ຂ່າວ ພາຍໃນປະເທດ

ຢາກໄປຮຽນຕໍ່ປະລິນຍາເອກ ຢູ່ປະເທດ ຍີ່ປຸ່ນ ອ່ານດ່ວນ….

ສົນໃຈສະໝັກໄປຮຽນຕໍ່ ເອກ ທີ່ປະເທດຍີ່ປຸ່ນ ມະຫາວິທະຍາໄລ Kochi ເປີດໃຫ້ທ່ານໄດ້ສະໝັກແລ້ວ !!! ປິດຮັບສະໝັກ: 15/03/2019 ?KUT’s Special Scholarship Program ?KUT’s Special Scholarship Program is a 3-year English-medium doctoral program designed for highly capable doctoral students. Successful applicants are entitled to receive following benefits: 1. Exempted from all the required student fees 2. 150,000 yen per month for research project work 3. 150,000 yen for travel and ...

Read More »

ເທສະການອາຫານລາວ ປະຈຳປີ ຈະຈັດຂຶ້ນໃນວັນທີ 23-26 ມັງກອນນີ້

ໃນຕອນບ່າຍວັນ 7 ມັງກອນ 2019 ຢູ່ທີ່ ສະພາການຄ້າ ແລະ ອຸດສາຫະກຳ ແຫ່ງຊາດລາວ. ສະມາຄົມນັກທຸລະກິດແມ່ຍິງລາວ ໄດ້ຈັດງານຖະແຫຼງຂ່າວກຽມເປີດງານ ເທສະການ ອາຫານລາວ ປະຈຳປີ 2019 ຂຶ້ນໃນວັນທີ 23-26 ເດືອນມັງກອນ 2019 ທີ່ຈະໃກ້ມາຮອດນີ້ ເປັນເວລາ 4 ມື້ ຢູ່ທີ່ເດີນສວນເຈົ້າອານຸວົງ (ແຄມຂອງ). ງານຖະແຫຼງຂ່າວຄັ້ງນີ້ ໂດຍການເປັນປະທານ ຂອງທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງ, ທັງເປັນຄະນະກຳມະການຈັດງານເທສະການອາຫານລາວ. ໂດຍໃຫ້ກຽດເຂົ້າຮ່ວມງານໂດຍທ່ານນາງ ບົວຈັນ ສີຫານາດ ຮອງປະທານສະຫະພັນແມ່ຍິງ ແຫ່ງຊາດລາວ, ມີບັນດາຄະນະຈັດງານ ແລະ ຜູ້ສະໜັບສະໜູນຫຼັກຂອງງານ ແລະ ສື່ມວນຊົນເຂົ້າຮ່ວມງານ. ຈຸດປະສົງໃນການຈັດງານຄັ້ງ ກໍເພື່ອສືບຕໍ່ຊຸກຍູ້ ແລະ ສົ່ງເສີມ ຫົວໜ່ວຍທຸລະກິດຂອງແມ່ຍິງລາວ, ເພື່ອເປັນການສ້າງໂອກາດໃຫ້ຜູ້ປະກອບການແມ່ຍິງທັງຫຼາຍ ມີໂອກາດໄດ້ແລກປ່ຽນປະສົບການໃນການພັດທະນາຜົນຜະລິດຂອງຕົນໃຫ້ສາມາດຕອບສະໜອງໄດ້ຕາມຄວາມຕ້ອງການຂອງຕະຫຼາດໃນປັດຈຸບັນ, ເພື່ອເປັນການປຸກລະດົມໃຫ້ຜູ້ປະກອບການແມ່ຍິງໃຫ້ມີຄວາມຄິດສັງສັນໃນການຜະລິດເປັນສິນຄ້າ ແລະ ສາມາດຂາຍອອກສູ່ຕະຫຼາດສາກົນ, ທັງເປັນການສ້າງເຄື່ອຂ່າຍການຄ້າຢ່າງກວ້າງຂວາງໃນຂອບເຂດທົ່ວປະເທດ.​ນອກນີ້, ປັດໄຈຫຼັກໆຂອງງານ ກໍເພື່ອເປັນການໂຄສະນາເຜີຍແຜ່ອາຫານພື້ນເມືອງລາວ ໃນຂອບເຂດທົ່ວປະເທດ. ສຳລັບປີນີ້, ຈະມີຮ້ານວາງສະແດງສິນຄ້າທັງໝົດ 180 ...

