News

ວັນທີ 15 ກໍລະກົດ 2019 ທີ່ຜ່ານມາ, ບໍລິສັດ ອາລິອັນສ໌ ປະກັນໄພລາວໄດ້ນໍາສະເໜີຜະລິດຕະພັນໃໝ່ ປະກັນຊີວິດອຸ່ນໃຈຫາຍຫວ່ງ (AGL Life Protection) ຊຶ່ງເປັນປະກັນຊີວິດລາຍປີຮູບແບບໃໝ່ທີ່ໃຫ້ການຄຸ້ມຄອງທີ່ສູງຂຶ້ນ. ປະກັນຊີວິດອຸ່ນໃຈຫາຍຫວ່ງ (AGL Life Protection) ແມ່ນປະກັນຊີວິດແບບລາຍປີທີ່ຊ່ວຍໃຫ້ທ່ານອຸ່ນໃຈ ແລະ ສ້າງຫຼັກປະກັນໃຫ້ກັບຄອບຄົວເມື່ອມີເຫດການທີ່ບໍ່ຄາດຄິດເກີດຂື້ນກັບທ່ານ. ຕົວທ່ານ ແລະ ຄອບຄົວຂອງທ່ານຈະໄດ້ຮັບຜົນປະໂຫຍດ ແລະ ການຄຸ້ມຄອງດັ່ງນີ້: ໃຫ້ການຄຸ້ມຄອງ ແລະ ທົດແທນຄືນ 100 % ຂອງວົງເງິນເອົາປະກັນໄພໃນກໍລະນີເສຍຊີວິດ ແລະ ພິການຖາວອນທັງໝົດ. ໃຫ້ການຄຸ້ມຄອງ ແລະ ທົດແທນຄືນ 200 % ຂອງວົງເງິນເອົາປະກັນໄພໃນກໍລະນີເສຍຊີວິດ ແລະ ພິການຖາວອນທັງໝົດຈາກອຸປະຕິເຫດ. ນອກຈາກເງິນທົດແທນຄືນທີ່ທ່ານ ແລະ ຄອບຄົວຂອງທ່ານຈະໄດ້ຮັບແລ້ວ ປະກັນຊີວິດອຸ່ນໃຈຫາຍຫວ່ງ ຍັງມີເງິນອຸດໜູນລາຍປີພາຍຫຼັງການເສຍຊີວິດ ຫຼື ພິການຖາວອນທັງໝົດ ຈ່າຍໃຫ້ກັບທ່ານ ແລະ ຄອບຄົວຂອງທ່ານທຸກໆປີ ຈົນກວ່າຜູ້ໄດ້ຮັບການປະກັນໄພຈະມີອາຍຸຄົບ 60 ປີ. ຊຶ່ງເງີນອຸດໜູນນີ້ແມ່ນທ່ານສາມາດເລືອກໄດ້ວ່າຈະເອົາ 10% ຫຼື 20% ຂອງວົງເງິນເອົາປະກັນໄພໃນເບື້ອງຕົ້ນຂອງການຊື້ສັນຍາປະກັນຊີວິດ. ປະກັນຊີວິດອຸ່ນໃຈຫາຍຫ່ວງ ...

ທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ກ່າວວ່າ: ການຈັດຕັ້ງປະຕິບັດວຽກງານໃນໄລຍະ 6 ເດືອນຜ່ານມາ ຂອງຂະແໜງສ່ວຍສາອາກອນ ໄດ້ເອົາໃຈໃສ່ສຶກສາອົບຮົມແນວຄິດການເມືອງໃຫ້ພະນັກງານ, ຍົກສູງຄຸນທາດການເມືອງໃຫ້ມີສະຕິຕໍ່ການຈັດຕັ້ງ ມີຄວາມຮັບຜິດຊອບສູງຕໍ່-ໜ້າທີ່ວຽກງານທີ່ໄດ້ຮັບມອບໝາຍ, ຈຶ່ງເຮັດໃຫ້ການປະຕິບັດວຽກງານຫຼາຍດ້ານໄດ້ຮັບຜົນສຳເລັດ ເປັນຕົ້ນວຽກງານປັບປຸງກົນໄກການຫັນເປັນທັນສະໄໝ, ການຮ່ວມມືສາກົນ, ການຫັນຫົວໜ່ວຍມອບເໝົາເຂົ້າສູ່ລະບົບອາກອນມູນຄ່າເພີ່ມ ແລະ ອື່ນໆ. ໃນປີ 2019 ຂະແໜງສ່ວຍສາອາກອນໄດ້ຮັບຕົວເລກເກັບລາຍຮັບ 12.320 ຕື້ກີບທຽບໃສ່ແຜນການດັດແກ້ປີຜ່ານມາເພີ່ມຂຶ້ນ 6,03% (11.600 ຕື້ກີບ) ໃນນີ້, ກົມສ່ວຍສາອາກອນຮັບຜິດຊອບ 7.511 ຕື້ກີບ, ແຂວງ ແລະ ນະຄອນຫຼວງຮັບຜິດຊອບ 4.808 ຕື້ກີບ, ຜ່ານການຈັດຕັ້ງປະຕິບັດວຽກງານຕົວຈິງໃນ 6 ເດືອນຕົ້ນປີ ສາມາດເກັບລາຍຮັບໄດ້ 5.286 ຕື້ກີບເທົ່າກັບ 42,91% ຂອງແຜນການປີທຽບໃສ່ປີຜ່ານມາເພີ່ມຂຶ້ນ 3,72% ຄິດເປັນເງິນ 189,59 ຕື້ກີບ. ໃນນີ້, ກົມສ່ວຍສາອາກອນເກັບໄດ້ 3.177 ຕື້ກີບເທົ່າກັບ 42,3%, ແຂວງ ແລະ ນະຄອນຫຼວງ ເກັບໄດ້ 2.108 ຕື້ກີບເທົ່າກັບ 43,86% ເຖິງແມ່ນວ່າການປະຕິບັດລາຍຮັບບໍ່ໄດ້ຕາມແຜນການທີ່ວາງໄວ້ແຕ່ກໍ່ມີລັກສະນະຕັ້ງໜ້າເພີ່ມຂຶ້ນ ...

ກະຊວງປ້ອງກັນປະເທດໄດ້ ຈັດຕັ້ງພິທີປະກາດສ້າງຕັ້ງ ແລະ ການແຕ່ງຕັ້ງຄະນະກອງບັນຊາການທະຫານອາກາດກອງທັບ ປະຊາຊົນລາວຂຶ້ນຢ່າງເປັນທາງ ການໃນຕອນເຊົ້າຂອງວັນທີ 16 ກໍລະກົດ 2019 ນີ້, ຢູ່ທີ່ກະຊວງ ປ້ອງກັນປະເທດ ໂດຍການໃຫ້ ກຽດເຂົ້າຮ່ວມເປັນປະທານຂອງ ສະຫາຍ ພົນເອກ ຈັນສະໝອນ ຈັນຍາລາດ ກໍາມະການກົມການ ເມືອງສູນກາງພັກ, ລັດຖະມົນຕີ ກະຊວງປ້ອງກັນປະເທດ, ມີສະຫາຍ ພົນໂທ ສຸວອນ ເລືອງບຸນມີ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະ ເທດ, ຫົວໜ້າກົມໃຫຍ່ເສນາທິ ການກອງທັບ, ມີບັນດາສະຫາຍ ຄະນະນໍາກະຊວງປ້ອງກັນປະ ເທດ, ຄະນະນໍາກົມໃຫຍ່, ຫ້ອງວ່າ ການກະຊວງ, ຄະນະພັກ-ຄະນະ ບັນຊາກົມກອງອ້ອມຂ້າງກະ ຊວງ, ເຂົ້າຮ່ວມ. ໃນພິທີ ສະຫາຍ ພົນຕີ ປະສິດ ທ່ຽງທໍາ ກຳມະການຄະນະພັກ ກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິການກອງທັບໄດ້ຂຶ້ນຜ່ານລັດຖະດໍາລັດຂອງນາຍົກລັດຖະມົນຕີແຫ່ງ ສປປ ລາວ ສະບັບເລກທີ 19/ນຍ ລົງວັນທີ 30 ມັງກອນ 2019 ວ່າດ້ວຍການອະນຸຍາດໃຫ້ສ້າງຕັ້ງກອງບັນຊາການທະຫານອາກາດກອງທັບປະຊາຊົນລາວອັກສອນຫຍໍ້ ກບອ ຢູ່ພາຍໃຕ້ການ ...

