ຂ່າວ ພາຍໃນປະເທດ

ໃນວັນທີ 22 ມັງກອນ 2022 ທີ່ຜ່ານມາ ໃນເວລາ 19:30 ທ່ານ ສະຫຼອງລັດ ຈັນສົ່ງແກ້ວ ຫົວໜ້າດ່ານກັກກັນສັດແຂວງມຸກດາຫານ ໄດ້ຮັບແຈ້ງວ່າມີການລັກລອບນໍາຊີ້ນໝູຈາກແຂວງສະຫວັນນະເຂດ ເຂົ້າໄປຍັງປະເທດໄທ ໂດຍຜ່ານຂົວມິດຕະພາບລາວ-ໄທ ແຫ່ງທີ 2 (ມຸກດາຫານ-ສະຫວັນນະເຂດ).ຈາກການກວດສອບຂອງເຈົ້າໜ້າທີໄທໄດ້ກວດພົບຕູ້ຄອນເທັນເນີທີ່ມີກ່ອງກະດາດທີ່ບັນຈຸເຄື່ອງໄວ້ດ້ານໃນ ເມື່ອເປີດທາງໃນມີຊີ້ນໝູແຊ່ແຂງ ໂດຍສ່ວນໃຫຍ່ເປັນຊີ້ນໝູ 3 ຊັ້ນ ເຊິ່ງມີນໍ້າໜັກປະມານ 20 ໂຕນ ແລະ ຕົກເປັນເງິນປະມານ 1.7 ຕື້ກີບ. ຈາກການສືບສວນຄົນຂັບລົດແມ່ນຜູ້ກ່ຽວບໍ່ຮູ້ວ່າພາຍໃນຕູ້ຄອນເທັນເນີຈະມີຊີ້ນໝູຢູ່ພາຍໃນ. ທາງເຈົ້າໜ້າທີ່ດ່ານກັກກັນສັດແຂວງມຸກດາຫານ ໄດ້ກ່າວວ່າ: ຜ່ານການກວດສອບສິນຄ້າທີ່ບັນທຸກມາໃນຕູ້ຄອນເທັນເນີ ແມ່ນເປັນຊີ້ນໝູທີ່ລັກລອບເຂົ້າໄປປະເທດໄທ. ຂໍ້ມູນ All in LAOS

ວິທະຍຸກະຈາຍສຽງຫວຽດນາມລາຍງານວ່າ: ວັນທີ 24 ມັງກອນ ຜ່ານມາ, ກະຊວງວັດທະນະ ທຳ, ກິລາ ແລະ ທ່ອງທ່ຽວ ຫວຽດນາມ ໄດ້ຈັດກອງປະຊຸມສຳມະນາເປັນເອກະພາບ ປະຕິບັດບັນດາຂັ້ນຕອນ, ມາດຕະການແກ້ໄຂ ເພື່ອເປີດປະຕູການເຄື່ອນໄຫວຕ້ອນຮັບນັກທ່ອງທ່ຽວສາກົນ.ນັບມາຮອດວັນທີ 23 ມັງກອນ 2022 ແລ້ວ, ຫວຽດນາມ ໄດ້ຕ້ອນຮັບນັກທ່ອງທ່ຽວສາກົນຫຼາຍກວ່າ 8,500 ຄົນ ທີ່ເດີນທາງມາທ່ອງທ່ຽວຢູ່ 3 ທ້ອງຖິ່ນຄື: ຟູກວກ (ກຽນຢາງ), ແຄງຮວ່າ ແລະ ກວາງນາມ. ໃນປັດຈຸບັນ, ໄດ້ມີ ຫຼາຍບໍລິສັດທ່ອງທ່ຽວສາກົນ, ຫຼາຍໂຮງແຮມ ແລະ ຫົວໜ່ວຍຂົນສົ່ງ ທີ່ໄດ້ຈົດທະບຽນເຂົ້າຮ່ວມການຕ້ອນຮັບນັກທ່ອງທ່ຽວ.ທ່ານ ຫງວຽນວັນຮຸ່ງ ລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ໃຫ້ຮູ້ວ່າ: ດ້ວຍບັນດາເງື່ອນໄຂຂອງ ຫວຽດນາມ ໃນປັດຈຸບັນ, ທີ່ມີອັດຕາຜູ້ສັກວັກຊິນບັນລຸລະດັບສູງ ຢູ່ໃນ 10 ອັນດັບຂອງໂລກ ແລະ ແຜນນະໂຍບາຍຂອງນາຍົກລັດຖະມົນຕີກ່ຽວກັບບັ້ນສັກວັກຊິນເຂັມທີ 3 ໃຫ້ແກ່ປະຊາຊົນ. ນີ້ເປັນເງືອນໄຂສຳຄັນ ແລະ ໂອກາດທີ່ດີ ເພື່ອໃຫ້ພວກເຮົາພິຈາລະນາເປີດປະຕູການທ່ອງທ່ຽວຄືນໃໝ່. ...

