ຂ່າວ ພາຍໃນປະເທດ

ສິນຄ້າກະສິກຳຂອງລາວ ສົ່ງອອກໄດ້ 900 ລ້ານໂດລາ

ສິນຄ້າກະສິກຳຂອງລາວ ສົ່ງອອກໄດ້ 900 ລ້ານໂດລາໃນປີ 2021 ຜ່ານມາ ບັນດາຂະແໜງການ ແລະ ທ້ອງຖິ່ນ ໄດ້ເອົາໃຈໃສ່ຊຸກຍູ້ ແລະ ສົ່ງເສີມຫົວໜ່ວຍທຸລະກິດ ແລະ ປະຊາຊົນ ທໍາການຜະລິດສິນຄ້າ ແລະ ການບໍລິການຕາມທ່າແຮງຂອງແຕ່ລະທ້ອງຖິ່ນ ເຊັ່ນ: ການປູກພືດ ແລະ ລ້ຽງສັດໃຫຍ່ທີ່ມີໂຄຕ້າແລ້ວ. ການຊຸກຍູ້ການຜະລິດ ແລະ ສົ່ງອອກສິນຄ້າກະສິກຳ ປີ 2021 ສາ​ມາດປະຕິບັດໄດ້ 905.36 ລ້ານໂດລາ ເທົ່າກັບ 82,30% ຂອງແຜນການປີ 2021 (ແຜນການປີ 2021: 1,100 ລ້ານໂດລາ) ສິນຄ້າກະສິກຳຂອງລາວ ທີ່ສົ່ງອອກແມ່ນ: ກ້ວຍ ມູນຄ່າ 225.33 ລ້ານໂດລາ; ຢາງພາລາ ມູນຄ່າ 214.37 ລ້ານໂດລາ; ມັນຕົ້ນ ມູນຄ່າ 196.58 ລ້ານໂດລາ; ອ້ອຍ ມູນຄ່າ 25.43 ລ້ານໂດລາ; ໝາກໂມ ມູນຄ່າ 26.33 ລ້ານໂດລາ ແລະ ...

Read More »

ຂະແໜງກໍ່ສ້າງ ກຳປູເຈຍ ດຶງດູດການລົງທຶນຫລາຍກວ່າ 5 ຕື້ໂດລາ

ຕາມແຫລ່ງຂ່າວ ຊິນຮວາຂອງ ຈີນ ລາຍງານວ່າ, ກະຊວງ ບໍລິຫານ ການຈັດການພື້ນທີ່ ການວາງແຜນ ແລະ ການກໍ່ສ້າງ ຂອງ ກຳປູເຈຍ ໄດ້ເປີດເຜີຍທຸລະກິດກໍ່ສ້າງຂອງ ກຳປູເຈຍ ສາມາດດຶງດູດການລົງທຶນລວມທັງໝົດປະມານ 5.33 ຕື້ໂດລາ ໃນປີ 2021, ຫລຸດລົງ 31% ເມື່ອທຽບໃສ່ປີຕໍ່ປີ. ກຳປູເຈຍ ອອກໃບອະນຸຍາດໃຫ້ແກ່ໂຄງການກໍ່ສ້າງຈຳນວນ 4,303 ໂຄງການ ໃນປີ 2021 ໂດຍມີ ຈີນ, ສ.ເກົາຫລີ ແລະ ຍີ່ປຸ່ນ ໄດ້ຄອງຕຳແໜ່ງ ຜູ້ລົງທຶນ ຕ່າງປະເທດ ອັນດັບຕົ້ນໃນພາກທຸລະກິດກໍ່ສ້າງ ແລະ ອະສັງຫາລິມະຊັບຂອງປະເທດ. ປັດຈຸບັນກຳປູເຈຍມີອາຄານສູງ (ລະຫວ່າງ 5-40 ຊັ້ນ) ຈຳນວນ 2,392 ຫລັງ, ພື້ນທີ່ ຢູ່ອາໄສໃໝ່ 474 ແຫ່ງ, ໂຮງແຮມ 1,053 ຫລັງ ແລະ ອື່ນໆອີກຫຼວງຫຼາຍ. ຂໍ້ມູນ ຂປລ.

