News

ທ່ານ ນັນຕາ ສານຸວົງ ກ່າວວ່າ: ໃນວັນທີ 7 ກໍລະກົດ 2020 ໄດ້ລົງກວດກາ ແລະ ພົບເຫັນລົດຂົນສົ່ງສິນຄ້າມາຈາກປະເທດຫວຽດນາມ ໝາຍເລກທະບຽນ 74 C 03595 ຢູ່ສະຖານທີ່ບ້ານພະຂາວ, ເມືອງໄຊທານີ, ນະຄອນຫຼວງວຽງຈັນ ເຊິ່ງຜ່ານການກວດກາສິນຄ້າ ໂດຍສົມທຽບໃສ່ເອກະສານຢັ້ງຢືນແຫຼ່ງທີ່ມາ ລາຍການແຈ້ງສິນຄ້າມີຈຳນວນ 1,600 ກິໂລ, ແຕ່ສິນຄ້າຕົວຈິງມີຈຳນວນເກີນເອກະສານຢັ້ງຢືນແຫຼ່ງທີ່ມາຈໍານວນຫຼວງຫຼາຍ ແລະ ບໍ່ໄດ້ຜ່ານການກວດກາຢັ້ງຢືນ ແລະ ວິໄຈຫາສານປົນເປື້ອນຈາກພາກສ່ວນກ່ຽວຂ້ອງ. ສິນຄ້າດັ່ງກ່າວປະກອບມີ: ໝາກເລັ່ນ ຈຳນວນ 2,100 ກິໂລ, ໝາກນາວ 2,580 ກິໂລ, ກາລົດສີມ້ວງ 200 ກິໂລ, ໝາກມັງກອນ 2,000 ກິໂລ ໂດຍນນໍ້າໜັກລວມທັງໝົດ 6,880 ກິໂລ ເປັນມູນຄ່າປະມານ 71 ລ້ານກີບ. ສະນັ້ນ, ທາງເຈົ້າໜ້າທີ່ກວດກາການຄ້າ ພະແນກ ອຄ.ນວ ຈຶ່ງໄດ້ຍຶດສິນຄ້າຈຳນວນດັ່ງກ່າວມາມາທຳລາຍຖີ້ມ. ທ່ານ ນັນຕາ ສານຸວົງ ກ່າວຕື່ມອີກວ່າ: ການທຳລາຍສິນຄ້າ ເປັນການປົກປ້ອງຜົນປະໂຫຍດຂອງຜູ້ບໍລິໂພກ ໃຫ້ໄດ້ບໍລິໂພກສິນຄ້າທີ່ມີຄຸນນະພາບ ...

ວັນທີ 8 ກໍລະກົດ ຍີ່ປຸ່ນຍັງພົບກັບສະພາບອາກາດທີ່ມີຝົນຕົກຢ່າງຕໍ່ເນື່ອງບໍລິເວນພື້ນທີ່ພາກກາງ ແລະ ຕໍ່ເນື່ອງຈາກພາກໃຕ້ ທີ່ໄດ້ເຮັດໃຫ້ເກີດນໍ້າຖ້ວມ ແລະ ດິນເຈື່ອນຢ່າງຮຸນແຮງ ຈົນມີຜູ້ເສຍຊີວິດແລ້ວຢ່າງນ້ອຍ 55 ຄົນ. ສຳນັກງານອຸຕຸນິຍົມວິທະຍາ ເຕືອນໄພ ແຂວງ ກິຟຸ ແລະ ແຂວງ ນາງາໂນະ ວ່າ ມີຝົນຕົກໜັກ ພ້ອມທັງຈະເຮັດໃຫ້ລະດັບນໍ້າເພີ່ມສູງຂຶ້ນ ເຊິ່ງມີຄວາມສ່ຽງສູງໃນການຈະເກີດດິນເຈື່ອນ ແລະ ນ້ຳຖ້ວ ອີກຄັ້ງ ເຊິ່ງທາງການມີຄຳສັ່ງໃຫ້ປະຊາຊົນຈຳນວນ 219,000 ຄົນ ທີ່ອາໄສຢູ່ ແຂວງ ກິຟຸ ອົບພະຍົບອອກຈາກພື້ນທີ່ສ່ຽງໄພ. ຊາກອາຄານ, ເສດໄມ້ ແລະ ເສດເຫຼັກ ທີ່ຖືກເຈື່ອນ ແລະ ຖືກນ້ຳພັດເຊາະ ກອງກັນກະຈາຍຕາມຖະໜົນຫົນທາງ ຢູ່ທີ່ ເມືອງ ຄຸມາມູຣະ, ແຂວງ ຄຸມາໂມໂຕະ ດ້ານເຈົ້າໜ້າທີ່ກູ້ໄພຫຼາຍກວ່າ 38 ຄົນ ພະຍາຍາມຄົ້ນຫາຜູ້ທີ່ອາດຈະລອດຊີວິດ ທີ່ຕິດຢູ່ຕາມຊາກອາຄານທີ່ຖືກດິນເຈື່ອນ ແລະ ນໍ້າຖ້ວມ ໃນພາກໃຕ້ ໂດຍສະເພາະທີ່ ແຂວງ ຄຸມາໂມໂຕະ. ນາຍົກລັດຖະມົນຕີຍີ່ປຸ່ນ ທ່ານ ຊິນໂຊ ...

ກະຊວງວິທະຍາສາດ ແລະ ເຕັກໂນໂລຊີ ເຜີຍແຜ່ມະຕິກອງປະຊຸມຄົບຄະນະ ຄັ້ງທີ 10 ຂອງຄະນະບໍລິຫານງານສູນກາງພັກ ສະໄໝທີ X ຂຶ້ນໃນວັນທີ 8 ກໍລະກົດ 2020 ນີ້, ໃຫ້ກຽດປາຖະກະຖາ ໂດຍ ສະຫາຍ ບໍ່ວຽງຄຳ ວົງດາລາ ກຳມະການສູນກາງພັກ, ເລຂາຄະນະພັກ, ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ, ມີຮອງລັດຖະມົນຕີ, ພະນັກງານຫລັກແຫລ່ງ, ສະມາຊິກພັກ, ພະນັກງານ-ລັດຖະກອນພາຍໃນເຂົ້າຮ່ວມ. ສະຫາຍ ບໍ່ວຽງຄຳ ວົງດາລາ ໄດ້ຍົກໃຫ້ເຫັນກ່ຽວກັບການຜັນຂະຫຍາຍມະຕິກອງປະຊຸມຄົບ ຄະນະບໍລິຫານງານສູນກາງພັກ ຄັ້ງທີ 7, 8, 9 ສະໄໝທີ X ຕິດພັນກັບຄວາມຄືບໜ້າການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ, ແຜນງົບປະມານ, ເງິນຕາປະຈໍາໄຕມາດ 1 ປີ 2020 ແລະ ທິດທາງໃນຕໍ່ໜ້າ. ການກະກຽມເນື້ອໃນກອງປະຊຸມໃຫຍ່ ຄັ້ງທີ XI ຂອງພັກ ແລະ ທິດປັບປຸງກົງຈັກລັດຖະບານ. ນອກຈາກນີ້, ຍັງຍົກໃຫ້ເຫັນເຖິງ ສະພາບຄວາມຫຍຸ້ງຍາກ ທາງດ້ານເສດຖະກິດ-ສັງຄົມ ຂອງປະເທດທີ່ຜ່ານມາ ແລະ ...

