ຂ່າວ ພາຍໃນປະເທດ

ທະນາຄານແຫ່ງ ສປປ ລາວ ໄດ້ປະກາດ ການສ້າງຕັັ້ງສໍານັກງານປົກປ້ອງເງິນຝາກ ຂຶ້ນຢ່າງເປັນທາງການໃນວັນທີ 23 ມັງກອນ 2019 ໂດຍການໃຫ້ກຽດເຂົ້າຮ່ວມຂອງທ່ານ ສອນໄຊ ສິດພະໄຊ ຜູ້ວ່າການທະນາຄານແຫ່ງ ສປປ ລາວ; ພ້ອມດ້ວຍ ທ່ານນາງ ແສງດາວວີ ວົງຄໍາຊາວ ຫົວໜ້າສໍານັກງານປົກປ້ອງເງິນຝາກ, ບັນດາພາກສ່ວນຈາກກະຊວງທີ່ກ່ຽວຂ້ອງ, ຄະນະກົມ-ຄະນະສະພາບໍລິຫານ,ຄະນະອໍານວຍການສໍານັກງານປົກປ້ອງເງິນຝາກ-ຄະນະອໍານວຍການທະນາຄານລັດ ແລະ ບັນດາທະນາຄານທີ່ເປັນສະມາຊິກເຂົ້າຮ່ວມຢ່າງຄົບຖ້ວນ. ສໍານັກງານປົກປ້ອງເງິນຝາກ ໃນເມື່ອກ່ອນເປັນກອງທຶນປົກປ້ອງຜູ້ຝາກເງິນ ທີ່ໄດ້ຮັບການສ້າງຂຶ້ນໃນທ້າຍປີ 1999 ເພື່ອປະຕິບັດພາລະບົດບາດ, ສິດ ແລະ ໜ້າທີ່ໃນການປົກປ້ອງສິດຜົນປະໂຫຍດຂອງຜູ້ຝາກເງິນ ທັງນີ້ເພື່ອເປັນການສ້າງຄວາມເຊື່ອໝັ້ນໃຫ້ແກ່ສັງຄົມ ກໍຄືລະບົບທະນາຄານໄປຄຽງຄູ່ກັບການພັດທະນາລະບົບທະນາຄານ. ສໍານັກງານປົກປ້ອງເງິນຝາກ ໄດ້ຮັບການສ້າງຂຶ້ນຕາມດໍາລັດເລກທີ 329/ລບ; ລົງວັນທີ 25 ຕຸລາ 2017 ຊຶ່ງເປັນການຈັດຕັ້ງການເງິນຂອງລັດມີຖານະທຽບເທົ່າກົມ, ເປັນນິຕິບຸກຄົນທີ່ເຄື່ອນໄຫວໂດຍບໍ່ສະແຫວງຫາຜົນກໍາໄລ, ມີຄວາມເປັນເອກະລາດທາງດ້ານການເງິນ ແລະ ຢູ່ພາຍໃຕ້ການຄຸ້ມຄອງຂອງທະນາຄານແຫ່ງ ສປປ ລາວ. ທ່ານ ນາງ ແສງດາວວີ ວົງຄໍາຊາວ ຫົວໜ້າສໍານັກງານປົກປ້ອງເງິນຝາກໄດ້ແຈ້ງໃຫ້ຊາບການເຄື່ອນໄຫວໃນປີ 2018 ຜ່ານມາໂດຍໄດ້ຮັບຜົນສໍາເລັດຫຼາຍດ້ານເປັນຕົ້ນດ້ານວຽກງານນິຕິກໍາ; ດ້ານວຽກງານກວດກາ ແລະ ວິເຄາະ; ດ້ານການເຄື່ອນໄຫວທາງດ້ານການເງິນ; ການເກັບເບ້ຍປະກັນ, ...

ໃນວັນທີ 23 ມັງກອນ 2019 ຢູ່ທີ່ ສະໂມສອນຫຼັກ 4 ແຂວງຈຳປາສັກ ໄດ້ຈັດກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງຈຳປາສັກ ຊຸດທີ I  ຢ່າງເປັນທາງການ  ພາຍໃຕ້ ການເປັນປະທານຂອງທ່ານ ເມກສະຫວັນ ພົມພິທັກ ປະທານສະພາປະຊາຊົນ ແຂວງຈຳປາສັກ, ໃຫ້ກຽດເຂົ້າຮ່ວມມີ ທ່ານ ບຸນຖອງ ດີວິໄຊ ເຈົ້າແຂວງຈຳປາສັກ ບັນດາທ່ານຮອງເຈົ້າແຂວງ, ສະມາຊິກສະພາແຫ່ງຊາດເຂດເລືອກຕັ້ງທີ 15, ສະມາຊິກສະພາປະຊາຊົນແຂວງ, ບັນອົງການປົກຄອງແຂວງ, ນະຄອນ, ເມືອງ ຫົວໜ້າພະແນກການ​ ອ້ອມຂ້າງແຂວງ, ຜູ້ຕາງໜ້າອົງການຈັດຕັ້ງຕ່າງໆທົ່ວແຂວງເຂົ້າຮ່ວມ. ທ່ານ ເມກສະຫວັນ ພົມພິທັກ  ໄດ້ກ່າວວ່າ: ກອງປະຊຸມຄັ້ງນີ້ຈະໄດ້ຄົ້ນຄ້ວາພິຈາລະນາ ແລະ ຮັບຮອງເອົາບັນຫາສຳຄັນຕ່າງໆ ຂອງແຂວງ ຄື: ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ປະຈຳປີ 2018 ແລະ ທິດທາງແຜນການ 2019. ຮັບຟັງລາຍງານການເຄື່ອນໄຫວການຈັດຕັ້ງປະຕິບັດວຽກງານປະຈຳ ປີ 2018 ແລະແຜນການປີ 2019 ຂອງອົງການກວດສອບປະຈຳພາກໃຕ້, ການແກ້ໄຂຜົນການກວດສອບຂອງພະແນກ ກວດກາລັດປະຈຳແຂວງ. ພິເສດສະມາຊິກສະພາປະຊາຊົນແຂວງ ຈະໄດ້ພິຈາລະນາຮັບຮອງເອົາການສະເໜີຂອງ ...

ໃນໂອກາດ ກອງປະຊຸມ ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ພ້ອມກັບການສະເຫຼີມສະຫຼອງ ສະພາການຄ້າ ຄົບຮອບ 30 ປີ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປລາວ ໄດ້ໃຫ້ກຽດໂອ້ລົມ ຕໍ່ບັນດາຄະນະຜູ້ບໍລິຫານ, ບັນດາອົງການຈັດຕັ້ງສາກົນ, ພາກສ່ວນທີ່ກ່ຽວຂ້ອງ ແລະ ບັນດານັກທຸລະກິດລາວ ທົ່ວປະເທດ ທັງໝົດ 400 ທ່ານທີ່ເຂົ້າຮ່ວມຄື: 1. ສະແດງຄວາມຍ້ອງຍໍຊົມເຊີຍຜົນງານການເຄື່ອນໄຫວຂອງ ສຄອຊ ຕະຫຼອດໄລຍະຜ່ານມາ, 2. ເນັ້ນໃຫ້ ສຄອຊ ເອົາໃຈໃສ່ໃນການປະສານງານກັບຂະແໜງການກ່ຽວຂ້ອງ ເພື່ອສ້າງໄດ້ກົນໄກການປະສານງານລະຫວ່າງພາກທຸລະກິດ ແລະ ບັນດາຂະແໜງການຂອງລັດ, 3. ໃຫ້ບັນດາຫົວໜ່ວຍທຸລະກິດເອົາໃຈໃສ່ໃນການພັດທະນາຕົນເອງຫັນມາເປັນການຜະລິດ ແລະ ທຸລະກິດເປັນປາຍແຫຼມສົ່ງອອກ ໃນການຂະຫຍາຍທຸລະກິດຂອງຕົນໄປຍັງພາກພື້ນ ແລະ ສາກົນໃຫ້ເພີ່ມຂຶ້ນ, 4. ໂດຍການເພີ່ມນະວັດຕະກໍາໃໝ່ເຂົ້າໃນປັດໄຈຂອງການດໍາເນີນທຸລະກິດໃຫ້ມີການຮ່ວມມືກັບທຸລະກິດປະເທດເພື່ອນບ້ານໃນພາກພື້ນ ແລະ ສາກົນ, 5. ເພີ່ມການແລກປ່ຽນຖອດຖອນບົດຮຽນ ແລະ ຮຽນຮູ້ເຊິ່ງກັນ ແລະ ກັນ, 6. ເປັນເຈົ້າການສ້າງເງື່ອນໄຂໃຫ້ມີນັກທຸລະກິດດີເດັ່ນ ແລະ ຮັບໂລ້ລາງວັນໃຫ້ຫຼາຍ, 7. ...

