Author Archives: admin target

ແນວຄິດ “ເອົາໃຈເຂົາມາໃສ່ໃຈເຮົາ” Outward Mindset ທັກສະທີ່ຕ້ອງມີໃນຍຸກນີ້

ທ່ານເຄີຍຕົກຢູ່ໃນສະຖານະການທີ່ທ່ານບໍ່ສາມາດສື່ສານກັບບາງຄົນໄດ້ຫຼືບໍ່ ຄົນທີ່ທ່ານຮູ້ສຶກອຶດອັດເມື່ອຕ້ອງໄດ້ ເວົ້ານໍາ ເຮັດໃຫ້ທ່ານໃຈຮ້າຍ ເກີດຄວາມຕຶງຄຽດ ເມື່ອຕ້ອງຜິດຖຽງ ຫຼື ຜິດໃຈກັນ, ຊຶ່ງເຮົາສາມາດພົບສະຖາ ນະການນີ້ໄດ້ເກືອບທຸກມື້ ບໍ່ວ່າຈະຢູ່ບ້ານ ຫຼື ບ່ອນເຮັດວຽກ. ທ່ານກໍາລັງຍ້າຍວຽກຍ້ອນມີບັນຫາເລື່ອງຄົນ ຫຼື ກໍາລັງມີບັນຫາກັບຄົນໃນຄອບຄົວຍ້ອນການສື່ສານທີ່ບໍ່ລົງຕົວ ຫຼື ບໍ່ເຂົ້າໃຈເຊິ່ງກັນແລະກັນຫຼືບໍ່?. ໃນບົດຄວາມນີ້ ຜູ້ຂຽນຈຶ່ງຢາກນໍາເອົາແນວຄວາມຄິດທີ່ໜ້າສົນໃຈຈາກປຶ້ມ The Outward Mindset ມາແບ່ງປັນເພື່ອໃຫ້ທ່ານຜູ້ອ່ານສາມາດນໍາມາປັບໃຊ້ໃຫ້ຮັບມືກັບສະຖານະການເຫຼົ່ານີ້ໄດ້ດີຂຶ້ນ ດ້ວຍການໃຊ້ມຸມມອງໃໝ່ໃນການເບິ່ງບັນຫາທີ່ຮູ້ກັນດີໃນນາມ Outward Mindset ຫຼື ການແນມເຫັນ ແລະ ໃຫ້ຄວາມສໍາຄັນກັບຄົນອື່ນ. ສະຖາບັນ Arbinger ໄດ້ໃຫ້ນິຍາມ Mindset ໄວ້ວ່າ ແມ່ນແນວຄວາມຄິດທີ່ເປັນຕົວຂັບເຄື່ອນໃຫ້ເກີດພຶດຕິກໍາ (Behavior) ແລະ ພຶດຕິກໍາກໍນໍາມາສູ່ໝາກຜົນ (Result). Mindset ຖືກແບ່ງອອກເປັນ Inward Mindset ແລະ Outward Mindset, ຊຶ່ງ Inward Mindset ໝາຍເຖິງແນວຄິດມຸມມອງການເບິ່ງໂລກທີ່ເນັ້ນໃສ່ເປົ້າໝາຍ ແລະ ໝາກຜົນຂອງຕົນເອງເປັນສໍາຄັນ ເຮັດໃຫ້ບໍ່ເຫັນຄຸນຄ່າ ແລະ ຄວາມສາມາດຂອງຄົນອື່ນ ເຮັດໃຫ້ເຮົາປະຕິບັດຕໍ່ຄົນອື່ນ ຄືດັ່ງພວກເຂົາເປັນ “ວັດຖຸສິ່ງຂອງ” ...