ໃນວັນທີ 6 ກໍລະກົດ ເມືອງ Wuhan, ເມືອງເອກຂອງແຂວງ Hubei ທາງພາກກາງຂອງຈີນ ໄດ້ຍົກລະດັບການຕອບໂຕ້ສຸກເສີນ ສຳລັບການຄວບຄຸມ ແລະ ປ້ອງກັນໄພນໍ້າຖ້ວມ ຈາກຊັ້ນ 3 ເຖິງຊັ້ນ 2, ເຊິ່ງເປັນລະດັບສູງສຸດເປັນອັນດັບສອງຂອງລະບົບ 4 ຊັ້ນ. ເນື່ອງຈາກມີຝົນຕົກແຮງໃນທົ່ວເມືອງໄລຍະສອງມື້ທີ່ຜ່ານມາ, ເຊິ່ງເຮັດໃຫ້ຖະໜົນຫົນທາງຖືກນໍ້າຖ້ວມ ແລະ ລະດັບນໍ້າເກີນລະດັບເຕືອນໄພໃນບາງບ່ອນ. ນອກຈາກນັ້ນ, ພະຍຸຝົນຕົກໜັກ ຄາດວ່າຈະຍັງຄົງສືບຕໍ່ຕົກຢູ່ເລື້ອຍໆ. ໃນການສັງເກດສະພາບການໃນປະຈຸບັນ, ສຳນັກງານຄວບຄຸມໄພນໍ້າຖ້ວມ ແລະ ໄພແຫ້ງແລ້ງໃນເມືອງ ໄດ້ປະກາດ ໃນຕອນເຊົ້າຂອງວັນຈັນທີ່ຜ່ານມາວ່າ ຈະເພີ່ມລະດັບການປ້ອງກັນສຸກເສີນສຳຫຼັບໄພນໍ້າຖ້ວມ ແລະ ຈະລະບາຍນໍ້າໃຫ້ສູງທີ່ສຸດເປັນອັນດັບສອງ. ຝົນຕົກໜັກ ໄດ້ສົ່ງຜົນກະທົບຕໍ່ພື້ນທີ່ສ່ວນໃຫຍ່ຂອງຈີນ, ໂດຍສະເພາະຕໍ່ປະຊາຊົນຫຼາຍລ້ານຄົນ ແລະ ກໍ່ໃຫ້ເກີດການສູນເສຍທາງດ້ານເສດຖະກິດຢ່າງຫຼວງຫຼາຍ. ໃນວັນອາທິດທີ່ຜ່ານມາ ຫລາຍພື້ນທີ່ໃນແຂວງ, ລວມທັງເມືອງ Hubei, Anhui ແລະ Hunan ໄດ້ຍົກສູງລະດັບການປ້ອງກັນໄພນໍ້າຖ້ວມ ຍ້ອນຄາດວ່າຝົນຈະຕົກແຮງ ເຊິ່ງຈະເຮັດໃຫ້ລະດັບນໍ້າໃນແມ່ນໍ້າ ແລະ ໜອງ ໃນທ້ອງຖິ່ນເພີ່ມຂື້ນຢ່າງຕໍ່ເນື່ອງ. ແຫຼ່ງຂໍ້ມູນ: http://www.xinhuanet.com/english/2020-07/06/c_139192006.htm

ໃນວັນທີ 7 ເດືອນກໍລະກົດ ຜ່ານມາ, ບັນດາຜູ້ຊ່ຽວຊານຂອງສະຫະປະຊາຊາດ ຫລືຢູເອັນ (United Nation) ປະກາດເຕືອນເຖິງໄພອັນຕະລາຍ ຈາກພະຍາດຕິດເຊື້ອຈາກສັດສູ່ຄົນກຳລັງເພີ່ມຂື້ນ ແລະ ມີທ່າອຽງ ຈະເພີ່ມຂື້ນອີກ ຖ້າຫາກຍັງບໍ່ມີມາດຕະການ ຄຸ້ມຄອງສັດປ່າ ແລະ ອະນຸລັກສິ່ງແວດລ້ອມ. ຊ່ຽວຊານລະບຸວ່າ  ຜູ້ຕິດເຊື້ອຈາກສັດສູ່ຄົນເພີ່ມຂຶ້ນຫຼາຍ ເປັນຕົ້ນແມ່ນພະຍາດໂຄວິດ-19 