General

ໂຄງການບ້ານຈັດສັນໃໝ່ ຈາກການຂຸດຄົ້ນແຮ່ຄຳ ສຳເລັດແລ້ວ 25%…

ໂຄງການບ້ານຈັດສັນໃໝ່ ເພື່ອຟື້ນຟູຊີວິດການເປັນຢູ່ຂອງປະຊາຊົນ ທີ່ໄດ້ຮັບຜົນການທົບຈາກການຂຸດຄົ້ນ ແລະ ປຸງແຕ່ງແຮ່ຄຳ ບ້ານຕອງ ເມືອງປາກແບງ ແຂວງອຸດົມໄຊ ທີ່ໄດ້ເລີ່ມຕົ້ນຈັດຕັ້ງ ປະຕິບັດມາແຕ່ເດືອນ ມີນາ 2020 ມາຮອດປັດຈຸບັນນີ້ ບັນດາໜ້າວຽກທັງໝົແມ່ນປະຕິບັດສຳເລັດແລ້ວ 25 % ຊຶ່ງໃນນັ້ນ ໄດ້ສ້າງເຮືອນ ທີ່ຢູ່ອາໄສຂອງປະຊາຊົນ ຈຳນວນ 24 ຫຼັງ. ເມື່ອບໍ່ດົນມານີ້, ເຈົ້າແຂວງ ອຸດົມໄຊ ທ່ານ ປອ ຄຳພັນ ເຜີຍຍະວົງ ພ້ອມດ້ວຍຄະນະ ໄດ້ລົງຢ້ຽມຢາມເິ່ງຄວາມຄືບໜ້າຂອງໂຄງການດັ່ງກ່າວ ຊຶ່ງປະກອບມີບັນດາໜ້າວຽກທີ່ສຳຄັນເຊັ່ນ: ການກໍ່ສ້າງເສັ້ນທາງ, ກໍ່ສ້າງນ້ຳລິນ, ກໍ່ສ້າງຕາຄ່າຍໄຟຟ້າ, ສ້ອມແປງໂຮງໝໍນ້ອຍ, , ສ້ອມແປງ ແລະ ສືບຕໍ່ສ້າງອາຄານໂຮງຮຽນ, ກໍ່ສ້າງຫ້ອງການບ້ານ, ຕະຫຼາດຊຸມຊົນ ແລະ ສິ່ງອຳນວຍຄວາມສະດວກອື່ນໆ; ພາບປະກອບເທົ່ານັ້ນ ລວມມູນຄ່າການກໍ່ສ້າງ ທັງໝົດ 9.831.000 ໂດລາ ໂດຍແມ່ນບໍລິສັດ ລາວຊິນຫຼົງ ອຸດສາຫະກຳບໍ່ແຮ່ຈຳກັດ ເປັນຜູ້ໃຫ້ທຶນໃນການກໍ່ສ້າງໂຄງການດັ່ງກ່າວ.

Read More »

Souphattra Serviced Apartments ສະຖານທີ່ພັກອາໄສທີ່ສະຫງ່າງາມແຫ່ງນະຄອນຫຼວງວຽງຈັນ ເປີດໃຫ້ບໍລິການຢ່າງເປັນທາງການແລ້ວມື້ນີ້…

