ກອງປະຊຸມຄົບຄະນະ ຄັ້ງທີ 2 ຂອງຄະນະ ບໍລິຫານງານສູນກາງພັກ ສະໄໝທີ XI ໄດ້ດໍາເນີນຢ່າງເປັນທາງການ ໃນລະຫວ່າງວັນທີ 1-3 ມີນາ 2021 ທີ່ສໍານັກງານສູນກາງພັກ ພາຍໃຕ້ການເປັນປະທານ ຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນປະຕິວັດລາວ ໂດຍມີບັນດາສະຫາຍ ກໍາມະການກົມການເມືອງສູນກາງພັກ, ຄະນະເລຂາທິການສູນກາງພັກ, ບັນດາສະຫາຍ ກໍາມະການສູນກາງພັກສົມບູນ ແລະ ສໍາຮອງ ເຂົ້າຮ່ວມຢ່າງພ້ອມພຽງ.ກອງປະຊຸມໄດ້ຄົ້ນຄວ້າປຶກສາຫາລື ແລະ ຮັບຮອງເອົາບັນຫາສໍາຄັນດັ່ງນີ້: ຕີລາຄາຜົນສໍາເລັດຂອງການດໍາເນີນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ, ປຶກສາຫາລື ກ່ຽວກັບຄວາມຮັບຜິດຊອບຂອງສູນກາງ ຕໍ່ການຈັດຕັ້ງຜັນຂະຫຍາຍແນວທາງ, ແຜນນະໂຍບາຍທີ່ກອງປະຊຸມໃຫຍ່ຄັ້ງທີ XI ວາງອອກ, ຮັບຮອງເອົາແຜນການຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິກອງປະ ຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ ເພື່ອແນໃສ່ການຫັນປ່ຽນຢ່າງແຂງແຮງ, ເລິກເຊິ່ງ, ຮອບດ້ານໃນທຸກຂົງເຂດຂອງຊີວິດສັງຄົມ, ສາມາດກໍານົດແຈ້ງບັນດາເນື້ອໃນ ແລະ ວຽກງານຈຸດສຸມທີ່ຕ້ອງເອົາໃຈໃສ່ ນໍາພາ-ຊີ້ນໍາ ໃນແຕ່ລະຂົງເຂດວຽກງານ ຕິດພັນກັບການຍົກສູງຄວາມເປັນເຈົ້າການ ຂອງຄະນະພັກບັນດາກະຊວງ-ອົງການ, ບັນດາແຂວງ, ນະຄອນຫລວງ ໃນການຫັນມະຕິກອງປະຊຸມ ...

ໃນວັນທີ 2 ມີນາ 2021 ທີ່ຜ່ານມາ, ທ່ານ ສະເຫຼີມໄຊ ກົມມະສິດ, ລັດຖະມົນຕີກະຊວງການຕ່າງປະເທດ ໄດ້ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ແບບບໍ່ເປັນທາງການ (ຮູບແບບທາງໄກ), ພາຍໃຕ້ການເປັນປະທານຂອງ ບຣູໄນ ດາຣູຊາລາມ (ປະເທດປະທານອາຊຽນ ສົກປີ 2021) ແລະ ມີການເຂົ້າຮ່ວມຂອງບັນດາລັດຖະມົນຕີຕ່າງປະເທດອາຊຽນອື່ນ ແລະ ເລຂາທິການໃຫຍ່ອາຊຽນ. • ກອງປະຊຸມ ໄດ້ຮັບຊາບຄວາມຄືບໜ້າໃນການຈັດຕັ້ງປະຕິບັດວິໄສທັດປະຊາຄົມອາຊຽນ 2025; ການກະກຽມຮ່າງວິໄສທັດປະຊາຄົມອາຊຽນ ຫຼັງປີ 2025; ການຈັດຕັ້ງປະຕິບັດບັນດາຂໍ້ລິເລີ່ມອາຊຽນ ເພື່ອຮັບມື ແລະ ແກ້ໄຂຜົນກະທົບຈາກການແຜ່ລະບາດຂອງພະຍາດໂຄວິດ-19 ເປັນຕົ້ນ: ການຜັນຂະຫຍາຍແຜນຟື້ນຟູຮອບດ້ານອາຊຽນ, ການນໍາໃຊ້ກອງທຶນອາຊຽນສ່ວນໜຶ່ງເພື່ອຈັດຊື້ຢາວັກແຊງຕ້ານພະຍາດໂຄວິດ-19 ສໍາລັບປະຊາຊົນອາຊຽນ, ການສ້າງແລວການເດີນທາງອາຊຽນ; ແລະ ອື່ນໆ. ກອງປະຊຸມ ຄັ້ງນີ້ ຍັງໄດ້ຢໍ້າຄືນຄວາມສໍາຄັນຂອງການສືບຕໍ່ຮັກສາຄວາມສາມັກຄີເປັນປຶກແຜ່ນ ແລະ ຄວາມເປັນແກນກາງຂອງອາຊຽນ ແລະ ການຍຶດຖືຫຼັກການຮ່ວມມືຫຼາຍຝ່າຍ ເພື່ອຮັບມື ແລະ ແກ້ໄຂບັນດາສິ່ງທ້າທາຍທີ່ອາດຈະເກີດຂຶ້ນຢູ່ລະດັບພາກພື້ນ ແລະ ສາກົນ ລວມທັງການປະກອບສ່ວນສ້າງຄວາມເຂັ້ມແຂງໃຫ້ແກ່ປະຊາຄົມອາຊຽນ. ພ້ອມນີ້, ກອງປະຊຸມ ຍັງໄດ້ປຶກສາຫາລື ກ່ຽວກັບການຮ່ວມມື ລະຫວ່າງ ອາຊຽນ ກັບພາຍນອກ ...

ຕາມ​ຂ່າວ​ຈາກ ​ຫວຽດ​ນາມ(VOVWORLD) ວັນ​ທີ 2​ ມີນາ ທີ່ຜ່ານມາ, ທ່ານ ວາ​ລາ​ດີ​ເມຍ ປູ​ຕິນ(Vladimir Putin), ປະທານາ ທິບໍດີ ຣັດ​ເຊຍ ກຽມຄວາມພ້ອ​ມ​ແລ້ວ ທີ່ຈະ ຮັກສາ ການເຈລະຈາ ແລະ ແກ້ໄຂ ຂໍ້​ຂັດ​ແຍ່ງ ກັບ ສ.ອາເມ ລິກາ ​ເພື່ອ​ຟື້ນຟູ ​ແລະ​ ພັດທະນາ ​ການ​ພົວພັນ​ກັນ ​ຢ່າງ​ຕັ້ງໜ້າ. ກ່ອນໜ້ານີ້, ຣັດເຊຍ ແລະ ສ.ອາເມລິກາ ໄດ້ຕໍ່ກຳນົດ ເວລາ ສັນຍາ ຫລຸດຜ່ອນ ອາວຸດ ບຸກໂຈມຕີ ຍຸດທະສາດໃໝ່ (New START). ພາຍຫລັງ ຮັບດຳລົງ ຕຳແໜ່ງ ປະທານາທິບໍດີ ອາເມລິກາ, ທ່ານ ​ໂຈ​ ໄປ​ເດນ (Joe Biden) ໄດ້ດຳເນີນ ການ ເຈລະຈາ ກັບ ຄູ່ຮ່ວມຕຳແໜ່ງຝ່າຍ ຣັດເຊຍ ໃນທ້າຍ​ເດືອນ ມັງກອນ ທີ່ຜ່ານມາ ...

