News

ການສົ່ງອອກຂອງຈີນພຸ້ງຂຶ້ນຈາກຄວາມຕ້ອງການ ໄລຍະການລະບາດ….

ການສົ່ງອອກຂອງຈີນເພີ່ມຂຶ້ນຢ່າງໄວວາໃນຮອບເກືອບ 3 ປີ ໃນເດືອນພະຈິກ ເນື່ອງຈາກຄວາມຕ້ອງການສິນຄ້າທົ່ວໂລກທີ່ແຂງແຮງ ຊຶ່ງຈໍາເປັນຕໍ່ການແກ້ໄຂບັນຫາໂລກລະບາດ ເຮັດໃຫ້ເສດຖະກິດທີ່ໃຫຍ່ເປັນອັນດັບ 2 ຂອງໂລກເກີນດຸນການຄ້າເປັນປະຫວັດສາດ. ການຟື້ນຕົວຢ່າງວ່ອງໄວຂອງໂຮງງານໃນຈີນ ເມື່ອການຄວບຄຸມໄວຣັດໂຄໂຣນາໄດ້ຢ່າງໜັກແໜ້ນໃນຕົ້ນປີທີ່ຜ່ານມາ ເຮັດໃຫ້ປະເທດມີການບໍລິການແຊງໜ້າອີກຄັ້ງກັບຄູ່ຄ້າລາຍໃຫຍ່ຫຼາຍແຫ່ງທີ່ຍັງຄົງຕໍ່ສູ້ກັບການລະບາດ; ການສົ່ງອອກຂອງຈີນໃນເດືອນພະຈິກ ເພີ່ມຂຶ້ນ 21,1% ຈາກປີກ່ອນໜ້າຂໍ້ມູນພາສີ ສະແດງໃຫ້ເຫັນໃນວັນທີ 7 ທັນວາ 2020 ນີ້ ຊຶ່ງເປັນການເຕີບໂຕທີ່ໄວທີ່ສຸດນັບຕັ້ງແຕ່ເດືອນກຸມພາ 2018. ນອກຈາກນີ້ ຍັງເອົາຊະນະຄວາມຄາດຫວັງຂອງນັກວິເຄາະທີ່ເພີ່ມຂຶ້ນ 12,0% ແລະ ເພີ່ມຂຶ້ນຢ່າງໄວວາ ຈາກການເພີ່ມຂຶ້ນ 11,4% ໃນເດືອນຕຸລາ. ການສົ່ງອອກທີ່ແຂງແຮງໄດ້ເກີດຂຶ້ນ ເຖິງວ່າເງິນຢວນຈະແຂງຄ່າເກືອບສູງສຸດໃນຮອບຫຼາຍປີ ເມື່ອທຽບກັບໂດລາ ຊຶ່ງເປັນຂ່າວທີ່ໜ້າຍິນດີສຳລັບຜູ້ກຳນົດນະໂຍບາຍ ທີ່ກັງວົນກ່ຽວກັບຜົນກະທົບຂອງເງິນໂດລາທີ່ອ່ອນຕົວລົງຕໍ່ຄວາມສາມາດໃນການແຂ່ງຂັນທາງການຄ້າຂອງຈີນ.ການນຳເຂົ້າເພີ່ມຂຶ້ນ 4,5% ເມື່ອທຽບເປັນລາຍປີ ໃນເດືອນພະຈິກ ຊ້າກວ່າການຂະຫຍາຍຕົວ 4,7% ຂອງເດືອນຕຸລາ ແລະ ຜົນການສຳຫຼວດຂອງ Reuters ທີ່ເພີ່່ມຂຶ້ນ 6,1% ແຕ່ຍັງຄົງຂະຫຍາຍຕົວ ເປັນເດືອນທີ 3 ຕິດຕໍ່ກັນ. ບົດບັນທຶກກ່າວວ່າ “ເຮົາເຊື່ອວ່າການເຕີບໂຕຂອງການສົ່ງອອກຂອງຈີນຈະຍັງຄົງສູງຂຶ້ນໄປອີກຫຼາຍເດືອນ ເນື່ອງຈາກສະຖານະການ COVID-19 ໃນຕ່າງປະເທດທີ່ຊຸດໂຊມລົງ”.ການຈັດສົ່ງເຄື່ອງຂອງບໍລິສັດ ນຳໄປສູ່ການເກີນດຸນການຄ້າໃນເດືອນພະຈິກ ທີ 75,42 ພັນລ້ານໂດລາ ...

