News

ໃນໂອກາດມີຄຳເຫັນຕໍ່ການດໍາເນີນກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII ທີ່ຫໍປະຊຸມສະພາແຫ່ງຊາດ ຫລັກ6 ນະຄອນຫລວງວຽງຈັນ ຕອນເຊົ້າວັນທີ 28 ຕຸລາ 2020 ທ່ານ ວິໄລສຸກ ພິມມະສອນ ສະມາຊິກສະພາແຫ່ງຊາດ ເຂດເລືອກຕັ້ງທີ 9 ແຂວງຊຽງຂວາງ ໄດ້ປະກອບຄໍາຄິດຄໍາເຫັນຕໍ່ບົດລາຍງານການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ ແລະແຜນເງິນຕາ ປະຈໍາປີ 2020 ແລະທິດທາງແຜນການປະຈໍາປີ 2021 ຂອງລັດຖະບານ. ທ່ານ ວິໄລສຸກ ພິມມະສອນ ປະກອບຄໍາເຫັນວ່າ: ຈາກສະພາບການລະບາດຂອງພະຍາດໂຄວິດ19 ທີ່ເກີດຂຶ້ນ ໃນແງ່ໜຶ່ງກໍເປັນໂອກາດ, ເປັນເງື່ອນໄຂໃຫ້ແກ່ການດໍາລົງ, ການຜະລິດປົກກະຕິແບບໃໝ່, ດ້ວຍການເປັນເຈົ້າການ ແລະເພິ່ງຕົນເອງ ຂ້າພະເຈົ້າຂໍຍ້ອງຍໍ, ຊົມເຊີຍມາດຕະການທີ່ເຂັ້ມງວດຂອງລັດຖະບານ ທີ່ໄດ້ຄວບຄຸມການລະບາດຂອງພະຍາດນີ້ໄດ້ຢ່າງທັນການ, ທັງເປັນໂອກາດດີໃຫ້ແກ່ການພັດທະນາເສດຖະກິດ-ສັງຄົມ 5ປີ ເທື່ອທີ 9 ຂອງລັດຖະບານເຮົາມີການຂະຫຍາຍຕົວ, ແຕ່ຂ້າພະເຈົ້າເຫັນດີ ໃນ 6 ຫົວຂໍ້ທີ່ທ່ານນາຍົກລັດຖະມົນຕີໄດ້ສະເໜີໄປນັ້ນ ເຊິ່ງໄດ້ມີການປັບປຸງເຖິງ 7ຄັ້ງແລ້ວ, ຖ້າທຽບໃສ່ກ່ານພັດທະນາໃນຍຸກ 4.0 ແລ້ວ ລັດຖະບານເຮົາກໍຄວນເອົາເຂົ້າຄົ້ນຄວ້າພິຈາລະນາ ເຊິ່ງຂ້າພະເຈົ້າໃສ່ຊື່ວ່າ ແຜນພັດທະນາເສດຖະກິດ-ສັງຄົມດີຈີຕອນ, ດ້ວຍການຊຸກຍູ້ ສົ່ງເສີມ ຂະບວນການປະຕິວັດອຸດສາຫະກໍາ4.0 ...