Read More »

ການຄ້າເທິງມືຖື (M-Commerce)ເພື່ອນຮູ້ໃຈໃນພາວະວິກິດ Covid-19

ເຕັກໂນໂລຊີ ເປັນອີກສິ່ງໜຶ່ງທີ່ວິວັດທະນາການຢ່າງໄວວາ ເຊິ່ງພວກເຮົາປະຕິເສດບໍ່ໄດ້ເລີຍວ່າ ການຮູ້ທັນເຕັກໂນໂລຊີນັ້ນ ມັນສ້າງຜົນປະໂຫຍດຢ່າງມະຫາສານແກ່ຜູ້ທີ່ສາມາດນໍາມາປະຍຸກໃຊ້ໄດ້ດີຂະໜາດໃດ!! ໂດຍສະເພາເພາະໃນພາວະວິກິດຮ້າຍແຮງ ຂອງການແຜ່ລະບາດຂອງເຊື້ອຈຸນລະໂລກປອດອັກເສບ ສາຍພັນໃໝ່ ໂຄວິດ-19 ທີ່ເຮັດໃຫ້ປະຊາຊົນຕ້ອງເວັ້ນໄລຍະຫ່າງທາງສັງຄົມ ແລະ ກັກໂຕເອງຢູ່ພາຍໃນບ່ອນພັກອາໄສ ທຸລະກິດທີ່ມີຄວາມການເພີ່ມຂຶ້ນແບບກ້າວກະໂດດ ຈຶ່ງແມ່ນການຄ້າເທິງມືຖື ສະນັ້ນ ບົດຄວາມໃນເດືອນນີ້ ວາລະສານ ທາເກັດ ຈະພາບັນດາທ່ານໄປຮູ້ຈັກກັບ “M-Commerce” (Mobile Commerce) ຫຼື ການຄ້າເທິງມືຖື ເຊິ່ງວ່າຈະເປັນແນວໃດນັ້ນເຮົາລອງມາເບິ່ງນໍາກັນເລີຍ…       ສໍາລັບທຸລະກິດການຄ້າຜ່ານທາງໂທລະສັບມືຖື (Smart Phone) ແມ່ນເລີ່ມເຂົ້າມາຢູ່ໃນການດໍາລົງຊີວິດຂອງພວກເຮົາໄດ້ຫຼາຍປີແລ້ວ ແລະ ຜູ້ຄົນກໍລື້ງເຄີຍກັບການຊື້ເຄື່ອງດ້ວຍມືຖື ຜ່ານທາງ Application ທີ່ໃຫ້ບໍລິການ ຫຼື Website ສໍາລັບມືຖື ພ້ອມທັງສາມາດຊໍາລະເງິນຜ່ານທາງມືຖືຢ່າງສະດວກສະບາຍ ພຽງແຕ່ໃຊ້ນິ້ວກົດເພື່ອສັ່ງຊື້ ກໍຈະມີຄົນມາສົ່ງຮອດເຮືອນແລ້ວ… ແຕ່ທ່ານຮູ້ຫຼືບໍ່ວ່າ ພຶດຕິກໍາທໍາມະດາ ແລະ ສະດວກສະບາຍທີ່ທ່ານໄດ້ຮັບໃນມື້ນີ້ ຄືຕົວຊີ້ບອກວ່າ: “ໂລກໜ່ວຍນີ້ໄດ້ປ່ຽນໄປຕະຫຼອດການຍ້ອນເຕັກໂນໂລຊີ” ຕົວຢ່າງ: Application ສັ່ງເຄື່ອງ Online ເຊັ່ນ: Shopee, Lazada, shopdee Taobao Lao, Ebuy Lao ນອກຈາກນັ້ນຍັງມີ ...

Read More »

ຢ່າລືມ!​!! ໄປໃຊ້ສິດເລືອກຕັ້ງ ສສຊ​ ແລະ​ ສສຂ​ ພ້ອມກັນທົ່ວປະເທດ

ທ່ານຮູ້ບໍ່ ?ທົ່ວປະເທດ​ ມີຜູ້ມີສິດປ່ອນບັດເລືອກຕັ້ງ​ສະມາຊິກສະພາແຫ່ງຊາດຊຸດທີ IX​ ແລະ​ສະມາຊິກສະພາປະຊາຊົນຂັ້ນແຂວງ ຊຸດທີ II​ ທັງໝົດ​ 4.279.243 ຄົນ,​ ເພດຍິງ 2.128.167 ຄົນ. ການເລືອກຕັ້ງສະມາຊິກສະແຫ່ງຊາດ (ສສຊ) ຊຸດທີ 9 ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊູດທີ 2 ທີ່ຈະມີຂຶ້ນໃນວັນທີ 21 ກຸມພາ 2021: -ທົ່ວປະເທດມີ 18 ເຂດເລືອກຕັ້ງ (ນະຄອນຫລວງວຽງຈັນ+17ແຂວງ).-ທົ່ວປະເທດມີ 7.217 ໜ່ວຍປ່ອນບັດ. -ໜ່ວຍປ່ອນບັດເລືອກຕັ້ງຢູ່ຕ່າງປະເທດ ມີ 40 ໜ່ວຍ (ສະຖານເອກອັກຄະລັດຖະທູດ-ກົງສຸນໃຫຍ່).-ຜູ້ສະໝັກຮັບເລືອກຕັ້ງ ມີທັງໝົດ 224 ທ່ານ, ເພດຍິງ 49 ທ່ານ ເລືອກເອົາ 164 ທ່ານ.