Read More »

ຄະນະບໍລິຫານງານສູນກາງ ຕ້ອງສຸມໃສ່ 5 ວຽກງານສໍາຄັນໃຫຍ່……………

ທ່ານ ແສງນວນ ໄຊຍະລາດ, ຄະນະເລຂາທິ ການສູນກາງພັກ, ຮອງປະທານສະພາແຫ່ງຊາດ ໄດ້ເນັ້ນໜັກໃຫ້ ຄະນະບໍລິຫານງານສູນກາງສະຫະພັນກໍາມະບານລາວ ສະໄໝທີ VIII ໃນໂອກາດ ໂອ້ລົມຕໍ່ກອງປະຊຸມໃຫຍ່ຜູ້ແທນກໍາມະບານລາວທົ່ວປະເທດ ທີ່ຈັດຂຶ້ນຢູ່ນະຄອນຫລວງວຽງຈັນ ໃນລະຫວ່າງວັນທີ 3-4 ທັນວາ 2020 ນີ້ວ່າ: ຄະນະບໍລິຫານງານສູນກາງສະຫະພັນກໍາມະບານຕ້ອງສຸມໃສ່ຈັດຕັ້ງປະຕິບັດໃນຕໍ່ໜ້າ 5 ວຽກງານສໍາຄັນໃຫຍ່ດັ່ງນີ້: 1. ຕ້ອງເປັນໃຈກາງເຕົ້າໂຮມຄວາມສາມັກຄີເປັນປຶກແຜ່ນພາຍໃນຄະນະນໍາສະຫະພັນກໍາມະບານແຕ່ລະຂັ້ນ, ສະມາຊິກສະຫະພັນກໍາມະບານ, ກໍາມະກອນ ແລະ ຊາວຜູ້ອອແຮງງານໃຫ້ໜັກແໜ້ນ ເພື່ອປັບປຸງການຈັດຕັ້ງສະຫະພັນກໍາມະບານໃຫ້ມີຄວາມເຂັ້ມແຂງ, ມີຄຸນນະພາບໃໝ່ ປະກອບສ່ວນຢ່າງຕັ້ງໜ້າເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມ. 2. ເປັນເຈົ້າການ ແລະ ເພີ່ມທະວີຄວາມຮັບຜິດຊອບການເມືອງ, ນໍາພາຊີ້ນໍາສະຫະພັນກໍາມະບານແຕ່ລະຂັ້ນ ເຊື່ອມຊຶມ, ຮັບຮູ້ເຂົ້າໃຈ ແລະ ກໍາແໜ້ນບັນດາທິດທາງ, ນະໂຍບາຍການພັດທະນາວຽກງານກໍາມະບານລາວທີ່ກໍານົດອອກໃນມະຕິກອງປະ ຊຸມໃຫຍ່ຄັ້ງນີ້ໃຫ້ເລິກເຊີ່ງ ແລະ ຍູ້ແຮງການຈັດຕັ້ງປະຕິບັດໃຫ້ເກີດຜົນເປັນຈິງ. 3. ຮີບຮ້ອນແບ່ງວຽກ, ແບ່ງງານ, ແບ່ງຄວາມຮັບຜິດຊອບພາຍໃນຄະນະບໍລິຫານງານສູນກາງສະຫະພັນກໍາມະບານລາວໃຫ້ລະອຽດຈະແຈ້ງ, ລວມທັງການສ້າງແຜນດໍາເນີນງານຕະຫລອດສະໄໝຂອງຄະນະບໍລິຫານງານນັບແຕ່ຫົວທີ ເພື່ອເປັນບ່ອນອີງໃນການຈັດຕັ້ງປະຕິບັດ ກໍຄື ການຕິດຕາມ, ກວດກາໃນແຕ່ລະໄລຍະ. 4. ຕ້ອງຢຶດໝັ້ນ ແລະ ເຂັ້ມງວດໃນການປະຕິບັດຫລັກການລວມສູນປະຊາທິປະໄຕ, ນໍາພາເປັນໝູ່ຄະນະ, ບຸກຄົຍຮັບຜິດຊອບ ...

