ຈໍາປາສັກ ຈັດກອງປະຊຸມຫັນລົງກໍ່ສ້າງ ຮາກຖານການເມືອງ.

ກອງປະຊຸມຫັນລົງກໍ່ສ້າງຮາກຖານການເມືອງ​ ປັບປຸງວຽກງານຮອບດ້ານຕາມ​ 4​ ເນື້ອໃນ​ 4​ ຄາດໝາຍຕິດພັນກັບກອງປະຊຸມໃຫ່ຍ​ 3​ ຂັ້ນຂອງພັກ ໄດ້ຈັດຂຶ້ນໃນຕອນເຊົ້າຂອງວັນທີ​ 22​ ພະຈິກ​ 2018ນີ້ ​ຢູ່ທີ່ສະໂມສອນຫຼັກ​ 4​ ຂອງແຂວງຈໍາປາສັກ

​ ໂດຍການໃຫ້ກຽດເຂົ້າຮ່ວມຂອງ ທ່ານ​ ປອ​ ບຸນຖອງ​ ດີວິໄຊ​ ກໍາມະການສູນກາງພັກ,​ເລຂາຄະນະບໍລິຫານງານພັກແຂວງ​ ເຈົ້າແຂວງໆ​ຈຳປາສັກ,​ມີ​ຄະນະປະຈຳພັກແຂວງ,​ກຳມະການພັກແຂວງ,​ຄະນະນຳ,​ພະນັກງານຫຼັກແຫຼ່ງຈາກນະຄອນປາກເຊ,​ 9​ ຕົວເມືອງ,​ມີເລຂາຄະນະພັກຮາກຖານກຸ່ມບ້ານ,​ພະນັກງານຫັນລົງກໍ່ສ້າງຮາກຖານເຂົ້າຮ່ວມ.

ໃນກອງປະຊຸມຜູ້ເຂົ້າຮ່ວມແມ່ນໄດ້ຮັບຟັງການຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການແຕ່ງຕັ້ງຄະນະຮັບຜິດຊອບຫັນລົງກໍ່ສ້າງຮາກຖານການເມືອງ ປະຕິບັດວຽກງານຮອບດ້ານ ຕາມ​ 4​ ເນື້ອ 4​ ຄາດໝາຍຕິດພັນກັບກອງປະຊຸມໃຫ່ຍ 3​ ຂັ້ນ​ ຂອງພັກ,​ຢູ່ນະຄອນປາກເຊ,​ແຂວງຈຳປາສັກ,​ບົດແນະນຳບາດກ້າວຫັນລົງກໍ່ສ້າງຮາກຖານການເມືອງ ປັບປຸງວຽກງານຮອບດ້ານຕາມ 4​ ເນື້ອໃນ​ 4​ ຄາດໝາຍ,​ຮັບຟັງແຜນການເຮັດທົດລອງຂອງຄະນະຮັບຜິດຊອບນຳພາສ້າງ ແລະຂໍ້ຕົກລົງວ່າດ້ວຍການຄຸ້ມຄອງ ແລະ​ ຈັດສັນຄວາມເປັນລະບຽບຮຽບຮ້ອຍໃນນະຄອນປາກເຊແຂວງຈໍາປາສັກ​ ເພື່ອແນ່ໄສ່ກະກຽມໃຫ້ແກ່ກອງປະຊຸມໃຫ່ຍ 3​ ຂັ້ນຂອງພັກ ໃຫ້ສໍາເລັດຕາມລະດັບຄາດໝາຍທີ່ວາງໄວ້.

ຂໍ້ມູນຈາກສະຖານີ ວິທະຍຸຈໍາປາສັກ 100,7 Mhz
ຂ່າວ:ນ.​ປະພິດ ສີສົມບູນ

Comments