Magazine

ສະບາຍດີທ່ານຜູ້ອ່ານທີ່ຕິດຕາມ ອ່ານວາລະສານທາເກັດເປັນປະຈໍາທຸກເດືອນ. ຫາກທ່ານເປັນຄົນໜຶ່ງທີ່ກຳລັງຢາກສ້າງຍີ່ຫໍ້ (Brand) ສິນຄ້າ ຫຼື ບໍລິການໃດໜຶ່ງເປັນຂອງຕົນເອງຫຼື ທ່ານອາດເຈົ້າຂອງຍີ່ຫໍ້ໃດໜຶ່ງຢູ່ໃນລາວແລ້ວກໍຕາມຜູ້ຂຽນເຊື່ອວ່າ ສິ່ງໜຶ່ງທີ່ຫຼາຍໆຄົນມັກເຂົ້າໃຈຜິດວ່າ: ການສ້າງຍີ່ຫໍ້ (Brand) ກໍຄືການຕັ້ງຊື່ຮ້ານໃຫ້ມ່ວນໆຈື່ໄດ້ງ່າຍ, ສ້າງກາໝາຍ (Logo) ໃຫ້ງາມໆ, ໂດດເດັ່ນ, ສີສັນສວຍງາມເທົ່ານັ້ນ ແຕ່ຄວາມຈິງແລ້ວການສ້າງຍີ່ຫໍ້ຂອງສິນຄ້າ ຫຼື ການບໍລິການນັ້ນແມ່ນລົງເລິກໄປກວ່ານັ້ນອີກ. ການສ້າງຍີ່ຫໍ້ (Brand) ຖ້າໃຫ້ປຽບທຽບງ່າຍໆກໍຄືການສ້າງຄົນໆໜຶ່ງຂຶ້ນມາໃຫ້ມີຕົວຕົນ, ມີບຸກຄະລິກທີ່ແຕກຕ່າງຈາກຄົນອື່ນໆ ຫຼື ໝາຍຄວາມວ່າ:ຕ້ອງແຕກຕ່າງຈາກການບໍລິການ ຫຼື ສິນຄ້າຮ້ານອື່ນໆທົ່ວໄປ ທັງໃນດ້ານຄຸນຄ່າ ຄວາມຮູ້ສຶກ ປະໂຫຍດຊົມໃຊ້ ແລະສາຍພົວພັນນຳລູກຄ້າ. ແນ່ນອນວ່າ: ຖ້າປຽບທຽບໃສ່ຄົນ ກໍຄືແຕ່ລະຄົນມີເອກະລັກ, ມີການແຕ່ງຕົວ ຮູບຮ່າງໜ້າຕາທີ່ແຕກຕ່າງກັນໄປນັ້ນເອງ. ເພາະວ່າໃນໂລກຂອງການຕະຫຼາດແມ່ນມີສິນຄ້າ ທີ່ມີຄຳວ່າ:Brandຄົນອາດຈະມັກໃນສິນຄ້ານັ້ນໆ ແຕ່ບາງທີ່ຄົນອາດຈະບໍ່ຢາກກ່ຽວຂ້ອງກັບBrand ກໍເປັນໄດ້. ສະນັ້ນ, ຖ້າຢາກໃຫ້ຄົນ(ລູກຄ້າ) ຮູ້ສຶກກ່ຽວຂ້ອງມັກຮັກ ແລະ ຫຼົງໄຫຼ. Brandກໍຕ້ອງປ່ຽນຕົວເອງໃຫ້ມັນມີຄວາມເປັນຄົນຫຼາຍຂຶ້ນ ເພາະຄົນຈະບໍ່ມີຄວາມຮູ້ສຶກກ່ຽວຂ້ອງສຳພັນເລິກເຊິ່ງກັບວັດຖຸສິ່ງຂອງ. ໝາຍຄວາມວ່າເຮົາຕ້ອງປ່ຽນຍີ່ຫໍ້ສິນຄ້າຈົນກາຍເປັນໝູ່ສະໜິດ, ເປັນອ້າຍນ້ອງ ຫຼື ຄົນຮູ້ຈັກກັບລູກຄ້າ.ໝາຍຄວາມວ່າ: ການສ້າງ Brandໜຶ່ງໆຂຶ້ນມາແມ່ນຕ້ອງໄດ້ກໍານົດບຸກຄະລິກ,​ຈຸດຢືນ ແລະ ຈຸດປະສົງ ຫຼື ເປົ້າໝາຍໃນຊີວິດຂອງ(Brand) ທີ່ຈະມີໃຫ້ຕໍ່ລູກຄ້າ ຫຼື ...

