ໃນຕອນເຊົ້າ ຂອງວັນທີ 05 ມີນາ 2021 ສະຫະພັນແມ່ຍິງ ຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ໄດ້ຈັດກອງປະຊຸມສະຫຼຸບການເຄື່ອນໄຫວວຽກງານແມ່ຍິງ, ສະຫຼຸບການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ປະຈຳປີ 2020 ແລະ ຫວນຄືນມູນເຊື້ອວັນແມ່ຍິງສາກົນ ຄົບຮອບ 111 ປີ (8 ມີນາ 1910 – 8 ມີນາ 2021) ຢູ່ຫ້ອງວ່າການສຳນັກງານນາຍົກລັດຖະມົນ, ໂດຍໃຫ້ກຽດເຂົ້າ ຮ່ວມ ແລະ ເປັນປະທານຂອງ ສະຫາຍ ຄຳເຈນ ວົງໂພສີ, ກຳມະການສູນກາງພັກ, ເລຂາຄະນະພັກ, ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ; ມີບັນດາສະຫາຍຄະນະພັກຮາກຖານ, ຄະນະໜ່ວຍພັກ, ສະມາຊິກສະຫະພັນແມ່ຍິງ ຫສນຍ ແລະ ແຂກຖືກເຊີນ ເຂົ້າຮ່ວມ. ຈຸດປະສົງຂອງກອງປະຊຸມໃນຄັ້ງນີ້ ເພື່ອສະຫຼຸບຕີລາຄາຄືນການເຄື່ອນໄຫວວຽກ ງານແມ່ຍິງ ແລະ ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 3 ດີ ປະຈຳປີ 2020 ແລະ ຜ່ານແຜນການເຄື່ອນໄຫວວຽກງານ ແລະ ເປີດຂະບວນການແຂ່ງຂັນວຽກງານ 3 ດີ ...

  ຕອນບ່າຍຂອງວັນທີ 5 ມີນາ 2021 ທີ່ຜ່ານມາ ຄະນະຈັດຕັ້ງຈາກສະພາແຫ່ງຊາດ ໄດ້ມອບຫຼຽນກາທີ່ລະນຶກ ສະມາຊິກສະພາແຫ່ງຊາດ ແລະ ຫຼຽນກາລະນຶກ 45 ປີ ໃຫ້ແກ່ ທ່ານ ພາ ວົງໄຊ (ພະຍາ ພັທນະທັມມະພິທັກ) ທີ່ໄດ້ປະກອບສ່ວນເຂົ້າໃນການຕໍ່ສູ້ກູ້ຊາດ ແລະ ສ້າງສາພັດທະນາປະເທດຊາດ. ດ້ວຍຜົນງານທີ່ພົ້ນເດັ່ນປະກອບຊ່ວຍສະໄໜຕໍ່ສູ້ກູ້ຊາດ ແລະ ສ້າງສາພັດທະນາປະເທດຊາດ ແມ່ນໄລຍະທີ່ຜູ້ນໍາທັງ 16 ທ່ານ ຖືກຄັງຄຸກໂພນເຄັງ ທ່ານໄດ້ເປັນຫົວໜ້າສານວຽງຈັນ ແລະ ເປັນຫົວໜ້າສືບສວນສອບສວນເພື່ອເອົາຄວາມຜິດຂອງຜູ້ນໍາດັ່ງກ່າວ, ດ້ວຍຄວາມຮັກຊາດ ແລະ ຄວາມເຫັນດີເຮັດຕາມຄວາມຖືກຕ້ອງເປັນທໍາ ທ່ານກໍໄດ້ແກ່ເວລາຍືດເຍື້ອເພື່ອເອົາເຫດເອົາຜົນ ແລະ ສຸດທ້າຍທ່ານຜູ້ນໍາເຮົາກໍໄດ້ໂຕນອອກຈາກຄຸກໄດ້ຢ່າງປອດໄພ ແລະ ນອກຈາກນັ້ນ,​ ກໍໄດ້ຊ່ວຍໃນຫຼາຍດ້ານໃຫ້ແກ່ການປະຕິວັດຂອງພວກເຮົາພາຍຫຼັງກໍໄດ້ຖືກແຕ່ງຕັ້ງເປັນມົນຕີກະຊວງການເມືອງ ແລະ ກໍເປັນສະມາຊິກສະພາແຫ່ງຊາດຊຸດທໍາອິດ ທີ່ປະກອບສ່ວນໃນການສ້າງລັດຖະທໍາມະນູນກົດໜາຍຂອງລາວເຮົາ ເພາະທ່ານເປັນຜູ້ຮູ້ໃນເລື່ອງຂອງກົດໜາຍດີ.​ ມອບຫຼຽນທີ່ລະນຶກອັນຊົງກຽດໃນຄັ້ງນີ້ ນໍາພາໂດຍ ທ່ານນາງ ສວນສະຫວັນ ວິຍະເກດ ກຳມະການສູນກາງພັກ ເລຂາທິການສະພາແຫ່ງຊາດ, ພ້ອມດ້ວຍຄະນະ ຢູ່ທີ່ ຕຶກ ເຄຊີ (K&C) ນະຄອນຫຼວງວຽງຈັນ, ຕາງໜ້າຮັບ ໂດຍທ່ານ ...

ເພື່ອເປັນການສະເຫຼີມສະຫຼອງວັນອ່ານໂລກ (4 ມີນາ) ແລະ ສ້າງຂະບວນການສະເຫຼີມສະຫຼອງວັນແມ່ຍິງສາກົນ (8 ມີນາ), ໂດຍສະເພາະແມ່ນເພື່ອທີ່ຈະເປັນສ່ວນໜຶ່ງໃນການປູກຝັງນິໄສມັກການອ່ານ ການຂຽນ ໃຫ້ແກ່ໄວໜຸ່ມລາວ ເພື່ອພວກເຂົາໄດ້ເຕີບໃຫຍ່ພ້ອມໆກັບຄວາມຮູ້ທີ່ກວ້າງຂວາງ, ມີຄວາມສາມາດທຽບເທົ່າກັບພາກພື້ນ ແລະ ສາກົນ. ໃນວັນທີ 4 ມີນາ 2021 ຄະນະອັກສອນສາດ ມະຫາວິທະຍາໄລແຫ່ງຊາດ ຮ່ວມກັບບໍລິສັດໂມນິວເມັນຈຳກັດ ແລະ ຮ້ານປຶ້ມດີບຸກ ໄດ້ຈັດງານເທສະການປຶ້ມອ່ານ ປະຈໍາປີ 2021 ຂຶ້ນ ທີ່ສະໂມສອນໃຫຍ່ມະຫາວິທະຍາໄລແຫ່ງຊາດ. ເຂົ້າຮ່ວມເປີດງານໂດຍ ທ່ານ ປອ. ນາງ ທອງມາລາ ໂພສີຄຳ ຮອງຄະນະບໍດີ ຄະນະອັກສອນສາດ, ທ່ານ ສົມໄໝ ພົມມະຈັນ ເຈົ້າຂອງຮ້ານປຶ້ມດີບຸກ, ທ່ານ ນາງ ດວງມາລາ ພົມມະວົງ ຜູ້ອຳນວຍການບໍລິສັດ ໂມນີເມັນ, ພ້ອມດ້ວຍຄູອາຈານ, ນັກສຶກສາ ແລະ ແຂກທີ່ຖືກເຊີນເຂົ້າຮ່ວມ. ທ່ານ ສົມສະໄໝ ພົມມະຈັນ ເຈົ້າຂອງຮ້ານປຶ້ມດີບຸກ ແລະ ທັງເປັນຜູ້ຮັບຜິດຊອບຈັດງານເທສະການປຶ້ມອ່ານປີ 2021 ໄດ້ກ່າວວ່າ: ການຈັດງານເທສະການປຶ້ມ (Book ...

