ຂ່າວ ພາຍໃນປະເທດ

ໃນວັນທີ 23 ພະຈິກ 2018 ຕາມວາລະຂອງ ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VIII ສະມາຊິກສະພາແຫ່ງຊາດຈາກເຂດເລືອກຕັ້ງຕ່າງໆ ຍັງຈະສືບຕໍ່ປະກອບຄໍາເຫັນຕໍ່ບົດລາຍງານຂອງລັດຖະບານ, ອົງການກວດສອບແຫ່ງລັດ ແລະ ອົງການກວດກາລັດຖະບານ. ໃນສາມວັນທີ່ຜ່ານມາ ບັນດາ ສສຊ ເຂດເລືອກຕັ້ງຕ່າງໆ ໄດ້ສຸມໃສ່ພິຈະລະນາ ແລະ ສະເໜີຕໍ່ລັດຖະບານ, ພາກສ່ວນກ່ຽວຂ້ອງ ໃນຫຼາຍບັນຫາ ເພື່ອເຮັດໃຫ້ການພັດທະນາມີບາດກ້າວຂະຫຍາຍຕົວ,ເຮັດໃຫ້ປະກົດການຫຍໍ້ທໍ້ຕ່າງໆຫຼຸດລົງເປັນລໍາດັບ. ບັນຫາທີ່ ສສຊ ຍົກຂຶ້ນແມ່ນ: ການພັດທະນາຊົນນະບົດ ແລະ ແກ້ໄຂຄວາມທຸກຍາກເຫັນວ່າ ຍັງບໍ່ທັນສອດຄ່ອງກັບຕົວຈິງ, ມີຄວາມຢາກໄດ້ສູງ ແຕ່ຄວາມສາມາດໃນການຈັດຕັ້ງປະຕິບັດຕົວຈິງຜັດຍັງມີໜ້ອຍ, ການກວດສອບ ພົບເຫັນຜູ້ກະທໍາຜິດແລ້ວ ແຕ່ບໍ່ສາມາດນໍາມາລົງໂທດ ຫຼື ດໍາເນີນຄະດີໄດ້,ດັ່ງໃນປີ 2018 ນີ້ ຜ່ານການກວດສອບເຫັນ 99 ເປົ້າໝາຍ ພົບລາຍຮັບທີ່ບໍ່ມອບເຂົ້າງົບປະມານແຫ່ງລັດ ຈຳນວນ 239,64 ຕື້ກີບ. ໃນນັ້ນ, ຂັ້ນສູນກາງ 112,21 ຕື້ກີບ ແລະ ທ້ອງຖິ່ນ127,43 ຕື້ກີບ. ການແກ້ໄຂຊ່ວຍເຫຼືອປະຊາຊົນ ທີ່ປະສົບໄພພິບັດ,ອຸທົກກະໄພ ແລະ ໄພທໍາມະຊາດ ຍັງບໍ່ໄດ້ຮັບການແກ້ໄຂເທົ່າທີ່ຄວນ, ຍັງມີບາງບັນຫາເກີດຂຶ້ນຢູ່ບາງທ້ອງຖິ່ນ ທີ່ຈັດຕັ້ງປະຕິບັດການສົ່ງເສີມ ...