ຖືໄດ້ວ່າ ສສ. ຫວຽດນາມ ມີແຜນຍຸດທະສາດທີ່ໂດດເດັ່ນຫຼາຍ ໂດຍສະເພາະ ແຜນການຍົກລະດັບ ພາບລັກຂອງປະເທດຕໍ່ສັງຄົມໂລກ. ໂດຍການຍົກລະດັບຄຸນນະພາບການຜະລິດສິນຄ້າ ກໍ່ຄື ຍານພະຫານະຂອງບໍລິສັດ VINFAST ທີ່ມີເປົ້າໝາຍຜະລິດລົດທີ່ດີ, ດີທັງການອອກແບບ ແລະ ດີທັງຄຸນນະພາບຂອງການຜະລິດ. ເພາະທີ່ຜ່ານມາສັງຄົມໂລກ ຄິດແຕ່ວ່າສິນຄ້າ ທີ່ມາຈາກຫວຽດນາມແມ່ນລາຄາບໍ່ແພງ ແລະ ຄຸນນະພາບພໍໃຊ້ເທົ່ານັ້ນ. ໂດຍເປົ້າໝາຍຂອງຫວຽດນາມມີດັ່ງນີ້: 1. ໃນປີ 2022 ນີ້ ບໍລິສັດຜະລິດລົດຍົນທີ່ໃຊ້ພະລັງານໄຟຟ້າ VINFAST ຈະເປີດ​ຕົວ​ລົດ SUV ພ້ອມກັນ 5 ລຸ້ນ2. ໃນປີ 2024 ມີແຜນເປີດ​ໂຮງ​ງານການຜະລິດ ໃຫ້ໄດ້ 250,000 ຄັນຕໍ່ປີ 3. ພ້ອມເລັ່ງມື​ສ້າງ​ໂຮງ​ງານຜະລິດ​ຢູ່​ ປະເທດ ເຢຍ​ລະ​ມັນ 4. ປະຈຸບັນ ຄົນຫວຽດນາມະເອງແມ່ນໄດ້ ສັ່ງລົດແລ້ວ 25,000 ຄັນ.ຂໍ້ມູນ TNN