ຕະຫຼອດໄລຍະ 2 ປີ 6 ເດືອນກວ່າ (ເຄິ່ງສະໄໝ) ທີ່ລັດຖະບານຊຸດທີ 8 ໄດ້ສຸມໃສ່ປະຕິບັດໜ້າທີຕາມກົດໝາຍວ່າດ້ວຍລັດຖະບານໄດ້ກຳນົດໄວ້ ແລະ ໄດ້ຜັນຂະຫຍາຍບັນດານະໂຍບາຍ ແລະ ມະຕິຂອງພັກ, ມະຕິກອງປະຊຸມຂອງສະພາແຫ່ງຊາດແຕ່ລະຄັ້ງ ເຂົ້າໃນແຜນວຽກຕົວຈິງເຮັດໃຫ້ການຄຸ້ມຄອງລັດກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ມີບາງຜົນງານພົ້ນເດັ່ນ ແລະ ບັນລຸຕາມຄາດໝາຍໃນຫຼາຍດ້ານ. ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ລາຍງານຕໍ່ກອງປະຊຸມສະໄໝສາມັນເທືອທີ 6 ຂອງສະພາແຫ່ງຊາດຊຸດທີ VIII ຊຶ່ງໄດ້ໄຂຂຶ້ນຢ່າງເປັນທາງການໃນວັນທີ 20 ພະຈິກ 2018 ມີບາງຕອນສໍາຄັນວ່າ: “ 2 ປີກວ່າມານີ້, ລັດຖະບານໄດ້ມີຄວາມພະຍາຍາມສູງ ໃນການແກ້ໄຂບັນຫາຄວາມຫຍຸ້ງຍາກດ້ານເສດຖະກິດ-ການເງິນ, ໄດ້ສຸມໃສກວດກາຄືນ, ວິເຄາະວິໄຈສະພາບການຂະຫຍາຍຕົວຂອງເສດຖະກິດໂລກ ແລະ ພາກພື້ນ ແລະ ສະພາບຄວາມເປັນຈິງພາຍໃນປະເທດ, ລັດຖະບານຈຶ່ງສະເໜີຕໍ່ກອງປະຊຸມຄົບຄະນະບໍລິຫານງານສູນກາງພັກ ຄັ້ງທີ 2 ໃນເດືອນ ກັນຍາ 2016 ເພື່ອດັດແກ້ບາງຕົວເລກຄາດໝາຍມະຫາພາກ, ໂດຍສະເພາະແມ່ນຕົວເລກເຕີບໂຕທາງດ້ານເສດຖະກິດສະເລ່ຍ 4 ປີ (2017-2020) ຈາກ 7,5% ມາເປັນ 7,2%, ...

ຈາກບົດຮຽນການເຮັດທຸລະກິດ ຫຼາຍຂະແໜງນັບແຕ່ຂຸດຄົ້ນຖ່ານຫີນ-ບໍ່ແຮ່, ບໍລິສັດ ກໍ່ສ້າງຂົວທາງ, ທ່ານນາງ ສຸລິນດາ ມະໂນທຳ ຫຼື  “ປຸ” ຊຶ່ງປັດຈຸບັນ ມີຕໍາແໜ່ງເປັນຜູ້ຈັດການບໍລິສັດ  Alo Technology Laos ທີ່ຫາກໍໄດ້ຮັບລາງວັນທຸລະກິດດີເດັ່ນຂອງອາຊຽນໃນປີ 2018 ນີ້ ໄດ້ໃຫ້ສໍາ ພາດກັບທີມງານພວກເຮົາວ່າ: ໃນຍຸກປັດຈຸບັນເຕັກໂນໂລຊີ ເປັນປັດໄຈສໍາຄັນໃນການປັບປຸງປະສິດທິພາບ ແລະ ປະສິດທິຜົນຂອງວຽກງານ ລວມເຖິງ ການບໍລິຫານຄຸ້ມຄອງທຸລະກິດໃນຍຸກ 4.0 ທີ່ຕ້ອງ ແຂ່ງຂັນກັບທຸລະກິດທັງພາຍໃນ ແລະ ພາຍນອກ ແລະ ການປ່ຽນແປງຂອງໂລກໃນປັດຈຸບັນ ເພື່ອຕອບໂຈດກັບຄວາມຮຽກຮ້ອງຕ້ອງການຂອງລູກຄ້າໃຫ້ໄດ້ຮັບຄວາມພໍໃຈສູງສຸດ. ສໍາລັບຂ້າພະເຈົ້າແລ້ວຕົນເອງບໍ່ໄດ້ຮຽນວິຊາສະເພາະ ສາຂາເຕັກໂລໂລຊີ ຫຼື “ໄອທີ” ໂດຍກົງແຕ່ເນື່ອງຈາກເປັນຄົນຊອກຮຽນຮູ້, ພະຍາຍາມ, ມຸ່ງໝັ້ນ ແລະ ຮັກໃນສິ່ງທີ່ຕົນເຮັດຈຶ່ງຕັດສິນໃຈເລືອກຄູ່ຮ່ວມທຸລະກິດກໍຄືບໍລິສັດ ແພລນເນັດ ແລະ ກໍໄດ້ມາຮ່ວມມືກັບບໍລິສັດ Alo Technology Laos ຊຶ່ງເປັນບໍລິສັດ Startup ທີ່ພວມເຕີບໃຫຍ່ໃນການນໍາໃຊ້ເຕັກໂນໂລຊີເຂົ້າໃສ່ການພັດທະນາດ້ານ ການສຶກສາ ໂດຍຜ່ານ Smart phone, Tablet, Computer all in one ...