ໃນຕອນບ່າຍ ວັນທີ 22 ພະຈິກ 2018 , ຢູ່ຫໍສະພາແຫ່ງຊາດຫຼັັກ 6 ນະຄອນຫຼວງວຽງຈັນ ໄດ້ດໍາເນີນກອງປະຊຸມສະໄໝສາມັນເທື່ອທີ 6 ເປັນມື້ທີສາມ. ພາຍໃຕ້ການເປັນປະທານຂອງທ່ານ ນາງປານີ ຢາທໍຕູ ປະທານສະພາແຫ່ງຊາດ, ໃນພາກບ່າຍນີ້ ສະມາຊິກສະພາແຫ່ງຊາດຈາກເຂດເລືອກຕັ້ງຕ່າງໆໄດ້ປະກອບຄຳເຫັນຕໍ່ບົດລາຍງານຂອງລັດຖະບານ, ອົງການກວດສອບແຫ່ງລັດ ແລະ ອົງການກວດກາລັດຖະບານຢ່າງກົງໄປກົງມາ ແລະ ມີຄວາມຮັບຜິດຊອບສູງ. ທ່ານ ບຸນເພັງ ສາຍນໍລະດີ ສາມະຊິກສະພາແຫ່ງຊາດ ເຂດເລືອກຕັ້ງທີ 7 ແຂວງວຽງຈັນ ໄດ້ສະເໜີໃຫ້ລັດຖະບານກໍຄືຂະແໜງການກ່ຽວຂ້ອງເພີ່ມຄວາມເອົາໃຈໃສ່ຢ່າງຈິງຈັງເພື່ອແກ້ໄຂການພັດທະນາຊົນນະບົດລົບລ້າງຄວາມທຸກຍາກ ເພາະລັດຖະບານໄດ້ລົງທຶນຈໍານວນມະຫາສານໃສ່ວຽກງານດ້ານນີ້ ແຕ່ການຈັດຕັ້ງປະຕິບັດ ບາງໂຄງການກໍປະຕິບັດໄດ້ດີ ແຕ່ບາງໂຄງການຍັງບະຕິບັດບໍ່ໄດ້ດີ.  ຕົວຢ່າງ ການລົບລ້າງຄວາມທຸກຍາກຢູ່ເມືອງແມດ ແຂວງວຽງຈັນ ຍັງບໍ່ສາມາດລົບລ້າງໄດ້ ໂດຍສະເພາະຖະໜົນຫົນທາງບໍ່ສາມາດແກ້ໄຂໄດ້ ຍ້ອນບໍ່ມີງົບປະມານ ຢາກໃຫ້ລັດຖະບານມີມາດຕະການສຸມທຶນຮອນໃສ່ ຄວນກໍານົດໃຫ້ຈະແຈ້ງ ປີໃດສຸມໃສ່ດ້ານໃດ, ບ້ານໃດ, ເມືອງໃດ. ເພາະວ່ານັບແຕ່ໄດ້ແຍກການລົງກໍ່ສ້າງຮາກຖານອອກໄປເຮັດພໍໃຜພໍລາວ ຂະບວນການນີ້ຖືວ່າງຽບລົງ. ບັນດາປະກົດການຫຍໍ້ທໍ້ໃນສັງຄົມ ໂດຍສະເພາະການກວດສອບ ພົບເຫັນຜູ້ກະທໍາຜິດແລ້ວ ແຕ່ບໍ່ສາມາດນໍາມາລົງໂທດຫລືດໍາເນີນຄະດີໄດ້, ພ້ອມກັນນັ້ນ ການຈັດການບໍລິຫານນໍ້າຕາມສາຍນໍ້າຕ່າງໆຍັງເຮັດບໍ່ທັນໄດ້ດີ ເພາະວ່າລະດູຝົນປີນີ້ ແຂວງວຽງຈັນ ໄດ້ຮັບຜົນກະທົບໜັກຈາກໄພນໍ້າຖ້ວມ. ທ່ານນາງ ພອນມະນີ ຂຽນໄຊຍະວົງ ...