ການຈັດເກັບລາຍຮັບຢູ່ດ່ານ ພາສີສາກົນ ຂົວມິດຕະພາບນໍ້າເຫືອງ ແຂວງໄຊຍະບູລີ ໃນໄລຍະ 9 ເດືອນຕົ້ນປີ 2020 ຜ່ານມາ ເຖິງວ່າຈະພົບກັບສິ່ງທ້າທາຍຫລາຍປະການກໍຕາມ ເປັນຕົ້ນແມ່ນ ການລະບາດຂອງພະຍາດ ໂຄວິດ-19 ອັນໄດ້ສົ່ງຜົນກະທົບ ຕໍ່ການຈັດເກັບລາຍຮັບເຂົ້າງົບປະມານ, ແຕ່ດ້ວຍຄວາມເອົາໃຈໃສ່ໃນການຊີ້ນໍາ-ນໍາພາ ຂອງຄະນະດ່ານພາສີ ເຮັດໃຫ້ການເກັບລາຍຮັບສາມາດປະຕິບັດໄດ້ 284,16 ຕື້ກວ່າກີບ, ເທົ່າກັບ 101,49% ຂອງແຜນການ, ໃນນັ້ນລາຍຮັບ 93,47% ແມ່ນໄດ້ມາຈາກນໍ້າມັນເຊື້ອໄຟ. ທ່ານ ສົມພິນ ອິນທະວົງ ຫົວໜ້າດ່ານພາສີສາກົນ ຂົວມິດຕະພາບນໍ້າເຫືອງ ໄຊຍະບູລີ-ຈັງຫວັດ ເລີຍ ໃຫ້ຮູ້ວ່າ: ຜົນສຳເລັດດັ່ງກ່າວ ຍ້ອນສະພາບພາຍໃນດ່ານມີຄວາມສະຫງົບ, ການບໍລິການມີຄວາມສະດວກ, ວ່ອງໄວ ແລະ ຮັບປະກັນໄດ້ດ້ານລະບຽບກົດໝາຍ, ການສົ່ງອອກ-ນໍາເຂົ້າສິນຄ້າບາງຊະນິດມີການເພີ່ມຂຶ້ນ, ສ່ວນລາຍຮັບທີ່ສາມາດປະຕິບັດໄດ້ 284,16 ຕື້ກວ່າກີບ ແມ່ນໄດ້ມາຈາກພາກສ່ວນພາສີ ດ້ 153,25 ຕື້ກວ່າກີບ ປະກອບມີ ຄ່າຊັກພິເສດ 87,86 ລ້ານກີບ, ພາສີຂາເຂົ້າ 29,6 ຕື້ກີບ, ຄ່າທໍານຽມຕ່າງໆ 1,65 ຕື້ກີບ, ຄ່າທໍານຽມຄັງແຮ 121,9 ...

ໃນວາລະດຳເນີນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ວັນທີ 27 ຕຸລາ 2020 ນີ້, ທ່ານ ບຸນທອງ ຈິດມະນີ ຮອງນາຍົກລັດ ຖະມົນຕີ, ປະທານອົງການກວດ ກາລັດຖະບານ ໄດ້ລາຍງານຜົນການກວດກາຕາມຜົນການກວດສອບ ປີ 2018 ກ່ຽວກັບການໃຫ້ເຊົ່າ-ສຳປະທານດິນລັດ ທີ່ບໍ່ໄດ້ເຮັດສັນຍາເຊົ່າ-ສຳປະທານ ຢູ່ 4 ແຂວງ ຄື: ແຂວງຜົ້ງສາລີ, ຫລວງພະບາງ, ເຊກອງ ແລະ ແຂວງອັດຕະປື. ສະເພາະ ແຂວງຜົ້ງສາລີ ມີ 112 ໂຄງ ການ, ເນື້ອທີ່ 12.660 ກວ່າເຮັກຕາ, ຜ່ານການກວດກາບັນຊີໂຄງການ ມີ 99 ໂຄງການ, ເນື້ອທີ່ 13.320 ກວ່າເຮັກຕາ, ຍ້ອນວ່າມີ 13 ໂຄງການ, ເນື້ອທີ່ 2,58 ເຮັກຕາ ແມ່ນມີຊື່ຊ້ຳຊ້ອນກັນ ແລະ ກວດກາສຳເລັດແລ້ວ 86 ໂຄງການ. ຢູ່ແຂວງຫລວງພະບາງ ...

