General

ທາງການຂອງນະຄອນຫຼວງປັກກິ່ງຜ່ອນຄາຍມາດຕະການປ້ອງກັນການແຜ່ລະບາດຂອງ ໂຄວິດ-19 ໂດຍອະນຸຍາດໃຫ້ປະຊາຊົນບໍ່ຕ້ອງໃສ່ໜ້າກາກອະນາໄມໃນເວລາອອກຈາກເຮືອນ ຫຼັງຈາກທີ່ປັກກິ່ງບໍ່ພົບຜູ້ຕິດເຊື້ອໂຄວິດ-19 ຕິດຕໍ່ກັນເປັນເວລາ 13 ມື້, ແຕ່ເຖິງຢ່າງໃດກໍຕາມ ປະຊາຊົນປັກກິ່ງສ່ວນໃຫຍ່ ຢືນຢັນວ່າຈະໃສ່ໜ້າກາກອະນາໄມຕໍໄປເພື່ອຄວາມປອດໄພ ແລະ ເຫດຜົນດ້ານແຮງກົດດັນຈາກສັງຄົມ ຖືໄດ້ວ່າເປັນຄັ້ງທີ 2 ທີ່ທາງການຂອງນະຄອນຫຼວງປັກກິ່ງຜ່ອນຄາຍຂໍ້ບັງຄັບໃຫ້ໃສ່ໜ້າກາກອະນາໄມ ຫຼັງຈາກມີຄຳສັ່ງ Lock Down ເພື່ອສະກະກັດກັ້ນການແຜ່ລະບາດຂອງ ໂຄວິດ-19 ເຖິງ 2 ຄັ້ງ ແລະ ປັດຈຸບັນ ແມ່ນເລີ່ມເຂົ້າສູ ພາວະປົກກະຕິແລ້ວ. ແຫຼ່ງຂໍ້ມູນ: https://www.posttoday.com/world/631195

ວັນ​ທີ 25 ສິງຫາ​ນີ້, ​ເຈົ້າໜ້າ​ທີ່​ກູ້​ໄພ​ອິນ​ເດຍ ​ເລັ່ງຄົ້ນຫາ​ຜູ້​ລອດ​ຊີວິດ ​ແລະ ຊ່ວຍ​ເຫລືອ​ ຜູ້​ທີ່​ຕິດ​ຢູ່​ ໃຕ້​ອາຄານ 200 ກວ່າ​ຄົນ ຫຼັງຈາກ ​ອາຄານ​ຖະຫລົ່ມ​ລົງ​ມາ​ ໃນ​ລັດມາ​ຮາຣ ສຕຣະ (Maharashtra) ທາງ​ຕາ​ເວັນ​ຕົກ​ ຂອງ​ປະ​ເທດທ່າມກາງ​ຝົນຕົກ​ໜັກ. ​ເບື້ອງ​ຕົ້ນ ພົບ​ມີ​ຜູ້​ເສຍ​ຊີວິດ 1 ຄົນ, ບາດ​ເຈັບ 17 ຄົນ ​ເຊິ່ງ​ເປັນ​ອາຄານຫ້ອງ​ເຊົ່າ ສູງ 5 ຊັ້ນ, ມີ​ຫ້ອງ​ພັກ 47 ຫ້ອງ ໂດຍມີ​ອາຍຸກາສ້າງຫຼາຍກວ່າ 10 ​ປີ ຕັ້ງຢູ່​ເມືອງ​ອຸດ​ສະຫະ​ກຳມາ​ຮັດ ຫ່າງ​ຈາກ ​ພາກ​ໃຕ້​ຂອງ​ມຸມ​ໄບ ​ໃນລັດມາ​ຮາຣາສຕຣະ ປະມານ 200 ກິ​ໂລ​ແມັດ. ​ເຫດ​ອາຄານ​ຖະຫລົ່ມ​ເກິ​ດຂຶ້ນເປັນ​ປະຈຳ​ໃນ​ອິນ​ເດຍ ​ໂດຍ​ສະ​ເພາະ ​ໃນ​ໄລຍະລະດູຝົນ ​ໂດຍ​ຕົວ​ເລກຜູ້​ເສຍ​ຊີວິດ ຈາກ​ຝົນຕົກ​ໜັກໄລຍະ​ລະດູ​ມໍ​ລະ​ສຸມ ​ໃນ​ອາຊີ​ໃຕ້ ​ປີ​ນີ້ ສູງ​ເຖິງ 1.200 ຄົນ, ​ໃນ​ນີ້ ຢູ່​ອິນ​ເດຍ ​ເສຍ​ຊີວິດ 800 ກວ່າ​ຄົນ, ​ໃນ​ລັດ​ເກຣລະ ທາງ​ຕາ​ເວັນ​ຕົກ​ສ່ຽງ​ໃຕ້ ​ຂອງ​ປະ​ເທດ ...