ໃນງານບຸນນະມັດສະການພະທາດຫຼວງວຽງຈັນ ນອກຈາກຈະມີກິດຈະກຳທາງສາສະໜາຫຼາຍຢ່າງ ແລະ ຕະຫຼາດນັດແລ້ວ ຍັງມີກິດຈະກຳໜຶ່ງທີ່ຂາດບໍ່ໄດ້ ແລະ ເປັນປະເພນີທີ່ສຶບຕໍ່ມາແຕ່ດົນນານ ນັັ້ນກໍຄື: ການຕີຄີ ເຊິ່ງເພິ່ນຈະຈັດໃຫ້ມີໃນຕອນບ່າຍຂອງມື້ເພັງ 15 ຄໍ່າ ຫຼັງຕັກບາດແລ້ວ.  ກ່ອນຈະລົງເດີ່ນຕີຄີ ເພິ່ນຈະມີພິທີທາງສາສະໜາ ແລະ ຂະບວນການແຫ່ມະໂຫລີຕ່າງໆຂອງມວນຊົນ ຫຼັງຈາກນັ້ນກໍຈັດແບ່ງຄົນອອກເປັນສອງຝ່າຍຄື: ຝ່າຍໜຶ່ງເປັນຝ່າຍປົກຄອງ ແລະ ອີກຝ່າຍໜຶ່ງເປັນຝ່າຍພົນລະເມືອງ, ເຊິ່ງກຳນົດເອົາຝ່າຍລະ 20-30 ຄົນ. ຜູ້ເຖົ້າຜູ້ແກ່ເພິ່ນເວົ້າວ່າ: ຖ້າຝ່າຍປົກຄອງຊະນະ ກໍທວາຍວ່າ: ປີນັ້ນປະຊາຊົນພົນລະເມືອງບໍ່ຄ່ອຍຢູ່ດີ, ພວກຂຸນນາງຈະບັງຄົບຂົ່ມເຫັ່ງ ຖ້າປີໃດພົນລະເມືອງຊະນະ ກໍທວາຍວ່າ: ປີນັ້ນປະຊາຊົນຈະຢູ່ເຢັນເປັນສຸກ. ສໍາລັບປີ 2018 ຜົນປະກົດວ່າ: ຝ່າຍປະຊາຊົນສາມາດເອົາຊະນະຝ່າຍປົກຄອງ 5 ຕໍ່ 3 ດັ່ງນັ້ນປີນີ້ປະຊາຊົນຈະຢູ່ເຢັນເປັນສຸກ ຢູ່ດີກິນດີ. ຂອບໃຈຮູບຈາກອິນເຕີເນັດ.

ກອງປະຊຸມຫັນລົງກໍ່ສ້າງຮາກຖານການເມືອງ​ ປັບປຸງວຽກງານຮອບດ້ານຕາມ​ 4​ ເນື້ອໃນ​ 4​ ຄາດໝາຍຕິດພັນກັບກອງປະຊຸມໃຫ່ຍ​ 3​ ຂັ້ນຂອງພັກ ໄດ້ຈັດຂຶ້ນໃນຕອນເຊົ້າຂອງວັນທີ​ 22​ ພະຈິກ​ 2018ນີ້ ​ຢູ່ທີ່ສະໂມສອນຫຼັກ​ 4​ ຂອງແຂວງຈໍາປາສັກ ​ ໂດຍການໃຫ້ກຽດເຂົ້າຮ່ວມຂອງ ທ່ານ​ ປອ​ ບຸນຖອງ​ ດີວິໄຊ​ ກໍາມະການສູນກາງພັກ,​ເລຂາຄະນະບໍລິຫານງານພັກແຂວງ​ ເຈົ້າແຂວງໆ​ຈຳປາສັກ,​ມີ​ຄະນະປະຈຳພັກແຂວງ,​ກຳມະການພັກແຂວງ,​ຄະນະນຳ,​ພະນັກງານຫຼັກແຫຼ່ງຈາກນະຄອນປາກເຊ,​ 9​ ຕົວເມືອງ,​ມີເລຂາຄະນະພັກຮາກຖານກຸ່ມບ້ານ,​ພະນັກງານຫັນລົງກໍ່ສ້າງຮາກຖານເຂົ້າຮ່ວມ. ໃນກອງປະຊຸມຜູ້ເຂົ້າຮ່ວມແມ່ນໄດ້ຮັບຟັງການຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການແຕ່ງຕັ້ງຄະນະຮັບຜິດຊອບຫັນລົງກໍ່ສ້າງຮາກຖານການເມືອງ ປະຕິບັດວຽກງານຮອບດ້ານ ຕາມ​ 4​ ເນື້ອ 4​ ຄາດໝາຍຕິດພັນກັບກອງປະຊຸມໃຫ່ຍ 3​ ຂັ້ນ​ ຂອງພັກ,​ຢູ່ນະຄອນປາກເຊ,​ແຂວງຈຳປາສັກ,​ບົດແນະນຳບາດກ້າວຫັນລົງກໍ່ສ້າງຮາກຖານການເມືອງ ປັບປຸງວຽກງານຮອບດ້ານຕາມ 4​ ເນື້ອໃນ​ 4​ ຄາດໝາຍ,​ຮັບຟັງແຜນການເຮັດທົດລອງຂອງຄະນະຮັບຜິດຊອບນຳພາສ້າງ ແລະຂໍ້ຕົກລົງວ່າດ້ວຍການຄຸ້ມຄອງ ແລະ​ ຈັດສັນຄວາມເປັນລະບຽບຮຽບຮ້ອຍໃນນະຄອນປາກເຊແຂວງຈໍາປາສັກ​ ເພື່ອແນ່ໄສ່ກະກຽມໃຫ້ແກ່ກອງປະຊຸມໃຫ່ຍ 3​ ຂັ້ນຂອງພັກ ໃຫ້ສໍາເລັດຕາມລະດັບຄາດໝາຍທີ່ວາງໄວ້. ຂໍ້ມູນຈາກສະຖານີ ວິທະຍຸຈໍາປາສັກ 100,7 Mhz ຂ່າວ:ນ.​ປະພິດ ສີສົມບູນ

ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ, ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ໃຫ້ກຽດຕ້ອນຮັບ ທ່ານ ຊໍວິນ ຮອງປະທານຄະນະກໍາມະການ ຕ້ານການສໍ້ລາດບັງຫຼວງ ສສ.ມຽນມາ ພ້ອມຄະນະ ເຂົ້າຢຽມຂໍ່ານັບໃນຕອນແລງວັນທີ 21 ພະຈິກ 2018 ທີ່ ນະຄອນຫຼວງວຽງຈັນ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 20-23 ພະຈິກ 2018. ໃນໂອກາດດັ່ງກ່າວ, ທ່ານ ບຸນທອງ ຈິດມະນີ ໄດ້ກ່າວສະແດງຄວາມຕ້ອນຮັບ ແລະ ຊົມເຊີຍຕໍ່ທ່ານ ອູ ເຊນວິນ ພ້ອມຄະນະ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ລາວໃນຄັ້ງນີ້, ຊຶ່ງເປັນການປະກອບສ່ວນທີ່ສໍາຄັນ ໃນການການສົ່ງເສີມສາຍພົວພັນມິດຕະພາບ, ການຮ່ວມມືທີ່ໃກ້ສິດອັນເປັນມູນເຊື້ອຖານບ້ານໃກ້ເຮືອນຄຽງ ລະຫວ່າງ ສອງລັດຖະບານ ແລະ ປະຊາຊົນ 2 ຊາດ ລາວ-ມຽນມາ, ໂດຍສະ ເພາະແມ່ນ ເປັນການປະຕິບັດບົດບັນທຶກຄວາມເຂົ້າໃຈ ກ່ຽວກັບການຮ່ວມມືສອງຝ່າຍ ລະຫວ່າງ 2 ອົງ ການຕ້ານການສໍ້ລາດບັງຫຼວງ ...

