ກອງປະຊຸມສ່ວຍສາອາກອນທົ່ວປະເທດ ສະຫຼຸບຕີລາຄາການຈັດຕັ້ງປະຕິບັດວຽກງານ 6 ເດືອນຕົ້ນປີ ແຜນຄາດຄະເນບາງມາດຕາວຽກງານ 6 ເດືອນທ້າຍປີ 2019 ຈັດຂຶ້ນວັນທີ 11 ກໍລະກົດ 2019 ຢູ່ກົມສ່ວຍສາອາກອນ ໂດຍເປັນປະທານຂອງທ່ານ ພູທະນູເພັດ ໄຊສົມບັດ ຫົວໜ້າກົມສ່ວຍສາອາກອນ ມີຮອງຫົວໜ້າກົມ ຫົວໜ້າ-ຮອງຫົວໜ້າພະແນກສ່ວຍສາອາກອນແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.
ທ່ານ ກົງຄຳ ສິດທິວໍລະດາ ຮອງຫົວໜ້າກົມສ່ວຍສາອາກອນ ກ່າວວ່າ: 6 ເດືອນຜ່ານມາ ກົມສ່ວຍສາອາກອນໄດ້ເອົາໃຈໃສ່ສຶກສາອົບຮົມແນວຄິດ-ການເມືອງ ໃຫ້ພະນັກງານ ຍົກສູງຄຸນທາດການເມືອງ ໃຫ້ມີສະຕິຕໍ່ການຈັດຕັ້ງ ມີຄວາມຮັບຜິດຊອບສູງຕໍ່ໜ້າທີ່ວຽກງານທີ່ໄດ້ຮັບມອບໝາຍ ຈຶ່ງເຮັດໃຫ້ການປະຕິບັດວຽກງານຫຼາຍດ້ານ ໄດ້ຮັບຜົນສຳເລັດ ເປັນຕົ້ນ ວຽກງານປັບປຸງກົນໄກ ແລະ ການຫັນເປັນທັນສະໄໝ ການຮ່ວມມືສາກົນ ການຫັນຫົວໜ່ວຍມອບເໝົາ ເຂົ້າສູ່ລະບົບອາກອນມູນຄ່າເພີ່ມ ແລະ ອື່ນໆ.
ປີ 2019 ໄດ້ຮັບຕົວເລກເກັບລາຍຮັບ 12.320 ຕື້ກີບ ທຽບໃສ່ແຜນການດັດແກ້ ປີ 2016 ເພີ່ມຂຶ້ນ 6,03% (11.600 ຕື້ກີບ) ໃນນີ້ ກົມສ່ວຍສາອາກອນຮັບຜິດຊອບ 7.511,78 ຕື້ກີບ ແຂວງ ແລະ ນະຄອນຫຼວງຮັບຜິດຊອບ 4.808,22 ຕື້ກີບ ຜ່ານການປະຕິບັດ 6 ເດືອນຕົ້ນປີ ເກັບລາຍຮັບໄດ້ 5.286,26 ຕື້ກີບ ເທົ່າກັບ 42,91% ຂອງແຜນການປີ ທຽບໃສ່ປີຜ່ານມາ ເພີ່ມຂຶ້ນ 3,72% ໃນນີ້ ກົມສ່ວຍສາອາກອນເກັບໄດ້ 3.177,47 ຕື້ກີບ ເທົ່າກັບ 42,3% ແຂວງ ນະຄອນຫຼວງ ເກັບໄດ້ 2.108,79 ຕື້ກີບ ເທົ່າກັບ 43,86% ສ່ວນ 6 ເດືອນທ້າຍປີ ຈະສືບຕໍ່ຈັດຕັ້ງປະຕິບັດຄຳແນະ.
ຂອບໃຈຂໍ້ມູນຈາກ: ນສພ ວຽງຈັນໃຫ່ມ