News

ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ໄດ້ໃຫ້ສໍາພາດຕໍ່ສື່ມວນຊົນໃນວັນທີ 7 ພະຈິກ 2018 ທີ່ສູນກາງແນວລາວສ້າງຊາດວ່າ: ກອງປະຊຸມປະທານອົງການພຸດທະສາດສະໜາ 3 ປະເທດ ລາວ-ກຳປູເຈຍ-ຫວຽດນາມ ຄັ້ງທີ 1 ຈະຈັດຂຶ້ນທີ່ນະຄອນຫຼວງວຽງຈັນ (ນ.ວ), ໃນວັນທີ 12 ພະຈິກ 2018, ພາຍໃຕ້ຄຳຂວັນ: “ເພີ່ມທະວີມູນເຊື້ອສາຍພົວພັນ ຄວາມສາມັກຄີ ແລະ ການຮ່ວມມື ລະຫວ່າງ ອົງການພຸດທະສາດສະໜາ 3 ປະເທດ ກຳປູເຈຍ-ລາວ-ຫວຽດນາມ ໃນເງື່ອນໄຂເຊື່ອມໂຍງພາກພື້ນ ແລະ ສາກົນ”, ຊຶ່ງຄາດວ່າ ຈະມີຜູ້ແທນເຂົ້າຮ່ວມປະມານ 570 ອົງ/ທ່ານ. ຈຸດປະສົງຂອງກອງປະຊຸມຄັ້ງນີ້, ເພື່ອຍົກສູງບົດບາດການເຄື່ອນໄຫວ ຂອງອົງການພຸດທະສາດສະໜາສຳພັນລາວ ແຕ່ລະຂັ້ນ, ເປັນການສ້າງເງື່ອນໄຂໃຫ້ຜູ້ແທນສົງ 3 ປະເທດ ໄດ້ພົບປະປຶກສາຫາລືແລກ ປ່ຽນຄຳຄິດເຫັນ ເພື່ອຮ່ວມມືກັບອົງການຊາວພຸດກຳປູເຈຍ ແລະ ຫວຽດນາມ ໃນດ້ານພຸດທະສາດສະໜາໃນເງື່ອນໄຂໃໝ່ ທີ່ມີການເຊື່ອມໂຍງພາກພື້ນ ແລະ ສາກົນ ເປັນການປະກອບສ່ວນຮັດແໜ້ນສາຍພົວພັນມິດຕະພາບອັນເປັນມູນເຊື້ອ ຂອງອົງການຊາວພຸດ ກໍຄື ພຸດທະສາສະນິກະຊົນ 3 ປະເທດ. ຂໍ້ມູນຈາກ: ...

ວັນທີ 8 ພະຈິກ 2018, ບໍລິສັດ GE ຈາກສະຫະລັດອາເມລິກາ ໄດ້ລົງນາມບົດບັນທຶກຄວາມເຂົ້າໃຈ(MOU) ກັບ ບໍລິສັດ ຜະລິດ-ໄຟຟ້າລາວ ມະຫາຊົນ (EDL-Gen) ໃນການຈະເປັນເຈົ້າພາບຈັດກອງປະຊຸມ ອຸດສາຫະກໍາ “ດີຈີຕອນ” ໃຫ້ບັນດາເຈົ້າຫນ້າທີ່ພະລັງງານ ແລະ ເສີມຂະຫຍາຍພັດທະນາໂຄງລາງພື້ນຖານ ດ້ານພະລັງງານ ໃນ ສປປ ລາວ. ພາຍໃຕ້ MOU, ດັ່ງກ່າວທາງ GE ຈະໄດ້ເປັນເຈົ້າພາບ ຈັດກອງປະຊຸມ ອຸດສາຫະກໍາ “ດີຈີຕອນ” ຮ່ວມກັບພະນັກງານຂອງ EDL-Gen ກ່ອນທີ່ຈະດໍາເນີນການປະເມີນທາງດ້ານເຕັກນິກຂອງໂຄງການພັດທະນາໄຟຟ້ານໍ້າຕົກ EDL-Gen ເພື່ອເປັນການວາງໂຄງລ່າງພື້ນຖານສໍາລັບໂຄງການທົດລອງ Asset Performance Management (APM). ເປົ້າໝາຍໂຄງການທົດລອງ APM ແມ່ນການວິເຄາະ ແລະ ຄາດເດົາ ທີ່ມີປະສິດທິພາບກວ່າຂອງອຸປະກອນຜະລິດພະລັງງານໄຟຟ້າ ແລະ ການບຳລຸງຮັກສາ. ຖ້າຫາກປະສົບຜົນສໍາເລັດ, ໂຄງການທົດລອງຈະໄດ້ຮັບການຂະຫຍາຍອອກໄປ 9 ເຂື່ອນໄຟຟ້າເພີ່ມຕື່ມ ໃນ ສປປ ລາວ. ເປັນກຽດເຂົ້າຮ່ວມເປັນສັກຂີພິຍານໃນພິທີລົງນາມ ມີ ທ່ານ ນາງ ຣີນາ ...

