News

ກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VIII ໃນວັນທີ 13 ທັນວາ 2018 ທ່ານ ບຸນກອງ ສີຫາວົງ ລັດຖະມົນຕີ ກະຊວງສາທາລະນະສຸກ ໄດ້ສະເໜີຮ່າງກົດ ໝາຍວ່າດ້ວຍການປະກັນສຸຂະພາບ ເຊິ່ງເປັນກົດໝາຍສ້າງໃໝ່.   ທ່ານ ໄດ້ຍົກໃຫ້ເຫັນເຖິງຈຸດປະສົງ ຂອງການສ້າງກົດໝາຍດັ່ງກ່າວ, ແມ່ນເພື່ອເຮັດໃຫ້ວຽກງານປະກັນສຸຂະພາບ ໄດ້ຮັບການຄຸ້ມຄອງດ້ວຍກົດໝາຍ ຕາມແນວທາງນະໂຍບາຍຂອງພັກ ກ່ຽວກັບການສ້າງລັດຄຸ້ມຄອງດ້ວຍກົດໝາຍ ເພື່ອໃຫ້ການຈັດຕັ້ງປະຕິບັດວຽກງານດັ່ງກ່າວເປັນລະບົບ, ມີຄຸນນະພາບ ແລະ ມີປະສິດທິຜົນ ແນໃສ່ໃຫ້ພົນລະເມືອງລາວ ໄດ້ຮັບການປະກັນສຸຂະພາບ, ເຂົ້າເຖິງການບໍລິການປິ່ນປົວຢ່າງສະເໝີພາບ, ເປັນທຳ ແລະ ທົ່ວເຖິງສາມາດ ເຊື່ອມໂຍງກັບພາກພື້ນ ແລະ ສາກົນ, ປະກອບສ່ວນເຂົ້າໃນການປົກປັກຮັກສາ ແລະ ພັດທະນາ ປະເທດຊາດ. ຂອບໃຈຂໍ້ມູນຈາກ: ຂປລ.

ເນື່ອງໃນໂອກາດວັນເກີດ ຂອງປະທານໄກສອນ ພົມວິຫານ ຜູ້ນຳທີ່ແສນເຄົາລົບ ຮັກຂອງປວງຊົນລາວທັງຊາດ ຄົບຮອບ 98 ປີ, ໃນຕອນເຊົ້າຂອງວັນທີ 12 ທັນວາ 2018 ຜ່ານມານີ້, ຄະນະນຳ ຂັ້ນຕ່າງໆຂອງແຂວງສະຫວັນນະເຂດ ນຳໂດຍທ່ານ ສັນຕິພາບ ພົມວິຫານ ເລຂາຄະນະບໍລິຫານງານພັກແຂວງ ເຈົ້າ ແຂວງສະຫວັນນະເຂດ ພ້ອມດ້ວຍບັນດາພາກລັດ-ເອກະຊົນ, ຊັ້ນຄົນຕ່າງໆ, ກຳລັງ ປກຊ -ປກສ ໄດ້ ພ້ອມກັນນຳເອົາກະຕ່າດອກໄມ້ມາວາງທີ່ ອະນຸສາວະລີ ປະທານໄກສອນ ພົມວິຫານ ແລະ ໄດ້ຈູດທູບບູຊາ ຢູ່ອະນຸສອນສະຖານ ບ້ານໄຊຍະພູມ ທັງນີ້ກໍເພື່ອສະແດງຄວາມກະຕັນຍູຮູ້ບຸນຄຸນ ແລະ ຈາລຶກ-ຄຸນງາມຄວາມດີ ຕໍ່ອະດີດຜູ້ນຳທີ່ເປັນວິລະບູລຸດແຫ່ງ ຊາດລາວ ແລະ ເປັນຜູ້ນຳທີ່ ແສນເຄົາລົບຮັກຂອງປວງຊົນລາວທັງຊາດ ເປັນນັກຮົບປະຕິວັດຜູ້ດີເດັ່ນ ເປັນຜູ້ຮັກຊາດທີ່ຍິ່ງໃຫຍ່ບໍ່ຍອມເປັນຂ້ອຍຂ້າຂອງ ຊາດອື່ນ ເປັນລູກຫຼານຜູ້ປະເສີດ ຂອງປະຊາຊົນລາວ ແລະ ເປັນຜູ້ ກໍ່ຕັ້ງພັກປະຊາຊົນປະຕິວັດ ລາວ. ຂໍ້ມູນຈາກ: ຂ່າວ ສະຫວັນພັດທະນາ.

