Author Archives: admin target

6 ປະເທດ ໄດ້ຮັບຜົນປະໂຫຍດຈາກແມ່ນ້ຳລ້ານຊ້າງ-ນ້ຳຂອງ ຮ່ວມກັນ…

ຕາມຂໍ້ມູນສະຖານທູດຈີນ ໃຫ້ຮູ້ວ່າ: ແມ່ນ້ຳລ້ານຊ້າງ-ແມ່ນ້ຳຂອງ ໄດ້ໄຫລຜ່ານ ຈີນ, ລາວ, ໄທ, ມຽນມາ, ກຳປູເຈຍ ແລະ ຫວຽດນາມ ຖືວ່າ ປະຊາຊົນ 6 ປະເທດນີ້ໄດ້ຮັບຜົນປະໂຫຍດ ແລະ ຮ່ວມຊະຕາກຳອັນດຽວກັນ, ຮ່ວມສ້າງວັດທະນະທຳ, ສ້າງບ້ານແປງເມືອງອັນດີງາມ, ສຸມກຳລັງເຂົ້າໃນການຕ້ານໄພແລ້ງ-ນ້ຳຖ້ວມໃນພາກພື້ນ, ຮ່ວມຄວບຄຸມໄພພິບັດຈາກນ້ຳ, ຮ່ວມພັດທະນາພື້ນຖານໂຄງລ່າງຊັບພະຍາກອນນ້ຳ, ແກ້ໄຂອຸທົກກະໄພ ແລະອື່ນໆ ຊຶ່ງໄດ້ກາຍເປັນຫົວຂໍ້ສຳຄັນຂອງການຮ່ວມມື ຂອງບັນດາປະເທດໃນແມ່ນ້ຳລ້ານຊ້າງ-ແມ່ນ້ຳຂອງ. ໃນຊຸມປີຜ່ານມາ, ເນື່ອງຈາກໄດ້ຮັບຜົນກະທົບຈາກການປ່ຽນແປງຂອງດິນຟ້າອາກາດໃນທົ່ວໂລກ ໄດ້ເກີດມີໄພນ້ໍາຖ້ວມ ແລະ ໄພແຫ້ງແລ້ງ ທີ່ຢູ່ພາຍໃນພາກພື້ນແມ່ນ້ຳດັ່ງກ່າວນີ້ ຊຶ່ງບັນດາປະເທດທີ່ຢູ່ຕາມແມ່ນ້ຳລ້ານຊ້າງ-ແມ່ນ້ຳຂອງ ໄດ້ແບ່ງປັນຂໍ້ມູນຂ່າວສານ ແລະ ປະສານສົບທົບວາງແຜນນຳກັນ ເພື່ອຮ່ວມກັນຮັບມືກັບສິ່ງທ້າທາຍ. ໃນຕະຫຼອດໄລຍະ 18 ປີຜ່ານມາ ຈີນ ໄດ້ສະໜອງຂໍ້ມູນອຸທົກກະສາດຂອງແມ່ນ້ຳລ້ານຊ້າງໃຫ້ແກ່ປະເທດຕ່າງໆຢູ່ລຸ່ມແມ່ນນ້ຳຂອງ. ພາຍຫຼັງກົນໄກແມ່ນ້ຳລ້ານຊ້າງ-ແມ່ນ້ຳຂອງສ້າງຕັ້ງຂຶ້ນແລ້ວ, ການຮ່ວມມືດ້ານການພັດທະນາ, ນຳໃຊ້ ແລະ ການຄຸ້ມຄອງຊັບພະຍາກອນນ້ຳ ຍິ່ງມີວິທີການທີ່ດີ ແລະ ມີປະສິດທິຜົນຫຼາຍຢ່າງ ຊຶ່ງໄດ້ຮັບການຊົມເຊີຍໂດຍທົ່ວໄປຈາກບັນດາ ປະເທດສະມາຊິກໃນກົນໄກດັ່ງກ່າວ. ໃນກອງປະຊຸມຜູ້ນຳຂອບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ ຄັ້ງທີ 3 ຫາກໍອັດລົງເມື່ອບໍ່ດົນມານີ້ ຈີນ ໄດ້ປະກາດວ່າເລີ່ມແຕ່ປີນີ້ເປັນຕົ້ນໄປ ຈະແບ່ງປັນຂໍ້ມູນອຸທົກກະສາດຂອງແມ່ນ້ຳລ້ານຊ້າງຕະຫຼອດປີ ໃຫ້ກັບບັນດາປະເທດລຸ່ມແມ່ນ້ຳຂອງ ...