ທີ່ກຳລັງແຜ່ລະບາດຢູ່ທົ່ວໂລກໃນປັດຈຸບັນ, ຍ້ອນຄວາມຕ້ອງການໂປຣຕີນຈາກຊິ້ນສັດເພີ່ມຂຶ້ນ, ຂະແໜງການກະສິກຳ ບໍ່ມີຄວາມໝັ້ນຄົງ ແລະ ບັນຫາສະພາບອາກາດໃນໂລກຮ້ອນຂຶ້ນ. ພະຍາດຕິດເຊື້ອດັ່ງກ່າວ ເຮັດໃຫ້ມີຜູ້ເສຍຊິວິດຢູ່ໃນບັນດາປະເທດທ່ີມີລາຍຮັບຕ່ຳ ແລະ ປານກາງ ເຖິງ  2 ລ້ານຄົນຕໍ່ປີ ແລະ ຄາດວ່າພະຍາດໂຄວິດ-19  ຈະສ້າງຄວາມເສຍຫາຍໃຫ້ແກ່ ເສດຖະກິດໂລກເພີ່ມສູງຂຶ້ນ ເຖິງ 9 ລ້ານໂດລາສາະຫລັດໃນໄລຍະໄລຍະ 2 ປີຕໍ່ໜ້າ. ກ່ອນໜ້ານີ້ ໂລກໄດ້ປະສົບກັບພະຍາດຕິດເຊື້ອຈາກສັດສູ່ຄົນມາແລ້ວບໍ່ວ່າຈະເປັນພະຍາດ ອີໂບລາ, ໄຂ້ສະໝອງອັກເສບຈາກເຊື້ອໄວຣັສ ເວັສໄນ ແລະ ພະຍາດທາງເດີນຫາຍໃຈ ຫລືພະຍາດ ຊາຣ ຢ່າງຮຸນແຮງ. ນອກຈາກນີ້, ຜູ້ຊ່ຽວຊານຢູເອັນຍັງໄດ້ສະເໜີວິທີທາງການປ້ອງກັນ ບໍ່ໃຫ້ເກີດພະຍາດລະບາດຈາກສັດສູ່ຄົນ ດ້ວຍການບໍລິຫານຈັດການທີ່ດິນແບບຍືນຍົງ, ຟື້ນຟູຄວາມຫລາກຫລາຍທາງຊີວະພາບ ແລະ ເພີ່ມການລົງທຶນເຂົ້າໃນການຄົ້ນຄວົ້າວິໄຈທາງວິທະຍາສາດໃຫ້ຫລາຍຂື້ນ. ແຫຼ່ງຂໍ້ມູນ: ຂປລ

ທະນາຄານໂລກ (World Bank) ເປີດເຜີຍ ບົດລາຍງານກ່ຽວກັບ ຄວາມສະດວກ ໃນການເຮັດທຸລະກິດ (Ease of Doing Business) ໃນ 190 ປະເທດ ທົ່ວໂລກ ຮອດຕົ້ນປີ 2020 ທຽບໃສ່ ປີ 2019. ຜົນປະກົດວ່າ ຜ່ານໄປ 1 ປີ ຄວາມສະດວກຂອງການເຮັດທຸລະກິດຢູ່ ສປປ. ລາວ ແມ່ນຍັງບໍ່ດີຂຶ້ນ ໂດຍຍັງຄົງຄອງອັນດັບເກົ່າ ຢູ່ທີ່ອັນດັບ 154 ຂອງໂລກ (ຕົວເລກໜ້ອຍ ງ່າຍຕໍ່ການເຮັດທຸລະກິດ). ຜົນງານອັນດັບຂອງບັນດາປະເທດໃນອາຊຽນ ມີດັ່ງນີ້: 1. ປະເທດ ສິງກະໂປ (Singapore) ຢູ່ໃນອັນດັບທີ 2 ເປັນປະເທດທີ່ມີຄວາມສະດວກ ໃນການເຮັດທຸລະກິດ ຄົງທີ່ 2. ປະເທດ ມາເລເຊຍ (Malaysia) ຢູ່ໃນອັນດັບທີ 12 ເຊິ່ງປັບດີຂຶ້ນຈາກ ອັນດັບທີ 15 ໃນປີຜ່ານມາ 3. ປະເທດໄທ (Thailand) ຢູ່ໃນອັນດັບທີ 21 ດີຂຶ້ນຈາກກ່ອນທີ່ຢູ່ໃນອັນດັບທີ ...

