ທ່ານ ຄໍາແພງ ໄຊສົມແພງ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ ກະຊວງອຸດສາຫະກໍາ ແລະ ການຄ້າ (ອຄ) ໄດ້ໃຫ້ສໍາພາດເມື່ອບໍ່ນານມານີ້, ກ່ຽວກັບການກະກຽມຄວາມພ້ອມ ເພື່ອດໍາເນີນກອງປະຊຸມໃຫຍ່ ຄັ້ງທີ V ຂອງອົງຄະນະພັກກະຊວງ ອຸດສາຫະ ກໍາ ແລະ ການຄ້າ, ໂດຍລວມມີຄວາມຄືບໜ້າຫລາຍສົມຄວນ ເຊິ່ງຄາດວ່າຈະໃຫ້ສາມາດເປີດກອງປະຊຸມໄດ້ໃນທ້າຍເດືອນກັນຍາ 2021 ນີ້. ທ່ານ ຄໍາແພງ ໄຊສົມແພງ ກ່າວວ່າ: ກອງປະຊຸມໃຫຍ່ ຜູ້ແທນອົງຄະນະພັກ ກະຊວງສະໄໝທີ IV ໃນວັນທີ 10 ກໍລະກົດ 2015 ທີ່ຜ່ານມາ ໄດ້ເລືອກເອົາຄະນະບໍລິຫານງານພັກ ຈໍານວນ 15 ສະຫາຍ, ຍິງ 3 ສະຫາຍ, ແຕ່ 12 ສະຫາຍ ໄດ້ຮັບນະໂຍບາຍອຸດໜູນບຳນານ. ປັດຈຸບັນ ຍັງມີຄະນະພັກກະຊວງ 3 ສະຫາຍ, ຍິງ 1 ສະຫາຍ. ອົງຄະນະພັກກະຊວງ ອຄ ມີ 2 ຄະນະພັກຮາກຖານ ...

ໃນວັນທີ 30 ສິງຫາ 2021 ທ່ານ ສະເຫລີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ນຳພາຄະນະຜູ້ແທນ ສປປ ລາວ ເຂົ້າຮ່ວມກອງປະຊຸມຂັ້ນສູງ ສຳລັບພາກພື້ນອາຊີ-ປາຊິຟິກ ເພື່ອທົບທວນຄືນການຈັດຕັ້ງປະຕິບັດແຜນດຳເນີນງານ ອິສຕັນບູລ ສຳລັບປະເທດດ້ອຍພັດທະນາ (IPoA).ກອງປະຊຸມດັ່ງກ່າວ, ແມ່ນໄດ້ຈັດຂຶ້ນໃນຮູບແບບທາງໄກ ໂດຍພາຍໃຕ້ການເປັນເຈົ້າພາບຂອງ ຫ້ອງການຜູ້ຕາງໜ້າຂັ້ນສູງອົງການ ສປຊ ທີ່ຮັບຜິດຊອບປະເທດດ້ອຍພັດທະນາ, ປະເທດກຳລັງພັດທະ ນາ ທີ່ບໍ່ມີຊາຍແດນຕິດທະເລ ແລະ ປະເທດເກາະດອນນ້ອຍກຳລັງພັດທະນາ (UN-OHRLLS) ແລະ ຄະນະກຳມາທິການເສດຖະກິດ-ສັງຄົມ ອົງການ ສປຊ ປະຈຳພາກພື້ນອາຊີ-ປາຊີຟິກ (UN-ESCAP). ຈຸດປະສົງຂອງກອງປະຊຸມໃນຄັ້ງນີ້, ແມ່ນເພື່ອທົບທວນຄືນການຈັດຕັ້ງປະຕິບັດ ແຜນດຳເນີນງານ IPoA ສຳລັບໄລຍະ 2011-2020 ຂອງປະເທດດ້ອຍພັດທະນາ (LDCs) ທີ່ຢູ່ໃນພາກພື້ນອາຊີ-ປາຊິຟິກ ເພື່ອແລກປ່ຽນບົດຮຽນ ກ່ຽວກັບຜົນສຳເລັດ, ຂໍ້ຫຍຸ້ງຍາກ ແລະ ຂໍ້ສະເໜີແນະ ສຳລັບການສ້າງແຜນດຳເນີນງານສະບັບໃໝ່. ພ້ອມກັນນັ້ນ, ກອງປະຊຸມດັ່ງກ່າວ ກໍ່ໄດ້ມີການເຈລະຈາບັນດາເອກະສານຕ່າງໆ ເພື່ອປະກອບສ່ວນເຂົ້າໃນການກະກຽມໃຫ້ແກ່ກອງປະຊຸມອົງການ ສປຊ ສຳລັບປະເທດດ້ອຍພັດ ທະນາ ຄັ້ງທີ 5 ທີ່ຈະຈັດຂຶ້ນໃນເດືອນມັງກອນ ...