ທ່ານ ນາງ ວຽງທອງ ສີພັນດອນ ປະທານອົງການກວດສອບແຫ່ງລັດ ໄດ້ລາຍງານ ຜົນການກວດສອບບົດສະຫລຸບຂາດຕົວ ການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2019 ນີໃນຕອນບ່າຍວັນທີ 27 ຕຸລາ 2020 ທີ່ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VII ນີ້ວ່າ: ໄດ້ກວດສອບເຫັນລາຍຮັບເພີ່ມ ທີ່ບໍ່ມອບເຂົ້າງົບປະມານແຫ່ງລັດ ຈຳນວນ 337,01 ຕື້ກີບ. ໃນນັ້ນ, ຂັ້ນສູນກາງຈຳນວນ 194,15 ຕື້ກີບ ແລະ ຂັ້ນທ້ອງຖິ່ນ 142,86 ຕື້ກີບ ໂດຍມີລາຍລະອຽດດັ່ງນີ້: ສ່ວຍສາອາກອນ ຈຳນວນ 187,68 ຕື້ກີບ ຂັ້ນສູນກາງ 171,73 ຕື້ກີບ ແລະ ຂັ້ນທ້ອງຖິ່ນ 15,95 ຕື້ກີບ; ຄຸ້ມຄອງຊັບສິນຂອງລັດ 23,23 ຕື້ກີບ (ຂັ້ນສູນກາງ 20,65 ຕື້ກີບ ແລະ ຂັ້ນທ້ອງຖິ່ນ 2,58 ຕື້ກີບ); ລາຍຮັບອື່ນໆຈຳນວນ 113,95 ຕື້ກີບ (ຂັ້ນສູນກາງ 1,77 ຕື້ກີບ ...

ກອງປະຊຸມໃຫຍ່ ຜູ້ແທນອົງຄະນະພັກນະຄອນຫລວງວຽງຈັນ ຄັ້ງທີ VII ໄຂຂຶ້ນຢ່າງເປັນທາງການ ໃນວັນທີ 28 ຕຸລາ 2020 ໂດຍການເປັນປະທານຂອງ ສະຫາຍ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ,ເລຂາຄະນະພັກ, ເຈົ້າຄອງນະຄອນຫລວງວຽງຈັນ, ໃຫ້ກຽດເຂົ້າຮ່ວມ ມີສະຫາຍ ບຸນຍັງ ວໍລະຈິດ ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ, ບັນດາອາດີດການນຳພັກ, ລັດ ຂອງນະຄອນຫລວງ, ພະນັກງານປະຕິວັດອາວຸໂສ, ພ້ອມແຂກຖືກເຊີນ ແລະ ບັນດາຜູ້ແທນສົມບູນເຂົ້າຮ່ວມ. ກອງປະຊຸມໃນຄັ້ງນີ້ດຳເນີນໄປພາຍໃຕ້ຄຳຂວັນ ທີ່ວ່າ: “ຍົກສູງຄວາມຮັບຜິດຊອບ ແລະ ຄວາມສາມາດນຳພາຂອງອົງຄະນະພັກ; ເພີ່ມທະວີຄວາມສັກສິດ ແລະ ປະ ສິດທິພາບຂອງການຄຸ້ມຄອງລັດ-ຄຸ້ມຄອງສັງຄົມ ດ້ວຍກົດໝາຍ; ຮັບປະກັນສະຖຽນລະພາບທາງດ້ານການເມືອງຢ່າງໜັກແໜ້ນ; ເຕົ້າໂຮມທຸກກຳລັງແຮງຂອງສັງຄົມ ເຂົ້າໃນການພັດທະນາເສດຖະກິດ, ຫລຸດພົ້ນອອກຈາກຄວາມດ້ອຍພັດທະນາ ແລະ ຍົກລະດັບຄຸນນະພາບຊີວິດການເປັນຢູ່ຂອງປະຊາຊົນໃຫ້ສູງຂຶ້ນ; ສ້າງການຫັນປ່ຽນຢ່າງແຂງແຮງ ໃນການພັດທະນານະຄອນຫລວງວຽງຈັນ ໃຫ້ສົມເປັນເມືອງຫລວງຂອງປະເທດ”, ເຊິ່ງຈະໄດ້ສຸມໃສ່ຕີລາຄາ ຜົນການນໍາພາຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ຂອງນະ ຄອນຫລວງວຽງຈັນ, ...

