ເປັນຫຍັງ ເງິນ ຈຶ່ງບໍ່ແມ່ນປັດໃຈຫຼັກໃນການເຮັດທຸຸລະກິດ ເຫດຜົນທີ່ເຮັດໃຫ້ຫຼາຍຄົນບໍ່ຕ້ອງການເລີ່ມຕົ້ນທຸລະກິດຈາກ “ເງິນ” ເພາະຄິດວ່າຍັງມີເງິນບໍ່ພຽງພໍທີ່ຈະເລີ່ມຕົ້ນທຸລະກິດໃຫ້ປະສົບຜົນສໍາເລັດຕາມທີ່ຄິດເອົາໄວ້ໄດ້ ຫຼືກັງວົນບັນຫາຄວາມສ່ຽງຕ່າງໆ ຫາກໃຜກໍາລັງຄິດກັງວົນ ແລະມີບັນຫາເລື່ອງເງິນໃນການເລີ່ມຕົ້ນທຸລະກິດ ລອງມາທໍາຄວາມເຂົ້າໃຈກັບບົດຄວາມນີ້ເບິ່ງ… ເຮົາປະຢັດເງິນໄດ້ ຖ້າຮູ້ບໍລິຫານຈັດການຊີວິດ ຫຼາຍສິ່ງຫຼາຍຢ່າງທີ່ເຮົາຕ້ອງໃຊ້ເງິນລົງທຶນ ໃນການເຮັດທຸລະກິດນັ້ນ ສາມາດເຮັດໄດ້ຟຣີ (ຖ້າມີເວລາຫຼາຍພໍ) ເຊັ່ນ: ເຮົາຕ້ອງຈ່າຍເງິນໃຫ້ກັບບໍລິສັດ ຫຼືທີ່ປຶກສາດ້ານການຕະຫຼາດ ເພື່ອສ້າງແບຣນປະຊາສໍາພັນ ແຕ່ຄວາມຈິງເຮົາສາມາດທີ່ຈະຄ່ອຍໆຮຽນຮູ້ດ້ວຍຕົນເອງ ເພາະທຸລະກິດຍັງບໍ່ໃຫຍ່ພໍທີ່ຈະລົງທຶນເລື່ອງເຫຼົ່ານີ້ ຫຼືການທີ່ຍັງບໍ່ພ້ອມທີ່ຈະຈ້າງພະນັກງານເພີ່ມ ກໍລອງບໍລິຫານຈັດການຊີວິດເພື່ອແບ່ງເວລາໃນການເຮັດວຽກຂອງຕົວເອງໃຫ້ຫຼາຍຂຶ້ນ, ຟັງເບິ່ງອາດຈະບໍ່ສະຫຼາດ ແຕ່ສິ່ງນີ້ກໍຈະເຮັດໃຫ້ເຮົາເຫັນຄຸນຄ່າຂອງເງິນ ເຮັດໃຫ້ສາມາດປະຢັດເງິນຈົນພ້ອມທີ່ຈະຈ້າງຄົນມາແບ່ງເບົາພາລະວຽກໄດ້ ຮຽນຮູ້ສິ່ງຕ່າງໆ ທີ່ມີຫຼາກຫຼາຍໃນໂລກ Online ໂດຍບໍ່ຕ້ອງເສຍເງິນ ເຮົາສາມາດສ້າງເວັບໄຊ້ໄດ້ຟຣີ, ແຕ່ຖ້າໃຜຢາກໄດ້ເວັບໄຊ້ທີ່ມີຄຸນນະພາບ ກໍຕ້ອງຊໍາລະເງິນເພີ່ມຕົວຢ່າງເຊັ່ນ: Wix ຫຼື WordPress ເຊິ່ງເປັນເວັບໄຊ້ສໍາລັບຮູບທີ່ມີດີຊາຍງົດງາມບໍ່ຕ່າງຈາກມືອາຊີບ ແລະເປັນທີ່ນິຍົມສໍາລັບຜູ້ປະກອບການທົ່ວໂລກ. ນອກຈາກນີ້, ເຮົາຍັງສາມາດເຊື່ອມຕໍ່ໂລກ Online ໄດ້ດ້ວຍ Social Media ເພື່ອຄົ້ນຫາກຸ່ມເປົ້າໝາຍ ແລະລູກຄ້າທີ່ໃຊ້ຊີວິດຢູ່ເທິງໂລກ Online ໄດ້. ລວມເຖິງການຄົ້ນຫາຂໍ້ມູນຕ່າງໆ, ຄວາມຮູ້ໃນການເຮັດທຸລະກິດ, ການເຮັດບັນຊີ, ຟຣີຊອບແວ ທັງໝົດນີ້ຢູ່ໃນໂລກ Online ທັງໝົດ. ຄໍານວນລາຍຮັບ-ລາຍຈ່າຍໃຫ້ດີ ທຸກຢ່າງຈະລາບລື່ນ ເຮົາມັກຄິດວ່າເມື່ອເລີ່ມຕົ້ນທຸລະກິດແລ້ວ ເງິນທີ່ໄດ້ຈາກການຄ້າຂາຍ ...

