4 ເລື່ອງທີ່ SME ຕ້ອງສໍາຫຼວດຕະຫຼອດເວລາ!!! SME ຫຼາຍຄົນ ເມື່ອເຫັນວ່າຕັ້ງຕົ້ນທຸລະກິດຂຶ້ນມາໄດ້ສໍາເລັດແລ້ວ ຈະໝັ້ນໃຈໄດ້ເຕັມ 100 ວ່າ ທຸລະກິດສາມາດໂລດແລ່ນໄປຕໍ່ຢ່າງລາບລື່ນ ຈົນລະເລີຍບາງເລື່ອງທີ່ອາດຈະສົ່ງຜົນເສຍໂດຍກົງຕໍ່ທຸລະກິດ ເຊິ່ງການເບິ່ງຂ້າມເລື່ອງເລັກໜ້ອຍເຫຼົ່ານີ້ ຈະເຮັດໃຫ້ກໍ່ຕົວໃຫຍ່ຂຶ້ນຈົນກາຍເປັນຄວາມຜິດພາດໃນທີ່ສຸດ ແລະ Check list ທັງ 4 ຂໍ້ຕໍ່ໄປນີ້ຄືສິ່ງທີ່ SME ຄວນສໍາຫຼວດຕົວເອງຢູ່ສະເໝີ ເພື່ອບໍ່ໃຫ້ທຸລະກິດຕ້ອງສະດຸດ!!! ສໍາຫຼວດຄວາມເພິ່ງພໍໃຈຂອງລູກຄ້າ ການໃສ່ໃຈໃນຄວາມເພິ່ງພໍໃຈຂອງລູກຄ້າ ເປັນເຄັດລັບທີ່ເຮັດໃຫ້ທຸລະກິດເຕີບໃຫຍ່ໄປໄດ້ຕະຫຼອດ ບໍ່ວ່າເປັນສິນຄ້າ ແລະ ບໍລິການຈະເປັນແນວໃດ, ຈະແປກໃໝ່ ແລະ ດີຂະໜາດໃດ ແຕ່ຖ້າບໍ່ໃສ່ໃຈລູກຄ້າກໍເຮັດໃຫ້ທຸລະກິດໄປບໍ່ລອດ ດັ່ງນັ້ນ ຕ້ອງໝັ່ນສໍາຫຼວດຄວາມເພິ່ງພໍໃຈຂອງລູກຄ້າຢູ່ສະເໝີ ແລະ ເມື່ອໄດ້ຂໍ້ມູນຈາກລູກຄ້າມາແລ້ວ ກໍຕ້ອງນໍາໄປພັດທະນາປັບປຸງແທ້ໆ ເພື່ອສ້າງຄວາມເພິ່ງພໍໃຈໃຫ້ກັບລູກຄ້າຕະຫຼອດເວລາ. ສໍາຫຼວດຄຸນນະພາບສິນຄ້າ ແລະ ບໍລິການ ຕ້ອງຮັກສາຄຸນນະພາບມາດຕະຖານຂອງສິນຄ້າ ແລະ ບໍລິການໃຫ້ດີຢູ່ສະເໝີ ຕ້ອງໂຟກັສຕັ້ງແຕ່ແຫຼ່ງວັດຖຸດິບ, ຂະບວນການຜະລິດ, ຈົນໄດ້ສິນຄ້າ ແລະ ໄປເຖິງມືຂອງລູກຄ້າຢ່າງປອດໄພ, ຍິ່ງສິນຄ້າຂາຍດີເທົ່າໃດກໍຍິ່ງບໍ່ຄວນເຮັດໃຫ້ຄຸນນະພາບຂອງສິນຄ້າ ຫຼື ບໍລິການດ້ອຍລົງ ເພາະການຮັກສາຄຸນນະພາບສິນຄ້າ ແລະ ບໍລິການໄດ້ສະໝໍ່າສະເໝີ. ນອກຈາກຈະເຮັດໃຫ້ລູກຄ້າປະທັບໃຈແລ້ວ ຍັງຊ່ວຍໃຫ້ລູກຄ້າຈື່ຈໍາ ແລະ ຊົມໃຊ້ສິນຄ້າຂອງເຮົາຕະຫຼອດໄປ ...

“SAMSUNG Galaxy S10|S10+” ເປີດຕົວຢ່າງເປັນທາງການໃນລາວ. “SAMSUNG Galaxy S10|S10+” ຢ່າງເປັນທາງການໃນລາວແລ້ວ ໃນຕອນເຊົ້າຂອງວັນທີ 28 ກຸມພາ 2019 ທີ່ຫ້າງ ວຽງຈັນເຊັນເຕີ. ເຊິ່ງເປັນການເປີດຕົວໃນຮອບ “Media First Look – SAMSUNG Galaxy S10|S10+” ໂດຍການເຂົ້າຮ່ວມຂອງ ບັນດາສື່ມວນຊົນ, Blogger, Youtuber, ນັກທຸລະກິດ ແລະ ບຸກຄົນທົ່ວໄປທີ່ຮັກມັກໃນ SAMSUNG Galaxy ໄດ້ສຳຜັດ ແລະ ສັ່ງຈອງ.   ສໍາລັບ SAMSUNG Galaxy S10|S10+ ເປັນປະສົບການໃໝ່ທີ່ຖືກພັດທະນາຈາກລຸ້ນກ່ອນໆ ເຊິ່ງຈຸດພິເສດທີ່ແຕກຕ່າງ ແລະ ຖືກພັດທະນາຂຶ້ນມານັ້ນກໍມີຫຼາຍຈຸດດ້ວຍກັນເຊັ່ນ: ລະບົບ Ultrasonic Fingerprint ລະບົບສະແກນນິ້ວມືອັດສະລິຍະ ທີ່ມີຄວາມແນ່ນອນສູງທີ່ສຸດ. ໜ້າຈໍທີ່ບໍ່ມີຂອບ Infinity O Display ການຖ່າຍຮູບດ້ວຍ Multi Camera ພ້ອມກັບເລນກວ້າງພິເສດ Ultrawide ລະບົບແນະນຳການຖ່າຍຮູບ Shot Suggestion ຊ່ວຍແນະນຳມຸມກ້ອງແບບມືອາຊີບ ລະບົບກັນສັ່ນຂັ້ນສູງ ...

