ຂ່າວ ພາຍໃນປະເທດ

ສະ­ຫະ­ພາບ​ເອີ​ຣົບ​ໃຫ້ການຊ່ວຍ­ເຫຼືອ ວຽກ​ງານ​ເກັບ​ກູ້​ລະ­ເບີດ​ບໍ່​ທັນ​ແຕກ​ຕົກ​ຄ້າງ ຢູ່​ແຂວງ​ຫົວ­ພັນ ໂຄງ­ການ​ດັ່ງ­ກ່າວ ມີ​ເປົ້າ​ໝາຍ​ຢູ່​ໃນ 44 ບ້ານ​ເປົ້າ​ໝາຍ ແລະ ໃນ​ພື້ນ​ທີ່ 9.450.000 ຕາ​ແມັດ ທີ່​ໄດ້​ຮັບ​ຜົນ​ກະ­ທົບ​ຈາກ​ລະ­ເບີດ​ລູກ​ຫວ່ານ. ພ້ອມ​ທັງ​ຈະ​ພັດ­ທະ­ນາ ແລະ ສະ­ໜັບ­ສະ­ໜູນ​ແນວ­ທາງ​ການ​ຄຸ້ມ​ຄອງ​ວຽກ​ງານ ການ​ໂຄ­ສະ­ນາ​ສຶກ​ສາ​ຄວາມ​ສ່ຽງ​ໄພ​ຈາກ​ລູກ​ລະ​ເບີ​ບໍ່​ທັນ​ແຕກ ໃນ​ລະ­ດັບ​ຂັ້ນ​ບ້ານ​ໃຫ້​ເປັນ​ຮູບ​ປະ​ທຳ​ໃນ​ໄລ­ຍະ​ຍາວ ຊອກ​ຫາ​ຫຼາກ​ຫຼາຍ​ວິ­ທີ ເພື່ອ​ສະ­ໜັບ­ສະ­ໜູນ​ວຽກ​ງານ​ການ​ຄຸ້ມ​ຄອງ ຄວາມ​ສ່ຽງ​ຈາກ​ລູກ​ລະ­ເບີດ​ບໍ່​ທັນ​ແຕກ​ໃນ​ຊຸມ​ຊົນ ເພື່ອ​ເຮັດ​ໃຫ້​ປະ­ຊາ­ຊົນ​ສາ­ມາດ​ປະ­ຕິ­ບັດ​ກິດ­ຈະ­ກຳ ກໍ​ຄື ການ​ສ້າງ­ສາ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ໄດ້​ຢ່າງ​ປອດ​ໄພ ​ໂຄງ­ການ​ຈະ​ໃຫ້­ການ​ເຝິກ­ອົບ­ຮົມ ຄູ-ອາ­ຈານ ກ່ຽວ​ກັບ​ການ​ສຶກ​ສາ​ຄວາມ​ສ່ຽງ​ໄພ ເພື່ອ​ນຳ­ໄປ​ເຜີຍ­ແຜ່​ຜັນ​ຂະ­ຫຍາຍ​ໃຫ້​ກັບ​ນັກ­ຮຽນ​ຂອງ​ຕົນ ​ໃນ​ປັດ­ຈຸ­ບັນ​ນີ້ ສະ­ເລ່ຍ​ທຸກໆ​ສອງ​ເດືອນ​ຈະ​ມີ​ເຫດ­ການ​ລະ­ເບີດ​ແຕກ ແລະ ສ້າງ​ຜົນ​ເສຍ​ຫາຍ​ໃຫ້​ແກ່​ຊີ­ວິດ​ຊັບ​ສິນ​ຂອງ​ປະ­ຊາ­ຊົນ​. ໃນ​ນັ້ນ ໄດ້​ເກີດ​ຂຶ້ນ​ກັບ​ເດັກ­ນ້ອຍ​ນັກ­ຮຽນ​ເຂດ​ພື້ນ​ທີ່​ສ່ຽງ​ທີ່​ບໍ່​ທັນ​ຮັບ​ຮູ້ ແລະ ເຂົ້າ­ໃຈ​ເຖິງ​ຜົນ​ຮ້າຍ​ຂອງ​ລະ­ເບີດ​ບໍ່​ທັນ​ແຕກ ດັ່ງ­ນັ້ນ ໂຄງ­ການ​ຈິ່ງ​ເນັ້ນ​ທີ່​ຈະ​ເຝິກ­ອົບ­ຮົມ​ໃຫ້​ແກ່​ບັນ­ດາ​ຄູ-ອາ­ຈານ ໃນ​ເຂດ​ພື້ນ​ທີ່​ສ່ຽງ​ໄພ​ເປັນ­ຕົ້ນ​ຕໍ. ພິທີລົງນາມການຊ່ວຍເຫຼືອດັ່ງກ່າວ ຈັດຂຶ້ນໃນວັນ​ທີ 20 ທັນ­ວາ 2018 ຜ່ານມາ ທີ່​ໂຮງ­ແຮມ​ເສດ​ຖາ​ປາ​ລາສ ນະ­ຄອນ­ຫຼວງ​ວຽງ​ຈັນ ຮ່ວມ​ລົງ​ນາມ​ຄັ້ງ​ນີ້ ໂດຍ​ທ່ານ ພູ​ຂຽວ ຈັນ­ທະ​ສົມ­ບູນ ຫົວ­ໜ້າ​ຫ້ອງ­ການ​ຄະ­ນະ​ກຳ­ມະ­ການ​ຄຸ້ມ​ຄອງ​ແຫ່ງ​ຊາດ ເພື່ອ​ແກ້​ໄຂ​ບັນ­ຫາ​ລະ­ເບີດ​ບໍ່​ທັນ​ແຕກ​ຕົກ​ຄ້າງ​ຢູ່ ສປປ ລາວ (ຄຊກລ) ແລະ ທ່ານ ເບີ​ນົວ ຄູ​ເຕີ​ຣິ​ແອ ຫົວ­ໜ້າ​ອົງ­ການ​ເພື່ອ​ມະ­ນຸດ­ສະ­ທຳ ...

ໃນວັນ​ທີ 20 ທັນ­ວາ 2018 ຜ່ານມາ ທ່ານ ຄຳ​ໄຕ ສີ​ພັນ​ດອນ ອະ­ດີດ​ປະ­ທານ​ພັກ ອະດີດປະ­ທານ​ປະ­ເທດ ​ແຫ່ງ ສປປ ລາວ ລົງ​ຢ້ຽມ­ຢາມ ແລະ ເຮັດ​ວຽກ​ຢູ່​ຫ້ອງ​ວ່າ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ຖືກ​ຕ້ອນ­ຮັບ​ໂດຍ​ທ່ານ ສິນ​ລະ​ວົງ ຄຸດ​ໄພ­ທູນ ເຈົ້າ​ຄອງ​ນະ­ຄອນ­ຫຼວງ ພ້ອມ​ດ້ວຍ​ການ​ນຳ​ຂັ້ນ​ນະ­ຄອນ­ຫຼວງ ແລະ ພະ­ນັກ­ງານ​ຫຼັກ​ແຫຼ່ງ​ອ້ອມ​ຂ້າງ​ເຂົ້າ​ຮ່ວມ.   