ຖ້າພົບສະຖານະການແບບນີ້ ຄວນແກ້ໄຂແນວໃດ? ຊ່ອງທາງໜຶ່ງທີ່ໃຊ້ໃນການສ້າງຄວາມຮັບຮູ້ໃຫ້ກັບແບຣນ ປະຕິເສດບໍ່ໄດ້ເລີຍວ່າ ສ່ວນໃຫຍ່ແມ່ນໃຊ້ Social Media ເນື່ອງຈາກຜົນລັບຂອງການຮັບຮູ້ ແລະການປະຕິກິລິຍາລະຫວ່າງແບຣນ ແລະຜູ້ໃຊ້ມີປະສິດທິພາບຫຼາຍທີ່ສຸດ ແຕ່ຫຼາຍຄັ້ງຄອນເທັ້ນກໍນໍາສະເໜີຜິດພາດ ສ້າງຄວາມສັບສົນ ແລະບໍ່ເຂົ້າໃຈໃຫ້ກັບຜູ້ຮັບຈົນກໍ່ໃຫ້ເກີດຂໍ້ໂຕ້ແຍ່ງ ແລະຖົກຖຽງກັນຫຼວງຫຼາຍຜ່ານ Social Media ຂອງແບຣນ ຈົນລຸກລາມກວ້າງຂວາງເປັນ Social Media Crisis ຂຶ້ນກັບແບຣນ ເຊິ່ງຫຼາຍແບຣນກໍບໍ່ໄດ້ມີການຕັ້ງຮັບກັບການເກີດບັນຫານີ້ ຈຶ່ງກ້າວພາດໃນການຈັດການກັບ Social Media Crisis ຢ່າງເໝາະສົມ… ຄໍາຖາມຄື ແລ້ວເຮົາຈະແກ້ໄຂບັນຫານີ້ໄດ້ແນວໃດ? ເຮົາມີຄໍາຕອບ… ໃຫ້ຕັ້ງສະຕິ ແລະແຍກຕົວເອງໃຫ້ອອກກ່ອນວ່າ ຕອນນີ້ເຮົາກໍາລັງຈັດການກັບບັນຫາດັ່ງກ່າວໃນນາມຂອງແບຣນ ແລະບໍລິສັດ ບໍ່ແມ່ນກໍາຈັດບັນຫາດັ່ງກ່າວໃນນາມສ່ວນຕົວ ສະນັ້ນ ກ່ອນທີ່ຈະຕອບຫຍັງຕ້ອງປະເມີນຜົນດີ, ຜົນເສຍກ່ອນທີ່ຈະຕອບທຸກຄອມເມັ້ນ ເມື່ອພົບການສະແດງຄວາມຄິດເຫັນໄປໃນທາງສົ່ງເສີມ ຫຼືເຮັດໃຫ້ເກີດອາລົມຮ້າຍ ບໍ່ຄວນຄວນຕອບໂຕ້ທັນທີໃຫ້ຢຸດຄິດ ແລະສະຫງົບອາລົມກ່ອນຕອບ ທີ່ສໍາຄັນຕ້ອງລະວັງຜູ້ບໍ່ຫວັງດີ ຫຼືຄູ່ແຂ່ງທາງທຸລະກິດ ທີ່ພະຍາຍາມຊອກຂໍ້ບົກຜ່ອງຂອງເຮົາເພື່ອສ້າງຄວາມໄດ້ປຽບໃນການແຂ່ງຂັນອີກດ້ວຍ ຄິດສະເໝີວ່າທຸກຂໍ້ຄວາມທີ່ພິມອອກໄປນັ້ນສາມາດຖືກເກັບບັນທຶກໄດ້ຕະຫຼອດເວລາ ເຊິ່ງຖ້າຂໍ້ຄວາມທີ່ສື່ສານໄປບໍ່ເໝາະສົມ ຈະສາມາດຍ້ອນກັບມາສ້າງບັນຫາ ແລະເຮັດໃຫ້ເປັນປະເດັນທາງ Social Media Crisis ກັບແບຣນໄດ້ອີກສະເໝີ ໃຊ້ວິທີການອະທິບາຍຫຼາຍກວ່າການຕອບໂຕ້ ເພື່ອສະແດງໃຫ້ຜູ້ຮັບຂໍ້ມູນເຫັນວ່າເຮົາແກ້ບັນຫາ ແລະຕອບຮັບທຸກຂໍ້ຄວາມ ໂດຍສະເພາະການສະແດງຄວາມຄິດເຫັນທີ່ພະຍາຍາມສົ່ງເສີມດ້ວຍເຫດ ແລະຜົນປາສະຈາກອາລົມແທ້ຈິງ ຖ້າຕ້ອງໃຊ້ຂໍ້ມູນໃດໆມາອະທິບາຍ ...