ໃນວັນທີ 21 ພະຈິກ 2018 ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂ່ຳນັບຂອງ ທ່ານ ເດວິດ ເຈ ກຣອສ (Davic J.Gross) ເຈົ້າຂອງລາງວັນໂນເບວ ສາຂາຟີຊິກ ປີ 2004 ພ້ອມດ້ວຍພັນລະຍາ ໃນໂອກາດທີ່ເດີ່ນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ. ໃນໂອກາດດັ່ງກ່າວ, ທ່ານ ທອງລຸນ ສີສຸລິດ ໄດ້ກ່າວສະແດງຄວາມຍິນດີຕ້ອນຮັບ ແລະ ຕີລາ ຄາສູງ ຕໍ່ ທ່ານ ເດວິດ ເຈ ກຣອສ ທີ່ໄດ້ເດີນທາງມາຢ້ຽມຢາມ ສປປ ລາວ ໃນຄັ້ງນີ້, ພ້ອມທັງອຸທິດເວລາອັນມີຄຸນຄ່າ ມາປາຖະກະຖາ ກ່ຽວກັບ “ອະນາຄົດຂອງວິທະຍາສາດ ແລະ ການພັດທະນາມະນຸດ” (The Future of Science and Human Development) ໃຫ້ແກ່ນັກສຶກສາມະຫາວິທະຍາໄລແຫ່ງຊາດ ...

ໃນວັນທີ 21 ພະຈິກ 2018, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍພັນລະຍາ ໄດ້ຢ້ຽມຊົມຮ້ານວາງສະແດງສິນຄ້າ ແລະ ເຮືອນຊົງລາວ ໃນງານບຸນນະມັດສະການພຣະທາດຫຼວງ. ໂດຍການຕ້ອນຮັບຂອງ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ປະທານຈັດງານບຸນນະມັດສະການພຣະທາດຫຼວງ ປະຈຳປີ 2018 ພ້ອມຄະນະ. ງານບຸນນະມັດສະການພຣະທາດຫຼວງ ແລະ ງານວາງສະແດງສິນຄ້າ ປະຈຳປີ 2018, ໄດ້ມີຮ້ານວາງສະແດງສິນຄ້າທັງໝົດ 789 ຫ້ອງ, ໃນນັ້ນ ຢູ່ຂອບເຂດເດີ່ນພຣະທາດຫລວງ ມີ 131 ຫົວໜ່ວຍ ລວມມີ 204 ຫ້ອງ. ສຳລັບຢູ່ສູນການຄ້າລາວ-ໄອເຕັກ ມີ 242 ຫົວໜ່ວຍທຸລະກິດ ທີ່ມາຈາກ ສປ ຈີນ 19 ຫົວໜ່ວຍ, ປະເພດເຄື່ອງໃຊ້ສອຍ 40 ຫົວໜ່ວຍ (ຈາກປະເທດໄທ), ຮ້ານອາຫານ 34 ຫົວໜ່ວຍ, ທຸລະກິດພາຍໃນ 149 ຫົວໜ່ວຍ. ...