​ອອກມາຜົນເລືອກຕັ້ງ!​ ສສຊ ຊຸດທີ IX ມີທັງໝົດ 164 ທ່ານ, ຍິງ 35 ທ່ານອີງຕາມການລາຍງານຜົນການສັງລວມຄະແນນ ຂອງການປ່ອນບັດເລືອກຕັ້ງ ສະມາຊິກສະພາແຫ່ງຊາດ ຊຸດທີ IX ຄັ້ງວັນທີ 25 ກຸມພາ 2021 ຂອງຄະນະກໍາມະການເລືອກຕັ້ງແຂວງ, ນະຄອນຫຼວງ ໃນທົ່ວປະເທດ.ຄະນະກຳມະການເລືອກຕັ້ງລະດັບຊາດ ປະກາດແຈ້ງການກ່ຽວກັບຜູ້ໄດ້ຮັບການເລືອກຕັ້ງ ເປັນສະມາຊິກສະພາແຫ່ງຊາດ ຊຸດທີ IX ຊຶ່ງມີຈຳນວນທັງໝົດ 164 ທ່ານ, ຍິງ 35 ທ່ານ ລາຍຊື່ລະອຽດໃນແຕ່ລະເຂດເລືອກຕັ້ງ ມີດັ່ງນີ້:

ໃນວັນທີ 4 ມີນາ 2021 ໂຮງໝໍຈຳປາສັກ ໄດ້ເປີດກອງປະຊຸມຊີ້ແຈ້ງການໃຫ້ວັກແຊັງກັນພະຍາດ ໂຄວິດ-19 ແລະ ການສັກວັກແຊັງເຂັມທໍາອິດທີ່ແຂວງຈໍາປາສັກ ໄດ້ຈັດຂຶ້ນໂດຍໃຫ້ກຽດເປັນປະທານຂອງ ທ່ານ ຮສ.ດຣ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ທ່ານ ສາຍທອງ ໄຊຍະວົງ ຮອງເຈົ້າແຂວງ ພ້ອມດ້ວຍຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຂັ້ນແຂວງ, ເຈົ້ານະຄອນປາກເຊ, ຫົວຫນ້າດ່ານສາກົນ, ຫົວໜ້າໂຮງຫມໍອ້ອມຂ້າງ, ພະນັກງານແພດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ດຣ. ກິດສະດາ ນໍລະແສງ ຕ່າງໜ້າຂະແໜງອະນາໄມສົ່ງເສີມສຸຂະພາບ ໄດ້ຂຶ້ນຊີ້ແຈງການໃຫ້ວັກແຊັງກັນພະຍາດໂຄວິດ-19 ໃຫ້ແກ່ຄະນະສະເພາະກິດຕ້ານໂຄວິດ-19 ຂັ້ນແຂວງກ່ຽວກັບທີ່ໄປທີ່ມາຂອງວັກແຊັງ ແລະ ຂໍດີຂໍ້ເສຍຂອງການສັກວັກແຊັງ. . ບຸກຄະລາກອນທີ່ຈະໄດ້ສັກວັກແຊັງກ່ອນຄື: ພະນັກງານແພດໝໍ, ພະນັກງານດ່ານກວດກາຄົນເຂົ້າເມືອງ ແລະ ບຸກຄົນທີ່ມີຄວາມສ່ຽງສູງໃນການສຳຜັດກັບພະຍາດໂຄວິດ-19 ແລະ ພະນັກງານ, ນັກທຸລະກິດທີ່ຈະອອກໄປຕ່າງປະເທດ ເນື່ອງຈາກວ່າວັກແຊັງມີຈຳນວນຈຳກັດ ຈຶ່ງຈຳເປັນຕ້ອງສັກໃຫ້ບຸກຄະລາກອນ ແລະ ບຸກຄົນທີ່ມີຄວາມສ່ຽງສູງກ່ອນ. . ໃນຕອນທ້າຍ ທ່ານ ຮສ.ດຣ ພູທອນ ເມືອງປາກ ໄດ້ກ່າວໃຫ້ທິດຊີ້ນຳໃນການສັກຢາຕ້ານພະຍາດໂຄວິດ-19 ...

