Author Archives: admin target

ການຟື້ນຟູວິສາຫະກິດແມ່ນຫຍັງ? (ຕອນທີ 1)

ກົດໝາຍວ່າດ້ວຍການຟື້ນຟູ ແລະ ລົ້ມລະລາຍຂອງວິສາຫະກິດມີຜົນສັກສິດແຕ່ເດືອນມິຖຸນາ 2020. ມື້ນີ້ ຂ້າພະເຈົ້າຂໍແລກປ່ຽນບາງພື້ນຖານທີ່ສຳຄັນຂອງກ່ຽວກັບການຟື້ນຟູວິສາຫະກິດຕາມກົດໝາຍດັ່ງກ່າວ ຄື: 1. ການຟື້ນຟູວິສາຫະກິດ ແມ່ນຫຍັງ? ການຟື້ນຟູວິສາຫະກິດ ແມ່ນການແກ້ໄຂບັນຫາຂອງວິສາຫະກິດ ທີ່ປະສົບຄວາມຫຍຸ້ງຍາກທາງດ້ານການເງິນ ຊຶ່ງບໍ່ສາມາດຊຳລະໜີ້ສິນໄດ້ຂອງຕົນໄດ້. ຕົວຢ່າງ: ບໍລິສັດບໍລິການຈັດງານປະຊາສຳພັນແຫ່ງໜຶ່ງປະສົບຄວາມຫຍຸ້ງຍາກຈາກການຂາດສະພາບຄ່ອງຂອງທາງດ້ານການເງິນຢ່າງໜັກໜ່ວງ ຍ້ອນສະພາບການລະບາດຂອງພະຍາດປອດອັກເສບໂຄວິດ-19 ຊຶ່ງເຮັດໃຫ້ມີຜົນກະທົບຕໍ່ການດໍາເນີນທຸລະກິດຂອງບໍລິສັດ, ລູກຄ້າຂອງບໍລິສັດຍົກເລີກ ງານປະຊາສຳພັນສິນຄ້າ, ບໍລິສັດຕ້ອງໄດ້ຊໍາລະເງິນກູ້ຢືມຈາກທະນາຄານ, ບໍລິສັດຕ້ອງແບກຫາບເງິນເດືອນກຳມະກອນ ແລະ ພະນັກງານບໍລິສັດ ແລະ ອືື່ນໆ ນີ້ເປັນສະພາບຄວາມຫຍຸ້ງຍາກທາງດ້ານການເງິນ ຊຶ່ງບໍລິສັດ ກຳລັງປະສົບບັນຫາ ແລະ ເຫັນວ່າຕົນເອງອາດຈະຕົກຢູ່ໃນ “ວິສາຫະກິດທີ່ໃກ້ຈະຢູ່ໃນສະພາວະລົ້ມລະລາຍ”. ວິສາຫະກິດທີ່ໃກ້ຈະຢູ່ໃນສະພາວະລົ້ມລະລາຍ ແມ່ນສະພາບທີ່ວິສາຫະກິດຍັງບໍ່ທັນຢູ່ໃນສະພາວະລົ້ມລະ ລາຍ ແຕ່ວິສາຫະກິດດັ່ງກ່າວຮູ້ວ່າຕົ້ນມີຄວາມຫຍຸ້ງຍາກທາງດ້ານເງິນ ຈະບໍ່ສາມາດໃຊ້ແທນໜີ້ສິນໄດ້ ແລະ ອາດຈະລົ້ມລະລາຍໃນອະນາຄົດອັນໃກ້ໆນີ້. ເມື່ອມີຄວາມຫຍຸ້ງຍາກທາງດ້ານການເງິນ ຫຼື ຢູ່ໃນສະພາບທີ່ໃກ້ຈະຢູ່ໃນສະພາວະລົ້ມລາຍລາຍດັ່ງກ່າວ ວິສາຫະກິດເອງ, ເຈົ້າໜີ້ຂອງວິສາຫະກິດ, ບັນດາກຳມະກອນ, ຫຼື ພະນັກງານ/ກຳມະກອນຂອງວິສາຫະກິດສາມາດຮ້ອງຂໍຕໍ່ສານໃຫ້ຟື້ນຟູວິສາຫະກິດດັ່ງກ່າວ. 2. ເປັນຫຍັງຈຶ່ງຕ້ອງຂໍຟື້ນຟູວິສາຫະກິດ? ການຟື້ນຟູວິສາຫະກິດຈະຊ່ວຍ: (1). ເຮັດໃຫ້ເຈົ້າຂອງກິດຈະການ ຫຼື ບໍລິສັດໃດໜຶ່ງໄດ້ສາມາດສືບຕໍ່ດຳເນີນທຸລະກິດຂອງຕົນໄດ້ຕາມ “ແຜນຟື້ນຟູວິສາຫະກິດ”, ຖ້າໄດ້ຮັບການອະນຸມັດຈາກບັນດາເຈົ້າໜີ້; ແລະ (2). ໄດ້ຮັບການປົກປ້ອງຊັບສິນຂອງຕົນຈາກການດຳເນີນການທາງດ້ານກົດໝາຍຂອງເຈົ້າໜີ້ ເພື່ອເຮັດໃຫ້ລູກໜີ້ໄດ້ສືບຕໍ່ດຳເນີນກິດຈະການຂອງຕົນຕາມແຜນຟື້ນຟູວິສາຫະກິດ, ...

