Magazine

ໃນການດໍາເນີນທຸະກິດ ແນ່ນອນວ່າບໍ່ໄດ້ງ່າຍສະເໝີໄປ ເພາະມີບັນຫາໃຫ້ແກ້ໄຂ ແລະປັບປຸງຢູ່ຕະຫຼອດເວລາ ເຊິ່ງບາງຄັ້ງ ອາດຫຼີກບໍ່ພົ້ນເລື່ອງຂອງການເກີດຂໍ້ຂັດແຍ່ງ ກັບຄູ່ຮ່ວມທຸລະກິດ ເຊິ່ງອາດເກີດມາຈາກ ການບໍ່ປະຕິບັດຕາມສັນຍາ ຫຼື ປະຕິບັດສັນຍາ ແບບບໍ່ມີຄຸນນະພາບເຊິ່ງສ້າງຄວາມເສຍຫາຍ ຫຼື ຄວາມບໍ່ພໍໃຈ ໃຫ້ແກ່ຄູ່ຮ່ວມທຸລະກິດ. ເມື່ອສັນຍາທີ່ເຊັນກັນ ບໍ່ໄດ້ຮັບການປະຕິບັດ ຜູ້ໄດ້ຮັບຄວາມເສຍຫາຍ ອາດຕັ້ງຄໍາຖາມວ່າ ຕົນເອງຄວນເຮັດແນວໃດ, ເລີ່ມຈາກຂັ້ນຕອນໃດ ແລະ ມີວິທີການແກ້ໄຂທາງກົດໝາຍແນວໃດເພື່ອປົກປ້ອງທຸລະກິດ, ສິດ ແລະ ຜົນປະໂຫຍດອັນຊອບທໍາຂອງຕົນ. ໃນການແກ້ໄຂຂໍ້ຂັດແຍ່ງ ທີ່ເກີີດຂຶ້ນຈາກການດໍາເນີນທຸລະກິດນັ້ນ ສາມາດແກ້ໄຂໄດ້ດ້ວຍຫຼາຍວິທີດ້ວຍກັນ ໂດຍຂຶ້ນກັບວ່າ ສັນຍາທີ່ໄດ້ເຊັນກັນນັ້ນ ກໍານົດວິທີການແກ້ໄຂຂໍ້ຂັດແຍ່ງໄວ້ແບບໃດ. ໃນກໍລະນີທີ່ສັນຍາ ຫາກບໍ່ໄດ້ກໍານົດວິທີການແກ້ໄຂຂໍ້ຂັດແຍ່ງໄວ້ຄູ່ກໍລະນີ ກໍສາມາດພິຈາລະນາ ເລືອກເອົາວິທີການແກ້ໄຂຂໍ້ຂັດແຍ່ງໃດໜຶ່ງ ທີ່ເຫັນວ່າເໝາະສົມ ຂ້າງລຸ່ມນີ້: ການແກ້ໄຂຂໍ້ຂັດແຍ່ງ ດ້ວຍການປະນີປະນອມໂດຍ ຄູ່ຮ່ວມທຸລະກິດ…. ການແກ້ໄຂຂໍ້ຂັດແຍ່ງ ດ້ວຍຄູ່ຮ່ວມທຸລະກິດເອງ ຖືເປັນບາດກ້າວທໍາອິດໃນການເລີ່ມຕົ້ນທີ່ດີ ໃນການແກ້ໄຂບັນຫາ ໂດຍຜູ້ໄດ້ຮັບຄວາມເສຍຫາຍ ຄວນແຈ້ງເປັນລາຍລັກອັກສອນໃຫ້ ແກ່ອີກຝ່າຍຮັບຮູ້ ຕໍ່ການລະເມີດນັ້ນ ແລະ ເພື່ອໃຫ້ຢຸດເຊົາການລະເມີດສັນຍາດັ່ງກ່າວ. ການແຈ້ງເປັນລາຍລັກອັກສອນ ໃຫ້ຄູ່ກໍລະນີທີ່ລະເມີດສັນຍາ ແມ່ນເປັນຜົນດີອີກຢ່າງໜຶ່ງ ເພາະຖືໄດ້ວ່າ ເຮົາບໍ່ໄດ້ຍອມຮັບ ຫຼື ເຫັນດີໃຫ້ມີການລະເມີດດັ່ງກ່າວ. ແຕ່ໂດຍສ່ວນໃຫຍ່ການແກ້ໄຂໃນລັກສະນີ້ ບໍ່ໄດ້ຮັບຜົນດີ ...