Read More »

ລາວ-ຫວຽດນາມ ເສີມຂະຫຍາຍສາຍພົວພັນມິດຕະພາບ ແລະ ການຮ່ວມມືຮອບດ້ານ ໃນປີ 2019

ໃນຕອນເຊົ້າ ວັນທີ 6 ມັງກອນ 2019; ທ່ານນາຍົກລັດຖະມົນຕີ ທອງລຸນ ສີສຸລິດ ແລະ ທ່ານນາຍົກລັດຖະມົນຕີ ຫງວຽນ ຊວນ ຟຸກ ໄດ້ຮ່ວມເປັນປະທານ ຊີ້ນຳກອງປະຊຸມຄັ້ງທີ 41 ປະຈຳປີ 2019 ຂອງຄະນະກໍາມະການຮ່ວມມືທະວີພາຄີ ລະຫວ່າງ ລັດຖະບານແຫ່ງ ສປປ ລາວ ແລະ ລັດຖະບານແຫ່ງ ສສ ຫວຽດນາມ ຢູ່ທີ່ນະຄອນຫຼວງຮ່າໂນ້ຍ ສສ ຫວຽດນາມ. ໃນກອງປະຊຸມ ສອງຝ່າຍໄດ້ຮ່ວມກັນຕີລາຄາຜົນຂອງການຈັດຕັ້ງປະຕິບັດ ບົດບັນທຶກກອງປະຊຸມ ຄັ້ງທີ 40 ກໍ່ຄືຂໍ້ຕົກລົງວ່າດ້ວຍແຜນການຮ່ວມມື ປະຈໍາປີ 2018 ແລະ ພ້ອມກັນປຶກສາຫາລື ກ່ຽວກັບທິດທາງການຮ່ວມມື ໃນປີ 2019. ສອງຝ່າຍ ໄດ້ຕີລາຄາສູງຕໍ່ບັນດາຜົນສຳເລັດຂອງການ ຈັດຕັ້ງປະຕິບັດ ຂໍ້ຕົກລົງວ່າ ດ້ວຍແຜນການຮ່ວມມືໃນປີ 2018 ຜ່ານມາ, ເຊິ່ງບັນລຸຜົນສຳເລັດໃນຫຼາຍດ້ານ ເປັນຕົ້ນ: ການແລກ ປ່ຽນຄະນະຜູ້ແທນຂັ້ນສູງຂອງສອງພັກ, ສອງລັດ ໄດ້ດຳເນີນເປັນປົກກະຕິ; ການຮ່ວມມືດ້ານການພັດທະນາຊັບພະຍາກອນມະນຸດ ກໍ່ໄດ້ຮັບການປັບປຸງດ້ານຄຸນນະພາບ ແລະ ເປີດກວ້າງດ້ວຍຫລາຍຮູບການ, ...

Read More »

