ຂ່າວ ພາຍໃນປະເທດ

ພິທີປະກາດຮັບຮອງບ້ານ ທ່າຊະໂນ ເປັນບ້ານໃຫຍ່ພັດທະ ນາຄ້າຍຄືຕົວເມືອງນ້ອຍໃນ ຊົນນະບົດເປັນແຫ່ງທີ 5 ຂອງ ນະຄອນໄກສອນ ພົມວິຫານ ໄດ້ຈັດຂຶ້ນໃນວັນທີ 20 ພະຈິກ 2018 ນີ້, ທີ່ສະໂມສອນຫ້ອງການບ້ານດັ່ງກ່າວ ໃຫ້ກຽດເຂົ້າຮ່ວມເປັນປະທານຂອງ ທ່ານ ທອງທ່ຽງ ສີດາວົງ ຄະນະປະຈໍາພັກແຂວງ ຫົວ ໜ້າຄະນະຈັດຕັ້ງແຂວງສະຫວັນນະເຂດ, ມີທ່ານ ບຸນຍູ້ ທໍາມະວົງ ກໍາມະການພັກ ແຂວງ ເລຂາພັກນະຄອນ ເຈົ້ານະຄອນໄກສອນ ພົມວິຫານ, ພະແນກການອ້ອມຂ້າງແຂວງ, ຫ້ອງການອ້ອມຂ້າງນະຄອນ, ການນຳຈາກເມືອງອຸທຸມພອນ ແລະເມືອງໄຊພູທອງ, ແຂກ ຖືກເຊີນ ພ້ອມດ້ວຍອຳນາດ ການປົກຄອງ ແລະພໍ່ແມ່ປະຊາຊົນພາຍໃນບ້ານເຂົ້າຮ່ວມ. ທ່ານ ແສງມະນີ ຊະນະວົງໄຊ ເລຂາພັກບ້ານ ນາຍໆບ້ານ ໃຫຍ່ບ້ານທ່າຊະໂນ ແຈ້ງໃຫ້ຊາບວ່າ: ບ້ານທ່າຊະໂນ ແມ່ນບ້ານໃຫຍ່ມີພົນລະເມືອງທັງໜົດ 2.197 ຄົນ, ຍິງ 1.119 ຄົນ, ມີຄອບຄົວ 356 ຄອບຄົວ, ປະຊາຊົນພາຍໃນບ້ານມີລາຍຮັບສະເລ່ຍ 2.100 ໂດລາ/ຄົນ /ປີ, ...

ໃນວັນທີ 29 ພະຈິກ 2018, ສະມາຄົມການເງິນຈຸລະພາກ ຮ່ວມກັບທະນາຄານແຫ່ງ ສປປ ລາວ ໂດຍການສະໜັບສະໜູນຈາກອົງກອນ ອາດາ (ADA) ປະເທດລຸກຊຳບວກ ​ໄດ້ຈັດກອງປະຊຸມ ເພື່ອປຶກສາຫາລື ແລະ ສົນທະນາກ່ຽວກັບທ່ວງທ່າ ແລະ ວິວັດທະນາການຂອງ ການເງິນຈຸລະພາກ ກໍ​ຄືການສ້າງ​ເງື່ອນ​ໄຂ ​ແລະ ​ໂອກາດ ເຂົ້າເຖິງການບໍລິການ ດ້ານການເງິນໃນ ສປປ ລາວ ​ເຊິ່ງຈັດ​ຂຶ້ນຄັ້ງທຳອິດ ທີ່​ນະຄອນຫຼວງ​ວຽງຈັນ. ໂດຍມີ ທ່ານ ພັນທະບູນ ໄຊຍະເພັດ ຮອງຫົວໜ້າກົມຄຸ້ມຄອງ ສະຖາບັນການເງິນ, ທະນາຄານແຫ່ງ ສປປ ລາວ, ຜູ້ຕາງໜ້າຈາກບັນດາ ກະຊວງທີ່ກ່ຽວຂ້ອງ, ຜູ້ໃຫ້ທຶນ ແລະ ສະມາຊິກສະມາຄົມ ການເງິນຈຸລະພາກ​ເຂົ້າ​ຮ່ວມ. ທ່ານ ສົມພອນ ສີແສງລັດ ປະທານສະພາບໍລິຫານ ສະມາຄົມການເງິນຈຸລະພາກ ກ່າວວ່າ: ຈຸດປະສົງ ຂອງກອງປະຊຸມໃນຄັ້ງນີ້ ແມ່ນເພື່ອເພີ່ມຄວາມເຂົ້າໃຈ ກ່ຽວກັບການເງິນຈຸລະພາກ ການເຂົ້າເຖິງການ ບໍລິການ ທາງດ້ານການເງິນຢູ່ໃນ ສປປ ລາວ ໃຫ້ກັບລູກຄ້າ ແລະ ປະຊາຊົນທົ່ວໄປ; ເພື່ອສ້າງການຮ່ວມມື ...