ຕາມ​ຂ່າວ​ຈາກ​ ລອນ​ດອນ,ທ່ານ ບໍຣີສ ຈອນ​ສັນ,ນາຍົກລັດຖະມົນຕີ ອັງ​ກິດ ຖະ​ແຫລ​ງວ່າ: ຊາວ​ອັງກິດ 20,09 ລ້ານ​ຄົນ ​ໄດ້​ຮັບ​ວັກ​ຊິນ ​ປ້ອງ​ກັນ ​ໂຄ​ວິດ-19​ແລ້ວ ຂະນະ​ທີ່ ​ເກືອບ​ຮອດ 800.000ຄົນ ​ໄດ້​ຮັບ​ ວັກ​ຊິນ​ຄົບ 2​ເຂັມ​ແລ້ວ ຖື​ວ່າ​ອັງກິດ ​ໄດ້​ສັກ​ວັກ​ຊິນ ​ຫລາຍ​ທີ່​ສຸດ ​ໃນ​ເອີຣົບ.ຂະນະ​ທີ່ ອັງກິດ ມີ​ລາຍ​ງານ​ ຜູ້​ຕິດ​ເຊື້ອ ​ລາຍ​ໃໝ່ 6.035ຄົນ ​ແລະ ​ເສຍ​ຊີວິດ​ເພີ່ມ 144 ຄົນ ​ໃນ​ໄລຍະ 28ວັນ ຫລັງ​ກວດ​ພົບ​ ໂຄ​ວິດ-19 ແຫຼ່ງຂ່າວ: ຂປລ

ອ້າງຕາມຂ່າວ ອິນເດຍ, ວັນທີ 28 ກຸມພາທີ່ຜ່ານມາ, ອິນເດຍ ໄດ້ສົ່ງດາວທຽມສຳຫລວດໂລກ ຂອງ ບຣາຊິນ ແອມະຊໍເນຍ-1 ຂື້ນສູ່ວົງໂຄຈອນໂລກເພື່ອກວດກາ ແລະ ສົ່ງຂໍ້ມູນທີ່ກ່ຽວກັບ ການທຳລາຍປ່າ ແລະ ວິເຄາະ ຄວາມຫລາກຫລາຍ ດ້ານກະສິກຳໃນພາກພື້ນອາເມຊອນໃຫ້ແກ່ ໜ່ວຍງານທີ່ກ່ຽວຂ້ອງໃນບຣາຊິນ, ເປັນດາວທຽມດວງທຳອິດ ຂອງ ບຣາຊິນ ທີ່ຍິງຂື້ນສູ່ວົງໂຄຈອນຈາກຖານປ່ອຍໃນອິນເດຍ. ຈະຫລວດສົ່ງດາວທຽມຂອງສຳນັກງານ ອາວະກາດ ອິນເດຍ ໄດ້ສົ່ງດາວທຽມສຳຫລວດໂລກ ຂອງ ບຣາຊິນແອມະຊໍເນຍ-1 ຂື້ນສູ່ວົງໂຄຈອນໂລກ ພ້ອມດາວທຽມດວງອື່ນໆ ອີກ18 ລູກ, ຈາກຖານປ່ອຍຈະຫລວດເມືອງສະຣີຫລີໂກຕາລັດອານທຳປະເທດໄດ້ປະສົບຜົນສຳເລັດໃນປີນີ້.

ກະຊວງແຜນການ ແລະ ການລົງທຶນ ສະເໜີ ໃຫ້ທຸກພາກສ່ວນທີ່ກ່ຽວຂ້ອງເອົາໃຈໃສ່ບັນຫາສຳຄັນຕ່າງໆ ເພື່ອຮັບປະກັນເຮັດໃຫ້ແຜນງານ/ໂຄງການ ທີ່ໄດ້ຮັບການສະໜັບສະໜູນຊ່ວຍເຫລືອຈາກບັນດາຄູ່ຮ່ວມພັດທະນາຢູ່ໃນ ສປປ ລາວ ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ ແລະ ຕາມທິດການພັດທະນາແບບຍືນຍົງ. ທ່ານ ກິແກ້ວ ຈັນທະບູຣີ ຮອງລັດຖະມົນຕີ ກະຊວງແຜນການ ແລະ ການລົງທຶນ ກ່າວໃນກອງປະຊຸມ ສະຫລຸບຜົນການຈັດຕັ້ງປະຕິບັດວຽກງານຊ່ວຍເຫລືອທາງການເພື່ອການພັດທະນາ ທົ່ວປະເທດ ຄັ້ງທີ IV ໃນອາທິດຜ່ານມາ, ໂດຍເນັ້ນວ່າ: ບັນຫາທີ່ຈະຕ້ອງສືບຕໍ່ເອົາໃຈໃສ່ມີ ຄື: ໃຫ້ເພີ່ມທະວີຄວາມເປັນເຈົ້າການຂອງຂະແໜງການ ໃນການຈັດຕັ້ງປະຕິບັດບັນດາແຜນງານ/ໂຄງການ ທີ່ໄດ້ຮັບການສະໜັບສະໜູນຈາກຄູ່ຮ່ວມພັດທະນາ ໃຫ້ໄດ້ຮັບຜົນສຳເລັດຕາມແຜນການທີ່ວາງໄວ້ ແລະ ທັນເວລາ, ເອົາໃຈໃສ່ໃນວຽກງານການປະສານງານໃຫ້ມີຄວາມວ່ອງໄວ ແລະ ຮອບດ້ານ, ອໍານວຍຄວາມສະດວກໃນຂັ້ນຕອນບໍລິຫານ ແລະ ຮັບປະກັນການຈັດຕັ້ງປະຕິບັດ ບັນດາແຜນງານ/ໂຄງການ ໄປຕາມແຜນການທີ່ວາງໄວ້ແລະ ມີປະສິດທິຜົນ. ຂະນະດຽວກັນ, ກໍໃຫ້ເອົາໃຈໃສ່ໃຫ້ບັນດາຊ່ຽວຊານທີ່ມາປະຈໍາຢູ່ແຕ່ລະແຜນງານ/ໂຄງການ ຖ່າຍທອດຄວາມຮູ້ ຄວາມອາດສາມາດໃຫ້ແກ່ພະນັກງານລັດຖະກອນ ໃນການຈັດຕັ້ງປະຕິບັດແຜນງານ/ໂຄງ ການ ໂດຍສະເພາະແມ່ນການຖ່າຍທອດຄວາມຮູ້ ໃຫ້ແກ່ພະນັກງານທ້ອງຖິ່ນໃນການປະຕິບັດໜ້າທີ່ວຽກງານ ເພື່ອຮັບປະກັນຄວາມຍືນຍົງຂອງແຜນງານ/ໂຄງການຕ່າງໆ, ພ້ອມທັງເອົາໃຈໃສ່ໃນປະຕິບັດດໍາລັດຂອງລັດຖະບານ ສະບັບເລກທີ 357/ລບ, ລົງວັນທີ 9 ຕຸລາ 2019 ວ່າດ້ວຍການຄຸ້ມຄອງ ...

ສຳນັກຂ່າວ ຊິນຮວາຂອງ ຈີນ ລາຍງານວ່າ, ວັນທີ 24 ເດືອນກຸມພາ, ບໍລິສັດ ນໍ້າມັນ ຢູ່ແຄມຝັ່ງ ແຫ່ງຊາດ ຈີນ (CNOOC) ປະກາດວ່າ ປະເທດນີ້ ໄດ້ຄົ້ນພົບ ແຫລ່ງນ້ຳມັນດີບ ແລະ ແກັດ ທຳມະຊາດ ໃນທະເລໂປ໋ໄຫ່. ຄາດວ່າ ຈະມີປະລິມານ ນ້ຳມັນເຖິງ 100 ລ້ານໂຕນ. ພື້ນທີ່ດັ່ງກ່າວ ແມ່ນ ຊື່ໂປ໋ຈົງ 13-2(Bozhong 13-2) ແລະ ມີຄວາມເລິກ ສະເລ່ຍ 23,2 ແມັດ, ຊື່ງຢູ່ໃຈກາງ ທະເລ ໂປ໋ໄຫ່, ຫ່າງຈາກ ນະຄອນທຽນຈິນ ໄປທາງພາກ ເໜືອຂອງຈີນ 140 ກິໂລແມັດ.