ສະພາການຄ້າ ແລະ ອຸດສະຫະກໍາແຫ່ງຊາດ (ສຄອ) ໄດ້ຈັດກອງປະຊຸມປະຈໍາປີ 2018 ພ້ອມທັງການສະເຫຼີມສະຫຼອງ ຄົບຮອບ 30 ປີ ຂຶ້ນຢ່າງເປັນທາງການ ໃນວັນທີ 23 ມັງກອນ 2019 ຜ່ານມາ ທີ່ຫໍປະຊຸມແຫ່ງຊາດ ໂດຍການເຂົ້າຮ່ວມເປັນກຽດຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ. ໃນໂອກາດນີ້ທ່ານນາຍົກລັດຖະມົນຕີ ກໍໄດ້ໃຫ້ກຽດໂອ້ລົມຕໍ່ກອງປະຊຸມ ເຊິ່ງທ່ານໄດ້ເນັ້ນໃຫ້ ສຄອ ເອົາໃຈໃສ່ໃນການສ້າງກົນໄກການປະສານງານລະຫວ່າງພາກທຸລະກິດ ແລະ ບັນດາຂະແໜງການຂອງລັດ, ເນັ້ນໃຫ້ບັນດາຫົວໜ່ວຍທຸລະກິດເອົາໃຈໃສ່ໃນການພັດທະນາ, ພ້ອມທັງຂະຫຍາຍການຮ່ວມມືກັບປະເທດໃກ້ຄຽງ ແລະ ພາກພື້ນ ເພື່ອເປັນບົດຮຽນ,ປະສົບການ,ນໍາເອົານະວັດຕະກໍາໃໝ່ໆມານໍາໃຊ້ ແລະ ຍົກສູງການຜະລິດເປັນສິນຄ້າ ເພື່ອການສົ່ງອອກ ໃນພາກພື້ນ ແລະ ສາກົນໃຫ້ນັບມື້ຫຼາຍຂຶ້ນ. ທ່ານນາຍົກຍັງໄດ້ແນະນໍາໃຫ້ສືບຕໍ່ຄົ້ນຄວ້າຂະຫຍາຍສູນສົ່ງເສີມ ທຸລະກິດຂະໜາດນ້ອຍ-ກາງ ໄປຍັງແຂວງທີ່ມີເງື່ອນໄຂ,ສ້າງໃຫ້ຫົວໜ່ວຍທຸລະກິດເຫຼົ່ານີ້ມີການຖືບັນຊີຕາມກົດໝາຍ ແລະ ລະບຽບການຢ່າງຖືກຕ້ອງ,ເສຍພັນທະໃຫ້ລັດຕາມລະບຽບກົດໝາຍ ແລະ ທ່ວງທັນເວລາເພື່ອປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ໃຫ້ມີຄວາມເຂັ້ມແຂງ.  

ໃນຕອນບ່າຍວັນທີ 23 ມັງກອນ 2019, ຢູ່ທີ່ ຫໍປະຊຸມແຫ່ງຊາດຫຼັກ 6, ສະພາການຄ້າ ແລະ ອຸດສາຫະກຳ ແຫ່ງຊາດລາວ (ສຄອຊ) ໄດ້ເປີດກອງປະຊຸມ ປະຈຳປີ 2018 ພ້ອມກັບສະເຫຼີມສະຫຼອງ ສະພາການຄ້າ ແລະ ອຸດສາຫະກຳ ຄົບຮອບ 30 ປີ. ໃຫ້ກຽດເຂົ້າຮ່ວມງານໂດຍພະນະທ່ານ ນາຍົກລັດຖະມົນຕີ ແຫ່ງ ສປປ ລາວ ທ່ານ ທອງລຸນ ສີສຸລິດ, ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ, ໂດຍການເປັນປະທານ ຂອງ ທ່ານ ອຸເດດ ສຸວັນນະວົງ ປະທານສະພາ ການຄ້າ ແລະ ອຸດສາຫະກຳ, ມີບັນດາ ລັດຖະມົນຕີ,​ ຮອງລັດຖະມົນຕີ, ມີບັນດາຫົວໜ້າກົມ, ຮອງກົມ, ອົງການຈັດຕັ້ງສາກົນ, ພາກສ່ວນທີ່ກ່ຽວຂ້ອງ, ສະພາການຄ້າ ແລະ ອຸດສາຫະກຳ ແຕ່ລະແຂວງ, ສະມາຄົມ-ນັກທຸລະກິດ ແລະ ສະມາຊິກ ...