ສະຫາຍ ບຸນຍັງ ວໍລະຈິດ ເລຂາທິການໃຫຍ່ ຄະນະບໍລິຫານສູນກາງພັກ ປະທານປະເທດແຫ່ງ ສປປ ລາວ ໄດ້ກ່າວສູນທອນພົດໃນພິທີສະເຫຼີມສະຫຼອງ ວັນສ້າງຕັ້ງສະພາແຫ່ງຊາດຄົບຮອບ 45 ປີ ທີ່ໄດ້ຈັດຂຶ້ນເມືອບໍ່ດົນມານີ້ວ່າ: ເນັ້ນໃຫ້ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງເອົາໃຈໃສ່ ຕື່ມບາງບັນຫາ ເຖິງແມ່ນວ່າໃນໄລຍະທີ່ຜ່ານມາ ບັນດາວຽກງານຕ່າງໆຈະສຳເລັດຕາມແຜນການທີ່ວາງໄວ້ກໍຕາມ. ບັນຫາທີ່ ສະຫາຍເລຂາທິການໃຫຍ່ໄດ້ສະເໜີນັ້ນ ປະກອບມີ: ຢາກໃຫ້ເປັນເຈົ້າການປະສານສົມທົບກັບຄະນະພັກ, ອົງການປົກຄອງ, ແນວລາວສ້າງຊາດ, ອົງການຈັດຕັ້ງມະຫາຊົນແຕ່ລະຂັ້ນ ເພື່ອພ້ອມກັນເອົາໃຈໃສ່ຫ້າງຫາກະກຽມວຽກງານຮອບດ້ານ ໃຫ້ແກ່ການເລືອກຕັງສະມາຊິກສະພາແຫຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງຊຸດທີ II, ຕ້ອງຍົກສູງຄວາມຮັບຜິດຊອບໃນການປະຕິບັດບົດບາດດ້ານນິຕິບັນຍັດໃຫ້ດີ, ຍົກສູງຄຸນນະພາບການປັບປຸງ, ກໍ່ສ້າງກົດໝາຍ; ການສ້າງກົດໝາຍຕ້ອງແມ່ນການຜົນຂະຫຍາຍແນວທາງ, ແຜນນະໂຍບາຍຂອງພັກເປັນກົດໝາຍທີ່ເລີ່ມຈາກຄວາມມຸ່ງມາດປາດຖະໜາຂອງປະຊາຊົນ ແລະ ຮັບໃຊ້ຜົນປະໂຫຍດຂອງປະເທດຊາດ ແລະ ເພື່ອປະຊາຊົນຢ່າງແທ້ຈິງ. ທັງສອດຄ່ອງກັບສະພາບຄ່ອງກັບຈຸດພິເສດຂອງຊາດລາວ, ສາມາດເຊື່ອມໂຍງກັບພາກພື້ນ ແລະ ສາກົນ, ຕ້ອງຍົກສູງບົດບາດການພິຈາລະນາ, ຮັບຮອງ ແລະ ຕົກລົງບັນຫາສຳຄັນພື້ນຖານຂອງປະເທດຊາດ ດ້ວຍຄວາມຮັບຜິດຊອບການເມືອງອັນສູງສົ່ງຕໍ່ພັກ, ຕໍ່ປະຊາຊົນ, ມີການຄົ້ນຄວ້າບັນຫາຢ່າງເລິກເຊິ່ງ, ມີຂໍ້ມູນທີ່ລະອຽດຊັດເຈນ, ສະເໜີວິທີການແກ້ໄຂ ແລະ ມາດຕະການຕໍ່ແຕ່ລະບັນຫາດ້ວຍເຫດ ແລະຜົນ ເພື່ອໃຫ້ອົງການລັດຂັ້ນຕ່າງໆສາມາດນຳໄປຈັດຕັງປະຕິບັດຢ່າງມີໝາກຜົນ ໃຫ້ປະເທດຊາດ ...