Read More »

ແຈ້ງຂ່າວດີ ກ່ຽວກັບຢາປົວພະຍາດໂຄວິດ-19 ທີ່ ສປປ ລາວ ແລະ ສປ ຈີນ ສາມາດຜະລິດໄດ້ແລ້ວ

ຫົວໜ້າກົມຄວບຄຸມພະຍາດຕິດຕໍ່ ແຈ້ງຂ່າວດີ ກ່ຽວກັບຢາປົວພະຍາດໂຄວິດ-19 ທີ່ ສປປ ລາວ ແລະ ສປ ຈີນ ສາມາດຜະລິດໄດ້ແລ້ວ “ໂມລາໂກເວຍ” ວິທີການໃຊ້ “ໂມລາໂກເວຍ” ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ສະເໜີໃນວັນທີ 6 ມັງກອນ 2022 ວ່າ:ໃຫ້ທຸກພາກສ່ວນຮ່ວມມື ເອົາໃຈໃສ່ ແລະ ໃຫ້ມີຄວາມເຄັ່ງຄັດ ໃນການຊີ້ນຳການຈັດຕັ້ງປະຕິບັດ ມາດຕະການປ້ອງກັນການຕິດເຊື້ອພະຍາດໂຄວິດ-19 ໃນໄລຍະບຸນປະເພນີຂອງຫລາຍຊົນເຜົ່າ ແລະ ພ້ອມນີ້ກໍແຈ້ງຂ່າວດີໃຫ້ສັງຄົມລາວຮູ້: ສປປ ລາວ ເຮົາສາມາດຜະລິດໄດ້ແລ້ວ “ໂມລາໂກເວຍ”: ຢາປິ່ນປົວດັ່ງກ່າວ ແມ່ນມີຄວາມສຳຄັນຫຼາຍ, ຈະນຳໃຊ້ຢ່າງມີປະສິດທິພາບ ເພຶ່ອຫຼຸດຜ່ອນອາການຂອງຜູ້ຕິດເຊື້ອ ທີ່ມີອາການຮຸນແຮງ ແລະ ຫຼຸດຜ່ອນໂອກາດການເສຍຊີວິດຂອງຜູ້ປ່ວຍໄດ້.ຂ່າວດີອີກຢ່າງຫນຶ່ງໃນບໍ່ດົນມານີ້, ສປ ຈີນ ກໍ່ໄດ້ຄົ້ນພົບ ແລະ ທົດລອງນໍາໃຊ້ຢາປິ່ນປົວພະຍາດໂຄວິດ-19 ທີ່ສາມາດລະງັບ ແລະ ປິ່ນປົວຜູ້ທີ່ຕິດເຊື້ອຈາກສາຍພັນ ໂອມິຄຣອນ ໄດ້ ສະນັ້ນຖືວ່າການຄົ້ນຄວ້າໃນຄັ້ງນີ້ອາດຈະເປັນຂ່າວດີ ທີ່ພວກເຮົາຈະສາມາດ ລະງັບ ແລະ ຄວບຄຸມ ສະພາບການລະບາດໄດ້ ແຕ່ທັງນີ້ກໍຕ້ອງຄຽງຄູ່ໄປກັບການເລັ່ງສັກຢາວັກຊີນໃຫ້ຫລາຍຂຶ້ນຕາມເປົ້າຫມາຍ.ຂໍ້ມູນ ລາວພັດທະນາ.

Read More »