ການ​ມາ​ຢ້ຽມ­ຢາມ​ຄັ້ງ​ນີ້ ທ່ານ​ໄດ້​ຮັບ​ຟັງ​ການ​ລາຍ​ງານ​ສະ­ພາບ​ການ­ຈັດ­ຕັ້ງ​ປະ­ຕິ­ບັດ ວຽກ​ງານ​ພົ້ນ​ເດັ່ນ​ຂອງ​ນະ­ຄອນ­ຫຼວງ​ວຽງ​ຈັນ ເຊິ່ງ​ທ່ານ​ໄດ້​ຍ້ອງ­ຍໍ​ຊົມ­ເຊີຍ​ຕໍ່​ຜົນ­ສຳ­ເລັດ ທີ່​ນະ­ຄອນ­ຫຼວງ​ວຽງ​ຈັນ​ຍາດ​ມາ​ໄດ້ ພ້ອມ​ນັ້ນ ກໍໄດ້​ແນະ­ນຳ​ໃຫ້​ຍົກ​ສູງ​ຄວາມ​ສາ­ມາດ​ການ​ນຳ­ພາ​ຂອງ​ລັດ ໃນ​ການ​ນຳ­ພາ​ເປັນ​ເຈົ້າ​ການ​ກຳ­ນົດ​ແນວ­ທາງ​ນະ­ໂຍ­ບາຍ ເສດ­ຖະ­ກິດ ວັດ­ທະ­ນະ­ທຳ-ສັງ­ຄົມ ການ​ຕ່າງ­ປະ­ເທດ ຮັບ­ປະ­ກັນ​ຄວາມ​ສາ­ມັກ­ຄີ ແລະ ຄວາມ​ເປັນ​ປຶກ​ແຜ່ນ​ຂອງ​ປະ­ຊາ­ຊົນ​ບັນ­ດາ­ເຜົ່າ ສົມ­ທົບ​ທຶນ­ຮອນ​ດ້ານ​ເຕັກ​ໂນ​ໂລ​ຊີ​ ຈາກ​ພາຍ​ນອກ ປະ­ກອບ­ສ່ວນ​ເຮັດ​ໃຫ້​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ດີ​ຂຶ້ນ ປະ­ກອບ­ສ່ວນ​ຫຼຸດ​ພົ້ນ​ອອກ​ຈາກ​ຄວາມ­ທຸກ​ຍາກ​ຂາດ­ແຄນ​ຫຼ້າ­ຫຼັງ​.    ພ້ອມ​ນັ້ນ ເສີມ​ຂະ­ຫຍາຍ​ສິດ​ເປັນ​ເຈົ້າ​ຂອງ​ປະ­ຊາ­ຊົນ​ຂັ້ນ​ຕ່າງໆ ໂດຍ​ຜ່ານ​ແນວ​ໂຮມ​ບ້ານ ອົງ​ການ­ຈັດ­ຕັ້ງ​ຂັ້ນ​ຕ່າງໆ ປະ­ກອບ­ສ່ວນ​ປົກ​ປັກ​ຮັກ­ສາ​ປະ­ເທດ​ຊາດ ແລະ ຊີ­ວິດ​ການ​ເປັນ​ຢູ່​ໃຫ້​ດີ​ຂຶ້ນ​ເປັນ​ກ້າວໆ.  ທ່ານໄດ້ເນັ້ນຕື່ມວ່າ: ແຕ່​ກໍ​ຍັງ​ມີ​ຂໍ້­ຄົງ­ຄ້າງ​ຫຼາຍ​ຢ່າງ ທີ່​ການ​ນຳ​ນະ­ຄອນ­ຫຼວງ​ວຽງ​ຈັນ ​ຕ້ອງ​ໄດ້​ເອົາ­ໃຈ­ໃສ່​ແກ້​ໄຂ​ຢ່າງ​ຈິງ​ຈັງ ພະ­ນັກ­ງານ​ຈຳ­ນວນ​ບໍ່​ໜ້ອຍ​ໄດ້​ສວຍ​ໃຊ້​ອຳ­ນາດ ໜ້າ­ທີ່ ຕຳ­ແໜ່ງ​ງານ ວາງ​ໂຕ​ເປັນ​ນາຍ​ໄປ​ທາງ​ໃດ​ມີ​ການ​ຕ້ອນ­ຮັບ​ໃຫຍ່​ໂຕ ເຫັນ​ວ່າ​ບໍ່​ເໝາະ​ສົມ, ບັນ­ຫາ​ດ້ານ​ສັງ­ຄົມ​ຄວາມ​ແຕກ​ໂຕນ​ດ້ານ​ລາຍ​ຮັບ ...