ໃນວັນທີ 8 ພະຈິກ 2018, ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບ ການເຂົ້າຢ້ຽມຂໍ່ານັບ ທ່ານ ເມຣຸດ ຄາວູໂຊລູ (MevlutCavusoglu) ລັດຖະມົນຕີ ຕ່າງປະເທດ ແຫ່ງ ສາທາລະນະລັດ ຕວັກກີ ພ້ອມດ້ວຍຄະນະ, ເນື່ອງໃນໂອກາດເດີນ ທາງມາຢ້ຽມຢາມ ແລະ ເຮັດວຽກທີ່ ສປປ ລາວ ໃນລະຫວ່າງວັນທີ 7-8 ພະຈິກ 2018. ໃນໂອກາດດັ່ງກ່າວ, ທ່ານ ນາຍົກລັດຖະມົນຕີ ກໍໄດ້ສະແດງຄວາມຍິນດີຕ້ອນຮັບ, ຊົມເຊີຍ ແລະ ຕີລາຄາສູງ ຕໍ່ ຄະນະເດີນທາງມາຢ້ຽມຢາມ ແລະ ເຮັດວຽກໃນຄັ້ງນີ້, ເຊິ່ງເປັນການປະກອບສ່ວນອັນສຳຄັນ ເຂົ້າໃນການຮັດແໜ້ນ ການພົວພັນຮ່ວມມື, ໂດຍສະເພາະ ວຽກງານການຄ້າ, ການລົງທຶນ ຂອງສອງປະເທດ ລາວ-ຕວັກກີ ໃຫ້ໄດ້ຮັບການພັດທະນາ ແຕກດອກອອກຜົນຍິ່ງໆຂຶ້ນ ແລະ ສືບຕໍ່ໃຫ້ການສະໜັບສະໜູນຊ່ວຍເຫຼືອ ເຊິ່ງກັນ ແລະ ກັນ ໃນທຸກຂົງເຂດວຽກງານ. ...