ກອງປະຊຸມ ລັດຖະມົນຕີ ເສດຖະກິດ ບັນດາປະເທດ ກຳປູເຈຍ – ລາວ – ມຽນມາ – ຫວຽດນາມ ຄັ້ງທີ 12 (CLMV EMM 12) ໄດ້ຈັດຂຶ້ນ ທາງອອນລາຍ ​ເມື່ອ​ບໍ່​ດົນ​ມາ​ນີ້ ​ເຊິ່ງ​ເປັນເຫດການ ສຳຄັນ ນອນໃນຂອບເຂດ ລາຍການ ຂອງກອງປະຊຸມ ລັດຖະມົນຕີ ເສດຖະກິດ ອາຊຽນ ຄັ້ງທີ 52 (AEM 52). ສຳລັບ​ກອງ​ປະຊຸມ​ຄັ້ງນີ້ ໄດ້ສຸມໃສ່ ແລກປ່ຽນ ບາງບັນຫາຕົ້ນຕໍຄື: ການກວດກາຄືນໃໝ່, ຕີລາຄາ ສະພາບການ ຜັນຂະຫຍາຍ ແຜນການກະທຳ ຮ່ວມມື ເສດຖະກິດ CLMV ໄລຍະ 2019 – 2020, ຮັບຮອງເອົາ ແຜນການກະທຳ ຮ່ວມມືເສດ ຖະກິດ CLMV ໄລຍະ 2021 – 2022, ແຜນການຮັບມື ແລະ ຟື້ນຟູ ພາຍຫລັງ ໂລກລະບາດ Covid – 19 ຈາກ​ນັ້ນ ທ່ານ ເຈິ່ນ ຕວັນແອງ ລັດຖະມົນຕີ ກະຊວງ ອຸດສາຫະກຳ – ການຄ້າ ຫວຽດນາມ ໄດ້ສະເໜີ ໃຫ້ບັນດາປະເທດ CLMV ເພີ່ມທະວີ ການສົມທົບກັນ ...

ນັກການທູດເກົາຫຼີໃຕ້ຄົນໜຶ່ງ ກຳລັງຄາດເດົາວ່າ ຜູ້ນຳເກົາຫຼີເໜືອ ທ່ານ Kim Jong Un ກຳລັງບໍ່ສະບາຍ ແລະ ນ້ອງສາວຂອງທ່ານຄື Kim Yo Jong ກຳລັງກຽມຕົວທີ່ຈະເຂົ້າຮັບຕຳແໜ່ງແທນ. ທ່ານ Chang Song-min ຜູ້ຊ່ວຍອະດີດປະທານາທິບໍດີຄົນສຸດທ້າຍຂອງເກົາຫຼີໃຕ້ ກ່າວວ່າ ທ່ານ Kim ກຳລັງຢູ່ໃນສະພາບບໍ່ສະບາຍ ແລະ ໂຄງປະກອບການສືບທອດຕຳແໜ່ງທີ່ສົມບູນຍັງບໍ່ໄດ້ຖືກສ້າງຕັ້ງຂຶ້ນ, ການກ່າວຫາຂອງລາວ ແມ່ນເກີດຂຶ້ນພຽງແຕ່ສອງມື້ ຫຼັງຈາກອົງການສືບລັບຂອງເກົາຫຼີໃຕ້ກ່າວວ່າຜູ້ນຳ ອາຍຸ 36 ປີ ຂອງເກົາຫຼີເໜືອ ໄດ້ມອບສິດອຳນາດສ່ວນໜຶ່ງ ໃຫ້ແກ່ຜູ້ຊ່ວຍທີ່ໃກ້ຊິດຂອງລາວ, ລວມທັງນ້ອງສາວຂອງລາວ. ໃນກອງປະຊຸມສ່ວນຕົວ ກັບບັນດານັກກົດໝາຍ ໃນອາທິດຜ່ານມາ, ອົງການສືບລັບແຫ່ງຊາດຂອງເກົາຫຼີໃຕ້ກ່າວວ່າ Kim Yo-jong ຮອງຫົວໜ້າພະແນກ ຄົນທຳອິດຂອງ ຄະນະກຳມະການສູນກາງພັກກຳມະກອນ ແມ່ນກຳລັງຊີ້ນຳວຽກງານລວມຂອງລັດ ໃນຄະນະຜູ້ແທນ, ໂດຍໃຫ້ຮູ້ວ່າທ່ານ Kim Jong Un ຜູ້ເປັນອ້າຍຂອງລາວຍັງຮັກສາສິດອຳນາດທຸກຢ່າງ. ເຖິງຢ່າງໃດກໍ່ຕາມ, ຄວາມສົງໄສຍັງມີມາເລື້ອຍໆ ເພາະນີ້ບໍ່ແມ່ນຄັ້ງທຳອິດ ທີ່ທ່ານ Kim ບໍ່ໄດ້ພົບປະກັບຜູ້ຄົນໃນສາທາລະນະເປັນເວລາດົນນານ ແລະ ບໍ່ໄດ້ຊີ້ແຈງກ່ຽວກັບສຸຂະພາບຂອງລາວ. ໃນເດືອນເມສາຜ່ານມາ, ມີລາຍງານວ່າ ...

