ຂ່າວ ພາຍໃນປະເທດ

ບ້ານນາຂ້າງຊ້າງ ກະກຽມສະຖານທີ່ທ່ອງທ່ຽວ ໃຫ້ພ້ອມບໍລິການ

ບ້ານນາຂ້າງຊ້າງ ກະກຽມສະຖານທີ່ທ່ອງທ່ຽວ ໃຫ້ພ້ອມບໍລິການ ຂ່າວຈາກ ແຂວງຄຳມ່ວນ ໃຫ້ຮູ້ວ່າ: ທ່ານ ມະໂນທອງ ພົງສະຫວັດ ຮອງຫົວໜ້າພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງຄຳມ່ວນ, ລົງຊີ້ນຳນຳພາພໍ່ແມ່ປະຊາຊົນ ບ້ານນາຂ້າງຊ້າງ ສ້າງຂະບວນອະນາໄມ ບໍລິເວນເດີ່ນຈອດລົດ, ຕະຫລາດບ່ອນວາງຂາຍຜະລິດຕະພັນຂອງຊາວບ້ານ, ທາສີຫ້ອງນໍ້າ ແລະ ອື່ນໆຢູ່ສະຖານທີ່ທ່ອງທ່ຽວ ຖໍ້າພຣະ ເພື່ອກະກຽມຄວາມພ້ອມທີ່ຈະເປີດບໍລິການໃຫ້ນັກທ່ອງທ່ຽວ ເຂົ້າມາທ່ຽວຊົມ ແລະ ກາບໄຫວ້ສັກກາລະບູຊາ. ປັດຈຸບັນ, ແຂວງຄຳມ່ວນ ກຳລັງສຸມໃສ່ພັດທະນາວຽກງານທ່ອງທ່ຽວ, ໄດ້ວາງເປົ້າໝາຍ ເພື່ອພັດທະນາວຽກງານທ່ອງທ່ຽວເປັນ 3 ໄລຍະຄື: ໄລຍະສັ້ນ, ໄລຍະກາງ ແລະ ໄລຍະຍາວ ໂດຍເລັ່ງໃສ່ການປັບປຸງສະຖານທີ່ທ່ອງທ່ຽວໃຫ້ມີຄວາມໂດດເດັ່ນ, ການວາງແຜນ ໃນການສະໜອງຂໍ້ມູນຂ່າວສານການທ່ອງທ່ຽວ, ການສ້າງກິດຈະກຳທີ່ມີຄວາມຫລາກຫລາຍ, ການປັບປຸງທາງດ້ານ ຂອດການບໍລິການທີ່ສ້າງຄວາມປະທັບໃຈໃຫ້ແກ່ລູກຄ້າ, ການສ້າງເຄືອຄ່າຍເຊື່ອມຕໍ່ ຫລື ວົງຈອນການທ່ອງທ່ຽວ ເພື່ອສ້າງເງື່ອນໄຂໃຫ້ນັກທ່ອງທ່ຽວໄດ້ສຳຜັດ ກັບການ ທ່ອງທ່ຽວຫລາຍຮູບແບບ, ຫລາຍກິດຈະກຳ ແລະ ຫລາຍສະຖານທີ່ທ່ອງທ່ຽວ, ການຮັກສາສິ່ງແວດລ້ອມ ເພື່ອຄວາມຍືນຍົງ ລວມເຖິງການປະຕິບັດມາດຕະການ ປ້ອງກັນ ການແພ່ລະບາດຂອງພະຍາດໂຄວິດ-19 ຢ່າງເຂັ້ມງວດ. ເພື່ອສ້າງຄວາມໝັ້ນໃຈແກ່ນັກທ່ອງທ່ຽວ ...