Watch on Facebook… Facebook ເພີ່ມຄວາມສະດວກສະບາຍຂຶ້ນມາອີກຂັ້ນ ດ້ວຍການເປີດຕົວຟີເຈີ Watch ສໍາລັບການເບິ່ງ VDO ໂດຍຮອງຮັບການໃຊ້ງານເທິງ Smart Phone, Tablet, Computer ແລະ Application ເທິງ Smart TV. ຫຼາຍໆທ່ານກໍອາດຈະໃຊ້ງານມາແລ້ວ! ການໃຊ້ງານກໍແສນຈະງ່າຍພຽງແຕ່ກົດໄປຟີເຈີ Watch ທ່ານຈະພົບກັບ VDO ຫຼາກຫຼາຍໝວດໝູ່ ບໍ່ວ່າຈະເປັນ VDO ຍອດນິຍົມໃນໄລຍະນັ້ນ, VDO ຕະລົກ, VDO Live, VDO ລາຍການໂທລະພາບ ຫຼືແມ່ນແຕ່ VDO ທີ່ໝູ່ຂອງທ່ານກໍາລັງເບິ່ງຢູ່… ຜູ້ໃຊ້ Facebook ສາມາດເບິ່ງ VDO ຕ່າງໆໄດ້ທັນທີໂດຍບໍ່ຕ້ອງກົດຕິດຕາມຜູ້ຜະລິດ VDO ນັ້ນໆ ແລະສະແດງຄວາມຄິດເຫັນກ່ຽວກັບ VDO ທີ່ເບິ່ງໄດ້ແບບ Real-Time ນອກຈາກນີ້ຟີເຈີ Watch ຍັງມາພ້ອມ Watch list ທີ່ຈະເຮັດໃຫ້ທຸກທ່ານບໍ່ພາດ VDO ໃໝ່ມາແຮງ ແລະເບິ່ງ VDO ທີ່ເຊັບໄວ້ເບິ່ງຍ້ອນຫຼັງອີກດ້ວຍ. ທັງນີ້ ...

ຈ້າງ Micro-Influencers ດີກວ່າ Influencers ແນວໃດ? ປັດຈຸບັນຖ້າໃຫ້ຊອກຄົນມາຮ່ວມແຄມເປນການຕະຫຼາດອອນລາຍ ຫຼາຍໆແບຣນຄົງນຶກເຖິງດາລາ, ເຊເລບເປັນອັນດັບທໍາອິດ ເພາະເຊື່ອວ່າຍອດຜູ້ຕິດຕາມລະດັບແສນ-ລ້ານຄົນ ຈະຊ່ວຍໃຫ້ແຄມເປນໜ້າເຊື່ອຖືຂຶ້ນ, ລູກຄ້າໃຫ້ຄວາມໄວ້ວາງໃຈ ແລະຕັດສິນໃຈຊື້ສິນຄ້າ ແລະບໍລິການໃນທີ່ສຸດ. ແຕ່ຟ້າວກ່ອນ! ປັດຈຸບັນນີ້ການທີ່ໃຊ້ດາລາ ເຊເລບໃນແຄມເປນການຕະຫຼາດອອນລາຍອາດຈະບໍ່ໄດ້ຜົນອີກຕໍ່ໄປ ເພາະລູກຄ້າຫັນມາເຊື່ອຖືໃນສິ່ງທີ່ Micro-Influencers (ຄົນມີຊື່ສຽງໃນໂລກໂຊຊ່ຽວທີ່ມີຜູ້ຕິດຕາມ 30.000 ຄົນ ຫຼືໜ້ອຍກວ່າ) ເວົ້າຫຼາຍກວ່າ. ບັນດາ Society, Agency ທີ່ຮັບເຮັດການຕະຫຼາດອອນລາຍ ເຜີຍໃຫ້ຮູ້ວ່າ ແຄມເປນທີ່ໃຊ້ Micro-Influencers ປະສົບຄວາມສໍາເລັດຫຼາຍກວ່າແຄມເປນທີ່ໃຊ້ Influencers ເພາະລູກຄ້າເຊື່ອວ່າເຫຼົ່າ Micro-Influencers ໃຊ້ສິນຄ້າ ແລະບໍລິການຂອງແບຣນແທ້ ໃນຂະນະທີ່ Influencers ອາດຈະບໍ່ໄດ້ໃຊ້ສິນຄ້າ ແລະບໍລິການ ແຕ່ທີ່ມາຮ່ວມແຄມເປນເພາະຜົນປະໂຫຍດທາງທຸລະກິດເທົ່ານັ້ນ ນອກຈາກນັ້ນ ຍັງມີຂໍ້ມູນຈາກ Instagram ວ່າ ເຖິງວ່າພວກ Micro-Influencers ຈະມີຍອດຜູ້ຕິດຕາມໜ້ອຍ ເຊິ່ງມີພຽງແຕ່ 30.000 ຫຼືບາງຄົນໜ້ອຍກວ່າ ແຕ່ພວກເຂົາກໍສ້າງການເປັນສ່ວນນຮ່ວມໃນແຄມເປນໄດ້ຫຼາຍເຖິງ 60% ເຊິ່ງຫຼາຍກວ່າ Influencers ເຖິງ 6.7 ເທົ່າ. ຂອບໃຈທີ່ມາ: www.smethailandclub.com

ໃຫ້ Application ເພີ່ມຍອດຂາຍ!!! ແມ່ນຢູ່ວ່າ Facebook ເປັນຊ່ອງທາງສໍາຄັນທີ່ເຮັດໃຫ້ແບຣນເປັນທີ່ຮູ້ຈັກ, ລູກຄ້າເຂົ້າເຖິງແບຣນໄດ້ງ່າຍຂຶ້ນ. ແຕ່ເມື່ອເວົ້າເຖິງເລື່ອງຍອດຂາຍຕ້ອງບອກເລີຍວ່າ Facebook ສ້າງຍອດຂາຍອອນລາຍໄດ້ພຽງໜ້ອຍດຽວເທົ່ານັ້ນ ຖ້າທຽບກັບ Application. ເພາະລູກຄ້ານິຍົມສັ່ງສິນຄ້າຜ່ານ Application ຂອງແບຣນຫຼາຍກວ່າ Facebook ຫຼື Website. ຈາກການລາຍງານຫຼ້າສຸດຂອງ Criteo ຜູ້ໃຫ້ບໍລິການໂຄສະນາອອນລາຍ ລະບຸເຖິງຄວາມສໍາເລັດຂອງການຂາຍອອນລາຍຜ່ານ Application ວ່າ Application ເທິງມືຖືກະຕຸ້ນໃຫ້ເກີດການຊື້ເຄື່ອງອອນລາຍໄດ້ 54% ແລະດຶງໃຫ້ຜູ້ໃຊ້ໃໝ່ກັບມາໃຊ້ Application ພາຍໃນ 30 ມື້ ໃນຂະນະທີ່ Website ແລະ Facebook ຕ້ອງໃຊ້ເວລາຫຼາຍກວ່າ. ສໍາລັບເຫດຜົນທີ່ຄົນນິຍົມຊື້ເຄື່ອງຜ່ານ Application ເພາະ Application ສະແດງຂໍ້ມູນການຊື້ສັ່ງ ແລະຍອດການຊໍາລະຊັດເຈນ ແລະເຂົ້າໃຈງ່າຍກວ່າເທິງ Website ແລະ Facebook, ຕິດຕາມການຊື້ໄດ້ງ່າຍໃນຄິກດຽວ ແລະມີຄວາມງ່າຍດາຍໃນການລົງຊື່ເຂົ້າໃຊ້ ເພາະພຽງ Login ຜ່ານ Social ກໍສາມາດໃຊ້ງານໄດ້ແລ້ວ ບໍ່ຕ້ອງຈື່ຊື່ຜູ້ໃຊ້ ແລະລະຫັດຜ່ານໃຫ້ຫຍຸ້ງຍາກ. ຂອບໃຈທີ່ມາ: www.smethailandclub.com

ພຶດຕິກໍາລູກຄ້າສະໄໝນີ້!!! ລອງຢູ່ຮ້ານ ຊື້ຢູ່ເວັບແທ້ ຫຼືບໍ່? ຜູ້ປະກອບການສ່ວນຫຼາຍຄິດວ່າ ມີພຽງໜ້າຮ້ານ Online ກໍພຽງພໍ ເພາະສາມາດຕອບໂຈດ Life Style ຂອງລູກຄ້າຍຸກນີ້ທີ່ຮັກມັກຄວາມສະດວກສະບາຍ ບໍ່ຢາກເສຍເວລາເດີນທາງໄປຮ້ານຂາຍເຄື່ອງ, ຕໍ່ຄິວຈ່າຍເງິນ ຫຼືແຍ້ກັນກັບຜູ້ຄົນ ແຕ່ຈາກຜົນການວິໄຈຂອງລູກຄ້າຂອງ Criteo ບໍລິສັດດ້ານເຕັກໂນໂລຊີ ລະບຸວ່າ ລູກຄ້າຫຼາຍກວ່າ 76% ຕ້ອງການທົດລອງສິນຄ້າກ່ອນຊື້ ແລະຖ້າປະທັບໃຈຈະສັ່ງຊື້ສິນຄ້ານັ້ນຜ່ານຊ່ອງທາງ Online. ສໍາລັບພຶດຕິກໍາສັ່ງຊື້ສິນຄ້າຂ້າມຊ່ອງທາງນັ້ນ 17% ຂອງລູກຄ້າທີ່ຊື້ສິນຄ້າຜ່ານ Online ແລະໄປຮັບສິນຄ້າທີ່ຮ້ານ Offline, 15% ຕັດສິນໃຈຊື້ສິນຄ້າຜ່ານຊ່ອງທາງ Online ຫຼັງຈາກເຫັນສິນຄ້າຕົວຈິງໃນຮ້ານ Offline ແລະ 11% ສັ່ງສິນຄ້າຜ່ານ Smart Phone ຂະນະທີ່ຢູ່ໃນຮ້ານຂອງສິນຄ້ານັ້ນໆ. ເຊິ່ງເຫດຜົນຂອງນັກ Shopping ທີ່ມັກສັ່ງຊື້ສິນຄ້າຜ່ານຊ່ອງທາງ Online ແທນການຊື້ຜ່ານຮ້ານ Offline 68% ບອກວ່າສົ່ງຄືນສິນຄ້າໄດ້ຟຣີ, 64% ມີສ່ວນຫຼຸດຢູ່ຕະຫຼອດ, 47% ຮູບສິນຄ້າໜ້າສົນໃຈ, 44% ສິນຄ້າເທິງເວັບມີເອກະລັກຫຼາຍກວ່າ ແລະ 33% ມີວິທີໃຊ້ສິນຄ້າບອກຢູ່ເທິງເວັບທີ່ຂາຍເຄື່ອງນັ້ນໆ. ເມື່ອຮູ້ແບບນີ້ແລ້ວ ຜູ້ປະກອບການທີ່ມີໜ້າຮ້ານ ...

ສ້າງ Content Marketing ແນວໃດ ໃຫ້ງ່າຍຄືປອກເປືອກກ້ວຍ!!! ການຈະສ້າງ Content Marketing ໃຫ້ປະສົບຄວາມສໍາເລັດນັ້ນ ມີຫຼາກຫຼາຍສູດ, ຫຼາຍວິທີໃຫ້ປະຕິບັດ ເຊິ່ງບາງຄັ້ງຜູ້ປະກອບການກໍລັງເລວ່າ ຄວນເລີ່ມຕົ້ນເຮັດວິທີໃດກ່ອນ ທີ່ສໍາຄັນບາງຄັ້ງອ່ານເລື່ອງນີ້ຫຼາຍເກີນໄປ ຂໍ້ມູນກໍຕີກັນເອງ ດັ່ງນັ້ນ ເພື່ອໃຫ້ຜູ້ປະກອບການເຂົ້າໃຈ ແລະສ້າງ Content Marketing ໄດ້ຢ່າງງ່າຍດາຍ Page Traffic ຜູ້ໃຫ້ບໍລິການດ້ານການ້ຮັດ SEO ຈຶ່ງໄດ້ສະຫຼຸບການສ້າງ Content Marketing ໄວ້ດັ່ງນີ້: ນໍາສະເໜີເທຣນໃຫ້ກົງກັບລູກຄ້າເຊັ່ນ: ຖ້າລູກຄ້າເປັນ Gen Y ບົດຄວາມຕ້ອງເປັນເລື່ອງໃນກະແສ ແລະມີປະໂຫຍດກັບພວກເຂົາ, ຂຽນສັ້ນ, ອ່ານເຂົ້າໃຈງ່າຍ ແລະຫຼີກລ່ຽງການຂຽນຂາຍເຄື່ອງແບບ Hard sale ໂພສບົດຄວາມໃນທຸກ Social ທີ່ມີ: ແຕ່ຢ່າໂພສບົດຄວາມໃນຮູບແບບດຽວກັນ ເພາະແຕ່ລະ Social ມີ Platform ຕ່າງກັນເຊັ່ນ: Twitter ເນັ້ນຂຽນສັ້ນ, Facebook ໂພສຂໍ້ຄວາມຍາວໆ ພ້ອມຮູບປະກອບໄດ້ ແລະ Instagram ຮູບຕ້ອງງາມ ແຮຊແທັກຕ້ອງຂຽນ. ກວດບົດຄວາມຂອງຄູ່ແຂ່ງ: ວ່າເປັນແນວໃດ ...