ໂຮງຮຽນ ມັດທະຍົມສົມບູນ ວຽງຈັນ (ມສ ວຽງຈັນ) ໄດ້ສະຫຼອງວັນສ້າງຕັ້ງໂຮງຮຽນຄົບຮອບ 60 ປີ (1958-2018) ຂຶ້ນໃນວັນທີ 20 ທັນວາ 2018 ດ້ວບັນຍາກາດເບີກບານມ່ວນຊື່ນ ດ້ວຍຫຼາກຫຼາຍກິດຈະກໍາຂອງ ບັນດາຄູ ອາຈານ ແລະ ນັກຮຽນ. ຂອບໃຈພາບຈາກເຟສບຸກ Fie lthls

ວັນທີ 12 ທັນວາ 2018, ກົມເຕັກໂນໂລຊີດິຈິຕ໋ອນ (ກຕດ) ກະຊວງວິທະຍາສາດ ແລະ ເຕັກໂນໂລຊີ (ກວຕ ), ຮ່ວມກັບ ບໍລິສັດກຸ່ມນະຄອນຊັບ ຈຳກັດຜູ້ດຽວ, ໄດ້ຈັດພິທີເຊັນ MOU ໂຄງການສຶກສາຄວາມເປັນໄປໄດ້ ໃນການພັດທະນາລະບົບຊຳລະສະສາງແບບດິຈິຕ໋ອນ (Digital Payment platform) ໃນ ສປປ ລາວ. ພິທີເຊັນ MOU ດັ່ງກ່າວ ໄດ້ຮັບກຽດການເຂົ້າຮ່ວມເປັນສັກຂີພິຍານຂອງ ທ່ານ ບັນດິດ ສຈ. ບໍ່ວຽງຄຳ ວົງດາລາ, ກໍາມະການສູນກາງພັກ, ເລຂາຄະນະພັກ, ລັດຖະມົນຕີ ກວຕ. ບັນດາທ່ານ ຮອງລັຖະມົນຕີ ກວຕ, ຫົວໜ້າຫ້ອງການ, ກົມ, ສະຖາບັນ, ພະນັກງານວິຊາການທີ່ກ່ຽວທັງສອງຝ່າຍ. ຜູ້ລົງນາມໃນພິທີເຊັນ MOU ດັ່ງກ່າວ ມີທ່ານ ແກ້ວນະຄອນ ໄຊສຸລຽນ ຫົວໜ້າກົມເຕັກໂນໂລຊີດິຕິຕ໋ອນ; ທ່ານ ຈິດຕະພົງ ອັກຄະວົງ ຮອງຫົວໜ້າກົມແຜນການ ແລະ ຮ່ວມມື ແລະ ທ່ານ Xie ...

ມື້ສຸດທ້າຍ ຂອງການດຳເນີນກອງປະຂຸມສະໄໝສາມັນ ເທື່ອທີ 6 ຂອງສະພາແຫ່ງຊາດຊຸດທີ VIII ໃນຕອນເຊົ້າຂອງວັນທີ 21 ທັນວາ 2018, ບັນດາສະມາຊິກສະພາແຫ່ງຊາດ ສສຊ ໄດ້ສືບຕໍ່ສຸມໃສ່ພິຈາລະນາ ແລະ ປະກອບຄຳຄິດຄຳເຫັນໃສ່ 3 ຮ່າງມະຕິ ຄື: ການເຄື່ອນໄຫວວຽກງານກາງສະໄໝ ຂອງສະພາແຫ່ງຊາດ 2016-2018, ແຜນວຽກຈຸດສຸມ ປີ 2019 ແລະ ທິດທາງແຜນການຮອດປີ 2020; ການປະຕິບັດແຜນສ້າງ ແລະ ປັບປຸງ ກົດໝາຍ ໄລຍະ 3 ປີຜ່ານມາ ແລະ ແຜນການ 2 ປີທ້າຍສະໄໝ ສະພາແຫ່ງຊາດຊຸດທີ VIII 2019-2020; ການປະຕິບັດສິດ ແລະ ໜ້າທີ່ ໃນການຕິດຕາມກວດກາ 3 ປີຜ່ານມາ ແລະ ແຜນການ ປີ 2019 ຂອງສະພາແຫ່ງຊາດ. ເຖິງວ່າໃນໄລຍະ 3 ປີຜ່ານມາ ສະພາແຫ່ງຊາດ ໄດ້ເອົາໃຈໃສ່ ເຄື່ອນໄຫວວຽກງານຕ່າງໆ ໂດຍສະເພາະການຕົກລົງບັນຫາສຳຄັນພື້ນຖານຂອງປະເທດຊາດ, ລວມທັງການປະຕິບັດແຜນສ້າງ ...