Read More »

ສປປ ລາວ ປະຕິບັດລາຍຮັບງົບປະມານ​​ບັນ​ລຸເກືອບ 100% ຂອງແຜນການດັດແກ້

ສຳນັກຂ່າວ ຊີອາໄອ ໄດ້ລາຍງານວ່າ: ເມື່ອບໍ່​ດົນ​ມານີ້, ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນໄດ້​ກ່າວ​ມີ​ຄຳ​ເຫັນ​ຕໍ່ກອງປະຊຸມສະຫຼຸບວຽກງານການເງິນ ປະຈຳປີ 2020 ​ວ່າ: ການຈັດຕັ້ງປະຕິບັດແຜນງົບປະມານແຫ່ງລັດ ປະຈໍາປີ 2020 ເປັນປີສຸດທ້າຍຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ຄັ້ງທີ VIII ແລະ ແຜນງົບປະມານແຫ່ງລັດ 5 ປີ. ໃນ​​ດ້ານລາຍຮັບສາມາດ ປະຕິບັດໄດ້ 22.619 ຕື້ກີບ ເທົ່າກັບ 99,53% ຂອງແຜນການດັດແກ້, ໃນນັ້ນ, ລາຍຮັບພາຍໃນ ປະຕິບັດໄດ້ 20.410 ຕື້ກີບ ເທົ່າກັບ 99,86% ຂອງແຜນການດັດແກ້ (ຖ້າທຽບໃສ່ໃນໄລຍະດຽວ ກັນ ເຫັນວ່າຫຼຸດລົງ 13,6%). ດ້ານລາຍຈ່າຍປະຕິບັດໄດ້ 31.204 ຕື້ກີບ ເທົ່າກັບ 93,7% ຂອງແຜນການດັດແກ້. ສວ່ນການຂາດດຸນ​ມີປະມານ 8.585 ຕື້ກີບ ເທົ່າກັບ 81,2% ແຜນດັດແກ້ ຫຼືເທົ່າກັບ 4,83%, ຖ້າທຽບໃສ່ແຜນດັດແກ້ທີ່ສະພາແຫ່ງຊາດໄດ້ຮັບຮອງສາມາດປະຕິບັດໄດ້ຢູ່ໃນລະດັບດີສົມຄວນ. ຕາມຂໍ້ມູນໃຫ້ຮູ້ວ່າ: ການຈັດຕັ້ງປະຕິບັດວຽກງານດັ່ງກ່າວໄດ້ດີ ຍ້ອນໄດ້ມີການຜັນຂະຫຍາຍນະໂຍບາຍການປະຢັດງົບປະມານຂອງລັດ ...

Read More »