ຂຶ້ນປົກໃນເດືອນກັນຍາ 2019 ພວກເຮົາໄດ້ຮັບກຽດສຳພາດທ່ານ Danny Ling ຜູ້ອຳນວຍການໃຫຍ່ທະນາຄານອາເຮັສບີລາວຈຳກັດເຊິ່ງທ່ານມີປະສົບການຫຼາຍກວ່າ 30 ປີໃນການເຮັດວຽກໃນຂະແໜງບໍລິການ ດ້ານການເງິນແລະທະນາຄານ.  ທ່ານໄດ້ອະທິບາຍໃຫ້ຮູ້ເຖິງການພັດທະນາແລະການເຕີບໃຫຍ່ຂະຫຍາຍຕົວ ຂອງທະນາຄານອາເຮັສບີຕະຫລອດໄລຍະ 5 ປີທີ່ຜ່ານມາແຜນການດໍາເນີນງານແລະເປົ້າໝາຍໃນອານາຄົດ.  ໂດຍທ່ານ Danny Ling ໄດ້ເລີ່ມເຂົ້າມາປະຈຳການທີ່ທະນາຄານອາເຮັສບີລາວນັບແຕ່ປີ 2014 ເປັນຕົ້ນມາ. ຂໍໃຫ້ທ່ານອະທິບາຍໂດຍສັງເຂບກ່ຽວກັບ ທະນາຄານອາເຮັສບີ ລາວ ຈຳກັດ? ທະນາຄານ ອາເຮັສບີ ລາວ ຈຳກັດ ແມ່ນພາກສ່ວນໜຶ່ງຂອງກຸ່ມທະນາຄານອາເຮັສບີ ເຊິ່ງເປັນກຸ່ມທຸລະກິດການເງິນແບບຄົບວົງຈອນ ອັນດັບ 4 ຂອງມາເລເຊຍ.ທຸລະກິດຫຼັກຂອງກຸ່ມທະນາຄານແບ່ງອອກເປັນ 3 ຂະແໜງສຳຄັນດັ່ງລຸ່ມນີ້: ກຸ່ມທະນາຄານເພື່ອລູກຄ້າລາຍຍ່ອຍ, ກຸ່ມທຸລະກິດສາກົນ ແລະ ກຸ່ມທະນາຄານເພື່ອການລົງທຶນ. ການດໍາເນີນທຸລະກິດຂອງກຸ່ມທະນາຄານໃນພາກພື້ນແມ່ນຂະຫຍາຍກວມເອົາ 9 ປະເທດລວມມີ: ມາເລເຊຍ, ສິງກະໂປ, ອິນໂດເນເຊຍ, ໄທ, ບຣູໄນ, ກຳປູເຈຍ, ຮົງກົງ, ຫວຽດນາມ ແລະ ສປປ ລາວ, ກຸ່ມທະນາຄານ ອາເຮັສບີມີແຮງບັນດານໃຈໃນການສືບຕໍ່ມອບປະສົບການທີ່ເໜືອລະດັບໃຫ້ແກ່ລູກຄ້າ ແລະ ສ້າງມູນຄ່າໃຫ້ແກ່ຄູ່ຮ່ວມລົງທຶນເພື່ອໃຫ້ໄດ້ຮັບການຍອມຮັບໃນຖານະຜູ້ນຳດ້ານກຸ່ມທຸລະກິດທີ່ໃຫ້ບໍລິການດ້ານການເງິນລະດັບສາກົນ. ທະນາຄານ ອາເຮັສບີ ລາວ ໄດ້ເປີດດຳເນີນການມາຕັ້ງແຕ່ຕົ້ນເດືອນ ...

ສິ່ງທີ່ນັກການຕະຫຼາດມັກຕັ້ງຄຳຖາມ ແລະ ພະຍາຍາມຊອກຫາຄຳຕອບ ໃນທຸກໆປີຄື:ຈະມີ”ເທຣນ” (Trend) ຫຼືການຕະຫຼາດຫຍັງແດ່ເກີດຂຶ້ນໃໝ່ໃນປີນີ້ ເພື່ອຫວັງໃຫ້ມີແນວທາງພັດທະນາທຸລະກິດ,ວາງແຜນການຕະຫຼາດບໍ່ໃຫ້ຕົກ“ເທຣນ” (Trend). ແຕ່ຍຸກນີ້ເປັນຍຸກຂອງໂລກ“ດີຈິຕ໋ອນ”ເຊິ່ງມີການປ່ຽນແປງທີ່ວ່ອງໄວ ຍ້ອນຖືກເຕັກໂນໂລຊີເຂົ້າມາປ່ຽນແປງ ທັງທຸລະກິດ ແລະ ພຶດຕິກຳຜູ້ບໍລິໂພກ. ໃນປີ 2019 ນີ້ ຍັງຈະມີເລື່ອງໃໝ່ໆເກີດຂຶ້ນຈົນເຮັດໃຫ້ເຮົາຄິດບໍ່ເຖິງແນ່ນອນ ຍ້ອນ“ດີຈິຕ໋ອນ” ໄດ້ເຂົ້າມາປ່ຽນແປງຫຼາຍສິ່ງຫຼາຍຢ່າງ ຂະໜາດວ່າ“ດີຈິຕ໋ອນ”ເອງ ຍັງມີໂອກາດຖືກທຳລາຍດ້ວຍ “ດິຈິຕ໋ອນ” ທີ່ເກີດຂຶ້ນໃໝ່ໄດ້. ດັ່ງນັ້ນ, ແນວຄິດທາງການຕະຫຼາດ ຫຼື ຄຳຖາມທີ່ມັກເຄີຍຖາມໃນຍຸກກ່ອນ ອາດຈະບໍ່ແມ່ນຄຳຖາມທີ່ຄວນຖາມໃນປີ 2019 ອີກຕໍ່ໄປ ແລະຕໍ່ໄປນີ້ຄື 4 ການຕະຫຼາດທີ່ອາດໃຊ້ບໍ່ໄດ້ຜົນໃນປີ 2019. 1.ເທຣນ Technology ແມ່ນຫຍັງ?ວົນວຽນຮຽນຮູ້ ແຕ່ນຳໃຊ້ເຕັກໂນໂລຊີ ໃນປີຜ່ານມາໄດ້ມີການຢືນຢັນວ່າເຕັກໂນໂລຊີເຫຼົ່ານີ້ກຳລັງມາຄື:AI, AR, Big Data, Blockchain, Cloud ແລະ Quantumໃນປີນີ້ເລື່ອງນີ້ຈະຖືກນຳມາເວົ້າຫຼາຍທີ່ສຸດ ແລະ ຈະຖືກນຳໃຊ້ເກືອບທັງໝົດ.ດັ່ງນັ້ນ, ສິ່ງທີ່ຈະເຮັດໃຫ້ທຸລະກິດສາມາດກ້າວໜ້າໄປຄວບຄູ່ກັບເຕັກໂນໂລຊີໄດ້ຕ້ອງໃຊ້ເຄື່ອງມືເຕັກໂນໂລຊີທາງການຕະຫຼາດທີ່ເອີ້ນວ່າ MarTechຫຼືເຕັກໂນໂລຊີການຕະຫຼາດ (Marketing Technology) ແຕ່ການຮຽນຮູ້ເລື່ອງ MarTechເປັນສິ່ງທີ່ຍາກ ເພາະມີຈຳນວນຫຼາຍໃນປີ 2016 ມີຫຼາຍກວ່າ 1.000 ເຄື່ອງມື ແລະ ໃນປີ ...

ທ່ານຈະເຫັນຢູ່ທົ່ວໄປວ່າ ທຸລະກິດບ້ານເຮົາສ່ວນໃຫຍ່ຈະຮຽນແບບຜູ້ອື່ນ ແລ້ວປະສົບບັນຫາດ້ານ ການແຂ່ງຂັນ ແລ້ວໄປບໍ່ລອດຕາມພາຍຫຼັງ. ພວກເຮົາຈຶ່ງຢາກຮູ້ຈັກກັບນັກທຸລະກິດລາວ ຜູ້ທີ່ໄດ້ຮັບລາງວັນ ASEAN Business Award ທ່ານ ແກ້ວວິສຸກ ດາລາສານ (ແກ້ວ) ເຊິ່ງເປັນຜູ້ກໍ່ຕັ້ງ ແລະ ອຳນວຍການ 108-1009 ກຣຸບ, ແລະ ຍັງເປັນຂວັນໃຈຂອງຫຼາຍໆຄົນ ທີ່ກຳລັງຊອກວຽກຊອກງານກັນຢູ່. ຂໍຊົມເຊີຍເລີຍວ່າ ກຸ່ມທຸລະກິດນີ້ ໂດຍສະເພາະ 108JOB ເປັນສື່ໂຄສະນາເລື່ອງບຸກຄະລາກອນ ເຊິ່ງແມ່ນທຸລະກິດທີ່ແຕກຕ່າງຈາກຂອງຜູ້ອື່ນ, ໂດຍ (ແກ້ວ)  ກ້າສ່ຽງທີ່ຈະປັ້ນທຸລະກິດນີ້ຂື້ນມາ ໃນປີ 2012 ​ໃຫ້ບໍ່ຄືກັບຈາກທີ່ເຄີຍມີໃນໜັງສືພິມ ຫຼື ວາລະສານ ທີ່ພຽງແຕ່ລົງປະກາດວຽກທົ່ວໆ ໄປໃນເວລານັ້ນ ພ້ອມນີ້ ກໍຄຳນຶງເຖິງການສ້າງຜົນປະໂຫຍດດ້ານສັງຄົມໄປນຳ. ໝາຍວ່າ ບໍ່ພຽງແຕ່ເປັນບ່ອນໂຄສະນາວຽກງານເທົ່ານັ້ນ 108JOB ຍັງໃຫ້ຄຳແນະນຳແກ່ນ້ອງໆ ທີ່ກຳລັງຈະຊອກວຽກໃໝ່ ເຊັ່ນວ່າ: ຄວນກຽມປະຫວັດ ແນວໃດໃຫ້ເປັນຕາສົນໃຈ, ຈະເຂົ້າສຳພາດວຽກແບບໃດ ພ້ອມທັງ ທັກສະສຳຄັນດ້ານອື່ນໆ. ດ່ັງນັ້ນ, ຫວັງ ວ່າການເລີ່ມຕົ້ນ ແລະ ຄວາມສຳເລັດຂອງ 108JOB ຈະຊ່ວຍຈຸດປະກາຍສ້າງແຮງບັນດານໃຈ ໃຫ້ຄົນລຸ່ນໜຸ່ມຜູ້ທີ່ມີຄວາມຄິດປະກອບການ ກ້າຄິດກ້າເຮັດໃນການກໍ່ຕັ້ງທຸລະກິດຂອງຕົນຂຶ້ນມາ ...