ປະທານາທິບໍດີບຣາຊິວ ທ່ານ Jair Bolsonaro ອາຍຸ 65 ປີ, ເປີດເຜີຍຕໍ່ສື່ໃນວັນອັງຄານຜ່ານມາວ່າ ມີຜົນການກວດເຊື້ອພະຍາດ Covid-19 ເປັນບວກ (ຕິດຕິດເຊື້ອ Covid-19) ຫຼັງຈາກທີ່ຕົນເອງເລີ່ມຮູ້ສຶກບໍ່ສະບາຍຕັ້ງແຕ່ວັນອາທິດທີ່ຜ່ານມາ, ເຊິ່ງໄດ້ຢືນຢັນວ່າອາການໂດຍລວມໃນປັດຈຸບັນຍັງປົກກະຕິ ແລະ ຍັງມີສະພາບປອດສົມບູນ. ປະທານາທິບໍດີ  Jair Bolsonaro ກ່າວໃນຂະນະທີ່ເຜີຍການຕິດເຊື້ອຕໍ່ສື່ມວນຊົນທີ່ທາງນອກທຳນຽບລັດຖະບານໃນບຣາຊິວ ພ້ອມກັບຖອດໜ້າກາກອະນາໄມອອກ ໃນຂະນະທີ່ກຳລັງຖະແຫຼງຂ່າວຢູ່ ເຊິ່ງຫ່າງຈາກນັກຂ່າວບໍ່ເທົ່າໃດແມັດ ລາວໄດ້ເວົ້າວ່າ:​ “ເບິ່ງຂ້ອຍແມ ຂ້ອຍຍັງສະບາຍດີ ຂອບໃຈພະເຈົ້າ ແລະ ຂອບໃຈທຸກຄົນທີ່ສູດມົນພາວະນາໃຫ້ຂ້ອຍ… ສ່ວນພວກທີ່ວິພາກວິຈານ ບໍ່ເປັນຫຍັງ ວິຈານຕໍ່ໄປຕາມທີ່ຕ້ອງການ”. ປະທານາທິບໍດີ ບຣາຊິວ ໄດ້ຕົກເປັນທີ່ວິພາກວິຈານໂດຍຕະຫຼອດ ເຖິງຄວາມລະເລີຍ ແລະ ການເບິ່ງຂ້າມການຮັບມືຕໍ່ສະຖານະການ ການລະບາດຂອງພະຍາດ Covid-19 ໃນປະເທດ, ປະໂຫຍກເດັດທີ່ ປະທານາທິບໍດີ ບຣາຊິວ ກ່າວຄື ການປຽບທຽບ Covid-19 ບໍ່ຕ່າງຫຍັງຈາກ ໄຂ້ຫວັດທົ່ວໄປ. ຜ່ານມາ ປະທານາທິບໍດີ ບຣາຊິວ ບໍ່ມີການຮັກສາໄລຍະຫ່າງທາງສັງຄົມ, ປະຕິເສດການສວມໃສ່ໜ້າກາກອະນາໄມ, ເດີນທາງພົບປະ, ປາໄສ ຕໍ່ກຸ່ມຄົນຜູ້ສະໜັບສະໜູນ. ພ້ອມກັນນັ້ນ,​ ຍັງມີຈຸດຢືນສະໜັບສະໜູນປະຊາຊົນບຣາຊິວ ຈຳນວນໜຶ່ງທີ່ອອກມາປະທ້ວງຕໍ່ຕ້ານການ ...