ເພື່ອເປັນການຈາລຶກ ຜົນງານມູນເຊື້ອອັນອົງອາດກ້າແກ່ນ ວິລະກໍາລໍ້າເລີດຂອງ ກອງທັບປະຊາຊົນລາວ ພາຍໃຕ້ຮົ່ມທຸງຂອງພັກ ຕະຫຼອດໄລຍະ 70 ປີ ເພື່ອໃຫ້ມວນຊົນທຸກເພດໄວ ທຸກຊັ້ນຄົນ ແຂກບ້ານ-ແຂກເມືອງ ທັງພາຍໃນ ແລະ ຕ່າງປະເທດ ໄດ້ເຫັນ ໄດ້ສໍາຜັດ ຮັບຮູ້ປະຫວັດສາດ ຂອງຊາດ ຂອງພັກ ແລະ ຂອງກອງທັບ ທັງເປັນການສຶກສາອົບຮົມແນວຄິດ-ປູກຈິດສໍານຶກໃຫ້ລູກຫຼານ ຮຸ່ນຕໍ່ໆໄປ ມີຄວາມກະຕັນຍູຮູ້ບຸນຄຸນຕໍ່ພັກ ຕໍ່ກອງທັບ ສືບຕໍ່ເດີນຕາມອຸດົມການ ເພື່ອປົກປັກຮັກສາ ແລະ ສ້າງສາພັດທະນາປະເທດຊາດຂອງພວກເຮົາ ກ້າວສູ່ຈຸດໝາຍສັງຄົມນິຍົມຢ່າງສົມບູນ. ກະຊວງປ້ອງກັນປະເທດ ໄດ້ຈັດຕັ້ງງານວາງສະແດງຮູບພາບ -ວັດຖຸ ຜົນງານມູນເຊື້ອປະຕິວັດ ຂອງ ກອງທັບປະຊາຊົນປະຕິວັດລາວ ຂຶ້ນຢ່າງເປັນທາງການ ທີ່ຫໍພິພິທະພັນກອງທັບ ໂດຍມີ ທ່ານ ພົນເອກ ຈັນສະໜອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ ມີບັນດາການນໍາພັກ-ລັດ ການນໍາກະຊວງປ້ອງກັນປະເທດ ຕາງໜ້າສູນກາງແນວລາວສ້າງຊາດ ນັກຮົບເກົ່າແຫ່ງຊາດລາວ ສູນກາງຊາວໜຸ່ມປະ ຊາຊົນປະຕິວັດລາວ ສູນກາງສະຫະພັນແມ່ຍິງລາວ ສູນກາງສະຫະພັນກໍາມະບານລາວ ແລະ ແຂກຖືກເຊີນ ເຂົ້າຮ່ວມ. ງານວາງສະແດງຮູບພາບ-ວັດຖຸຜົນງານມູນເຊື້ອປະຕິວັດ ຂອງກອງທັບປະຊາຊົນປະຕິວັດລາວ ຈັດຂຶ້ນລະຫວ່າງວັນທີ 13 ທັນວາ ...

ລັດຖະບານອົດສະຕຣາລີ ສະໜັບສະໜູນ 2 ແສນໂດລາອົດສະຕຣາລີ ໃຫ້ລັດຖະບານແຫ່ງ ສປ ປ ລາວ ໂດຍຜ່ານອົງການສະຫະປະຊາຊາດ ເພື່ອການພັດທະນາ ໃນການປະຕິບັດວຽກງານກວດກູ້ພື້ນທີ່ສຸກເສີນ ຢູ່ເມືອງ ສະໜາມໄຊ ແຂວງອັດຕະປື. ພິທີລົງນາມດັ່ງກ່າວ ຈັດຂຶ້ນໃນວັນທີ 12 ທັນວາ 2018 ທີ່ ຄກລ, ໂດຍການລົງນາມ ຂອງ ທ່ານ ຈີນ ເບີນາດ ຄາຣາສໂຊ ເອກອັກຄະລັດຖະທູດອົດສະຕຣາລີ ປະຈຳ ສປປ ລາວ ແລະ ທ່ານ ນາງ ຄາຣິນາ ອິມໂມເນັນ ຜູ້ປະສານງານອົງການສະຫະປະຊາຊາດ, ທັງເປັນຜູ້ຕາງໜ້າອົງການສະຫະປະຊາຊາດ ເພື່ອການພັດທະນາປະຈຳ ສປປ ລາວ. ການປະກອບສ່ວນໃນຄັ້ງນີ້, ແມ່ນສ່ວນໜຶ່ງຂອງການຊ່ວຍເຫຼືອດ້ານມະນຸດສະທຳ ຂອງອົດສະຕຣາລີ ໃນຈຳນວນ 3 ລ້ານໂດລາ ເພື່ອໃຫ້ການສະໜັບສະໜູນລັດຖະບານ ໃນການຕອບໂຕ້ໄພພິບັດ ຢູ່ແຂວງອັດຕະປື ເມື່ອເດືອນກໍລະກົດ 2018 ທີ່ຜ່ານມາ. ຂອບໃຈຂໍ້ມູນຈາກ: ຂປລ.

ວັນທີ 11-12 ທັນວາ 2018 ຢູ່ທີ່ພະແນກໂທລະຄົມ ມະນາຄົມ ແລະ ການສື່ສານ ແຂວງບໍ່ແກ້ວ ໄດ້ຈັດກອງປະຊຸມ ຖອດຖອນບົດຮຽນ ວຽກງານ “ໄອທີຊີ”  ແຂວງພາກເໜືອ ໂດຍການເຂົ້າຮ່ວມເປັນກຽດຂອງທ່ານ ເພັງສອນ ແກ້ວວິໄລ ກໍາມະການພັກແຂວງ ຫົວໜ້າຫ້ອງວ່າການປົກຄອງແຂວງ ທ່ານ ບຸນທອງ ແສງສີກອງ ກໍາມະການພັກແຂວງ ຫົວໜ້າພະແນກໂທລະຄົມມະນາຄົມ ແລະ ການສື່ສານແຂວງບໍ່ແກ້ວ. ກອງປະຊຸມໄດ້ປຶກສາ 3 ຫົວຂໍ້ໃຫຍ່ ເພື່ອເຮັດໃຫ້ວຽກງານດັ່ງກ່າວໃຫ້ຖືກຕ້ອງຕາມລະບຽບການ ເຂົ້າສູ່ລະບົບ ມີປະສິດທິພາບສູງ ແລະ ເປັນເອກະພາບ ໃນແຕ່ລະແຂວງ (ລາຍລະອຽດຕິດຕາມຄຣິບຂ່າວ) ສໍາເລັດກອງປະຊຸມ ຖອດຖອນບົດຮຽນ ວຽກງານ ໄອຊີທີ 4 ແຂວງພາກເໜືອ. 13,12,2018(ຂ່າວ:ຄອນສິນ ສະຕິ) Posted by ໂທລະພາບແຂວງບໍ່ແກ້ວ ຂ່າວ on Wednesday, December 12, 2018 ຂອບໃຈຂໍ້ມູນຈາກ: ໂທລະພາບແຂວງບໍ່ແກ້ວ.