ກະຊວງໄປສະນີ, ໂທລະ​ຄົມມະນາຄົມ ແລະ ການ​ສື່ສານ (ປທສ) ໄດ້​ຈັດ​ງານ​ປະ​ຊຸມ​ສໍາ​ມະ​ນາ​ກ່ຽວ​ກັບ ການ​ພັດທະນາ​ແນວທາງ ແລະ ມາດຕະຖານ​ລະບົບ​ແຈ້ງ​ເຕືອນ​ໄພພິບັດ​ທາງ​ທໍາ​ມະ​ຊາດ ໃນ​ກຸ່ມ​ປະເທດ​ອາ​ຊຽນ ແລະ ຢີ່​ປຸ່ນ​ ຂຶ້ນເມື່ອບໍ່​ດົນ​ມາ​ນີ້ ທີ່​ໂຮງແຮມ​ຄຣາ​ວ ພລາຊາ ນະຄອນຫຼວງ​ວຽງ​ຈັນ ໂດຍ​ການ​ເປັນ​ປະທານ​ຂອງ ທ່ານ ທະວີ​ສັກ ມະໂນ​ທັມ ຫົວໜ້າ​ສູນ​ບໍລິຫານ​ລັດ​ດ້ວຍ​ເອ​ເລັກ​ໂຕ​ຣ​ນິກ ກະ ຊວງ ປທສ ມີ​ຜູ້ຕາງໜ້າ​ຈາກ​ບັນດາ​ສະມາຊິກ​ປະເທດ​ອາ​ຊຽນ, ກະຊວງ MIC ຍີ່ປຸ່ນ, ອົງການ​ໄພພິບັດ​ອາ​ຊຽນ (AHA Centre), ຕາງໜ້າ​ບັນດາ​ກະຊວງ ແລະ ຫ້ອງການ​ລັດ, ບັນດາ​ບໍລິສັດ ແລະ ບັນດາ​ກົມ​ອ້ອມ​ຂ້າງ​ກະຊວງ ປທສ ເຂົ້າ​ຮ່ວມ. ວຽກ​ງານ​ການ​ປ້ອງ​ກັນ ແລະ ແກ້​ໄຂ​ໄພພິບັດ​ທາງ​ທໍາ​ມະ​ຊາດ ເປັນ​ວຽກ​ງານ​ໜຶ່ງ​ທີ່​ສໍາ​ຄັນ ແລະ ມີ​ບົດບາດ​ຕໍ່​ການ​ຂະຫຍາຍຕົວ​ຂອງ​ເສດຖະກິດ ແລະ ສັງ​ຄົມ. ໄພພິບັດ​ທີ່​ເກີດ​ຈາກ​ທໍາ​ມະ​ຊາດ ແມ່ນ​ສິ່ງ​ທີ່​ຄວບ​ຄຸມ​ໄດ້​ຍາກ​ທີ່​ສຸດ ເມື່ອ​ເກີດ​ໄພພິບັດ​ຂຶ້ນ​ແລ້ວ ຈະ​ສົ່ງ​ຜົນ​ກະທົບ​ໂດຍ​ກົງ​ບໍ່​ຫຼາຍ​ກໍ​ໜ້ອຍຕໍ່​ກັບ​ຊີວິດ ແລະ ຊັບ​ສິນ​ຂອງ​ຄົນ​ໃນ​ສັງ​ຄົມ. ດັ່ງນັ້ນ, ຄວນ​ເລີ່ມ​ຕົ້ນ​ວາງ​ແຜນ ແລະ ຮັບ​ມື​ແຕ່​ຫົວທີ ຈຶ່ງ​ຈະ​ເຮັດ​ໃຫ້​ມີ​ຜົນ​ກະທົບ​ໜ້ອຍ​ທີ່​ສຸດ ດ້ວຍ​ການ​ພົວພັນ​ຮ່ວມ​ມື, ປະສານ​ງານ ...