ທ່ານ ອາລຸນໄຊ ສູນນະລາດ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນປະຕິວັດລາວ ໄດ້ເຂົ້າຮ່ວມກອງປະຊຸມ ການສະຫລຸບລາຍງານຜົນສຳເລັດ ຂອງການກະກຽມດັດສະນີໝາຍ ການພັດທະນາຊາວໜຸ່ມອາຊຽນ ໃນໄລຍະທີ 2 ( YDI ) ຮ່ວມກັບບັນດາລັດຖະມົນຕີ ຊາວໜຸ່ມອາຊຽນ ແບບທາງໄກ, ເຊິ່ງໄດ້ຈັດຂຶ້ນໃນວັນທີ 30 ສິງຫາ 2021. ກອງປະຊຸມຄັ້ງນີ້, ເພື່ອສ້າງເວທີໃຫ້ແກ່ເຈົ້າໜ້າທີ່ອາວຸໂສຊາວໜຸ່ມອາຊຽນ, ເຄືອຂ່າຍການເຊື່ອມໂຍງຊາວໜຸ່ມອາຊີ-ປາຊີຟິກ ແລະ ບັນດາອົງການຈັດຕັ້ງຊາວໜຸ່ມ ເພື່ອສົນທະນາ ແລະ ວາງແຜນການດຳເນີນງານ ວ່າດ້ວຍການຕິດຕາມ ແລະ ປະເມີນແຜນການດຳເນີນງານ ການພັດທະນາຊາວໜຸ່ມ 5 ປີໃນຕໍ່ໜ້າ. ນອກຈາກນີ້, ຜູ້ເຂົ້າຮ່ວມໄດ້ພ້ອມກັນວາງຄາດໝາຍສູ້ຊົນ, ແຜນການກະກຽມການຕິດຕາມ ແລະ ປະເມີນຜົນ, ໄລຍະເວລາໃນການກະກຽມຂັ້ນສຸດທ້າຍ ເພື່ອທີ່ຈະສະເໜີໃຫ້ແກ່ບັນດາລັດຖະມົນຕີ ຊາວໜຸ່ມອາຊຽນ ເພື່ອຮັບຮອງໃນຂັ້ນຕໍ່ໄປ. ການຮ່ວມມືລະຫວ່າງ ເຈົ້າໜ້າທີ່ອາວຸໂສຊາວໜຸ່ມອາຊຽນ, ກອງເລຂາອາຊຽນ ແລະ ເຄືອຂ່າຍການເຊື່ອມໂຍງຊາວໜຸ່ມອາຊີ-ປາຊິຟິກ ມີຈຸດປະສົງ ຈະສ້າງຕັ້ງ ແລະ ດຳເນີນການຕິດຕາມ ແລະ ການປະເມີນແຜນການດຳເນີນງານ ການພັດທະນາຊາວໜຸ່ມອາຊຽນ ແຕ່ປີ 2021-2025 ບົນພື້ນຖານການມີສ່ວນຮ່ວມຂອງຫລາຍຝ່າຍ, ຫລາຍຄູ່ຮ່ວມງານ ...