ປະຕິບັດຕາມການເຊື້ອເຊີນ ຂອງເຂດປົກຄອງພິເສດຮົງກົງ ສປ ຈີນ, ຄະນະຜູ້ແທນ ສປປ ລາວ ນໍາໂດຍທ່ານ ບໍ່ແສງຄໍາ ວົງດາລາ ລັດຖະມົນຕີ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ພ້ອມດ້ວຍຄະນະ ໄດ້ເດີນທາງໄປເຂົ້າຮ່ວມກອງປະຊຸມເວທີປຶກສາຫາລືດ້ານການທ່ອງທ່ຽວສາກົນ 2018 ຈັດຂຶ້ນທີ່ເຂດປົກຄອງພິເສດຮົງກົງ ໃນລະຫວ່າງວັນທີ 11-13 ທັນວາ 2018. ກອງປະຊຸມເວທີປຶກສາຫາລື ດ້ານການທ່ອງທ່ຽວສາກົນ 2018 ພາຍໃຕ້ການເປັນປະທານ ແລະ ໃຫ້ກຽດກ່າວປາໄສເປີດກອງປະຊຸມໂດຍ, ທ່ານ ນາງ ແຄຣີແລັມເຈັງ (Carrie Lam Cheng) ປະທານຜູ້ບໍລິຫານຄຸ້ມຄອງເຂດປົກຄອງພິເສດຮົງກົງ, ມີ ທ່ານ ຢູກຸນ (Yu Qun) ຮອງລັດຖະມົນຕີກະຊວງວັດທະນະທໍາ ແລະ ທ່ອງທ່ຽວ ສປ ຈີນ, ທ່ານຮອງເຈົ້າແຂວງກວາງຕຸງ, ເລຂາທິການຮັບ ຜິດຊອບວຽກງານວັດທະນະທໍາ-ສັງຄົມເຂດປົກຄອງພິເສດມາເກົາ ພ້ອມດ້ວຍບັນດາຜູ້ຕາງໜ້າຂັ້ນສູງຈາກປະເທດຕ່າງໆ ໃນພາກພື້ນອາຊີປາຊີຟິກ ແລະ ຜູ້ຕາງໜ້າພາກສ່ວນທຸລະກິດເຂົ້າຮ່ວມ ເປັນຈໍານວນຫຼວງຫຼາຍ. ໃນໂອກາດດັ່ງກ່າວ ທ່ານລັດຖະມົນຕີ ຖວທ ຍັງໄດ້ພົບປະສອງຝ່າຍ ກັບທ່ານ ...

ໃນຕອນເຊົ້າວັນນີ້ 13 ທັນວາ 2018, ໄດ້ມີພິທີມອບ-ຮັບ ຕຳແໜ່ງລັດຖະມົນຕີກະຊວງປ້ອງກັນຄວາມສະຫງົບ ລະຫວ່າງ ຜູ້ເກົ່າ ແລະ ຜູ້ໃໝ່ ຕາມມະຕີຮັບຮອງໃນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ. ໄດ້ຕົກລົງຮັບຮອງເອົາທ່ານ ພົນໂທ ວິໄລ ຫຼ້າຄຳຟອງ ເປັນລັດຖະມົນຕີ ກະຊວງປ້ອງກັນຄວາມສະຫງົບ ດ້ວຍຄະແນນສຽງ 90% ຂອງຈຳນວນສະມາຊິກ ສະພາແຫ່ງຊາດທີ່ເຂົ້າຮ່ວມປະຊຸມຈຳນວນ 126 ທ່ານ ໃນນັ້ນບໍ່ເຫັນດີ 09 ທ່ານເທົ່າກັບ 7% ແລະ ບໍ່ອອກສຽງ 2%; ທ່ານ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ ຮອງລັດຖະມົນຕີ ກະຊວງປ້ອງກັນປະເທດ ໄປຮັບໜ້າທີ່ເປັນລັດຖະມົນຕີ ກະຊວງປ້ອງກັນຄວາມສະຫງົບ ປ່ຽນແທນທ່ານ ພົນຕີ ສົມແກ້ວ ສີລາວົງ ທີ່ໄດ້ຮັບການຍົກຍ້າຍ ໄປຮັບໜ້າທີ່ໃໝ່ຢູ່ກະຊວງປ້ອງກັນປະເທດ. ຂອບໃຈຂໍ້ມູນຈາກເຟສບຸກທ່ານ ສຸຣິອູດົງ ແສງດາຣາ.    