5 Tips ສຳຄັນໃນການບໍລິຫານທຸລະກິດ startups ແລະ SMEsໃນຍຸກ ດິຈິຕອນ

 ອັດຕາການຊົມໃຊ້ມືຖື ຂອງ ຄົນລາວ ແມ່ນ ມີຫຼາຍກວ່າ 92% ແລະ ອັດຕາການຊົມໃຊ້ອິນເຕີເນັດ ແຕ່ລະປີ ແມ່ນມີການຂະຫຍາຍຕົວ ສະນັ້ນ ຍຸກ Digital ກໍ່ແມ່ນສິ່ງທີ່ບໍ່ໄດ້ໄກຈາກຄົນລາວ.  ເມື່ອເຮົາມີທຸລະກິດໃດໜຶ່ງ ເຮັດແນວໃດຈະໃຫ້ມັນສາມາດຍີືນຍົງ ແລະ ດຳເນີນໄປໄດ້ ໃນຍຸກແຫ່ງການແຂ່ງຂັນ ແລະ ຍຸກແຫ່ງການປ່ຽນແປງທີ່ເກີດມີທຸກມື້. ນອກຈາກນີ້ ທຸລະກິດ Startups ແລະ SMEs ແມ່ນບັນດາທຸລະກິດທີ່ມີຕົ້ນທຶນບໍ່ສູງ ແລະ ໃນ ປະເທດລາວ ທຸລະກິດເຫຼົ່ານີ້ແມ່ນ ເປັນວຽກເສິມ ແລະ ທຸລະກິດຄອບຄົວ. ບົດນີ້ຈຶ່ງຈະເບິ່ງວ່າ ເຮົາຈະສາມາດຍາດແຍ່ງ ແລະ ນຳໃຊ້ Digital ແນວໃດ ໃຫ້ເກີດຜົນປະໂຫຍດ ສູງສຸດແກ່ການບໍລິຫານທຸລະກິດ Startups ແລະ SMEs ໄດ້. ໃນນີ້ຫຼັກການພື້ນຖານຂອງການເຮັດທຸລະກິດແມ່ນຍັງຄືເກົ່າ (ການບໍລິຫານເວລາ, ​ການບໍລິຫານຄົນ, ການບໍລິຫານເງິນ, ການຂາຍ,​ ການສ້າງເຄືອຂ່າຍ) ໂດຍທີ່ນໍາໃຊ້ Digital ເຂົ້າມາຊ່ວຍ ເພື່ອຫຼຸດຜ່ອນວຽກ ແລະ ເພີ່ມຄວາມສາມາດໃນການຈັດຕັ້ງປະຕິບັດໃຫ້ໄດ້ຫຼາຍທີ່ສຸດ. ການບໍລິຫານເວລາ (Time ...

Read More »

ເຟສບຸກປິດກັ້ນຄົນໃນອົດສະຕຣາລີ ເບິ່ງ ແລະ ແຊຣ໌ ຂ່າວສານ ຫຼັງຈາກເກີດຄວາມຂັດແຍ້ງກັບລັດຖະບານອົດສະຕຣາລີ