(ສພຊ) ກອງປະຊຸມຄະນະປະຈໍາ (ຄປຈ) ສະພາແຫ່ງຊາດ (ສພຊ) ປະຈໍາເດືອນສິງຫາ 2021 ໄດ້ໄຂຂຶ້ນ ແລະ ດໍາເນີນເປັນເວລາ 2 ວັນ ໃນລະຫວ່າງວັນທີ 30-31 ສິງຫາ 2021 ທີ່ຫໍສະພາແຫ່ງຊາດ ນະຄອນຫລວງວຽງຈັນ, ໂດຍການເປັນປະທານຂອງ ທ່ານ ໄຊສົມພອນ ພົມວິ ຫານ ປະທານ ຄປຈ. ສພຊ, ປະທານ ສພຊ, ເຂົ້າຮ່ວມມີບັນດາຄະນະປະຈໍາ ສພຊ, ກໍາມະການຄະນະປະຈໍາ ສພຊ, ປະທານສານປະຊາຊົນສູງສຸດ, ຮອງຫົວໜ້າອົງການໄອຍະການປະຊາຊົນສູງສຸດ, ລັດຖະມົນຕີ, ຮອງລັດຖະມົນຕີ ທີ່ກ່ຽວຂ້ອງ, ຄະນະກົມ ແລະ ວິຊາການຈໍານວນໜຶ່ງ. ກອງປະຊຸມໄດ້ຮັບລາຍງານ ຈາກຄະນະສະເພາະກິດຂອງສະພາແຫ່ງຊາດ ກ່ຽວກັບຜົນຂອງກອງປະຊຸມທາງໄກ ລະຫວ່າງ ຄະນະເລຂາທິການ ສພຊ ແລະ ຄະນະເລຂາທິການສະພາປະຊາຊົນຂັ້ນແຂວງ ກ່ຽວກັບສະພາບການລະບາດ ແລະ ມາດຕະການໃນການປ້ອງກັນ ແລະ ຄວບຄຸມພະຍາດອັກເສບປອດຈາກເຊື້ອຈຸລະໂລກ ໂຄໂລນາສາຍພັນໃໝ່ COVID-19. ຈາກນັ້ນ, ກອງປະຊຸມໄດ້ມີການປຶກສາຫາລື ແລະ ປະກອບຄໍາເຫັນ ໃສ່ການຕົກລົງໄລຍະເວລາຈັດກອງປະຊຸມສະໄໝສາມັນ ...

ໃນຕອນເຊົ້າວັນທີ 30 ສິງຫາ 2021 ທີ່ສູນກັກກັນໂຮງຮຽນ ມສ ເມືອງອາດສະພອນ ແຂວງສະຫວັນນະເຂດ, ທີມງານຄະນະສະເພາະກິດ ປ້ອງກັນ, ຄວບຄຸມ, ຕ້ານ ແລະສະກັດກັ້ນການແຜ່ລະບາດຂອງພະຍາດໂຄວິດ-19ເມືອງອາດສະພອນພ້ອມດ້ວຍທີມແພດໝໍພາກສະໜາມໄດ້ລົງປະຕິບັດກວດກາວັດແທກອຸຫະພູມຫ່າງກາຍ, ສອບຖາມປະຫວັດ ເພື່ອກັ່ນກອງຫາເຊື້ອພະຍາດໂຄວິດ 19 ຂອງບັນດາແຮງງານທີ່ກັບມາຈາກສະຖານທີ່ມີຄວາມສ່ຽງຕໍ່ການຕິດເຊື້ອພະຍາດໂຄວິດ19. ບັນດາແຮງງານ ແມ່ນໄດ້ຜ່ານສູນກັກກັນຂອງແຂວງແລ້ວ, ມາເຂົ້າສູນກັກກັນຕົວຕື່ມອີກຢູ່ສູນຂອງເມືອງຄົບກຳນົດວັນຕາມຄະນະສະເພາະກິດຂັ້ນເມືອງວາງອອກຫຼາຍກ່ວາ 20ມື້ ເນື່ອງຈາກວ່າສູນດັ່ງກ່າວເປັນເຂດສີແດງຂອງເມືອງພາຍຫຼັງທີ່ກວດພົບຜູ້ຕິດເຊື້ອພະຍາດພາຍໃນສູນດັ່ງກ່າວ ແລະຜູ້ທີ່ຍັງເຫຼືອແມ່ນໄດ້ກັກກັນຕົວຕື່ມອີກຄົບ 14 ວັນແລ້ວ. .[“] ໂດຍການເຂົ້າຮ່ວມຕິດຕາມຂອງທ່ານ ນາງບຸນທະລັງສີ ຄຳມະນີວົງ  ເຈົ້າເມືອງອາດສະພອນ, ທ່ານນາງພອນທະວີ ລາດບໍວອນ ຮອງເຈົ້າເມືອງ ທັງແມ່ນຫົວໜ້າຄະນະສະເພາະກິດຕ້ານການແຜ່ລະບາດຂອງພະຍາດໂຄວິດ 19ຂັ້ນເມືອງ, ທ່ານບຸນປອນ ໃສຈັນດີ ຫົວໜ້າຫ້ອງການສາທາລະນະສຸກເມືອງ, ມີບັນດາທ່ານຄະນະສະເພາະກິດ, ຄະນະຮັບຜິດຊອບສູນກັກກັນຕົວ, ຄະນະການປົກຄອງບ້ານກ່ຽວຂ້ອງ ພ້ອມທັງຍາດຕິພີ່ນ້ອງຂອງພວກກ່ຽວເຂົ້າຮ່ວມ. ໃນໂອກາດດັ່ງກ່າວນັ້ນບັນດາທ່ານໃນຄະນະສະເພາະກິດຕ້ານການແຜ່ລະບາດຂອງພະຍາດໂຄວິດ 19ຂັ້ນເມືອງ ໄດ້ໃຫ້ຄຳແນະນຳຕໍ່ຄະນະບ້ານໃຫ້ເອົາໃຈໃສ່ປະຕິບັດຕໍ່ຄຳສັ່ງຂອງຄະນະສະເພາະກິດວາງອອກໃນແຕ່ລະໄລຍະຢ່າງເຂັ້ມງວດ, ຕິດຕາມລູກບ້ານຂອງຕົນບໍ່ໃຫ້ເດີນທາງໄປໃນສະຖານທີ່ຊຸມຊົນທີ່ມີຄົນຫຼາຍ, ສະຖານທີ່ໆມີຄວາມສ່ຽງຕໍ່ການຕິດເຊື້ອໂດຍບໍ່ມີເຫດຜົນອັນຈຳເປັນ, ໃຫ້ສວມໃສ່ອຸປະກອນປ້ອງກັນທຸກຄັ້ງໃນເວລາອອກນອກເຮືອນ ຫຼືລົມກັບໝູ່ຄູ່, ໝັ່ນລ້າງມືດ້ວຍສະບູ ຫຼືເຫຼົ້າ, ເຈວລ້າງມື, ບັນດາແຮງງານທີ່ຈະກັບເມືອບ້ານແມ່ນຕ້ອງໄດ້ກັກຕົວຕື່ມຢູ່ເຮືອນອີກຢ່າງໜ້ອຍ 7 ວັນ ຈຶ່ງໃຫ້ອອກພົບປະກັບໝູ່ຄູ່, ເພື່ອຮັບປະກັນບໍ່ໃຫ້ມີການຕິດເຊື້ອໂຄວິດ-19 Cr: ເສດຖະກິດການຄ້າ