ພິທີເປີດ ສຸພັດຕຣາ ເຊີວິດ ອາພັດເມັ່ນ (Souphattra Serviced Apartments) ໄດ້ຈັດຂຶ້ນໃນຕອນບ່າຍວັນທີ 10 ພະຈິກ 2020 ໂດຍການເປັນປະທານຂອງທ່ານ ນາງ ວັນເພັງ ສີສຸລິດ ປະທານກຸ່ມບໍລິສັດ ລາວເດີມ ແລະ ທ່ານສະເຫຼີມ ໄຊກົມມະສິດ ລັດຖະມົນຕີກະຊວງການຕ່າງປະເທດ ທີ່ເປັນກຽດເຂົ້າຮວ່ມໃນນາມຂອງປະທານກຽດຕິມະສັກ. ນອກຈາກນີ້, ຍັງມີບັນດາເອກອັກຄະລັດຖະທູດຕ່າງປະເທດປະຈຳລາວ, ຄະນະນໍາກະຊວງການຕ່າງປະເທດ, ແຂກກຽດຕິມະສັກ, ບັນດາອົງການຈັດຕັ້ງສາກົນ ແລະ ນັກທຸລະກິດຕະຫຼອດຮອດມວນຊົນຕ່າງໆເຂົ້າຮວ່ມງານ. ທ່ານ ນາງ ວັນເພັງ ສີສຸລິດ ໄດ້ກ່າວເປີດງານໃນຄັ້ງນີ້ວ່າ: “ພວກເຮົາມີຄວາມຍິນດີ ແລະ ພ້ອມແລ້ວທີ່ຈະພາທ່ານເຂົ້າຮ່ວມເປັນສ່ວນໜຶ່ງຂອງໂຄງການ ສຸພັດຕຣາ ເຊີວິດ ອາພັດເມັ່ນທີ່ກຸ່ມບໍລິສັດລາວເດີມ ໄດ້ສຸມທຸກກຳລັງເຫື່ອແຮງ ແລະ ຄວາມຕັ້ງໃຈຈົນເປັນຜົນງານດັ່ງທີ່ທຸກທ່ານໄດ້ເຫັນໃນປັດຈຸບັນ ເພື່ອຕອບສະໜອງຄວາມຮຽກຮ້ອງຕ້ອງການດ້ານທີ່ພັກອາໄສຂອງແຂກທັງພາຍໃນ ແລະ ຕ່າງປະເທດ”. ເຊິ່ງໂຄງການ ອາພັດເມັ່ນ ເປັນຜະລິດຕະພັນທີ່ພວກເຮົາພາກພູມໃຈ ເພື່ອແນໃສ່ຄວາມ ສວຍງາມທີ່ລຽບງ່າຍ, ເປັນເອກະລັກສະເພາະພາຍໃຕ້ແບຣນ ສຸພັດຕຣາ. ເຊິ່ງໂຄງການດັ່ງກ່າວນີ້ເປັນໂຄງການໜຶ່ງທີ່ໄດ້ຮ່ວມມືກັບກະຊວງການຕ່າງປະເທດ ຊຶ່ງພາຍໃນອາພັດເມັ່ນແຫ່ງນີ້ມີການຕົບແຕ່ງດ້ວຍເຟີນີເຈີທີ່ທັນສະໄໝ, ເນັ້ນການບໍລິການທີ່ສະດວກສະບາຍ, ເປັນເອກະລັກສະເພາະຂອງກຸ່ມບໍລິສັດລາວເດີມທີ່ຈະສ້າງຄວາມປະທັບໃຈໃຫ້ແກ່ແຂກທີ່ເຂົ້າມາພັກ​ເຊົ່າ. ໂດຍອາພັດເມັ່ນຂອງພວກເຮົາ ໄດ້ນຳໃຊ້ວັດສະດຸທີ່ມີຄຸນນະພາບ ແລະ ...

Read More »

ຄັດລືອກຂັ້ນສຸດທ້າຍຂອງສາຍພັນເຂົ້າໜຽວຫອມດີເດັ່ນໂດຍຊາວນາມີສ່ວນຮ່ວມ…..