ຜູ້ອ່ານຫຼາຍໆທ່ານ ອາດຈະລຶ້ງເຄີຍກັບການທ້ອນເງິນ ດ້ວຍການຝາກເງິນມີກຳນົດ ໄວ້ນຳທະນາຄານທຸລະກິດ ເຊິ່ງໄດ້ຮັບຜົນຕອບແທນໃນຮູບແບບດອກເບ້ຍ. ສ່ວນ ພັນທະບັດລັດຖະບານ  ອາດຍັງເປັນເລື່ອງໃໝ່ ແລະ ຍັງບໍ່ເປັນທີ່ຮູ້ຈັກສຳລັບບຸກຄົນທົ່ວໄປ ເນື່ອງຈາກ ທີ່ຜ່ານມາ ການລົງທຶນໃນພັນທະບັດສ່ວນໃຫຍ່ ແມ່ນເປັນທີ່ຮູ້ຈັກກັນສຳລັບນິຕິບຸກຄົນຫຼາຍກວ່າ. ໃນບົດຄວາມນີ້ ຂໍນຳສະເໜີ ອີກທາງເລືອກໜຶ່ງທີ່ໜ້າສົນໃຈໃນ ການທ້ອນເງິນໃຫ້ກັບບັນດາຜູ້ອ່ານ ນັ້ນກໍຄື ການລົງທຶນດ້ານພັນທະບັດ, ພ້ອມທັງ ປຽບທຽບໃຫ້ເຫັນເຖິງຂໍ້ດີ ແລະ ຂໍ້ເສຍ ຂອງການລົງທຶນດ້ານພັນທະບັດ ແລະ ການຝາກເງິນ. ກ່ອນຈະໄປລົງທຶນເຮົາມາທຳຄວາມເຂົ້າໃຈນຳກັນກ່ອນວ່າ “ພັນທະບັດ” ແມ່ນ ເຄື່ອງມືທາງການເງິນປະເພດໜີ້ ທີ່ກະຊວງການເງິນເປັນຜູ້ຕາງໜ້າ ແລະ ໄດ້ຮັບມອບສິດຈາກລັດຖະບານໃນການອອກ ແລະ ຮັບປະກັນການຊຳລະຄືນຕົ້ນທຶນ ແລະ ດອກເບ້ຍຕາມທີ່ໄດ້ກຳນົດໄວ້ໃນໃບພັນທະບັດ. ໃນນີ້ ຜູ້ອອກພັນທະບັດ ກໍຄື ກະຊວງການເງິນ ມີຖານະເປັນລູກໜີ້ ແລະ ຜູ້ຊື້ພັນທະບັດ ເຊິ່ງອາດແມ່ນ ນິຕິບຸກຄົນ ຫຼື ບຸກຄົນທົ່ວໄປ ມີຖານະເປັນເຈົ້າໜີ້, ໂດຍຜົນຕອບແທນທີ່ຜູ້ລົງທຶນຈະໄດ້ຮັບແມ່ນ ໃນຮູບແບບດອກເບ້ຍຈາກຜູ້ອອກພັນທະບັດ ທີ່ມີຄວາມສູງຕໍ່າແຕກຕ່າງກັນຕາມອາຍຸຂອງພັນທະບັດ. ມາຮອດນີ້ ຜູ້ອ່ານ ອາດພໍເຫັນພາບແລ້ວວ່າ ການຊື້ພັນທະບັດ ກໍຄ້າຍຄືກັບການຝາກເງິນ ເຊິ່ງມີຜົນຕອບແທນເປັນດອກເບ້ຍ ແລະ ...