ໂຮງງານຜະລິດຢາເລກ 3 ແຈ້ງລາຄາຂາຍ 400,000 ກີບຕໍ່ກ່ອງ ເອກະພາບກັນໃນທົ່ວປະເທດ

ທ່ານ ລາຫຸນ ຈັນທະບຸດ ຜູ້ອໍານວຍການບໍລິສັດລັດວິສະຫະກິດໂຮງງານຜະລິດຢາເລກ 3 ໄດ້ລາຍງານ ໃນວັນທີ 6 ມັງກອນ 2022 ນີ້ ທີ່ກະຊວງສາທາລະນະສຸກ ວ່າ:  ການຜະລິດ ແລະ ການສະຫນອງຢາປິ່ນປົວພະຍາດໂຄວິດ-19: ພວກເຮົາມີຜະລິດຕະພັນນັບແຕ່ເລີ່ມ ການພະຍາດໂຄວິດ-19 ລະບາດ ຊຶ່ງມີ 2 ຫມວດຄື  ຫມວດທີ 1 ສໍາລັບ ປ້ອງກັນ ປະກອບມີຜ້າປິດປາກ-ດັງ, ເຈວລ້າງມື, ເຫລົ້າພົນຂ້າເຊື້ອ ຫມວດທີ 2 ສໍາລັບປິ່ນປົວປະກອບມີ ຜະລິດຕະພັນລາຊາບີ, ກະຊາຍຂາວ, ຜັກຄາວທອງ ຊຶ່ງນອກຈາກເປັນການສົ່ງເສີມໃຫ້ນໍາໃຊ້ຢາພື້ນເມືອງລາວ ແລ້ວ ຍັງບໍ່ມີຜົນສະທ້ອນຕໍ່ສຸຂະພາບ  ດັ່ງນັ້ນ, ຈຶ່ງສະເຫນີຫັນມາຊົມໃຊ້ຜະລິດຕະພັນຢາ ພື້ນເມືອງຂອງລາວໃຫ້ ຫລາຍຂຶ້ນ ລາຄາກໍບໍ່ແພງ ແລະ ຫລຸດຜ່ອນຄ່າໃຊ້ຈ່າຍ. ທ່ານ ລາຫຸນ ກ່າວອີກວ່າ: ສໍາລັບຢາປິ່ນປົວພະຍາດໂຄວິດ-19 ທີ່ຜະລິດອອກມາໃຫມ່ເປັນຢາຜະລິດດ້ວຍເຄມີ ຊຶ່ງໄດ້ຮັບການພັດທະນາໂດຍບໍລິສັດ ເມິກ ອາເມລິກາ ຊຶ່ງພວກເຮົາໄດ້ນໍາເອົາສູດຢາດັ່ງກ່າວມາຜະລິດ ຢູ່ໃນປະເທດເຮົາ., ພວກເຮົາໄດ້ມີຢາປິ່ນປົວທີ່ມີປະສິດທິພາບສູງ ແລະ ຢາດັ່ງກ່າວໄດ້ ຈໍາຫນ່າຍແລ້ວ, ເນື່ອງຈາກມີຜູ້ຕິດເຊື້ອເປັນຈໍານວນຫລາຍຈຶ່ງເຮັດໃຫ້ຄວາມສາມາດການສະຫນອງຢາປິ່ນປົວບໍ່ທັນພຽງພໍກັບຄວາມຮຽກຮ້ອງຕ້ອງການ.  ...

Read More »

ກວດພົບຜູ້ຕິດເຊື້ອໂຄວິດ-19 ສາຍພັນໂອໄມຄອນ ໃນລາວ ສາທາ ຮຽກຮ້ອງບໍ່ໃຫ້ແຕກຕື່ນ ແລະ ຢ້ານເກີນເຫດ

ຕອນຄໍ່າວັນທີ 6 ມັງກອນ 2022 ນີ້, ທ່ານ ດຣ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່, ກະຊວງສາທາລະນະສຸກ ໄດ້ຖະແຫລງຂ່າວພິເສດ ວ່າ: ສປປ ລາວ ກວດພົບຜູ້ຕິດເຊື້ອໂຄວິດ-19 ສາຍພັນໂອໄມຄອນ (Omicron) ກໍລະນີທຳອິດ ເປັນເພດຍິງ, ເຊິ່ງມີປະຫວັດເດີນທາງ ມາຈາກປະເທດອິນເດຍ ໂດຍຜ່ານປະເທດສີລັງກາ ແລະ ມາເລເຊຍ. ໃນວັນອາທິດ ວັນທີ 2 ມັງກອນ 2022 ໄດ້ມີຖ້ຽວບິນ AK 7552 ຈາກ ປະເທດມາເລເຊຍ ເດີນທາງມາ ສປປ ລາວ, ໃນຖ້ຽວບິນດັ່ງກ່າວ ມີຜູ້ເດີນທາງມານຳກັນທັງໝົດ 42 ຄົນ, ເຊິ່ງທຸກຄົນໄດ້ຖືກເກັບຕົວຢ່າງ ແລະ ກວດພົບຜູ້ຕິດເຊື້ອ 2 ຄົນເປັນຄອບຄົວດຽວກັນ, ໃນນີ້ ພົບສາຍພັນ Omicron ຈຳນວນ 1 ຄົນ ເປັນເພດຍິງ, ເຊິ່ງຜູ້ຕິດເຊື້ອ 2 ຄົນດັ່ງກ່າວ, ໄດ້ສັກວັກຊິນຄົບໂດສ, ປັດຈຸບັນ ບໍ່ມີອາການສະແດງ ...