Read More »

ສປປ ລາວ ຈະເປັນປະທານກອງປະຊຸມ ຫາລືເຂດ ສາມຫຼ່ຽມພັດທະນາ………

ໃນຕອນເຊົ້າ ວັນທີ 9 ທັນວາ 2020, ສປປ ລາວ ຈະເປັນເຈົ້າພາບ ກອງປະຊຸມສຸດຍອດ ເຂດສາມຫລ່ຽມພັດທະນາ ກໍາປູເຈຍ-ລາວ-ຫວຽດນາມ (CLV) ຄັ້ງທີ 11 ແລະ ກອງປະຊຸມສຸດຍອດ ຂອບການຮ່ວມມື ກໍາປູເຈຍ-ລາວ-ມຽນມາ-ຫວຽດນາມ (CLMV) ຄັ້ງທີ 10, ພາຍໃຕ້ການເປັນປະທານຂອງ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມທັງນຳພາຄະນະຜູ້ແທນລາວ ເຂົ້າຮ່ວມກອງປະຊຸມສຸດຍອດ ຂອບຍຸດທະສາດການຮ່ວມມືດ້ານເສດຖະກິດແມ່ນໍ້າອິຣະວະດີ-ແມ່ນໍ້າເຈົ້າພະຍາ-ແມ່ນໍ້າຂອງ (ACMECS) ຄັ້ງທີ 9 ໂດຍການເປັນເຈົ້າພາບຂອງຣາຊະອານາຈັກກຳປູເຈຍ ຊຶ່ງ 3 ກອງປະຊຸມສຸດຍອດດັ່ງກ່າວຈະຈັດຂຶ້ນ ໃນຮູບແບບກອງປະຊຸມທາງໄກ. ກອງປະຊຸມສຸດຍອດ CLV ຄັ້ງທີ 11, ກອງປະຊຸມສຸດຍອດ CLMV ຄັ້ງທີ 10 ແລະ ກອງປະຊຸມສຸດຍອດ ACMECS ຄັ້ງທີ 9 ຈະໄດ້ທົບທວນຄືນໝາກຜົນຂອງການຮ່ວມມືໄລຍະ 2 ປີ ຜ່ານມາ ແລະ ວາງທິດທາງການຮ່ວມມືໃນຕໍ່ໜ້າ ໂດຍສຸມໃສ່ການຟື້ນຟູເສດຖະກິດ-ສັງຄົມຈາກຜົນກະທົບຂອງການແຜ່ລະບາດຂອງພະຍາດໂຄວິດ-19. ...

Read More »

ແຂວງວຽງຈັນ ໄດ້ຮັບກາໝາຍໂອດອບ (ODOP) ແຫ່ງຊາດ ທັງໝົດ 19 ຫົວໜ່ວຍ………

ຜະລິດຕະພັນກາເຟຜາໂກຍ ແມ່ນໜຶ່ງໃນສິນຄ້າໂອດອບຂອງເມືອງກາສີ ແຂວງວຽງຈັນ ເຊິ່ງແມ່ນຜະລິດຕະພັນປອດສານພິດ ໂດຍມີຄອບຄົວ ທ່ານ ບຸນມີ ສຸມຸນທອງ ບ້ານພູຄໍາ ເມືອງກາສີ ແຂວງວຽງຈັນ ເປັນຜູ້ລິເລີ່ມທົດລອງປູກ ແລະຜະລິດອອກຮັບໃຊ້ສັງຄົມ. ທ່ານບຸນມີ ສຸມຸນທອງໃຫ້ຮູ້ວ່າ :ຄອບຄົວຂອງທ່ານມີແນວຄິດ ທົດລອງປູກກາເຟມາແຕ່ປີ 2010, ເບື້ອງຕົ້ນໄດ້ປູກຕາມທໍາມະຊາດ, ພາຍຫຼັງໄປທ່ອງທ່ຽວພາກໃຕ້ ເຫັນຜູ້ປູກກາເຟມີລາຍຮັບດີ ຈຶ່ງທົດລອງປູກ ເພາະເຂດເມືອງກາສີເປັນເຂດດິນດໍານໍ້າຊຸ່ມ, ຍ້ອນຜ່ານມາເຫັນພໍ່ແມ່ປູກຕາມຮົ້ວສວນ, ໄຮ່ນາ ເຫັນວ່າງາມ ແລະອອກໝາກດີ ຈຶ່ງໄດ້ເອົາແນວພັນມາແຕ່ປາກຊ່ອງ ຈໍານວນ 2 ສາຍພັນ ຄື: ພັນອາຣາບິກກາ ແລະພັນໂຣບັສຕາ, ເບື້ອງຕົ້ນປູກໃນເນື້ອທີ່ປະມານ 3 ເຮັກຕາ ຕໍ່ມາ 4 ປີ ຈຶ່ງໃຫ້ຜົນຜະລິດ, ສາມາດເກັບກູ້ ແລະຜະລິດອອກຮັບໃຊ້ສັງຄົມ ໂດຍບໍ່ມີຈຸດໝາຍປາຍທາງຂອງການຜະລິດແຕ່ຢ່າງໃດ, ຈາກນັ້ນ ຈຶ່ງມີໂຄງການສົ່ງເສີມຜະລິດກະສິກໍາເປັນສິນຄ້າ ໄປສົ່ງເສີມ ໂດຍຕັ້ງໃຫ້ເປັນກຸ່ມຜະລິດ ເບື້ອງຕົ້ນປະກອບມີ 19 ຄອບຄົວ, ແລະຂະຫຍາຍເນື້ອທີ່ປູກກາເຟເພີ່ມຂຶ້ນເປັນ 20 ເຮັກຕາ, ແຕ່ຜົນຜະລິດບໍ່ມີຕະຫລາດຮອງຮັບ. ເຊິ່ງການຄຸ້ມຄອງແບ່ງອອກເປັນ 2 ເຂດ ຄື ເຂດທີ່ຢູ່ໃກ້ຕົວເມືອງແມ່ນໃຫ້ເຮັດການຕະຫລາດ ...