ສ່ວນຫຼາຍຄົນທີ່ປະສົບຜົນສຳເລັດໄດ້ນັ້ນ ມາຈາກແຮງບັນດານໃຈທີ່ດີ, ຈິດໃຈທີ່ເຂັ້ມແຂງ ແລະ ວິໄສທັດທີ່ດີເລີດ; ການສ້າງແຮງບັນດານໃຈເປັນສິ່ງທີ່ສໍາຄັນສໍາລັບຄົນທີ່ຕ້ອງການປະສົບຄວາມສໍາເລັດໃນຊີວິດ ແລະ ເພື່ອໃຫ້ເຮົາມີແຮງຂັບເຄື່ອນຕໍ່ໄປແບບຕໍ່ເນື່ອງ ການເລີ່ມຕົ້ນເປັນຄົນທີ່ຈະປະສົບຜົນສຳເລັດ ຕ້ອງມີແຮງບັນດານໃຈທີ່ດີ ມື້ນີ້ຜູ້ຂຽນຈະມາເວົ້າເຖິງ “10 ຂັ້ນຕອນໃນການສ້າງແຮງບັນດານໃຈໃຫ້ແກ່ຕົວທ່ານເອງ”. ມີເປົ້າໝາຍ ແລະ ວິໄສທັດ ທີ່ຊັດເຈນ: ກ່ອນຈະບັນລຸເປົ້າໝາຍ ຕ້ອງຮູ້ກ່ອນວ່າເປົ້າໝາຍຂອງທ່ານຄືຫຍັງ ເປົ້າໝາຍກໍຄືແຜນທີ່ຊີວິດທີ່ຈະພາໃຫ້ເຮົາຍ່າງຕໍ່ໄປ ຖ້າເຮົາຂາດເປົ້າໝາຍກໍປຽບດັ່ງຄົນທີ່ຍ່າງຢູ່ໃນເຂົາວົງກົດທີ່ບໍ່ມີທາງອອກ ແລະ ຈະບໍ່ສາມາດປະສົບຜົນສຳເລັດໄດ້. ການຂຽນເປົ້າໝາຍ: ການຂຽນສິ່ງທິ່ເຮົາຕ້ອງການເຮັດຈະເຮັດໃຫ້ເຮົາທົບທວນໃນສິ່ງເຮົາຕ້ອງການ ແລະ ມັນຈະເຮັດໃຫ້ເຮົາຫຼຸດອອກຈາກຄວາມສັບສົນໃນໃຈເຮົາໄດ້ດີ ເພາະທ່ານເອງຈະຊັດເຈນກັບຕົວທ່ານຫຼາຍຂຶ້ນ ອີກອັນໜຶ່ງເມື່ອທ່ານຂຽນເປົ້າໝາຍທີ່ຊັດເຈນ ທ່ານຈະໃຊ້ຊີວິດໄປຕາມເປົ້າໝາຍແບບຊັດເຈນ ແລະ ເປັນຈະກາຍເປັນກົດດຶງດູດ ທີ່ດູດເອົາຄົນທີ່ສົນໃຈແບບດຽວກັບທ່ານ. ອ່ານໜັງສືດີໆ: ການອ່ານຊ່ວຍເສີມທັກສະ ແລະ ຊ່ວຍຫຼຸດໄລຍະເວລາເພາະທ່ານຈະໄດ້ຄວາມຮູ້ເພີ່ມ ຈາກໜັງສືທີ່ອ່ານ ພ້ອມທັງຍັງມີຂໍ້ຄວນລະວັງຕ່າງໆທີ່ສາມາດນຳມາໃຊ້ໄດ້ດີ. ຈົດບັນທຶກ: ການຈົດບັນທຶກ ຈະຊ່ວຍໃຫ້ເຮົາຈື່ສິ່ງນັ້ນໆໄດ້ດີຂຶ້ນຫຼາຍເທົ່າ ມັນຊ່ວຍໃນການຄິດຢ່າງມີປະສິດທິພາບ, ເຮັດໃຫ້ເຮົາເຫັນບັນຫາໂດຍລວມ ແລະ ຊອກຫາທາງອອກໄດ້ທັນທີທັນໃດ ເປັນການເຕືອນສະຕິອີກທາງໜຶ່ງ. ຊອກຫາບຸກຄົນຕົວແບບ: ບຸກຄົນຕົວແບບເປັນການສ້າງແຮງບັນດານໃຈອີກທາງໜຶ່ງໃຫ້ແກ່ຕົວເຮົາເອງ ແລະ ມັນຍັງເປັນສິ່ງທີ່ເຕືອນໃນໃຈທ່ານໄດ້ດີ ວ່າທ່ານເອງກໍເປັນຄົນໜຶ່ງທີ່ສາມາດປະສົບຜົນສຳເລັດຕາມບຸກຄົນນັ້ນ. 6. ຮູ້ຈັກບໍລິຫານເວລາແບບມີປະສິດທິພາບ: ຫຼາຍຄົນຍັງບໍ່ໃຫ້ຄວາມສໍາຄັນກັບເວລາ ໂດຍສະເພາະແມ່ນກັບການເຮັດວຽກໃນສັງຄົມບ້ານເຮົາ ຖ້າທ່ານບໍລິຫານເວລາຂອງທ່ານໄດ້ດີ ທ່ານກໍຈະເປັນຜູ້ໜຶ່ງທີ່ພວມຈະກ້າວສູ່ປະສົບຜົນສຳເລັດ. 7. ຜິດພາດເປັນຄູ: ...

ໃນສະພາບເສດຖະກິດ-ສັງຄົມ ທີ່ມີການຂະຫຍາຍຕົວສູງ ຄວາມຮຽກຮ້ອງຕ້ອງການທາງດ້ານການເງິນ ບໍ່ວ່າເພື່ອຈຸດປະສົງໃນການດໍາເນີນທຸລະກິດ, ການສຶກສາ, ການດໍາລົງຊີວິດປະຈໍາວັນ ແລະ ອື່ນໆ ແມ່ນນັບມື້ນັບສູງຂຶ້ນ, ການກູ້ຢືມເງິນ ຈຶ່ງເປັນອີກທາງເລືອກໜຶ່ງ ສໍາລັບ ບຸກຄົນທີ່ມີບັນຫາດັ່ງກ່າວ. ແນ່ນອນ ການກູ້ຢືມເງິນ (ນອກລະບົບ) ເຈົ້າໜີ້ອາດຈະກໍານົດອັດຕາດອກເບ້ຍຂ້ອນຂ້າງສູງ ເຊິ່ງໃນກໍລະນີທີ່ລູກໜີ້ສາມາດໃຊ້ແທນໄດ້ ກໍຈະບໍ່ມີບັນຫາຫຍັງໝົດ, ແຕ່ໃນທາງກົງກັນຂ້າມ ລູກໜີ້ຫາກບໍ່ມີຄວາມສາມາດໃຊ້ແທນໄດ້ ກໍຈະພາໃຫ້ເກີດຂໍ້ຂັດແຍ່ງເກີດຂຶ້ນ ບາງຄັ້ງເຖິງຂັ້ນໃຊ້ຄວາມຮຸນແຮງ, ບັງຄັບ, ນາບຂູ່ (ທວງໜີ້ໂຫດ) ເຊິ່ງບັນຫາດັ່ງກ່າວຖືເປັນປະກົດການຫຍໍ້ທໍ້ໜຶ່ງຂອງສັງຄົມ ທີ່ເກີດຂຶ້ນໃນປັດຈຸບັນນັບມື້ນັບຫຼາຍຂຶ້ນ. ແຕ່ເຖິງຢ່າງໃດກໍຕາມ ທ່ານຮູ້ບໍ່ວ່າ ການທີ່ເຈົ້າໜີ້ ກໍານົດ ອັດຕາດອກເບ້ຍທີ່ສູງເກີນກວ່າກົດໝາຍອະນຸຍາດໃຫ້ ອາດຈະເຮັດໃຫ້ເຈົ້າໜີ້ ມີຄວາມຮັບຜິດຊອບທາງອາຍາ ຫຼື ຕິດຄຸກໄດ້ ໂດຍອີງຕາມປະມວນກົດໝາຍ ອາຍາ ສະບັບເລກທີ 26/ສພຊ, ລົງວັນທີ 17 ພຶດສະພາ 2017, ໝວດທີ 7, ພາກທີ 2, ມາດຕາ 298 ກໍານົດວ່າ: “ບຸກຄົນໃດ ຫາກໄດ້ໃຫ້ກູ້ຢືມເປັນທຸລະກິດ ໂດຍບໍ່ໄດ້ຮັບອະນຸຍາດ ດໍາເນີນທຸລະກິດ ຈາກຂະແໜງການທີ່ກ່ຽວຂ້ອງ ແລ້ວຄິດໄລ່ອັດຕາດອກເບ້ຍເງິນກູ້ຢືມສູງກວ່າ ສາມສິບຫົກສ່ວນຮ້ອຍ ຕໍ່ປີ ...