ການຊື້ພາສປອດບໍ່ແມ່ນເລື່ອງແປກໃໝ່ ເນື່ອງຈາກລັດຖະບານຫຼາຍປະເທດມີການມອບສັນຊາດ ຫຼືວີຊ່າ ໃຫ້ຕ່າງປະເທດທີ່ເຂົ້າໄປລົງທຶນໃນປະເທດ ໂດຍຈຸດປະສົງຂອງຜູ້ລົງທຶນເພື່ອຮັບສັນຊາດໃໝ່ ທີ່ມີການຮັບຊັບສິນຕັ້ງແຕ່ 2-50 ລ້ານໂດລາສະຫະລັດ ຫຼືອາດຈະຫຼາຍກວ່ານັ້ນ ເພື່ອເສລີພາບ ໃນການຍ້າຍຖິ່ນຖານ ສິດທິປະໂຫຍດທາງພາສີ ຫຼືການເຂົ້າເຖິງການສຶກສາທີ່ດີ. ໂດຍ ໄລຍະທີ່ເກີດການແຜ່ລະບາດຂອງໂຄວິດ-19 ໃນຂະນະທີ່ຄົນສ່ວນຫຼາຍ ບໍ່ສາມາດເດີນທາງທ່ອງທ່ຽວຂ້າມປະເທດໄດ້ ແຕ່ສຳລັບບັນດາຄອບຄົວເສດຖີ ແມ່ນມີການຊື້ພາສປອດ ຫຼືຊື້ສັນຊາດເພີ່ມຂຶ້ນ, ເຊິ່ງເຫດຜົນກໍຄືການຮັບບໍລິການດ້ານສຸຂະພາບ ແລະ ການຊອກຫາປະເທດອື່ນຮອງຮັບ ເພື່ອເຫດການໃນອະນາຄົດ ແລະ ເພື່ອເປັນສະຖານທີ່ລົບໄພໃຫ້ຄອບຄົວ ຫາກເກີດການລະບາດຮອບສອງ. ພາບປະກອບເທົ່ານັ້ນ ໂດມິນິກ ໂວເລັກ ຫົວໜ້າພະແນກອາຊີ ຂອງບໍລິສັດທີ່ໃຫ້ຄຳປຶກສາດ້ານການຖືສັນຊາດ ໄດ້ກ່າວວ່າ:​ ບັນດາເສດຖີ ບໍ່ຄ່ອຍວາງແຜນລ່ວງໜ້າ 5-10 ປີ ແຕ່ວາງແຜນດ້ານການເງິນ ແລະ ຄວາມເປັນຢູ່ລ່ວງໜ້າເຖິງ 100 ປີ ໂດຍສະເພາະໄລຍະການລະບາດຂອງໂຄວິດ-19 ທີ່ອາດຈະເປັນການລະບາດໃຫຍ່ໃນຄັ້ງດຽວຂອງຊີວິດພວກເຂົາ ເຊິ່ງໃນໄລຍະທີ່ຜ່ານມາ ບໍລິສັດຂອງພວກເຂົາມີຈຳນວນລູກຄ້າທີ່ລົງທຶນແລ່ນເອກະສານເລື່ອງຂໍຊື້ສັນຊາດ ແລະ ວີຊ່າ ເພີ່ມຂຶ້ນເຖິງ 42% ໂດຍ ມອນເຕເນໂກຣຄືຜູ້ທີ່ມີຜູ້ລົງທຶນ ຊື້ສັນຊາດຫຼາຍທີ່ສຸດ, ຕໍ່ມາແມ່ນໄຊປຣັສ ແລະ ມອລຕາ ເນື່ອງຈາກຜູ້ຖືສັນຊາດນີ້ ຈະໄດ້ເສລີພາບ ໃນກາຍ້າຍຖິ່ນຖານໄປປະເທດອື່ນ ໃນສະຫະພາບເອີຣົບ ...