Read More »

ເປີດປ້າຍສິລາຈາລຶກ ອະນຸສອນສະຖານ…….

ເປີດປ້າຍສິລາຈາລຶກ ອະນຸສອນສະຖານ ບ່ອນດຳເນີນກອງປະຊຸມໃຫຍ່ ສ້າງຕັ້ງພັກປະຊາຊົນປະຕິວັດລາວ 22 ມີນາ 1955. ວັນທີ 7 ທັນວາ 2020 ນີ້, ທີ່ດ່ານນໍ້າໂສຍ ເມືອງວຽງໄຊ ແຂວງຫົວພັນ, ສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ, ຫົວໜ້າຄະນະໂຄສະນາອົບຮົມສູນກາງພັກ, ສະຫາຍ ສິນລະວົງ ຄຸດໄພທູນ, ກຳມະການກົມການເມືອງສູນກາງພັກ, ເຈົ້າຄອງນະຄອນຫລວງວຽງຈັນ ແລະ ບັນດາສະຫາຍການນຳພັກ – ລັດ, ອະດີດການນຳພັກ – ລັດ ພ້ອມດ້ວຍພະນັກງານປະຕິວັດອາວຸໂສ, ບັນດາກ້ອນກຳລັງ ປກສ-ປກຊ, ຊາວໜຸ່ມ, ເຍົາວະຊົນ ແລະ ປະຊາຊົນແຂວງຫົວພັນ ໄດ້ພ້ອມພຽງກັນ ເຂົ້າຮ່ວມພິທີເປີດປ້າຍ ສິລາຈາລຶກ ອະນຸສອນສະຖານ ບ່ອນດຳເນີນກອງປະຊຸມໃຫຍ່ ສ້າງຕັ້ງພັກປະຊາຊົນ ປະຕິວັດລາວ ວັນທີ 22 ມີນາ ປີ 1955. ແຫຼ່ງຂໍ້ມູນ: ຂປລ

Read More »

JD.com ກາຍເປັນ platform ທຳອິດທີ່ຍອມຮັບສະກຸນເງິນດິຈີຕອນຂອງຈີນ…..