ຍິ່ງມີເຄືອຄ່າຍຫຼາຍ! ຍິງມີໂອກາດຫຼາຍ…   ບໍ່ວ່າຈະຢູ່ໃນສັງຄົມ ຫຼື ເຮັດວຽກໃນວົງການໃດກໍຕາມ ການສ້າງສາຍສໍາພັນທີ່ດີຕໍ່ກັບຜູ້ຮ່ວມໃນວົງການນັ້ນເປັນສິ່ງທີດີຕໍ່ກັບຕົວທ່ານເອງ ແລະ ວຽກທີ່ທ່ານເຮັດຢູ່ໄດ້ທີ່ດີທີ່ສຸດ. ໃນການເຮັດທຸລະກິດ ຖ້າທຸກຢ່າງເທົ່າກັນຜູ້ຄົນກໍຈະເລືອກເຮັດທຸລະກິດກັບໝູ່. ແມ່ນແຕ່ວ່າຫຼາຍໆຢ່າງບໍ່ເທົ່າກັນກໍຍັງຢາກຈະເຮັດທຸລະກິດກັບໝູ່ຢູ່ດີ. ເພາະບັນໄດແຫ່ງຄວາມສໍາເລັດບາງຄັ້ງ ອາດຈະບໍ່ຕ້ອງໃຊ້ເທັກນິກ ແລະ ຍຸດທະສາດຫຍັງຫຼາຍ ພຽງແຕ່ມີໝູ່ຫຼາຍກວ່າເກົ່າເທົ່ານັ້ນ. ສໍາລັບການສ້າງສາຍສໍາພັນ ເພື່ອໃຫ້ເກີດປະໂຫຍດໃນທາງທຸລະກິດນັ້ນ ຈະຕ້ອງກໍານົດເປົ້າໝາຍທີ່ຊັດເຈນ ແລະ ຊອກຫາພັນທະມິດຮ່ວມທຸລະກິດ ທີ່ຈະມາຕໍ່ຍອດໃຫ້ທຸລະກິດສໍາເລັດໄດ້ໄວຂຶ້ນ ເມື່ອມີເປົ້າໝາຍແລ້ວ ເຖິງຈະເປັນພັນທະມິດທຸລະກິດທີ່ຂະໜາດໃຫຍ່ ຫຼືເຮົາບໍ່ຮູ້ຈັກໃຜເລີຍໃນທຸລະກິດນັ້ນ ເຮົາກໍພຽງແຕ່ຊອກຄູ່ຮ່ວມທີ່ມີທ່າອ່ຽງຈະຮູ້ຈັກ. ເຊື່ອບໍ່ວ່າຈະສາມາດຊອກຄົນທີ່ຈະເຊື່ອມຕໍ່ໄປຮອດແນ່ນອນ ດັ່ງເຊັ່ນ Six Degrees of Separation ຫຼື 6 ໄລຍະຄົນ ທີ່ສາມາດຕິດຕໍ່ໄປເຖິງຄົນທົ່ວໂລກໄດ້ ໂດຍການຍົກໂທລະສັບຂຶ້ນມາ ຊອກໃຜຈັກຄົນໜຶ່ງທີ່ຈະຊ່ວຍແນະນໍາຕໍ່ໆກັນໄປ ບໍ່ເກີນ 6 ຄັ້ງກໍພົບຄົນທີ່ຕ້ອງການແລ້ວ. ທຸລະກິດ Startup ດ້ານຮັບເໝົາກໍ່ສ້າງແຫ່ງໜຶ່ງທີ່ຮູ້ຈັກຈາກການທີ່ໄດ້ຟັງເຂົາເຈົ້ານໍາສະເໜີວຽກ ເຖິງວ່າຄັ້ງທໍາອິດຈະບໍ່ຈົບລົງດ້ວຍການໂອ້ລົມເລື່ອງທຸລະກິດ ແຕ່ດ້ວຍການຮັກສາຄວາມສໍາພັນຍັງຄົງມີຢ່າງຕໍ່ເນື່ອງ ມີການເຊື່ອມຕໍ່ Connection ໄວ້ໃນ Social Media, ມີການຊວນຮ່ວມທຸລະກິດຕ່າງໆ, ພົບກັນໃນງານ Event ກໍທັກທາຍສະບາຍດີ ໃຫ້ຄວາມສໍາຄັນກັນຕະຫຼອດ. ເມື່ອມີຜູ້ບໍລິຫານສົນໃຈຢາກເຮັດວຽກຮ່ວມກັບ Startup ດ້ານຮັບເໝົາກໍ່ສ້າງ ...