ໃຜໆກໍຮູ້ດີແລ້ວວ່າ, ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ແມ່ນຜະລິດຕະພັນສາທາລະນະທົ່ວໂລກທີ່ຈີນສະໜອງໃຫ້ແກ່ປະຊາຄົມໂລກ. ນັບມາຮອດເດືອນພຶດສະພາປີນີ້, ໃນທົ່ວໂລກມີ 138 ປະເທດແລະ 30 ອົງການຈັດຕັ້ງສາກົນໄດ້ເຊັນເອກກະສານຮ່ວມມືກ່ຽວກັບການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ກັບຈີນ 200 ສະບັບ. ນີ້ແມ່ນປະຊາຄົມໂລກໃຫ້ການສະໜັບສະໜູນແລະມີຄວາມໝັ້ນໃຈຕໍ່ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ດ້ວຍການກະທຳຕົວຈິງ.ຂໍຍົກກເອົາປະເທດລາວເປັນຕົວຢ່າງ. ປະເທດລາວແມ່ນປະເທດທີ່ບໍ່ມີທາງອອກສູ່ທະເລພຽງປະເທດດຽວໃນອາຊີຕາເວັນອອກສຽງໃຕ້, ການທີ່ “ປະເທດລາວກຳນົດຍຸດທະສາດການຫັນປະເທດທີ່ບໍ່ມີທາງອອກສູ່ທະເລເປັນປະເທດເຊື່ອມໂຍງເຊື່ອມຈອດ” ແມ່ນຍຸດທະສາດການພັດທະນາຂອງລັດຖະບານສປປລາວ, ທັງແມ່ນຄວາມໃຝ່ຝັນອັນແຮງກ້າໃນການພັດທະນາຂອງປະຊາຊົນລາວ. ສະນັ້ນ, ເພື່ອຕອບສະໜອງກັບຄວາມຮຽກຮ້ອງຕ້ອງການຂອງປະເທດລາວ, ຈີນ-ລາວໄດ້ຮ່ວມກັນຊຸກຍູ້ການຮ່ວມມືກັນສ້າງພື້ນຖານໂຄງລ່າງ, ໃນນັ້ນເສັ້ນທາງລົດໄຟຈີນ-ລາວແລະທາງດ່ວນວຽງຈັນ-ວັງວຽງຕ່າງກໍຈະກໍ່ສ້າງໃຫ້ສຳເລັດ ແລະ ເປີດແລ່ນລົດໄດ້ໃນທ້າຍປີໜ້າແລະທ້າຍປີນີ້, ເຊິ່ງທາງສອງເສັ້ນນີ້ຈະຊ່ວຍໃຫ້ປະເທດລາວສາມາດເຊື່ອມໂຍງເຂົ້າກັບຕາໜ່າງເຊື່ອມໂຍງເຊື່ອມຈອດກັນໃນພາກພື້ນດ້ວຍທ່ວງທ່າອັນໃໝ່ອ່ຽມ. ເມື່ອບໍ່ດົນມານີ້, ຜູ້ນຳຂອງປະເທດລາວຍັງໄດ້ເວົ້າຕໍ່ຜູ້ນຳຈີນວ່າ: ເສັ້ນທາງສອງເສັ້ນດັ່ງກ່າວມີຄວາມໝາຍສຳຄັນທາງດ້ານຍຸດທະສາດສຳລັບສປປລາວ ເພື່ອຫັນປ່ຽນສະພາບທີ່ເປັນປະເທດທີ່ບໍ່ມີທາງອອກສູ່ທະເລໃຫ້ກາຍເປັນປະເທດທີ່ເຊື່ອມໂຍງເຊື່ອມຈອດກັບຫຼາຍປະເທດອ້ອມຂ້າງ. ນອກຈາກນັ້ນ, ປະຊາຊົນທ້ອງຖິ່ນກໍໄດ້ພາກັນເຂົ້າຮ່ວມເຮັດວຽກນຳໂຄງການແລະມີລາຍຮັບຫຼາຍສົມຄວນ. ແຕ່ວ່າ, ເມື່ອຜະລິດຕະພັນສາທາລະນະດັ່ງກ່າວໄດ້ຮັບຄວາມນິຍົມຊົມຊອບທີ່ສຸດຈາກທົ່ວໂລກ, ນັກການເມືອງອາເມຣິກາທີ່ຍຶດຖືແນວຄິດສົງຄາມເຢັນພັດໄດ້ເສກສັນປັ້ນແຕ່ງຄວາມຫຼອກລວງອັນທີ່ເອີ້ນວ່າ: “ກັບດັກໜີ້ສິນ”. ປະເທດທີ່ເຂົ້າຮ່ວມ “ໜຶ່ງແລວໜຶ່ງເສັ້ນທາງ” ໄດ້ຕົກຢູ່ໃນສະພາບ: “ກັບດັກໜີ້ສິນ” ແທ້ຫຼືບໍ່? ຄວາມຈິງຈະເປັນຫຼັກຖານທີ່ດີທີ່ສຸດ. ເລີ່ມແຕ່ຈີນສະເໜີຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ເມື່ອປີ 2013 ເປັນຕົ້ນມາ, ຕົວເລກສະຖິຕິທີ່ກ່ຽວຂ້ອງສະແດງໃຫ້ເຫັນວ່າ, ໃນໜີ້ສິນຂອງປະເທດແລະເຂດແຄວ້ນທີ່ກ່ຽວຂ້ອງນັ້ນ, ໜີ້ສິນກ່ຽວກັບໂຄງການຮ່ວມມືກັບຈີນແມ່ນໜ້ອຍທີ່ສຸດ, ນັບມາຮອດປັດຈຸບັນບໍ່ມີປະເທດໃດໄດ້ຕົກເຂົ້າສູ່ສະພາບອັນທີ່ເອີ້ນວ່າ: “ກັບດັກໜີ້ສິນ” ຍ້ອນການຮ່ວມມືກັບຈີນ. ສຳລັບຫຼາຍປະເທດໃນໂລກແລ້ວ, “ໜຶ່ງແລວໜຶ່ງເສັ້ນທາງ” ມີຄວາມໝາຍແນວໃດ? ພຶດຕິກຳຕົວຈິງໃນ ...

ທ່ານ ສົມ​ດີ ດວງດີ ຮອງ​ນາຍົກລັດຖະມົນຕີ ລັດຖະມົນ ຕີ​ກະຊວງ​ການ​ເງິນ ໄດ້​ລາຍ​ງານ​ຕໍ່​ກອງ​ປະຊຸມສະໄໝ​ສາມັນ​ເທື່ອ​ທີ 10 ຂອງ​ສະພາ​ແຫ່ງ​ຊາດ​ຊຸດ​ທີ VIII ໃນ​ວັນ​ທີ 27 ຕຸລາ 2020 ນີ້​ໃຫ້​ຮູ້​ວ່າ: ສະພາບ​ການຈັດຕັ້ງປະຕິບັດ​ແຜນ​ງົບປະມານ 9 ເດືອນ​ຕົ້ນ​ປີ 2020, ມີ​ຄວາມ​ຈຳເປັນຕ້ອງ​ໄດ້​ສະເໜີ​ແຜນ​ດັດແກ້​ເບື້ອງ​ຕົ້ນ ທັງ​ດ້ານ​ລາຍ​ຮັບ, ລາຍ​ຈ່າຍ ແລະ ດັດແກ້​ການ​ຂາດ​ດຸນ ເພີ່ມ​ຂຶ້ນ​ຈາກ 3,77% ມາ​ເປັນ 5,8% ຕໍ່ GDP. ຜ່ານ​ການຈັດຕັ້ງ​ປະຕິ​ບັດ​ຕົວ​ຈິງ ສາມາດ​ປະຕິບັດ​ລາຍ​ຮັບ​ໄດ້ 14.674 ຕື້​ກີບ (ລາຍ​ຮັບ​ສູນ​ກາງ ແລະ ທ້ອງຖິ່ນ), ສ່ວນ​ດ້ານ​ລາຍ​ຈ່າຍ ປະ ຕິບັດ​ໄດ້ 17.902 ຕື້​ກີບ ເທົ່າ​ກັບ 54,18% ຂອງ​ແຜນ​ດັດແກ້ ໃນ​ໄລຍະ 9 ເດືອນ​ມີ​ການ​ຂາດດຸນ​ງົບປະມານ 3.228 ຕື້​ກີບ. ນອກ​ນັ້ນ, ​ຍັງ​ຕ້ອງການ​ທຶນ​ເພື່ອ​ທົດ​ແທນ​ຄືນ​ຕົ້ນ​ທຶນ​ເງິນ​ກູ້​ຢືມ​ພາຍ​ໃນ ແລະ ຕ່າງປະເທດ​ຢູ່​ແຫຼ່ງ​ດຸ່ນ​ດ່ຽງ 5.455 ຕື້​ກີບ, ລວມ​ແລ້ວ​ຄວາມ​ຕ້ອງການ​ແຫຼ່ງ​ທຶນ​ເພື່ອ​ມາ​ດຸນ​ດ່ຽງ​ໃນ 9 ເດືອນ​ຈຳນວນ 8.683 ...