Read More »

ສືບຕໍ່ໂຈະການອອກວີຊາທ່ອງທ່ຽວ ແລະ ການມາຢ້ຽມຢາມຕ່າງໆຢູ່ ສປປ ລາວ ໃຫ້ແກ່ຄົນຕ່າງ ປະເທດ

ສືບຕໍ່ໂຈະການອອກວີຊາທ່ອງທ່ຽວ ແລະ ການມາຢ້ຽມຢາມຕ່າງໆຢູ່ ສປປ ລາວ ໃຫ້ແກ່ຄົນຕ່າງ ປະເທດ ຍົກເວັ້ນທີ່ໄດ້ຮັບອະນຸຍາດຕາມແຜນທົດລອງນຳເຂົ້ານັກທ່ອງທ່ຽວຕ່າງປະເທດ ຕາມແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີເລກທີ 1445, ລົງວັນທີ 5 ພະຈິກ 2021. ສໍາລັບພະນັກງານສະຖານທູດ, ອົງການ ຈັດຕັ້ງສາກົນ, ຊ່ຽວຊານ, ນັກລົງທຶນ, ວິຊາການ ແລະ ແຮງງານຕ່າງປະເທດ ທີ່ມີຄວາມຈໍາເປັນອັນຮີບດ່ວນ ເພື່ອເຂົ້າມາປະຕິບັດວຽກງານຢູ່ສະຖານທູດ, ບັນດາກິດຈະການ ແລະ ໂຄງການຕ່າງໆ ແມ່ນຕ້ອງໄດ້ຮັບອະນຸຍາດຈາກຄະນະສະເພາະກິດ ແລະ ປະຕິບັດຕາມມາດຕະການປ້ອງກັນການຕິດເຊື້ອ ແລະ ແຜ່ເຊື້ອຢ່າງເຂັ້ມງວດ. ສ່ວນການຈຳກັດບໍລິເວນ ແມ່ນອະນຸຍາດໃຫ້ພະນັກ ງານ ສະຖານທູດ ແລະ ອົງການຈັດຕັ້ງສາກົນ ນຳໃຊ້ທີ່ພັກຂອງຕົນເອງໄດ້, ນອກນັ້ນ ແມ່ນຕ້ອງໄດ້ຈຳກັດບໍລິເວນຢູ່ໂຮງແຮມ ທີ່ຄະນະສະເພາະກິດ ກຳນົດໄວ້ເທົ່ານັ້ນ ສືບຕໍ່ໂຈະການອອກວີຊາທ່ອງທ່ຽວ ແລະ ການມາຢ້ຽມຢາມຕ່າງໆຢູ່ ສປປ ລາວ ໃຫ້ແກ່ຄົນຕ່າງ ປະເທດ

Read More »

ໄທ​ເປັນ​ປະ​ເທດ​ໜຶ່ງ​ໃນ 10 ປະ​ເທດ​ທີ່​ມີ​ມະຫາ​ເສດຖີ​ຫຼາຍ​ທີ່​ສຸດ​ໃນ​ໂລກ.

ສຳນັກຂ່າວHurun ລາຍງານການຈັດອັນດັບມະຫາເສດຖີທົ່ວໂລກ, ປະເທດໄທແມ່ນຢູ່ໃນ 10 ອັນດັບຕົ້ນ ເມື່ອວັນທີ 11 ພະຈິກ 2021, ລາຍງານຂອງ Hurun Report ໄດ້ເປີດເຜີຍການຈັດອັນດັບຂອງເສດຖີ ແລະມະຫາເສດຖີທີ່ສຸດໃນໂລກປະຈຳປີ 2021. ມະຫາເສດຖີຖືກກຳນົດວ່າເປັນບຸກຄົນທີ່ມີຊັບສິນຫຼາຍກວ່າ 1 ຕື້ໂດລາ ຫຼືປະມານ 32,8 ຕື້ບາດ. ປີນີ້ທົ່ວໂລກມີມະຫາເສດຖີທັງໝົດ 3,228 ຄົນຈາກ 68 ປະເທດ, ເພີ່ມຂຶ້ນ 414 ຄົນຈາກປີທີ່ຜ່ານມາ ແລະ 1,039 ຄົນຈາກ 5 ປີຜ່ານມາ, ນີ້ແມ່ນ 10 ອັນດັບ​ຂອງ​ມະຫາ​ເສດຖີ​ໃນປະເທດ 10 ​ອັນ​ດັບ​ຂອງ​ໂລກ​ທີ່​ມີ​ຈຳນວນ​ມະຫາເສດຖີຫຼາຍ​ທີ່​ສຸດ​ໃນໂລກກໍ​ປະກົດ​ມີ: 1. ຈີນແຜ່ນດິນໃຫຍ່ 1,058 ຄົນ 2. ສະຫະລັດອາເມລິກາ 696 ຄົນ 3. ອິນເດຍ 177 ຄົນ 4. ເຢຍລະມັນ 141 ຄົນ 5. ສະຫະລາຊະອານາຈັກ 134 ຄົນ 6. ...

Read More »

ບັດເດບິດ Mastercard ສຳລັບທຸລະກຳການເງິນສະກຸນເງິນດິຈິຕອນ

Mastercard ຮ່ວມມືກັບບໍລິສັດສະກຸນເງິນດິຈິຕອນຊັ້ນນໍາໃນທົ່ວອາຊີປາຊີຟິກເພື່ອເປີດຕົວບັດຊໍາລະເງິນ Crypto-linked ທໍາອິດຂອງພາກພື້ນ.ໃນການຮ່ວມມືກັບ Mastercard, ສາມຜູ້ໃຫ້ບໍລິການດ້ານ cryptocurrency ຊັ້ນນໍາໃນອາຊີປາຊີຟິກຈະເປີດຕົວບັດຊໍາລະເງິນ Mastercard ທີ່ໄດ້ຮັບທຶນ crypto. ເປັນຄັ້ງທໍາອິດ, ຜູ້ບໍລິໂພກ ແລະທຸລະກິດໃນພາກພື້ນອາຊີປາຊີຟິກຈະສາມາດສະຫມັກຂໍເອົາບັດເຄຣດິດ Mastercard ທີ່ເຊື່ອມໂຍງກັບ crypto, ສຳລັບບັດເດບິດ ຫຼື ບັດຊໍາລະລ່ວງຫນ້າທີ່ຈະຊ່ວຍໃຫ້ພວກເຂົາສາມາດປ່ຽນ cryptocurrencies ຂອງເຂົາເຈົ້າເຂົ້າໄປໃນສະກຸນເງິນ fiat ແບບດັ້ງເດີມໄດ້ທັນທີ, ເຊິ່ງສາມາດໃຊ້ໄດ້ທຸກບ່ອນໃນທົ່ວໂລກ. Mastercard ໄດ້ຮ່ວມມືກັບ 3 ຜູ້ໃຫ້ບໍລິການດ້ານຊັບສິນດິຈິຕອນຄື: Amber Group ໃນຮ່ອງກົງ, Bitkub ໃນປະເທດໄທ, ແລະ CoinJar ໃນອົດສະຕາລີ, ເຊິ່ງທັງຫມົດນີ້ໃຫ້ບໍລິການຊື້ ແລະແລກປ່ຽນເງິນຕາ cryptocurrency ໃນຕະຫຼາດພາຍໃນຂອງພວກເຂົາ. ບໍລິສັດເຫຼົ່ານີ້ແມ່ນ APAC-based cryptocurrency platforms ທໍາອິດ ທີ່ອີງໃສ່ APAC ເພື່ອເຂົ້າຮ່ວມໂຄງການບັດ Crypto ທົ່ວໂລກຂອງ Mastercard ເຊິ່ງຖືກອອກແບບມາເພື່ອເຮັດໃຫ້ບໍລິສັດ crypto ສາມາດນຳໃຊ້ໄດ້ງ່າຍດາຍ ແລະວ່ອງໄວຂຶ້ນ ທີ່ສຳຄັນມັນຈະເປັນບັດຊໍາລະເງິນທີ່ປອດໄພອີກດ້ວຍ, ເພື່ອໃຫ້ສອດຄ່ອງ ແລະ ເຂົ້າໃນລະບົບຕະຫຼາດ, ...