ກົດໝາຍວ່າດ້ວຍການຟື້ນຟູ ແລະ ລົ້ມລະລາຍຂອງວິສາຫະກິດມີຜົນສັກສິດແຕ່ເດືອນມິຖຸນາ 2020. ໃນເດືອນກ່ອນ, ຂ້າພະເຈົ້າ ໄດ້ສະເໜີກ່ຽວກັບການຟື້ນຟູວິສາຫະກິດເບື້ອງຕົ້ນໄປແລ້ວ, ມື້ນີ້ ຂ້າພະເຈົ້າຂໍສືບຕໍ່ແລກປ່ຽນບາງພື້ນຖານທີ່ສຳຄັນຂອງກ່ຽວກັບການຟື້ນຟູວິສາຫະກິດ ຕາມກົດໝາຍດັ່ງກ່າວ ຄື: 3.       ຜູ້ມີສິດຮ້ອງຂໍຟື້ນຟູ ຫຼື ລົ້ມລະລາຍວິສາຫະກິດ ມີໃຜແດ່? ວິສາຫະກິດເອງ: ວິສາຫະກິດ ທີ່ຢູ່ໃນສະພາວະລົ້ມລະລາຍ ຫຼື ໃກ້ຈະຢູ່ໃນສະພາວະລົ້ມລະລາຍ;ຂາຮຸ້ນ ຫຼື ຜູ້ຖືຮຸ້ນ: ຂອງວິສາຫະກິດທີ່ຢູ່ໃນສະພາວະລົ້ມລະລາຍ ຫຼື ໃກ້ຈະຢູ່ໃນສະພາວະລົ້ມລະລາຍທີ່ຕາງໜ້າໃຫ້ຢ່າງໜ້ອຍ 20% ຂອງຮຸ້ນທີ່ມີສິດລົງຄະແນນສຽງທັງໝົດ ໃນກໍລະນີທີ່ວິສາຫະກິດນັ້ນບໍ່ຮ້ອງຂໍຟື້ນຟູ ຫຼື ລົ້ມລະລາຍ;ສະມາຊິກສະຫະກອນ: ຕາງໜ້າໃຫ້ຢ່າງໜ້ອຍໜຶ່ງສ່ວນຫ້າຂອງສະມາຊິກທັງໝົດໃນກໍລະນີທີ່ສະຫະກອນມີຄວາມຫຍຸ້ງຍາກທາງດ້ານການເງິນ ແລະ ບໍ່ສາມາດຊຳລະໜີ້ສິນ.           1. ວິສາຫະກິດແນວໃດ ທີ່ຢູ່ໃນສະພາວະລົ້ມລະລາຍ ຫຼື ໃກ້ຈະຢູ່ໃນສະພາວະລົ້ມລະລາຍ? ວິສາຫະກິດທີ່ໃກ້ຈະຢູ່ໃນສະພາວະລົ້ມລະລາຍ ໝາຍເຖິງວິສາຫະກິດທີ່ປະສົບຄວາມຫຍຸ້ງຍາກທາງດ້ານການເງິນ ຫຼື ຂາດສະພາບຄ່ອງທາງການເງິນຊຶ່ງຢູ່ໃນສະພາບທີ່ບໍ່ສາມາດຊຳລະໜີ້ສິນຂອງຕົນເມື່ອເຖິງກຳນົດເວລາ. ຕົວຢ່າງ: ໂຮງແຮມ A ປະສົບບັນຫາຈາກສະພາບການລະບາດຂອງພະຍາດປອດອັກເສບໂຄວິດ-19 ບໍ່ມີລູກຄ້າຫຼາຍເດືອນ ເຮັດໃຫ້ວິສາຫະກິດປະສົບບັນຫາຂາດທຶນຮອນຢ່າງໜັກໜ່ວງໃນການດຳເນີນທຸລະກິດ ເຊັ່ນ ຕ້ອງໄດ້ຊຳລະໜີ້ສິນການກູ້ຢືມຈາກທະນາຄານແຕ່ວິສາຫະກິດບໍ່ມີຄວາມສາມາດຊໍາລະໄດ້ແລ້ວ ຫຼື ຕ້ອງຊຳລະຄ່າວັດຖຸເຄື່ອງຂອງທີ່ສັ່ງເຂົ້າມາປະກອບໃນໂຮງແຮມ, ຄ່າແຮງງານພະນັກງານ ແລະ ໜີ້ສິນອື່ນໆ ທີ່ໂຮງແຮມ A ...