ກະຊວງອຸດສາຫະກຳ ແລະ ການຄ້າ ໄດ້ມີການປັບລາຄານ້ຳມັນໜ້າປ້ຳຂຶ້ນ ໃນຂອບເຂດທົ່ວປະເທດ ເລີ້ມປະຕິບັດ ວັນທີ 18/07/2019 ເວລາ 06:00ໂມງ ນ້ຳມັນແອັດຊັງພິເສດ ປັບຂຶ້ນ 230 ກີບຕໍ່ລິດ ນ້ຳມັນແອັດຊັງທຳມະດາ ປັບຂຶ້ນ 220 ກີບຕໍ່ລິດ ນ້ຳມັນກາຊວນ ປັບຂຶ້ນ 250 ກີບຕໍ່ລິດ

ຕາມບົດລາຍງານຂອງພະແນກໂຍທາທິການ ແລະ ຂົນສົ່ງແຂວງຫຼວງພະບາງ ໃນໂອກາດທີ່ ທ່ານ ທອງລຸນ ສີສຸລິດ ນາຍົກລັດຖະມົນຕີ ແລະ ຄະນະລົງເຄື່ອນໄຫວເຮັດວຽກຢູ່ແຂວງຫຼວງພະບາງ ໃນວັນທີ 15 ກໍລະກົດ 2019 ນີ້ ໃຫ້ຮູ້ວ່າ: ໂຄງການທາງລົດໄຟ ລາວ – ຈີນ ໃນໄລຍະແຂວງຫຼວງພະບາງ ປັດຈຸບັນນີ້ແມ່ນໄດ້ລົງມືບຸກເບີກສະຖານີລົດໄຟໄປຄຽງຄູ່ກັບການກໍ່ສ້າງເສັ້ນທາງເຊິ່ງສະຖານີຢູ່ຫຼວງພະບາງ ແມ່ນຈຸດໜຶ່ງທີ່ສຳຄັນໃຊ້ສຳລັບປ່ຽນຖ່າຍສິນຄ້າ ແລະ ຜູ້ໂດຍສານຂຶ້ນ – ລົງ ຈຶ່ງໃຊ້ພື້ນທີ່ກໍ່ສ້າງເຖິງ 147,72 ເຮັກຕາ. ສະຖານີລົດໄຟຫຼວງພະບາງ ແມ່ນຕັ້ງຢູ່ເຂດບ້ານຜິກນ້ອຍ ນະຄອນຫຼວງພະບາງ ຫ່າງຈາກຕົວເມືອງປະມານ 10 ກິໂລແມັດ ເຊິ່ງເປັນສະຖານີໃຫຍ່ອີກແຫ່ງໜຶ່ງຂອງໂຄງການກໍ່ສ້າງເສັ້ນທາງລົດໄຟ ລາວ – ຈີນ ໃຊ້ເປັນສະຖານີຂົນສົ່ງສິນຄ້າ ແລະ ຂົນສົ່ງໂດຍສານ, ແຕ່ໃນນີ້ມີດິນທີ່ຖືກຜົນກະທົບທັງໝົດ 161 ຕອນ, ເປັນຂອງເອກະຊົນ 143 ຕອນ ເທົ່າກັບ 135 ເຮັກຕາ ແລະ ດິນລັດ 12,39 ເຮັກຕາ ແຍກເປັນ 18 ຕອນ ມີມູນຄ່າການທົດແທນຜົນເສຍຫາຍ ...