Read More »

ຈີນ ຍິງສົ່ງດາວທຽມສໍາຫຼວດໄລຍະໄກປະສົບຜົນສຳເລັດ

ວິທະຍຸສາກົນແຫ່ງປະເທດຈີນລາຍງານວ່າ: ໃນວັນທີ 24 ກຸມພາທີ່ຜ່ານມາ, ສູນສົ່ງດາວທຽມ ຈິວສຽນ ໄດ້ຍິງຈະຫຼວດຂົນສົ່ງສາງເຈິງ-4 ເພື່ອສົ່ງດາວທຽມໄປສຳຫຼວດໄລຍະໄກໝາຍເລກ 31 ດວງທີ 3 ເຂົ້າສູ່ວົງໂຄຈອນ ໃນອາວະກາດຢ່າງປະສົບຜົນສຳເລັດ. ດາວທຽມດວງນີ້ ຈະໃຊ້ປະໂຫຍດເຂົ້າໃນການສຳຫຼວດສະພາບແວດລ້ອມຄື້ນແມ່ເຫຼັກໄຟຟ້າ ແລະ ປະຕິບັດການທົດລອງທາງດ້ານເຕັກໂນໂລຊີທີ່ກ່ຽວຂ້ອງ.

Read More »

ສ.ເກົາຫລີ ເລີ່ມສັກວັກຊິນປ້ອງກັນໂຄວິດ-19ໃຫ້ປະຊາຊົນ

ຕາມ​ຂ່າວ​ຈາກ​ ນະຄອນຫລວງ ​ເຊ​ອຸ​ນ,​ ກະຊວງ​ ສາທາລະນະ​ສຸກ​ ຂອງ ສ.​ເກົາຫລີ ​ເລີ່​ມສັກ​ວັກ​ຊິນ ​ປ້ອງ​ກັນ ​ໂຄ​ວິດ-19 ​ໃຫ້​ແກ່​ ປະຊາຊົນ ​ໂດຍ​ສະ​ເພາະ ​ຜູ້​​ເບິ່ງ​ແຍງ​ ຜູ້​ສູງ​ອາຍຸ ບໍ່​ເກີນ 65ປີ ລວມ 5.266 ຄົນ​ ຈາກສູນ​ເບິ່ງ​ແຍງ ​ຜູ້​ສູງ​ອາຍຸ 213​ ແຫ່ງ ທົ່ວ​ປະ​ເທດ ​ເປັນ​ກຸ່ມ​ຄົນ​ ທຳ​ອິດ ທີ່​ໄດ້​ຮັບ ​ວັກ​ຊິນ ຢ່າງ​ເປັນ​ທາງ​ການ ໃນວັນ​ທີ26​ກຸມພາ​ນີ້ ​ເປັນ​ວັກ​ຊິນ ທີ່​ຜະລິດ​ໂດຍ ບໍລິສັດ ​ແອ​ສຕຣາ​ເຊ​ເນ​ກາ-​ເອສ​ເຄ ​ໄບ​ໂອ ຂອງ​ສ.​ເກົາຫລີ ​ໄດ້​ຮັບ​ຮັບ​ຖ່າຍ​ທອດ ​ເຕັກ​ໂນ​ໂລ​ຊີ ຈາກ​ບໍລິສັດ ​ແອ​ສຕຣາ ​ເຊ​ເນ​ກາ ຮ່ວມ​ກັບ ມະຫາ ວິທະຍາ​ໄລ ອ໋ອກສຟອດ ຂອງ​ອັງກິດ. ຂະນະ​ທີ່ ວັນ​ທີ 27ກຸມພາ​ນີ້ ສ.​ເກົາ​ລີ ​ເລີ່​ມສັກ​ ວັກ​ຊິນ​ອີກ 117.000 ຫລອດ ​ຂອງ​ໄຟ​ເຊີ/​ໄບ​​ໂອ ​ເອັນ​ເທ​ັກ ນຳ​ເຂົ້າມາ​ຈາກ ​ຕ່າງປະ​ເທດ ​ໂດຍ​ບຸກຄະລາ​ກອນ ...