ຂໍສະແດງຄວາມຊົມເຊີຍກັບກອງທັບປະຊາຊົນລາວໄດ້ອັນດັບ 3 ໃນການແຂ່ງຂັນຮອບທຳອິດ ທີ່ລັດເຊຍ ທີມທີ່ເຂົ້າຮ່ວມການແຂ່ງຂັນມີດັ່ງນີ້: ກຸ່ມທີ່1 ປະກອບມີ: ປະເທດຣັດເຊຍ, ເບລາຣຸດສ, ກາຊັກສະຖານ, ກີຣກີສະຖານ, ສປ.ຈີນ, ເຊີເບຍ, ອຸດສະເບກີສະຖານ, ອາເຊີໄບຈານ. ກຸ່ມທີ່2 ປະກອບມີ: ສສ ຫວຽດນາມ, ສປປ ລາວ, ມຽນມາ, ທາຈີກີສະຖານ, ອັບຄາເຊຍ, ອາຊີເຕຍໃຕ້, ກົງໂກ, ກາຕ່າ ຕາຕະລາງແຂ່ງຂັນແມ່ນວັນທີ 24, 28, 30 ສິງຫາ 2020. ສຳລັບກອງທັບປະຊາຊົນລາວ ໄດ້ສົ່ງນັກກິລາເຂົ້າຮ່ວມ ລາຍການຄື: ແຂ່ງຂັນລົດຖັງ ແລະ ເຕັກນິກທາງດ້ານອາວຸດ-ຍຸດໂທປະກອນ. ຖືໄດ້ວ່າທີມກອງທັບທັບປະຊາຊົນລາວຜ່ານການແຂ່ງຂັນຮອບທຳອິດຂອງທີມຊາດ ແຫຼ່ງຂໍ້ມູນ:​ FM 90

ລັດຖະບານລາວ, ຈະອອກນິຕິກໍາຕື່ມອີກຈໍານວນໜຶ່ງ ເພື່ອອໍານວຍຄວາມສະດວກໃຫ້ແກ່ຄົນເຊື້ອຊາດລາວຢູ່ຕ່າງປະເທດ ໄດ້ມີໂອກາດກັບຄືນມາສ້າງສາພັດທະນາປະເທດຊາດ ອັນແສນຮັກຂອງຕົນຫລາຍຂຶ້ນ. ພາຍໃຕ້ແນວທາງນະໂຍບາຍອັນຖືກຕ້ອງຂອງພັກ ແລະ ລັດຖະບານ, ໄດ້ເຮັດໃຫ້ຄົນເຊື້ອຊາດລາວຢູ່ຕ່າງປະເທດເປັນຈໍານວນບໍ່ໜ້ອຍ, ລ້ວນແຕ່ຢາກກັບມາລົງທຶນ, ຢ້ຽມຢາມ, ທ່ອງທ່ຽວ ແລະ ກັບມາດໍາລົງຊີວິດແບບຖາວອນຢູ່ ສປປ ລາວ ນັບມື້ເພີ່ມຂຶ້ນ. ທ່ານ ຫຽມ ພົມມະຈັນ ກໍາມະການສູນກາງແນວລາວສ້າງຊາດ, ຫົວໜ້າຄະນະທີ່ປຶກສາວຽກງານຄົນເຊື້ອຊາດລາວຢູ່ຕ່າງປະເທດ ທີ່ໄດ້ລາຍງານຕໍ່ກອງປະຊຸມສາມັນຄົບຄະນະ ກໍາມະການສູນກາງແນວລາວສ້າງຊາດຄັ້ງທີ 5 ສະໄໝທີ X ທີ່ສໍາເລັດລົງເມື່ອບໍ່ດົນມານີ້ ມີຄໍາເຫັນບາງຕອນສຳຄັນວ່າ: ພັກປະຊາຊົນປະຕິວັດລາວ ຍາມໃດກໍໃຫ້ຄວາມສໍາຄັນ ແລະ ຖືວ່າພີ່ນ້ອງຊາວລາວ ທີ່ອາໃສຢູ່ຕ່າງປະເທດ ແມ່ນພາກສ່ວນໜຶ່ງທີ່ສໍາຄັນ, ຊຶ່ງບໍ່ຕັດແຍກອອກຈາກວົງຄະນະຍາດແຫ່ງຊາດລາວໄດ້, ເປັນແຫລ່ງກໍາລັງແຮງອັນໜຶ່ງ ໃນການສ້າງສາພັດທະນາປະເທດຊາດ, ເປັນປັດໄຈສໍາຄັນ ໃນການເປີດກວ້າງສາຍພົວພັນມິດຕະພາບ ແລະ ການຮ່ວມມືລະຫວ່າງ ສປປ ລາວ ກັບບັນດາປະເທດທີ່ເຂົາເຈົ້າອາໃສຢູ່ ແລະ ອົງການຈັດຕັ້ງສາກົນ. ພາບປະກອບເທົ່ານັ້ນ ທ່ານ ຫຽມ ພົມມະຈັນ ກ່າວຕື່ມວ່າ: ຜ່ານການຢ້ຽມຢາມ ແລະ ພົບປະກັບພີ່ນ້ອງເຊື້ອຊາດລາວ ຢູ່ຫລາຍປະເທດ, ຄະນະທີ່ປຶກສາໄດ້ຮັບຮູ້ຄວາມມຸ້ງມາດປາຖະໜາ ຂອງພີ່ນ້ອງເຊື້ອຊາດລາວລຸ້ນຕ່າງໆ ແລະ ໄດ້ສະເໜີຕໍ່ລັດຖະບານ ...

ການລັກລອບຄ້າຂາຍສັດປ່າແບບຊະຊາຍ ແມ່ນໜຶ່ງໃນທຸລະກິດທີ່ຜິດກົດໝາຍໃນທົ່ວໂລກ , ໂດຍສະເພາະໃນລະຫວ່າງປີ 2011 ແລະ 2012 ຢູ່ ສປປ ລາວ ໄດ້ດຳເນີນການກວດກາການຊື້-ຂາຍ ສັດປ່າທີ່ຜິດກົດໝາຍ, ເຊິ່ງສາມາດຍຶດສັດປ່າທີ່ຫວງຫ້າມຈຳນວນ 1,218 ໂຕ ລວມມີ 39 ຊະນິດ, ຊິ້ນສ່ວນສັດປ່າຫຼາຍກວ່າ 1 ໂຕນ ແລະ ຜະລິດຕະພັນເຄື່ອງປ່າຂອງດົງ ຈຳນວນ 287 ໂຕນ.​ ອີງຕາມແຫຼ່ງຂໍ້ມູນຈາກກົມສົ່ງເສີມຄຸນນະພາບສິ່ງແວດລ້ອມ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ: ການພັດທະນາພື້ນຖານໂຄງລ່າງ ແລະ ການຂຸດຄົ້ນນຳໃຊ້ຊັບພະຍາກອນທຳມະຊາດ ຍັງຕິດພັນກັບການຄ້າຂາຍສັດປ່າແບບຊະຊາຍ ໂດຍບໍ່ໄດ້ເອົາໃຈໃສ່ຄຸ້ມຄອງໃດໆ ໃນຜ່ານມາ.​ ໃນນັ້ນ,​ຂະບວນການສຳປະທາານຂຸດຄົ້ນໄມ້ ຍັງມີກຳມະກອນຕັດໄມ້ຫຼາຍຄົນ ຍັງມີລາຍຮັບເສີມຈາກການລ່າສັດ ແລະ ການຄ້າຂາຍສິ້ນສ່ວນສັດປ່ານຳອີກ. ສິ່ງເຫຼົ່ານີ້ເກີດຂຶ້ນຍ້ອນວ່າ, ຍັງມີເຄືອຂ່າຍລັກລອບຊື້-ຂາຍສັດປ່າ ທີ່ຜິດກົດໝາຍຈົນກາຍເປັນຄວາມຊຳນານທີ່ຖືເປັນອາຊີບຫຼັກ ແລະ ຮູ້ວິທີໃນການເຂົ້າເຖິງຖິ່ນຢູ່ອາໄສຂອງສັດປ່າທີ່ຢູ່ຫ່າງໄກ, ເຊິ່ງເປັນສາເຫດຫຼັກໆກໍ່ໃຫ້ເກີດການສູນພັນຂອງສັດປ່າຫຼາຍຊະນິດ. ແຫຼ່ງຂໍ້ມູນ:​ ວຽງຈັນທາຍ