ທ່ານ ສົມປະສົງ ສະຫງວນວົງ ຮອງຫົວໜ້າພະແນກອຸດສາຫະກຳ ແລະ ການຄ້າ ນະຄອນຫຼວງວຽງຈັນ ໃຫ້ສຳພາດວ່າ: ສຳລັບ ນະຄອນຫຼວງວຽງຈັນ ມີແຜນສູ້ຊົນ ໃນປີ 2019 ນີ້ ຈະໃຫ້ມີສິນຄ້າ ໂອດອບເພີ່ມຂຶ້ນ 5 ຜະລິດຕະພັນ ໂດຍມີສອງພາກສ່ວນແລ້ວທີ່ສະເໜີມາຂໍກາໝາຍສິນຄ້າໂອດອບ ຂັ້ນຕອນຕໍ່ໄປ ແມ່ນການກວດກາຕາມເງື່ອນໄຂ. ເມື່ອໄດ້ກາໝາຍສິນຄ້າໂອດອບແລ້ວ, ເຈົ້າຂອງຜະລິດຕະພັນ ມີໂອກາດໄດ້ຮັບສິດໃນການເຂົ້າເຖິງແຫຼ່ງທຶນ, ຂະຫຍາຍຕະຫຼາດໄດ້ກວ້າງອອກ, ໄດ້ຮັບນະໂຍບາຍເຂົ້າຮ່ວມງານວາງສະແດງ ແລະ ຈຳໜ່າຍສິນຄ້າຢູ່ພາຍໃນ ແລະ ຕ່າງປະເທດ ດ້ວຍລາຄາທີ່ຖືກກວ່າ ຫຼື ບໍ່ເສຍຄ່າ, ພ້ອມນີ້ ຍັງຈະໄດ້ເຂົ້າຮ່ວມເຝິກອົບຮົມກ່ຽວກັບຍີ່ຫໍ້, ການບັນຈຸພັນ, ອອກແບບຕົບແຕ່ງກາສິນຄ້າ ແລະ ອື່ນໆ ພ້ອມຍັງຈະໄດ້ຮັບຄຳແນະນຳຈາກວິຊາການທີ່ມີຄວາມຊຳນານໃນການເຄື່ອນໄຫວດຳເນີນທຸລະກິດອີກດ້ວຍ. ມາຮອດປັດຈຸບັນນີ້ ທົ່ວປະເທດເຮົາ ມີສິນຄ້າ “ໜຶ່ງເມືອງໜຶ່ງຜະລິດຕະພັນ” ຫຼື ( ODOP) ທັງໝົດ 626 ຜະລິດຕະພັນ ຈາກ 165 ຫົວຫນ່ວຍ ກວມ 157 ບ້ານ 83 ເມືອງ. ສະເພາະ ນະຄອນຫຼວງວຽງຈັນ ...

ໃນໂອກາດເດີນທາງມາຢ້ຽມຢາມ ສປປ ລາວ ຢ່າງເປັນທາງການ ແລະ ເຂົ້າຮ່ວມກອງປະ ຊຸມປຶກສາຫາລືດ້ານການເມືອງ ຂັ້ນລັດຖະມົນຕີກະຊວງການຕ່າງປະເທດ ລາວ-ຫວຽດນາມ ຄັ້ງທີ 5 ຂອງ ສະຫາຍ ຟ້າມ ບິ່ງ ມິງ, ຮອງນາຍົກລັດຖະມົນຕີ, ລັດຖະມົນຕີ ກະຊວງການຕ່າງປະເທດ ແຫ່ງ ສສ ຫວຽດນາມ ໃນລະຫວ່າງວັນທີ 18-19 ທັນວາ 2018, ໄດ້ເຂົ້າຢ້ຽມຂໍ່ານັບ ສະຫາຍ ບຸນຍັງ ວໍລະຈິດ ເລຂາທິການໃຫຍ່, ປະທານປະເທດ ແຫ່ງ ສປປ ລາວ, ທີ່ ທຳນຽບປະທານປະເທດ, ໃນວັນທີ 19 ທັນວາ 2018. ໃນໂອກາດນີ້, ສະຫາຍ ບຸນຍັງ ວໍລະຈິດ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ແລະ ຝາກຄວາມຢື້ຢາມຖາມຂ່າວ ໄປຍັງ ສະຫາຍ ຫງວຽນ ຟູ ຈ້ອງ ເລຂາທິການໃຫຍ່, ປະທານປະເທດ ແຫ່ງ ສສ ຫວຽດນາມ ແລະ ບັນດາສະຫາຍການນຳຫວຽດນາມ, ...