ໃນໂອກາດທີ່ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ໄປຢ້ຽມຢາມໂຄງການສຳປະທານຂຸດຄົ້ນຖ່ານຫີນ ຂອງບໍລິສັດ ກໍ່ສ້າງລູຍທິງ ເມືອງລ້ານຊ້າງ ຈຳກັດ ຢູ່ເມືອງຍອດອູ, ແຂວງຜົ້ງສາລີ. ໃນຕອນບ່າຍຂອງວັນທີ 8 ພະຈິກ 2018 ໂດຍມີທ່ານ ຄຳເຈນ ວົງໂພສີ ເຈົ້າແຂວງໆຜົ້ງສາລີ ພ້ອມດ້ວຍຄະນະ ຮ່ວມເດີນທາງຕິດຕາມ. ທ່ານຮອງນາຍົກໄດ້ຊີ້ນຳໃຫ້ພາກສ່ວນທີ່ກ່ຽວຂ້ອງ ເອົາໃຈໃສ່ຕື່ມບາງດ້ານເປັນຕົ້ນ: ໃຫ້ໂຄງການເພີ່ມອັດຕາສ່ວນແຮງງານລາວ ໃຫ້ຫຼາຍຂຶ້ນກວ່າເກົ່າ ແລະ ຖືກຕ້ອງ-ສອດຄ່ອງ ຕາມລະບຽບກົດໝາຍ ຂອງ ສປປ ລາວ; ໃຫ້ພາກສ່ວນກ່ຽວຂ້ອງຂອງແຂວງ ແລະ ເມືອງຍອດອູ ສົມທົບກັບໂຄງການ ຄົ້ນຄວ້າຊົດເຊີຍທີ່ດິນຂອງປະຊາຊົນ ທີ່ໄດ້ຮັບຜົນກະທົບຈາກໂຄງການ ຢ່າງຖືກຕ້ອງ ແລະ ສອດຄ່ອງກັບສະພາບຕົວຈິງ; ໃຫ້ໂຄງການ ສົມທົບກັບພາກສ່ວນທີ່ກ່ຽວຂ້ອງ ກວດກາຄືນ ບົດວິພາກເສດຖະກິດ, ເຮັດບົດປະເມີນສິ່ງແວດລ້ອມ, ບົດຄຸ້ມຄອງສິ່ງແວດລ້ອມ ແລະ ແຜນການປິດບໍ່ ພາຍຫຼັງທີ່ໝົດອາຍຸການສຳປະທານ. ພ້ອມກັນນັ້ນ ກໍໃຫ້ກວດກາຄືນເນື້ອທີ່ສຳປະທານ, ຖ້າຫາກເນື້ອທີ່ສ່ວນໃດ ບໍ່ມີຖ່ານຫີນ (ບໍ່ມີເສດຖະກິດ) ກໍໃຫ້ສົ່ງເນື້ອທີ່ສ່ວນດັ່ງກ່າວ ຄືນໃຫ້ແກ່ລັດ ເພື່ອຈະໄດ້ຈັດສັນໃຫ້ປະຊາຊົນ ທຳການຜະລິດ ແລະ ...

ເລີ່ມ 6 ໂມງເຊົ້າຂອງວັນທີ 9 ພະຈິກ 2018 ລາຄານໍ້າມັນຂາຍຍ່ອຍທົ່ວປະເທດປັບລາຄາລົງ. ອີງຕາມການແຈ້ງການຂອງທ່ານລັດຖະມົນຕີ ກະຊວງອຸດສາຫະກໍາ ແລະ ການຄ້າ ເລກທີ 1540 ລົງວັນທີ 8 ພະຈິກ 2018.    ການປັບລົງລາຄານໍ້າມັນເຊື້ອໄຟ ມີດັ່ງນີ້: ນໍ້າມັນແອ໊ດຊັງພິເສດ 200 ກີບ/ລີດ,ນໍ້າມັນແອ໊ດຊັງທໍາມະດາ 200 ກີບ/ລີດ,ນໍ້າມັນກາຊວນ 100 ກີບ/ລີດ.  