ເຟສບຸກປິດກັ້ນບໍ່ໃຫ້ປະຊາຊົນໃນປະເທດອົດສະຕຣາລີສາມາດ ເບິ່ງ ແລະ ແຊຣ໌ເນື້ອຫາຂ່າວແລ້ວ ຫຼັງເກີດຄວາມຂັດແຍ້ງກັບລັດຖະບານອົດສະຕຣາລີທີ່ຕ້ອງການໃຫ້ສື່ສັງຄົມອອນລາຍ ຈ່າຍຄ່າຂ່າວທີ່ໄດ້ມາຈາກສຳນັກຂ່າວພາຍໃນປະເທດ ທີ່ຖືກແຊຣ໌ໃນແພລັດຟອມຂອງເຟສບຸກ. ສຳນັກງານຂ່າວ ບີບີຊີ ລາຍງານວ່າ: ເຟສບຸກປະກາດ ຈະປິດກັ້ນບໍ່ໃຫ້ຜູ້ໃຊ້ເຟສບຸກໃນອົດສະຕຣາລີເບິ່ງ ແລະ ແຊຣ໌ເນື້ອໃນຂ່າວ ຫຼັງຈາກລັດຖະບານອົດສະຕຣາລີອອກກົດໝາຍໃຫ້ສັງຄົມອອນລາຍຄື Facebook ແລະ Google ຕ້ອງຈ່າຍເງິນຄ່າຂ່າວສານຕ່າງໆ ກໍລະນີມີເນື້ອໃນຖືກນຳມາໂພສ ແລະ ນຳໄປແຊຣ໌ຕໍ່ໃນແພລັດຟອມຂອງສື່ສັງຄົມອອນລາຍ. ລັດຖະບານອົດສະຕຣາລີໄດ້ສະເໜີກົດໝາຍດັ່ງກ່າວເປັນຄັ້ງທຳອິດໃນເດືອນ ທັນວາ ປີ 2020 ທີ່ຜ່ານມາ ໂດຍຄະນະກຳມະການການແຂ່ງຂັນ ແລະ ຜູ້ບໍລິໂພກຂອງອົດສະຕຣາລີ (ACCC) ກ່າວວ່າ: ພວກເຂົາໄດ້ຮ່າງກົດໝາຍນີ້ຂຶ້ນມາ ເພື່ອສ້າງຄວາມສະເໝີພາບໃນການແຂ່ງຂັນທາງທຸລະກິດລະຫວ່າງ ບໍລິສັດເຕັກໂນໂລຊີຍັກໃຫຍ່ ກັບຜູ້ຜະລິດສື່ຂ່າວສານ ແລະ ຈະຊຸກຍູ້ກົດໝາຍໃຫ້ມີການອະພິປາຍ ແລະ ລົງມັດຕິໃນສະພາພາຍໃນສອງສາມອາທິດຂ້າງໜ້າ. ເຊິ່ງກ່ອນໜ້ານີ້ ເຟສບຸກໄດ້ເຕືອນໄວ້ວ່າຈະສະກັດກັ້ນເນື້ອຫາຂ່າວຂອງສື່ທີ່ຖືກແຊຣ໌ອອກໄປແທນການຈ່າຍເງິນ ເຊິ່ງໄດ້ປະກາດນະໂຍບາຍໃໝ່ຜ່ານການປິດກັ້ນ ໃນວັນພຸດທີ 17 ກຸມພາ 2021 ທີ່ຜ່ານມາ ໂດຍລະບຸວ່າ ກົດໝາຍສະບັບນີ້ ເຮັດໃຫ້ເຟສບຸກຕ້ອງພົບກັບທາງເລືອກທີ່ຫຍຸ້ງຍາກ ຄືເຮັດຕາມກົດໝາຍທີ່ບໍ່ສົນກັບຄວາມເປັນຈິງໃນການພົວພັນລະຫວ່າງສື່ສັງຄົມອອນລາຍ ແລະ ຜູ້ຜະລິດສື່ ຫຼືຢຸດການອະນຸຍາດໃຫ້ເຂົ້າເຖິງເນື້ອຫາຂ່າວຕ່າງໆໃນເຟສບຸກຂອງອົດສະຕຣາລີ ແລະ  ພວກເຂົາຂໍເລືອກອັນສຸດທ້າຍ. ພາຍໃຕ້ນະໂຍບາຍໃໝ່ ເຟສບຸກລະບຸວ່າ: ຜູ້ໃຊ້ຊາວອົດສະຕຣາລີ ຈະບໍ່ສາມາດອ່ານ ແລະ ...

Read More »