ວັນທີ 25 ມັງກອນ 2022, ອົງການຄວາມໂປ່ງໃສນາໆຊາດ (Transparency International) ອອກຜົນການຈັດ ອັນດັບ Corruption Perceptions Index (CPI) ປະຈໍາປີ 2001 ຜົນປາກົດວ່າປະເທດເດນມາກຄອງອັນດັບ 1 ປະເທດທີ່ສໍ້ລາດບັງຫລວງຫນ້ອຍທີ່ສຸດ ໂດຍອັນດັບຕົ້ນໆມາໄດ້ແກ່ຟິນແລນ, ນິວຊີແລນ, ນໍເວ, ສິງກະໂປ ແລະ ສະວີເດນຕາມລໍາດັບ ໂດຍສາມປະເທດທໍາອິດໄດ້ 88 ຄະແນນເທົ່າກັນ ຖືເປັນອັນດັບ 1 ຮ່ວມ, ສ່ວນສາມ ປະເທດຫລັງໄດ້ຄະແນນປະເມີນເທົ່າກັນ 85 ຄະແນນ ຈຶ່ງຄອງອັນດັບ 4 ຮ່ວມກັນ.ການສໍາຫລວດເຮັດຜ່ານດັດຊະນີທີ່ດຶງຂໍ້ມູນມາຈາກຖານຂໍ້ມູນຕ່າງໆໃນ 180 ປະເທດ.ຄະແນນຂອງສິງກະໂປຖືວ່າຫລາຍທີ່ສຸດໃນພາກພື້ນອາຊີ ແລະ ພາກພື້ນອາຊີຕາເວັນອອກສຽງໃຕ້, ສ່ວນ ປະເທດອາຊີອື່ນໆເຊັ່ນ: ຮົງກົງໄດ້ອັນດັບ 12 (76 ຄະແນນ), ຍີ່ປຸ່ນຢູ່ອັນດັບ 18 (73 ຄະແນນ).ມາເລເຊຍອັນດັບທີ 62 (48 ຄະແນນ),ຫວຽດນາມ ອັນດັບ 87 (39 ຄະແນນ),ອິນໂດເນເຊຍອັນດັບ 96 (38 ...

ວັນທີ​ 14 ມັງກອນ 2021 ນີ້ ກະຊວງຖະແຫລງຂ່າວ ສັ່ງພະແນກ ຖະແຫລງຂ່າວ ໃນທົ່ວປະເທດ ກວດກາຄືນບັນດາເນື້ອເພງ ສອງແງ່ ສາມງ່າມ ລາມົກອານາຈານ ອອກຜ່ານສັງຄົນອອນລາຍ ຍົກຕົວຢ່າງເພລງ ” ເນີນ x ອາລັງການ ”ຫ້ອງການ ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຂໍຖືເປັນກຽດ ແຈ້ງມາຍັງ ຫົວຫນ້າ ພະແນກ ຖວທ ແຂວງ, ນະຄອນຫຼວງ ໃນຂອບເຂດທົ່ວປະເທດ ຊາບວ່າ

ບໍລິສັດ AMATA ທຸ້ມເງິນລົງທຶນ ໃນເມືອງອຸດສາຫະກຳທັນສະໄໝ AMATA SMART & ECO CITY ໃນ ສປປ ລາວ ພາຍຫຼັງລັດຖະບານ ໄດ້ເຊັນສັນຍາອະນຸມັດສໍາປະທານເພື່ອພັດທະນາທີ່ດິນໃນເຂດເປົ້າໝາຍ ນາເຕີຍ. ແຂວງຫຼວງນຳ້ທາ ສຳເລັດ. ວັນ​ທີ 13 ມັງກອນ 2022, ທ່ານ ວິກົມ ກົມ​ມະ​ດິດ ປະທານ​ຄະນະ​ບໍລິຫານ​ງານ​ບໍລິສັດ ອຳ​ມະ​ຕະ ​ຈຳກັດ ມະຫາຊົນເປີດເຜີຍວ່າ ບໍລິສັດ ອຳມະຕະ ໄດ້ຮັບການອະນຸມັດສໍາປະທານ ໃນທີ່ດິນພັດທະນາ 410 ເຮັກຕາ (2,562.5 ໄຮ່) ຈາກລັດຖະບານ ສປປ ລາວເຮົາ ໂດຍໄດ້ເຊັນສັນຍາ ຮ່ວມກັນທັງສອງຝ່າຍເປັນທີ່ຮຽບຮ້ອຍ.ການລົງທຶນໃນຄັ້ງນີ້ ຖືໄດ້ວ່າເປັນບາດກ້າວທີ່ສຳຄັນຂອງ ບໍລິສັດ ອຳມະຕະ AMATA ດ້ວຍການເປີດຕົວໂຄງການພັດທະນາທີ່ດິນແຫ່ງທຳອິດໃນ ສປປ ລາວ. ພັດທະນາໂຄງການ Amata Smart and Eco City ທີ່ບ້ານນາເຕີຍ ໄລຍະທີ 1 ໃນຂອບເຂດເປົ້າໝາຍການລົງທຶນທັງໝົດ 200 ຕາລາງກິໂລແມັດ ...