Read More »

ສປປ ລາວ ແລະ EU ສຳເລັດ ກອງປະຊຸມ ດ້ານວິຊາການຮ່ວມ …

ເມື່ອບໍ່ດົນມານີ້, ສະຫະພາບເອີຣົບ (EU) ແລະ ສປປ ລາວ ໄດ້ຈັດກອງປະຊຸມທາງໄກ ດ້ານວິຊາການຮ່ວມ (JEM) ຄັ້ງທີ 4 ກ່ຽວກັບຂໍ້ຕົກລົງການເຂົ້າເປັນຄູ່ຮ່ວມການຄ້າໄມ້ ແບບສະໝັກໃຈ (VPA) ໃນແຜນງານ ການຈັດຕັ້ງປະຕິບັດ ກົດໝາຍປ່າໄມ້, ການຄຸ້ມຄອງ ແລະ ການຄ້າໄມ້ (FLEGT) ໂດຍມີບັນດາກະຊວງທີ່ກ່ຽວຂ້ອງ, ອົງການຈັດຕັ້ງທາງສັງຄົມ ແລະ ພາກເອກະຊົນເຂົ້າຮ່ວມ. ຂໍ້ຕົກລົງດັ່ງກ່າວ ມີຈຸດປະສົງ ເພື່ອສ້າງ ລະບົບກວດກາຢັ້ງຢືນຄວາມຖືກຕ້ອງ ຂອງໄມ້ ແລະ ຜະລິດຕະພັນໄມ້ ທີ່ຖືກຕ້ອງຕາມກົດໝາຍ ທີ່ຂຸດຄົ້ນ ແລະ ສົ່ງອອກ ໂດຍ ສປປ ລາວ. ສິ່ງເຫລົ່ານີ້ ຈະຊ່ວຍສົ່ງເສີມ ການຄ້າ ຜະລິດຕະພັນໄມ້ທີ່ຖືກຕ້ອງຕາມກົດໝາຍ, ປັບປຸງການຄຸ້ມຄອງປ່າໄມ້ ແລະ ປະກອບສ່ວນ ເຂົ້າໃນການສະກັດກັ້ນ ການຂຸດຄົ້ນໄມ້ທີ່ຜິດກົດໝາຍ. ທ່ານ ຊູຊາດ ໄຊຍະກຸມມານ ຫົວໜ້າ ກົມກົມປ່າໄມ້, ກະຊວງ ກະສິກຳ ແລະ ປ່າໄມ້, ໃນນາມ ປະທານຮ່ວມກອງປະຊຸມ ໄດ້ກ່າວວ່າ: ...

Read More »