Read More »

ກຳປູເຈຍ ມີລາຍໄດ້ ຈາກພາສີ ຫລາຍກວ່າ 5 ຕື້ໂດລາ

ຕາມແຫລ່ງຂ່າວ ຊິນຮວາຂອງ ຈີນ, ເມື່ອບໍ່ດົນມານີ້, ທ່ານ ຮຸນເຊນ ນາຍົກ ລັດຖະ ມົນຕີກຳປູເຈຍ ຖະແຫລງຂ່າວ ຜ່ານ ສະຖານີ ໂທລະພາບ ແຫ່ງຊາດ ກຳປູເຈຍ (TVK) ວ່າ: ລັດຖະບານ ກຳປູເຈຍ ມີລາຍໄດ້ ຈາກ ພາສີ ລວມມີ 5.07 ຕື້ໂດລາ ໃນປີ 2021. ທ່ານຮຸນເຊນ ກ່າວ ໃນລະຫວ່າງ ການເຂົ້າຮ່ວມພິທີວາງສີລາລຶກໂຄງການກໍ່ສ້າງຖະໜົນລະດັບຊາດຢູ່ແຂວງ ເກາະກົງ ທາງພາກຕາເວັນຕົກສ່ຽງໃຕ້ຂອງປະເທດວ່າ ກົມພາສີອາກອນ (GDT) ມີລາຍໄດ້ 2.78 ຕື້ໂດລາ ໃນປີກາຍ. ຂໍ້ມູນ ຂປລ.

Read More »

ປະກາດປັບຫຼຸດ ອັດຕາອາກອນມູນຄ່າເພີ່ມລົງ ຈາກ 10% ເປັນ 7%

ປະກາດປັບຫຼຸດ ອັດຕາອາກອນມູນຄ່າເພີ່ມລົງ ຈາກ 10% ເປັນ 7%  ກະຊວງການເງິນ ໄດ້ອອກແຈ້ງການ ມີຜົນບັງຄັບໃຊ້ນັບແຕ່ວັນທີ 1 ມັງກອນ 2022 ເປັນຕົ້ນໄປ.  ສະນັ້ນ, ໃຫ້ທຸກພາກສ່ວນທີ່ກ່ຽວຂ້ອງຈັດຕັ້ງປະຕິບັດ ດັ່ງນີ້: 1. ບຸກຄົນ, ນິຕິບຸກຄົນ ແລະ ການຈັດຕັ້ງ ທີ່ເຄື່ອນໄຫວທຸລະກິດ ໃນ ສປປ ລາວ ຕ້ອງຈັດຕັ້ງປະຕິບັດບາງນະໂຍບາຍໂດຍສະເພາະແມ່ນອັດຕາອາກອນແຕ່ລະປະເພດທີ່ມີການປັບປຸງ ແລະ ກົນໄກໃໝ່ ຕາມກົດໝາຍວ່າດ້ວຍການປັບປຸງບາງມາດຕາຂອງກົດໝາຍກ່ຽວກັບສ່ວຍສາອາກອນ ເລກທີ 01/ສພຊ, ລົງວັນທີ 7 ສິງຫາ 2021 ນັບເເຕ່ ວັນທີ 1 ມັງກອນ 2012 ເປັນຕົ້ນໄປ. 2. ບັນດາຫົວໜ່ວຍວິສາຫະກິດ ທີ່ນຳເຂົ້າ-ສົ່ງອອກສິນຄ້າ ທີ່ມີເງື່ອນໄຂ ແລະ ມາດຖານ (ເອອີໂອ) ຕາມທີ່ໄດ້ກໍານົດໄວ້ໃນຄຳແນະນໍາສະບັບເລກທີ 4490/ກງ, ລົງວັນທີ 14 ກັນຍາ 2021 ໃຫ້ແຈ້ງມອບອາກອນໃນເວລາມີການສະໜອງສິນຄ້າຢູ່ພາຍໃນປະເທດ ຕາມທີ່ໄດ້ກຳນົດໄວ້ໃນມາດຕາ 2 ໂລແມງ I ຂອງກົດໝາຍວ່າດ້ວຍການປັບປຸງບາງມາດຕາຂອງກົດໝາຍກ່ຽວກັບສ່ວຍສາອາກອນ ...

