Target Magazine
ການສົ່ງອອກຂອງຈີນເພີ່ມຂຶ້ນຢ່າງໄວວາໃນຮອບເກືອບ 3 ປີ ໃນເດືອນພະຈິກ ເນື່ອງຈາກຄວາມຕ້ອງການສິນຄ້າທົ່ວໂລກທີ່ແຂງແຮງ ຊຶ່ງຈໍາເປັນຕໍ່ການແກ້ໄຂບັນຫາໂລກລະບາດ ເຮັດໃຫ້ເສດຖະກິດທີ່ໃຫຍ່ເປັນອັນດັບ 2 ຂອງໂລກເກີນດຸນການຄ້າເປັນປະຫວັດສາດ.
ການຟື້ນຕົວຢ່າງວ່ອງໄວຂອງໂຮງງານໃນຈີນ ເມື່ອການຄວບຄຸມໄວຣັດໂຄໂຣນາໄດ້ຢ່າງໜັກແໜ້ນໃນຕົ້ນປີທີ່ຜ່ານມາ ເຮັດໃຫ້ປະເທດມີການບໍລິການແຊງໜ້າອີກຄັ້ງກັບຄູ່ຄ້າລາຍໃຫຍ່ຫຼາຍແຫ່ງທີ່ຍັງຄົງຕໍ່ສູ້ກັບການລະບາດ; ການສົ່ງອອກຂອງຈີນໃນເດືອນພະຈິກ ເພີ່ມຂຶ້ນ 21,1% ຈາກປີກ່ອນໜ້າຂໍ້ມູນພາສີ ສະແດງໃຫ້ເຫັນໃນວັນທີ 7 ທັນວາ 2020 ນີ້ ຊຶ່ງເປັນການເຕີບໂຕທີ່ໄວທີ່ສຸດນັບຕັ້ງແຕ່ເດືອນກຸມພາ 2018.
ນອກຈາກນີ້ ຍັງເອົາຊະນະຄວາມຄາດຫວັງຂອງນັກວິເຄາະທີ່ເພີ່ມຂຶ້ນ 12,0% ແລະ ເພີ່ມຂຶ້ນຢ່າງໄວວາ ຈາກການເພີ່ມຂຶ້ນ 11,4% ໃນເດືອນຕຸລາ.
ການສົ່ງອອກທີ່ແຂງແຮງໄດ້ເກີດຂຶ້ນ ເຖິງວ່າເງິນຢວນຈະແຂງຄ່າເກືອບສູງສຸດໃນຮອບຫຼາຍປີ ເມື່ອທຽບກັບໂດລາ ຊຶ່ງເປັນຂ່າວທີ່ໜ້າຍິນດີສຳລັບຜູ້ກຳນົດນະໂຍບາຍ ທີ່ກັງວົນກ່ຽວກັບຜົນກະທົບຂອງເງິນໂດລາທີ່ອ່ອນຕົວລົງຕໍ່ຄວາມສາມາດໃນການແຂ່ງຂັນທາງການຄ້າຂອງຈີນ.
ການນຳເຂົ້າເພີ່ມຂຶ້ນ 4,5% ເມື່ອທຽບເປັນລາຍປີ ໃນເດືອນພະຈິກ ຊ້າກວ່າການຂະຫຍາຍຕົວ 4,7% ຂອງເດືອນຕຸລາ ແລະ ຜົນການສຳຫຼວດຂອງ Reuters ທີ່ເພີ່່ມຂຶ້ນ 6,1% ແຕ່ຍັງຄົງຂະຫຍາຍຕົວ ເປັນເດືອນທີ 3 ຕິດຕໍ່ກັນ.
ບົດບັນທຶກກ່າວວ່າ “ເຮົາເຊື່ອວ່າການເຕີບໂຕຂອງການສົ່ງອອກຂອງຈີນຈະຍັງຄົງສູງຂຶ້ນໄປອີກຫຼາຍເດືອນ ເນື່ອງຈາກສະຖານະການ COVID-19 ໃນຕ່າງປະເທດທີ່ຊຸດໂຊມລົງ”.
ການຈັດສົ່ງເຄື່ອງຂອງບໍລິສັດ ນຳໄປສູ່ການເກີນດຸນການຄ້າໃນເດືອນພະຈິກ ທີ 75,42 ພັນລ້ານໂດລາ ຊຶ່ງຫຼາຍທີ່ສຸດນັບຕັ້ງແຕ່ປີ 1981 ເມື່ອບັນທຶກເລີ່ມຂຶ້ນ.
ນອກຈາກນີ້ ຍັງກວ້າງກວ່າການຄາດການຂອງການສໍາຫຼວດຄວາມຄິດເຫັນວ່າເກີນດຸນ 53,5 ພັນລ້ານໂດລາ ການສົ່ງອອກຂອງຈີນ ໄດ້ຮັບແຮງຍູ້ດັນຈາກຄວາມຕ້ອງການອຸປະກອນປ້ອງກັນສ່ວນບຸກຄົນ (PPE) ແລະ ຜະລິດຕະພັນເອເລກໂຕນິກ ຈາກຕ່າງປະເທດທີ່ແຂງແຮງ ສຳລັບການເຮັດວຽກຢູ່ບ້ານ ລວມເຖິງຄວາມຕ້ອງການ ຄຣິດມາດ ຕາມລະດູການ.