ລັດແຈ້ງ ປັບຂຶ້ນ-ລົງ ລາຄານໍ້າມັນມີຜົນມື້ອື່ນເປັນຕົ້ນໄປ…

ລັດແຈ້ງປັບຂຶ້ນລາຄານໍ້າມັນແອັດຊັງ ສ່ວນກາຊວນແມ່ນປັບລາຄາລົງ ແຕ່ເພີ່ມຄັງແຮຂຶ້ນ ໂດຍມີຜົນນັບແຕ່ເວລາ 6:00 ໂມງ ຂອງວັນທີ 2 ຕຸລາ 2020 ເປັນຕົ້ນໄປ. ກະຊວງອຸດສາຫະກໍາ ແລະ ການຄ້າ ອອກແຈ້ງການສະບັບເລກທີ 0883/ອຄ.ກຄພນ; ລົງວັນທີ 1ຕຸລາ 2020 ເຖິງສະມາຄົມນໍ້າມັນເຊື້ອໄຟ ແລະ ອາຍແກັສ ບັນດາບໍລິສັດນໍ້າມັນເຊື້ອໄຟ ແລະ ປໍ້າຂາຍຍ່ອຍນໍ້າມັນເຊື້ອໄຟ ເລື່ອງແຈ້ງປັບລາຄາຂາຍຍ່ອຍນໍ້າມັນເຊື້ອໄຟ ໃນຂອບເຂດທົ່ວປະເທດ. ເຊິ່ງການປັບລາຄາໃນຄັ້ງນີ້ ແອັດຊັງພິເສດ ປັບຂຶ້ນ 150 ກີບຕໍ່ລີດ, ແອັດຊັງທໍາມະດາ ປັບຂຶ້ນ 110 ກີບຕໍ່ລີດ, ສ່ວນກາຊວນ ເພີ່ມຄັງແຮ 20 ກີບຕໍ່ລິດ ແລະ ປັບລົງລາຄາ 100 ກີບຕໍ່ລີດ. ດ້ານການຄິດໄລ່ເສຍພັນທະ ແລະ ຄ່າທໍານຽມຕ່າງໆ ແມ່ນໃຫ້ພາກສ່ວນກ່ຽວຂ້ອງຄິດໄລ່ເກັບຕາມທີ່ໄດ້ກໍານົດໄວ້ໃນໂຄງສ້າງລາຄານໍ້າມັນເຊື້ອໄຟ ສະບັບເລກທີ 0798/ກຄພນ.ຄສລ, ລົງວັນທີ 1 ຕຸລາ 2020 ຈົນກວ່າຈະມີການປ່ຽນແປງ. ທັ້ງນີ້ ໃຫ້ບັນດາບໍລິສັດນໍ້າມັນເຊື້ອໄຟ ປະຕິບັດຕາມເນື້ອໃນຂ້າງເທິງຢ່າງເຂັ້ມງວດ ແລະ ຄຸ້ມຄອງປໍ້າຂາຍຍ່ອຍຂອງຕົນ ...

Read More »

ທ່ານ Arnaud Caulier ປະທານສະພາການຄ້າ ແລະ ອຸດສະຫະກຳເອີຣົບ ປະຈຳ ສປປ ລາວ

ສະພາການຄ້າເອີຣົບ ເຮັດໜ້າທີ່ເປັນໜ່ວຍງານຜູ້ຕາງໜ້າ ໃຫ້ແກ່ປະຊາຄົມທຸລະກິດເອີຣົບໃນ ສປປ ລາວ ສຳລັບ ວາລະສານທາເກັດ ສະບັບເດືອນກັນຍາ ນີ້, ພວກເຮົາໄດ້ຮັບກຽດສຳພາດ ທ່ານ Arnaud Caulier, ທີ່ໄດ້ຖືກຮັບເລືອກໃຫ້ດຳລົງຕຳແໜ່ງ ປະທານສະພາການຄ້າ ແລະ ອຸດສະຫະກຳເອີຣົບ ປະຈຳ ສປປ ລາວ, ເຊິ່ງເພິ່ນຈະມາແບ່ງປັນວິໄສທັດຂອງ ສະພາການຄ້າເອີຣົບ ກັບພວກເຮົາໃນມື້ນີ້. ຂໍໃຫ້ທ່ານເລົ່າປະຫວັດຄວາມເປັນມາ ແລະ ພາລະກິດຂອງ ສະພາການຄ້າເອີຣົບໃນ ລາວ ສູ່ພວກເຮົາຟັງໄດ້ບໍ່? ສະພາການຄ້າ ແລະ ອຸດສະຫະກຳເອີຣົບ ປະຈຳ ສປປ ລາວ (ສະພາການຄ້າເອີຣົບ) ຖືກສ້າງຕັ້ງຂຶ້ນໃນປີ 2011 ໂດຍບັນດານັກທຸລະກິດຈາກເອີຣົບ, ເພື່ອສົ່ງເສີມ ສະຫະພາບເອີຣົບ ໃຫ້ກາຍເປັນຄູ່ຮ່ວມທຸລະກິດຂອງ ສປປ ລາວ. ນັບຕັ້ງແຕ່ມື້ສ້າງຕັ້ງເປັນຕົ້ນມາ, ສະພາການຄ້າເອີຣົບຂອງພວກເຮົາມີຈຸດປະສົງໃນການສະໜັບສະໜູນປະຊາຄົມທຸລະກິດເອີຣົບ ໃນລາວ, ເພື່ອສົ່ງເສີມການຄ້າ ລະຫວ່າງ ສະຫະພາບເອີຣົບ ແລະ ລາວ. ພ້ອມກັນນັ້ນ, ຍັງສົ່ງເສີມໃຫ້ລາວກາຍເປັນເປົ້າໝາຍການລົງທຶນຂອງນັກລົງທຶນຈາກເອີຣົບ ນຳອີກ. ມາຮອດປັດຈຸບັນ, ສະພາການຄ້າເອີຣົບເຮັດໜ້າທີ່ເປັນໜ່ວຍງານຜູ້ຕາງໜ້າຫຼັກໃຫ້ແກ່ ປະຊາຄົມທຸລະກິດເອີຣົບ ໃນ ສປປ ...