ສິ່ງທີ່ທ່ານຈະໄດ້ຮຽນຮູ້ຄື: – ເຂົ້າໃຈໂຄງການພັດທະນາການຄ້າທາງເອເລັກໂທນິກໃນພາກພື້ນຂອງສະຖາບັນແມ່ນນ້ຳຂອງຂ່ອນແກນ – ຮຽນຮູ້ຄວາມຮູ້ພື້ນຖານຂອງການຄ້າທາງເອເລັກໂທນິກໂດຍສະເພາະແມ່ນພາກຫົວໜ່ວຍທຸລະກິດ ແລະ ຊົນນະບົດ – ສ້າງແຜນທຸລະກິດ ແລະ ອອກແບບທຸລະກິດແບບໃໝ່ – ເຂົ້າໃນເລື່ອງນະໂຍບາຍການຄ້າທາງເອເລັກໂທນິກຂອງປະເທດ – ເຄື່ອງມືທາງດ້ານການຕະຫຼາດທີ່ຈະຊ່ວຍສ້າງໂອກາດໃນດ້ານການຄ້າ ຟຣີ ❗ເຂົ້າຮ່ວມຟຮີ ‼ບໍ່ມີຄ່າລົງທະບຽນ ສະໜັບສະໜູນຫຼັກໂດຍ: ສະຖາບັນແມ່ນ້ຳຂອງ (Mekhong Institute) ຮ່ວມກັບ ສະພາການຄ້າ ແລະ ອຸດສາຫະກຳ ແຫ່ງຊາດລາວ ຈັດໂດຍ: ສູນບໍລິການ ວິສາຫະກິດ ຂະໜາດນ້ອຍ ແລະ ກາງ, ບໍລິສັດ Me Asia ແລະ ອາໂກລາວ ກຸຣບ. ເປີດໂອກາດໃຫ້ກັບນັກທຸລະກິດອອນໄລເຂົ້າຮ່ວມງານເຝິກອົບຮົມ ? ວັນທີ 19-20 ທັນວາ 2018 ສະຖານທີ່: Toh X ໂຕະເອັກຊ ? ຂໍ້ມູນເພິ່ມເຕິມ ຕິດຕໍ່ລົງທະບຽນ ? 021 416 266 / 5838 8885 ວັອດແອັບ ...

ວັນທີ 13 ທັນວາ 2018  ແມ່ນວັນໜຶ່ງທີ່ມີຄວາມໝາຍສຳຄັນ ແລະ ຢູ່ໃນຄວາມຊົງຈໍາຂອງປວງຊົນລາວຕະຫຼອດມາ, ນັ້ນກໍຄືວັນເກີດປະທານ ໄກສອນ ພົມວິຫານ ວິລະບູລຸດທີ່ຍິ່ງໃຫຍ່ຂອງຊາດ, ຜູ້ນຳປະຕິວັດທີ່ກ້າແກ່ນ, ສະຫຼາດສ່ອງໃສ ແລະ ເຄົາລົບຮັກຂອງພັກ-ລັດ ແລະ ຂອງປວງຊົນລາວບັນດາເຜົ່າ, ຊຶ່ງປີນີ້ໄດ້ໝູນວຽນມາບັນຈົບ ຄົບຮອບ 98 ປີ (13/12/1920 – 13/12/2018).  ເນື່ອງໃນໂອກາດດັ່ງກ່າວ ທາງທີມງານ ວາລະສານທາເກັດ ຈະຂໍນໍາເອົາປະຫວັດຫຍໍ້ ແລະ ການເຄື່ອນໄຫວ ໃນພາລະກິດປະຕິວັດຂອງປະທານ ໄກສອນ ພົມວິຫານ ມາເລົ່າສູ່ຟັງ. ທ່ານ ໄກສອນ ພົມວິຫານ ເກີດວັນທີ 13 ທັນວາ 1920 ທີ່ແຂວງ ສະຫວັນນະເຂດ ເປັນບຸດຂອງທ້າວ ລ້ວນ ກັບ ນາງ ດົກ ມີນ້ອງສາວ 2 ຄົນຄື: ນາງສະຫວັນທອງ ແລະ ນາງແກ້ວມະນີ ເມື່ອອາຍຸ 7 ປີໄດ້ເຂົ້າໂຮງຮຽນປະຖົມ ທີ່ບ້ານເໜືອ (ປັດຈຸບັນແມ່ນ ບ້ານໄຊຍະພູມ) ຕໍ່ມາເຂົ້າໂຮງຮຽນປະຖົມພາສາຝຣັ່ງທີ່ ບ້ານໃຕ້ (ບ້ານທ່າແຮ່) ເມື່ອຮຽນຈົບຊັ້ນປະຖົມ ໃນປີ 1934 ໄດ້ເຂົ້າຮຽນທີ່ໂຮງຮຽນ ວິທະຍາໄລໂປຼເຕັກໂຕຣາ (Lyceé du Protectorat) ...