Read More »

ຮຽກຮ້ອງໃຫ້ G20 ເພີ່ມທະວີການໜູນຊ່ວຍປະເທດທຸກຍາກ

ວິທະຍຸກະຈາຍສຽງຫວຽດນາມລາຍງານວ່າ: ໃນຈົດໝາຍສົ່ງໄປຍັງບັນດາເຈົ້າໜ້າທີ່ການເງິນ ກຸ່ມບັນດາພື້ນຖານເສດຖະກິດພັດທະນາ ແລະ ພົ້ນເດັ່ນຂຶ້ນ (G20), ທ່ານ ນາງ ເຈເນດ ເຢວເລນ ກ່າວວ່າ: ການຈັດແບ່ງ SDR ຄັ້ງໃໝ່ອາດຈະຊ່ວຍເພີ່ມທະວີຄວາມສາມາດໃນການຊຳລະໃຫ້ແກ່ບັນດາປະເທດທຸກຍາກ.ຂ່າວລະບຸວ່າ: ວັນທີ 25 ກຸມພາຜ່ານມາ, ທ່ານ ນາງ ເຈເນດ ເຢວເລນ ລັດຖະມົນຕີກະຊວງການເງິນ ອາເມຣິກາ ໄດ້ສະແດງການສະໜັບສະໜູນການຈັດແບ່ງສິດຖອນເງິນພິເສດ (SDR) ຄັ້ງໃໝ່ ຢູ່ກອງທຶນເງິນຕາສາກົນ (IMF) ເພື່ອແນໃສ່ໜູນຊ່ວຍບັນດາປະເທດທຸກຍາກ. ເຖິງຢ່າງໃດກໍ່ຕາມ, ທ່ານນາງ ເຈເນດ ເຢວເລນ ກ່າວຕື່ມວ່າ: ຕ້ອງມີບັນດາໂຕເລກລວມ ເພື່ອຮັບປະກັນລັກສະນະໂປ່ງໃສ ກ່ຽວກັບວິທີການ ທີ່ໄດ້ຮັບການນຳໃຊ້ ແລະ ແລກປ່ຽນຄ້າຂາຍຈາກ SDR. ໃນຈົດໝາຍສົ່ງໄປຍັງບັນດາເຈົ້າໜ້າທີ່ການເງິນ G20, ທ່ານ ນາງ ເຈເນດ ເຢວເລນ ກ່າວວ່າ: ການຈັດແບ່ງ SDR ຄັ້ງໃໝ່ ອາດຈະຊ່ວຍເພີ່ມທະວີຄວາມສາມາດໃນການຊຳລະໃຫ້ແກ່ບັນດາປະເທດ ທຸກຍາກ ກໍ່ຄືໜູນຊ່ວຍບັນດາຄວາມພະຍາຍາມຟື້ນຟູເສດຖະກິດ ແລະ ສາທາລະນະສຸກທີ່ຈຳເປັນຂອງເຂົາເຈົ້າ. ໂດຍກ່ຽວຂ້ອງເຖິງບັ້ນຕໍ່ສູ້ຕ້ານໂຣກລະບາດໂຄວິດ – 19, ທ່ານ ...

Read More »

ເງິນໂອນຜິດເຂົ້າບັນຊີ ສົ່ງດີ ຫຼື ບໍ່?

