າທີ່ເຂົ້າຮ່ວມ ລາງວັນທີ 1 ສາຍຄໍຄຳ ໜັກ 2 ສະລື້ງ ແລະ ລາງວັນຂອງຂວັນອື່ນໆ ອີກຫຼາກຫຼາຍຢ່າງ.

ເກີດເຫດໄຟໄໝ້ປ່າອາເມຊອນທີ່ປະເທດບຣາຊິນ ໄດ້ໄໝ້ເປັນເວລາ 3 ອາທິດແລ້ວ. ປັດຈຸບັນ, ປ່າໄມ້ໄດ້ຫາຍໄປແລ້ວປະມານ 15% ຫຼື 3.000 ກມ ແລະ  ຍັງບໍ່ສາມາດມອດໄຟປ່າແຫ່ງນີ້ໄດ້, ເຮັດໃຫ້ນະຄອນຫຼວງຂອງປະເທດ ບຣາຊິນ ເຕັມໄປດ້ວຍໝອກຄວັນ ບໍ່ມີມື້ເວັນ ມື້ຄືນ ເປັນເວລາຫຼາຍມື້ ຕິດຕໍ່ກັນ. ນັກວິທະຍາສາດຍັງວິຕົກກັງວົນວ່າ ຫາກປ່າຫາຍໄປເຖິງ 25% ປ່າຝົນທີ່ໃຫຍ່ທີ່ສຸດຂອງໂລກຜືນນີ້ຈະບໍ່ມີປ່າໄມ້ສ້າງວັດທະຈັກຂອງນ້ຳ ແລະ ໃນທີ່ສຸດປ່າທີ່ເຄີຍໜາແໜ້ນກໍຈະກາຍເປັນທົ່ງຫຍ້າຮ້ອນໆ ແລະ ການປ່ຽນແປງນີ້ຈະສົ່ງຜົນກະທົບໄປທົ່ວໂລກ ເນື່ອງຈາກປ່າອາເມຊອນເປັນແຫຼ່ງຜະລິດແກ໊ສອົກຊີແຊນແຫຼ່ງໃຫຍ່ຂອງໂລກ ທີ່ໄດ້ຊື່ວ່າ ປອດຂອງໂລກ ທັງຍັງຊ່ວຍດູດຊຶມ ແລະ ເກັບກັກແກ໊ສກາກບອນຊຶ່ງເປັນແກ໊ສເຮືອນແກ້ວໜຶ່ງໃນໂຕການຂອງພາວະໂລກຮ້ອນ. ໄຟ້ໄໝ້ຄັ້ງນີ້, ຖືເປັນຄັ້ງທີ່ຮຸນແຮງທີ່ສຸດໃນຮອບ 5 ປີ ສົ່ງຜົນໃຫ້ເກີດຄວາມເສຍຫາຍຢ່າງໜັກ ຄວາມແຮງຂອງມັນ  ສາມາດເຫັນຄວັນທີ່ໜາທຶບໄດ້ຈາກອາວະກາດ ສາມາດເຫັນໄດ້ຈາກນອກໂລກ, ອາກາດຫາຍໃຈສ່ວນໜຶ່ງຂອງເຮົາໄດ້ຈາກປ່າອາເມຊອນ 20% ນັ້ນສະແດງວ່າຖ້າບໍ່ມີປ່າອາເມຊອນ ເຮົາກໍ່ຂາດອາກາດຫາຍໃຈໄປ 20%  ສາເຫດການເກີດໄຟໄໝ້ປ່າ ໃນຄັ້ງນີ້ ຄາດວ່າ ຈະເກີດຈາກ ສະພາບການປ່ຽນແປງດິນຟ້າອາກາດ ເກີດຄວາມແຫ້ງແລ້ງ ໃນພື້ນທີ່ປ່າ ເປັນບໍລິເວນກ້ວາງ ບວກໃສ່ກັບ ການບຸກລຸກ ຖາງປ່າຈູດໄຮ່ຂອງພໍ່ແມ່ປະຊາຊົນ ອ້ອມຮອບເຂດປ່າ. ສະຖາບັນວິໄຈອະວະກາດແຫ່ງຊາດຂອງບຣາຊິນ (INPE) ເປີດເຜີຍໂຕເລກທີ່ໜ້າຕົກໃຈວ່າ ນັບແຕ່ເດືອນມັງກອນ-ສິງຫາເກີດເຫດໄຟປ່າໃນແຖບອາເມຊອນຫຼາຍກວ່າ 72.843 ...