ບຣາຊິນ ເຕືອນໄພປະຊາຊົນ ຈາກເຫດການ ນຳ້ລົ້ນເຂື່ອນ ຕາມ​ຂ່າວ​ຈາກ ​ບຣາຊິນ,​ ວັນ​ທີ 12​ ມັງກອນ 2022, ເຂື່ອນ​ຄາຣິ​ໂອ​ຄາ (Carioca) ​ໃນ​ລັດມີ​ນັດ​ເຈ​ໄຣຊ (Minashjereich) ທາງ​ຕາ​ເວັນ​ອອກ​ສ່ຽງ​ໃຕ້ຂອງ​ບຣາຊິນ ຕ້ອງ​ຮອງ​ຮັບ​ນຳ້ຈາກ​ຝົນ​ທີ່​ຕົກ​ໜັກ​ ຢ່າງຕໍ່​ເນື່ອງ ເມື່ອຫລາຍ​ອາທິດ​ຜ່ານ​ມາ​ເຮັດ​ໃຫ້​ ເກີດ​ນຳ້ຖ້ວມໃນ​ພື້ນ​ທີ່​ມາ​ດົນ ຈົນ​ເຖິງຂະນະ​ນີ້ລະດັບ​ນຳ້ຍັງ​ເພີ່ມ​ສູງ​ຂຶ້ນ ​ເຮັດ​ໃຫ້​ທາງ​ການຕ້ອງ​ປະ​ກາດເຕືອນ​ໄພ​ ປະຊາຊົນທີ່ຢູ່​ທ້າຍ​ເຂື່ອນທີ່​ຜະ​ເຊີນອຸ​ທົກ​ກະ​ໄພ​ຄັ້ງ​ໃຫຍ່​ ເປັນເວລາດົນນານ ​ແລະ​ ມີຄວາມສ່ຽງຕໍ່ສະຖານະ​ການດັ່ງກ່າວ ​​ຈະເພີ່ມ​ຄວາມ​ຮຸນ​ແຮງ​ຂຶ້ນຖ້າ​ເຂື່ອນ​ແຕກ. ປັດຈຸບັນ ນອກຈາກ ນຳ້ຖ້ວມ​ແລ້ວຍັງ​ເກີດຜົນ​ກະທົບ​ຈາກ​ສະພາບ​ດິນ​ຟ້າອາກາດ ​ທີ່​ບໍ່​ດີ​ສ້າງ​ຄວາມ​ເສຍ​ຫາຍຕໍ່​ເສັ້ນທາງ ​ແລະ ​ເກີດ​ດິນ​ເຈື່ອນ​ໃກ້​ນຳ້ຕົກແຫ່ງ​ໜຶ່ງ ​ເຮັດ​ໃຫ້​ມີ​ຜູ້​ເສຍ​ຊີວິດ 10 ຄົນແລ້ວ.ຂໍ້ມູນ ຂປລ.

ແຈ້ງການ ຈາກກະຊວງປ້ອງກັນຄວາມສະງົບ, ການເພີ່ມເງິນເດືອນ ຈາກ 7,200 ກີບ/ດັດຊະນີ ປັບຂຶ້ນເປັນ 7,350 ກີບ/ດັດຊະນີ ນັບແຕ່ເດືອນມັງກອນ 2022 ເປັນຕົ້ນໄປ.