ຫົວພັນເປັນອີກແຂວງໜຶ່ງຂຶ້ນຊື່ຂອງປະເທດລາວ ເລື່ອງຜ້າໄໝ, ສິ້ນໄໝ ຍ້ອນຄວາມປານີດຂອງສີມືເອື້ອຍນ້ອງແມ່ຍິງທາງຊໍາເໜືອ ມີຄວາມເປັນເອກະລັກ, ສະນັ້ນ, ເພື່ອຮັກສາມໍລະດົກຂອງບັນພະບຸລຸດຂອງຊາວເມືອງຊໍາເໜືອ ກໍຄືຫົວພັນ ທີ່ໄດ້ຖ່າຍທອດໃຫ້ນັ້ນ ກາຍເປັນທີ່ຮັບຮູ້ຂອງສັງຄົມກໍຄືທົ່ວໂລກ ຈຶ່ງມີແຜນຈົດທະບຽນຖິ່ນກຳເນີດຜ້າໄໝ ຊໍາເໜືອ ຫົວພັນໃນໄວໆນີ້. ໃນວັນທີ 17 ທັນວາ 2018 ນີ້ ກົມຊັບສິນທາງປັນຍາ ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບ ພະແນກວິທະຍາສາດ ແລະ ເຕັກໂນໂລຊີ ແຂວງຫົວພັນ ໄດ້ຈັດກອງປະຊຸມ ກ່ຽວກັບ ການກະກຽມຈົດທະບຽນຖິ່ນກຳເນີດຜ້າໄໝຫົວພັນຂຶ້ນ ທີ່ພະແນກວິທະຍາສາດ ແລະ ເຕັກໂນໂລຊີແຂວງຫົວພັນ. ກອງປະຊຸມຄັ້ງນີ້ ຮ່ວມເປັນປະທານໂດຍ ທ່ານ ປອ. ນາງ ຂັນລາສີ ແກ້ວບຸນພັນ ຫົວໜ້າກົມຊັບສິນທາງປັນຍາ ແລະ ທ່ານ ສົມຈິດ ພັນພິພັກ ຮອງຫົວໜ້າພະແນກວິທະຍາສາດ ແລະ ເຕັກໂນໂລຊີ ແຂວງຫົວພັນ ແລະ ມີພາກສ່ວນທີ່ກ່ຽວຂ້ອງເຂົ້າຮ່ວມທັງໝົດ 31 ທ່ານ. ຈຸດປະສົງຂອງການຈັດກອງປະຊຸມໃນຄັ້ງນີ້ ແມ່ນເພື່ອ ປຶກສາຫາລືຮ່ວມກັບ ຜູ້ຜະລິດ, ຜູ້ປະກອບການຜ້າໄໝ ແລະ ອໍານາດການປົກຄອງແຂວງຫົວພັນ ...