Life Style ທີ່ຈະເພີ່ມປະສິດຕິພາບໃນການເປັນຜູ້ປະກອບການ!!!   ຫຼາຍຄົນເຂົ້າໃຈວ່າ ການເຮັດທຸລະກິດນັ້ນພຽງແຕ່ ມີຄວາມຮູ້ທາງດ້ານການຕະຫຼາດ, ມີໃຈຮັກມັກໃນການເຮັດທຸລະກິດ ແລະ ມີເງິນທຶນທີ່ພຽງພໍກໍເຮັດໄດ້ແລ້ວ. ແນ່ນອນວ່າທ່ານຄິດບໍ່ຜິດ ການເປັນຜູ້ປະກອບການນັ້ນໃຜໆກໍເປັນໄດ້ ຂໍແຕ່ມີຄຸນສົມບັດທີ່ກ່າວມາຂ້າງເທິງນັ້ນ! ແຕ່ທ່ານຮູ້ບໍ່ວ່າ ການເປັນຜູ້ປະກອບການທີ່ດີ ແລະ ມີປະສິດຕິພາບນັ້ນຕ້ອງມີຫຍັງຕຶ່ມເຂົ້າມາແດ່? ເພາະບາງສິ່ງທີ່ເຮັດໃນຊີວິດປະຈໍາເປັນ ທີ່ບາງຄົນອາດຈະບໍ່ໄດ້ເກັບເອົາມາໃສ່ຫົວເລີຍນັ້ນ ກໍມີສ່ວນຊ່ວຍໃຫ້ທຸລະກິດກ້າວໄປຢ່າງມີປະສິດຕິພາບໄດ້!!! ລອງມາເບິ່ງ 3 ນິໄສ ທີ່ຈະເພີ່ມປະສິດຕິພາບໃນການເປັນຜູ້ປະກອບການມີຫຍັງແດ່? ຮັກໃນການອອກກໍາລັງກາຍ: ເພາະຊ່ວຍເພີ່ມ Neuroplasticity ໃນສະໝອງ ເຮັດໃຫ້ສະຫຼາດ ແລະ ມີສະຕິ ທີ່ສໍາຄັນຍັງຊ່ວຍຫຼຸດອາການຕຶງຄຽດໄດ້. ຂໍແນະນໍາໃຫ້ເຮັດ Work-Life Balance ໃຫ້ໄດ້ ເພື່ອໃຫ້ຊີວິດມີຄວາມສົມດຸນ ແລະ ຢ່າຄອຍຖ້າທີ່ຈະປິ່ນປົວຕົນເອງເມື່ອເຈັບປ່ວຍ ເພາະຖ້າຫາກຝືນເຮັດວຽກທັງທີ່ຮ່າງກາຍບໍ່ພ້ອມ ນອກຈາກວຽກຈະອອກມາບໍ່ໄດ້ປະສິດຕິພາບແລ້ວ ຍັງເຮັດໃຫ້ອາການປ່ວຍໜັກເຂົ້າໄປອີກ. ກຽມພ້ອມສະເໝີ: ການກຽມພ້ອມ ແລະ ຈັດລະບຽບຊີວິດໃນການເຮັດວຽກແຕ່ລະມື້ ຊ່ວຍໃຫ້ມີຄວາມໝັ້ນໃຈ ແລະ ເຮັດວຽກອອກມາມີປະສິດຕິພາບ, ວິທີກຽມຕົວງ່າຍໆຄື ຈົດລາຍລະອຽດວຽກທີ່ຕ້ອງເຮັດ, ຊຸດທີ່ຈະນຸ່ງ ແລະ ກິດຈະກໍາທີ່ຕ້ອງເຮັດນອກຈາກວຽກໃນມື້ນັ້ນໆ. ບໍ່ອາຍຂໍຄວາມຊ່ວຍເຫຼືອ: ຖ້າທຸລະກິດມີບັນຫາໃຫ້ຂໍຄວາມຊ່ວຍເຫຼືອຈາກບຸກຄົນອື່ນ ເພາະບາງບັນຫາຈະຮູ້ທາງແກ້ກໍຕໍ່ເມື່ອ ຂໍຄວາມຊ່ວຍເຫຼືອຈາກບຸກຄົນທີ່ເຄີຍພົບບັນຫານັ້ນມາກ່ອນ ແລະ ສາມາດຜ່ານມັນມາໄດ້. ...

Freelance ທີ່ຖືກຈ້າງຫຼາຍທີ່ສຸດ… ພະນັກງານ Freelance ຍັງຄົງເປັນອາຊີບທີ່ດີທີ່ສຸດຂອງຄົນຍຸກນີ້, ເຊິ່ງຈາກສະຖິຕິລະບຸວ່າ ປັດຈຸບັນອາຊີບ Freelance ໃນບ້ານເຮົາເພີ່ມຂຶ້ນຫຼາຍ ແລະ ມີທ່າອ່ຽງວ່າຈະເພີ່ມຂຶ້ນອີກໃນອະນາຄົດ. ເຊິ່ງເຫດຜົນຫຼັກໆທີ່ເຮັດໃຫ້ອາຊີບນີ້ໄດ້ຮັບຄວາມສົນໃຈຄື ໄດ້ເປັນນາຍຕົນເອງ, ບໍ່ມີໝູ່ຮ່ວມງານຄອຍກວນໃຈ, ຫາກບໍລິຫານຈັດການເວລາໄດ້ດີ ກໍມີເວລາວ່າງຫຼາຍພໍທີ່ຈະເຮັດໃນສິ່ງທີ່ຢາກເຮັດ ແລະ ເປັນທີ່ຕ້ອງການຂອງຕະຫຼາດ. ເພາະສາມາດຊ່ວຍຜູ້ຈ້າງຫຼຸດຄ່າໃຊ້ຈ່າຍໄດ້ເຖິງ 60% ເມື່ອທຽບກັບການຈ້າງພະນັກງານປະຈໍາ. ສໍາລັບຄົນທີ່ຢາກຍ່າງຕາມເສັ້ນທາງສາຍນີ້ ຕ້ອງກຽມຕົວໃຫ້ພ້ອມທັງໃນເລື່ອງຂອງແຟ້ມຜົນງານ ເພື່ອໃຊ້ປະກອບການສະເໜີວຽກໃຫ້ລູກຄ້າ, ຕາຕະລາງການເຮັດວຽກທີ່ຕ້ອງຈັດໃຫ້ຊັດເຈນ ເພື່ອຈະໄດ້ຮັບບໍລິຫານເວລາໄດ້ຢ່າງມີປະສິດທິພາບ ແລະ ສຶກສາເລື່ອງອື່ນໆທີ່ກ່ຽວຂ້ອງ ເພື່ອຮັກສາຜົນປະໂຫຍດຂອງຕົນເອງໃຫ້ໄດ້ຫຼາຍທີ່ສຸດ ເຊັ່ນ ເງື່ນໄຂການຈ້າງວຽກ ແລະ ການກໍານົດລາຄາຄ່າຈ້າງຢ່າງເໝາະສົມ ເປັນຕົ້ນ. ນອກນັ້ນ Freelance ຍັງຈໍາເປັນຕ້ອງຮູ້ແນວໂນ້ມຂອງຜູ້ຈ້າງນໍາວ່າ ໄລຍະນີ້ນິຍົມຈ້າງວຽກປະເພດໃດ ເພື່ອຈະໄດ້ກຽມພ້ອມຮັບມືກັບປະລິມານວຽກທີ່ອາດຈະເພີ່ມຂຶ້ນ, ຫາກເປັນ Freelance ໃນປະເພດວຽກນັ້ນ ຫຼືຈະໄດ້ປ່ຽນສາຍວຽກໄດ້ທ່ວງທັນ ເພື່ອຮອງຮັບຄວາມຕ້ອງການຂອງຜູ້ຈ້າງ. ໂດຍຫຼ້າສຸດ Facebook Platform ທີ່ຮວບຮວມຂໍ້ມູນ Freelance ແລະ ມືອາຊີບດ້ານຕ່າງໆກວ່າ 30.000 ວຽກ. ໄດ້ເປີດເຜີຍ 5 ປະເພດວຽກທີ່ຖືກຈ້າງຫຼາຍທີ່ສຸດ ດັ່ງນີ້ ອັນດັບ 1: Graphic ...

ທຸລະກິດຂະຫຍາຍໄວຈົນເປັນອັນຕະລາຍ… Startup ມືໃໝ່ມັກຈະພາວະນາໃຫ້ທຸລະກິດຂອງຕົວເອງກ້າວໜ້າ ແລະ ເຕີບໃຫຍ່ຢ່າງໄວວາ. ແຕ່ບາງຄັ້ງການທີ່ເຮົາປະສົບຄວາມສໍາເລັດແບບກ້າວກະໂດດກໍຈະເປັນອັນຕະລາຍໃຫ້ກັບທຸລະກິດໄດ້ ເຊັ່ນ ບໍ່ມີຄວາມພ້ອມໃນການຮັບມືກັບຄວາມປ່ຽນແປງ, ຕັດສິນໃຈແກ້ໄຂບັນຫາບໍ່ທັນ, ບໍ່ມີແຜນຮັບມືໃນເລື່ອງຕ່າງໆ ແລະ ຫຼາຍໆເລື່ອງ ໂດຍເຮົາສາມາດສຶກສາໄດ້ຈາກບົດຮຽນຂອງຜູ້ປະກອບການທີ່ເຕີບໃຫຍ່ຢ່າງໄວວາ ຈະສົ່ງຜົນທະໃນທາງລົບຕໍ່ທຸລະກິໄດ້ ເລີ່ມຈາກ: ວັດທະນະທໍາອົງກອນໄດ້ຮັບຜົນກະທົບ ໜຶ່ງບັນຫາສໍາຄັນທີ່ບໍ່ມີໃຜຄາດຄິດກໍຄື ເມື່ອບຸກຄະລິກກະພາບ ແລະ ວັດທະນະທໍາອົງກອນຍັງບໍ່ແຂງແຮງ ຫຼືຍັງບໍ່ເປັນໄປຕາມໂຄສະນາ ຫຼືປະຊາສໍາພັນອອກໄປ. ແບຣນຍ່ອມໄດ້ຮັບຜົນກະທົບ ແລະ ຖືກກ່າວຫາວ່າສ້າງພາບໄດ້ງ່າຍໆ ຕົວຢ່າງ: ເຮົາບອກໄປເວົ້າວ່າ ທຸລະກິດຂອງເຮົາໃນຕອນນີ້ເປັນສັງຄົມແຫ່ງຄວາມສະເໝີພາບ, ຍຶດໝັ້ນຫຼັກຄວາມເທົ່າທຽມກັນ. ແຕ່ຄົນໃນບໍລິສັດກີດກັນເພດທີສາມ ຫຼືບໍ່ໃຫ້ໂອກາດຜູ້ພິການເຂົ້າເຮັດວຽກດ້ວຍອັກຄະຕິສ່ວນຕົວ ແບບນີ້ເອີ້ນວ່າຂັດກັບຄວາມເປັນຈິງ ແລະ ຈະຖືກໂຈມຕີໃນທີ່ສຸດ. ສິ່ງທີ່ຕ້ອງເຮັດ: ໃນໄລຍະທໍາອິດ ເຮົາສາມາດຫຼໍ່ຫຼອມວັດທະນະທໍາອົງກອນໄດ້ບໍ່ຍາກ ເພາະມີຈໍານວນພະນັກງານບໍ່ເທົ່າໃດຄົນ ແລະ ເມື່ອຕ້ອງຂະຫຍາຍທຸລະກິດ ພະຍາຍາມຊອກວິທີໃຫ້ແນ່ໃຈວ່າໄດ້ປູກຝັງວັດທະນະທໍາທີ່ດີ ແລະ ແບບດຽວກັນໃຫ້ພະນັກງານທຸກຄົນແລ້ວ. ຄວາມຊັບຊ້ອນທາງດ້ານການເງິນ ຫາກທຸລະກິດຂອງເຮົາເຕີບໃຫຍ່ຂຶ້ນຢ່າງໄວວາດ້ວຍເງິນຈາກນັກລົງທຶນ ເຊິ່ງຫຼາຍຄົນເບິ່ງວ່າເປັນເລື່ອງທີ່ດີ, ໃນຂະນະທີ່ບາງຄົນເບິ່ງວ່າເປັນຝັນຮ້າຍ. ຄວາມຈິງທຸລະກິດກໍມີທັງດ້ານບວກ ແລະ ດ້ານລົບ ໂດຍໃນດ້ານລົບນັ້ນຜູ້ໃຫ້ເງິນສະໜັບສະໜູນຍ່ອມຫວັງຜົນຕອບແທນ, ອາດຈະຄອຍເບິ່ງເຮົາທຸກກ້າວຍ່າງ, ຄອຍຄວບຄຸມ ແລະ ຮ້າຍແຮງໄປກວ່ານັ້ນຄືອອກຄໍາສັ່ງກັບເຮົາໂດຍກົງ. ສິ່ງທີ່ຕ້ອງເຮັດ: ກ່ອນຈະຂໍເງິນຈາກແຫຼ່ງທຶນໃດໆ ພະຍາຍາມເຮັດວຽກບ້ານໃຫ້ດີວ່າ ຜູ້ໃຫ້ເງິນຕ້ອງການຫຍັງຈາກເຮົາ ແລະ ...

ແຜນທຸລະກິດດີ!!! ມີປະໂຫຍດແນວໃດ?   SME ຫຼາຍຄົນມັກເຂົ້າໃຈວ່າ ຈະຂຽນແຜນທຸລະກິດກໍຕໍ່ເມື່ອຈະຂໍສິນເຊື່ອຈາກສະຖາບັນການເງິນເທົ່ານັ້ນ ຫຼືບາງຄົນຄິດວ່າທຸລະກິດຂອງຕົນເອງເປັນພຽງ SME ນ້ອຍໆ ມີຍອດຂາຍບໍ່ເທົ່າໃດ. ຈຶ່ງບໍ່ມີຄວາມຈໍາເປັນຕ້ອງເຮັດແຜນທຸລະກິດກໍໄດ້. ແຕ່ຄວາມຈິງແລ້ວ ເຖິງວ່າຈະບໍ່ຂໍສິນເຊື່ອຈາກສະຖາບັນການເງິນ, ການຂຽນແຜນທຸລະກິດເປັນສິ່ງສໍາຄັນ ເພາະແຜນທຸລະກິດເປັນເໝືອນເຄື່ອງມືທີ່ຈະເຮັດໃຫ້ສາມາດບໍລິຫານຈັດການທຸລະກິດ ທັງໃນມື້ນີ້ ແລະ ໃນຕໍ່ໜ້າໄດ້ຢ່າງລາບລື່ນ… ລອງມາເບິ່ງນໍາກັນວ່າແຜນທຸລະກິດມີປະໂຫຍດແນວໃດ? ມີສິ່ງຕ່າງໆຫຼາກຫຼາຍທີ່ຕ້ອງຄໍານຶງເຖິງເມື່ອເຮັດທຸລະກິດເຊັ່ນ: ໂລເຄຊັ່ນ, ອຸປະກອນ, ບຸກຄະລາກອນ, ໄລຍະເວລາ ແລະອື່ນໆ. ຫາກສາມາດລະບຸສິ່ງຕ່າງໆເຫຼົ່ານີ້ລົງໃນແຜນທຸລະກິດ ກໍຈະເຮັດໃຫ້ບໍ່ລືມ, ເຮັດໃຫ້ສາມາດກວດສອບ, ທົບທວນ, ແກ້ໄຂຂໍ້ບົກຜ່ອງຕ່າງໆ ແລະ ໄດ້ຄິດຢ່າງຮອບຄອບຫຼາຍຂຶ້ນ ເຮັດໃຫ້ຄາດເດົາ ແລະ ກໍານົດທິດທາງຂອງທຸລະກິດໄດ້ຊັດເຈນຂຶ້ນ ຫຼາຍທຸລະກິດອາດຈະບອກວ່າ ເປັນການຍາກທີ່ຈະຄາດເດົາເຫດການອະນາຄົດໄດ້. ແຕ່ຖ້າຂຽນແຜນທຸລະກິດ ໂດຍການຄາດເດົາການຂາຍ, ເບິ່ງເທຣນຕະຫຼາດ, ການວິເຄາະການແຂ່ງຂັນ ແລະອື່ນໆ ກໍຈະເຮັດໃຫ້ສາມາດຄາດເດົາເຫດການໃນອະນາຄົດຂອງທຸລະກິດ ແລະ ເບິ່ງເຫັນທິດທາງຂອງທຸລະກິດຊັດເຈນຂຶ້ນ ແລະ ສິ່ງສໍາຄັນຄື ຈະສາມາດປ້ອງກັນ ຫຼືແກ້ໄຂບັນຫາທີ່ອາດຈະເກີດຂຶ້ນໄດ້ຢ່າງທ່ວງທັນ ຊ່ວຍວາງແຜນທາງການເງິນ ເພາະຜົນລັບທາງທຸລະກິດຄືກໍາໄລ-ຂາດທຶນ. ດັ່ງນັ້ນ ແຜນການເງິນຈຶ່ງເປັນສິ່ງທີ່ຕ້ອງມີໃນແຜນທຸລະກິດ ທີ່ສໍາຄັນຄົງບໍ່ມີໃຜສາມາດກາລັນຕີໄດ້ວ່າ ຈະສາມາດຊອກເງິນໄດ້ຕະຫຼອດໄປ. ການປະມານຍອດຂາຍ, ປະມານຕົ້ນທຶນ, ປະມານຄ່າໃຊ້ຈ່າຍ, ງົບດຸນ, ກະແສເງິນສົດ ...

ເລີ່ມຕົ້ນທຸລະກິດແນວໃດ? ໃຫ້ສ່ຽງໜ້ອຍທີ່ສຸດ…   ຄວາມສ່ຽງເປັນເລື່ອງປົກກະຕິໃນການເຮັດທຸລະກິດ ໂດຍສະເພາະໃນໄລຍະເລີ່ມຕົ້ນເປັນຜູ້ປະກອບການ ເຊິ່ງຖືວ່າຍັງເປັນມືໃໝ່ໃນວົງການ ແຕ່ຖ້າເຮົາກຽມມືກຽມໃຈໃຫ້ພ້ອມ ຫາກມີບັນຫາອຸປະສັກເຮົາກໍຈະສາມາດຜ່ານໄປໄດ້ດ້ວຍດີ ສໍາລັບມືໃໝ່ທີ່ຍັງກັງວົນເລື່ອງຄວາມສ່ຽງ ວ່າທຸລະກິດຈະໄປລອດ ຫຼືບໍ່? ລອງມາເບິ່ງເຄັດລັບເຫຼົ່ານີ້!!! ເລີ່ມຕົ້ນຈາກສິ່ງນ້ອຍໆ ຕາມກໍາລັງເງິນ ແລະ ຄົນທີ່ມີ ແຕ່ຖ້າກໍາລັງຄົນບໍ່ພໍໃຫ້ລອງໃຊ້ Out short ເພື່ອຈະໄດ້ບໍ່ຕ້ອງແບກຮັບພາລະຄ່າໃຊ້ຈ່າຍຂອງພະນັກງານປະຈໍາ ແລະ ຖ້າຢ້ານຄວາມສ່ຽງຫຼາຍໆ ກໍລອງເຮັດທຸລະກິດຄວບຄູ່ກັບວຽກປະຈໍາໄປ ເມື່ອທຸລະກິດຢູ່ຕົວຈຶ່ງຄ່ອຍລາອອກມາເຮັດທຸລະກິດແບບເຕັມຕົວ ຢ່າຕັ້ງເປົ້າທີ່ເກີນຄວາມຈິງ ເຖິງວ່າການຕັ້ງເປົ້າໝາຍຈະເປັນເລື່ອງທີ່ດີ ແຕ່ຄວນຕັ້ງເປົ້າທີ່ຄວນຈະເຮັດໄດ້ແທ້ ແລ້ວຄ່ອຍໆເພີ່ມເປົ້າໝາຍຂຶ້ນເທື່ອລະໜ້ອຍ ແຕ່ຖ້າບໍ່ສາມາດໄປເຖິງເປົ້າໝາຍທີ່ຕັ້ງໄວ້ໄດ້ ກໍຕ້ອງກັບມາທົບທວນວ່າເປັນຍ້ອນຫຍັງ? ແລະຫາທາງແກ້ໄຂບັນຫານັ້ນ ຮັບຟັງູວາມຄິດເຫັນຄົນອື່ນ ໄດ້ຮັບການສະໜັບສະໜູນຊ່ວຍເຫຼືອຈາກທັງລູກນ້ອງ, ໝູ່ເພື່ອນ ແລະ ຄູ່ຮ່ວມທຸລະກິດ ຈະຊ່ວຍໃຫ້ເຮົາເບິ່ງເຫັນຈຸດອ່ອນຂອງທຸລະກິດ ແລະ ສາມາດປັບປຸງໃຫ້ດີຂຶ້ນໄດ້ ຄວບຄຸມຄ່າໃຊ້ຈ່າຍໃຫ້ຢູ່ໃນລະດັບຕໍ່າ ໃນການເຮັດທຸລະກິດສິ່ງສໍາຄັນທີ່ສຸດແມ່ນເງິນ ໃນສ່ວນຂອງກະແສເງິນສົດເຊິ່ງເປັນເລື່ອງທີ່ຮັບເຂົ້າ ແລະຈ່າຍອອກໄປ ສະນັ້ນ ຕ້ອງຮູ້ຈັກເຮັດບັນຊີ ແລະເກັບເງິນໃຫ້ດີ ຢ່ານໍາເງິນຈໍານວນທີ່ເຮັດທຸລະກິດໄປໃຊ້ໃນເລື່ອງສ່ວນຕົວ ແລະ ໝັ່ນກວດສອບໃນສະຖານະໃນການເຮັດທຸລະກິດຕົນຢ່າງສະໝໍ່າສະເໝີ ໃຊ້ເທັກໂນໂລຍີຊ່ວຍ ປັດຈຸບັນເທັກໂນໂລຍີມີຄວາມກ້າວໜ້າຫຼາຍ ນອກຈາກຈະຊ່ວຍເພີ່ມປະສິດທິພາບໃນການເຮັດວຽກແລ້ວ ຍັງຊ່ວຍປະຢັດຕົ້ນທຶນເຊັ່ນ ການໃຊ້ຊ່ອງທາງອອນລາຍເຮັດການຕະຫຼາດເປັນຕົ້ນ. ຂອບໃຈທີ່ມາ: ww.smethailandclub.com

4 ບຸກຄະລິກທີ່ຕ້ອງມີ! ຖ້າຢາກສ້າງທຸລະກິດໃຫ້ເຂັ້ມແຂງ!!! ຄົນທຸກຄົນ ບໍ່ສະເພາະແຕ່ນັກທຸລະກິດ ລ້ວນແລ້ວແຕ່ມີຄວາມແຕກຕ່າງກັນ ບໍ່ວ່າຈະເປັນທາງດ້ານບຸກຄະລິກ, ຄວາມຄິດ, ຈິດໃຈ ແລະວິທີການເຮັດວຽກທີ່ມີເອກະລັກສະເພາະເປັນຂອງຕົວເອງ, ແຕ່ທ່ານຮູ້ໄດ້ແນວໃດ ວ່າບຸກຄະລິກທີ່ມີຄວາມເປັນເອກະລັກຂອງທ່ານນັ້ນ ຈະສາມາດນໍາພາທ່ານໄປສູ່ເປົ້າໝາຍ ທີ່ເອີ້ນວ່າຄວາມສໍາເລັດຂອງທ່ານໄດ້ ຫຼືບໍ່? ບາງຄົນມີຄວາມເຊື່ອໝັ້ນໃນຕົວເອງ ເຊື່ອວ່າ ດ້ວຍຄວາມສາມາດ, ຕົ້ນທຶນທີ່ຕົນເອງມີຢູ່ນັ້ນ ແນວໃດກໍຕ້ອງປະສົບຄວາມສໍາເລັດໄດ້ຢ່າງແນ່ນອນ… ແລະຄວາມຈິງແລ້ວ ບາງຄົນກໍສາມາດນໍາພາຕົນເອງໄປສູ່ເປົ້າໝາຍນັ້ນໄດ້ສໍາເລັດ, ແຕ່ບາງຄົນລົ້ມເຫຼວໃນລະຫວ່າງທາງ. ແລ້ວຈະເຮັດແນວໃດຈຶ່ງຈະປະສົບຄວາມສໍາເລັດໄດ້? ສໍາລັບນັກທຸລະກິດທັງທີ່ໄຟ່ຝັນຢາກຈະນໍາພາຕົນເອງໄປໃຫ້ເຖິງຝັນ ດ້ວຍການສ້າງທຸລະກິດໃຫ້ເຂັ້ມແຂງໄປໄດ້ຕະຫຼອດທາງ ຢາກໃຫ້ລອງມາອ່ານບົດຄວາມນີ້!!! ຜູ້ປະກອບການ ໃນຕອນທໍາອິດຂອງທຸລະກິດ ເກືອບທຸກຄົນຈະມີຄວາມຕື່ນເຕັ້ນ, ມີ Idea ຫຼາກຫຼາຍ, ເຮັດວຽກຢ່າງໄວວາ ແລະຮູ້ສຶກມ່ວນໄປກັບການສ້າງສັນສິ່ງຕ່າງໆ ເຊິ່ງນີ້ເປັນບຸກຄະລິກທີ່ຄວນມີຕິດຕົວຢູ່ຕະຫຼອດ ເພາະຈະຊ່ວຍຊຸກຍູ້ໃຫ້ເຮັດສິ່ງໃໝ່ໆ ແລະສ້າງສັນຜົນງານທີ່ດີອອກມາ. ແຕ່ແນວໃດກໍຕາມ ໃນການເຮັດທຸລະກິດມີໂອກາດພົບບັນຫາທາງການເງິນ, ການດໍາເນີນວຽກ ແລະ ການບໍລິຫານເຊິ່ງບໍ່ສາມາດແກ້ໄຂໄດ້ດ້ວຍບຸກຄະລິກແບບຜູ້ປະກອບການພຽງບຸກຄະລິກດຽວ ດັ່ງນັ້ນ, ຈໍາເປັນຕ້ອງມີບຸກຄະລິກອື່ນຮ່ວມດ້ວຍ. ນັກລົງທຶນ ໃນຖານະນັກລົງທຶນຕ້ອງໃຫ້ຄວາມສໍາຄັນ ກັບເລື່ອງການເງິນ ແລະ ການວາງແຜນຄາດເດົາຕ່າງໆ. ນອກຈາກນີ້ ຕ້ອງມີຄວາມເຂົ້າໃຈກັບສະພາບຂອງຕົນເອງໃນປັດຈຸບັນ ແລະໃນອະນາຄົດ ທັງໃນໄລຍະສັ້ນ, ໄລຍະກາງ ແລະໄລຍະຍາວ ຕ້ອງເຂົ້າໃຈເລື່ອງກະແສເງິນສົດ ແລະຕ້ອງກໍາຈັດຕັດສິນໃຈ ດ້ວຍອາລົມອອກໄປ ເພື່ອຈະໄດ້ຕັດສິນໃຈໄດ້ຢ່າງຖືກຕ້ອງ. ...