ໂຄງການກໍ່ສ້າງພັດທະນາເຂດເສດຖະກິດວັງເຕົ່າ- ໂພນທອງ ໄດ້ມີຂຶ້ນໃນວັນທີ 12 ກໍລະກົດ ຜ່ານມານີ້ ທີ່ເມືອງ ໂພນທອງ ແຂວງຈຳປາສັກ ໂດຍການເຂົ້າຮ່ວມຂອງທ່ານ ຄຳພັນ ພົມມະທັດ ກຳມະການກົມການເມືອງສູນກາງພັກ ຫົວໜ້າຫ້ອງວ່າການສູນກາງພັກ, ທ່ານ ບຸນຖອງ ດີວິໄຊ ເຈົ້າແຂວງໆຈຳປາສັກ, ທ່ານ ອຸດອນ ແກ້ວດວງດີ ປະທານບໍລິສັດດວງດີ ກໍ່ສ້າງຂົວ-ທາງຈຳກັດ ແລະ ເປັນປະທານຮ່ວມທຶນພັດທະນາເຂດເສດຖະກິດວັງເຕົ່າ-ໂພນທອງ ຈຳກັດ. ທ່ານ ຄຳພົນ ນວນແສງສີ ຫົວໜ້າຄະນະຄຸ້ມຄອງເຂດເສດຖະກິດພິເສດແຂວງຈຳປາສັກ ໄດ້ກ່າວວ່າ: ເຂດເສດຖະກິດວັງເຕົ່າ-ໂພນທອງ ແມ່ນເຂດເສດຖະກິດເຂດໜຶ່ງໃນ 5 ເຂດ ຢູ່ແຂວງຈຳປາສັກສ້າງຕັ້ງຂຶ້ນຕາມຂໍ້ຕົກລົງຂອງຮອງປະທານຜູ້ປະຈຳການຄະນະເຂດເສດຖະກິດພິເສດ ໃນປີ 2016 ຊຶ່ງ ມີເນື້ອທີ່ 253 ເຮັກຕາມູນຄ່າການລົງທຶນ 250.000.000 ໂດລາ ຫຼື ປະມານ 2.000 ກວ່າ ຕື້ກີບ ໂດຍການຮ່ວມທຶນພັດທະນາຈາກລັດ 30% ແລະ ບໍລິສັດ 70% ມີອາຍຸສຳປະທານ 99 ປີ ຢູ່ໃນເຂດດັ່ງກ່າວຈະພັດທະນາຫຼາຍຂະແໜງການປະກອບມີຮ້ານຄ້າປອດພາສີ, ສູນການຄ້າ ແລະ ...

ໃນຕອນບ່າຍ ວັນທີ 13 ກໍລະກົດ 2019 ທີ່ຜ່ານມາ, ໄດ້ຈັດງານຖະແຫຼງຂ່າວ ແຕ່ງຕັ້ງ ແລະ ສົ່ງຕົວແທນນາງສາວມິດຕະພາບໃນໂຄງການປະກວດນາງສາວລາວ ປີ 2018 ເຂົ້າຮ່ວມປະກວດເວທີສາກົນ ກໍຄື Miss friendship international 2019 ທີ່ເມືອງ ເສິນຕູ່ ສປ ຈີນ. ທີ່ຈະໄດ້ຈັດຂຶ້ນໃນວັນທີ 17-27 ກໍລະກົດທີ່ຈະເຖິງນີ້. ໂດຍຕົວແທນແມ່ຍິງລາວທີ່ຈະເຂົ້າປະກວດໃນຄັ້ງທາງຄະນະປະທານພິທີໄດ້ເລືອກເອົາ ນາງ ໄຜ່ທິດາ ໂພທິສານ ຫຼື ນ້ອງຕູ່ຕູ່ ອາຍຸ 25 ປີ ເປັນສາວງາມຈາກເວທີການປະກວດມິດລາວ 2018 ເຂົ້າຮອບ 15 ຄົນສຸດທ້າຍ ພ້ອມກັບໄດ້ຮັບລາງວັນ ນາງສາວມິດຕະພາບ ໂດຍຈາກການໂຫວດຂອງໝູ່ເພື່ອໃນກອງປະກວດ ມິດລາວ 2018. ໂດຍ ຕຸຕູ່ ຈະໄດ້ເປັນຕົວແທນຂອງສາວລາວ ເພື່ອເຂົ້າຮ່ວມປະກວດກັບສາວງາມຫຼາຍກວ່າ 50 ປະເທດທົ່ວໂລກ. ຕຸຕູ່ ນາງແບບສາວລາວ ທີ່ບໍ່ມີແຕ່ຄວາມງາມ ແລະ ມີສະເໜ່ເທົ່ານັ້ນ, ແຕ່ ຕຸຕູ່ ຍັງມີຫຼາກຫຼາຍຄວາມສາມາດເຊັ່ນ: ເປັນນັກຊົງກາເຟຍອດ ໄດ້ຮັບລາງວັນຊະນະເລີດລະດັບປະເທດ ...