ງານເທສະການບຸນກອງເຂົ້າໃຫຍ່ ໄຫວ້ພຣະທາດອີງຮັງ ເພື່ອສະເຫຼີມສະຫຼອງປີທ່ອງທ່ຽວລາວ 2018 ທີ່ແຂວງ ສະຫວັນນະເຂດ ແມ່ນເປີດສາກຂຶ້ນຢ່າງຍິ່ງໃຫຍ່ ໃນຕອນບ່າຍຂອງວັນທີ 18 ທັນວາ 2018 ທີ່ ນະຄອນໄກສອນ ພົມວິຫານ ອັນເປັນການສ້າງເງື່ອນໄຂກໍຄືກິດຈະກໍາຕ່າງໆ ເພື່ອດຶງດູດນັກທ່ອງທ່ຽວ ເຂົ້າມາທ່ອງທ່ຽວ ແຂວງ ສະຫວັນນະເຂດໃຫ້ຫຼາຍຂຶ້ນ ແນ່ໃສ່ນໍາເອົາລາຍຮັບມາໃຫ້ປະຊາຊົນຊາວແຂວງສະຫວັນນະເຂດ,ທັງເປັນການປະກອບສ່ວນເຂົ້າໃນການກະຕຸ້ນກໍຄືການພັດທະນາເສດຖະກິດ-ສັງຄົມຂອງ ແຂວງໃຫ້ມີຄວາມໜັກແໜ້ນເຂັ້ມແຂງຢ່າງບໍ່ຢຸດຢັ້ງ ປະຊາຊົນໄດ້ຫຼຸດພົ້ນອອກຈາກຄວາມທຸກຍາກເປັນກ້າວໆ ອັນສໍາຄັນແມ່ນການນໍາໃຊ້ເງື່ອນໄຂແລະທ່າແຮງຄວາມອຸດົມສົມບູນຂອງແຂວງສະຫວັນນະເຂດຢ່າງຖືກຕ້ອງສອດຄ່ອງຕາມທິດສີຂຽວ ແລະ ຍືນຍົງ ທັງເກີດປະໂຫຍດສູງສຸດຕໍ່ປະເທດຊາດ ແລະປະຊາຊົນຢ່າງແທ້ຈິງ. ທ່ານ ປອ.ສອນໄຊ ສີພັນດອນ ຮອງນາຍົກລັດຖະມົນຕີ ທັງເປັນປະທານຄະນະຮັບຜິດຊອບຊີ້ນໍາລະດັບຊາດ ໃນການຈັດປີທ່ອງທ່ຽວລາວ 2018 ໃຫ້ກຽດລັ່ນຄ້ອງ 9 ບາດ, ຊຶ່ງມີ ທ່ານ ສັນຕິພາບ ພົມວິຫານ ເຈົ້າແຂວງໆ ສະຫວັນນະເຂດ ກ່າວເປີດງານຢ່າງເປັນທາງການທ່າມກາງບັນຍາກາດທີ່ມີແຂກພາຍໃນ ແລະ ຕ່າງປະເທດທີ່ຖືກເຊີນຢ່າງຫຼວງຫຼາຍເຂົ້າຮ່ວມ  ຫຼັງຈາກນັ້ນກໍເລີ່ມຂະບວນການແຫ່ກ້ອນກໍາລັງຈາກພາກສ່ວນຕ່າງໆ ທີ່ໄດ້ນໍາເອົາວັດທະນະທໍາ,ສິລະປະ,ການນຸ່ງຖື,ຮູບຈໍາລອງເອກະລັກທີ່ໂດດເດັ່ນທາງດ້ານມໍລະດົກ,ທາງດ້ານການທ່ອງທ່ຽວ ແລະ ວິຖີໃນການດໍາລົງຊີວິດຂອງປະຊາຊົນທີ່ຢູ່ພາຍໃນເມືອງຕ່າງໆຂອງແຂວງ ສະຫວັນນະເຂດໃຫ້ບັນດາແຂກເຂົ້າຮ່ວມງານໄດ້ຊົມ   ເປັນຕົ້ນມີ: ຂະບວນເປົ່າແຄນ,ຂະບວນແຫ່ໜັງສືຜູກໃບລານ ,ແຫ່ຈໍາລອງໝາກໂມໃຫຍ່,ຈໍາລອງທາດໂຜ່ນ,ວັດຖຸບູຮານທີ່ຄົ້ນພົບ,ແຫ່ຈໍາລອງຄ້ອງພະເໜາະບູຮານ,ຈໍາລອງການຕໍ່າຫູກກີ່ແອວ,ປາຂະຫຍອງ,ຈໍາລອງໂອງ-ມັ່ງ,ຈໍາລອງແຫຼ່ງທ່ອງທ່ຽວທໍາມະຊາດພູໂຮງ,ຈໍາລອງແຫຼ່ງທ່ອງທ່ຽວແກ້ງຫລວງ-ຮອຍຕີນໄດໂນເສົາ,ຈໍາລອງທາດຍາຄູຂີ້ຫອມ,ຈໍາລອງທາດດອກແກ້ວແລະກະບອງໃຫຍ່,ຈໍາລອງເອກະລັກເມືອງ 4 ທິດແລະປີ້ໄກ່ເຊໄນ,ຈໍາລອງທາດນາງລາວ,ພຣະເຈົ້າອົງແສນ ບ້າງຮ່ອນຄໍາ ແລະຂະບວນແຫ່ນາງສັງຂານ ຊຶ່ງສ້າງຄວາມປະທັບໃຈ ...