ໃນຕອນເຊົ້າ ຂອງວັນທີ 8 ພະຈິກ 2018 ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ເຄື່ອນໄຫວຢ້ຽມຢາມ ແລະ ໃຫ້ກຽດພົບປະໂອ້ລົມ ຕໍ່ພະນັກງານການນຳຫຼັກແຫຼ່ງ ຂອງແຂວງຜົ້ງສາລີ ຢູ່ທີ່ຫ້ອງວ່າການປົກຄອງແຂວງດັ່ງກ່າວ. ໃນໂອກາດນີ້, ທ່ານໄດ້ຮັບຟັງລາຍງານ ສະພາບການພັດທະນາເສດຖະກິດ-ສັງຄົມ ຂອງແຂວງ ປະຈຳປີ 2018 ຊຶ່ງເຫັນວ່າ: ທົ່ວແຂວງ ສືບຕໍ່ມີຄວາມສະຫງົບທາງດ້ານການເມືອງ, ສັງຄົມມີຄວາມເປັນລະບຽບຮຽບຮ້ອຍໂດຍພື້ນຖານ, ເສດຖະກິດ ຂະຫຍາຍຕົວຢ່າງຕໍ່ເນື່ອງ ໃນລະດັບ 7,81%, ການປະຕິບັດແຜນເກັບລາຍຮັບ ໄລຍະ 10 ເດືອນ ໄດ້ 329,86 ຕື້ກີບ ເທົ່າກັບ 87% ຂອງແຜນການປີ, ສ່ວນແຜນລາຍຈ່າຍ ປະຕິບັດໄດ້ 273,58 ຕື້ກີບ ຂອງແຜນການປີ ເທົ່າກັບ 75,77%. ປັດຈຸບັນ, ທົ່ວແຂວງ ມີບ້ານພັດທະນາ ກວມ 16%, ຄອບຄົວພັດທະນາ ກວມ 33%, ບ້ານທຸກຍາກ ຍັງກວມ 70%, ຄອບຄົວທຸກຍາກ ຍັງກວມ 26%, ...

ໃນວັນທີ 7 ພະຈິກ 2018, ທ່ານ ບໍ່ແສງຄຳ ວົງດາລາ ລັດຖະມົນຕີ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ໄດ້ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ອິວ ດົສ Yves Dauge ປະທານສະມາຄົມຊັບສິນທີ່ເປັນມໍລະດົກໂລກ ຂອງຝຣັ່ງ. ໃນໂອກາດເດີນ ທາງມາຢ້ຽມຢາມ ແລະ ເຮັດວຽກຢູ່ ສປປ ລາວ. ໃນໂອກາດນີ້, ທ່ານ ບໍ່ແສງຄຳ ວົງດາລາ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງຕໍ່ ທ່ານ ອິວ ດົສ ທີ່ໄດ້ນໍາພາຄະນະມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້, ເພື່ອທົບທວນຕີລາຄາວຽກງານຄຸ້ມຄອງມໍລະດົກໂລກ ຂອງ ສປປ ລາວ, ໂດຍຜ່ານການຊ່ວຍເຫຼືອ ແລະ ສະໜັບສະໜູນຈາກປະເທດຝຣັ່ງ ໃນໄລຍະຜ່ານມາ. ໃນລະຫວ່າງການສົນທະນາ, ທັງສອງຝ່າຍໄດ້ຮ່ວມກັນປຶກ ສາຫາລືຄວາມເປັນໄປໄດ້ ໃນການລົງເລິກວຽກງານຄຸ້ມຄອງ ດ້ານມໍລະດົກ ວັດທະນະທຳ, ໂດຍສະເພາະເພື່ອການຊຸກຍູ້ວຽກງານການຄຸ້ມຄອງມໍລະດົກໂລກ ຂອງ ...

ໃນຕອນເຊົ້າ ຂອງວັນທີ 7 ພະຈິກ 2018 ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ໄປຊຸກຍູ້, ຕິດຕາມ-ກວດກາ ເບິ່ງຄວາມຄືບໜ້າ ໃນການກໍ່ສ້າງອາຄານໂຮງຮຽນຫຼັງໃໝ່ ຢູ່ໂຮງຮຽນປະຖົມສົມບູນພັນໄຊ, ເມືອງຊຳເໜືອ, ແຂວງຫົວພັນ. ໂດຍມີການນຳຂອງແຂວງຫົວພັນ, ຄູອາຈານ ແລະ ນັກຮຽນ ໂຮງຮຽນດັ່ງກ່າວ ໃຫ້ການຕ້ອນຮັບຢ່າງອົບອຸ່ນ. ອາຄານໂຮງຮຽນຫຼັງນີ້ ແມ່ນຄອບຄົວຂອງທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ມອບເປັນຂອງຂວັນ ໃຫ້ແກ່ອົງການປົກຄອງ ແລະ ປະຊາຊົນທ້ອງຖິ່ນດັ່ງກ່າວ ໂດຍການສະໜັບສະໜູນທຶນ ຈາກທະນາຄານ ເອັດທີ (ST Bank), ເປັນອາຄານກໍ່ສອງຊັ້ນ, ມີຂະໜາດ 9 x 33 ແມັດ, ປະກອບມີ 6 ຫ້ອງຮຽນ, 2 ຫ້ອງການຄູອາຈານ, ສາມາດຮອງຮັບນັກຮຽນ ເຂົ້າຮຽນໄດ້ 200 ກວ່າຄົນ, ມູນຄ່າການກໍ່ສ້າງທັງໝົດ 2,4 ຕື້ກີບ ໂດຍແມ່ນບໍລິສັດ ໄຊເສດຖາ ກໍ່ສ້າງຂົວທາງ ຈຳກັດ ເປັນຜູ້ຮັບເໝົາກໍ່ສ້າງ, ...