ສະແດງຄວາມຊົມເຊີຍ ຫ້ອງການ ມໍລະດົກໂລກ ແຂວງຫຼວງພະບາງ ທີ່ລິເລີ່ມໂຄງການ ຂີ່ລົດຖີບໄປການ ເພື່ອເປັນການຫຼຸດຜ່ອນມົນລະຜິດ ພ້ອມທັງເປັນການຮັກສຸກຂະພາບທີ່ດີ ແລະ ເປັນການສົ່ງເສີມການປະຢັດມັດທະຍັດ ອີກດ້ວຍ. ໂດຍການກຳນົດເອົາທຸກໆວັນອັງຄານ ຂອງແຕ່ລະອາທິດໃຫ້ທຸກຄົນຂີ່ລົດຖີບມາເຮັດວຽກໃນໂມງລັດຖະການ. ຖ້າສໍານັກງານຂອງລັດ ໃນທຸກແຂວງປະຕິບັດໄດ້ແບບນີ້ ຮັບປະກັນວ່າ ຈະຊ່ວຍເຮັດໃຫ້ຫຼຸດມົນລະພິດທາງອາກາດໄດ້ສູງສົມຄວນ ທັງເປັນການເຮັດໃຫ້ພະນັກງານມີສຸຂະພາບແຂງແຮງ ຫຼຸດຜ່ອນການແອອັດຂອງຍານພາຫະນະ ແລະ ປະຢັດຄ່າໃຊ້ຈ່າຍ ໄປໄດ້ຫຼາຍສົມຄວນ. ຂອບໃຈຮູບພາບຈາກ ເຟສບຸກ:  Sangkhane Phachanthavong

ໃນຕອນເຊົ້າວັນທີ 23 ມັງກອນ 2019 ທີ່ແຄມຂອງທ່າວັດຈັນ ນະຄອນຫຼວງວຽງຈັນ ໄດ້ມີພິທີເປີດງານເທສະການອາຫານລາວ ຄັ້ງທີ​ 14​ ປະຈໍາປີ​ 2019​ ທີ່ຈັດໂດຍສະມາຄົມນັກທຸລະກິດແມ່ຍິງລາວ ຮ່ວມກັບ ສູນກາງສະຫະແມ່ຍິງລາວ ເຊິ່ງໄດ້ລວບລວມເອົາອາຫານທີ່ເປັນເອກະລັກສະເພາະ ຈາກບັນດາແຂວງແຕ່ເໜືອຮອດໃຕ້ສຸດຂອງລາວ ມາວາງສະແດງ ແລະ ບໍລິການຂາຍ ໃຫ້ມວນຊົນທັງພາຍໃນ ແລະ ຕ່າງປະ ເທດໄດ້ຊື້, ໄດ້ຊິມລົດຊາດອາຫານທີ່ເປັນເອກະລັກແຕ່ລະແຂວງຂອງລາວ.​ງານດັ່ງກ່າວຈະດໍາເນີນໄປຮອດວັນທີ 26 ມັງກອນ 2019.​ ນ​ໂອກາດ​ດັ່ງກ່າວ,​ ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງລາວ ກ່າວໃນພິທີເປີດງານເທສະການອາຫານ ຢ່າງເປັນທາງການ ໃນຕອນເຊົ້າວັນທີ 23 ມັງກອນນີ້ວ່າ: ງານເທສະການອາຫານລາວ, ມີທັງໝົດ 180 ຮ້ານວາງສະແດງ, ໃນນັ້ນເປັນຮ້ານອາຫານ 140 ຮ້ານ, ຮ້ານຫັດຖະກຳ-ກະສິກຳ 20 ຮ້ານ, ຮ້ານຈາກປະເທດອາຊຽນ ແລະ ສະຖານທູດ 2 ຮ້ານ ແລະ ຮ້ານທີ່ມາຈາກເຄືອຂ່າຍໜຶ່ງເມືອງ, ໜຶ່ງຜະລິດຕະພັນ ປະເທດໄທ ມີ18 ຮ້ານ, ໃນນັ້ນມີຮ້ານອາຫານ, ...