ທ່ານ ນາງ ດຣ ຈັນໃສ ປັດທຳມະວົງ ຮອງຫົວໜ້າໂຄງການໃຫ້ວັກຊີນກັນພະຍາດແຫ່ງຊາດ ສູນສຸຂະພາບແມ່ ແລະ ເດັກ ກະຊວງສາທາລະນະສຸກ ໄດ້ໃຫ້ສຳພາດ ໃນວັນທີ 27 ຕຸລາ 2020 ກ່ຽວກັບ ການແນະນຳການຈັດຕັ້ງປະຕິບັດການໃຫ້ວັກຊີນກັນພະຍາດ ແບບຕະລຸມບອນ ວ່າ: ການໃຫ້ວັກຊີນກັນພະຍາດແບບຕະລຸມບອນ ຈຸດປະສົງເພື່ອປ້ອງກັນ ແລະ ສະກັດກັ້ນບໍ່ໃຫ້ມີການລະບາດຂອງພະຍາດທີ່ສາມາດກັນໄດ້ດ້ວຍວັກຊີນ, ຫລຸດຜ່ອນອັດຕາການເຈັບ, ການຕາຍໃນເດັກນ້ອຍອາຍຸລຸ່ມ 5 ປີ ແລະ ເພື່ອໃຫ້ບັນລຸເປົ້າໝາຍອັດຕາປົກຄຸມການໃຫ້ວັກຊີນກັນພະຍາດທຸກຊະນິດໃຫ້ບັນລຸ 95% ຂຶ້ນໄປ. ປັດຈຸບັນ, ທົ່ວປະເທດ ພວກເຮົາສາມາດຄວບຄຸມໄດ້ 60 ກວ່າສ່ວນຮ້ອຍ, ສະນັ້ນ ຈຶ່ງເປັນສິ່ງທ້າທາຍທີ່ມີຄວາມສ່ຽງ ທີ່ຈະບໍ່ບັນລຸຕົວເລກເປົ້າໝາຍໄດ້ 95% ໃນແຕ່ລະເມືອງ ແລະ ມີຄວາມຈຳເປັນທີ່ແຕ່ລະເມືອງ ໃນຂອບເຂດທົ່ວປະເທດ ຈະຕ້ອງໄດ້ສຸມໃສ່ເມືອງທີ່ມີຄວາມສ່ຽງ ທີ່ຈະບໍ່ບັນລຸ ແລະ ແຕ່ລະເມືອງມີອັດຕາການປົກຄຸມຫລຸດຈາກ 70% ແລະ ມີຄວາມສ່ຽງຫລາຍແລ້ວ, ເຊິ່ງພວກເຮົາກໍ່ເຫັນໄດ້ຈາກການວິເຄາະຕົວເລກ. ສະນັ້ນ, ເມືອງທີ່ສ່ຽງ ແມ່ນຈຳເປັນຕ້ອງໄດ້ບຸກທະລຸ ການເຮັດຮອບຕະລຸມບອນ ໝາຍຄວາມວ່າພວກເຮົາຈະເຮັດລັກສະນະແບບບຸກທະລຸ ແລະ ຈຸດສຸມໃນບ້ານ, ເຂດທີ່ມີອັດຕາການປົກຄຸມການໃຫ້ວັກຊີນກັນພະຍາດຕ່ຳ ...