ວັນທີ 18 ມິຖຸນາຜ່ານມາ, ເຊິ່ງເປັນເທດສະການຊື້ເຄື່ອງອອນລາຍກາງປີຂອງຈີນ, ບໍລິສັດການບິນ China Eastern Airlines ໄດ້ເປີດຕົວຖ້ຽວບິນບໍ່ຈຳກັດ ຫຼືຖ້ຽວບິນບຸບເຟ່ ທ້າຍອາທິດ (weekend-unlimited flight) ໃນຕະຫຼາດພາຍໃນປະເທດ ດ້ວຍລາຄາ 3,322 ຢວນ (469 ໂດລາສະຫະລັດ) ເຊິ່ງຜູ້ໂດຍສານສາມາດໃຊ້ຖ້ຽວບິນຈາກບໍລິສັດການບິນ China Eastern Airlines ແລະ Shanghai Airlines ໄປສູ່ຕົວເມືອງໃຫຍ່ຂອງຈີນ ໂດຍບໍ່ມີກຳນົດເວລາ ຈຳກັດໃນປີ 2020.  ແຕ່ລະສະມາຊິກຂອງ Eastern Miles ສາມາດຊື້ປີ້ໄດ້ເຖິງ 10 ຊຸດ ໂດຍບໍ່ຈຳກັດຈຳນວນການນຳໃຊ້, ແຕ່ໃນເວລາດຽວກັນ ປີ້ຍົນທີ່ນຳໃຊ້ບໍ່ໄດ້ມີພຽງແຕ່ສາມໃບເທົ່ານັ້ນ. ສ່ວນໜັງສືຜ່ານແດນແມ່ນຍັງບໍ່ໄດ້ຈ່າຍຄ່າພາສີ, ສະນັ້ນ ຜູ້ໂດຍສານ ຈຳເປັນຕ້ອງຈ່າຍຄ່າພາສີເພີ່ມເຊັ່ນກັນ ແລະ ໜັງສືຜ່ານແດນມີແຕ່ສຳຫຼັບການຊື້ຂອງພົນລະເມືອງຈີນເທົ່ານັ້ນ. ພ້ອມດຽວກັນນັ້ນ, ກໍຍັງມີຂໍ້ຈຳກັດຈຳນວນຫລວງຫລາຍ. ອີງຕາມບໍລິສັດການບິນ China Eastern, ຜະລິດຕະພັນດັ່ງກ່າວແມ່ນຕອບສະໜອງ ຄວາມຕ້ອງການດ້ານການເດີນທາງສຳຫຼັບຄູ່ຜົວເມຍທີ່ອາໄສຢູ່ໃນຄົນລະເມືອງ, ຄົນທີ່ໄປເຮັດວຽກ ຫຼືສຶກສາຢູ່ສະຖານທີ່ຕ່າງໆ. ພ້ອມກັນນັ້ນ, ຍັງເປັນທາງເລືອກທີ່ດີ ສຳລັບກຸ່ມນັກທ່ອງທ່ຽວທີ່ມີການເດີນທາງເປັນປະຈຳເຊັ່ນ: ນັກທ່ອງທ່ຽວທີ່ມັກການເດີນທາງ, ຊ່າງຖ່າຍຮູບ, ກຸ່ມນັກທ່ອງທ່ຽວໄວກາງຄົນ ແລະ ...