ປຶກສາຫາລືປະເມີນຜົນກະທົບທີ່ອາດຈະເກີດຂຶ້ນຕໍ່ມໍລະດົກໂລກ

ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດກອງປະຊຸມປຶກສາ ຫາລືປະກອບຄຳຄິດຄຳເຫັນຕໍ່ບົດລາຍງານກ່ຽວກັບການປະເມີນຜົນກະທົບທີ່ອາດຈະເກີດຂຶ້ນຕໍ່ມໍລະດົກ ໂລກຈາກໂຄງການກໍ່ສ້າງເຂື່ອນໄຟຟ້າພະລັງນໍ້າ ທີ່ບ້ານຫ້ວຍຢໍ້ ເມືອງຈອມເພັດ ແຂວງຫຼວງພະບາງ ຊຶ່ງໄດ້ຈັດຂຶ້ນໃນວັນທີ 18 ກຸມພານີ້ ທີ່ໂຮງແຮມລາວພລາຊາ, ພາຍໃຕ້ການເປັນປະທານຂອງທ່ານ ວັນສີ ກົວມົວ ຮອງລັດຖະມົນຕີກະຊວງ ຖວທ, ທ່ານ ແວນ ຮວ່າງດາວ ປະທານບໍລິສັດຫຼວງພະບາງ ພາວເວີ ຈຳກັດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. ທ່ານ ວັນສີ ກົວມົວ ກ່າວວ່າ: ກອງປະຊຸມຄັ້ງນີ້, ຈັດຂຶ້ນເພື່ອພ້ອມກັນຮັບຟັງບົດລາຍ ງານຂອງ ບໍລິສັດ ຫຼວງພະບາງພາວເວີ ຈຳກັດ ກ່ຽວກັບບັນຫາທີ່ຕິດພັນກັບຂໍ້ກັງວົນຂອງອົງການ ອຸຍແນັດສະໂກ ຕໍ່ຜົນກະທົບດ້ານມໍລະດົກທີ່ອາດຈະເກີດຂຶ້ນໄດ້ໃນໂຄງການສ້າງເຂື່ອນໄຟຟ້າພະລັງ ງານນໍ້າຂອງ ທີ່ແຂວງຫຼວງພະບາງ ພ້ອມນັ້ນກອງປະຊຸມຈະໄດ້ປຶກສາຫາລືແລກປ່ຽນຄຳ ຄິດຄຳເຫັນຮ່ວມກັບຜູ້ຕາງໜ້າຈາກກະຊວງ, ຂະແໜງການທີ່ກ່ຽວຂ້ອງເພື່ອເປັນການກະກຽມ ຂໍ້ມູນທີ່ຈຳເປັນໃຫ້ແກ່ກອງປະຊຸມຮ່ວມກັບອົງການອຸຍແນັດສະໂກທີ່ຈະຈັດຂຶ້ນໃນໄວໆນີ້, ຫວັງຢ່າງຍິ່ງວ່າບັນດາທ່ານທີ່ເຂົ້າຮ່ວມກອງປະຊຸມຈະຕັ້ງໜ້າປະກອບທຸກຄຳເຫັນຢ່າງມີເນື້ອໃນ ແລະ ເຕັມໄປດ້ວຍບັນຍາກາດຟົດຟື້ນເພື່ອໃຫ້ກອງປະຊຸມດຳເນີນໄປດ້ວຍຜົນສຳເລັດຕາມລະດັບຄາດໝາຍ. ແຫຼ່ງຂ່າວ: ປະຊາຊົນ

Read More »

ລັດກຳນົດເວລາໃຫ້ເຈົ້າຂອງທາງດ່ວນ ແກ້ໄຂບັນຫາກົດໝາຍ ສປປ ລາວ

ກະຊວງແຜນການ ແລະ ລົງທຶນ ໄດ້ອອກໜັງສືເລກທີ 043/ຫລປ.ລທ5 ລົງວັນທີ 4 ກຸມພາ 2021 ເຖິງ ບໍລິສັດ ຮ່ວມທຶນພັດທະນາທາງດ່ວນ ລາວ-ຈີນ ຈໍາກັດ ເພື່ອໃຫ້ປັບປຸງການກໍານົດ ອັດຕາການການຄ່າຜ່ານທາງ ແລະ ອັດຕາແລກປ່ຽນ ໃນໂຄງການສໍາປະທານທາງດ່ວນ ແຕ່ນະຄອນຫຼວງວຽງຈັນ ຫາ ວັງວຽງ. ເຊິ່ງມີຫຼາຍບັນຫາທີ່ຕ້ອງໄດ້ແກ້ໄຂ ແລະ ໃຫ້ປະຕິບັດຕາມກົດໝາຍຂອງ ສປປລາວ. ລາຍລະອຽດຕາມແຈ້ງການດັ່ງລຸ່ມນີ້:

Read More »

ຕະຫຼອດ​ໄລຍະ​ 23​ ປີຜ່ານມາ,​ ບໍລິສັດ​ຫົວເຫວີຍ ໄດ້ມຸ້ງໝັ້ນການບໍລິການທີ່ມີນະວັດຕະກຳດ້ານໄອຊີທີຫຼາຍກວ່າໝູ່ຢູ່ໃນຕະຫຼາດປະເທດລາວ (23 years dedication to Laos Market, even more ICT innovation to be expected from Huawei)

Would you mind sharing with us your background and experience prior to assuming the position of CEO of Huawei in Laos? ທ່ານຊ່ວຍແບ່ງປັນເລື່ອງລາວປະຫວັດຄວາມເປັນມາ ແລະ ປະສົບການຂອງທ່ານກ່ອນທີ່ຈະມາຮັບຕຳແໜ່ງເປັນຜູ້ບໍລິຫານສູງສຸດຂອງບໍລິສັດຫົວເຫວີຍ ຢູ່ ສປປ ລາວ ໃຫ້ພວກເຮົາຮູ້ໄດ້ບໍ? I have more than 16 years of experience in the telecommunications industry and have held various managerial positions including Director at Huawei Thailand and CEO of Huawei Laos. Currently, I am responsible ...