ຈາກກໍລະນີ ມີຜູ້ໃຊ້ເຟສບຸກ ຊື່ Plily Phommavixay Sourivong ໄດ້ ແຊຣ໌ປະສົບການ ແລະ ເລົ່າເຫດການເຕືອນທຸກໆຄົນທີ່ຈະໄປໃຊ້ບໍລິການກັບທະນາຄານທຸກຄັ້ງ ບໍ່ວ່າຈະເປັນໂອນເງິນ, ປ່ຽນເງິນ ໃຫ້ກວດສອບເງິນຕົນເອງທຸກຄັ້ງກ່ອນອອກຈາກທະນາຄານ ໂດຍສະເພາະແມ່ນເງິນຕາຕ່າງປະເທດວ່າມີຕຳນິ.  ບໍ່ສະນັ້ນຈະບໍ່ໂຊກດີ ແລະ ອາດເຮັດໃຫ້ເສຍເງິນ, ເສຍເວລາ ແລະ ເສຍອາລົມຄືກັບລາວ, ເຫດການນີ້, ຍັງເປັນສຽງພິພາກວິຈານຕ່າງໆນາໆ ເພາະມີຫຼາຍໆຄົນຖືກກັບຕົນເອງມາແລ້ວ ແຕ່ກໍຍັງບໍ່ເຂົ້າໃຈກັບ ລະບຽບຂອງທະນາຄານ ດັ່ງນັ້ນ, ທາງທະນາຄານ ຫຼື ພາກສ່ວນກ່ຽວຂ້ອງ ຄວນອອກມາຊີ້ແຈງ ແລະ ອະທີບາຍກ່ຽວກັບເລື່ອງນີ້ເພື່ອໃຫ້ສັງຄົມໄດ້ເຂົ້າໃຈຖືກ ແລະ ບໍ່ເຂົ້າໃຈຜິດໄປຕ່າງໆນາໆ ເຖິງການແລກປ່ຽນເງິນຕາ ແລະ ເງິນທີ່່ມີກາຈໍ້າ ແຕ່ທະນາຄານບໍ່ຮັບຄືນ ແລະ ວ່າໃຊ້ບໍ່ໄດ້.  ເນື້ອໃນມີຢູ່ວ່າ: ຂໍແຊໃຫ້ເຂົ້າໃຈແລະຮັບຮູ້ເລື່ອງຮັບເງີນໂດລາຈາກໃຜກໍ່ຕາມ ຖອນເງີນໂດລາຢູ່ຕາມທະນາຄານຕ່າງໆ ກະໃນນາມປະຊາຊົນຄົນທຳມະດາຄົນຫນື່ງທີ່ເປັນພົນລະເມືອງລາວເນາະມີເລື່ອງມາເລົ່າ ຕອນເລົ່າກະໃຈເຢັນລົງແດ່ແລ້ວ ເລື່ອງມີຢູ່ວ່າມື້ວານນີ້ວັນທີ່ 20/11/2018 ໄດ້ໄປຖອນເງີນນຳທະນາຄານຊື່ດັງໆໆຂອງລາວສາຂາໄຊເສດຖາຈຳນວນນື່ງ ເພື່ອໄປສຳລະວຽກ, ຕໍ່ມາມື້ນີ້ວັນທີ່21/11/2018 ໄດ້ໄປສຳລະເງີນແຕ່ບ່ອນນັ້ນເພີ່ນບໍ່ຮັບເພາະເງີນມີຕຳນິກາຈຳ້ຄືດັງໃນພາບ ເພີ່ນແນະນຳໃຫ້ຂ້ອຍກັບໄປປ່ຽນຄືນບ່ອນທີ່ຖອນມາ ຂ້ອຍກະໄດ້ກັບໄປແລະກໍ່ສອບຖາມນຳຄົນທີ່ເອົາເງີນຖອນໃຫ້ວານນີ້ ຂ້ອຍ: ມາຖອນເງີນນຳເຈົ້າວານນີ້ລະມີ4ໃບໃຊ້ບໍ່ໄດ້ ສາວທະນາຄານ: ຈື່ເຈົ້າໄດ້ແຕ່ຂ້ອຍບໍ່ໄດ້ເອົາໃບແບບນີ້ໃຫ້ ເພາະທາງເຮົາໄດ້ໃຈ້ແຍກອອກຫມົດແລ້ວຈະບໍ່ເອົາອອກໃຫ້ລູກຄ້າເດັດຂາດ ( ຫົວມືງຫັ້ນລະເອົາໃຫ້ກູ ...