ກອງປະຊຸມລັດຖະບານສະໄໝສາມັນ ປະຈໍາເດືອນສິງຫາ 2019 ໄດ້ໄຂຂຶ້ນຢ່າງເປັນທາງການໃນວັນທີ 20 ແລະ ປິດລົງໃນຕອນເຊົ້າວັນທີ 22 ສິງຫາ ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ ທອງລຸນ ສີສຸລິດ ນາຍົກ ລັດຖະມົນຕີ, ມີບັນດາທ່ານຮອງນາຍົກລັດຖະມົນຕີ ແລະ ສະມາຊິກລັດຖະບານ ພ້ອມດ້ວຍແຂກທີ່ຖືກເຊີນ ເຂົ້າຮ່ວມຢ່າງພ້ອມພຽງ. ກອງປະຊຸມຄັ້ງນີ້ ໄດ້ພ້ອມກັນສຸມໃສ່ປຶກສາຫາລື, ປະກອບຄໍາຄິດຄໍາເຫັນ ແລະ ພິຈາລະນາຮັບຮອງເອົາ 9 ເອກະສານສໍາຄັນທັງໝົດ 9 ສະບັບເປັນຕົ້ນແມ່ນ 1. ຮ່າງກົດໝາຍ ວ່າດ້ວຍການຊົດເຊີຍຄ່າເສຍຫາຍຈາກລັດ (ສ້າງໃໝ່) 2. ຮ່າງກົດໝາຍ ວ່າດ້ວຍການລົ້ມລະລາຍຂອງວິສາຫະກິດ (ສະບັບປັບປຸງ). 3. ຮ່າງກົດໝາຍ ວ່າດ້ວຍຮູບເງົາ (ສ້າງໃໝ່). 4. ຮ່າງກົດໝາຍ ວ່າດ້ວຍຫຼັກຊັບ (ສະບັບປັບປຸງ). 5. ຮ່າງກົດໝາຍ ວ່າດ້ວຍຄວາມສະເໝີພາບ ຍິງ-ຊາຍ (ສ້າງໃໝ່). 6. ຮ່າງດໍາລັດ ວ່າດ້ວຍການປິດບໍ່ແຮ່ ພາຍຫຼັງການຂຸດຄົ້ນ. 7. ຮ່າງດໍາລັດ ວ່າດ້ວຍການຄຸ້ມຄອງທຸລະກິດຍານພາຫະນະທາງບົກ. 8. ແຜນພັດທະນາແບບກວມລວມເຂດພູພຽງບໍລະເວນ. ...