Read More »

ຄະນະກໍາມະການເລືອກຕັ້ງລະດັບຊາດ ຮັບປະກັນໃຫ້ບັ້ນເລືອກຕັ້ງຄັ້ງນີ້ ບັນລຸສາມຄາດໝາຍ

ການກະກຽມດ້ານຕ່າງໆໃຫ້ແກ່ບັ້ນເລືອກຕັ້ງສະມາຊິກສະພາແຫ່ງຊາດ ຊຸດທີ 9 ແລະ ສະມາຊິກສະພາປະຊາຊົນຂັ້ນແຂວງຊຸດ ທີ 2 ໃນຂອບເຂດທົ່ວປະເທດ ພວມດຳເນີນໄປຢ່າງເປັນຂະ ບວນຟົດຟື້ນຕໍ່ເນື່ອງ ເພື່ອຮັບປະກັນໃຫ້ບັ້ນເລືອກຕັ້ງຄັ້ງນີ້ ບັນລຸຕາມລະດັບຄາດໝາຍ 3 ຮ້ອຍສ່ວນຮ້ອຍ ຄື: ຮັບປະກັນໃຫ້ຜູ້ໄປໃຊ້ສິດຮ້ອຍສ່ວນຮ້ອຍ, ບໍ່ໃຫ້ມີບັດຕາຍຮ້ອຍສ່ວນຮ້ອຍ ແລະ ໃຫ້ມີຄວາມສະຫງົບຮ້ອຍສ່ວນຮ້ອຍ.ທ່ານ ສົມພູ ດວງສະຫວັນ, ຄະນະປະຈໍາສະພາແຫ່ງຊາດ, ກໍາມະການອະນຸກໍາມະການເລຂາ ນຸການ, ໂຄສົກຂອງຄະນະກໍາມະການເລືອກຕັ້ງລະດັບຊາດ ໄດ້ໃຫ້ສຳພາດເມື່ອບໍ່ນານມານີ້ວ່າ: ມາຮອດປັດຈຸບັນ ອະນຸກຳມະການຕ່າງໆ ທີ່ໄດ້ຮັບການແຕ່ງຕັ້ງຈາກຄະນະກຳມະການເລືອກຕັ້ງລະດັບຊາດ ປະກອບດ້ວຍ 5 ອານຸກໍາມະການ ເປັນຕົ້ນອານຸກໍາມະການເລຂານຸການ, ບຸກຄະລາກອນ ແລະໂຄງປະກອບ, ໂຄສະນາ ແລະ ຂະບວນການ, ງົບປະມານ ແລະ ອະນຸກຳມະການປ້ອງກັນຊາດປ້ອງກັນຄວາມສະຫງົບ ພວມສຸມໃສ່ຈັດຕັ້ງປະຕິບັດວຽກງານດ້ວຍຄວາມຮັບຜິດຊອບສູງ ເພື່ອເຄື່ອນໄຫວຕາມ 4 ບາດກ້າວສໍາຄັນ ໂດຍສະເພາະການເຜີຍແຜ່ເອກະສານຕ່າງໆ ກ່ຽວກັບການເລືອກຕັ້ງຢູ່ຂັ້ນແຂວງ, ຂັ້ນເມືອງ ແລະ ບ້ານ ເພື່ອໃຫ້ປະຊາຊົນຮັບຮູ້ເຂົ້າໃຈ ແລະ ກຳໄດ້ຄວາມໝາຍຄວາມສຳຄັນຂອງການເລືອກຕັ້ງ, ທີ່ຕັ້ງພາລະບົດບາດ, ສິດ ແລະ ໜ້າທີ່ຂອງສະພາແຫ່ງຊາດ ກໍ່ຄື ສະມາຊິກສະ ພາແຫ່ງຊາດ ...

Read More »