Read More »

WHO ຢືນຢັນແລ້ວວ່າໄວຣັດສ໌ສາຍພັນໃໝ່ “ໂອໄມຄລອນ” ມີອາການບໍ່ຮຸນແຮງ.

ອົງການອະນາໄມໂລກ WHO ຢືນຢັນແລ້ວວ່າໄວຣັດສ໌ສາຍພັນໃໝ່ “ໂອໄມຄລອນ” ມີອາການບໍ່ຮຸນແຮງ. ອົງການອະນາໄມໂລກ WHO ຢືນຢັນແລ້ວວ່າໄວຣັດສ໌ສາຍພັນໃໝ່ “ໂອໄມຄລອນ” ສົ່ງຜົນຕໍ່ລະບົບການຫາຍໃຈສ່ວນເທິງ ຄືມີອາການເຈັບຄໍເທົ່ານັ້ນ, ແຕ່ບໍ່ສົ່ງຜົນກະທົບທີ່ຮ້າຍແຮງແກ່ປອດ, ຈະບໍ່ເຮັດໃຫ້ປອດອັກເສບຢ່າງຮຸນແຮງ ຄືກັບສາຍພັນ ເດວຕ້າ, ເຖິງວ່າການລະບາດຈະໄວຫຼາຍກວ່າສາຍພັນ ເດວຕ້າ ກໍ່ຕາມ. ອີກສາເຫດທີ່ເຮັດໃຫ້ຄົນປ່ວຍທີ່ຕິດເຊື້ອສາຍພັນໃໝ່ບໍ່ຮຸນແຮງ ກໍ່ຍ້ອນປະຊາຊົນສ່ວນຫຼາຍໄດ້ຮັບວັກຊີນ ມີພູມຄຸ້ມກັນທີ່ດີ, ມີລາຍງານຈຳນວນຜູ້ຕິດເຊື້ອສູງສຸດໃນຫຼາຍປະເທດເຊັ່ນອາເມລິກາ ແລະ ປະເທດອື່ນໆ ແຕ່ຈຳນວນຜູ້ທີ່ມີອາການຮຸນແຮງ ແລະ ເສຍຊີວິດ ແມ່ນໜ້ອຍຫຼາຍຖ້າທຽບໃສ່ສາຍພັນ ເດວຕ້າ. ຂໍ້ມູນ TNN WHO ຢືນຢັນແລ້ວວ່າໄວຣັດສ໌ສາຍພັນໃໝ່ “ໂອໄມຄລອນ” ມີອາການບໍ່ຮຸນແຮງ.