ໃນວັນທີ 29 ພະຈິກ 2018 ທີ່ສະຖານທູດຍີ່ປຸ່ນ ປະຈຳ ສປປ ລາວ ໄດ້ມີພິທີເຊັນສັນຍາໃຫ້ການຊ່ວຍເຫຼືອລ້າ ເພື່ອສະໜັບສະໜູນໃຫ້ແກ່ອົງການຈັດຕັ້ງສາກົນ ທີ່ບໍ່ສັງກັດລັດຖະບານ (NGO) ໃນການສືບຕໍ່ຈັດຕັ້ງປະຕິບັດ “ໂຄງການສົ່ງເສີມຄວາມສະເໝີພາບບົດ ບາດ ຍິງ-ຊາຍ ໃນໂຮງຮຽນມັດທະຍົມສຶກສາ” ໃນໄລຍະສຸດທ້າຍ ປີ 2019 ຢູ່ເມືອງຜາອຸດົມ ແຂວງບໍ່ແກ້ວ, ມູນຄ່າ 505.210 ໂດລາສະຫະລັດ. ລະຫວ່າງ ທ່ານ ທາເຄຊິ ຮິຄິຮາຣະ ເອກອັກຄະຣາຊະທູດຍີ່ປຸ່ນ ປະຈຳ ສປປ ລາວ ແລະ ທ່ານ ນາງ ຈິຢະ ນະງະຊິມະ ຜູ້ຮັບຜິດຊອບໂຄງການແພລນສາກົນ ຍີ່ປຸ່ນ ປະຈຳ ສປປ ລາວ (Plan International Japan) ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ. ໂຄງການດັ່ງກ່າວ ໄດ້ເນັ້ນການກໍ່ສ້າງສິ່ງອໍານວຍຄວາມສະດວກ ພາຍໃນໂຮງຮຽນມັດທະຍົມສຶກສາ ແລະ ສະໜັບສະໜູນການຮຽນຮູ້ ກ່ຽວກັບບົດບາດຂອງຍິງ-ຊາຍ ໃນແຂວງບໍ່ແກ້ວ. ໂຄງ​ການ​ນີ້ ແມ່ນ​ຖືກ​ຈັດ​ຕັ້ງ​ປະ​ຕິ​ບັດ​ພາຍ​ໃນ 3 ປີ ຕັ້ງ​ແຕ່​ເດືອນ​ທັນ​ວາ 2016 ຫາ ເດືອນ​ພະ​ຈິກ 2019 ​ແນ່​ໃສ່​ການ​ສົ່ງ​ເສີມ​ຄວາມ​ສະ​ເໝີ​ພາບ​ຍິງ-ຊາຍ, ສ້າງ​ສະ​ພາບ​ແວດ​ລ້ອມ ​ການ​ສຶກ​ສາ​ໃຫ້​ດີ​ຂຶ້ນກວ່າ​ເກົ່າ​ ໃຫ້​ນ້ອງ​ນັກ​ຮຽນ​ແມ່​ຍິງ ​ໂດຍ​ສະ​ເພາະໃນ ​ໂຮງ​ຮຽນຊັ້ນ​ມັດທະຍົມສຶກສາ 11 ແຫ່ງ​ ໃນ​ເມືອງ​ຜາ​ອຸ​ດົມ ​ແຂວງ​ບໍ່​ແກ້ວ. ສຳລັບ​ການ​ດຳ​ເນີນ​ໂຄງ​ການ ​ໄລ​ຍະ​ທີ 1-2 ​ເລີ່ມປະຕິບັດແຕ່​ປີ 2017-2018 ແມ່ນ​ໄດ້​ມີ​ການ​ສ້າງ​ຄວາມ​ຮູ້​ ໃຫ້​ແກ່​ຜູ້​ເຝິກ​ອົບ​ຮົມ​ເລື່ອງ​ເພດ ແລະ ເຝິກ​ອົບ​ຮົມ​ເລື່ອງ​ເພດ​ໃຫ້​ແກ່​ຄູ, ຕົວ​ແທນ​ຜູ້​ປົກ​ຄອງ, ຜູ້​ນຳ​ສະ​ພາ​ສະ​ໂມ​ສອນ​ນັກ​ຮຽນ, ມີກ​ານ​​ອົບ​ຮົມ​ ດ້ານ​ການ​ບູ​ລະ​ນະ​ຮັກ​ສາ​ອຸ​ປະ​ກອນ ເຊິ່ງ​ລວມ​ມີ 730 ຄົນ​ເຂົ້າ​ຮ່ວມ ແລະ ໄດ້​ສ້າງ​ຫໍ​ພັກ​ໃຫ້​ແກ່ 2 ໂຮງ​ຮຽນ​ອີກ​ດ້ວຍ. ຂ່​າວ-ພາບ: ສົ​ມ​ຫວັງ ...