ໃນ 9 ເດືອນ ສາມາດຈັດເກັບລາຍຮັບໄດ້ 51,44% ຂອງແຜນການປີ

ທ່ານ ຄຳຫຼ້າ ວິສີສົມບັດ ຮອງຫົວໜ້າດ່ານພາສີສາກົນບໍ່ເຕັນ ໄດ້ລາຍງານໃຫ້ຮູ້ເມື່ອບໍ່ດົນມານີ້ວ່າ: ໃນປີ 2018 ດ່ານພາສີສາກົນບໍ່ເຕັນ ໄດ້ຮັບຕົວເລກແຜນການຈັດເກັບລາຍຮັບທັງໝົດ 284 ຕື້ກວ່າກີບ ແຕ່ຜ່ານການຈັດຕັ້ງປະຕິບັດໃນ 9 ເດືອນ (ມັງກອນ-ກັນຍາ 2018) ການຈັດເກັບລາຍຮັບພາສີ ແລະ ພັນທະອື່ນໆ ຂອງດ່ານພາສີສາກົນບໍ່ເຕັນ, ດ່ານປະເພນີ, ດ່ານພາສີທ້ອງຖິ່ນ ທີ່ຂຶ້ນກັບ ສາມາດຈັດເກັບລາຍຮັບໄດ້ທັງໝົດ 146 ຕື້ກວ່າກີບ, ເທົ່າກັບ 68,59% ຂອງແຜນການ 9 ເດືອນ ແລະ ເທົ່າກັບ 51,44% ຂອງແຜນການປີ, ໃນນີ້: ດ່ານພາສີສາກົນບໍ່ເຕັນ ປະຕິບັດໄດ້ 132 ຕື້ກີບ ເທົ່າກັບ 66,91%; ດ່ານພາສີທ້ອງຖິ່ນ ປາງໄຮປະຕິບັດໄດ້ 13 ຕື້ກີບ, ເທົ່າກັບ 88,93%; ດ່ານພາສີປະເພນີ ຊຽງກົກ ປະຕິບັດໄດ້ 23 ກວ່າລ້ານກີບ ເທົ່າກັບ 29,36%; ດ່ານພາສີປະເພນີ ບ້ານມອມ ປະຕິບັດໄດ້ 556 ລ້ານກີບ ...

Read More »

ສາມາດສ້າງລາຍຮັບໃຫ້ແຂວງໄດ້ ຫຼາຍກວ່າ 14 ລ້ານໂດລາ

ທ່ານ ສົມໃຈ ອຸ່ນຈິດ ຫົວໜ້າພະແນກຖະແຫຼງຂ່າວ ວັດທະນະທໍາ ແລະ ທ່ອງທ່ຽວແຂວງສາລະວັນໃຫ້ສຳພາດໃນວັນທີ 4 ມັງກອນ 2019 ວ່າ: ການທ່ອງທ່ຽວຢູ່ແຂວງສາລະວັນ ໃນປີທ່ອງທ່ຽວລາວ 2018 ມີບັນຍາກາດຄືກຄື້ນສົມຄວນ. ເນື່ອງຈາກແຂວງ ສາລະວັນ ມີສະຖານທີ່ທ່ອງທ່ຽວທາງທຳມະຊາດ,ປະຫວັດສາດ ແລະ ວັດທະນະທຳ ຫຼາຍແຫ່ງ ທີ່ສາມາດດຶງດູດນັກທ່ອງທ່ຽວໃຫ້ເຂົ້າມາທ່ຽວພາຍໃນແຂວງໄດ້ເປັນຈຳນວນຫຼວງຫຼາຍເຊັ່ນ: ຕາດເລາະ,ຕາດຮັງ,ຫ້ວຍຫຸນ(ບ້ານຫັດຖະກຳຕຳແຜ່ນຊົນເຜົ່າກະຕູ)ອຸທິຍານພູຜາສຸກ,ຫໍໄຕ,ສວນແຄນ ແລະ ອື່ນໆ ບວກກັບອົງການປົກຄອງແຂວງໄດ້ອໍານວຍຄວາມສະດວກການເຂົ້າອອກດ່ານ ລວມທັງສ້າງສິ່ງຮອງຮັບແລະ ບໍລິການນັກທ່ອງທ່ຽວເຊັ່ນ:ໂຮງແຮມ,ເຮືອນພັກ ແລະ ຮ້ານອາຫານໃຫ້ພຽງພໍຈຶ່ງເຮັດໃຫ້ຕົວເລກດຶງດູດນັກທ່ອງທ່ຽວໃນປີ 2018 ບັນລຸ 110.000 ເທື່ອຄົນ ລື່ນຄາດໝາຍທີ່ວາງໄວ້ 10.000 ເທື່ອຄົນ ສາມາດສ້າງລາຍຮັບໃຫ້ແຂວງໄດ້ 14.752.750 ໂດລາສະຫະລັດ. ທ່ານໃຫ້ຮູ້ຕື່ມວ່າ: ນັກທ່ອງທ່ຽວຕ່າງປະເທດທີ່ເຂົ້າມາທ່ຽວແຂວງສາລະວັນສ່ວນໃຫຍ່ແມ່ນນັກທ່ອງທ່ຽວຫວຽດນາມ,ໄທ ແລະ ປະເທດເອີຣົບ ຈຳນວນໜຶ່ງ. ສຳລັບແຜນການດຶງດູດນັກທ່ອງທ່ຽວຂອງແຂວງວາງໄວ້ໃນປີ 2019 ແມ່ນໃຫ້ໄດ້ 111.790 ເທື່ອຄົນ ເພື່ອສ້າງລາຍຮັບເຂົ້າແຂວງຈາກການທ່ອງທ່ຽວໃຫ້ໄດ້ 15.249.000 ໂດລາສະຫະລັດ. ຂໍ້ມູນຈາກ: ວິທະຍຸກະຈາຍສຽງແຫ່ງຊາດ ພາບປະກອບຈາກອິນເຕີເນັດ.