ເມື່ອບໍ່ດົນຜ່ານມາ ສູນຄົ້ນຄວ້າກະສິກຳທ່າຊະໂນ, ພະແນກກະສິກຳ ແລະປ່າໄມ້ແຂວງສະຫວັນນະເຂດ ໄດ້ຈັດພິທີຄັດເລືອກຂັ້ນສຸດທ້າຍຂອງສາຍພັນເຂົ້າໜຽວຫອມດີເດັ່ນໂດຍຊາວນາມີສ່ວນຮ່ວມ ທີ່ສວນສາທິດ ບ້ານທ່າຊະໂນ ເຊິ່ງມີທ່ານ ພອນສະໄໝ ຈັນສີນາ ຫົວໜ້າພະແນກວິທະຍາສາດ ແລະເຕັກໂນໂລຊີແຂວງ, ທ່ານ ຄຳແສງ ສໍພາບມີໄຊ ຮອງຫົວໜ້າພະແນກກະສິກຳ-ປ່າໄມ້ແຂວງ ພ້ອມດ້ວຍຂະ ແໜງການທີ່ກ່ຽວຂ້ອງ ຕະຫຼອດຮອດກຸ່ມຊາວນາ, ອຳນາດການປົກຄອງບ້ານໃກ້ຄຽງ ແລະນັກວິຊາການເຂົ້າຮ່ວມ. ທ່ານ ນິຄົມ ຈັນພາວະ ຫົວໜ້າສູນຄົ້ນຄວ້າກະສິກຳທ່າຊະໂນ ໄດ້ກ່າວໃຫ້ຮູ້ວ່າ: ເຖິງວ່າປະເທດເຮົາ ມີແນວພັນເຂົ້າປັບປຸງຫຼາຍກວ່າ 30 ແນວພັນ ແຕ່ກໍມີຫຼາຍແນວພັນ ທີ່ບໍ່ສາມາດປັບຕົວຕໍ່ການປ່ຽນແປງຂອງສະພາບດິນຟ້າອາກາດເຊັ່ນ: ໄພນ້ຳຖ້ວມ, ໄພແຫ້ງແລ້ງ, ການລະບາດຂອງພະຍາດ ແລະແມງໄມ້ ເຊິ່ງເປັນສາເຫດເຮັດໃຫ້ຊາວນາປະລະແນວພັນປັບປຸງຈຳນວນຫຼວງຫຼາຍ ດັ່ງນັ້ນ, ວຽກງານປັບປຸງແນວພັນເຂົ້າ ແມ່ນມີຄວາມຈຳເປັນ ແລະມີຄວາມສຳຄັນຫຼາຍໃນການຄົ້ນຄວ້າ ແລະພັດທະນາແນວພັນໃໝ່ທີ່ມີລັກສະນະພິເສດເຊັ່ນ: ໃຫ້ຜົນຜະລິດສູງ, ຄຸນະພາບການກິນດີ, ມີຄວາມຫອມ, ທົນຕໍ່ຄວາມແຫ້ງແລ້ງ, ທົນຕໍ່ສະພາບນ້ຳຂັງ, ທົນຕໍ່ພະຍາດ ແລະ ແມງໄມ້ທຳລາຍ ເພື່ອມາທົດແທນແນວພັນເກົ່າທີ່ຊາວນາບໍ່ນິຍົມນຳໃຊ້. ສູນຄົ້ນຄວ້າກະສິກຳທ່າຊະໂນ ແມ່ນສູນໜຶ່ງທີ່ມີບົດບາດໃນວຽກງານຄົ້ນຄວ້າ ແລະພັດທະນາແນວພັນໃໝ່ອອກສູ່ສັງຄົມເລື້ອຍມາ ຕົກມາໃນປີ 2019 ໄດ້ນຳເອົາສາຍພັນເຂົ້າໜຽວຫອມຈຳນວນ 42 ສາຍພັນ ທີ່ເອົາມາຈາກສູນຄົ້ນຄວ້າເຂົ້ານາພອກ ...

Read More »

ອົງຄະນະພັກກະຊວງການຕ່າງປະເທດ ໄຂກອງປະຊຸມໃຫຍ່ ຄັ້ງທີ IV….

ກອງປະຊຸມໃຫຍ່ຜູ້ແທນ ຂອງອົງຄະນະພັກກະຊວງການຕ່າງປະເທດ ຄັ້ງທີ IV ໄດ້ໄຂຂຶ້ນຢ່າງເປັນທາງການ ໃນວັນທີ 5 ພະຈິກ 2020, ທີ່ສູນການຮ່ວມມື ແລະ ຝຶກອົບຮົມສາກົນ (ICTC), ນະ ຄອນຫລວງວຽງຈັນ, ໂດຍການເປັນປະທານຂອງ ສະຫາຍ ສະເຫລີມໄຊ ກົມມະສິດ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີກະຊວງການຕ່າງປະເທດ ໃຫ້ກຽດເຂົ້າຮ່ວມຂອງ ສະຫາຍ ທອງລຸນ ສີສຸລິດ ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວ, ມີບັນດາແຂກທີ່ຖືກເຊີນຈາກກະຊວງ ແລະ ອົງການອ້ອມຂ້າງສູນກາງຈຳນວນໜຶ່ງ, ບັນດາສະຫາຍສະມາຊິກພັກອາວຸໂສບຳນານ, ບັນດາສະຫາຍຕາງໜ້າຈາກອົງການຈັດຕັ້ງມະຫາຊົນ ແລະ ບັນດາສະຫາຍຜູ້ແທນສົມບູນ ເຂົ້າຮ່ວມ. ສະຫາຍ ສະເຫລີມໄຊ ກົມມະສິດ ໄດ້ຜ່ານບົດລາຍງານການເມືອງ ເພື່ອສະຫລຸບຕີລາຄາຜົນຂອງ ການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນ ຄັ້ງທີ III ຂອງອົງຄະນະພັກກະຊວງການຕ່າງ ປະເທດ ຊຶ່ງໄດ້ຍົກໃຫ້ເຫັນວ່າ: ໃນໄລຍະ 5 ປີ ຜ່ານມາ ຄະນະພັກ-ຄະນະນໍາກະຊວງການຕ່າງ ປະເທດ ໄດ້ເດັດດ່ຽວເສີມຂະຫຍາຍ ມູນເຊື້ອປະຕິວັດ ແລະ ເຊີດຊູຄວາມຮັບຜິດຊອບ ...

Read More »

ຊົມເຊີຍ!!! ບໍລິສັດເບຍລາວ ຈໍາກັດ ມອບນ້ຳດື່ມ ມູນຄ່າ 74 ລ້ານກີບ ຊ່ວຍຜູ້ປະສົບໄພນ້ຳຖ້ວມ ແຂວງສະຫວັນນະເຂດ

ໃນວັນທີ 04 ພະຈິກ 2020 ຢູ່ທີ່ຫ້ອງວ່າການ ແຂວງສະຫວັນນະເຂດ, ບໍລິສັດເບຍລາວຈຳກັດ ໄດ້ມອບນ້ຳດື່ມ ຂະໜາດ 1,5 ລິດ, ຈຳນວນ 4.000 ແພັກ ເຊິ່ງມີມູນຄ່າ 74 ລ້ານກີບ ເພື່ອຊ່ວຍເຫລືອປະຊາຊົນທີ່ປະສົບໄພນ້ຳຖ້ວມໃນແຂວງສະຫວັນນະເຂດ. ເດືອນຕຸລາ 2020 ເປັນໄລຍະ ທີ່ມີສະພາບນໍ້າຖ້ວມ ໜັກໜ່ວງ ແລະ ຮຸນແຮງ ສໍາຫຼັບແຂວງ ສະຫວັນນະເຂດ ເນື່ອງຈາກມີພາຍຸຫຼາຍລູກ ພັດຜ່ານເຂົ້າເຂດ ພາກກາງ ຂອງ ສປປ ລາວ. ຂໍ້ມູນຈາກ ພະແນກພະລັງງານ ແລະ ສະຫວັດດີການສັງຄົມ ແຂວງສະຫວັນນະເຂດ ຊີ້ໃຫ້ຮູ້ວ່າ ປັດຈຸບັນ ປະຊາຊົນ ຢູ່ 8 ເມືອງ ຂອງແຂວງ ປະກອບມີ ເຊໂປນ, ເມືອງນອງ, ວິລະບູລີ, ເມືອງພິນ ແລະ ອີກ 4 ເມືອງຕອນລຸ່ມ ລຽບຕາມລໍານໍ້າ ເຊບັ້ງຫຽງ ເຊັ່ນ ເມືອງຊົນນະບູລີ, ຈໍາພອນ, ສອງຄອນ ...

Read More »