Micro-Influencers ທີ່ແມ່ນ! ຊອກໄດ້ແນວໃດ? ການເຮັດວຽກຮ່ວມກັນລະຫວ່າງ ຍີ່ຫໍ້ກັບ Influencers ເປັນເທຣນການຕະຫຼາດທີ່ໄດ້ຮັບຄວາມນິຍົມຫຼາຍ ແລະບໍ່ມີວີ່ແວວວ່າຈະຕົກແທຣນໄປງ່າຍໆ ແຕ່ກໍຍັງມີເທຣນການຕະຫຼາດທີ່ໜ້າສົນໃຈບໍ່ແພ້ກັນນັ້ນກໍຄື ການເຮັດການຕະຫຼາດດ້ວຍ Micro-Influencers (ບຸກຄົນທີິ່ມີຍອດຕິດຕາມໃນ Social ຕັ້ງແຕ່ 1.000-100.000 ຄົນ) ເທຣນນີ້ກໍາລັງໄດ້ຮັບຄວາມນິຍົມໃນຕ່າງປະເທດ ແລະໃນປະເທດເຮົາກໍເລີ່ມມີການໍາເຂົ້າມາໃຊ້ແດ່ແລ້ວ ເຊິ່ງສິ່ງທີ່ເຮັດໃຫ້ປະສົບຄວາມສໍາເລັດໃນການໃຊ້ Micro-Influencers ຄື: ເລືອກໃຊ້ຄົນທີ່ມີຄວາມສໍາພັນກັບຍີ່ຫໍ້ ລວມເຖິງຜູ້ຕິດຕາມຂອງເຂົາເຈົ້າ ເປັນກຸ່ມດຽວກັນກັບຜູ້ຕິດຕາມສິນຄ້າຂອງເຮົາ ຊອກພວກເຂົາໃຫ້ພົບໃນເວລາສັ້ນໆ ເຊິ່ງເຮັດໄດ້ດັ່ງນີ້: ຄົ້ນຫາຈາກຜູ້ຕິດຕາມຂອງຍີ່ຫໍ້: ດ້ວຍຄວາມທີ່ພວກເຂົາຕິດຕາມສິນຄ້າຢູ່ແລ້ວຍ່ອມຮູ້ຈັກກັບສິນຄ້າເຮົາດີ ຮູ້ວ່າຕົວຕົນຂອງຍີ່ຫໍ້ເປັນແນວໃດ? ຍິ່ງຖ້າເປັນລູກຄ້າຂອງຍີ່ຫໍ້ແລ້ວ ຍິ່ງເຮັດໃຫ້ການຣີວິວມີພະລັງ ແລະມີຄວາມໜ້າເຊື່ອຖືຫຼາຍຂຶ້ນ. ຄົ້ນຫາຈາກແຮຊແທັກ: ຍີ່ຫໍ້ຕ້ອງໃຊ້ແຮຊແທັກ (#) ທີ່ມີຄວາມສະເພາະເຈາະຈົງ ແລະກ່ຽວຂ້ອງກັບຍີ່ຫໍ້ເຊັ່ນ ເສື້ອຜ້າ, ຂະໜາດຄວນໃຊ້ #plussizefashion ຫຼາຍກວ່າ #fashion ເຊິ່ງຈະເຮັດໃຫ້ຄົນທີ່ມີຄວາມມັກ ມີຄວາມສົນໃຈດຽວກັນກັບຍີ່ຫໍ້ ຄົ້ນພົ້ບຍີ່ຫໍ້ໄດ້ງ່າຍຂຶ້ນ. ຄົ້ນຫາຈາກສະຖານທີ່: ຖ້າຍີ່ຫໍ້ມຸ່ງເຈາະກຸ່ມລູກຄ້າໃນພື້ນທີ່ໃດພື້ນທີ່ໜຶ່ງ ວິທີການນີ້ຕອບໂຈດຫຼາຍ ສິ່ງທີ່ຕ້ອງເຮັດຄື ລະບຸສະຖານທີ່ລົງໄປໃນການຄົ້ນຫາເຊັ່ນ: Blocker ສາວໄຊ້ໃຫຍ່; ສໍາລັບການໃຊ້ Micro-Influencers ທີ່ມີຊື່ສຽງໃນພື້ນທີ່ນັ້ນ, ເຈາະກຸ່ມລູກຄ້າທີ່ຢູ່ບ່ອນນັ້ນມີແນວໂນ້ມເພີ່ມຍອດຂາຍໄດ້. ທີ່ມາ: www.smethailandclub.com