ທ່ານຜູ້ອ່ານຫຼາຍຄົນອາດຮູ້ສຶກສາ ເສດຖະກິດໃນປັດຈຸບັນ ບໍ່ຄຶກຄັກຄືກັບ 2-3 ປີຜ່ານມາ, ຫຼາຍຮ້ານກໍມີຫາງສຽງວ່າ ຂາຍເຄື່ອງບໍ່ໄດ້ດີ ແລະ ລູກຄ້າມີບໍ່ຫຼາຍ ແລະ ນັກທ່ອງທ່ຽວ ກໍຄືບໍ່ຫຼາຍປານໃດ  ສະນັ້ນ, ວາລະສານທາເກັດສະບັບນີ້ ຈຶ່ງຫາຂໍ້ສະເໜີແນະນໍາ ສໍາລັບທຸລະກິດຂະໜາດນ້ອຍ ແລະ ກາງ ເພື່ອການຢູ່ລອດ ແລະ ຈະເລີນກ້າວໜ້າໃນການດໍາເນີນທຸລະກິດ. ທຸລະກິດຂະໜາດນ້ອຍ ແລະ ກາງ ບໍ່ວ່າໃນຂະແໜງການໃດກໍຕາມ ຕ້ອງສາມາດປັບຕົວໄດ້ ເຊັ່ນ: ແຜນງານ, ແຜນດໍາເນີນທຸລະກິດ ແລະ ການດໍາເນີນງານໃຫ້ມີຄວາມຄ່ອງຕົວຍິ່ງຂຶ້ນ ໂດຍສະເພາະ ໃນສະພາບເສດຖະກິດທີ່ມີການປ່ຽນແປງຕະຫຼອດເວລາ, ການປ່ຽນແປງ ຫຼື ທ່າອ່ຽງຂອງພຶດຕິກໍາຜູ້ຊົມໃຊ້, ການປ່ຽນແປງທາງດ້ານລະບຽບ ແລະ ກົດໝາຍຕ່າງໆ. ໃນນີ້, ຕ້ອງຊອກຮູ້ກ່ຽວກັບນະໂຍບາຍການສົ່ງເສີມຕ່າງໆຂອງລັດຖະບານ ເພື່ອສະແຫວງຫາໂອກາດ ແລະ ການສະໜັບສະໜູນໃຫ້ເໝາະສົມ ເພື່ອແກ້ໄຂບັນຫາຂອງທຸລະກິດຕົນເອງ ເຊັ່ນ: ການປັບປຸງຄຸນະພາບສິນຄ້າ ແລະ ການບໍລິການ, ການສ້າງລະບົບບັນຊີທີ່ເປັນມາດຕະຖານ ແລະ ການຄຸ້ມຄອງຈັດການທີ່ເປັນລະບົບຍິ່ງຂຶ້ນ, ການສ້າງວິໄສທັດ, ການສ້າງແຜນໄລຍະສັ້ນ-ໄລຍະຍາວ… ທຸລະກິດຂະໜາດນ້ອຍ ແລະ ກາງ ຕ້ອງພະຍາຍາມຄວບຄຸມຕົ້ນທຶນການຜະລິດ ແລະ ຕົ້ນທຶນໃນການດໍາເນີນງານຂອງຕົນໃຫ້ດີ ...

   ໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VIII ທີ່ໄຂຂຶ້ນໃນວັນທີ 20 ພະຈິກ ຫາ 21 ທັນວາ 2018 ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຂຶ້ນລາຍງານກ່ຽວກັບການເຄື່ອນໄຫວປະຕິບັດວຽກງານ ພົ້ນເດັ່ນຂອງລັດຖະບານ ໃນໄລຍະຜ່ານມາ ແລະ ທິດທາງຈຸດສຸມໃນຕໍ່ໜ້າ ໃນນີ້ ສະພາບການຈັດຕັ້ງປະຕິບັດວຽກງານພົ້ນເດັ່ນ ຂອງລັດຖະບານ ໃນເຄິ່ງສະໄໝຂອງແຜນການ 5 ປີ ຜ່ານມາ ທ່ານໄດ້ຍົກໃຫ້ເຫັນວ່າ: ຕະຫຼອດໄລຍະ 2 ປີ 6 ເດືອນກວ່າ ທີ່ລັດຖະບານ ຊຸດທີ 8 ໄດ້ສຸມໃສ່ ກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ບັນລຸໄດ້ຄາດໝາຍໃນຫຼາຍດ້ານ, ເຖິງແມ່ນວ່າໃນໄລຍະຜ່ານມາ ສະພາບການຂອງໂລກ ແລະ ພາກພື້ນຍັງສືບຕໍ່ຜັນແປໄປຢ່າງໄວວາ,ສັບສົນ ສະຫຼັບຊັບຊ້ອນຫຼາຍປະການ ຊຶ່ງໄດ້ສົ່ງຜົນກະທົບທາງກົງ ແລະ ທາງອ້ອມ ຕໍ່ປະເທດ ຢ່າງຫຼີກບໍ່ໄດ້. ໃນເວລາດຽວກັນ ຢູ່ພາຍໃນປະເທດ ກໍມີຫຼາຍບັນຫາສະສົມມາຢ່າງຫຼວງຫຼາຍກ່າຍກອງ,ບໍ່ພຽງແຕ່ເທົ່ນນັ້ນ ໃນ 2 ປີ ຜ່ານມາ ປະເທດພັດປະສົບກັບໄພທໍາມະຊາດ ຢ່າງໜັກ ...

ວາລະສານ ສະບັບເດືອນມັງກອນນີ້, ພວກເຮົາໄດ້ຮັບກຽດການໃຫ້ສໍາພາດ ທ່ານ Arnaud Caulier, ທີ່ຫາກໍ່ຖືກແຕ່ງຕັ້ງໃຫ້ເປັນຜູ້ອໍານວຍການໃຫຍ່ ທະນາຄານ ລາວ-ຝຣັ່ງ ຈໍາກັດ (BFL) ຊຶ່ງທ່ານຈະມາແນະນໍາໃຫ້ຮຸ້ເຖິງການເຕີບໃຫຍ່ຂະຫຍາຍຕົວຂອງທະນາຄານ, ແຜນດໍາເນີນງານ ແລະ ວິໄສທັດ-ເປົ້າໝາຍຂອງ (BFL)ໃນ ສປປ ລາວ. ທ່ານຍົກໃຫ້ເຫັນວ່າ: BFL ໄດ້ພັດທະນາລະບົບທະນາຄານເອເລັກໂຕຣນິກຂຶ້ນເປັນຄັ້ງທໍາອິດໃນ ລາວ ໂດຍ ວາລະສານBanker. BFL ຖືກສ້າງຕັ້ງຂຶ້ນໃນປີ 2010 ເປັນທຸລະກິດຮ່ວມຫຸ້ນລະຫວ່າງກຸ່ມ BRED ທີ່ໃຫ້ບໍລິການລູກຄ້າມາແລ້ວຫຼາຍກວ່າ 1 ລ້ານຄົນໃນທົ່ວໂລກ, ມີພະນັກງານ 5.500 ຄົນ ແລະ ຫຸ້ນມູນຄ່າ 4 ຕື້ໂດລາ, ເຊິ່ງເປັນພາກສ່ວນໜຶ່ງຂອງ BPCE,ເປັນກຸ່ມທະນາຄານທີ່ໃຫຍ່ທີ່ສຸດເປັນອັນດັບສອງຂອງປະເທດຝຣັ່ງ ແລະ ອັນດັບ 19 ໃນໂລກໃນດ້ານຊັບສິນ, ພ້ອມນີ້ຍັງໄດ້ຮ່ວມມືກັບທະນາຄານການຄ້າຕ່າງປະເທດລາວ (BCEL) ເຊິ່ງເປັນທະນາຄານການຄ້າຊັ້ນນໍາຂອງ ສປປ ລາວ. ດັ່ງນັ້ນ, BFLຈຶ່ງມີລັກສະນະທຸລະກິດທີ່ປະສົມປະສານລະຫວ່າງເອກະລັກຂອງຝຣັ່ງ ແລະ ຄວາມເປັນໂຕຕົນຂອງທ້ອງຖິ່ນຢ່າງຊັດເຈນ. ຂໍໃຫ້ທ່ານຊ່ວຍອະທິບາຍຕື່ມວ່າເປັນຫຍັງກຸ່ມ BRED ຈຶ່ງມາລົງທຶນໃນລາວ? ກຸ່ມ BRED ຖືກສ້າງຕັ້ງຂຶ້ນໃນປີ ...