Read More »

ຊາຍແດນສະຫະລັດອາເມລິກາ – ເມັກຊິໂກ ໄດ້ເປີດຄືນ ໃໝ່

TIJUANA/CIUDAD JUAREZ, ປະເທດ ເມັກຊິໂກ, ໃນຕົ້ນອາທິດທີ່ຜ່ານມາ ສຳນັກງານຂ່າວ(Reuters)ໄດ້ລາຍງານວ່າ – ທີ່ດ່ານຊາຍແດນເມັກຊິໂກ – ສະຫະລັດອາເມລິກາ ໄດ້ມີຈຳປະຊາຊົນເລິ່ມມີການເດີນທາງຂ້າມຊາຍແດນລະຫວ່າງປະເທດ ຫລາຍກວ່າທີ່ຄາດໄວ້. ດ່ານຂອງສອງປະເທດໄດ້ເປີດຄືນໃໝ່ ສຳລັບການເດີນທາງໃດໆກໍໄດ້ ບໍ່ຈຳເປັນຕ້ອງມີເອກະສານອ້າງອີງເຖິງຄວາມຈຳເປັນໃນການເດີນທາງແຕ່ຢ່າງໃດ. ການເປີດດ່ານດັ່ງກ່າວແມ່ນເປັນການເປີດເທື່ອທຳອິດຫຼັງຈາກການປິດຫລາຍກວ່າ 20 ເດືອນ ຍ້ອນການແຜ່ລະບາດຂອງພະຍາດ COVID-19, ແຕ່ກໍ່ມີຫລາຍຄົນເລືອກທີ່ຈະ​ຍັງບໍ່ທັນເດີນທາງໃນຊ່ວງນີ້ເທື່ອ, ຍ້ອນສະພາບການຈາລະຈອນແມ່ນຂ້ອນຂ້າງທີ່ຈະໜາແໜ້ນ ແລະ ​ເພື່ອ​ຫຼີກ​ເວັ້ນ​ກັບຄວາມ​ວຸ່ນ​ວາຍ​ທີ່​ອາດ​ຈະ​ເກີດ​ຂຶ້ນໃນໄລຍະເສັ້ນທາງໄປຫາດ່ານຊາຍແດນ​. ຊາຍແດນສະຫະລັດອາເມລິກາ – ເມັກຊິໂກ ໄດ້ເປີດຄືນ ໃໝ່

Read More »

ມື້ນີ້ມີ 2 ສະຖິຕິໃໝ່ ກ່ຽວກັບໂຄວິດໃນລາວ

ສະຖິຕິທຳອິດ ແມ່ນແຂວງຫົວພັນ ໄດ້ກວດພົບຜູ້ຕິດເຊື້ອໂຄວິດ ຄົນທຳອິດຂອງແຂວງ ຈຳນວນ 2 ຄົນ. ສ່ວນລາຍລະອຽດເພິ່ມຕື່ມ ແມ່ນຈະອັບເດດໃຫ້ທ່ານໃນໄລຍະຕໍ່ໄປ.ສະຖິຕິທີ່ສອງ ແມ່ນ ເປັນຍອດສູງສຸດຂອງການກວດພົບຜູ້ຕິດເຊື້ອໃນລາວ ສະຫລຸບໄດ້ສະຖານະການໂຄວິດໃນ ສປປ ລາວ ແມ່ນມີຜູ້ຕິດເຊື້ອຄົບທຸກແຂວງແລ້ວ ແລະ ທົ່ວປະເທດໃນ​ ມື້ນີ້ມີຜູ້ຕິດເຊື້ອໃຫມ່ລວມ​ +1198 ຄົນ, ສ່ວນຈຳນວນຜູ້ ເສຍຊີວິດເພິ່ມແມ່ນ 1 ຄົນ. ລວມ 94 ຄົນ ຄິດເປັນ 0.18% ຂອງຜູ້ຕິດເຊື້ອສະສົມທັງໝົດ. ສ່ວນຈຳນວນທີ່ປີ່ນປົວຫາຍດີ ຕື່ມອີກແມ່ນ: 507 ຄົນ, ເຫັນວ່າ ການຮັກສາຂອງແພດໝໍແມ່ນໄດ້ດີຫລາຍ ເຮັດໃຫ້ຜູ້ເສຍຊີວິດໜ້ອຍ ແລະ ສາມາດກັບບ້ານ ພ້ອມພູມຄຸ້ມກັນທີ່ຕິດໂຕກັບບ້ານນຳ, ສາເຫດທີ່ເຮັດໃຫ້ ຈຳນວນຜູ້ຫາຍດີ ກໍຫລາຍ ແລະ ເສຍຊີວິດກໍ່ໜ້ອຍ ອາດຈະຍ້ອນການເອົາໃຈໃສ່ສັກວັກຊີນໄດ້ຈຳນວນຫລາຍ ຖ້າທຽບໃສ່ຫລາຍປະເທດເພື່ອນບ້ານອ້ອມຂ້າງຂອງພວກເຮົາ. ສີ່ງທີ່ສຳຄັນ ຄືເຮົາຕ້ອງຮຽນຮູ້ທີ່ຈະຢູ່ກັບມັນໃຫ້ໄດ້ ດ້ວຍການລ້າງມື ໃສ່ໜ້າກາກ ຮັກສາໄລຍະຫ່າງ ໃຫ້ເຮືອນປອດໂປ່ງຢູ່ສະເໝີ ຫຼີກລ້ຽງບ່ອນຄົນແອອັດ ແລະ ເຂົ້າກວດຫາເຊື້ອເປັນປະຈຳ ພຽງເທົ່ານີ້ ພວກເຮົາກໍ່ສາມາດຢູ່ກັບມັນໄດ້ຄື ໃນໄລຍະຜ່ານມາ 2 ...