ວິທະຍຸກະຈາຍສຽງຫວຽດນາມລາຍງານວ່າ: ທ້າຍເດືອນກຸມພາຜ່ານມາ, ທ່ານ ໂຈ ໄບເດັນ ປະທານາທິບໍດີ ອາເມຣິກາ ໄດ້ຊົມເຊີຍສະພາຕ່ຳອາເມຣິກາ ໄດ້ຮັບຮອງເອົາບ້ວງເງິນຊ່ວຍກູ້ໂຣກລະບາດ ໂຄວິດ-19 ທີ່ມີມູນຄ່າ 1.900 ຕື້ໂດລາ, ພ້ອມທັງກະຕຸກຊຸກຍູ້ສະພາສູງ ຈົ່ງມີບາດກ້າວເດີນເຊັ່ນດຽວກັນ.ຂ່າວລະບຸວ່າ: ກ່າວຄຳເຫັນຕໍ່ນັກຂ່າວຢູ່ທຳນຽມຂາວ, ທ່ານ ໂຈ ໄບເດັນ ໄດ້ເນັ້ນໜັກວ່າ: ບ້ວງເງິນຊ່ວຍກູ້ຄວນໄດ້ຮັບການຮັບຮອງໂດຍໄວ. ບ້ວງເງິນຊ່ວຍໜູນດ້ານເສດຖະກິດຂອງອຳນາດການປົກຄອງປະທານະທິບໍດີ ມີຂອບຂະໜາດໃຫຍ່ທົບສອງເທົ່າ ເມື່ອທຽບໃສ່ບ້ວງເງິນຊ່ວຍໜູນ ຊຶ່ງສະພາແຫ່ງຊາດອາເມຣິກາ ໄດ້ຮັບຮອງເອົາເມື່ອປີ 2020, ພາຍຫຼັງດຳເນີນການເຈລະຈາ ລະຫວ່າງ ພັກປະຊາທິປະໄຕ ແລະ ພັກສາທາລະນະເປັນເວລາຫຼາຍເດືອນ.

ບໍລິສັດ ຂໍ້ມູນຂ່າວສານສິນເຊື່ອ ແຫ່ງ ສປປ ລາວ (ຂສລ) ແລະ ບໍລິສັດ ບີເອສເຄ ລົງທຶນ ແລະ ບໍລິການຈໍາກັດຜູ້ດຽວ ໄດ້ຈັດພິທີເຊັນບົດບັນທຶກການຊ່ວຍເຫຼືອລ້າ ດ້ານວິຊາການໃນການສ້າງຜະລິດຕະພັນໃຫ້ຄະແນນສິນເຊື່ອບຸກຄົນ (Credit Scoring) ໃນວັນທີ04 ມີນາ 2021 ຢູູ່ທີ່ຫ້ອງປະຊຸມກົມຄຸ້ມຄອງສະຖາບັນການເງິນ, ທະນາຄານແຫ່ງ ສປປ ລາວ (ທຫລ) ໂດຍການໃຫ້ກຽດເຂົົ້າຮ່ວມເປັນສັກຂີພິຍານຂອງທ່ານ ພຸດທະໄຊ ສີວິໄລ ຮອງຜູ້ວ່າການ ທຫລ ແລະ ມີບັນດາຄະນະປະທານ, ຄະນະກົມ, ຄະນະອໍານວຍການກ່ຽວຂ້ອງຂອງທັງສອງພາກສ່ວນເຂົົ້າຮ່ວມ. ການລົງນາມໃນບົດບັນທຶກການຊ່ວຍເຫຼືອລ້າ ດ້ານວິຊາການໃນການສ້າງຜະລິດຕະພັນໃຫ້ຄະແນນສິນເຊື່ອບຸກຄົນ (Credit Scoring) ໃນຄັົ້ງນີົ້ຕາງໜ້າໂດຍ ທ່ານ ນາງ ວິນຄ າ ລຸນທອນ ຜູ້ອໍານວຍການໃຫຍ່ ບໍລິສັດ ຂສລ ແລະ ທ່ານ ດີລິບ ເຈສຸທາສັນ ຜູ້ອໍານວຍການ ບໍລິສັດ ບີເອສເຄ, ຮອງປະທານກຸ່ມບໍລິສັດ AIF ແລະ ການສ້າງຜະລິດຕະພັນໃຫ້ຄະແນນສິນເຊື່ອຂອງບຸກຄົນ (Credit Scoring) ກໍແມ່ນວຽກງານໜຶື່ງທີ່ສໍາຄັນ ...