ເມື່ອເວລາທີ່ມີເງິນຖືກໂອນເງິນເຂົ້າບັນຊີເງິນຝາກໂດຍບໍ່ຮູ້ວ່າແມ່ນໃຜສົ່ງໃຫ້ ຫຼື ຮູ້ວ່າບໍ່ມີໃຜເປັນໜີ້ຕົນ… ຄົນສ່ວນຫຼາຍມັກຈະຄິດວ່າ ເງິນທີ່ໂອນເຂົ້າບັນຊີຂອງໂຕເອງແບບຫຼົງຜິດແບບນີ້ “ເປັນໂຊກລາບ” ຫຼື “ລາບລອຍ” ແລະ ບໍ່ສົ່ງຄືນ. ບັນຫາແບບນີ້ກົດໝາຍວ່າແນວໃດ?. ໃນມື້ນີ້ພວກເຮົາມາສ້າງຄວາມເຂົ້າໃຈກັນກ່ຽວກັບເລື່ອງນີ້ໃນທາງກົດໝາຍ. ກ່ອນອື່ນໝົດ ຜູ້ຂຽນຂໍນຳສະເໜີວັກໜຶ່ງຂອງ ມາດຕາ 503 ປະມວນກົດໝາຍແພ່ງລາວ, ຊຶ່ງມີຜົນສັກສິດແຕ່ວັນທີ 27 ພຶດສະພາ 2020 ທີ່ຜ່ານມານີ້, ກຳນົດໄວ້ວ່າ: “ບຸກຄົນໃດຫາກໄດ້ຮັບຊັບສິ່ງຂອງ ຫຼື ຜົນປະໂຫຍດຂອງບຸກຄົນອື່ນໂດຍເຈດຕະນາ ຊຶ່ງຮູ້ວ່າຕົນບໍ່ມີສິດຮັບຊັບສິ່ງຂອງ ຫຼື ຜົນປະໂຫຍດນັ້ນ, ບຸກຄົນດັ່ງກ່າວ ຕ້ອງສົ່ງຊັບສິ່ງຂອງ ຫຼືຜົນປະໂຫຍດນັ້ນຄືນໃຫ້ຜູ້ເປັນເຈົ້າຂອງ ພ້ອມທັງໝາກຜົນ ນັບແຕ່ເວລາທີ່ໄດ້ຮັບເປັນຕົ້ນໄປ”. ຈາກມາດຕາ 503 ນີ້, ການໄດ້ຮັບເງິນທີ່ຖືກໂອນເຂົ້າຜິດບັນຊີ ຫຼື ຫຼົງບັນຊີ ໂດຍທີ່ຮູ້ວ່າແມ່ນໃຜເປັນຜູ້ໂອນໃຫ້ຖືວ່າເປັນການຮັບຊັບສິ່ງຂອງ ຫຼື ຜົນປະໂຫຍດ ທີ່ບໍ່ມີພື້ນຖານທາງດ້ານກົດໝາຍ, ນັ້ນໝາຍຄວາມວ່າ ຜູ້ຮັບເງິນດັ່ງກ່າວຕ້ອງສົ່ງຄືນ ຫຼື ໂອນຄືນໃຫ້ເຈົ້າຂອງບັນຊີ-ເຈົ້າຂອງເງິນນັ້ນ. ເຈົ້າຂອງເງິນ ຫຼື ເຈົ້າຂອງບັນຊີ ກໍມີສິດຮຽກຮ້ອງໃຫ້ ຜູ້ຮັບໂອນເງິນທີ່ໂອນຜິດນັ້ນກັບຄືນໃຫ້ຕົນໄດ້ເຊັ່ນດຽວກັນ. ໃນກໍລະນີທີ່ຜົນປະໂຫຍດ ຫຼື ຊັບສິ່ງຂອງນັ້ນຫາກເກີດດອກອອກຜົນ ເຊັ່ນ: ດອກເບ້ຍເງິນຝາກ, ຜູ້ຮັບເງິນທີ່ໂອນເຂົ້າບັນຊີດ້ວຍຄວາມຫຼົງຜິດນັ້ນ ຜູ້ຮັບຊັບດັ່ງກ່າວກໍຕ້ອງໂອນດອກເບ້ຍສົ່ງຄືນເຈົ້ເຈົ້າຂອງເງິນເຊັ່ນດຽວກັນ. ...