ໂຄງການໜອງທາ ເຊັນໂທພາກ ເປັນຄວາມຝັນຂອງຄົນທີ່ຢາກມີເຮືອນໃນຕົວເມືອງ ສະບາຍດີທຸກທ່ານ ມື້ນີ້ ທາງເວັບໄຊທາເກັດມີສິ່ງທີ່ດີໆມານຳສະເໜີ. ແນ່ນອນວ່າທຸກໆຄົນລ້ວນແຕ່ມີຄວາມໃຝ່ຝັນຢາກມີເຮືອນງາມໆຫຼູຫຼາ ເປັນຂອງຕົນເອງ ແລະ ໃຫ້ກັບຄົນທີ່ເຮົາຮັກ ທີ່ຕັ້ງຢູ່ຈຸດໃຈກາງເມືອງຫຼວງ,​ ມີສິ່ງອໍານວຍຄວາມສະດວກສະບາຍໃນການໃຊ້ຊີວິດ, ສາມາດເດີນທາງໄປຈຸດສຳຄັນຕ່າງໆໃນນະຄອນຫຼວງຢ່າງວ່ອງໄວ ແລະ ມີຄວາມປອດໄພໃນລະດັບສູງ. ຂໍແນະນຳເລີຍ ໂຄງການ ໜອງທາເຊັນ ໂທພາກ ເຂດຕົວເມືອງໃໝ່ ທີ່ຫຼູຫຼາ ເປັນສະຖານທີ່ສາມາດຕອບໂຈດທຸກສິ່ງທຸກຢ່າງຂອງຄົນຢາກມີເຮືອນຢູ່ໃນນະຄອນຫຼວງວຽງຈັນແນ່ນອນ. ເມື່ອເຮົາຂີ່ລົດກາຍໄປມາ ເຂດທາງໜອງທາ ປັດຈຸບັນ ທຸກຄົນອາດກໍຈະເຫັນໂຄງການດັ່ງກ່າວແລ້ວ ທີ່ມີຄວາມສະດຸດຕາຕ້ອງຫຼຽວເບິ່ງ. ເຊິ່ງໂຄງການດັ່ງກ່າວນີ້ແມ່ນຈະສຳເລັດ ແລະ ໃຫ້ທຸກຄົນເຂົ້າໄປຊົມ ແລະ ໄປຈັບຈອງເຮືອນໄດ້ແລ້ວໃນໄວໆນີ້. ໂຄງການ ໜອງທາເຊັນ ໂທພາກ ຕັ້ງຢູ່ເມືອງຈັນທະບູລີ, ນະຄອນຫຼວງວຽງຈັນ, ເປັນໂຄງການທີ່ມີລະບົບພື້ນຖານດ້ານເຕັກນິກໄດ້ມາດຕະຖານ ແລະ ມີເສັ້ນທາງເຊື່ອມຕໍ່ກັບໄປມາສະດວກວ່່ອງໄວເຊັ່ນ: ໂຮງໝໍ 150 ຕຽງ, ມະຫາວິທະຍາໄລແຫ່ງຊາດ, ປະຕູໄຊ, ຕະຫຼາດເຊົ້າ ແລະ ສະໜາມບິນວັດໄຕ ເຊິ່ງຈະໃຊ້ເວລາບໍ່ເທົ່າໃດນາທີກໍຮອດຈຸດສຳຄັນຕ່າງໆໃນນະຄອນຫຼວງແລ້ວ. ເປັນສະຖານທີທີ່ມີຈຸດພົ້ນເດັ່ນ ເພາະໄດ້ສ້າງເປັນເຂດຕົວເມືອງທີ່ມີສິ່ງອຳນວຍຄວາມສະດວກແບບຄົບຊຸດທີ່ທັນສະໄໝ ແລະ ມີລະດັບ. ໃນເນື້ອທີ່ເກືອບ 75 ເຮັກຕາ ຈຸດໃຈກາງຂອງໂຄງການແມ່ນ ໜອງນໍ້າທາ ທີ່ເປັນໜອງນໍ້າທຳມະຊາດທີ່ໃຫຍ່ໃຜໆກໍຮູ້ຈັກ. ໂຄງການດັ່ງກ່າວ ...