ພິທີສະເຫຼີມສະຫຼອງວັນສ້າງຕັ້ງເມືອງວຽງໄຊ ແຂວງ ຫົວພັນ ຖານທີ່ໝັ້ນຂອງການປະຕິວັດ ຄົບຮອບ 50 ປີ (ວັນທີ 30 ພະຈິກ 1968 ຫາວັນທີ 30 ພະຈິກ 2018 ) ຈັດຂຶ້ນໃນຕອນແລງວັນທີ 30 ພະຈິກ 2018 ທີ່ສະ ໜາມຫຼວງເມືອງ ວຽງໄຊ.   ທ່ານ ພັນຄຳ ວິພາວັນ, ຜູ້ປະຈໍາການ, ຄະນະເລຂາທິການສູນກາງພັກ, ຮອງປະທານປະເທດ, ຫົວຫນ້າຄະນະກຳມະການລະດັບຊາດເພື່ອກະກຽມສະເຫຼີມສະຫຼອງ ວັນສ້າງຕັ້ງເມືອງວຽງໄຊ ຄົບຮອບ 50 ປີ ລາຍງານວ່າ: ການຈັດງານຄັ້ງນີ້ ເພື່ອຫວນຄືນເຖິງມູນເຊື້ອ, ຄວາມປີຊາສາມາດ, ຄວາມສະຫຼາດສ່ອງໃສຂອງພັກປະຊາຊົນປະຕິວັດລາວ ໃນການນຳພາການປະຕິວັດປົດປ່ອຍຊາດ, ໂຄສະນາສຶກສາອົບຮົມພະນັກງານສະມາຊິກພັກ, ນັກຮົບ, ປະຊາຊົນບັນດາເຜົ່າ ໂດຍສະເພາະຄົນຮຸ່ນຫຼັງໃຫ້ເຂົ້າໃຈຢ່າງຈະແຈ້ງ ແລະ ເລິກເຊິ່ງເຖິງເສັ້ນທາງກ້າວເດີນອັນລະອິດລະອ້ຽວຂອງການປະຕິວັດ ແລະ ຖືເອົາການສະເຫຼີມສະຫຼອງຄັ້ງນີ້ເພື່ອຍູ້ແຮງຂະບວນການຈັດຕັ້ງປະຕິບັດນະໂຍບາຍຂອງພັກ ໂດຍສະເພາະມະຕິກອງປະຊຸມໃຫຍ່ຄັ້ງທີ 10 ຂອງພັກໃຫ້ປະກົດຜົນເປັນຈິງ. ທ່ານ ບຸນຍັງ ວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດ ໄດ້ຂຶ້ນກ່າວສູນທອນພົດໃນພິທີ ໂດຍໄດ້ຍົກໃຫ້ເຫັນເຖິງປະຫວັດຄວາມເປັນມາຂອງຊາດລາວ ແລະ ...

ໃນໂອກາດສະເຫຼີມສະຫຼອງ ເມືອງວຽງໄຊ ຖານທີ່ໝັ້ນຂອງການປະຕິວັດລາວ ຄົບຮອບ 50 ປີ ໃນຕອນຄໍ່າວັນທີ 30 ພະຈິກ 2018 ທ່ານ ບຸນຍັງ ວໍລະຈີດ ເລຂາທິການໃຫຍ່ ຄະນະບໍລິຫານງານສູນກາງພັກ,ປະທານປະເທດ ແຫ່ງ ສປປ ລາວ ໄດ້ເປັນກຽດຕາງໜ້າພັກແລະລັດຖະບານ ຂຶ້ນປະດັບຫຼຽນຄໍາ ໃຫ້ເມືອງວຽງໄຊ ເປັນເມືອງວິລະຊົນ .ໂດຍທ່ານເຈົ້າເມືອງໆວຽງໄຊ ຂຶ້ນຮັບ.   ຂໍ້ມູນຈາກ: ຂປລ.

ໃນປີ 2017 ກະຊວງ ຍທຂ ໄດ້ດຳເນີນການຈັດຕັ້ງກວດກາ ບັນດາໂຄງການກໍ່ສ້າງ ແລະ ສ້ອມແປງຂົວ-ທາງໄດ້ພົບເຫັນຈຳນວນ 18 ໂຄງການ ແລະ ຈຳນວນ 12 ໂຄງການ ​ໃນປີ 2018 ທີ່ມີມູນຄ່າສູງເກີນຄວາມເປັນຈິງ ເຊິ່ງລັດຖະບານ​ ໄດ້​ດຳ​ເນີນການ​ແກ້​ໄຂ ຢ່າງ​ທັນ​ການ ​ແລະ ສາມາດປະຢັດງົບປະມານ ຂອງລັດໄດ້ ລວມເປັນເງິນປະມານ 3.560 ຕື້ກວ່າກີບ ຫຼື ປະມານ 418 ລ້ານໂດລາສະຫະລັດ. (ຮູບປະກອບ) ການກໍ່ສ້າງ ແລະ ສ້ອມແປງຖະໜົນຫົນທາງ ໃນໄລຍະຜ່ານມາ ​ເຫັນວ່າມີຄຸນນະພາບຕ່ຳ ​ແຕ່​ມີມູນຄ່າການກໍ່ສ້າງສູງ ​ເກີນ​ຄວາມ​ເປັນ​ຈິງ, ທັງແກ່ຍາວເວລາການກໍ່ສ້າງນັ້ນ ​ແມ່ນເກີດຈາກໂຄງການລົງທຶນກ່ອນ (ໂດຍບໍ່ຜ່ານການປະມູນ), ການອະນຸມັດໂຄງການສ່ວນຫຼາຍ ດຳເນີນການໂດຍບໍ່ໄດ້ຜ່ານ ການສຳຫຼວດ-ອອກແບບລະອຽດ, ການຊຳລະສະສາງຊັກຊ້າ, ລວມທັງຄວາມຮັບຜິດຊອບຂອງ​ຜູ້​ຮັບ​ເໝົາ ​ແລະ ນັກວິຊາການ ຈຳນວນໜຶ່ງ ຍັງ​ຂາດຈັນຍາບັນ ຈັນຍາທຳ ​ແລະ ຄວາມໂປ່ງໃສ. (ຮູບປະກອບ) ເພື່ອແກ້ໄຂບັນຫາດັ່ງກ່າວ ທາງກະຊວງ ຍທຂ ຈະໄດ້ສືບຕໍ່ຄົ້ນຄວ້າມາດຕະການແກ້ໄຂ​ໃນຕໍ່ໜ້າ ໂດຍໄດ້ສ້າງເອກະສານ ສຶກສາອົບຮົມ ນຳພາດ້ານການເມືອງ-ແນວຄິດ ຂອງບັນດາສະມາຊິກພັກ, ພະນັກງານວິຊາການຂອງຂະແໜງ ໂຍທາທິການ ແລະ ຂົນສົ່ງ, ນັບ​ທັງລະບຽບການຄຸ້ມຄອງ ດ້ານວິຊາສະເພາະ ແລະຈະໄດ້ສັງລວມປຶ້ມຄູ່ມືໂດຍຫຍໍ້ເນື້ອໃນທີ່ສຳຄັນ ໂດຍສະເພາະແມ່ນລາຄາຕໍ່າສຸດ ແລະ ສູງສຸດ ເພື່ອເປັນຄູ່ມືໃຫ້ແກ່ການນຳຂອງແຂວງ, ນະຄອນຫຼວງ ແລະ ສະມາຊິກສາພາແຫ່ງຊາດ ຢູ່ຂັ້ນທ້ອງຖິ່ນ ເປັນຜູ້ຕິດຕາມກວດກາຊ່ວຍ. ຂໍ້ມູນດັ່ງກ່າວຖືກລາຍງານຕໍ່ກອງປະຊຸມສະໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ສະເໜີໂດຍທ່ານ ບຸນຈັນ ສິນທະວົງ ລັດຖະມົນຕີ ກະຊວງໂຍທາທິການ ແລະ ຂົນສົ່ງ (ຍທຂ). ຮູບປະກອບຈາກອິນເຕີເນັດ