ຄືດັ່ງທີ່ໄດ້ສະເໜີໄປສອງບົດແລ້ວກ່ຽວກັບຂົງເຂດເສດຖະກິດ. ສະບັບນີ້ ຈະຍົກໃຫ້ເຫັນບັນດານະໂຍບາຍ ແລະ ມາດຕະການ ປີ 2019 ກ່ຽວກັບຂົງເຂດດັ່ງກ່າວ ມີບາງຈຸດສໍາຄັນດັ່ງນີ້ ດ້ານງົບປະມານແຫ່ງລັດ ດ້ານລາຍຮັບ ຕ້ອງຈັດຕັ້ງຜັນຂະຫຍາຍ ວ່າດ້ວຍອາກອນມູນຄ່າເພີ່ມ ສະບັບປັບປຸງໃຫ້ເຂັ້ມງວດ, ເປັນເອກະພາບໃນທົ່ວປະເທດ. ສຸມໃສ່ຂະຫຍາຍຖານລາຍຮັບດ້ວຍການຫັນເອົາຫົວໜ່ວຍທຸລະກິດຂະໜາດກາງ ທີ່ເສຍອາກອນແບບມອບເໝົາໃຫ້ເຂົ້າສູ່ການຖືບັນຊີ ຢ່າງໜ້ອຍ 10% ຂອງຈໍານວນຫົວໜ່ວຍມອບເໝົາທັງໝົດທົ່ວປະເທດ ແລະ ນໍາໃຊ້ການຄິດໄລ່ອາກອນມູູນຄ່າເພີ່ມແບບມີກໍານົດ ແລະ ປັບປຸງໄປສູ່ການເຂົ້າລະບົບອາກອນມູນຄ່າເພີ່ມຕາມກົດໝາຍ; ຄົ້ນຄວ້າສ້າງ ແລະ ປັບປຸງ ບັນດານະໂຍບາຍ ດ້ານພາສີ-ອາກອນ ໃຫ້ສອດຄ່າງກັບການຂະຫຍາຍຕົວຂອງເສດຖະກິດ-ສັງຄົມ, ໃນພາກພື້ນ ແລະ ສາກົນ ເຊັ່ນ: ກົດໝາຍວ່າດ້ວຍພາສີ, ກົດໝາຍວ່າດ້ວຍສ່ວຍສາອາກອນ, ກົດໝາຍວ່າດ້ວຍອາກອນຊົມໃຊ້, ກົດໝາຍວ່າດ້ວຍອາກອນລາຍໄດ້, ກົດໝາຍວ່າດ້ວຍການປະກັນໄພ, ລັດຖະບັນຍັດວ່າດ້ວຍຄ່າທໍານຽມ ແລະ ຄ່າບໍລິການ, ລັດຖະບັນຍັດວ່າດ້ວຍພາສີທີ່ດິນ, ນະໂຍບາຍຫັນຊັບສິນເປັນທຶນ, ຂໍ້ຕົກລົງວ່າດ້ວຍຄ່າບໍລິການສິນຄ້ານໍາເຂົ້າ ແລະ ສົ່ງອອກ ສິນຄ້າຜ່ານແດນສາກົນ ແລະ ບັນດານິຕິກໍາລຸ່ມກົດໝາຍອື່ນໆ ປັບປຸງກົນໄກ, ຂັ້ນຕອນ ແລະ ການບໍລິການ ເພື່ອອໍານວຍຄວາມສະດວກໃນການດໍາເນີນທຸລະກິດ ແລະ ການປະຕິບັດພັນທະຕໍ່ງົບປະມານ ໃຫ້ມີຄວາມສະດວກ, ທັນສະໄໝ, ໂປ່ງໃສ,​ ...