ແຫລ່ງຂ່າວຈາກ ແຂວງຄຳມ່ວນ ໃຫ້ຮູ້ວ່າ: ໃນວັນທີ 30 ສິງຫາ ນີ້, ກົງສູນໃຫຍ່ແຫ່ງຣາຊາອານາຈັກໄທ ປະຈຳແຂວງສະຫວັນນະເຂດ ນຳໂດຍ ທ່ານ ກິດຕິສັກ ຫລໍປະຕິມາ ຮອງກົງສູນໃຫຍ່, ພ້ອມຄະນະໄດ້ນຳເອົາເຄື່ອງມືການແພດ ມາມອບໃຫ້ຄະນະສະເພາະກິດ ປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ແຂວງຄຳມ່ວນ, ເຊິ່ງປະກອບມີ: ຊຸດປ້ອງກັນເຊື້ອໂຄວິດ PPE ຈຳນວນ 100 ຊຸດ, ຜ້າອັກປາກ-ດັງ N95 ຈຳນວນ 10 ກ່ອງ, ຖົງມື 12 ກ່ອງ, ໝວກຄຸມຜົມ 10 ແພັກ, ຜ້າອັກປາກ-ດັງ, ເຈວລ້າງມື, ມຸ້ງ, ໝອນ, ຜ້າຮົ່ມ ແລະ ເຄື່ອງອຸປະໂພກຈຳ ນວນໜຶ່ງ ລວມມູນຄ່າ 50 ລ້ານກີບ. ຕາງໜ້າຮັບໂດຍ ທ່ານ ບຸນມີ ພິມມະສອນ ປະ ທານສະພາປະຊາຊົນແຂວງ, ຫົວໜ້າຄະນະສະເພາະກິດຂັ້ນແຂວງ. ໃນວັນດຽວກັນນີ້, ທ່ານ ນາງ ເລສຸກ ...

ເພື່ອເປັນການຮັດແໜ້ນສາຍພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສາທາລະນະລັດ ເກົາຫລີ, ທ່ານ ຈອງ ອຸຍຢອງ (H.E. Mr. Chung Eui-yong), ລັດຖະມົນຕີ ກະຊວງການຕ່າງປະເທດ ແຫ່ງ ສາທາລະນະລັດ ເກົາຫລີ ພ້ອມດ້ວຍຄະນະ ໄດ້ເດີນທາງຢ້ຽມຢາມທາງການ ສາທາລະນະລັດ ປະຊາ ທິປະໄຕ ປະຊາຊົນລາວ ໃນລະຫວ່າງ ວັນທີ 28-29 ສິງຫາ 2021. ໃນວັນທີ 28 ສິງຫາ 2021, ທີ່ ກະຊວງການຕ່າງປະເທດ, ໄດ້ມີການພົບປະສອງຝ່າຍລະຫວ່າງ ທ່ານ ສະເຫລີມໄຊ ກົມມະສິດ, ລັດຖະມົນຕີ ກະຊວງການຕ່າງປະເທດ ແຫ່ງ ສປປ ລາວ ແລະ ທ່ານ ຈອງ ອຸຍຢອງ, ລັດຖະມົນຕີ ກະຊວງການຕ່າງປະເທດ ແຫ່ງ ສ.ເກົາຫລີ ໃນໂອກາດນີ້,ທ່ານ ສະເຫລີມໄຊ ກົມມະສິດ ໄດ້ສະແດງຄວາມຍິນດີຕ້ອນຮັບ ...