ມາດຕະການ ເພີ່ມທະວີການຈັດເກັບລາຍຮັບ

ການຈັດເກັບລາຍຮັບປີ 2020 ບໍ່ໄດ້ຕາມຄາດໝາຍຍ້ອນການລະບາດຂອງພະຍາດໂຄວິດ-19 ແຕ່ເຖິງຢ່າງໃດກໍ່ຕາມ ລັດຖະບານກໍ່ມີຄວາມພະຍາຍາມຈະເຮັດໃຫ້ການເກັບລາຍຮັບໃຫ້ໄດ້ຕາມຄວາມເປັນຈິງ. ໃນເວລາຊີ້ແຈງຕໍ່ກອງປະຊຸມສະໄໝສາມັນເທື່ອທີ່ VIIII ຂອງສະພາແຫ່ງຊາດ ຊຸດທີ່ VIII ທີ່ດໍາເນີນແຕ່ວັນທີ 24 ມິຖຸນາ – 02 ກໍລະກົດ 2020 ຜ່ານມານີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີວ່າການ ກະຊວງການເງິນໄດ້ຊີ້ແຈງວ່າ: ຂ້າພະເຈົ້າ ຂໍຊີ້ແຈງ ກ່ຽວກັບ ນະໂຍບາຍ, ມາດຕະການ ໃນການເພີ່ມທະວີການຈັດເກັບລາຍຮັບ ໄປພ້ອມກັບການຈໍາກັດ ແລະ ປະຢັດລາຍຈ່າຍ ແລະ ລະດົມທຶນຈາກພາຍໃນ ແລະ ຕ່າງປະເທດ ເພື່ອມາດຸນດ່ຽງງົບປະມານ ແລະ ການປະຕິບັດພັນທະຊໍາລະໜີ້ເງິນກູ້ຢືມພາຍໃນ ແລະ ຕ່າງປະເທດ ທີ່ງົບປະມານແຫ່ງລັດມີຄວາມຫຍຸ້ງຍາກ ຊຶ່ງກະຊວງການເງິນ ໄດ້ມີບາງນະໂຍບາຍ ແລະ ມາດຕະການ ທາງດ້ານການເງິນ-ງົບປະມານ ໃນ 6 ເດືອນສຸດທ້າຍ ປີ 2020 ທີ່ສາມາດສັງລວມໄດ້ດັ່ງນີ້: ນະໂຍບາຍ ແລະ ມາດຕະການ ໃນການເພີ່ມທະວີການຈັດເກັບລາຍຮັບ:ສືບຕໍ່ເຮັດວຽກງານແນວຄິດການເມືອງຄະນະພັກ-ຄະນະນໍາ, ຕໍ່ສະມາຊິກພັກ-ພະນັກງານຫຼັກແຫຼ່ງ ...

Read More »

ຫົວໜ້າອົງການ WHO ເຂົ້າສູ່ການກັກໂຕ ສ່ຽງຕິດໂຄວິດ…

ຫົວໜ້າອົງການອະນາໄມໂລກ (WHO) ໄດ້ເຂົ້າສູ່ການກັກໂຕ ຫຼັງຈາກມີຄົນທີ່ທ່ານໄດ້ສຳພັດມີຜົນການທົດສອບຂອງ ໂຄວິດ-19 ທີ່ອອກມາເປັນບວກ. ເມື່ອເຊື້ອໄວຣັດດັ່ງກ່າວໄດ້ແຜ່ລາມຢ່າງໄວວາໃນທົ່ວເອີຣົບ ແລະ ບ່ອນອື່ນໆ, Tedros Adhanom Ghebreyesus, ຢູ່ນະຄອນເຈນີວາ, ໄດ້ກ່າວຜ່ານ Twitter ສ່ວນຕົວ ໃນຕອນຄໍ່າວັນທີ 1 ພະຈິກ ຜ່ານມາ. ແຕ່ກໍໄດ້ເນັ້ນ ວ່າລາວບໍ່ມີອາການຫຍັງເກີດຂຶ້ນເລີຍ. Tedros ກ່າວໃນ Twitter​ ຂອງລາວວ່າ “ຂ້ອຍໄດ້ຖືກກຳນົດວ່າເປັນກໍລະນີສົງໃສວ່າຕິດເຊື້ອ Covid-19 ຕໍ່ຈາກຜູ້ທີ່ໄດ້ຜົນທົດສອບອອກມາເປັນບວກ”. ທ່ານກ່າວຕື່ມວ່າ “ຂ້າພະເຈົ້າສະບາຍດີ ແລະ ບໍ່ມີອາການຫຍັງ ແຕ່ຈະສືບຕໍ່ກັກກັນຕົວເອງໃຫ້ຄົບຕາມກຳນົດວັນໃນຕໍ່ໜ້າ, ໃຫ້ສອດຄ່ອງກັບລະບຽບການ@WHO ແລະ ຈະເຮັດວຽກຈາກເຮືອນ,” ອີງຕາມຕົວເລກຈາກມະຫາວິທະຍາໄລ Johns Hopkins ກ່າວວ່າ: Tedros ໄດ້ຈັດຢູ່ໃນອັນດັບຕົ້ນໆໃນຄວາມພະຍາຍາມຕໍ່ສູ້ກັບໂລກລະບາດ Covid-19 ຂອງອົງການສາທາລະນະສຸກ ຂອງສະຫະປະຊາຊາດ , ຊຶ່ງໄດ້ເອົາຊີວິດຜູ້ຄົນ 1,2 ລ້ານຄົນ ແລະ ຕິດເຊື້ອຫຼາຍກວ່າ 46,6 ລ້ານຄົນ ໃນທົ່ວໂລກນັບຕັ້ງແຕ່ເກີດຂຶ້ນໃນປະເທດຈີນໃນທ້າຍປີທີ່ຜ່ານມາ. ທ່ານ Tedros ກ່າວເນັ້ນໃນ Twitter ວ່າ: ...