Read More »

ສິ່ງເຫຼົ່ານີ້..!!! ອາດແມ່ນໜຶ່ງສາເຫດຂອງນ້ຳຖ້ວມອັ່ງ…

ວັນທີ 24-28 ກັນຍາ 2020 ຫ້ອງການ ຄຸ້ມຄອງ ແລະ ບໍລິຫານຕົວເມືອງ (ຄບຕ) ນະຄອນຫຼວງວຽງຈັນ ໄດ້ອະນາໄມລ່ວງຮ່ອງລະບາຍນຳ້ຖະໜົນສຸພານຸວົງແຕ່ຫນ້າໂຮງແຮມ ລາວເທລ (ເມີກ້ຽວ ເກົ່າ) ຫາ ຫນ້າຮ້ານຂາຍລົດຟອດ ເຊີ່ງມີຄວາມຍາວປະມານ 300 ແມັດ .ວັນທີ 29 ກັນຍາ 2020 ຫ້ອງການ ຄບຕ ໄດ້ອະນາໄມລ່ວງຮ່ອງລະບາຍນຳ້ທາງເຂົ້າຫ້ອງການປົກຄອງເມືອງສີນາກ ແຕ່ໂຮງຮຽນ ວິຣິລາມົງແຕສໂຊຮີ ເຂົ້າໄປຫາຫ້ອງການປົກຄອງເມືອງ ເຊີ່ງມີຄວາມຍາວປະມານ 150 ແມັດ. ເພື່ອແກ້ໄຂບັນຫານຳ້ຖ້ວມອັ່ງຂັງ ແລະ ຮັບປະກັນໃຫ້ນຳ້ໄຫຼສະດວກດີໃນເວລາຝົນຕົກ ທັງເປັນການຫຼຸດຜ່ອນກິ່ນເໝັນເນົ່າຈາກສິ່ງເສດເຫຼືອທີ່ຕົກລົງໃນຮ່ອງດັ່ງກ່າວ. ທາງ ຄບຕ ຮຽກຮ້ອງມາຍັງພໍ່ແມ່ປະຊາຊົນທີ່ອາໃສຢູ່ໃນນະຄອນຫລວງວຽງຈັນ ຈົ່ງເປັນເຈົ້າການຮ່ວມກັນໃນການຮັກສາຄວາມສະອາດ ໂດຍບໍຖິ້ມສິ່ງເສດເຫຼືອຕ່າງໆຊະຊາຍ ແລະ ສີ່ງເສດເຫຼືອລົງຮ່ອງລະບາຍນຳ້. ແຫຼ່ງຂໍ້ມູນ: lao youth radio

Read More »