ໃນຕອນເຊົ້າວັນທີ 24 ສິງຫາ 2020 ທີ່ນະຄອນຫລວງວຽງຈັນ, ສປປ ລາວ ໄດ້ເປັນເຈົ້າພາບຈັດກອງປະຊຸມຜູ້ນໍາ ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 3 ໃນຮູບແບບກອງປະຊຸມທາງໄກ ເພື່ອທົບທວນຄືນໝາກຜົນຂອງການຮ່ວມມືໃນໄລຍະ 5 ປີ ຜ່ານມານັບແຕ່ໄດ້ຮັບການສ້າງຂຶ້ນໃນປີ 2015 ຊຶ່ງເຫັນວ່າຜ່ານການຈັດຕັ້ງບັນດາແຜນງານ ແລະ ໂຄງການຕ່າງໆພາຍໃຕ້ຖະແຫລງການຊັນຢາ, ຖະແຫລງການພະນົມເປັນ ທີ່ໄດ້ຮັບຮອງເອົາຢູ່ໃນກອງປະຊຸມຜູ້ນໍາ ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 1 ແລະ ຄັ້ງທີ 2 ໄດ້ມີຄວາມຄືບຫນ້າຢ່າງເປັນຮູບປະທຳຫລາຍດ້ານ ເຮັດໃຫ້ຂອບການຮ່ວມມືດັ່ງກ່າວ ໄດ້ເຕີບໃຫຍ່ຂະຫຍາຍສູ່ລວງກ້ວາງ ແລະ ລວງເລິກຢ່າງໄວວາ. ກອງປະຊຸມຄັ້ງນີ້, ຈັດຂຶ້ນພາຍໃຕ້ຄໍາຂວັນ: “ເພີ່ມທະວີການຮ່ວມມື ເພື່ອຄວາມສົມບູນພູນສຸກຮ່ວມກັນ (Enhancing Partnership for Shared Prosperity) ໂດຍການເປັນປະທານຮ່ວມຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ຫລີ ເຄີ້ສຽງ ນາຍົກ ລັດຖະມົນຕີ ແຫ່ງ ສປ ຈີນ ແລະ ...

ຕອນເຊົ້າວັນທີ 24 ສິງຫາ 2020 ນີ້ ຄະນະພັກ, ອົງການປົກຄອງແຂວງຈໍາປາສັກ ນໍາໂດຍ ທ່ານ ວິໄລວົງ ບຸດດາຄໍາ ກໍາມະການສູນກາງພັກ, ເລຂາພັກແຂວງ, ເຈົ້າແຂວງຈໍາປາສັກ ພ້ອມດ້ວຍຄະນະ ໄດ້ເຂົ້າຮ່ວມວາງພວງມາລາ ທີ່ອະນຸສາວະລີ ນັກຮົບນິລະນາມ ແລະ ວາງກະຕ່າດອກໄມ້ ຢູ່ອະນຸສອນສະຖານ ຮູບປັ້ນຂອງປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກ ເນື່ອງໃນໂອກາດ ວັນຢຶດອຳນາດ ຄົບຮອບ 45 ປີ (23 ສິງຫາ 1975-23 ສິງຫາ 2020). ເພື່ອລະນຶກເຖິງຄຸນງາມຄວາມດີ ແລະ ຮູ້ບຸນຄຸນ ຕໍ່ຜູ້ນຳ, ສະຫາຍສະມາຊິກພັກ, ພະນັກງານນັກຮົບ ທີ່ໄດ້ອຸທິດເລືອດເນື້ອ, ເຫື່ອແຮງ ສະຕິປັນຍາ ໃຫ້ແກ່ພາລະກິດປະຕິວັດ ແລະປະເທດຊາດ ອັນນຳຄວາມສົມບູນພູນສຸກ ມາໃຫ້ແກ່ປະເທດຊາດ ແລະ ປະຊາຊົນລາວ ບັນດາເຜົ່າ, ເປັນແບບຢ່າງໃນການດຳລົງຊີວິດ ປອດໃສ ແລະ ຂ່າວສະອາດ, ເປັນບົດຮຽນອັນປະເສີດໃຫ້ຄົນລຸ້ນຫລັງ ໄດ້ຮຽນຮູ້ ແລະ ປະຕິບັດຕາມ ແຫຼ່ງຂ່າວ: ...