Read More »

ເຄັດລັບຄວາມສໍາເລັດໃນການສ້າງທຸລະກິດ 100 ປີ ແບບຈິດວິນຍານຍີ່ປຸ່ນ

ຈາກບົດຄວາມທີ່ແລ້ວ”ຄູເຊັ່ງ”ໄດ້ແບ່ງປັນຄວາມຮູ້ກ່ຽວກັບຜູ້ປະກອບການທີ່ດີຄວນມີຈິດວິນຍານແຫ່ງຄວາມເປັນມະນຸດສູງ. ຈິດວິນຍານຂອງຄວາມເປັນມະນຸດກໍໝາຍເຖິງ ໃນຖານະເຮົາທີ່ກໍາເນີດເກີດມາເປັນມະນຸດຄົນໜຶ່ງເຮົາຄວນເຮັດສິ່ງທີ່ຖືກຕ້ອງ ແລະ ເປັນທໍາແກ່ຕົນເອງ, ແກ່ຄອບຄົວ, ແກ່ພະນັກງານໃນອົງກອນ, ສັງຄົມ, ສິ່ງແວດລ້ອມ ແລະ ປະເທດຊາດ. ຍົກຕົວຢ່າງຖ້າຫາກວ່າເຮົາທໍາລາຍສິ່ງແວດລ້ອມດ້ວຍການຕັດຕົ້ນໄມ້ 100 ຕົ້ນ ເພື່ອຂະຫຍາຍຫົນທາງ. ເຮົາກໍຄວນປູກທົດແທນຄືນໃຫ້ຫຼາຍກວ່າ 100 ຕົ້ນ ນີ້ແມ່ນສິ່ງທີ່ຖືກຕ້ອງ ແລະສົມຄວນເຮັດໃນຖານະທີ່ເປັນມະນຸດ ເພາະຖ້າຫາກບໍ່ແມ່ນກໍລະນີຈໍາເປັນທີ່ສຸດ ແລ້ວການຕັດຕົ້ນໄມ້ 100 ຕົ້ນນັ້ນ ຖືເປັນສິ່ງທີ່ຜິດຕໍ່ທຳມະຊາດຢ່າງມະຫັນ. ຖ້າເຮົາເປັນພະນັກງານລັດ ຫຼື ພະນັກງານເອກະຊົນ ທີ່ເຮັດວຽກມື້ລະ 8 ຊົ່ວໂມງ. ເຮົາກໍຄວນເຮັດວຽກໃຫ້ຄົບຖ້ວນ 8 ຊົ່ວໂມງ ຫຼື ຫຼາຍກ່ວານັ້ນ ຈຶ່ງເປັນສິ່ງຖືກຕ້ອງ ແລະ ເປັນທໍາໃນຖານະທີ່ເປັນມະນຸດ, ຖ້າຫາກເຮົາລັກລອບເວລາ, ລັກອອກໄປເຮັດວຽກສ່ວນຕົວ ຫຼື ກັບບ້ານກ່ອນໂມງ ນີ້ແມ່ນການທໍາລາຍຈິດວິນຍານຂອງຄວາມເປັນມະນຸດຂອງຕົວທ່ານເອງ ເປັນການບໍ່ໃຫ້ກຽດ ແລະ ບໍ່ນັບຖືຕົນເອງ ຈຶ່ງເຮັດໃຫ້ແສງສະຫວ່າງແຫ່ງຈິດວິນຍານຂອງຄົນຜູ້ນັ້ນເສື່ອມໂຊມລົງໄປ.  ມື້ນີ້”ຄູເຊັ່ງ”ຂໍເລົ່າຊີວະປະຫວັດ ແລະ ເວົ້າເຖິງຈຸດພິເສດໃນການບໍລິຫານທຸລະກິດ ຂອງບັນດາຜູ້ນໍາອົງກອນທີ່ໃຊ້ຈິດວິນຍານແຫ່ງຄວາມເປັນມະນຸດສູງ ເພື່ອໃຫ້ພວກເຮົາໄດ້ນໍາເອົາບົດຮຽນທີ່ສາມາດໃຊ້ໄດ້ຈິງ ໄປໝູນໃຊ້ເຂົ້າໃນການດໍາລົງຊີວິດ ແລະ ວຽກງານທຸລະກິດຂອງພວກທ່ານ.  ບຸກຄົນທີ່ໜຶ່ງກໍຄື ທ່ານ ໂຄໂນະຊຶເກະ ມັດຊຶຊິຕະ ...