ສະບາຍດີບັນດາທ່ານຜູ້ອ່ານທີ່ຮັກແພງ ມື້ນີ້ພວກເຮົາຈະມານໍາສະເໜີບັນດາທ່ານກ່ຽວກັບ “ຄູ່ຄອງ” ການຊອກຫາຄູ່ຄອງແມ່ນບ່າວ ແລະ ສາວທີ່ໄດ້ພົບພໍ້ກັນ ດັ່ງຄໍາບູຮານທ່ານວ່າ: “ບຸນວາດສະໜາ”. ຄໍາວ່າບຸນ: ແມ່ນຄວາມດີທີ່ເຄີຍໄດ້ສ້າງຮ່ວມກັນ, ຄໍາວ່າວາດ: ອອກມາຈາກ”ວາທີ”ຄືໄດ້ໂອ້ລົມທໍາຄວາມເຂົ້າໃຈກັນ, ຄໍາວ່າ ສະໜາ: ໝາຍເຖິງ ທີິ່ນັ່ງຄືໄດ້ຢູ່ຮ່ວມກັນໃນກິດຈະກໍາຕ່າງໆມີຄວາມເຂົ້າໃຈກັນ. ລວມຄວາມແລ້ວເອີ້ນວ່າ: ມີບຸນວາດສະໜາຕໍ່ກັນຈຶ່ງໄດ້ມາພົບພໍ້ ແລະ ເປັນຄູ່ຄອງກັນ. ການເວລາ ແລະ ການພັດທະນາໄດ້ມີການປ່ຽນແປງໄປຕາມຍຸກຕາມສະໄໝ ດັ່ງນັ້ນການຊອກຫາຄູ່ຄອງຂອງຄົນໃນສະໄໝບູຮານ ຈິ່ງມີຄວາມແຕກຕ່າງກັນກັບຍຸກປັດຈຸບັນໃນບາງດ້ານດັ່ງນີ້: ຄົນສະໄໝບູຮານ ສ່ວນຫຼາຍຈະເປັນພໍ່-ແມ່ຫາໃຫ້ ບາງເທື່ອຄູ່ບ່າວ-ສາວມັກກັນ ແຕ່ຜູ້ເປັນພໍ່ແມ່ບໍ່ມັກ ບາງເທື່ອກໍບໍ່ໄດ້ເອົາກັນຊໍ້າ. ດັ່ງນັ້ນການເລືອກຄູ່ຄອງສະໄໝບູຮານ ເພິ່ນຈຶ່ງເລືອກເບິ່ງວ່າແມ່ຍິງຕໍ່າຫູກທໍໄໝເປັນບໍ່? ຕໍາເຂົ້າເອົາຟືນ ແລະ ອື່ນໆ. ສະນັ້ນສະໄໝບູຮານຈຶ່ງມີທັງສົມຫວັງ ແລະ ບໍ່ສົມຫວັງປະປົນກັນຫຼາຍເລື່ອງ,ຕົວຢ່າງທີ່ດີເຊັ່ນ: ນາງ ມັດທີ ໃນເລື່ອງພະເຫວດ ມີຫຼາຍເລື່ອງທີ່ບໍ່ດີເຊັ່ນ: ນາງອົ້ວແຂວນຄໍຕາຍນໍາທ້າວຂຸນລູ. ແຕ່ໃນປັດຈຸບັນ ກໍຍັງມີບາງທ້ອງຖິ່ນທີ່ເພິ່ນຍັງຮັກສາຮີດຄອງດັ່ງກ່າວໄວ້ ແຕ່ສ່ວນໃຫຍ່ແລ້ວໃນຍຸກແຫ່ງໂລກາພິວັດ,ຍຸກແຫ່ງເຕັກໂນໂລຊີທັນສະໄໝ ຜູ້ເປັນພໍ່-ແມ່ບໍ່ຄ່ອຍສົນໃຈເລື່ອງດັ່ງກ່າວປານໃດ ເພາະຄິດວ່າເລື່ອງຄວາມມັກຮັກເປັນສິດທິຂອງລູກ, ພໍ່ແມ່ຈະເປັນຜູ້ແນະນໍາຢູ່ເບື້ອງຫຼັງ ແຕ່ຈະບໍ່ເປັນຜູ້ຕັດສິນຊີ້ຂາດ. ເມື່ອເຫັນວ່າລູກມັກຮັກກັນ ແລະ ເຫັນສົມມາພາຄວນ,ເຫັນວ່າຄວາມມັກຮັກທີ່ທັງສອງຄົນມີຕໍ່ກັນຢ່າງຖືກຕ້ອງ, ເຫັນວ່າຈະມີອະນາຄົດ ມີຄວາມກ້າວໜ້າ ມີຄວາມພ້ອມທັງທາງກາຍ, ວາຈາໃຈ ແລະ ວິຊາຊີບໝັ້ນຄົງ ທີ່ຈະສາມາດຫາລ້ຽງກຸ້ມຄອບຄົວໃນອະນາຄົດໄດ້ ...

ໃນຕອນວັນເຊົ້າທີ 6 ພະຈິກ 2018 ທີ່ທຳນຽບປະທານປະເທດ, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບທູດປະເທດເພື່ອນມິດເຂົ້າຢື່ນສານຕາຕັ້ງ ເພື່ອດໍາລົງຕໍາແໜ່ງເປັນເອກອັກຄະລັດຖະທູດ ຄົນໃໝ່ປະຈຳ ສປປ ລາວ ແລະ ມອບສານແຕ່ງຕັ້ງໃຫ້ທູດລາວ ໄປປະຈໍາຢູ່ປະເທດຕ່າງໆ ຕາມລຳດັບດັ່ງນີ້: ເວລາ 8:00 ໂມງ ທ່ານ ບຸນຍັງ ວໍລະຈິດ ປະທານປະເທດ ໄດ້ຕ້ອນຮັບການເຂົ້າຍື່ນສານຕາຕັ້ງຂອງ ທ່ານ Jaime Andres Chomali Garib) ເອກອັກຄະລັດຖະທູດວິສາມັນ ຜູ້ມີອຳນາດເຕັມ ແຫ່ງ ສາທາລະນະລັດ ຊີເລ ຄົນໃໝ່ປະຈຳ ສປປ ລາວ, ໂດຍມີສຳນັກງານການທູດຕັ້ງຢູ່ ຮາໂນຍ, ສສ.ຫວຽດນາມ. ກ່ອນມາປະຕິບັດໜ້າທີ່ການທູດຢູ່ລາວ, ທ່ານ Jaime Andres Chomali Garib ດໍາລົງຕໍາແໜ່ງເປັນເອກອັກຄະລັດຖະທູດ ຊີເລ ປະຈຳ ສສ.ຫວຽດນາມ. ສປປ ລາວ ແລະ ຊີເລ ໄດ້ສ້າງຕັ້ງສາຍພົວພັນການທູດນໍາກັນ ...