ພິທີມອບ-ຮັບເຮືອນຕອບບຸນແທນຄຸນໃຫ້ພະນັກງານເສຍອົງຄະ ຈັດຂຶ້ນໃນຕອນເຊົ້າວັນທີ 29 ພະຈິກ 2018 ຜ່ານມານີ້ ທີ່ບ້ານ ນາໄກ່ ເມືອງວຽງໄຊ ແຂວງຫົວພັນ ກ່າວມອບໂດຍທ່ານ ພັນຄຳ ວິພາວັນ ຮອງປະທານປະເທດ ແຫ່ງ ສປປ ລາວ, ມີທ່ານ ວັນໄຊ ແພງຊຸມມາ ເຈົ້າແຂວງໆຫົວພັນ, ທ່ານ ປອ ຄຳແກ້ວ ສານບຸນຄູນໄຊ ຮອງລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ,ມີພາກສ່ວນກ່ຽວຂ້ອງຂັ້ນສູນກາງ, ຂັ້ນແຂວງ, ເມືອງ, ບໍລິສັດຜູ້ຮັບເໝົາ ແລະ ຄອບຄົວທີ່ໄດ້ຮັບເຮືອນເຂົ້າຮ່ວມເປັນສັກຂີພິຍານ. ໂຄງການກໍ່ສ້າງເຮືອນຕອບບຸນແທນຄຸນໃຫ້ພະນັກງານເສຍອົງຄະຄັ້ງນີ້ປະກອບມີ 5 ຫຼັງເຊິ່ງແມ່ນທຶນລະດົມຈາກຄອບຄົວທ່ານ ພັນຄຳ ວິພາວັນ ມູນຄ່າທັງໝົດ 600 ລ້ານກີບ, ແຕ່ລະຫຼັງມູນຄ່າ 120 ລ້ານກີບ, ໂດຍແມ່ນພະແນກແຮງງານ ແລະ ສະຫວັດດີການສັງຄົມແຂວງເປັນຜູ້ອອກແບບໃນນາມເຈົ້າຂອງໂຄງການ. ໃນນີ້ປຸກສ້າງໃຫ້ຄອບຄົວເສຍອົງຄະຢູ່ເມືອງຊຽງຄໍ້ຈຳນວນ 3 ຫຼັງ, ເມືອງຊໍາໃຕ້ ແລະ ເມືອງວຽງໄຊເມືອງລະ 1 ຫຼັງ ຄື: ຄອບຄົວທ່ານ ຈັນທາ ບ້ານມ່ວງ, ...

ໃນບົດລາຍງານ ຂອງທະນາຄານໂລກ Doing Business 2019 ເຊິ່ງຜົນການສຶກສາຄວາມງ່າຍດາຍໃນການເນີນທຸລະກິດຈໍານວນ 190 ປະເທດ ຊີ້ໃຫ້ເຫັນວ່າ ສປປ ລາວ ຍັງຄົງຢູ່ໃນອັນດັບຕໍ່າທີ່ສຸດໃນພາກພື້ນອາຊີຕາເວັນອອກ ແລະ ເຂດປາຊີຟິກ, ຄືພຽງແຕ່ຖືກຈັດໃນອັນດັບດີກວ່າ ສ ມຽນມາ (171) ແລະ ຕີມໍເລສເຕ້ (178). ແຕ່ເມືອທຽບໃສ່ປະເທດເພື່ອນບ້ານອາຊຽນ ແລະ ປະເທດຄູ່ແຂ່ງໃນພາກພື້ນແລ້ວ ສປປ ລາວ ກໍຍັງຢູ່ໃນອັນດັບທີ່ທ້າຍຢູ່ ເຊັ່ນ: ກໍາປູເຈຍ (138), ສສ ຫວຽດນາມ (69), ຣຊ ໄທ (27), ມາເລເຊຍ (15) ເຊິ່ງ ສປປ ລາວ ຖືກຈັດຢູ່ໃນອັນດັບທີ 154. ໃນ 10 ໝວດຕົວຊີ້ວັດ ມີພຽງໝວດຕົວຊີ້ວັດການຄ້າຂ້າມແດນ ທີ່ມີການປ່ຽນແປງໃນລຳດັບດີຂຶ້ນ ຄືຈາກລໍາດັບທີ 124 (2018) ມາເປັນ 76 (2019). ດັ່ງນັ້ນ ພາລະກິດຂອງບັນດາຂະແໜງການກ່ຽວຂ້ອງ ຍັງມີຫຼາຍບັນຫາທີ່ຈະຕ້ອງໄດ້ບຸກທະລຸ ເພື່ອສືບຕໍ່ປັບປຸງແວດລ້ອມການດຳເນີນທຸລະກິດໃນ ສປປ ລາວ ...