ທ່ານເຄີຍສັງເກດຕົນເອງ ຫຼື ບໍ່ວ່າ ທ່ານໃຊ້ເວລາວ່າງຂອງທ່ານໝົດໄປກັບຫຍັງເປັນສ່ວນໃຫຍ່ ຊຶ່ງແຕ່ລະຄົນກໍໃຊ້ ເວລາວ່າງໃນການພັກຜ່ອນຢ່ອນອາລົມດ້ວຍວິທີທີ່ແຕກຕ່າງກັນ ເຊັ່ນ ນອນ, ເບິ່ງໂທລະທັດ, ເບິ່ງໜັງ, ຟັງເພງ, ຫຼິ້ນກິລາ, ຫຼິ້ນດົນຕີ, ແຕ່ງກິນ, ເຮັດສວນ, ລ້ຽງສັດ. ຕິດຕາມຂ່າວສານຕາມສື່ສັງຄົມອອນລາຍຕ່າງໆ ແລະ ເຮັດກິດຈະກໍາອື່ນໆກັບຄອບຄົວ ຫຼື ໝູ່ເພື່ອນ. ຄົນເຮົາທຸກຄົນມີເວລາເທົ່າກັນ 24 ຊົ່ວໂມງ ໃນໜຶ່ງມື້ ແລ້ວເປັນຫຍັງຈຶ່ງ ມີຄົນບາງກຸ່ມສາມາດໃຊ້ປະໂຫຍດຈາກເວລາທີ່ມີເທົ່າກັນນີ້ໄດ້ດີກວ່າກຸ່ມຄົນອື່ນ. ຜູ້ຂຽນໄດ້ມີໂອກາດອ່ານປຶ້ມຫົວໜຶ່ງທີ່ໜ້າສົນໃຈຈຶ່ງຂໍນໍາເອົາເລື່ອງລາວມາບອກເລົ່າ ຊຶ່ງອາດເປັນເລື່ອງທີ່ທ່ານຍັງບໍ່ທັນຮູ້ ຫຼື ຮູ້ຢູ່ແລ້ວ ແຕ່ອາດເບິ່ງຂ້າມກໍເປັນໄດ້ ນັ້ນກໍຄື ການພັກຜ່ອນຢ່າງມີປະສິດທິພາບ. ແນ່ນອນວ່າ ເວລາ 24 ຊົ່ວໂມງ ຂອງເຮົາບໍ່ໄດ້ມີໃຫ້ໃຊ້ໄປກັບການເຮັດວຽກທັງໝົດ ເຮົາຈະມີການແບ່ງເວລາ ໃຫ້ແກ່ ວຽກງານ, ສ່ວນຕົວ, ຄອບຄົວ, ໝູ່ເພື່ອນ ເປັນຕົ້ນ ຂຶ້ນກັບວ່າ ແຕ່ລະຄົນຈະບໍລິຫານຈັດການແບບໃດ. ທ່ານເຊື່ອ ຫຼື ບໍ່ວ່າ ນອກຈາກເວລາ ໂດຍສະເລ່ຍ 8 ຊົ່ວໂມງຕໍ່ມື້ ທີ່ຄົນເຮົາໃຊ້ເຮັດວຽກໃຫ້ມີປະສິດທິພາບສູງສຸດແລ້ວ ເຮົາຍັງສາມາດໃຊ້ເວລາທີ່ເຫຼືອທີ່ໃຊ້ໄປກັບການພັກຜ່ອນມາເພີ່ມປະສິດທິພາບໃນການເຮັດວຽກຂອງເຮົາໄດ້ນໍາອີກ, ເພາະຄົນທີ່ມີປະສິດທິພາບນັ້ນ ຈະສາມາດເຮັດໃຫ້ການພັກຜ່ອນຂອງເຂົາມາເພີ່ມປະສິດທິພາບໃນການເຮັດວຽກໄປໃນຕົວ. ຄົນທີ່ມີປະສິດທິພາບ ...