Read More »

ແຂວງຫົວພັນ ໄດ້ກວດພົບຜູ້ຕິດເຊື້ອໂຄວິດ ຄົນທຳອິດຂອງແຂວງ

ມື້ນີ້ ມີຂ່າວດ່ວນຈາກ ແຂວງຫົວພັນ ໄດ້ກວດພົບຜູ້ຕິດເຊື້ອໂຄວິດ ຄົນທຳອິດຂອງແຂວງ ຈຳນວນ 2 ຄົນ. ສ່ວນລາຍລະອຽດເພິ່ມຕື່ມ ແມ່ນຈະອັບເດດໃຫ້ທ່ານໃນໄລຍະຕໍ່ໄປ. ສະຫລຸບໄດ້ສະຖານະການໂຄວິດໃນ ສປປ ລາວ ແມ່ນມີຜູ້ຕິດເຊື້ອຄົບທຸກແຂວງແລ້ວ ແລະ ທົ່ວປະເທດໃນ​ ມື້ນີ້ມີຜູ້ຕິດເຊື້ອໃຫມ່ລວມ​ +1198 ຄົນ, ສ່ວນຈຳນວນຜູ້ ເສຍຊີວິດເພິ່ມແມ່ນ 1 ຄົນ. ລວມ 93 ຄົນ ຄິດເປັນ 0.18% ຂອງຜູ້ຕິດເຊື້ອສະສົມທັງໝົດ. ສ່ວນຈຳນວນທີ່ປີ່ນປົວຫາຍດີ ຕື່ມອີກແມ່ນ: 507 ຄົນ, ເຫັນວ່າ ການຮັກສາຂອງແພດໝໍແມ່ນໄດ້ດີຫລາຍ ເຮັດໃຫ້ຜູ້ເສຍຊີວິດໜ້ອຍ ແລະ ສາມາດກັບບ້ານ ພ້ອມພູມຄຸ້ມກັນທີ່ຕິດໂຕກັບບ້ານນຳ, ສາເຫດທີ່ເຮັດໃຫ້ ຈຳນວນຜູ້ຫາຍດີ ກໍຫລາຍ ແລະ ເສຍຊີວິດກໍ່ໜ້ອຍ ອາດຈະຍ້ອນການເອົາໃຈໃສ່ສັກວັກຊີນໄດ້ຈຳນວນຫລາຍ ຖ້າທຽບໃສ່ຫລາຍປະເທດເພື່ອນບ້ານອ້ອມຂ້າງຂອງພວກເຮົາ. ສີ່ງທີ່ສຳຄັນ ຄືເຮົາຕ້ອງຮຽນຮູ້ທີ່ຈະຢູ່ກັບມັນໃຫ້ໄດ້ ດ້ວຍການລ້າງມື ໃສ່ໜ້າກາກ ຮັກສາໄລຍະຫ່າງ ໃຫ້ເຮືອນປອດໂປ່ງຢູ່ສະເໝີ ຫຼີກລ້ຽງບ່ອນຄົນແອອັດ ແລະ ເຂົ້າກວດຫາເຊື້ອເປັນປະຈຳ ພຽງເທົ່ານີ້ ພວກເຮົາກໍ່ສາມາດຢູ່ກັບມັນໄດ້ຄື ໃນໄລຍະຜ່ານມາ ສະນັ້ນຢ່າຍອມແພ້ ແຂວງຫົວພັນ ...

Read More »

ນາຍົກຊີ້ແຈງ ຕ້ອງການວິຊາການປະເພດ1 ທີ່ຕັ້ງໃຈເຮັດແທ້ທຳຈິງ

ນາຍົກລັດຖະມົນຕີ ແຫ່ງ ສປປ ລາວ ພະນະທ່ານ ພັນຄຳ ວິພາວັນ ໄດ້ໃຫ້ຄຳແນະນຳຊີ້ແຈງຕໍ່ ສສຊ ໃນວາລະການດໍາເນີນ ກອງປະຊຸມສະໄຫມສາມັນ ເທື່ອທີ 2 ຂອງສະພາແຫ່ງຊາດຊຸດທີ IX ຂອງວັນທີ 5 ພະຈິກ 2021 ທີ່ຜ່ານມາ. ແລະ ໜື່ງໃນຫົວຂໍ້ທີ່ທ່ານໄດ້ເວົ້າແມ່ນ ເປັນຄວາມຈິງຂອງສັງຄົມລາວ ແລະ ປະເທດອື່ນໆກໍ່ອາດຈະມີບັນຫາຫຍໍ້ທໍ້ໃນການເຮັດວຽກຫ້ອງການໃດໜື່ງເຊັ້ນກັນ ດັ່ງນີ້:ຈະມີ 3 ປະເພດ ຂອງນັກວິຊາການໃນຫ້ອງການກຸ່ມທີໜື່ງ ແມ່ນ: ມີຄວາມຕັ້ງໃຈຢາກເຮັດແທ້ທໍາຈິງ, ຕັ້ງໃຈສ້າງສາ ຕັ້ງໃຈເຮັດວຽກ ທຸ່ມເທ ສະເຫນີແນວຄິດ ແລະ ລົງມືປະຕິບັດ. ກຸ່ມທີສອງແມ່ນ: ເຮັດວຽກເຄິ່ງໆກາງໆແລ້ວແຕ່ຊິໄປ, ເຮັດພໍແຕ່ແລ້ວໆໄປວັນໆ ພະນັກງານປະເພດນີ້ມີແຕ່ 70%ແລະກຸ່ມສຸດທ້າຍ ກຸ່ມທີສາມແມ່ນ: ມີແຕ່ຕ້ານ ເປັນກຸ່ມທີ່ເສຍຜົນປະໂຫຍດ ບໍ່ມີແນວຄິດປ່ຽນແປງໃຫມ່ ຕາມຄວາມເຂົ້າໃຈຂອງຜູ້ຂຽນຂ່າວແມ່ນເຫັນໄດ້ເຖິງ ຄວາມເປັນຫ່ວງຂອງເພິ່ນ ແລະບັນຫາໃນສັງຄົມການເຮັດວຽກຫ້ອງການທີ່ປາດສະຈາກບໍ່ໄດ້. ແຕ່ການທີ່ ພະນະທ່ານ ໄດ້ເວົ້າ ແມ່ນເພື່ອກະຕຸ້ນໃຫ້ບັນດາວິຊາການໄດ້ທົບທວນການເຮັດວຽກຂອງໂຕເອງ ເພື່ອຈະໃຫ້ ສາມາດ ປ່ຽນໂຕເອງຈາກທີ່ຄິດວ່າໂຕເອງຢູ່ກຸ່ມທີສອງ ແລະທີສາມ ໃຫ້ຍັບຂື້ນໄປຢູ່ໃນກຸ່ມທີ່ໜຶ່ງໃຫ້ໄດ້. ນາຍົກຊີ້ແຈງ ຕ້ອງການວິຊາການປະເພດ1 ...

Read More »

ສສຊ ໜູ່ມສຸດຂອງຍີ່ປຸ່ນ ອາຍຸຈັກປີ?