ກອງ​ປະຊຸມ​ປຶກສາ​ຫາລື​ການ​ຊື້-ຂາຍ​ໄຟຟ້າ​ລະຫວ່າງ ສ​ປປ ລາວ ​ແລະ ສສ.ຫວຽດນາມ ​ໄດ້ມີ​ຂຶ້ນ​ເມື່ອ​ບໍ່​ດົນ​ນີ້​ຢູ່​ນະ​ຄອນ​ຫຼວງ​ວຽງ​ຈັນ, ​ໂດຍ​ການ​ເຂົ້າ​ຮ່ວມ​ຂອງ​ທ່ານ​ລັດຖະມົນ​ຕີ​ກະຊວງ​ພະລັງງານ-ບໍ່​ແຮ່ ຄໍາ​ມະນີ ອິນ​ທິລາດ. ເພື່ອປືກສາ​ຫາລື​ແຜນການ​ສົ່ງ​ອອກ​ໄຟຟ້າ​​ໃຫ້ ສສ.ຫວຽດນາມ ຈາກ 320 ​ເມ​ກາ​ວັດ​ໃນ​ປັດ​ຈຸ​ບັນ​ຂຶ້ນ​ເປັນ 5.000 ​ເມ​ກາ​ວັດ​ໃນ​ປີ 2030. ກອງ​ປະຊຸມ,​ ສອງ​ຝ່າຍຍັງ​ໄດ້​ທົບ​ທວນຄືນ​ການຮ່ວມ​ມືພັດ​ທະນາພະລັງງານ​ໄຟຟ້າ​ໃນ​ຜ່ານ​ມາ,​ ​ໂດຍ​ສະ​ເພາະ​​ບັນດາໂຄງການ​ທີ່ຫວຽດນາມ​ໄດ້​ລົງທຶນມີ​ຈຸດ​ດີ, ຈຸດ​ອ່ອນ ​ແລະ ຂໍ້​ຫຍຸ້ງຍາກ​ແນວ​ໃດ ​ເພື່ອ​ພ້ອມ​ກັນ​ແກ້​ໄຂ. ​ໃນ​ໂອກາດ​ນີ້, ຝ່າຍ​ລາວ​ໄດ້​ສະ​ເໜີ​​ຫຼາຍ​ບັນຫາໃຫ້​ຫວຽ​ດນາມຊ່ວຍ​ກະຕຸກ​ຊຸກຍູ້​ການ​ຊື້-ຂາຍ​ໄຟຟ້າ​ຈາກ​ເຂື່ອນ​ໄຟຟ້າ​ນໍ້າ​ຊໍາ​ໃຫ້​​ເປັນ​ຮູບ​ປະ​ທໍາ, ​ໂດຍ​ສະ​ເພາະການ​ກໍານົດຈຸດ​ເຊື່ອມ​ຕໍ່​ໃໝ່ ​ເນື່ອງ​ຈາກ​ໄຟຟ້າ​ລາວ​ສະ​ເໜີ​ຂາຍ​ໄຟຟ້າ​ເພີ່ມ​ຂຶ້ນຈາກ​ໂຄງການ​ໄຟຟ້າ​ຄວາມ​ຮ້ອນ ​ແລະ ​ໂຄງການ​ໄຟຟ້າ​ນໍ້າ​ໂມ້ 2,​​ ໂຄງການ​ນໍ້າ​ກົງ 2 ​ແລະ 3, ນໍ້າ​ອີ​ມູນ, ນໍ້າ​ອ່າງ, ນໍ້າ​ງອນ, ຫ້ວຍ​ກະ​ອວຍ ​ແລະ ຫ້ວຍ​ລະ​ແງ, ຊຶ່ງ​ລວມມີ​ກໍາລັງ​ຕິດ​ຕັ້ງ​ປະມານ 465 ​ເມ​ກາ​ວັດ, ​ໂດຍ​ສາມາດ​ນໍາ​ໃຊ້​ສາຍ​ສົ່ງ​ຂອງ​ເຊ​ກະ​ໝານ 1 ​ແລະ 3 ທີ່​ມີ​ແລ້ວ. ສໍາລັບ​ໂຄງການ​​ເຂື່ອນນໍ້າ​ອູ 5,6 ​ແລະ 7 ​ລວມມີ​ກໍາລັງ​ຕິດ​ຕັ້ງ 630 ​ເມ​ກາ​ວັດ ທີ່​ມີ​ແຜນ​ຈະ​ຂາຍ​ໃຫ້​ຫວຽດນາມ​ ນັບ​ແຕ່​ປີ 2021 ​ເປັນ​ຕົ້ນ​ໄປ​ໃນ​ລາຄາ​ທີ່​ຕົກລົງ​ກັນ ...