ທ່ານ ດາວວົງ ພອນແກ້ວ, ຮອງລັດຖະມົນຕີກະຊວງພະລັງງານແລະບໍ່ແຮ່ເປີດເຜີຍຕໍ່ສື່ບໍ່ດົນມານີ້ວ່າ: ການລົງທຶນຂອງ ສປ ຈີນ ຢູ່ໃນຂົງເຂດການພັດທະນາດ້ານພະລັງງານຢູ່ ສປປ ລາວ ນັ້ນ,ຮອດທ້າຍປີ 2020 ໂຄງການເຂື່ອນໄຟຟ້າທີ່ບໍລິສັດຈີນ ລົງທຶນມີ 11 ໂຄງການລວມມີເຂື່ອນ 16 ແຫ່ງ ມີກຳລັງແຮງຕິດຕັ້ງ 2.256 ເມກາວັດ ໃນນັ້ນແຫ່ງມີກຳລັງແຮງຕິດຕັ້ງ 44% ຂອງການສະໜອງໄຟຟ້າພາຍໃນປະເທດ. ໃນໄລຍະທີ່ຜ່ານມາ, ນັກລົງທຶນຈາກ ສປ ຈີນ ໄດ້ເຂົ້າມາມີບົດບາດສຳຄັນໃນການຮ່ວມມືພັດທະນາວຽກງານພະລັງງານໄຟຟ້າທັງໃນຖານະເປັນຜູ້ສະໜອງທຶນ, ຜູ້ຮັບເໝົາ, ຜູ້ສະໜອງອຸປະກອນການຜະລິດໄຟຟ້າ, ຜູ້ດຳເນີນການສຶກສາອອກແບບ ແລະຄູ່ຮ່ວມທຸລະກິດ. ສ່ວນການລົງທຶນຂອງຜູ້ລົງທຶນຈາກ ສປ ຈີນ ຢູ່ໃນຂົງເຂດການພັດທະນາວຽກງານທໍລະນີສາດ-ແຮ່ທາດນັ້ນກໍຍັງແມ່ນການລົງທຶນທີ່ຢູ່ໃນອັນດັບຕົ້ນໆຂອງບັນດາປະ ເທດທີ່ມາລົງທຶນຢູ່ລາວຄືກັນກັບການລົງທຶນຢູ່ໃນຂົງເຂດການພັດທະນາວຽກງານພະລັງສານໄຟຟ້າ.ມາຮອດປະຈຸບັນນີ້, ມີນັກລົງທຶນຈາກ ສປ ຈີນ ທີ່ໄດ້ຮັບອະນຸມັດຈາກລັດຖະບານ ສປປ ລາວ ລົງ ທຶນເຂົ້າໃນການພັດທະນາດ້ານທໍລະນີສາດ-ບໍ່ແຮ່ຈຳນວນ 52 ບໍລິ ສັດ, ມີ 79 ກິດຈະການໃນນີ້: ຊອກຄົ້ນມີ 11 ກິດຈະການ, ສຳຫຼວດມີ 40 ກິດຈະການ ແລະສຶກສາຄວາມເປັນໄປໄດ້ທາງດ້ານເສດຖະກິດ-ເຕັກນິກເບື້ອງຕົ້ນມີ 28 ...