ກົດໝາຍວ່າດ້ວຍການຟື້ນຟູ ແລະ ລົ້ມລະລາຍຂອງວິສາຫະກິດມີຜົນສັກສິດແຕ່ເດືອນມິຖຸນາ 2020. ມື້ນີ້ ຂ້າພະເຈົ້າຂໍແລກປ່ຽນບາງພື້ນຖານທີ່ສຳຄັນຂອງກ່ຽວກັບການຟື້ນຟູວິສາຫະກິດຕາມກົດໝາຍດັ່ງກ່າວ ຄື: 1. ການຟື້ນຟູວິສາຫະກິດ ແມ່ນຫຍັງ? ການຟື້ນຟູວິສາຫະກິດ ແມ່ນການແກ້ໄຂບັນຫາຂອງວິສາຫະກິດ ທີ່ປະສົບຄວາມຫຍຸ້ງຍາກທາງດ້ານການເງິນ ຊຶ່ງບໍ່ສາມາດຊຳລະໜີ້ສິນໄດ້ຂອງຕົນໄດ້. ຕົວຢ່າງ: ບໍລິສັດບໍລິການຈັດງານປະຊາສຳພັນແຫ່ງໜຶ່ງປະສົບຄວາມຫຍຸ້ງຍາກຈາກການຂາດສະພາບຄ່ອງຂອງທາງດ້ານການເງິນຢ່າງໜັກໜ່ວງ ຍ້ອນສະພາບການລະບາດຂອງພະຍາດປອດອັກເສບໂຄວິດ-19 ຊຶ່ງເຮັດໃຫ້ມີຜົນກະທົບຕໍ່ການດໍາເນີນທຸລະກິດຂອງບໍລິສັດ, ລູກຄ້າຂອງບໍລິສັດຍົກເລີກ ງານປະຊາສຳພັນສິນຄ້າ, ບໍລິສັດຕ້ອງໄດ້ຊໍາລະເງິນກູ້ຢືມຈາກທະນາຄານ, ບໍລິສັດຕ້ອງແບກຫາບເງິນເດືອນກຳມະກອນ ແລະ ພະນັກງານບໍລິສັດ ແລະ ອືື່ນໆ ນີ້ເປັນສະພາບຄວາມຫຍຸ້ງຍາກທາງດ້ານການເງິນ ຊຶ່ງບໍລິສັດ ກຳລັງປະສົບບັນຫາ ແລະ ເຫັນວ່າຕົນເອງອາດຈະຕົກຢູ່ໃນ “ວິສາຫະກິດທີ່ໃກ້ຈະຢູ່ໃນສະພາວະລົ້ມລະລາຍ”. ວິສາຫະກິດທີ່ໃກ້ຈະຢູ່ໃນສະພາວະລົ້ມລະລາຍ ແມ່ນສະພາບທີ່ວິສາຫະກິດຍັງບໍ່ທັນຢູ່ໃນສະພາວະລົ້ມລະ ລາຍ ແຕ່ວິສາຫະກິດດັ່ງກ່າວຮູ້ວ່າຕົ້ນມີຄວາມຫຍຸ້ງຍາກທາງດ້ານເງິນ ຈະບໍ່ສາມາດໃຊ້ແທນໜີ້ສິນໄດ້ ແລະ ອາດຈະລົ້ມລະລາຍໃນອະນາຄົດອັນໃກ້ໆນີ້. ເມື່ອມີຄວາມຫຍຸ້ງຍາກທາງດ້ານການເງິນ ຫຼື ຢູ່ໃນສະພາບທີ່ໃກ້ຈະຢູ່ໃນສະພາວະລົ້ມລາຍລາຍດັ່ງກ່າວ ວິສາຫະກິດເອງ, ເຈົ້າໜີ້ຂອງວິສາຫະກິດ, ບັນດາກຳມະກອນ, ຫຼື ພະນັກງານ/ກຳມະກອນຂອງວິສາຫະກິດສາມາດຮ້ອງຂໍຕໍ່ສານໃຫ້ຟື້ນຟູວິສາຫະກິດດັ່ງກ່າວ. 2. ເປັນຫຍັງຈຶ່ງຕ້ອງຂໍຟື້ນຟູວິສາຫະກິດ? ການຟື້ນຟູວິສາຫະກິດຈະຊ່ວຍ: (1). ເຮັດໃຫ້ເຈົ້າຂອງກິດຈະການ ຫຼື ບໍລິສັດໃດໜຶ່ງໄດ້ສາມາດສືບຕໍ່ດຳເນີນທຸລະກິດຂອງຕົນໄດ້ຕາມ “ແຜນຟື້ນຟູວິສາຫະກິດ”, ຖ້າໄດ້ຮັບການອະນຸມັດຈາກບັນດາເຈົ້າໜີ້; ແລະ (2). ໄດ້ຮັບການປົກປ້ອງຊັບສິນຂອງຕົນຈາກການດຳເນີນການທາງດ້ານກົດໝາຍຂອງເຈົ້າໜີ້ ເພື່ອເຮັດໃຫ້ລູກໜີ້ໄດ້ສືບຕໍ່ດຳເນີນກິດຈະການຂອງຕົນຕາມແຜນຟື້ນຟູວິສາຫະກິດ, ...