Read More »

ລັດຖະບານໄທມອບນໍ້າຢາ ກວດຫາເຊື້ອພະຍາດໂຄວິດ 19 ໃຫ້ລັດຖະບານ ສປປ ລາວ ມູນຄ່າ 15.000 ກວ່າໂດລາສະຫະລັດ

ຕອນບ່າຍວັນທີ 26 ກຸມພາ 2021 ທີ່ສູນວິເຄາະ ແລະລະບາດວິທະຍາ ກະຊວງສາທາລະນະສຸກ ລັດຖະບານໄທ ໄດ້ມອບນໍ້າຢາ ກວດຫາເຊື້ອພະຍາດໂຄວິດ 19 ໃຫ້ລັດຖະບານລາວ ຈໍານວນ 250ກ່ອງ ຫລື 10.000ຊຸດ, ມູນຄ່າ 15.625 ໂດລາສະຫະລັດ, ກ່າວມອບໂດຍທ່ານນາງ ອຸຣະວະດີ ສິພິຣົມ ອັກຄະຣະສະທູດແຫ່ງຣາຊະອານາຈັກໄທ ປະຈໍາ ສປປ ລາວ ,ກ່າວຮັບໂດຍທ່ານ ສົມຈິດ ພາວິໄລ ຮອງຫົວໜ້າຫ້ອງການກະຊວງສາທາລະນະສຸກ ໂດຍມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ. ທ່ານ ສົມຈິດ ພາວິໄລ ຮອງຫົວໜ້າຫ້ອງການກະຊວງສາທາລະນະສຸກ ກ່າວວ່າ: ຜ່ານມາ ສປປ ລາວ ກໍໄດ້ຮັບການຊ່ວຍເຫລືອ ແລະຮ່ວມມືເປັນຢ່າງດີໃນຫລາຍດ້ານ ບໍ່ວ່າຈະເປັນດ້ານການຄ້າ, ຄົມມະນາຄົມ ແລະດ້ານສາທາລະນະສຸກ ເຊິ່ງສະແດງອອກໃຫ້ເຫັນໃນສະພາບປະຈຸບັນ ໃນການຮ່ວມມືປ້ອງກັນ ແລະຄວບຄຸມການລະບາດຂອງພະຍາດໂຄວິດ19 ໂດຍສະເພາະແມ່ນຢູ່ບໍລິເວນແຂວງຊາຍແດນ ເຊິ່ງລັດຖະບານແຫ່ງຣາຊະອານາຈັກໄທ ໄດ້ພະຍາຍາມຊ່ວຍເຫລືອໃນການຄັດກອງ ແລະສະກັດກັ້ນ ການເຂົ້າອອກຂ້າມແດນລະຫວ່າງສອງປະເທດ ລວມທັງຊ່ວຍເຫລືອການກັກກັນຢູດ່ານ ກ່ອນສົ່ງຜູ້ອອກແຮງງານກັບຄືນປະເທດ ໃນໄລຍະທີ່ມີການລະບາດຂອງພະຍາດໂຄວິດ19. ພວກຂ້າພະເຈົ້າໃຫ້ຄໍາໝັ້ນສັນຍາວ່າ ຈະນໍາໃຊ້ຊຸດນໍ້າຢາກວດພະຍາດໂຄວິດ19 ນີ້ ເຂົ້າໃນການວຽກງານເຝົ້າລະວັງ, ຊອກຮູ້ການລະບາດຂອງພະຍາດພະຍາດໂຄວິດ19 ...

Read More »

ມາຮ່ວມສົ່ງເສີມການອ່ານໄປພ້ອມກັນກັບງານເທສະການປຶ້ມອ່ານ ປະຈໍາປີ 2021 (ເລີ່ມແຕ່ວັນທີ 4-5-6 ມີນາ 2021 ນີ້)