Read More »

ການຟື້ນຟູວິສາຫະກິດແມ່ນຫຍັງ? (ຕອນ 2)

ກົດໝາຍວ່າດ້ວຍການຟື້ນຟູ ແລະ ລົ້ມລະລາຍຂອງວິສາຫະກິດມີຜົນສັກສິດແຕ່ເດືອນມິຖຸນາ 2020. ໃນເດືອນກ່ອນ, ຂ້າພະເຈົ້າ ໄດ້ສະເໜີກ່ຽວກັບການຟື້ນຟູວິສາຫະກິດເບື້ອງຕົ້ນໄປແລ້ວ, ມື້ນີ້ ຂ້າພະເຈົ້າຂໍສືບຕໍ່ແລກປ່ຽນບາງພື້ນຖານທີ່ສຳຄັນຂອງກ່ຽວກັບການຟື້ນຟູວິສາຫະກິດ ຕາມກົດໝາຍດັ່ງກ່າວ ຄື: 3.       ຜູ້ມີສິດຮ້ອງຂໍຟື້ນຟູ ຫຼື ລົ້ມລະລາຍວິສາຫະກິດ ມີໃຜແດ່? ວິສາຫະກິດເອງ: ວິສາຫະກິດ ທີ່ຢູ່ໃນສະພາວະລົ້ມລະລາຍ ຫຼື ໃກ້ຈະຢູ່ໃນສະພາວະລົ້ມລະລາຍ;ຂາຮຸ້ນ ຫຼື ຜູ້ຖືຮຸ້ນ: ຂອງວິສາຫະກິດທີ່ຢູ່ໃນສະພາວະລົ້ມລະລາຍ ຫຼື ໃກ້ຈະຢູ່ໃນສະພາວະລົ້ມລະລາຍທີ່ຕາງໜ້າໃຫ້ຢ່າງໜ້ອຍ 20% ຂອງຮຸ້ນທີ່ມີສິດລົງຄະແນນສຽງທັງໝົດ ໃນກໍລະນີທີ່ວິສາຫະກິດນັ້ນບໍ່ຮ້ອງຂໍຟື້ນຟູ ຫຼື ລົ້ມລະລາຍ;ສະມາຊິກສະຫະກອນ: ຕາງໜ້າໃຫ້ຢ່າງໜ້ອຍໜຶ່ງສ່ວນຫ້າຂອງສະມາຊິກທັງໝົດໃນກໍລະນີທີ່ສະຫະກອນມີຄວາມຫຍຸ້ງຍາກທາງດ້ານການເງິນ ແລະ ບໍ່ສາມາດຊຳລະໜີ້ສິນ.           1. ວິສາຫະກິດແນວໃດ ທີ່ຢູ່ໃນສະພາວະລົ້ມລະລາຍ ຫຼື ໃກ້ຈະຢູ່ໃນສະພາວະລົ້ມລະລາຍ? ວິສາຫະກິດທີ່ໃກ້ຈະຢູ່ໃນສະພາວະລົ້ມລະລາຍ ໝາຍເຖິງວິສາຫະກິດທີ່ປະສົບຄວາມຫຍຸ້ງຍາກທາງດ້ານການເງິນ ຫຼື ຂາດສະພາບຄ່ອງທາງການເງິນຊຶ່ງຢູ່ໃນສະພາບທີ່ບໍ່ສາມາດຊຳລະໜີ້ສິນຂອງຕົນເມື່ອເຖິງກຳນົດເວລາ. ຕົວຢ່າງ: ໂຮງແຮມ A ປະສົບບັນຫາຈາກສະພາບການລະບາດຂອງພະຍາດປອດອັກເສບໂຄວິດ-19 ບໍ່ມີລູກຄ້າຫຼາຍເດືອນ ເຮັດໃຫ້ວິສາຫະກິດປະສົບບັນຫາຂາດທຶນຮອນຢ່າງໜັກໜ່ວງໃນການດຳເນີນທຸລະກິດ ເຊັ່ນ ຕ້ອງໄດ້ຊຳລະໜີ້ສິນການກູ້ຢືມຈາກທະນາຄານແຕ່ວິສາຫະກິດບໍ່ມີຄວາມສາມາດຊໍາລະໄດ້ແລ້ວ ຫຼື ຕ້ອງຊຳລະຄ່າວັດຖຸເຄື່ອງຂອງທີ່ສັ່ງເຂົ້າມາປະກອບໃນໂຮງແຮມ, ຄ່າແຮງງານພະນັກງານ ແລະ ໜີ້ສິນອື່ນໆ ທີ່ໂຮງແຮມ A ...