ຍຸດທະສາດທາງການຕະຫຼາດສໍາລັບ Startup ສໍາລັບຜູ້ທີ່ປະກອບທຸລະກິດ Startup ຖ້າລອງຖາມຕົວເອງເບິ່ງວ່າ ທຸກມື້ນີ້ສິນຄ້າຂອງເຮົາສາມາດສ້າງຍອດຂາຍໄດ້ດ້ວຍຕົນເອງແລ້ວບໍ່? ຄົງຕ້ອງບອກວ່່າ ຍັງ ເພາະເຖິງວ່າສິນຄ້າດີເດັ່ນຂະໜາດໃດ ແຕ່ຖ້າຂາດຊ່ອງທາງການຈໍາໜ່າຍ ແລະຕະຫຼາດທີ່ດີ ທຸລະກິດຍ່ອມບໍ່ປະສົບຄວາມສໍາເລັດຢ່າງແນ່ນອນ. ສໍາລັບຜູ້ປະກອບການ ຫຼືບໍລິສັດໃຫຍ່ໆ ການທຸ່ມເທເງິນເພື່ອເຮັດການຕະຫຼາດບໍ່ແມ່ນເລື່ອງໃຫຍ່ ແຕ່ສໍາລັບຜູ້ປະກອບການໃໝ່ໆ ທີ່ຫາກະເຂົ້າມາສູ່ໂລກທຸລະກິດ ອາດຈະຕ້ອງມາຮຽນຮູ້ກັບຍຸດທະສາດທີ່ມີປະສິດທິພາບ ແລະຊ່ວຍສ້າງຄວາມສໍາເລັດໃນໄລຍະທໍາອິດແບບບໍ່ຕ້ອງເປືອງເງິນຫຼາຍເຊັ່ນ: ການໃຊ້ Affiliate Marketing Affiliate Marketing ຄືຍຸດທະສາດການຕະຫຼາດທີ່ເຮົາໄດ້ຮັບ Commission ຈາກການນໍາສິນຄ້າ ຫຼືບໍລິການໄປPromote ໃຫ້້ Website ຫຼື Social media ແລະເຮົາໄດ້ສ່ວນແບ່ງກໍາໄລຈາກຍອດຂາຍນັ້ນໆ. ເບິ່ງອີກແງ່ໜຶ່ງ ເມື່ອເຮົາເປັນນ້ອງໃໝ່ໃນວົງການທຸລະກິດ ເຮົາສາມາດໃຊ້ Affiliate Marketing ໂດຍການໄປຝາກຂາຍສິນຄ້າຕາມ Website ທີ່ມີຄົນຮູ້ຈັກຫຼາຍໆ ເພື່ອເພີ່ມຍອດຂາຍໄດ້ຢ່າງສົມເຫດສົມຜົນ ດັ່ງນັ້ນ ພະຍາຍາມບອກຈຸດເດັ່ນຂອງສິນຄ້າໃຫ້ໄດ້ ເພື່ອກະຕຸ້ນໃຫ້ຜູ້ທີ່ໄດ້ຮັບສິນຄ້າໄປ Promote ຫຼືຈໍາໜ່າຍຕໍ່ ສາມາດກະຕຸ້ນລູກຄ້າໃຫ້ຕ້ອງການຊື້ສິນຄ້າຂອງເຮົາ. ພັດທະນາ Content Marketing ໃນປັດຈຸບັນທຸລະກິດ 100 ລະ 90 ລ້ວນແຕ່ໃຊ້ Content Marketing ເພື່ອພັດທະນາ ...