ຜົນການເລືອກຕັ້ງ ສະມາຊິກ​ສະພາ​ລຸ່ມ​ Lower House Lawmakers Election ຂອງປະເທດຍີ່ປຸ່ນ ໃນວັນທີ​ 31​ ຕຸລາ​ 2021​ທີ່ຜ່ານມາ,​ ອາຍຸສະເລ່ຍຂອງ​ ສສຊ​ ຊຸດໃໝ່​ແມ່ນຫັນເປັນໜູ່ມ ຈາກຄ່າສະເລ່ຍ 59,0 ປີ​ ຫລຸດລົງ​ມາເປັນ​ 55,5 ປີ.​ ໃນນັ້ນ​ ທ່ານ​ ຢຸກິ ບະບະ (Mr. Yuki Baba) ຈາກພັກ CDP ມີອາຍຸໜູ່ມສຸດໃນຈຳນວນ 465 ທ່ານ,​ ເຊິ່ງມີອາຍຸພຽງແຕ່ 29​ ປີເທົ່ານັ້ນ.ສສຊ ທີ່ອາຍຸໜູ່ມສຸດຂອງປະເທດລາວແມ່ນຈັກປີ ທ່ານຮູ້ຫຼືບໍ່?​ ສສຊ ໜູ່ມສຸດຂອງຍີ່ປຸ່ນ ອາຍຸຈັກປີ?

Read More »

ແຈ້ງການ ເຫັນດີໃຫ້ ຈັດງານບຸນນະມັດສະການພະທາດຫລວງ

ແຈ້ງການຈາກຫ້ອງວ່າການສໍານັກງານນາຍົກລັດຖະມົນຕີ ເລກທີ 1435/ຫສນຍ ນະຄອນຫຼວງວຽງຈັນ, ລົງວັນທີ 11 ພະຈິກ 2021.ລາຍລະອຽດແຈ້ງການມີດັ່ງນີ້:ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງການຊີ້ນໍາຂອງທ່ານ ຮອງນາຍົກລັດຖະມົນຕີ, ຜູ້ຊີ້ນໍາ ວຽກງານຂົງເຂດການປົກຄອງ ແລະ ວັດທະນະທໍາ-ສັງຄົມ ມາຍັງທ່ານຊາບ ດັ່ງນີ້: “ເຫັນດີອະນຸມັດໃຫ້ນະຄອນຫຼວງວຽງຈັນ ຈັດງານປະເພນີບຸນນະມັດສະການພຣະທາດຫຼວງວຽງຈັນ ປະຈໍາປີ 2021, ກໍານົດເວລາ 03 ວັນ (ນັບແຕ່ວັນທີ 17 ຫາ 19 ພະຈິກ 2021) ໂດຍອະນຸຍາດໃຫ້ຈັດແຕ່ກິດຈະກໍາທີ່ເປັນປະເພນີທາງສາສະຫນາເທົ່ານັ້ນ, ສ່ວນລາຍລະອຽດມອບໃຫ້ຄະນະ ສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດ ຂອງພະຍາດໂຄວິດ-19. ຂັ້ນນະຄອນຫຼວງວຽງຈັນ ເປັນເຈົ້າ ການສົມທົບກັບພາກສ່ວນກ່ຽວຂ້ອງ ຄົ້ນຄວ້າ ແລະ ຕົກລົງ ທັງຊີ້ນໍາການປະຕິບັດມາດຕະການຕ່າງໆ ທີ່ວາງອອກຢ່າງເຂັ້ມ ງວດ ແລະ ຮັບປະກັນໃຫ້ມີຄວາມສະຫງົບຮຽບຮ້ອຍທາງສັງຄົມ”.ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ປະຕິບັດຕາມເນື້ອໃນແຈ້ງການ ສະບັບນີ້ດ້ວຍ.ລັດຖະມົນຕີ, ຫົວຫນ້າຫ້ອງວ່າການສໍານັກງານນາຍົກລັດຖະມົນຕີ ທ່ານ ຄຳເຈນ ວົງໂພສີ ແຈ້ງການ ເຫັນດີໃຫ້ ຈັດງານບຸນນະມັດສະການພະທາດຫລວງ

Read More »