ຂ່າວສານຊີອາໄອລາຍງານວ່າ: ທ່ານ ນາງ ແອວວີລາ ຊຶ່ງແມ່ນແມ່ຍິງຄົນທໍາອິດ ທີ່ໄດ້ຂຶ້ນຮັບຕຳແໜ່ງເປັນຜູ້ອຳນວຍການໃຫຍ່ອົງການການຄ້າໂລກ ຄົນທີ 7 ຢ່າງເປັນທາງການ. ຂ່າວລາຍງານວ່າ: ທ່ານ ນາງ ເອັນໂກຊີ ໂອໂຄນໂຈ ແອວວີລາ ນັກເສດຖະສາດ ຊາວນິເຊຣີ ຈະດຳລົງຕຳແໜ່ງ ເປັນຜູ້ອຳນວຍການໃຫຍ່ອົງການການຄ້າໂລກ ຫຼື WTO ຈົນຮອດວັນທີ 31 ສິງຫາປີ 2025. ຜູ້ອຳນວຍການໃຫຍ່ອົງການດັ່ງກ່າວ ທີ່ເປັນເພດຍິງຄົນທຳອິດໃນປະຫວັດສາດຂອງ WTO, ທັງແມ່ນຜູ້ອຳນວຍການໃຫຍ່ຜູ້ທຳອິດທີ່ມາຈາກທະວີບອາຟຣິກາ.ໃນພິທີຂຶ້ນຮັບຕໍາແໜ່ງແບບທາງໄກ, ເມື່ອວັນທີ 1 ມີນາຜ່ານມາ, ທ່ານ ນາງ ແອວວີລາ ໄດ້ກ່າວ ວ່າ: ທ່ານ ຈະທຸ່ມເທຄວາມຮູ້, ຄວາມກະຕື້ລືລົ້ນ, ບົດຮຽນ ແລະ ຄວາມເດັດດ່ຽວທັງໝົດ ເຂົ້າໃນວຽກງານຂອງອົງການການຄ້າໂລກ ແລະ ຈະພະຍາຍາມປະຕິຮູບ WTO ເພື່ອຜົນສຳເລັດຕົວຈິງ.

ຕາມຂ່າວສານ ຫວຽດນາມ, ວັນທີ 2 ມີນາ 2021 ທີ່ຜ່ານມາ, ເຈົ້າໜ້າທີ່ ສ.ເກົາຫລີ ໃຫ້ຮູ້ວ່າ: ເກີດອຸບັດເຫດ ທາງຄົມມະນາຄົມ 79 ຄັ້ງ ເຮັດໃຫ້ມີ ຜູ້ເສຍຊີວິດ ຢ່າງໜ້ອຍ 1 ຄົນ ແລະ ບາດເຈັບ 66 ຄົນ ເນື່ອງຈາກ ຫິມະຕົກໜັກ ທາງພາກ ຕາເວັນອອກ ສ່ຽງເໜືອ ຂອງປະເທດນີ້. ໂດຍສະເພາະ ແຂວງຄັງວອນ ຫິມະຕົກໜັກ ສູງເຖິງ 90 ຊັງຕີແມັດ ໃນເຂດບໍລິເວນພູ ແລະ 5-20 ຊັງຕີແມັດ ໃນພື້ນທ່ີອື່ນໆ ໃນລະຫວ່າງ ວັນທີ 1-2 ມີນາຜ່າມາ, ເສັ້ນທາງ ຫລາຍສາຍ ຕ້ອງປິດການ ສັນຈອນ, ສົ່ງຜົນໃຫ້ ລົດຫລາຍຮ້ອຍຄັນ ຍັງຕິດຄ້າງຢູ່ ເນື່ອງຈາກ ປິດເສັ້ນທາງ.