Read More »

ສປປ ລາວ ໄດ້ຮັບການຊ່ວຍເຫຼືອເຂົ້າສານ ໜຶ່ງພັນໂຕນ

ໃນວັນທີ 4 ມັງກອນ 2019 ທີ່ນະຄອນຫຼວງວຽງຈັນ,ໄດ້ມີພິທີມອບ-ຮັບສະບຽງອາຫານ ເຂົ້າສານ ໜຶ່ງພັນໂຕນ ຈາກຄັງແຮສຸກເສີນອາຊຽນ+3 ໂດຍການຊ່ວຍເຫຼືອຂອງລັດຖະບານ ສ.ເກົາຫລີ  ເພື່ອແຈກຢາຍໃຫ້ປະຊາຊົນ ຜູ້ທີ່ປະສົບໄພພິບັດ ຢູ່ ສປປ ລາວ ຈັດຕັ້ງປະຕິບັດໂດຍ ກະຊວງແຮງງານ ແລະ ສະຫວັດດີການສັງຄົມ,ກະຊວງກະສິກໍາ ແລະ ປ່າໄມ້ ແລະ ອົງການອາຫານໂລກ ປະຈໍາ ສປປ ລາວ. ຕາງໜ້າມອບໂດຍ, ທ່ານ ຊິນ ຊອງຊຸນ ເອກອັກຄະລັດຖະທູດ ສ.ເກົາຫລີ ປະຈຳ ລາວ ແລະ ຕາງໜ້າຮັບໂດຍ, ທ່ານ ນາງ ໃບຄຳ ຄັດຕິຍະ ຮອງລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ພ້ອມດ້ວຍພາກສ່ວນກ່ຽວຂ້ອງ ທັງສອງຝ່າຍເຂົ້າຮ່ວມ ເປັນສັກຂີພິຍານ.   ຂອບໃຈແຫຼ່ງຂໍ້ມູນ.  

Read More »

ປະທານປະເທດ ມອບສານແຕ່ງຕັ້ງ ໃຫ້ທູດລາວ ປະຈຳຕ່າງປະເທດ

ໃນຕອນເຊົ້າວັນທີ 3 ມັງກອນ 2019 ທີ່ທຳນຽບປະທານປະເທດ, ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ມອບສານແຕ່ງຕັ້ງ ໃຫ້ບັນດາເອກອັກຄະລັດຖະທູດ ແຫ່ງ ສປປ ລາວ ໄປປະຈຳ ຢູ່ປະເທດຕ່າງໆ ຈຳນວນ 3 ທ່ານ ຕາມລຳດັບດັ່ງນີ້: ທ່ານປະທານປະເທດ ໄດ້ມອບສານແຕ່ງຕັ້ງໃຫ້ ທ່ານ ທ່ຽງ ບຸບຜາ ເພື່ອໄປດຳລົງຕຳແໜ່ງເປັນເອກອັກຄະລັດຖະທູດ ແຫ່ງ ສປປ ລາວ ປະຈຳ ສາທາລະນະລັດ ເກົາຫລີ. ກ່ອນໄປປະຕິບັດໜ້າທີ່ການທູດຄັ້ງນີ້, ທ່ານ ທ່ຽງ ບຸບຜາ ດຳລົງຕຳແໜ່ງເປັນຫົວໜ້າສະຖາບັນການຕ່າງປະເທດ, ກະ ຊວງການຕ່າງປະເທດ ແລະ ເຄີຍດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ສະຫະພັນຣັດເຊຍ, ເບລາຣຸສ, ອູແກຣນ ແລະ ກາຊັກສະຖານ.ທ່ານປະທານປະເທດ ໄດ້ມອບສານແຕ່ງຕັ້ງໃຫ້ ທ່ານ ຄຳພັນ ອັ່ນລາວັນ ເພື່ອໄປດຳລົງຕຳ ແໜ່ງເປັນເອກອັກຄະລັດຖະທູດ ແຫ່ງ ...