ປັດຈຸບັນໂລກຂອງທຸລະກິດມີການຫັນປ່ຽນຢ່າງໄວວາ, ນັບຕັ້ງແຕ່ການເກີດຂຶ້ນມາໃໝ່ຂອງບັນດາອົງກອນ ແລະ ຫົວໜ່ວຍທຸລະກິດ ເຮັດໃຫ້ການແຂ່ງຂັນຂ້ອນເພີ່ມສູງຂຶ້ນ, ຍັງບໍ່ນັບບັນດາຂອງນະວັດຕະກໍາໃໝ່ໆ ທີ່ເຂົ້າມາສ້າງການປ່ຽນແປງ ແລະ ເພີ່ມການແຂ່ງຂັນໃຫ້ນຳອີກ. ສະນັ້ນ ບັນດາອົງກອນຕ່າງໆຈຶ່ງຕ້ອງມີການພັດທະນາຕົນເອງຢູ່ສະເໝີ, ຕ້ອງນໍາກະແສໃຫ້ທັນຕາມເທຣນຂອງໂລກທີ່ປ່ຽນໄປ. ແຕ່ບັນດາທ່ານ ກ່ອນທີ່ຈະປັບຕົວໄປຕາມກະແສນັ້ນກໍຕ້ອງຮຽນຮູ້ກ່ອນວ່າ ຈະເລີ່ມຕົ້ນຈາກຈຸດໃດ? ແລ້ວມຸ່ງໜ້າໄປທິດທາງໃດ? ລະບົບຕ່າງໆທີ່ມີໃນອົງກອນຂອງທ່ານສາມາດປັບປ່ຽນໄປນໍາກັນໄດ້ ຫຼືບໍ່? ແລະ ຖ້າຈະໄປໃຫ້ໄດ້ຕ້ອງປັບປ່ຽນຫຍັງແດ່? ເຊິ່ງມື້ນີ້ເຮົາຈະມາຮຽນຮູ້ໄປນໍາກັນກ່ຽວກັບການປັບຕົວຂອງອົງກອນເພື່ອໄປສູ່ Digital Transformation!!! “Digital Transformation” ໝາຍເຖິງ ການຫັນປ່ຽນໂດຍໃຊ້ເຕັກໂນໂລຊີເຂົ້າມາມີສ່ວນຮ່ວມ ເພື່ອໃຫ້ສອດຄ່ອງກັບຍຸກສະໄໝທີ່ປ່ຽນໄປ ຫຼືຖ້າເປັນທາງທຸລະກິດ ແລະ ອົງກອນ ຄວາມໝາຍກໍຈະຄ້າຍຄືກັບການຫັນປ່ຽນຮູບແບບຂອງອົງກອນຢ່າງມີຍຸດທະສາດ ແລະ ນຳໃຊ້ເຕັກໂນໂລຊີເຂົ້າມາຊ່ວຍ ເພື່ອໃຫ້ທັນກະແສໂລກ ແລະ ເສດຖະກິດໃຫ້ຍັງຄົງດໍາເນີນຕໍ່ໄປໄດ້, ບໍ່ດັ່ງນັ້ນກໍອາດຈະຕ້ອງຍອມແພ້ຖືກ Digital Disruption ເຂົ້າແທນທີ່. ການທີ່ອົງກອນຈະຫັນປ່ຽນໄປສູ່ “Digital Transformation” ມີຫຼາກຫຼາຍຮູບແບບ ແຕ່ທີ່ເຮົາຈະແນະນໍາຕໍ່ໄປນີ້ເປັນຫຼັກການທີ່ເຫັນວ່າມີປະໂຫຍດຕໍ່ອົງກອນ ແລະ ບໍລິສັດ; ເຊິ່ງ ມີອົງປະກອບຫຼັກຢູ່ 5 ຢ່າງຄື: ຍຸດທະສາດຂອງທຸລະກິດ (Strategy): ຖືວ່າເປັນແກນສໍາຄັນ ທີ່ຈະເຮັດໃຫ້ອົງກອນກ້້າວໄປເຖິງເປົ້າໝາຍຢ່າງມີທິດທາງໄດ້ ການສື່ສານຂອງພະນັກງານ ແລະ ລູກຄ້າ (Staff ...