ຕອນເຊົ້າວັນທີ 22 ພະຈິກ ກົງກັບມື້ຂຶ້ນ 15 ຄໍ່າ, ເດືອນ 12 (ລາວ) ພສ 2561 ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ, ທ່ານ ທອງລຸນ ສີສຸລິດ ນາຍົກລັດຖະມົນຕີ, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ພ້ອມດ້ວຍ ບັນດາການນຳພັກ-ລັດ  ແລະ ປະຊາຊົນລາວບັນດາເຜົ່າ ໃນຂອບເຂດ ທົ່ວປະເທດ ກໍຄື ມວນຊົນຊາວນະຄອນຫຼວງວຽງຈັນ, ຕ່າງກໍໄດ້ເຂົ້າຮ່ວມ ທຳບຸນໃສ່ບາດຖວາຍສັງຄະທານ ແດ່ພະພິຂຸສົງສຳມະເນນ ຫຼາຍກວ່າພັນອົງ. ບຸນນະມັດສະການ ພຣະທາດຫຼວງ ຖືເປັນປະເພນີອັນດີງາມ ຂອງປະຊາຊົນລາວບັນດາເຜົ່າທີ່ສືບທອດ ແລະ ປະຕິບັດກັນ ມາແຕ່ບູຮານນະການ, ນັບວ່າເປັນບຸນປາງໃຫຍ່ ອີກບຸນໜຶ່ງຂອງຊາວລາວເຮົາ ທີ່ໄດ້ຈັດຂຶ້ນເປັນປະຈຳທຸກໆປີ. ຄຣິບວີດີໂອພາບມູມສູງ ພາບມູມສູງ ການໃສ່ບາດຖະຫວາຍສັງຄະທານຢູ່ບຸນນະມັດສະການພະທາດຫລວງວຽງຈັນ ໃນວັນທີ 22 ພະຈິກ 2018. Posted by ປະເທດລາວ Pathedlao ...

ໃນວາລະການດຳເນີນກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດເທື່ອທີ VIII ໃນວັນທີ 21 ພະຈິກ 2018, ບັນດາສະມາຊິກສະພາແຫ່ງຊາດ (ສສຊ) ໄດ້ສຸມໃສ່ການປະກອບຄຳຄິດ ຄຳເຫັນໃສ່ ບັນດາບົດລາຍງານຂອງລັດຖະບານ, ເຊິ່ງປະກອບມີ ການຈັດຕັ້ງປະຕິບັດວຽກງານ ພົ້ນເດັ່ນ ປະຈຳປີ 2018, ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານ, ລວມທັງ ບົດລາຍງານອົງການກວດສອບແຫ່ງລັດ ແລະ ບົດລາຍງານຂອງອົງການກວດກາ ລັດຖະບານ. ພ້ອມກັນນີ້ ບັນດາສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງຕ່າງໆ ໄດ້ສະເໜີໃຫ້ພາກສ່ວນກ່ຽວຂ້ອງ ໃຫ້ຮີບຮ້ອນກວດກາຄືນບັນດາໂຄງການເຂື່ອນໄຟຟ້າທີ່ສ້າງສຳເລັດ ແລະ ດໍາເນີນການຜະລິດໄຟຟ້າແລ້ວ ແນໃສ່ຮັບປະກັນທາງດ້ານຄຸນນະພາບ ແລະ ຄວາມປອດໄພ. ການປະກອບຄຳຄິດເຫັນຂອງບັນດາ ສສຊ ຫຼາຍເຂດເລືອກຕັ້ງ ໄດ້ເປັນເອກະພາບສະເໜີໃຫ້ປະເມີນຄືນກ່ຽວກັບຜົນກະທົບຂອງການສ້າງເຂື່ອນໄຟຟ້າ ແລະ ສະເໜີໃຫ້ມີການສົ່ງເສີມວິຊາຊີບໃຫ້ປະຊາຊົນ ທີ່ໄດ້ຮັບຜົນກະທົບຈາກການສ້າງເຂື່ອນໃນແຕ່ລະແຫ່ງ ແນໃສ່ເຮັດໃຫ້ຊີວິດການເປັນຢູ່ຂອງປະຊາຊົນ ດີຂຶ້ນເທື່ອລະກ້າວ. ຂໍ້ມູນຈາກ: ຂປລ.