ວັນ​ທີ 7 ກໍລະກົດ ຜ່ານມາ ທະນາຄານ​ກາງ ມາ​ເລ​ເຊຍ ໄດ້ປັບ​ຫລຸດ​ອັດຕາ​ດອກ​ເບ້ຍ ລົງ​ລະດັບ​ຕ່ຳ​ສຸດ ​ເປັນຄັ້ງປະຫວັດສາດຈາກ 0,25% ​ເຫລືອ 1,75% ​ເປັນ​ການ​ຫລຸດ​ລົງຄັ້ງທີ່ 4 ຕິດ​ຕໍ່​ກັນ ​ແລະ ​ເຕືອນ​ວ່າ ​ເສດຖະກິດ ພາຍ​ໃນ​ປະ​ເທດ ຫົດ​ຕົວ​ໃນ​ໄຕ​ມາດ 2 ປີ​ນີ້ ​ຍ້ອນ​ມາດ​ຕະການ​ປິດ​ເມືອງ​ຢ່າງ​ເຂັ້ມງວດ ​ເຮັດ​ໃຫ້​ເສດຖະກິດ ສ່ວນ​ໃຫຍ່​ ປິດ​ໃຫ້​ບໍລິການ, ການຄ້າຂາຍບໍ່ໄດ້ເປັນໄປຕາມເປົ້າ ປະຊາຊົນ​ສ່ວນ​ໃຫຍ່​ ພັກ​ຢູ່​ພາຍ​ໃນ​ເຮືອນ ຕັ້ງ​ແຕ່​ໄລຍະ​ ກາງ​ເດືອນ ​ມີນາ ​ເນື່ອງ​ຈາກ​ Covid-19 ລະບາດ​ໜັກ, ກ່ອນ​ທີ່​ຈະເລີ່​ມຫລຸດຜ່ອນ​ມາດ​ຕະການ ​ໃນຕົ້ນ​ເດືອນ​ ພຶດສະພາ ​ແລະ ຫລຸດຜ່ອນ ​ເກືອບ​ທັງໝົດ​ ໃນຕົ້ນ​ເດືອນ​ມິຖຸນາ. ພ້ອມດຽວກັນນັ້ນ, ມາດ​ຕະການ ​ກະ​ຕຸ້ນ ເສດຖະກິດ ຂອງ​ລັດຖະບານ ຈະ​ຊ່ວຍຊຸກຍູ້ ໃຫ້​ເສດຖະກິດ​ດີ​ຂຶ້ນ​ໃນ​ຕໍ່ໜ້າ. ປັດຈຸບັນ, ມາ​ເລ​ເຊຍ ມີ​ຜູ້​ຕິດ​ເຊື້ອ​ໂຄ​ວິດ-19 ປະມານ 8,600 ຄົນ ​ເສຍ​ຊີວິດ 121 ຄົນ. ແຫຼ່ງຂໍ້ມູນ: ຂປລ

ຄະນະກໍາມະການແຫ່ງຊາດ ເພື່ອຕ້ານ ແລະຄວາມຄຸມການແຜ່ລະບາດ ຂອງເຊື້ອ ໂຄວິດ-19 ໄດ້ຊີ້ແຈງໃຫ້ຮູ້ວ່າ ນັກເດີນທາງທຸກຄົນ ທີ່ຈະເດີນທາງອອກຈາກ ສປປ. ລາວ ໄປປະເທດອື່ນ ມີຄວາມຈໍາເປັນຕ້ອງໄດ້ເຮັດເອກະສານທາງການແພດ 72 ຊົ່ວໂມງ ກ່ອນອອກເດີນທາງ ເພື່ອຢັ້ງຢືນ ຜົນການກວດ ອາການ ແລະ ຄົ້ນຫາເຊື້ອ ໂຄວິດ-19 ທຸກຄັ້ງ, ຖ້າບໍ່ເຮັດ ຈະຖືກປະຕິເສດ ບໍ່ໃຫ້ເຂົ້າປະເທດປາຍທາງ. ການເຮັດເອກະສານ ຢັ້ງຢືນທາງການແພດ ແມ່ນມີຄ່າໃຊ້ຈ່າຍ ແລະ ສາມາດເຮັດໄດ້ ຢູ່ 3 ສູນເທົ່ານັ້ນ ໃນນະຄອນຫຼວງວຽງຈັນ ປະກອບມີ: ໂຮງໝໍ ມິດຕະພາບ, ໂຮງໝໍ ມະໂຫສົດ ແລະ ສະຖາບັນ ປາສເຕີ້. ແຫຼ່ງຂໍ້ມູນ: ຫນັງສືພິມ ວຽງຈັນທາຍ