ກະຊວງການຕ່າງປະເທດ ກຽມພ້ອມຈັດກອງປະຊຸມໃຫຍ່ ຄັ້ງທີ IV…

ໃນວັນທີ 30 ກັນຍາ 2020 ທີ່ ກະຊວງການຕ່າງປະເທດ, ສະຫາຍ ສະເຫລີມໄຊ ກົມມະສິດ ກຳມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງການຕ່າງ ປະເທດ ແຫ່ງ ສປປ ລາວ ໄດ້ໃຫ້ສຳພາດຕໍ່ສື່ມວນຊົນລາວ ໃນການກະກຽມຄວາມພ້ອມໃຫ້ແກ່ການດຳເນີນກອງປະຊຸມໃຫຍ່ ຄັ້ງທີ IV ຂອງອົງຄະນະພັກກະຊວງການຕ່າງປະເທດ, ຊຶ່ງຈະໄຂຂຶ້ນຢ່າງເປັນທາງການ ໃນເດືອນ ຕຸລາ 2020 ນີ້. ສະຫາຍ ລັດຖະມົນຕີ ກ່າວວ່າ: ມາຮອດປັດຈຸບັນ, ການກະກຽມດ້ານຕ່າງໆ ແມ່ນມີຄວາມຄືບໜ້າ ແລະ ດຳເນີນໄປຕາມແຜນການທີ່ໄດ້ວາງໄວ້ ໂດຍສະເພາະແມ່ນດ້ານບຸກຄະລາກອນ, ດ້ານເນື້ອໃນ, ດ້ານວຽກງານຂະບວນການ, ພິທີການ ແລະ ອື່ນໆ. ດ້ານບຸກຄະລາກອນ ໄດ້ສໍາເລັດການຈັດກອງປະຊຸມທາບທາມ ໃນຮອບທີ I, ຮອບທີ II ແລະ ຮອບທີ III ເພື່ອຄັດເລືອກເອົາບັນດາສະຫາຍ ຜູ້ທີ່ມີເງື່ອນໄຂມາດຖານ ປະກອບເຂົ້າໃນຄະນະບໍລິຫານງານພັກຊຸດໃໝ່ ກະຊວງການຕ່າງປະເທດ ສະໄໝທີ IV. ພ້ອມທັງສໍາເລັດການຄັດເລືອກເອົາຜູ້ແທນສົມບູນ ຂອງແຕ່ລະໜ່ວຍ ເພື່ອເປັນຕົວແທນຂອງສະມາຊິກພັກທັງໝົດ ຂອງກະຊວງການຕ່າງປະເທດ ທັງພາຍໃນ ...

Read More »

ສທຍ ແລະ EU ຫາລືຄວາມເປັນໄປໄດ້ໃນການຮ່ວມມື…

ວັນທີ 30 ກັນຍາ 2020 ທີ່ຫ້ອງປະຊຸມ VIP ຕຶກ K&C ນະຄອນຫຼວງວຽງຈັນ, ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງ (ສທຍ) ຕ້ອນຮັບ ທ່ານ ນາງ Ina MARCIULIONYTE ເອກອັກຄະລັດຖະທູດ ສະຫະພາບເອີຣົບ (EU) ປະຈຳ ສປປ ລາວ ໃນໂອກາດລົງຢ້ຽມຢາມ ຮ່ວມປຶກສາຫາລືແລກປ່ຽນຄຳຄິດເຫັນ ໃນການຮ່ວມມືກັນ ລະຫວ່າງ ສະມາຄົມນັກທຸລະກິດແມ່ຍິງ (ສທຍ) ແລະ ສະຫະພາບເອີຣົບ (EU) ໂດຍມີ ພະນັກງານພາຍໃນຫ້ອງການ ທີ່ຮັບຜິດຊອບແຕ່ລະວຽກງານ, ຕາງໜ້າຄະນະທູດເອີຣົບ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ໂອກາດດັ່ງກ່າວນີ້ ຕາງໜ້າໃຫ້ສະມາຄົມນັກທຸລະກິດແມ່ນຍິງ ໄດ້ຍົກໃຫ້ເຫັນສະພາບກຳລັງການຜະລິດ, ທຸລະກິດຕ່າງໆຂອງສະມາຄົມນັກທຸລະກິດແມ່ຍິງລາວ, ທີ່ພວມຂະຫຍາຍຕົວນັບມື້ນັບເຂັ້ມແຂງ ແລະ ມີຄຸນນະພາບ ທີ່ສາມາດສົ່ງສິນຄ້າໄປຢ່າງກວ້າງຂວາງ ແຕ່ກໍຍັງປາສະຈາກບໍ່ໄດ້ໃນຂໍ້ຫຍຸ້ງຍາກບາງດ້ານ ທີ່ຍັງເປັນອຸປະສັກຕໍ່ຄວາມກ້າວໜ້າດັ່ງກ່າວ, ຈຶ່ງຢາກໃຫ້ທາງຄະນະທູດ ເອີຣົບ ຊ່ວຍຊຸກຍູ້ ແລະ ຊີ້ແຈງຕໍ່ບາງບັນຫາທ້າທາຍທີ່ສຳຄັນ ໃນການພັດທະນາສັກຍະພາບຂອງ ທຸລະກິດແມ່ຍິງ, ທີ່ຈະມີຄວາມເປັນໄປໄດ້ໃນດ້ານຕ່າງໆ ເພື່ອການຮ່ວມມືໃນຕໍ່ໜ້ານີ້. ...