ໃນວາລະດຳເນີນກອງປະຊຸມ ສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VIII ວັນທີ 30 ພະຈິກ 2018 ພາຍໃຕ້ການເປັນປະທານຂອງ ທ່ານນາງ ສີໃສ ລືເດດມູນສອນ ຮອງປະທານສະພາແຫ່ງຊາດ ຊຶ່ງເປັນມື້ທີ 9 ບັນດາ (ສສຊ) ໄດ້ພ້ອມກັນສຸມໃສ່ ປະກອບຄຳຄິດຄຳເຫັນ ຕໍ່ບົດລາຍງານຂອງ ອົງການໄອຍະການປະຊາຊົນສູງສຸດ ກ່ຽວກັບການເຄື່ອນໄຫວວຽກງານໄລຍະກາງສະໄໝ 2 ປີເຄິ່ງ ຂອງແຜນການ 5 ປີ (2016-2020), ວຽກງານປະຈໍາປີ 2018 ແລະ ທິດທາງແຜນການປີ 2019-2020 ແລະ ວຽກງານຈຸດສຸມ ປີ 2019 ທັງນີ້ ກໍເພື່ອເຮັດໃຫ້ການຈັດຕັ້ງປະຕິບັດວຽກງານດັ່ງກ່າວ, ດຳເນີນໄປຢ່າງມີຜົນສຳເລັດ ແລະ ມີປະສິດທິຜົນ. ການປະກອບຄຳເຫັນໃນຄັ້ງນີ້, ບັນດາ ສສຊ ໄດ້ເນັ້ນໜັກຫຼາຍບັນຫາສໍາຄັນ ເປັນຕົ້ນການປະຕິບັດພາລະບົດບາດ ໃນການຕິດຕາມກວດກາທົ່ວໄປ ຂອງອົງການໄອຍະການ ຕໍ່ການເຄົາລົບ ແລະ ປະຕິບັດກົດໝາຍ ໃນຂົງເຂດພະນັກງານ, ທະຫານ, ຕຳຫຼວດ ເຫັນວ່າຍັງເຮັດບໍ່ໄດ້ດີເທົ່າທີ່ຄວນ, ເຊິ່ງພາໃຫ້ເກີດມີປະກົດການຫຍໍ້ທໍ້ເກີດຂຶ້ນຫຼາຍ ເຮັດໃຫ້ສັງຄົມຈົ່ມວ່າ ພະນັກງານສະມາຊິກພັກ ...

ໂດຍຕອບສະໜອງຕາມຄໍາເຊີນ ຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ, ສົມເດັດ ອັກຄະມະຫາ ເສນາ ບໍດີ ເຕໂຈ ຮຸນແຊນ ນາຍົກລັດຖະມົນຕີ ແຫ່ງ ຣາຊະອານາຈັກ ກໍາປູເຈຍ ພ້ອມດ້ວຍພັນລະຍາ ແລະ ຄະນະ ຈະເດີນທາງມາຢ້ຽມຢາມ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງເປັນທາງການ ໃນລະຫວ່າງ ວັນທີ 5-6 ທັນວາ 2018 ເພື່ອເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງ ລາວ ແລະ ກໍາປູເຈຍ. —————————— SPM Thongloun Sisoulith