ດັ່ງທີ່ຫຼາຍຄົນຮູ້ຈັກກັນດີແລ້ວວ່າ ຜົ້ງສາລີ ເປັນແຂວງທີ່ຂຶ້ນຊື່ເລື່ອງຊາມາຍາວນານ, ຊາເປັນສິນຄ້າປາຍແຫຼມຂອງແຂວງທີ່ຕະຫຼາດທັງພາຍໃນ ແລະ ຕ່າງປະເທດຍັງມີຄວາມຕ້ອງການສູງ ຫຼ້າສຸດ, ຊາແຂວງຜົ້ງສາລີ ສາມາດໄປຄວ້າລາງວັນຊະນະເລີດຈາກການປະກວດຊາສາກົນຢູ່ຮົງກົງໃນປີ 2019 ນີ້. ຜົນງານຊະນະເລີດຄັ້ງນີ້ ເປັນລາງວັນໃນສາຍ “ຊາຜູເອີ໋” ໃນນີ້ຊາທີ່ນຳເຂົ້າປະກວດເປັນຊາຈາກໂຮງງານຊາແສງຄຳ ແຂວງຜົ້ງສາລີ. ທັງນີ້ ຊາຜູເອີ໋ ແມ່ນມີຕົ້ນກຳເນີດ ແລະ ນິຍົມປູກກັນໃນບໍລິເວນພາກໃຕ້ຂອງແຂວງຢູນນານ ປະເທດຈີນ ທີ່ເມືອງຜູເອີ໋ ນັບວ່າເປັນຊາທີ່ມີຊື່ສຽງ ແລະ ໂດ່ງດັງໃນປັດຈຸບັນ. ຊາຊະນິດນີ້ຜູ້ໃດໄດ້ດື່ມເປັນຄັ້ງທຳອິດຈະຮູ້ສຶກວ່າມີກິ່ນແຮງ ແລະ ລົດຊາດເຂັ້ມຂຸ້ນຫຼາຍ ແຕ່ເມື່ອດື່ມຄັ້ງຕໍ່ໆໄປຈະຮູ້ສຶກຕິດໃຈ. ການເຂົ້າຮ່ວມແຂ່ງຂັນໃນງານຄັ້ງນີ້ ແມ່ນຢູ່ພາຍໃຕ້ການສະໜັບສະໜູນ ຈາກກົມປູກຝັງ, ກະຊວງກະສິກຳ ແລະ ປ່າໄມ້ ແລະ ໂຄງການໄບໂອເທຣດ ເພື່ອໂຄສະນາຊາລາວໃຫ້ເປັນທີ່ຮັບຮູ້ໃນຕະຫຼາດສາກົນ. ທີ່ມາ: ຂ່າວສານເສດຖະກິດ-ການຄ້າ

ຫົວໜ້າ​ພະ​ແນ​ກຈະລາຈອນ​ແຂວງຫຼວງ​ພະ​ບາງ ​ໄດ້ອອກ​ມາ​ເຕືອນຜູ້​ທີ່​ຈະ​ເດີນທາງ​ໄປ​ພາກ​ເໜືອ​ໃນ​ໄລຍະລະ​ດູ​ຝົນ​ນີ້,​​ ໂດຍ​ສະ​ເພາະ​ໄປ​ແຂວງ​ຫຼວງ​ພະ​ບາງ ຄວນ​ຫຼີກ​ລ່ຽງການ​ນໍາ​ໃຊ້​ເສັ້ນທາງ​ຕັດ​ໃໝ່ (​ພູ 9 ຫຼັກ) ​ກາສີ-​ເມືອງ​ນານ, ​ເນື່ອງ​ຈາກ​ເສັ້ນທາງ​ດັ່ງ​ກ່າວ​ຕັດ​ຜ່ານ​ພູ​ສູງ​ຊັນ, ໝື່ນ ​ແລະ ມີຫຼາຍ​ຈຸດ​ເປ​ເພ່ ​ເຊິ່ງ​ເປັນ​ອັນຕະລາຍ​ ​ແລະ ມີ​ຄວາມ​ສ່ຽງ​ເກີດອຸປະຕິ​ເຫດ​ໄດ້,​ ​ໂດຍ​ສະ​​ເພາະ​ລົດ​ຂົນ​ສົ່ງ, ​ໂດຍສານ​ ຫຼື ລົດ​ບັນທຸກ​ໜັກຕ່າງໆ​ແມ່ນ​ບໍ່ຄວນ​ໃຊ້​ເສັ້ນທາງ​ນີ້​ເດັດຂາດ ​ຫຼັງ​ຈາກ​ຜ່ານ​ມາ​ໄດ້ມີ​ອຸປະຕິ​ເຫດລົດ​ຕົກລົງ​ເຫ​ວ​ເປັນ​ຈໍານວນ​ຫຼາຍ​ລາຍ​ແລ້ວ, ຊຶ່ງ​ກໍລະນີ​ລ່າ​ສຸດ​ແມ່ນ​ອຸປະຕິ​ເຫດທີ່​ເກີດ​ຂຶ້ນ​ໃນວັນ​ທີ 19 ສິງຫາ​ນີ້, ​ໂດຍລົດ​ເມ​ນໍາ​ທ່ຽວ​​​ໜຶ່ງ​ມີ​ນັກ​ທ່ອງ​ທ່ຽວ​ຊາວ​ຈີນ, ພ້ອມ​​ດ້ວຍ​ພະນັກງານ​ນໍາ​ທ່ຽວຄົນ​ລາວ ​ລວມທັງ​ໝົດ 46 ຄົນ​ ​ໄດ້​ເກີດເສຍຫຼັກ​ປີ້ນລົງ​ເຫວ​ເລິກປະມານ 100 ກວ່າ​ແມັດ​ໃນ​ຈຸດຂົວ​ນໍ້າ​ງາ​ວ, ​ເມືອງ​ນານ​ແຂວງ​ຫຼວງ​ພະ​ບາງຢ່າງ​ຮຸນ​ແຮງ, ​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ຄາ​ທີ່ 13 ຄົນ. ທ່ານຍັງ​ໃຫ້​ຮູ້​ວ່າ: ​ເສັ້ນທາງ​ດັ່ງ​ກ່າວ​​ແມ່ນ​ສ້າງບໍ່ໄດ້​ມາດຕະຖານ,​​ ເນື່ອງຈາກ​​​ເປັນ​ເສັ້ນທາງຍຸດ​ທະສາດ​ຮັບ​ໃຊ້​ວຽກ​ງານທາງການ​ທະຫານ,​ ​ແຕ່​ເມື່ອ​ໄດ້ເປີດນໍາ​ໃຊ້ກໍ​​ມີຜູ້ຂັບ​ຂີ່​ພາຫະນະ​ນໍາ​ໃຊ້​ເສັ້ນທາງ​ດັ່ງ​ກ່າວ​ເປັນ​ຈໍານວນ​ຫຼາຍ, ​ເນື່ອງ​ຈາກ​ວ່າ​ຊ່ວຍ​ປະຢັດ​ເວລາ​ໃນ​ການ​ເດີນທາງ​ລະຫວ່າງ​ແຂວງວຽງ​ຈັນ​ຫາ​ຫຼວງ​ພະ​ບາງຫຼຸດລົງ​​ເຖິງ 3-4 ຊົ່ວ​ໂມງ​ເມື່ອ​ທຽບ​​ໃສ່ການ​ນໍາ​ໃຊ້​ເສັ້ນທາງ​ເກົ່າ (​ເມືອງ​ກາສີ-​ເມືອງພູ​ຄູນ), ແຕ່ຖ້າຫາກນັກ​ຂັບ​ຂີ່​ມີ​ຄວາມຈໍາ​ເປັນ​ໄດ້​ເດີນທາງ​ຜ່ານ​ເສັ້ນທາງນີ້​ ກໍ​ຂໍ​ໃຫ້​ມີ​ສະຕິ​ລະ​ມັດ​ລະວັງ​ທີ່​ສຸດ, ​ໃຫ້​ຄ່ອຍ​ໄປ​ຄ່ອຍ​ມາ, ສະພາບ​ເຕັກນິກລົດ​ກໍຕ້ອງ​ໃຫ້​ຮັບປະກັນ, ​ໂດຍ​ສະ​ເພາະ​ແມ່ນ​ລະບົບ​​ຫ້າມ​ລໍ້, ລະບົບ​ເກ່ຍຕ້ອງ​ດີ ​ເພື່ອ​ຄວາມ​ປອດ​ໄພ​ໃນ​ການ​ເດີນທາງ. ຂອບໃນຂໍ້ມູນຈາກ: ໜັງສືພິມລາວພັດທະນາ