ໜຶ່ງໃນ Trend ຂອງການຄ້າເອເລັກໂຕຣນິກທີ່ກ້າວໜ້າ ກໍາລັງມາແຮງໃນປີ 2019 ຄື “Chat bot” ຫຼື ລະບົບຕອບຮັບ “ອອນໄລ໌” ອັດຕະໂນມັດ ເຊິ່ງກ່ອນໜ້ານີ້ “Chat bot” ເປັນພຽງທາງເລືອກທີ່ຈະມີກໍໄດ້ບໍ່ມີກໍໄດ້ ຫຼືເອີ້ນໄດ້ວ່າ ຖ້າມີກໍພຽງແຕ່ສ້າງສີສັນ ແຕ່ຖ້າບໍ່ມີກໍໃຊ້ຄົນເປັນຜູ້ຕອບຄໍາຖາມລູກຄ້າຕະຫຼອດໝົດມື້. ແຕ່ນັບຈາກນີ້ໄປອາດຈະບໍ່ເປັນແບບນັ້ນແລ້ວ!!! ເພາະຖ້າທຸລະກິດ (ໂດຍສະເພາະກຸ່ມ SMEs) ທີ່ເລີ່ມມີລູກຄ້າຈໍານວນຫຼາຍ, ມີສິນຄ້າທີ່ຫຼາກຫຼາຍ ແລະ ສິນຄ້າແຕ່ລະຢ່າງນັ້ນມີລາຍລະອຽດທີ່ຕ້ອງທໍາຄວາມເຂົ້າໃຈຫຼາຍ, ການຕອບຄໍາຖາມລູກຄ້າອາດຈະເຮັດໄດ້ຍາກ ເຊິ່ງຕ່າງຈາກອົງກອນໃຫຍ່ໆທີ່ມີພະນັກງານເຮັດໜ້າທີ່ບໍລິການລູກຄ້າໂດຍກົງ ແລະ ບໍ່ແນ່ວ່າ “Chat bot” ອາດຈະເຂົ້າມາຊ່ວຍທຸລະກິດຂອງທ່ານໃນຈຸດນັ້ນໄດ້. “Chat bot” ແມ່ນຫຍັງ? “Chat bot” ແມ່ນໂປຣແກຣມ ມີໜ້າທີ່ເພື່ອຕອບການສົນທະນາແບບອັດຕະໂນມັດດ້ວຍຕົວອັກສອນ ເຊິ່ງກ່ອນໜ້ານີ້ເຮົາຈະເຫັນ “Chat bot” ປະເພດທີ່ມີການບັນທຶກຂໍ້ຄວາມສົນທະນາເພື່ອເລືອກຄໍາຕອບທີ່ເໝາະສົມ ແຕ່ປັດຈຸບັນມີການນໍາ AI ຫຼືປັນຍາປະດິດເຂົ້າມາພັດທະນາໃຫ້ “Chat bot” ສາມາດວິເຄາະຂໍ້ມູນທີ່ມີຢູ່ ແລະ ຕອບກັບແບບໃກ້ຄຽງກັບມະນຸດຫຼາຍທີ່ສຸດໄດ້ແລ້ວ. “Chat bot” ກັບ SMEs ໄປນໍາກັນໄດ້ດີແບບໃດ? ຊ່ວຍຕອບບັນຫາ ຫຼືຄໍາຖາມຕ່າງໆໄດ້ຢ່າງໄວວາ, ...

ການມາເຖິງຂອງຍຸກເຕັກໂນໂລຊີ 4.0 ມັນບໍ່ພຽງແຕ່ເຮັດໃຫ້ທຸລະກິດຫຼາຍປະເພດເກີດວິກິດເທົ່ານັ້ນ. ແຕ່ຍັງລວມໄປເຖິງໜ້າວຽກໃນຫຼາກຫຼາຍອາຊີບ ອາດຈະຖືກຫຼຸດບົດບາດລົງຈົນບາງອາຊີບຕ້ອງຕາຍຈາກໄປກໍມີ. ຍ້ອນຄວາມສະດວກສະບາຍໃນປັດຈຸບັນ ທີ່ຫຼຸດທອນບາງລະບົບຈົນເຮັດໃຫ້ມີທາງລັດຂ້າມຜ່ານສິ່ງທີ່ເຄີຍມີມາໃນອະດີດ. ບັນດາທ່ານ ເຖິງວ່າຈະມີຫຼາຍອາຊີບທີ່ກໍາລັງຈະໝົດໄປ ແຕ່ທຸກຢ່າງກໍຍ່ອມມີ 2 ດ້ານສະເໝີ ໃນຍຸກແຫ່ງຂໍ້ມູນລະດັບ Big Data ຄືທຸກມື້ນີ້. ກໍເຮັດໃຫ້ເກີດອາຊີບໃໝ່ໆຂຶ້ນມາຢ່າງຫຼວງຫຼາຍ ເຊິ່ງອີກໜຶ່ງອາຊີບທີ່ຜູ້ຂຽນຍົກໃຫ້ເປັນອາຊີບທີ່ໜ້າສົນໃຈໃນຍຸກນີ້ ທີ່ຢາກຈະມາເລົ່າໃຫ້ຟັງກໍຄື “Data Scientist” ຫຼື “ນັກວິທະຍາສາດຂໍ້ມູນ” ເຊິ່ງເປັນອາຊີບໃໝ່ທີ່ກໍາລັງມາແຮງ ແລະ ມີຄວາມຈໍາເປັນຕໍ່ທຸລະກິດໃນຍຸກປັດຈຸບັນນີ້ຫຼາຍ. “Glass door” Website ຊອກວຽກອັນດັບໜຶ່ງ ໃນປະເທດ ສະຫະລັດອາເມຣິກາ ໄດ້ຈັດອັນດັບ 50 ອາຊີບ ດີທີ່ສຸດໃນອາເມຣິກາ ໃນປີ 2018 ຂຶ້ນ ແລະ ພົບວ່າ ອາຊີບ “ນັກວິທະຍາສາດຂໍ້ມູນ” ເປັນອາຊີບທີ່ໄດ້ຮັບຄວາມນິຍົມອັນດັບໜຶ່ງຈາກ 1.700 ອາຊີບ ທີ່ມີຄວາມຕ້ອງການໃນຕະຫຼາດຫຼາຍທີ່ສຸດ ແລະ ມີຄ່າແຮງສູງເຖິງ 110.000 ໂດລາສະຫະລັດ ຕໍ່ປີ. ໂດຍມະຫາວິທະຍາໄລນິວຢອກ ໄດ້ເພີ່ມຂະແໜງນີ້ລົງໃນຫຼັກສູດການຮຽນ-ການສອນ ລະດັບປະລິນຍາໂທແລ້ວເມື່ອປີ 2014. ສໍາລັບການເຮັດວຽກຂອງຄົນໃນສາຍອາຊີບນັກວິທະຍາສາດຂໍ້ມູນນີ້ ຫຼາຍຄົນກໍອາດຈະສົງໄສວ່າເຮັດວຽກແນວໃດ? ເພາະບາງຄົນກໍອາດຈະຍັງບໍ່ຮູ້ຊໍ້າວ່າມີອາຊີບນີ້ຢູ່ໃນໂລກ. ເຊິ່ງເຮົາຈະກັບໄປຫາຄໍາວ່າ ...