ຫົວໜ້າກົມຄວບຄຸມພະຍາດຕິດຕໍ່ ຮຽກຮ້ອງໃຫ້ຄະນະສະເພາະກິດທຸກຂັ້ນ ເອົາໃຈໃສ່ປ້ອງກັນໂຄວິດ ໄລຍະບຸນປະເພນີຂອງຫລາຍຊົນເຜົ່າທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ສະເໜີໃນວັນທີ 6 ມັງກອນ 2022 ວ່າ: ໄລຍະບຸນປະເພນີຂອງຫລາຍຊົນເຜົ່າ ໂດຍສະເພາະບຸນກິນຈຽງ, ບຸນປີໃໝ່ເຜົ່າກຶມມຸ, ບຸນປະເພນີກອງເຂົ້າ, ດອງ, ຂຶ້ນເຮືອນໃໝ່ ແລະ ອື່ນໆ, ດັ່ງນັ້ນຂໍຮຽກຮ້ອງມາຍັງຄະນະສະເພາະກິດຂັ້ນແຂວງ, ເມືອງ, ອົງການປົກຄອງທຸກຂັ້ນ ຈົ່ງເອົາໃຈໃສ່ຊີ້ນຳການຈັດປະຕິບັດມາດຕະການປ້ອງກັນການຕິດເຊື້ອພະຍາດໂຄວິດ-19 ຢ່າງເຄັ່ງຄັດ. ໂດຍສະເພາະການຈັດບຸນປະເພນີຂໍໃຫ້ເຮັດແບບກະທັດຮັດ “ສະເພາະໃນຄອບຄົວ, ຮັກສາໄລຍະຫ່າງ, ໃສ່ຜ້າປິດປາກ-ດັງ ແລະ ຫລີກເວັ້ນການຊຸມແຊວແບບເປັນຈຸ້ມ” ເພື່ອປ້ອງກັນບໍ່ໃຫ້ຕິດເຊື້ອ ເພາະຫລາຍທ່ານຄິດວ່າການຕິດເຊື້ອພະຍາດໂຄວິດ-19, ປັດຈຸບັນບໍ່ມີອາການຮຸນແຮງ, ແຕ່ກົງກັນຂ້າມຖ້າຕິດເຊື້ອໃນຜູ້ອາຍຸສູງ ຫຼື ຜູ້ມີພະຍາດປະຈໍາຕົວ, ຜູ້ບໍ່ທັນສັກວັກຊີນກໍຈະເຮັດໃຫ້ມີອາການຮຸນແຮງ ແລະ ອາດຈະ ເສຍຊີວິດໄດ້.ຂໍ້ມູນ ລາວພັດທະນາ.

ສິນຄ້າກະສິກຳຂອງລາວ ສົ່ງອອກໄດ້ 900 ລ້ານໂດລາໃນປີ 2021 ຜ່ານມາ ບັນດາຂະແໜງການ ແລະ ທ້ອງຖິ່ນ ໄດ້ເອົາໃຈໃສ່ຊຸກຍູ້ ແລະ ສົ່ງເສີມຫົວໜ່ວຍທຸລະກິດ ແລະ ປະຊາຊົນ ທໍາການຜະລິດສິນຄ້າ ແລະ ການບໍລິການຕາມທ່າແຮງຂອງແຕ່ລະທ້ອງຖິ່ນ ເຊັ່ນ: ການປູກພືດ ແລະ ລ້ຽງສັດໃຫຍ່ທີ່ມີໂຄຕ້າແລ້ວ. ການຊຸກຍູ້ການຜະລິດ ແລະ ສົ່ງອອກສິນຄ້າກະສິກຳ ປີ 2021 ສາ​ມາດປະຕິບັດໄດ້ 905.36 ລ້ານໂດລາ ເທົ່າກັບ 82,30% ຂອງແຜນການປີ 2021 (ແຜນການປີ 2021: 1,100 ລ້ານໂດລາ) ສິນຄ້າກະສິກຳຂອງລາວ ທີ່ສົ່ງອອກແມ່ນ: ກ້ວຍ ມູນຄ່າ 225.33 ລ້ານໂດລາ; ຢາງພາລາ ມູນຄ່າ 214.37 ລ້ານໂດລາ; ມັນຕົ້ນ ມູນຄ່າ 196.58 ລ້ານໂດລາ; ອ້ອຍ ມູນຄ່າ 25.43 ລ້ານໂດລາ; ໝາກໂມ ມູນຄ່າ 26.33 ລ້ານໂດລາ ແລະ ...