ໃນວັນທີ 17 ທັນວາ 2018, ຢູ່ທີ່ຫ້ອງປະຊຸມຫ້ອງວ່າການປົກຄອງແຂວງ ສະຫວັນນະເຂດ ທ່ານຄໍາໄຕ ສີພັນດອນ ອະດີດປະທານພັກ ອະດີດປະທານປະເທດ ແຫ່ງ ສປປ ລາວ ໄດ້ພົບປະໂອ້ລົມກັບພະນັກງານການນໍາຫຼັກແຫຼ່ງແຂວງ ສະຫວັນນະເຂດ ເຊິ່ງມີທ່ານ ສັນຕິພາບ ພົມວິຫານ ກໍາມະການສູນກາງພັກ ເລຂາພັກແຂວງ ເຈົ້າແຂວງ ສະຫວັນນະເຂດ ບັນດາທ່ານໃນຄະນະປະຈໍາພັກແຂວງ ກໍາມະການພັກແຂວງ ຫົວໜ້າພະແນກການຕ່າງໆອ້ອມຂ້າງແຂວງ ເຂົ້າຮ່ວມຮັບຟັງການໂອ້ລົມໃນຄັ້ງນີ້. ພາຍຫຼັງທີ່ທ່ານ ສັນຕິພາບ ພົມວິຫານ ຂຶ້ນລາຍງານສະພາບການຈັດຕັ້ງປະຕິບັດການພັດທະນາເສດຖະກິດ-ສັງຄົມ ຂອງແຂວງໃນໄລຍະຜ່ານມາ, ຈາກນັ້ນ ທ່ານ ຄໍາໄຕ ສີພັນດອນ ກໍໃຫ້ກຽດໂອ້ລົມ ເຊິ່ງມີເນື້ອໃນບາງຕອນສໍາຄັນວ່າ: ການຈັດຕັ້ງປະຕິບັດມະຕິກອງປະຊຸມໃຫຍ່ຂອງອົງຄະນະພັກ 3 ຂັ້ນຂອງແຂວງເປັນຕົ້ນ: ມີບາງດ້ານຖ້າບໍ່ໄດ້ຮັບການແກ້ໄຂຢ່າງຈິງຈັງ ກໍອາດເປັນອຸປະສັກຕໍ່ຈຸດໝາຍປາຍທາງຂອງພັກເຮົາ ຄື: ລັກສະນະດີເລີດຂອງລະບອບໃໝ່ລະບອບສັງຄົມນິຍົມ ທີ່ພວກເຮົານໍາພານັບ ແຕ່ມື້ເລີ່ມຕົ້ນເຮັດການປະຕິວັດ. ມາຮອດປັດຈຸບັນນີ້ ບໍ່ທັນສະແດງອອກຢ່າງເດັ່ນຊັດໂດຍສະເພາະພາຍຫຼັງປະເທດຊາດ ໄດ້ຮັບການປົດປ່ອຍປະຊາຊົນລ້ວນແຕ່ຄອງຄອຍ ແລະ ຝາກຄວາມຫວັງຢາກເຫັນສັງຄົມລາວ ມີຄວາມສະເໝີພາບ ແລະ ຍຸຕິທໍາ ບໍ່ໃຫ້ມີການຂູດຮີດ ເອົາລັດເອົາປຽບກັນ, ບໍ່ໃຫ້ມີການແບ່ງຊັ້ນ-ແບ່ງຂັ້ນໃນສັງຄົມ, ຢາກເຫັນນະໂຍບາຍດ້ານເສດຖະກິດ ແລະ ສັງຄົມທີ່ຊ່ວຍໃຫ້ຊີວິດການເປັນຢູ່ທາງດ້ານວັດຖຸ ...