ເມື່ອຫຼາຍປະເທດເຂົ້າສູ່ຍຸກ 4.0 ຫຼື ບາງປະເທດກຳລັງຫາກໍຈະເຂົ້າ,ຫຼາຍຄົນຈະສັງເກດເຫັນເຖິງຄວາມປ່ຽນແປງຫຼາຍຢ່າງໃນທຸລະກິດ ແລະ ອຸດສາຫະກຳຕ່າງໆຂອງບ້ານເຮົາ ແລະ ປະເທດອື່ນໆ ໂດຍສະເພາະກຸ່ມທຸລະກິດ SMEsຫັນມາປັບຕົວສູ່ການເປັນ Smart Enterprisesຫຼື ກຸ່ມ Startupsທີ່ເນັ້ນການໃຊ້ນະວັດຕະກຳໃໝ່ໆ,​ໃຊ້ຄວາມຄິດສັງສັນ ແລະ ເນັ້ນການລົງທຶນໜ້ອຍແຕ່ໄດ້ກຳໄລຫຼາຍເປັນຫຼັກ. ໂລກທຸລະກິດທີ່ບໍ່ເຄີຍຢຸດຢູ່ບ່ອນເກົ່ານີ້ ແນ່ນອນວ່າອີກບໍ່ດົນຍຸກ 4.0 ກໍຈະກາຍເປັນອະດີດໄປ ແລະ ເຮົາຄວນຕັ້ງຄຳຖາມເຖິງທຸລະກິດຍຸກ 5.0 ໄດ້ແລ້ວວ່າ: ທຸລະກິດຮ້ານຄ້າຕ່າງໆຕ້ອງມີການປັບຕົວຕື່ມອີກຫຼາຍປານໃດ? ຕ້ອງໃຊ້ຍຸດທະສາດການຕະຫຼາດທີ່ແຕກຕ່າງໄປຈາກຍຸກ 4.0 ແບບໃດ? ແນວຄິດການຕະຫຼາດຍຸກ 5.0 ຖືກເວົ້າຂຶ້ນໂດຍ John EllettCEOnFusionນັກຂຽນປຶ້ມດ້ານການຕະຫຼາດ The CEO Manifesto: A 100-Days Action Plan For Marketing Change Agents ແລະ ຍັງເປັນນັກຂຽນອິດສະຫຼະໃຫ້ກັບວາລະສານ Forbes.ໂດຍທ່ານໄດ້ໃຫ້ຄຳນິຍາມວ່າ“ການຕະຫຼາດ 5.0 ມາພ້ອມກັບການທຳລາຍ ແລະ ເພີ່ມໃຫ້ຍຸກເກົ່າ. ປັດຈຸບັນ, ການຕະຫຼາດ 5.0 ເປັນຍຸກຂອງການເອົາຊະນະກັນດ້ວຍປະສົບການຈາກຊ່ອງທາງການຕະຫຼາດທີ່ຫຼາກຫຼາຍ” ດັ່ງທີ່ເຮົາຮູ້ແລ້ວວ່າ ທຸລະກິດຈະປະສົບຜົນສຳເລັດໄດ້ໃນປັດຈຸບັນ ຕ້ອງສາມາດເຂົ້າເຖິງປະສົບການຂອງລູກຄ້າໃຫ້ໄດ້ ຍຸດທະສາດທຸລະກິດຍຸກ 4.0 ...