Startup ກັບບັນຫາການຊື້-ຂາຍ ຜ່ານທາງ Online ທີ່ຕ້ອງລະວັງ!!! ການເຮັດທຸລະກິດນັ້ນຄວາມຮູ້ທາງດ້ານກົດໝາຍຖືເປັນສິ່ງສໍາຄັນ ໂດຍສະເພາະ Startup ທີ່ກ່ຽວຂ້ອງກັບເຕັກໂນໂລຊີ ທີ່ມີບໍລິການຊື້-ຂາຍຜ່ານຊ່ອງທາງ Online ເນື່ອງຈາກການເຮັດທຸລະກໍາຊື້-ຂາຍ ຫຼືໃຫ້ບໍລິການ Online ມີຫຼາຍໆຄວາມສ່ຽງທີ່ກ່ຽວຂ້ອງ ຊຶ່ງອາດຈະນໍາມາເຊິ່ງຂໍ້ໂຕ້ແຍ່ງ, ຂໍ້ຜິດພາດ ຫຼືການຖືກຮ້ອງຝ້ອງດັ່ງຕໍ່ໄປນີ້: ການນໍາຂໍ້ມູນຜູ້ໃຊ້ສົ່ງຕໍ່ໄປຍັງຜູ້ໃຫ້ບໍລິການອື່ນ: ທີ່ເປັນພັນທະມິດ ຫຼືບໍລິການໃນເຄືອດຽວກັນ ເຖິງວ່າຂໍ້ຕົກລົງຜູ້ໃຊ້ຈະລະບຸໄວ້ແລ້ວວ່າ ຜູ້ໃຊ້ຍິນຍອມທີ່ຈະໃຫ້ຜູ້ບໍລິການສົ່ງຕໍ່ຂໍ້ມູນສ່ວນບຸກຄົນ ໃຫ້ກັບບໍລິການອື່ນ ພາຍໃຕ້ຜູ້ໃຫ້ບໍລິການດຽວກັນ. ແຕ່ຜູ້ໃຊ້ໜ້ອຍຄົນທີ່ຈະອ່ານລະອຽດຮອບຄອບ ກ່ອນຍອມຮັບຂໍ້ຕົກລົງຜູ້ໃຊ້ ເຮັດໃຫ້ເກີດບັນຫາເຫຼົ່ານີ້ຕາມມາໃນທີ່ສຸດ. ການຮັບຈົດໝາຍຂ່າວສານອີເລັກໂທນິກ: ທຸກເວັບໄຊ້ມັກຈະໃຫ້ຜູ້ໃຊ້ ກົດຍອມຮັບ ການຮັບຂໍ້ມູນຂ່າວສານທາງອີເລັກໂທນິກໃນຮູບແບບ e-mail Newsletter ຫຼືຊ່ອງທາງ SMS ແລະອື່ນໆ ທີ່ຈໍາເປັນຕ້ອງໃຫ້ຜູ້ໃຊ້ເລືອກ ຍອມຮັບກ່ອນ ເນື່ອງຈາກມີກົດໝາຍຄຸ້ມຄອງການໃຫ້ຂໍ້ມູນຂ່າວສານ ໃນລັກສະນະຍັດໃສ່ໃຫ້ກັບຜູ້ໃຊ້ຈົນເກີດຄວາມເບື່ອໜ່າຍ ເຊິ່ງຈາກບັນຫາຂອງການບໍ່ອ່ານລາຍລະອຽດ ແລະເງື່ອນໄຂການຍອມຮັບຂໍ້ມູນຂ່າວສານ ເຮັດໃຫ້ເວລາທີ່ໄດ້ຮັບການແຈ້ງເຕືອນຂໍ້ມູນຂ່າວສານເຫຼົ່ານັ້ນ ຈຶ່ງເກີດການບໍ່ພໍໃຈ ເຖິງວ່າຜູ້ໃຫ້ບໍລິການມີການແຈ້ງໃຫ້ຜູ້ໃຊ້ຮູ້ຢູ່ສະເໝີວ່າ ສາມາດຍົກເລີກບໍລິການໄດ້ຕະຫຼອດເວລາກໍຕາມ.   ການສົ່ງເງິນຄືນ: ໃນກໍລະນີທີ່ມີນະໂຍບາຍການສົ່ງເງິນຄືນໃຫ້ຜູ້ໃຊ້ ຄວນຈັດການຂໍ້ຕົກລົງ ແລະລາຍລະອຽດໃຫ້ຊັດເຈນ ໃນລັກສະນະຂອງລາຍການທີ່ສາມາດສົ່ງເງິນໄດ້ ຫຼືບໍ່ໄດ້ ຈໍານວນເງິນທີ່ສົ່ງຄືນເຕັມຈໍານວນ ຫຼືຫັກຄ້າຫຍັງແດ່ ແລະທີ່ສໍາຄັນກໍານົດໄລຍະເວລາການສົ່ງເງິນຄືນທີ່ແນ່ນອນ. ການປະຕິເສດການຈ່າຍເງິນ: ບາງຄັ້ງຜູ້ໃຊ້ກໍມາໃນຮູບແບບຂອງມິດສາຊີບ ທີ່ລັກຂໍ້ມູນບັດເຄຣດິດຄົນອື່ນມາໃຊ້ຊໍາລະເງິນ, ...