LEAN Startup ໄວຢ່າງດຽວບໍ່ພໍ ຕ້ອງ LEAN ນໍາ… Startup ຈະບໍ່ມີທາງເຂົ້າໃຈລູກຄ້າໄດ້ເລີຍຖ້າຕ້ອງນັ່ງປະຊຸມມື້ລະ 6-8 ຊົ່ວໂມງ ຍິ່ງໃຊ້ເວລາດົນເທິງໂຕະເຮັດວຽກເທົ່າໃດ ກໍຍິ່ງສ້າງຂອງເສຍ (Waste) ຫຼາຍຂຶ້ນເທົ່ານັ້ນ, ເພາະຄໍາຕອບທີ່ຢູ່ເທິງໂຕະເຮັດວຽກ ບໍ່ແມ່ນຂໍ້ມູນຂອງຕະຫຼາດໃນມື້ນັ້ນ… ທີ່ຜ່ານມາຫຼາຍໆບໍລິສັດທັງນ້ອຍ ແລະໃຫຍ່ພະຍາຍາມສ້າງນະວັດຕະກໍາ ແຕ່ສິ່ງທີ່ເກີດຂຶ້ນພັດກົງກັນຂ້າມ. ເພາະມີບໍລິສັດໜ້ອຍທີ່ສຸດທີ່ຈະປະສົບຄວາມສໍາເລັດ ສາມາດສ້າງນະວັດຕະກໍາອອກມາເປັນຮູບເປັນຮ່າງໄດ້ ເຫດຜົນທີ່ບໍ່ສາມາດພັດທະນານະວັດຕະກໍາໄດ້ສໍາເລັດ ສ່ວນໜຶ່ງເປັນຍ້ອນຄິດໃຫຍ່ເກີນໄປຈົນສ້າງບໍ່ໄຫວ, ດ້ວຍຂໍ້ຈໍາກັດຂອງເວລາ, ເງິນທຶນ, ທີມງານ ແລະຄວາມຮູ້. ແລະອີກເຫດຜົນໜຶ່ງກໍຄືການທີ່ຖືກສັ່ງສອນມາໃຫ້ອ້າງອີງຈາກຕໍາລາຮຽນຫຼາຍກວ່າການທົດລອງແທ້ ເຊິ່ງກົງກັນຂ້າມກັບການຮຽນຮູ້ທຸລະກິດຂອງທາງ ສິລິຄອນ ວັລເວ ທີ່ໃຊ້ວິທີການເຮັດທຸລະກິດໃຫ້ເປັນການເຮັດວຽກເທິງສະໜາມທົດລອງ. ໃນເວລານີ້ ແນວຄິດ LEAN Startup ກໍາລັງມີຊື່ສຽງຫຼາຍໃນປະເທດເພື່ອນບ້ານເຮົາ ເຊິ່ງແນວຄວາມຄິດຂອງ LEAN Startup ຄືໂຟກັສໃຫ້ນ້ອຍທີ່ສຸດວ່າ ແມ່ນຫຍັງຄືສິ່ງທີ່ຈໍາເປັນຕ້ອງຮຽນຮູ້, ສ້າງແລ້ວອອກທົດສອບ, ຈັດການວັດຜົນ ແລະເອົາຂໍ້ມູນກັບມາຮຽນຮູ້ເພື່ອພັດທະນາສິ່ງທີ່ດີຂຶ້ນໄປອີກ ເປັນຂະບວນການຜະລິດນະວັດຕະກໍາໃຫ້ເກີດຂຶ້ນໃນອົງກອນຕະຫຼອດເກືອບ 30 ມື້ຕໍ່ເດືອນ, ດ້ວຍຫຼັກການພື້ນຖານທີ່ວ່າ ຫຼຸດໄລຍະເວລາຂອງການສ້າງ-ວັດຜົນ-ຮຽນຮູ້ (Build Measure Learn) ຄໍາສັບສະເພາະສໍາລັບ LEAN Startup ຄື Riskiest Assumption Test ...