Read More »

ສຳເລັດສ່ວນໜຶ່ງ ເຂື່ອນໄຟຟ້າເຊລະນອງ 1 ທົດລອງຜະລິດກະແສໄຟຟ້າ…

ມາຮອດປັດຈຸບັນ ເຂື່ອນໄຟຟ້າເຊລະນອງ 1 ທີ່ມີກໍາລັງການຜະລິດ 70 MW, ຕົວເຂື່ອນສາມາດບັນຈຸນ້ຳໄດ້ 284 ລ້ານແມັດກ້ອນ, ສາມາດຜະລິດໄຟຟ້າໄດ້ 2.669 Kw/h ໄດ້ກໍ່ສ້າງໄດ້ສຳເລັດໄປໂດຍພື້ນຖານ ແລະ ໄດ້ເລີ່ມທົດລອງທຳການຜະລິດໄປສ່ວນໜຶ່ງ. ພາບປະກອບ ທ່ານ ເສີນ ບາວ ລອງ ຮອງຜູ້ອຳນວຍການໃຫຍ່ຝ່າຍຈີນ ໄດ້ລາຍງານໃຫ້ຮູ້ວ່າ: ເຂື່ອນໄຟຟ້າເຊລະນອງ 1 ແມ່ນເຂື່ອນໄຟຟ້າຂະໜາດໃຫຍ່ແຫ່ງທຳອິດ ໃນແຂວງສະຫວັນນະເຂດ ໄດ້ເລີ່ມລົງມືກໍ່ສ້າງມາແຕ່ປີ 2018, ມີກຳລັງການຜະລິດຂະໜາດ 70 MW, ຕົວເຂື່ອນສາມາດບັນຈຸນ້ຳໄດ້ 284 ລ້ານແມັດກ້ອນ, ສາມາດຜະລິດໄຟຟ້າໄດ້ 2.669 Kw/h ໄດ້ສຳເລັດໄປແລ້ວສ່ວນໜຶ່ງ ແຕ່ສິ່ງທີ່ສຳຄັນທີ່ຍັງເປັນຂໍ້ຄົງຄ້າງ ແມ່ນການຍົກຍ້າຍປະຊາຊົນ ໂດຍມີບ້ານທີ່ຖືກຜົນກະທົບ 2 ບ້ານ ຈຳນວນ 88 ຫຼັງຄາເຮືອນ, ໃນນັ້ນມີບ້ານລອຍນ້ຳ 32 ຫຼັງຄາເຮືອນ ແລະ ບ້ານລະເບົານ້ຳ 56 ຫຼັງຄາເຮືອນ ພາບປະກອບ ເຊິ່ງປັດຈຸບັນທາງບໍລິສັດ ກໍຄືໂຄງການເຂື່ອນໄຟຟ້າເຊລະນອງ 1 ໄດ້ມີການຈັດຫາສະຖານທີ່, ບຸກເບີກເສັ້ນທາງ, ປຸກສ້າງເຮືອນຢູ່, ...

Read More »