ບໍລິສັດ e-commerce ຂອງຈີນ JD.com Inc ກ່າວໃນວັນທີ 5 ທັນວາ 2020 ວ່າ: ໄດ້ກາຍເປັນ platform ຕົວຈິງ ແຫ່ງທຳອິດຂອງປະເທດທີ່ຍອມຮັບສະກຸນເງິນດິຈີຕອນຂອງປັກກິ່ງ JD Digits ຊຶ່ງເປັນໜ່ວຍງານດ້ານ  fintech ຂອງບໍລິສັດ ຈະຮັບເງິນຢວນດີຈີຕອນ ສຳລັບການຊຳລະເງິນ ສຳລັບຜະລິດຕະພັນບາງຢ່າງ ໃນຮ້ານຊັບພະສິນຄ້າອອນໄລ ຊຶ່ງເປັນສ່ວນໜຶ່ງຂອງການທົດລອງແຈກ ເງິນຢວນດີຈີຕອນ ໃຫ້ກັບພົນລະເມືອງຂອງຊູໂຈ ໃກ້ກັບເມືອງ ຊຽງໄຮ ຕາມໂພສໃນບັນຊີ WeChat ຢ່າງເປັນທາງການຂອງບໍລິສັດ ເງິນຢວນດິຈີຕອນຂອງຈີນເປັນໜຶ່ງໃນໂຄງການລິເລີ່ມ “ສະກຸນເງິນດິຈິຕອນຂອງທະນາຄານກາງ” ທີ່ກ້າວໜ້າທີ່ສຸດໃນໂລກ ເນື່ອງຈາກທາງການທົ່ວໂລກຕອບສະໜອງຕໍ່ໄພຄຸກຄາມ ຈາກສະກຸນເງິນສ່ວນຕົວເຊັ່ນ: bitcoin ແລະ Libra ຂອງ Facebook ພາຍໃຕ້ໂຄງການ Suzhou ລັດຖະບານເທດສະບານ ແລະ People’s Bank of China (PBOC) ຈະອອກ “ ຊອງແດງ” ດິຈີຕອນ 200 ຢວນໃຫ້ກັບຜູ້ບໍລິໂພກ 100.000 ຄົນທີ່ເລືອກຜ່ານລອດເຕີຣີ່ ໂຄງການຂອງຊູໂຈເປັນລອດເຕີຮີ່ ດິຈີຕອນຄັ້ງທີ ...

Read More »

ກອງທຶນສົ່ງເສີມ SME ສະໜອງທຶນ ໃຫ້ຈຸນລະວິສາຫະກິດ……

ກອງທຶນສົ່ງເສີມ SME ສະໜອງທຶນ ຈຳນວນ 2,52 ຕື້ກີບ ເພື່ອປ່ອຍສິນເຊື່ອ ແລະ ຄໍ້າປະກັນສິນເຊື່ອໃຫ້ ຈຸນລະວິສາຫະກິດ ໃນ​ຕອນບ່າຍຂອງວັນທີ 03 ທັນວາ 2020, ທີ່ ກະຊວງອຸດສາຫະກຳ ແລະ ການຄ້າ ກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ (ທສວ) ໄດ້​ຈັດ​ພິທີ​ເຊັນ​ສັນຍາ​​ສະ​ໜອງ​ທຶນ​ຂຶ້ນ ລະ​ຫວ່າງ ທສວ ​ກັບ ສະພາການຄ້າ ແລະ ອຸດສາຫະກໍາແຫ່ງຊາດລາວ ແລະ ທສວ ກັບ 04 ສະຖາບັນການເງິນຈຸລະພາກ ຄື: ສະຖາບັນການເງິນຈຸລະພາກທີ່ຮັບຝາກເງິນ ປະຕູຄໍາ, ສະຖາບັນການເງິນຈຸລະພາກທີ່ບໍ່ຮັບຝາກເງິນ ເນັກ, ສະຖາບັນການເງິນຈຸລະພາກທີ່ບໍ່ຮັບຝາກເງິນ ເພື່ອການພັດທະນາ ແລະ ສົ່ງເສີມທຸລະກິດ (BDP) ແລະ ສະຖາບັນການເງິນຈຸລະພາກທີ່ບໍ່ຮັບຝາກເງິນ ໄຊອຸດົມ ໂດຍການເຂົ້າຮ່ວມເປັນປະທານຂອງ ທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ, ປະທານສະພາບໍລິຫານ ທສວ ພ້ອມດ້ວຍແຂກທີ່ຖືກເຊີນຈາກທັງພາກລັດ ແລະ ພາກທຸລະກິດ. ການເຊັນສັນຍາສະໜອງທຶນກັບສະພາການຄ້າ ...

Read More »

ຫົວໜ້າດ້ານສຸຂະພາບຂອງ ສປຊ ຄາດວ່າ ໂລກ ມີຫວັງຕໍ່ຈຸດຈົບຂອງໂຄວິດ-19……………….