ການເຮັດທຸລະກິດທີ່ໄຮ້ພົມແດນໃນຍຸກ Digital ແນ່ນອນວ່າມີການແຂ່ງຂັນສູງຫຼາຍ ເພາະໃຜກໍສາມາດເປັນທີ່ຮູ້ຈັກໄດ້ ເຮັດໃຫ້ຜູ້ປະກອບການທັງຫຼາຍ ຕ້ອງຫັນປ່ຽນຍຸດທະສາດທຸລະກິດຂອງຕົວເອງເພື່ອຄວາມຢູ່ລອດ. ແຕ່ກໍບໍ່ແມ່ນວ່າ ເມື່ອຫັນປ່ຽນມາແລ້ວຈະເຮັດໃຫ້ທຸລະກິດສາມາດຢູ່ລອດໄດ້, ເພາະຖ້າບໍ່ສາມາດກໍານົດກຸ່ມເປົ້າໝາຍທີ່ຊັດເຈນໄດ້ ວ່າ ສິນຄ້າ ຫຼື ບໍລິການຂອງທ່ານຈະຂາຍໃຫ້ລູກຄ້າກຸ່ມໃດ? ບໍ່ວ່າຈະເປັນກຸ່ມອາຍຸ, ເພດ, ສະຖານະ, ອາຊີບ, ຄວາມຕ້ອງການ, ບັນຫາໃນການໃຊ້ຊີວິດ ລວມເຖິງພຶດຕິກຳ ການບໍລິໂພກ ຖືເປັນສິ່ງສຳຄັນທີ່ເຈົ້າຂອງທຸລະກິດ – ຜູ້ອອກແບບສິນຄ້າ ຫຼື ບໍລິການຈະຕ້ອງເຂົ້າໃຈ ແລະ ພະຍາຍາມຕອບໂຈດ ຫຼື ແກ້ໄຂບັນຫາໃນກຸ່ມເປົ້າໝາຍໃຫ້ສຳເລັດ. ແຕ່ຮູ້ບໍ່ວ່າ ພຶດຕິກຳຂອງກຸ່ມລູກຄ້າແຕ່ລະລຸ້ນກໍແຕກຕ່າງກັນໄປຕາມຍຸກສະໄໝ. ສະນັ້ນ, ການທີ່ມີລູກຄ້າປະຈໍາຢູ່ແລ້ວບໍ່ແມ່ນວ່າຈະຢູ່ລອດ ເພາະກຸ່ມລູກຄ້າທີ່ມີຢູ່ ເມື່ອເວລາຜ່ານໄປຄວາມຕ້ອງການກໍຈະປ່ຽນໄປ. ຕົວຢ່າງ: ຖ້າຕອນນີ້ກຸ່ມລູກຄ້າຂອງທ່ານເປັນກຸ່ມອາຍຸ 25-35 ເມື່ອເວລາຜ່ານໄປ 5-10 ປີ ອາຍຸພວກເຂົາເພີ່ມຂຶ້ນ. ສິນຄ້າ ຫຼື ບໍລິການຂອງທ່ານກໍຈະບໍ່ເປັນທີ່ຕ້ອງການສໍາລັບພວກເຂົາອີກຕໍ່ໄປ, ນີ້ຈຶ່ງເປັນອີກເຫດຜົນໜຶ່ງ ທີ່ເຮັດໃຫ້ທຸລະກິດຂອງທ່ານບໍ່ປະສົບຄວາມສໍາເລັດ. ດັ່ງນັ້ນ, ມື້ນີ້ຈຶ່ງຈະນຳຂໍ້ມູນກ່ຽວກັບທ່າອ່ຽງຂອງຕະຫຼາດໃນອະນາຄົດ ກໍຄືພຶດຕິກຳຜູ້ບໍລິໂພກຂອງກຸ່ມທີ່ເອີ້ນວ່າ: Gen Z ຫຼື Generation Z ທີ່ຄາດວ່າຈະກາຍເປັນກຸ່ມທີ່ມີກໍາລັງຊື້ຫຼາຍກວ່າທຸກກຸ່ມໃນອະນາຄົດ. ກຸ່ມ Generation (GEN ...