Read More »

ຮ້ານເກມ ເປັນຈຸດທີ່ມີຄວາມສ່ຽງສູງຕໍ່ບັນຫາ ສິ່ງເສບຕິດ

ໃນປີ 2018 ທົ່ວເມືອງໄຊທານີ ມີສະຖານທີ່ ຈຸດທີ່ມີຄວາມສ່ຽງໃນການເຄື່ອນໄຫວຄ້າຂາຍຢາເສບຕິດເຖິງ 30 ຈຸດ; ໃນນັ້ນຫຼາຍກວ່າໝູ່ແມ່ນຮ້ານເກມອິນເຕີເນັດ ເຊິ່ງມີເຖິງ 19 ຈຸດ. ທ່ານ ພັນໂທ ສີທົນ ຂຽວນາມວົງ ຫົວໜ້າກອງບັນຊາການ ປກສ ເມືອງໄຊທານີ ໄດ້ໃຫ້ຮູ້ໃນກອງປະຊຸມສະຫຼຸບວຽກງານກໍ່ສ້າງຮາກຖານການເມືອງ ປະຈໍາປີ 2018 ຂອງເມືອງໄຊທານີ ວ່າ: ໃນໄລຍະ 1 ປີຜ່ານມາ ໄດ້ແກ້ໄຂສະຖານທີ່ທີ່ມີຄວາມສ່ຽງ ແລະ ມີການເຄື່ອນໄຫວຄ້າຂາຍຢາເສບຕິດ 30 ຈຸດ; ໃນນັ້ນມີຮ້ານເກມອິນເຕີເນັດ 19, ຮ້ານສະນຸກເກີ້ 9, ໂຮງແຮມ 2; ພ້ອມທັງໄດ້ເຮັດບົດບັນທຶກສຶກສາອົບຮົມຜູ້ປະກອບການຈໍານວນ 35 ຄົນ. ນອກຈາກນີ້ຍັງສາມາດແກ້ໄຂຈຸດມົ້ວສຸມຄ້າຂາຍ ແລະ ເສບຢາເສບຕິດ ສາມາດກັກຜູ້ຖືກຫາໄດ້ 39 ຄົນ, ຍິງ 4 ຄົນ; ໃນນັ້ນ 7 ຄົນ, ຍິງ 2 ຄົນ ແມ່ນເປົ້າໝາຍຄ້າຂາຍຢາເສບຕິດ ແລະ ອີກ 32 ຄົນ, ...

Read More »