ບັນດາການນຳ, ພະນັກງານ-ລັດຖະກອນ, ພ້ອມດ້ວຍຄອບຄົວ, ລູກຫລານ ສຸພານຸວົງ ແລະ ຊາວນະຄອນຫຼວງວຽງຈັນ, ຊຶ່ງນໍາໂດຍ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ພ້ອມກັນໃສ່ບາດ ແລະ ຖວາຍກອງບຸນແດ່ພະສົງ ເນື່ອງໃນໂອກາດວັນຄ້າຍວັນເກີດ ປະ ທານ ສຸພານຸວົງ ຄົບຮອບ 110 ປີ (13 ກໍລະກົດ 1909-13 ກໍລະກົດ 2019). ພິທີໃສ່ບາດ ແລະ ຖວາຍກອງບຸນແດ່ພະສົງ ໄດ້ຈັດຂຶ້ນໃນວັນທີ 13 ກໍລະກົດ 2019 ຢູ່ທີ່ຫໍ ພິພິທະພັນ ປະທານ ສຸພານຸວົງ ບ້ານໂພນສະອາດ ເມືອງໄຊເຊດຖາ ນະຄອນຫຼວງວຽງຈັນ, ຊຶ່ງມີກອງອັດຖະ 2 ກອງ ເພື່ອອຸທິດສ່ວນບຸນກຸສົນ ເຖິງ ທ່ານປະທານ ສຸພານຸວົງ ຜູ້ນໍາທີ່ຈົ່ງຮັກພັກດີ, ເສຍສະຫລະ ແລະ ອຸທິດ ເພື່ອພາລະກິດຕໍ່ສູ້ປົກປັກຮັກສາ ແລະ ສ້າງສາພັດທະນາປະເທດຊາດ. ທີ່ມາ: ຂ່າວສານປະເທດລາວ.

ກອງ​ປະ­ຊຸມ​ສ່ວຍ​ສາ​ອາ­ກອນ​ທົ່ວ​ປະ­ເທດ ສະ­ຫຼຸບ​ຕີ​ລາ­ຄາ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ 6 ເດືອນ​ຕົ້ນ​ປີ ແຜນ​ຄາດ​ຄະ­ເນ​ບາງ​ມາດ­ຕາ​ວຽກ​ງານ 6 ເດືອນ​ທ້າຍ​ປີ 2019 ຈັດ​ຂຶ້ນ​ວັນ​ທີ 11 ກໍ­ລະ­ກົດ 2019 ຢູ່​ກົມ​ສ່ວຍ​ສາ​ອາ­ກອນ ໂດຍ​ເປັນ​ປະ­ທານ​ຂອງ​ທ່ານ ພູ​ທະ­ນູ​ເພັດ ໄຊ​ສົມ­ບັດ ຫົວ­ໜ້າ​ກົມ​ສ່ວຍ​ສາ​ອາ­ກອນ ມີ​ຮອງ​ຫົວ­ໜ້າ​ກົມ ຫົວ­ໜ້າ-ຮອງ​ຫົວ­ໜ້າ​ພະ​ແນກ​ສ່ວຍ​ສາ​ອາ­ກອນ​ແຂວງ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ. ທ່ານ ກົງ​ຄຳ ສິດ­ທິ​ວໍ­ລະ​ດາ ຮອງ​ຫົວ­ໜ້າ​ກົມ​ສ່ວຍ​ສາ​ອາ­ກອນ ກ່າວ​ວ່າ: 6 ເດືອນ​ຜ່ານ​ມາ ກົມ​ສ່ວຍ​ສາ​ອາ­ກອນ​ໄດ້​ເອົາ­ໃຈ­ໃສ່​ສຶກ​ສາ​ອົບ­ຮົມ​ແນວ​ຄິດ-ການ­ເມືອງ ໃຫ້​ພະນັກ­ງານ ຍົກ​ສູງ​ຄຸນ​ທາດ​ການ­ເມືອງ ໃຫ້​ມີ​ສະ­ຕິ​ຕໍ່​ການ­ຈັດ­ຕັ້ງ ມີ​ຄວາມ​ຮັບ­ຜິດ­ຊອບ​ສູງ​ຕໍ່­ໜ້າ​ທີ່​ວຽກ​ງານ​ທີ່​ໄດ້​ຮັບ​ມອບ​ໝາຍ ຈຶ່ງ​ເຮັດ​ໃຫ້­ການ​ປະ­ຕິ­ບັດ​ວຽກ​ງານ​ຫຼາຍ​ດ້ານ ໄດ້​ຮັບ​ຜົນ­ສຳ­ເລັດ ເປັນ­ຕົ້ນ ວຽກ​ງານ​ປັບ­ປຸງ​ກົນ​ໄກ ແລະ ການ​ຫັນ​ເປັນ​ທັນ​ສະ­ໄໝ ການ​ຮ່ວມ​ມື​ສາ­ກົນ ການ​ຫັນ​ຫົວ­ໜ່ວຍ​ມອບ​ເໝົາ ເຂົ້າ​ສູ່​ລະ­ບົບ​ອາ­ກອນ​ມູນ​ຄ່າ​ເພີ່ມ ແລະ ອື່ນໆ. ປີ 2019 ໄດ້​ຮັບ​ຕົວ​ເລກ​ເກັບ​ລາຍ​ຮັບ 12.320 ຕື້​ກີບ ທຽບ­ໃສ່​ແຜນ­ການ​ດັດ­ແກ້ ປີ 2016 ເພີ່ມ​ຂຶ້ນ 6,03% (11.600 ຕື້​ກີບ) ໃນ​ນີ້ ກົມ​ສ່ວຍ​ສາ​ອາ­ກອນ​ຮັບ­ຜິດ­ຊອບ 7.511,78 ຕື້​ກີບ ...

ໃນຕອນເຊົ້າມື້ນີ້ ວັນທີ 13 ກໍລະກົດ 2019 ຊຶ່ງເປັນວັນຄົບຮອບ 110 ປີ ຂອງວັນເກີດປະທານສຸພານຸວົງ, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍ ການນຳຂອງແຂວງຫຼວງພະບາງ ໄດ້ໄປເຂົ້າວາງກະຕ່າດອກໄມ້ ທີ່ອານຸສາລະລີຂອງປະທານສຸພານຸວົງ, ທີ່ບ້ານນາວຽງຄຳ, ນະຄອນຫຼວງພະບາງ ເພື່ອສະແດງຄວາມຮູ້ບຸນຄຸນ ທີ່ປະທານສຸພານຸວົງ ໄດ້ອຸທິດເລືອດເນື້ອ ແລະ ສະຕິປັນຍາ ເຂົ້າໃນການຕໍ່ສູ້ກູ້ຊາດ ໃນເມື່ອກ່ອນ ກໍ່ຄື ໃນພາລະກິດ ປົກປັກຮັກສາ ແລະ ສ້າງສາພັດທະນາປະເທດ ຊາດໃນໄລຍະໃໝ່. ນອກຈາກການວາງກະຕ່າດອກໄມ້ແລ້ວ, ທ່ານນາຍົກລັດຖະມົນຕີ ຍັງໄດ້ໃຫ້ກຽດຂຽນບົດຄຳເຫັນ ຕໍ່ປື້ມບັນທຶກຄວາມເຫັນຕໍ່ປະທານສຸພານຸວົງຕື່ມອີກ. ສຳລັບກິດຈະກຳການສະເຫຼີມສະຫຼອງວັນເກີດຂອງປະທານສຸພານຸວົງ ຢູ່ແຂວງຫຼວງພະບາງ ປີນີ້ ຈະຈັດຂື້ນໃນວັນທີ່ 17 ກໍລະກົດ ໂດຍຈະເລີ່ມຈາກການເຂົ້າວາງກະຕ່າດອກໄມ້ ຕໍ່ໜ້າຮູບປັ້ນຂອງປະທານສຸພານຸວົງ ທີ່ມະຫາວິທະຍາໄລສຸພານຸວົງ ວິທະຍາເຂດບ້ານດອນໃໝ່ ນະຄອນຫຼວງພະບາງ; ຈາກນັ້ນ ກໍ່ຈະມີການປາຖະກະຖາ ທີ່ສະໂມສອນຂອງມະຫາວິທະຍາໄລດັ່ງກ່າວຕື່ມອີກ. ຂ່າວ;ພາບ: ອາພຸດເດດ ບຸບຜາ