ໃນປີ 2018 ເສດຖະກິດຂອງແຂວງຈໍາປາສັກ ໂດຍລວມແລ້ວເຫັນວ່າຍັງສືບຕໍ່ຂະຫຍາຍຕົວເພີ່ມຂຶ້ນໃນລະດັບ 8,15%, ລວມຍອດຜະລິດຕະພັນພາຍໃນ GDP ປະຕິບັດໄດ້ 19.142,33 ຕື້ກີບ, ສະເລ່ຍຕໍ່ຫົວຄົນໄດ້ 3.153 ໂດລາສະຫະລັດຕໍ່ຄົນຕໍ່ປີ, ໃນນັ້ນໂຄງປະກອບເສດຖະກິດຄື: ຂະແໜງກະສິກຳກວມ 22,9%, ຂະແໜງອຸດສາຫະກຳກວມ 22,94% ແລະ ຂະແໜງບໍລິການກວມ 54,16% ຂອງGDP. ສາເຫດທີ່ພາໃຫ້ລວມຍອດຜະລິດຕະພັນພາຍໃນເພີ່ມຂຶ້ນ ແມ່ນຍ້ອນຜົນຜະລິດການປູກພືດເປັນສິນຄ້າເພີ່ມສູງຂຶ້ນ ໂດຍສະເພາະແມ່ນມັນຕົ້ນ ປະຕິບັດໄດ້ 16.587 ເຮັກຕາ, ຜົນຜະລິດ 879.111 ໂຕນ ທຽບໃສໄລຍະດຽວເພີ່ມຂຶ້ນ 19%, ທຽບໃສແຜນປີລື່ນແຜນ 19%, ປະເພດສິນຄ້າຜູກພັນສອງສົ້ນ ( ຜັກກະລໍ່າ,ຜັກກາດຫຍໍ່, ຂິງ ) ເພີ່ມຂຶ້ນຫຼາຍເທົ່າຕົວ, ນອກນັ້ນ ພືດທີ່ເປັນທ່າແຮງຂອງແຂວງເຊັ່ນ: ກາເຟ ຜົນຜະລິດກໍ່ເພີ່ມຂຶ້ນ 9,5% ໃນເນື້ອທີ່ໃຫ້ໝາກ 46.770 ເຮັກຕາ,( ຜົນຜະລິດໝາກແດງໄດ້ 469.822 ໂຕນ ) ຖ້າທຽບໃສ່ແຜນປີປະຕິບັດໄດ້ 100%. ຢາງພາລາມີເນື້ອທີ່ 28.824 ເຮັກຕາ, ຜົນຜະລິດໄດ້ 51.926 ...

ທ່ານ ສີວິໄຊ ໄຊຍະແສງ ຫົວໜ້າຫ້ອງການສະມາຄົມກາເຟລາວ ໄດ້ເປີດເຜີຍວ່າ: ປັດຈຸບັນເນື້ອທີ່ປູກກາເຟໃນທົ່ວປະເທດມີຢູ່ 10 ແຂວງ. ໃນນີ້, 80% ແມ່ນຢູ່ເຂດພູພຽງພໍລະເວນ ແລະ ມີສະມາຊິກທັງໝົດ 57 ຫົວໜ່ວຍທຸລະກິດ. ສໍາລັບເນື້ອທີ່ປູກກາເຟໃນ 4 ແຂວງພາກໃຕ້ສົກປີ 2018 ມີທັງໝົດ 73,255 ເຮັກຕາ ແລະ ເນື້ອທີ່ໃຫ້ໝາກ 66,838 ເຮັກຕາ. ສ່ວນການສົ່ງອອກໄປຍັງເອີຣົບ, ອາເມຣິກາ ແລະ ອາຊຽນໃນປີ 2017 ຈໍານວນ 32 ພັນໂຕນ ມູນຄ່າ 83 ລ້ານໂດລາ, ມາເຖິງປີ 2018 ຍອດສົ່ງອອກຫຼຸດລົງມີພຽງແຕ່ 26 ພັນໂຕນ ມູນຄ່າ 55 ລ້ານໂດລາ.   ສໍາລັບລາຄາກາເຟຂອງຕະຫຼາດໂລກໃນປີ 2017-2018 ປະມານ 2.500 -2.600 ໂດລາ/ໂຕນ; ໃນນີ້, ລາຄາທີ່ບໍລິສັດຊື້ນໍາປະຊາຊົນປະເພດກາເຟໝາກແດງ ລາຄາ 2.200 – 3.000 ກີບ/ກິໂລ ແລະ ...

ງານເທສະການອາຫານລາວປີ 2019 ຈັດຂຶ້ນລະຫວ່າງວັນທີ 23-26 ມັງກອນ 2019 ທີ່ແຄມຂອງ (ສວນເຈົ້າອານຸວົງ) ບ້ານວັດຈັນ ເມືອງ ຈັນທະບູລີ ນະຄອນຫຼວງວຽງຈັນ ປີນີ້ເປັນປີທີ 14 ເຊິ່ງມີຫຼາຍກວ່າ 180 ຮ້ານເຂົ້າຮ່ວມເຊັ່ນ: ຂາຍອາຫານເຄື່ອງດື່ມ ຢາສະໝຸນໄພ ເຄື່ອງຫັດຖະກຳ ຈາກພາຍໃນ ແລະ ຕ່າງປະເທດ ການບໍລິການແມ່ນເລີ່ມແຕ່ເວລາ 8:00 ຫາ 22:00ໂມງ.