ໃນສັງຄົມລາວເຮົາມັກຈະໄດ້ຍິນເລື້ອຍໆຕໍ່ຄຳເວົ້າທີ່ວ່າ “ຄົນລາວບໍ່ມັກອ່ານໜັງສື” ເຊິ່ງເປັນອຸປະສັກຢ່າງໜຶ່ງທີ່ຂວາງທາງປາຍປາກກາ ແລະ ເປັນສິ່ງຫຍໍ້ທໍ້ຈິດໃຈໃຫ້ແກ່ບັນດານັກຂຽນລາວບໍ່ໜ້ອຍ, ແຕ່ເຖິງຢ່າງໃດກໍຕາມ ນັກຂຽນຫຼາຍທ່ານ ຍັງຄົງຝົນປາຍປາກກາ ແລະ ທຸ້ມເທສະຕິປັນຍາສ້າງສັນປຶ້ມທີ່ດີມີຄຸນຄ່າ ເພື່ອທີ່ຈະເຮັດໃຫ້ຄົນລາວຫັນມາອ່ານໜັງສືໃຫ້ນັບມື້ນັບຫຼາຍຂຶ້ນ. ດັ່ງນັ້ນ ທາງຄະນະອັກສອນສາດກໍຄືມະຫາວິທະຍາໄລແຫ່ງຊາດຈຶ່ງໄດ້ຈັດໃຫ້ມີງານເທສະການອາຫານສະໝອງຂຶ້ນ. ເຊິ່ງໃນວັນທີ 26 ກຸມພາ 2021 ນີ້ທີ່ສະໂມສອນ ມະຫາວິທະຍາໄລແຫ່ງຊາດ (ມຊ) ໄດ້ມີການຈັດຖະແຫຼງຂ່າວງານເທສະການປຶ້ມອ່ານ ປະຈໍາປີ 2021 ຂຶ້ນ. ໃຫ້ກຽດເຂົ້າຮ່ວມໂດຍທ່ານ ປທ ທອງສຸກ ແກ້ວມະນີ ຮັກສາການຄະນະບໍດີ ຄະນະອັກສອນສາດ, ມີທ່ານ ປອ. ນາງ ລັດຊະນີ ສຸລິຍະວົງ ຫົວໜ້າພະແນກວິຊາການ ຄະນະອັກສອນສາດ ທັງເປັນຜູ້ປະສານງານ ເທສະການປຶ້ມອ່ານ, ທ່ານ ສົມໄໝ ພົມມະຈັນ ຄະນະຈັດງານ ເທສະການປຶ້ມອ່ານ ພ້ອມດ້ວຍບັນດານັກສຶກສາ ແລະ ສື່ມວນຊົນເຂົ້າຮ່ວມ. ການຈັດງານໃນຄັ້ງນີ້ ກໍເພື່ອເປັນການສະເຫຼີມສະຫຼອງວັນອ່ານໂລກ (4 ມີນາ) ແລະ ສ້າງຂະບວນການສະເຫຼີມສະຫຼອງວັນແມ່ຍິງສາກົນ (8 ມີນາ) ພ້ອມ, ໂດຍສະເພາະແມ່ນເພື່ອທີ່ຈະເປັນສ່ວນໜຶ່ງໃນການປູກຝັງນິໄສມັກການອ່ານ ການຂຽນ ໃຫ້ແກ່ໄວໜຸ່ມລາວ ເພື່ອພວກເຂົາໄດ້ເຕີບໃຫຍ່ພ້ອມໆກັບຄວາມຮູ້ທີ່ກວ້າງຂວາງ, ...

Read More »