Read More »

ປະຊາຊົນລາວ ແລະ ກຳປູເຈຍ ຮູ້ສຶກຕົກໃຈເມື່ອຊາບວ່າ ຄົນຜູ້ເຄີຍເປັນທີ່ໜ້ານັບຖືໃນການປົກປ້ອງອາຊຽນໄດ້ຕັດສິນໃຈບໍ່ປ້ອງກັນອົງການນີ້ອີກແລ້ວ…

ພົນລະເມືອງຂອງອາຊຽນ, ໂດຍສະເພາະແມ່ນປະຊາຊົນຂອງປະເທດສະມາຊິກໃໝ່ ຄື ສປປລາວ ແລະ ລາຊະອານາຈັກກຳປູເຈຍ ຮູ້ສຶກຕົກໃຈເມື່ອຊາບວ່າ ຄົນຜູ້ເຄີຍເປັນທີ່ໜ້ານັບຖືໃນການປົກປ້ອງສະມາຄົມບັນດາປະຊາຊາດ ອາຊີອາຄະເນ (ອາຊຽນ) ໄດ້ຕັດ ສິນໃຈບໍ່ປ້ອງກັນອົງການນີ້ອີກແລ້ວ ດ້ວຍການສົ່ງທັດສະນະອັນຜິດພາດຂອງຕົນອອກສູ່ໂລກ ໃນການສະເໜີໃຫ້ເອົາ ລາວ ແລະ ກຳປູເຈຍ ອອກຈາກ ອາຊຽນ. ສະພາບແນວນີ້ ຈຶ່ງເກີດມີການຍົກເອົາຫລາຍບັນຫາຂຶ້ນມາຖາມກັນວ່າ ແມ່ນຫຍັງທີ່ພາໃຫ້ ອະດີດນັກການ ທູດ ທູດບິນລາຮາຣີ ກໍສິກັນ ທ່ານນີ້ ຫັນປ່ຽນແນວຄວາມຄິດຂອງຕົນ; ເປັນຫຍັງຜູ້ກ່ຽວ ຈຶ່ງຕັດສິນໃຈເດີນສວນທາງກັນ ກັບ ວິໄສທັດຂອງບິດາຜູ້ກໍ່ຕັ້ງອາຊຽນ ແລະ ປະຊາຊົນຂອງອາຊຽນ; ເປັນຫຍັງຜູ້ກ່ຽວຈຶ່ງຕັດສິນໃຈບໍ່ສືບຕໍ່ຊຸກຍູ້ສົ່ງເສີມ ກົດບັດອາຊຽນ ທີ່ຕົນ ເອງກໍໄດ້ເປັນຜູ້ປະກອບສ່ວນສ້າງດ້ານເນື້ອໃນ; ເປັນຫຍັງຜູ້ກ່ຽວຈຶ່ງທຳລາຍມ້າງຫຼັກການທີ່ວາງໄວ້ຢູ່ໃນ ສົນທິສັນຍາວ່າດ້ວຍ ມິດຕະພາບ ແລະ ການຮ່ວມມື ໃນພາກພື້ນອາຊີ ອາຄະເນ ແລະ ເປັນຫຍັງຜູ້ກ່ຽວຈຶ່ງບໍ່ເລືອກຂຽນບົດກ່ຽວກັບວາລະອັນຮີບດ່ວນ ເພື່ອການຊ່ວຍຊຸກຍູ້ພາກພື້ນນີ້ ໂດຍສະເພາະໃນເວລາທີ່ຜູ້ນຳ, ລັດຖະບານ ແລະ ປະຊາຊົນອາຊຽນພວມມີຄວາມພະຍາຍາມຮ່ວມກັນຜ່ານຜ່າຜົນກະທົບຂອງການແພ່ລະບາດຢ່າງຮ້າຍແຮງຂອງ ຄວິດ-19, ແລ້ວພາກັນກ້າວໄປສູ່ການສ້າງປະຊາຄົມອາຊຽນໃຫ້ເຂັ້ມແຂງ. ໃນເວລານີ້, ພວກເຮົາ ບັນດານັກການທູດບຳນານຂອງ ສປປລາວ ໄດ້ຂຽນຈົດໝາຍເປີດຊອງ ສະບັບນີ້ຂຶ້ນ ...

Read More »

ທະນາຄານມາຣູຮານເຈແປນລາວ (MJBL) ຜູ້ນໍາດ້ານການທະນາຄານດິຈິຕ໋ອນໃນ ລາວ

ກ່ຽວກັບ MJBL MJBL ແມ່ນທະນາຄານຍີ່ປຸ່ນ 100 ສ່ວນຮ້ອຍ, ເຊິ່ງໄດ້ຮັບໃບອະນຸຍາດໃຫ້ດຳເນີນການໃນ ສປປ ລາວ ຢ່າງຖືກຕ້ອງຄົບຖ້ວນ. ບັນດາຜູ້ຖືຮຸ້ນ ແລະ ເຈົ້າຂອງທະນາຄານແມ່ນມາຈາກ ກຸ່ມບໍລິສັດມາຣູຮານ – ໜຶ່ງໃນກຸ່ມທຸລະກິດທີ່ໃຫຍ່ທີ່ສຸດໃນ ຍີ່ປຸ່ນ. ພວກເຮົາດຳເນີນທຸລະກິດໃນ ພາກພື້ນອາຊີຕາເວັນອອກສ່ຽງໃຕ້ ພາຍໃຕ້ ບໍລິສັດມາຣູຮານລົງທຶນອາຊີ (MIA) – ທີ່ມີສຳນັກງານຕັ້ງຢູ່ ສິງກະໂປ ພ້ອມທັງຍັງດຳເນີນທຸລະກິດດ້ານການເງິນໃນ ພາກພື້ນອິນດູຈີນ, ເຊັ່ນວ່າ ທະນາຄານມາຣູຮານເຈແປນລາວ ໃນ ສປປ ລາວ, ທະນາຄານ Sathapana ແລະ ບໍລິສັດ Sathapana ຈຳກັດ ຢູ່ ກຳປູເຈຍ. ໃນປັດຈຸບັນ, ຂ້າພະເຈົ້າແມ່ນຜູ້ບໍລິຫານສູງສຸດຂອງ ທະນາຄານມາຣູຮານເຈແປນລາວ ພ້ອມທັງຍັງເປັນໜຶ່ງໃນຄະນະບໍລິຫານງານຂອງ ທະນາຄານ Sathapana ຢູ່ ກຳປູເຈຍ ນຳອີກ. ກຸ່ມທຸລະກິດຂອງພວກເຮົາພວມຂະຫຍາຍໂຕຢ່າງຕໍ່ເນື່ອງ ແລະ ພວກເຮົາກໍເຊື່ອໝັ້ນສະພາບເສດຖະກິດຂອງ ພາກພື້ນອິນດູຈີນ ສ່ອງແສງໃຫ້ເຫັນຜ່ານການຂະຫຍາຍໂຕຂອງທຸລະກິດທັງໝົດຂອງພວກເຮົາ, ໂດຍສະເພາະຢູ່ ກຳປູເຈຍ ທີ່ມີ 172 ສາຂາແລ້ວໃນປັດຈຸບັນ, ເຊິ່ງເຮັດໃຫ້ພວກເຮົາກາຍເປັນທຸລະກິດທີ່ມີສາຂາຫຼາຍທີ່ສຸດອັນດັບສອງຢູ່ ...

Read More »