ເປັນຫຍັງ? Co-Living Space ຈຶ່ງຖືກໃຈຄົນຍຸກໃໝ່!!! ປັດຈຸບັນ Life Style ການເຮັດວຽກຂອງຄົນລຸ່ນໃໝ່ມັກຈະບໍ່ຢູ່ກັບທີ່, ມັກເດີນທາງຕະຫຼອດ ບໍ່ວ່າຈະເປັນການເດິີນທາງເພື່ອເຮັດວຽກ ຫຼືທ່ອງທ່ຽວສ່ວນຕົວ ບວກກັບການເຕີບໃຫຍ່ຂອງໂລກ Social ເຮັດໃຫ້ສາມາດສື່ສານກັນຜ່ານທາງ Online ຫຼາຍຂຶ້ນ! ຈຶ່ງມີຂີດຈໍາກັດຂອງເຄືອຄ່າຍທີ່ເຮັດໃຫ້ການເຂົ້າເຖິງໝູ່ຄູ່ແບບຕົວຕໍ່ຕົວຂາດຫາຍໄປ; ການຍ້າຍບ່ອນເຮັດວຽກໄປຢູ່ຕ່າງເມືອງ, ຕ່າງແຂວງ ແລະຕ່າງປະເທດຕ້ອງໄປຢູ່ຕົວຄົນດຽວ ເຮັດໃຫ້ປະສົບກັບພາວະຄວາມເຫງົາ ແລະໂດດດ່ຽວ! ດ້ວຍເຫດຜົນນີ້ ຜູ້ໃຫ້ບໍລິການບ່ອນພັກເຊົາຈຶ່ງໄດ້ເປີດໃຫ້ຜູ້ເຊົ່າຫຼາຍໆຄົນໄດ້ມາຢູ່ຮ່ວມກັນເປັນ Community ພາຍໃຕ້ຫຼັງຄາດຽວກັນ. Co-Living Space ຈຶ່ງຖືກໍາເນີດຂຶ້ນ ເພື່ອມາຕອບໂຈດ ແລະເປັນຢາຮັກສາທີ່ດີທີ່ສຸດໃຫ້ກັບຄົນຍຸກນີ້… ເຮົາລອງມາເບິ່ງນໍາກັນກັບ 6 ເຫດຜົນ! ທີ່ບົ່ງບອກວ່າ ເປັນຫຍັງບ່ອນພັກອາໄສປະເພດນີ້ ຈຶ່ງມາແຮງ ແລະການເປັນເທຣນໃນກຸ່ມຄົນຍຸກນີ້. ເຂົ້າກັບ Style ຄົນເຮັດວຽກຍຸກໃໝ່ Co-Living Space ໄດ້ໃຈຄົນເຮັດວຽກຍຸກໃໝ່ ຍ້ອນວ່າເປັນບ່ອນພັກທີ່ມາພ້ອມກັບຄວາມຫລູຫລາ ແລະຖືກອອກແບບມາເພື່ອໃຫ້ເໝາະສົມກັບຄວາມຕ້ອງການຂອງຄົນຍຸກໃໝ່ ໂດຍອາໄສການອອກແບບ Style Modern ສະໄໝໃໝ່, ໃຊ້ໂທນສີ ແລະ Texture ທີ່ລຽບງ່າຍແຕ່ສະອາດຕາ, ໃຊ້ອົງປະກອບການຕົບແຕ່ງແບບ Industrial Style ແລະໄມ້ຈາກທໍາມະຊາດ; ຕອບສະໜອງຄວາມຕ້ອງການຂອງຄົນຍຸກນີ້ ທີ່ຍອມຈ່າຍເງິນເພື່ອໃຫ້ໄດ້ປະສົບການທີ່ດີ ...