ສ.ອາເມລິກາ ສັກວັກຊິນໃຫ້ປະຊາຊົນ 50 ລ້ານຫລອດ

ຕາມ​ຂ່າວ​ຈາກ ນະຄອນຫລວງ​ ວໍ​ຊີງ​ຕັນ,ສ.ອາ​ເມ​ລິ​ກາ ສັກ​ວັກ​ຊິນ​ ປ້ອງ​ກັນ​ ໂຄ​ວິດ-19 ​ໃຫ້​ແກ່​ ບຸກຄະລາ​ກອນ​ ຫລາຍ​ອາຊີບ ​ເປັນຕົ້ນ ຄູ-ອາ​ຈານ, ຜູ້​ຂາຍ​ເຄື່ອງ​ຍ່ອຍ,​ເຈົ້າໜ້າ​ທີ່ ​ທາງ​ການ​ແພດ ​ແລະ​ ໜ່ວຍ​ກູ້​ໄພ ພາຍ​ໃນ​ທຳນຽບຂາວ ​ໃນ​ວັນ​ທີ 25ກຸມພາ​ຜ່ານ​ມາ​ ຈຳນວນ 50 ລ້ານ​ຫລອດ.ຂະນະ​ທີ່ ສ.ອາ​ເມ​ລິ​ກາ ສູ້​ຊົນ​ ໃຫ້​ບັນລຸ ​ເປົ້າໝາຍ 100 ລ້ານ​ຫລອດ ພາຍ​ໃນ​ໄລຍະ​ເວລາ 100ວັນ ນັບ​ແຕ່ ທ່ານ ​ໂຈ ​ໄບ​ເດນ​ ເຂົ້າຮັບ​ຕຳ​ແໜ່ງ ​ເປັນ​ປະທານາທິບໍດີ ສ.ອາ​ເມ​ລິ​ກາ ວ່າ​ເປັນ​ວາລະ​ສຳຄັນ ​ທີ່​ຕ້ອງ​ຊຸກຍູ້​ ໃຫ້​ປະສົບ​ຄວາມ​ສຳ​ເລັດ ​ແລະ ສ.ອາ​ເມ​ລິ​ກາ ​ເຂົ້າ​ໃກ້​ເປົ້າໝາຍ​ນັ້ນ ຫລາຍ​ຂຶ້ນ ​ເມື່ອ​ປະຊາຊົນ​ ຮ່ວມ​ມື ​ເຂົ້າຮັບ​ວັກ​ຊິນ ​ເຄິ່ງໜຶ່ງ ​ຂອງ​ເປົ້າໝາຍ​ກຳນົດ​ໄວ້ ​ໃນ​ໄລຍະ​ເວລາ​ພຽງ 37ວັນ. ນອກ​ນີ້​ ຍັງ​ຕັ້ງ​ເປົ້າ​ໃຫ້​ປະຊາຊົນ​ ຜູ້​ສູງ​ອາຍຸ ​ໃນ​ປະ​ເທດ​ ປະມານ 80% ຮັບ​ວັກ​ຊິນ ​ໄດ້​ຢ່າງ​ທົ່ວ​ເຖິງ ​ເພື່ອ​ສ້າງ​ພູມ​ຕ້ານທານ ຮ່າງກາຍ ...

Read More »

ລັດຫາລືແຜນສືບຕໍ່ປະຕິບັດໂຄງການກໍ່ສ້າງດ່ານສາກົນວັງເຕົ່າ ແຂວງຈຳປາສັກ

ໃນວັນທີ 24 ກຸມພາ 2021 ທີ່ຫ້ອງວ່າການແຂວງຈຳປາສັກ, ມີກອງປະຊຸມປຶກສາຫາລື ແຜນທີ່ຈະສືບຕໍ່ການຈັດຕັ້ງປະຕິບັດ ໂຄງການກໍ່ສ້າງດ່ານສາກົນວັງເຕົ່າ ເມືອງໂພນທອງ ແຂວງຈຳປາສັກ ໃຫ້ເປັນດ່ານສາກົນທີ່ທັນສະໄໝ, ຫລ້າສຸດປະຕິບັດສຳເລັດ 82,96%, ໂດຍການເປັນປະທານ ຮ່ວມຂອງທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ, ທ່ານ ວຽງສະຫວັດ ສີພັນດອນ ຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ, ມີຜູ້ຕາງໜ້າ ຈາກກະຊວງແຜນການ ແລະ ການລົງທຶນ, ກະຊວງການເງິນ, ຫົວໜ້າພະແນກການທີ່ກ່ຽວຂ້ອງຂອງແຂວງ, ທ່ານເຈົ້າເມືອງໂພນທອງ, ຫົວໜ້າດ່ານສາກົນວັງເຕົ່າ ແລະ ບໍລິສັດ ພົງຊັບທະວີ ຜູ້ຮັບເໝົາກໍ່ສ້າງ ເຂົ້າຮ່ວມ. ໂຄງການກໍ່ສ້າງດ່ານສາກົນວັງເຕົ່າ ເມືອງໂພນທອງ ແຂວງຈຳປາສັກ ໃຫ້ເປັນດ່ານສາກົນທີ່ທັນສະໄໝ, ໄດ້ຮັບການຈັດຕັ້ງປະຕິບັດມາແຕ່ຕົ້ນປີ 2013, ມູນຄ່າກໍ່ສ້າງໂຄງການ 98.3 ຕື້ກີບ ໂດຍແມ່ນພະແນກໂຍທາທິການ ແລະ ຂົນສົ່ງແຂວງຈຳປາສັກ ເປັນເຈົ້າຂອງໂຄງການ ແລະ ບໍລິສັດ ພົງຊັບທະວີ ເປັນຜູ້ຮັບເໝົາກໍ່ສ້າງ ໃນສັນຍາ 36 ເດືອນ ປະກອບມີ 7 ...

Read More »