ໃນວັນທີ 26 ສິງຫາ 2021 ຢູ່ໂຮງແຮມແລນມາກ ນະຄອນຫລວງວຽງຈັນ, ໄດ້ມີກອງປະຊຸມເຜີຍແຜ່ ສະພາບການລະບາດຂອງພະຍາດໂຄວິດ-19 ແລະ ທ່າອ່ຽງ ຂອງການລະບາດໃນອະນາຄົດ, ມາດຕະການທີ່ສໍາຄັນ ເພື່ອຢຸດຢັ້ງການລະບາດ ລວມທັງການກະກຽມຄວາມພ້ອມ ໃນການຮັບຮອງຜູ້ຕິດເຊື້ອ ທີ່ມີຈໍານວນເພີ່ມຂຶ້ນໃນແຕ່ລະວັນໃຫ້ສື່ມວນຊົນລາວ, ໂດຍການເປັນປະທານ ຂອງ ທ່ານ ຄໍາພົ້ວ ສຸດທິສົມບັດ ຫົວໜ້າກົມປິ່ນປົວ ແລະ ຟື້ນຟູໜ້າທີ່ການ ກະຊວງສາທາລະນະສຸກ, ມີຜູ້ຕາງໜ້າອົງການອະນາໄມໂລກ ປະຈໍາ ລາວ, ຜູ້ຕາງໜ້າສະຫະພາບເອີຣົບປະຈໍາລາວ, ມີຂະ ແໜງການກ່ຽວຂ້ອງ ຈາກກະຊວງສາທາລະນະສຸກ ແລະ ຜູ້ຕາງໜ້າອົງການສື່ມວນຊົນອ້ອມຂ້າງສູນກາງ ເຂົ້າຮ່ວມຢ່າງພ້ອມພຽງ. ທ່ານ ຄໍາພົ້ວ ສຸດທິສົມບັດ ໄດ້ມີຄໍາເຫັນວ່າ: ນັບແຕ່ເກີດການແຜ່ລະບາດຂອງພະຍາດໂຄວິດ-19 ຢູ່ ສປປ ລາວເຮົາ, ກົມຟື້ນຟູໜ້າທີ່ການ ແມ່ນໜ່ວຍງານໜຶ່ງທີ່ເຮັດວຽກຮ່ວມກັບໜ່ວຍງານ ອື່ນໆ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ-19. ຂະນະດຽວກັນ, ບັນດາອົງການສື່ມວນຊົນ ກໍແມ່ນພາກສ່ວນໜຶ່ງ ທີ່ມີບົດບາດສໍາຄັນເພື່ອສະໜອງຂໍ້ມູນຂ່າວສານທີ່ມີ ຄວາມຖືກຕ້ອງ, ຄົບຖ້ວນ, ຊັດເຈນ ກ່ຽວກັບສະພາບການແຜ່ລະບາດ, ມາດຕະການປ້ອງກັນ ...

ວັນທີ 25 ສິງຫານີ້, ພິທີເປີດການຂົນສົ່ງສິນຄ້າທາງລົດຂ້າມຊາຍແດນຈີນ-ລາວ (ຄຸນມິງ-ວຽງຈັນ) ໄດ້ຈັດຂຶ້ນຢູ່ນະຄອນຄຸນມິງຢ່າງສຳເລັດຜົນ.ລົດຄັນໜຶ່ງໄດ້ບັນທຸກສິນຄ້າທີ່ແມ່ນເຄື່ອງ ຈັກອຸປະກອນ ແລະ ຜະລິດຕະພັນເອເລັກໂຕຣນິກຂ້າມຊາຍແດນທີ່ມີມູນຄ່າເກືອບ 3 ລ້ານຢວນ, ແລ່ນອອກຈາກນະຄອນຄຸນມິງ, ຜ່ານດ່ານບໍ່ຫານ-ບໍ່ເຕັນແລ້ວໄປເຖິງນະຄອນຫຼວງວຽງຈັນ; ໃນຂະນະດຽວກັນ, ລົດຂົນສົ່ງສິນຄ້າທີ່ໄດ້ບັນທຸກສິນຄ້າທີ່ມີເອກະລັກພິເສດຂອງປະເທດລາວໄດ້ແລ່ນຈາກນະຄອນຫຼວງວຽງຈັນໄປເຖິງດ່ານບໍ່ຫານ, ເມື່ອໄປເຖິງນະຄອນຄຸນມິງແລ້ວຈະແຈກຢາຍສິນຄ້າໄປຫາທ້ອງຖິ່ນຕ່າງໆຂອງຈີນ. ການເປີດການຂົນສົ່ງສິນຄ້າທາງລົດຄັ້ງນີ້ມີຈຸດປະສົງຊອກຫາຂໍ້ຫຍຸ້ງຍາກບົກຜ່ອງທີ່ອາດພົບເຫັນຢູ່ຕາມຊ່ອງທາງການຈໍລະຈອນສິນຄ້າລະຫວ່າງນະຄອນຄຸນມິງ-ນະຄອນຫຼວງວຽງຈັນ, ເພື່ອເກັບກຳຂໍ້ຫຍຸ້ງຍາກໃນການຂົນສົ່ງສິນຄ້າເພື່ອເປີດຂະບວນລົດຂົນສົ່ງສາກົນຈີນ-ລາວ, ເປັນການທົດລອງຂັ້ນຕອນ, ຕົ້ນທຶນ ແລະ ການຂົນສົ່ງສິນຄ້າສຳລັບການຄ້າ ແລະ ການຈໍລະຈອນ, ພ້ອມທັງສ້າງພື້ນຖານທີ່ດີໃຫ້ແກ່ການເປີດຂະບວນລົດໄຟຂົນສົ່ງສິນຄ້າ ແລະ ການຄ້າສາກົນ ພາຍຫຼັງທາງລົດໄຟລາວ-ຈີນເປີດນຳໃຊ້ໃນທ້າຍປີນີ້.