ຫົວໜ້າໜ່ວຍງານສຸຂະພາບ U_N_ ກ່າວວ່າ: ຜົນດ້ານບວກຈາກການທົດລອງວັກຊີນໂຄວິດ-19 ໝາຍຄວາມວ່າໂລກ “ເລີ່ມຝັນເຖິງການສິ້ນສຸດຂອງການແຜ່ລະບາດ” ຫົວໜ້າດ້ານສຸຂະພາບຂອງສະຫະປະຊາຊາດ (ສປຊ) ປະກາດໃນວັນທີ 4 ທັນວາ 2020​ ວ່າ: ຜົນດ້ານບວກຈາກການທົດລອງວັກຊີນໂຄວິດ-19 ເຮັດໃຫ້ໂລກ “ເລີ່ມຝັນເຖິງການສິ້ນສຸດຂອງການລະບາດໄດ້” ແຕ່ເຂົາກ່າວວ່າ: “ປະເທດທີ່ລໍ່າລວຍ ແລະ ມີອຳນາດຈະຕ້ອງບໍ່ຂົ່ມເຫັງຄົນຍາກຈົນ ແລະ ຄົນເຂດນອກ ໃນເລື່ອງວັກຊີນ”. ໃນຄຳປາໄສຂອງການປະຊຸມລະດັບສູງຄັ້ງທຳອິດຂອງ ສປຊ ກ່ຽວກັບການລະບາດຂອງໂລກ Tedros Adhanom Ghebreyesus ຜູ້ອຳນວຍການອົງການອະນາໄມໂລກເຕືອນວ່າ ໃນຂະນະທີ່ໄວຣັດສາມາດຢຸດໄດ້ ແຕ່ “ເສັ້ນທາງຕໍ່ໜ້າຍັງຄົງບໍ່ແນ່ນອນ”. ການລະບາດຂອງໂລກໄດ້ສະແດງໃຫ້ມະນຸດຊາດເຫັນວ່າ: “ດີທີ່ສຸດ ແລະ ຊົ່ວຮ້າຍທີ່ສຸດ” ເຂົາກ່າວໂດຍຊີ້ໄປທີ່ “ການກະທຳທີ່ສ້າງແຮງບັນດານໃຈຂອງຄວາມເມດຕາ ແລະ ຄວາມເສຍສະຫຼະຕົນເອງ, ໃນຄວາມສຳເລັດອັນໜ້າພໍໃຈຂອງວິທະຍາສາດ ແລະ ນະວັດຕະກຳ ແລະ ການສະແດງໃຫ້ເຫັນເຖິງຄວາມເປັນນໍ້າໜຶ່ງໃຈດຽວກັນ ທີ່ອົບອຸ່ນໃຈ ແຕ່ຍັງກັງວົນກັບສັນຍາຂອງຜົນປະໂຫຍດສ່ວນຕົວດ້ວຍການຕຳນິ ແລະ ການແບ່ງແຍກ”ອ້າງອີງເຖິງການເພີ່ມຂຶ້ນ ຂອງການຕິດເຊື້ອ ແລະ ການເສຍຊີວິດໃນປັດຈຸບັນ.​ Tedros ກ່າວໂດຍບໍ່ໄດ້ລະບຸຊື່ປະເທດໃດໆທີ່ “ວິທະຍາສາດຖືກລຶບດ້ວຍທິດສະດີສົມຄົບຄິດທີ່ຄວາມເປັນນ້ຳໜຶ່ງໃຈດຽວກັນຖືກທຳລາຍໂດຍການແບ່ງຝ່າຍ ຊຶ່ງການເສຍສະຫຼະ ຖືກແທນທີ່ດ້ວຍຜົນປະໂຫຍດສ່ວນຕົວ ເຮັດໃຫ້ໄວໄຣເຕີບໃຫຍ່ ແລະ ...

Read More »

ປີ 2025 ຂະແໜງການສຶກສາ ແລະ ກີລາ ຈະມີໂຄງສ້າງທີ່ເໝາະສົມ ທັງມີຄຸນນະພາບ…………………..