ຕະຫຼາດນັດຢ້ອນຍຸກ ປົກປັກຮັກສາຮີດຄອງ ພ້ອມກະຕຸ້ນເສດຖະກິດ…

ພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວ ນະຄອນຫຼວງວຽງຈັນ (ຖວທ ນວ) ຮ່ວມກັບ ບໍລິສັດ ກຣິດຕິພົງ ເອັນເຕີເທນເມັນ ອີເວັນ-ອໍກະໄນເຊີ ແລະ ສູນການຄ້າວຽງຈັນເຊັນເຕີ ຈັດງານເປີດຕະຫຼາດນັດຢ້ອນຍຸກ ແລະ ໄຫຼເຮືອໄຟ ປະຈໍາປີ 2020 ແນໃສ່ເປັນການປົກປັກຮັກສາຮີດຄອງປະເພນີອັນດີງາມຂອງລາວເຮົາ ພ້ອມຍັງເປັນການກະຕຸ້ນເສດຖະກິດພາຍຫຼັງໄດ້ຮັບຜົນກະທົບຈາກ COVID-19. ໃນງານຕະຫຼາດນັດຢ້ອນຍຸກຄັ້ງນີ້ ມີຜູ້ປະກອບການເຂົ້າຮ່ວມ 50 ຮ້ານ ໃນນັ້ນລວມມີຮ້ານຂາຍຂອງຫວານ ແລະ ນໍ້າຈາກພືດທີ່ດີຕໍ່ສຸຂະພາບ 15 ຮ້ານ ຂາຍເຄື່ອງຫັດຖະກໍາ ຜ້າໄໝ ຜ້າຝ້າຍ ຜະລິດຕະພັນຕ່າງໆ ແລະ ສິນຄ້າ ODOP ຈໍານວນ 20 ຮ້ານ ແລະ ຮ້ານຂາຍອາຫານພື້ນເມືອງ ຫຼື ອາຫານທົ່ວໄປ 15 ຮ້ານ ເຊິ່ງງານດັ່ງກ່າວຈະດໍາເປັນເວລາ 5 ວັນ ແຕ່ວັນທີ 28 ກັນຍາ-2 ຕຸລາ 2020 ນີ້.ງານດັ່ງກ່າວໄດ້ເປີດຂຶ້ນເປັນທາງການ ໃນວັນທີ 28 ກັນຍາ 2020 ...

Read More »

ອຸບັດຕິເຫດຢູ່ບໍ່ຖ່ານຫີນ ສປ ຈີນ ເສຍຊີວິດ 16 ຄົນ…

ສຳນັກຂ່າວ ເອເອຟພີ ລາຍງານ ຈາກນະຄອນຫຼວງ ປັກກິງ ຂອງຈີນວ່າ: ວັນທີ 27 ກັນຍາ 2020, ມີຜູ້ເສຍຊີວິດຢ່າງໜ້ອຍ 16 ຄົນ ແລະ ບາດເຈັບໜັກ 1 ຄົນ ຫຼັງຕິດຢູ່ ໃນບໍ່ຖ່ານຫີນ ໃຕ້ພື້ນດິນ ຢູ່ທາງພາກຕາເວັນຕົກສຽງໃຕ້ຂອງ ຈີນ, ຈາກອຸບັດຕິເຫດ ທີ່ບໍ່ຖ່ານຫີນ ຊົງເຈົາ ຂອງບໍລິສັດ ລັດຖະບານ ຈີນ (ສົງຊິງ ອີເນີຈີ) ໃນເມືອງສີຈຽງ ເທດສະບານ ນະຄອນສົງຊິງ, ເຮັດໃຫ້ເກີດມີໄຟໄໝ້ ສາຍພານລຳລຽງ ສົ່ງຜົນໃຫ້ເກີດ ແກັດຄາບອນ ມໍນອກໄຊ ໃນລະດັບ ອັນຕະລາຍ, ໂດຍກຸ່ມຄົນງານທີ່ຕິດຢູ່ໃຕ້ດິນ ຕ້ອງສູບດົມຄວັນແກັດ ທີ່ແຜ່ກະຈາຍໃນອຸມົງ ຈົນໝົດສະຕິ ແລະ ເສຍຊີວິດ. ຂະນະນີ້ ເຈົ້າໜ້າທີ່ ພວມເລັ່ງ ສືບສວນສອບສວນ ຫາສາເຫດຕົ້ນຕໍທີ່ເກີດຂື້ນ ໃນຄັ້ງນີ້. ອຸບັດຕິເຫດ ບໍ່ແຮ່ເກີດຂື້ນທົ່ວໄປໃນປະເທດຈີນ ສາເຫດສ່ວນໃຫຍ່ ເກີດຈາກມາດຕະຖານ ຄວາມປອດໄພຕ່ຳ ແລະ ການບໍ່ເອົາໃຈໃສ່ ກົດລະບຽບ. ...

Read More »