ໃນວັນທີ 25 ສິງຫາ 2021 ທີ່ ກະຊວງການເງິນ, ຈັດກອງປະຊຸມເຜີຍແຜ່-ເຊື່ອມຊຶມເອກະສານ ວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ ໂດຍການເປັນປະທານຂອງ ທ່ານ ບຸນໂຈມ ອຸບົນປະເສີດ ກໍາມະການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ ກະຊວງການເງິນ, ມີສະຫາຍ ຮອງເລຂາຄະນະບໍລິຫານງານພັກ, ຮອງລັດຖະມົນຕີ ກະຊວງການເງິນ, ບັນດາສະຫາຍ ຄະນະບໍລິຫານງານ, ເລຂາ-ຮອງເລຂາ ຄະນະພັກຮາກຖານ, ຄະນະໜ່ວຍພັກຮາກຖານ, ສະມາຊິກພັກ ຂັ້ນຫົວໜ້າພະແນກ-ຮອງຫົວໜ້າພະແນກ ເຂົ້າຮ່ວມ. ທ່ານ ບຸນໂຈມ ອຸບົນປະເສີດ ໄດ້ມີຄຳເຫັນວ່າ: ການຈັດຕັ້ງເຊື່ອມຊຶມເອກະ ສານວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງິນ ແມ່ນສ້າງຄວາມເອກະພາບ, ສ້າງຄວາມຕັດສິນໃຈພາຍໃນຄະນະພັກ ໃນການດໍາເນີນວຽກງານຕົວຈິງ ໂດຍສະເພາະ ພະນັກງານນໍາພາຄຸ້ມຄອງ ໃນແຕ່ລະຂົງເຂດ, ການແກ້ໄຂຄວາມຫຍຸ້ງຍາກ ດ້ານເສດຖະກິດ-ການເງິນ, ແມ່ນຄວາມຮັບຜິຊອບຂອງໝົດທຸກຄົນຮ່ວມກັນແກ້ໄຂ, ຄົ້ນຄວ້າ, ລົງເລິກບັນຫາຄວາມຮັບຜິດຊອບທາງການເມືອງ ເນັ້ນໜັກໃສ່ການຄົ້ນຄວ້າເຊື່ອມຊຶມເນື້ອໃນຕົ້ນຕໍ ເພື່ອໃຫ້ຄະນະພັກກະຊວງ ຮີບຮ້ອນສ້າງແຜນງານ, ແຜນດໍາເນີນງານພາຍໃນອົງຄະນະພັກ ແລະ ບັນດາກົມ ເພື່ອດໍາເນີນການຈັດຕັ້ງປະຕິບັດ. ພ້ອມນີ້, ທ່ານຍັງໄດ້ຍົກໃຫ້ເຫັນບາງບັນຫາທີ່ສໍາຄັນ ໃນເອກສານຄໍາສັ່ງຂອງກົມການເມືອງສູນກາງພັກ ເປັນຕົ້ນ ການຈັດຕັ້ງເຜີຍແຜ່ວາລະແຫ່ງຊາດ ...