ຫວນຄືນກ່ອນປີ 1975 ຂະແໜງການສຶກສາລາວ ມີ ຄວາມຫຍຸ້ງຍາກໃນດ້ານສະຖານທີ່ຮຽນ ແລະ ຄູສອນ. ແຕ່ພາຍຫຼັງສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975 ອັດຕາການເຕີບໂຕຂອງຂະແໜງສຶກສາລາວມີຄວາມກ້າວໜ້າ ແລະ ກະໂດດຂັ້ນ ປະກອບສ່ວນອັນສຳຄັນໃນການສ້າງບຸກຄະລາກອນຄຸນນະພາບອອກຮັບໃຊ້ສັງຄົມ. ສຳລັບການສຶກສາແຫ່ງຊາດມີການປ່ຽນແປງຢູ່ 3 ໄລຍະ ຄື: ໄລຍະກ່ອນປົດປ່ອຍໄດ້ເລີ່ມປັບປຸງໄລຍະການຮຽນຂັ້ນຕົ້ນຊຸມປີ 1970 – 1986 ການສຶກສາສາມັນສຶກສາ ມີລະບົບການຮຽນຢູ່ 10 ປີ ຫຼື 10 ຫ້ອງ, ຈົນມາຮອດຊຸມປີ 1990 ໄດ້ມີການປ່ຽນແປງລະບົບການສຶກສາ ຈາກ 10 ປີ ມາເປັນ 11 ປີ ແລະ ມາຮອດປັດຈຸບັນໄດ້ປ່ຽນລະບົບການສຶກສາແຫ່ງຊາດມາເປັນລະບົບສາມັນສຶກສາ 12 ປີ, ປະກອບມີ 5 +    4 + 3 ໝາຍຄວາມວ່າ ຂັ້ນປະຖົມ 5 ປີ, ມັດທະຍົມຕອນຕົ້ນ 4 ປີ, ...

Read More »

ກອງປະຊຸມໃຫ່ຍອົງຄະນະພັກກະຊວງສາທາລະນະສຸກ ອັດລົງຢ່າງທາງການ…….

ກອງປະຊຸມໃຫ່ຍຜູ້ແທນອົງຄະນະພັກກະຊວງສາທາລະນະສຸກຄັ້ງທີ IX ໄດ້ອັດລົງຢ່າງເປັນ ທາງການ ໃນຕອນເຊົ້າ ວັນທີ 4 ທັນວາ 2020 ນີ້ ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ ພາຍຫຼັງດໍາເນີນມາເປັນເວລາມື້ເຄິ່ງ, ພາຍໃຕ້ການເປັນປະທານ ຂອງສະຫາຍ ຄໍາພອນ ພຸດທະວົງ ເລຂາຄະນະພັກ ຮອງລັດຖະມົນຕີ ກະຊວງ ສາທາລະນະສຸກ ໃຫ້ກຽດເຂົ້າຮ່ວມມີສະຫາຍ ພັນຄໍາ ວິພາວັນ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງປະທານປະເທດ, ມີພາກສ່ວນກ່ຽວຂ້ອງ, ແຂກຮັບເຊີນ, ພ້ອມດ້ວຍຜູ້ແທນສົມບູນ 184 ສະຫາຍ, ຍິງ 73 ສະຫາຍ ທີ່ເປັນຕົວແທນໃຫ້ສະມາຊິກພັກທົ່ວກະຊວງສາທາລະນະສຸກ 1.340 ສະຫາຍ. ໃນກອງປະຊຸມໄດ້ຮັບຮອງເອົາບົດລາຍງານການເມືອງ, ແຜນການພັດທະນາວຽກງານສາທາລະນະສຸກ 5 ປີ ນັບແຕ່ປີ 2012 ຫາປີ 2025, ໄດ້ຮັບຟັງບົດຮຽນອັນພົ້ນເດັ່ນຈາກອົງການຈັດຕັ້ງມະຫາຊົນຂັ້ນກະຊວງ, ສາຍແຜນງານປິ່ນປົວ-ຟື້ນຟູໜ້າທີ່ການ ແລະສາຍແຜນງານຄຸ້ມຄອງພັດທະນາພະນັກງານ ແລະຄົ້ນຄວ້າວິທະຍາສາດ; ນອກນັ້ນ, ຍັງໄດ້ຮັບຟັງບົດປະກອບຄໍາເຫັນກ່ຽວກັບການຍົກສູງຄຸນນະພາບການບໍລິການສຸຂະພາບ ຕິດພັນກັບການບໍລິການ ປິ່ນປົວພະຍາດໂຄວິດ-19, ການສ້າງຂະບວນການຂອງ 3 ອົງການຈັດຕັ້ງມະຫາຊົນ ຕິດພັນກັບວຽກງານວິຊາສະເພາະ ແລະ ປະກອບຄໍາເຫັນການເຕີບໃຫ່ຍຂະຫຍາຍຕົວຂອງຖັນແຖວພະນັກງານໃນຂະແໜງສາທາລະນະສຸກ. ...

Read More »