ສະພາປະຊາຊົນ ແຂວງສະຫວັນນະເຂດ ກະກຽມຈັດກອງປະຊຸມສະໄໝສາມັນເທື່ອທີ 6

ທ່ານ ຫວັນຄຳ ອິນທິຈັກ ຄະນະປະຈຳສະພາ ເລຂາທິການສະພາປະຊາຊົນ ແຂວງສະຫວັນນະເຂດ ໄດ້ຖະແຫຼງຂ່າວໃນທ້າຍເດືອນທັນວາ 2018 ຜ່ານມາວ່າ: ກອງປະຊຸມ ສະໄໝສາມັນເທື່ອທີ 6 ຂອງ ສະພາປະຊາຊົນແຂວງຊຸດທີ I ຈະໄດ້ໄຂຂຶ້ນຢ່າງເປັນທາງ ການໃນລະຫວ່າງວັນທີ 8-11 ມັງກອນ 2019 ທີ່ຫໍວັດທະນະທຳໄກສອນ ພົມວິຫານ ຊຶ່ງກອງປະຊຸມຈະໄດ້ຮັບຟັງ, ພິຈະລະນາ ແລະ ຕົກລົງບັນຫາສຳຄັນຕ່າງໆເປັນຕົ້ນແມ່ນ: ພິຈະລະນາ ແລະ ຮັບຮອງເອົາ ການລາຍງານໂດຍສັງເຂບຂອງທ່ານເຈົ້າແຂວງສະຫວັນນະເຂດກ່ຽວກັບສະພາບການພັດທະນາເສດຖະກິດ-ສັງຄົມຂອງແຂວງປະຈຳປີ 2018 ແລະ ທິດທາງແຜນການ 2019, ຮັບຟັງບົດລາຍງານຂອງຫົວໜ້າພະແນກການເງິນແຂວງ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດຂອງ ແຂວງປີ 2018 ແລະ ແຜນການ ປີ 2019, ຮັບຟັງການລາຍງານຈາກທ່ານຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ກ່ຽວກັບການຄຸ້ມຄອງ ແລະ ຕິດຕາມກວດກາ ການນຳໃຊ້ສານເຄມີເກີນຄ່າມາດຕະຖານ, ພິຈະລະນາ ແລະ ຮັບຮອງເອົາບົດສະຫຼຸບການເຄື່ອນໄຫວຂອງອົງການກວດສອບແຫ່ງລັດປະຈຳພາກກາງປີ 2018 ແລະ ແຜນການປີ 2019, ບົດລາຍງານແກ້ໄຂຜົນການກວດກາ ຕາມຜົນການກວດສອບສົກປີ 2015-2016 ຄືນຫຼັງ, ...

Read More »

ສະໜາມກິລາ ແຂວງອຸດົມໄຊ ຕົ້ນປີ 2019

ສະພາບຂອງສະໜາມກິລາ ແຂວງອຸດົມໄຊ ໃນປີ 2019 ພາຍຫຼັງທີ່ໄດ້ຈັດງານ​ມະ​ຫະ​ກຳ​ກີລາ​ແຫ່ງຊາດ​ ຄັ້ງ​ທີ X ທີ່ ​ແຂວງ​ອຸດົມ​ໄຊ ເປັນ​ເຈົ້າພາບ​ຈັດ​ຂຶ້ນ​ແຕ່​ວັນ​ທີ 13 -21 ທັນວາ 2014 ຜ່ານມາ. ໃນ​ງານ​ຄັ້ງ​ນັ້ນ ມີນັກກີລາ​ຈາກ​ບັນດາ​ແຂວງ ແລະ 7 ກະຊວງ​ເຂົ້າ​ຮ່ວມ ເຊິ່ງ​ຜົນການ​ແຂ່ງຂັນອັນ​ດັບ 1 ໄດ້ແກ່ກະຊວງ​ປ້ອງ​ກັນ​ປະເທດໄດ້ 61 ຫຼຽນ​ຄຳ 29 ຫຼຽນ​ເງິນ 37 ຫຼຽນທອງ, ອັນ​ດັບ​ທີ 2 ໄດ້ແກ່​ນະຄອນ​ຫຼວງ​ວຽງ​ຈັນໄດ້ 55 ຫຼຽນຄໍາ 31 ຫຼຽນ​ເງິນ 49 ຫຼຽນ​ທອງ, ອັນ​ດັບ​ທີ 3 ໄດ້ແກ່​ກະຊວງ​ປ້ອງກັນ​ຄວາມ​ສະຫງົບໄດ້ 42 ຫຼຽນຄໍາ 43 ຫຼຽນ​ເງິນ 51 ຫຼຽນ​ທອງ ສ່ວນ​ອັນ​ດັບ 4 ແມ່ນ​ແຂວງ​ອຸດົມ​ໄຊໄດ້ 33 ຫຼຽນ​ຄຳ 24 ຫຼຽນເງິນ 53 ຫຼຽນ​ທອງ. ຂອບໃຈພາບຈາກ: Daily News Oudomxay

Read More »