Read More »

ງານຖະແຫລງຂ່າວການຈັດງານ “ເທດສະການອາຫານລາວ 2022” ທີ່ຈະຈັດຂື້ນໃນວັນທີ 25-29 ມັງກອນ 2022

ງານຖະແຫລງຂ່າວການຈັດງານ “ເທດສະການອາຫານລາວ 2022”    ປະທານສະມາຄົມນັກທຸລະກິດແມ່ຍິງ, ປະທານຄະນະກໍາມະການຈັດງານ “ເທດສະການອາຫານລາວ 2022” , ທ່ານນາງ ຈັນທະຈອນ ວົງໄຊ ໃນວັນທີ 5 ມັງກອນ 2022, ເວລາ 14:00 ໂມງ ທີ່ຕຶກ K&C, ໂດຍການເຂົ້າຮ່ວມ ຈາກຫຼາຍພາກສ່ວນ ທັງສະມາສິກ, ຄະນະຮັບຜິດຊອບງານ , ຜູ້ອຸປະຖຳງານ ບໍລິສັດເບຍລາວ ແລະ ນັກຂ່າວສື່ມວນຊົນຈາກພາກສ່ວນຕ່າງໆທີ່ໄດ້ເຂົ້າຮ່ວມງານຖະແຫລງຂ່າວຢ່າງພ້ອມໜ້າ. ໃນປີ 2022 ນີ້ ເທດສະການອາຫານ ຈະໄດ້ຈັດຂຶ້ນ ພາຍໃຕ້ຄໍາຂວັນ: “ເທດສະການອາຫານລາວ ຕາມ ວິຖີຊີວິດປົກກະຕິແແບບໃໝ່” (Lao food festival New normal ) 2022. ສທຍ ຈະຂັດຈ້ອນເລືອກເຟັ້ນ, ເອົາຮ້ານອາຫານລາວ ທີ່ໂດດເດັ່ນ ພຽງ 120 ຮ້ານເທົ່ານັ້ນ, ເພື່ອຮັກສາໄລຍະຫ່າງ, ຈະມີຮ້ານອາຫານລາວ ຈາກຕົວແທນທົ່ວປະເທດແລະ ຜູ້ສະໜັບສະໜູນ 109 ຮ້ານ ແລະ ...

Read More »

5 ສາເຫດຫຼັກ ແລະ 3 ແນວທາງ ແກ້ໄຂລົດຕົກຄ້າງ ຢູ່ດ່ານສາກົນບໍ່ເຕ່ນ-ບໍ່ຫານ ຂອງເຈົ້າແຂວງຫຼວງນໍ້າທາ.

5 ສາເຫດຫຼັກ ລົດຂົນສົ່ງສິນຄ້າຕົກຄ້າງເປັນຈໍານວນຫຼວງຫຼາຍ ຢູ່ດ່ານສາກົນບໍ່ເຕ່ນ-ບໍ່ຫານ. 1. ທາງຝ່າຍຈີນໄດ້ເພີ່ມມາດຕະການເຂັ້ມງວດ ແລະ ມາເຖິງວັນທີ 4/10/2021 ກວດພົບໂຊເຟີລາວຕິດເຊື້ອໂຄວິດ-19, ນັບແຕ່ວັນທີ 5/10/2021 ຝ່າຍຈີນໄດ້ປິດດ່ານສາກົນບໍ່ຫານ, ຕໍ່ກັບສະພາບການດັ່ງກ່າວ ອົງການປົກຄອງແຂວງຫຼວງນໍ້າທາ ໄດ້ພະຍາຍາມ ປະສານພົວພັນນໍາຝ່າຍຈີນ ຫຼາຍຄັ້ງ ຈິ່ງໄດ້ຕົກລົງເປັນເອກະພາບກັນ ເປີດດ່ານຄືນໃໝ່ເປັນການທົດລອງ ຊຶ່ງເລີ່ມແຕ່ວັນທີ 15/11/2021 ເປັນຕົ້ນມາ ໂດຍເລັ່ງໃສ່ແກ້ໄຂສະເພາະ ລົດຂົນສົ່ງສິນຄ້າ ແຕ່ບໍ່ອະນຸຍາດໃຫ້ບຸກຄົນທົ່ວໄປເຂົ້າ-ອອກ ໄດ້ເທື່ອ (ຍົກເວັ້ນຄົນຈີນ ທີ່ຈະກັບຄືນປະເທດ ສະເລ່ຍ 100-150 ຄົນ/ມື້, ແຕ່ກ່ອນການສົ່ງອອກຕ້ອງໄດ້ຜ່ານການກັກກັນຢູ່ເຂດຢ່າງໜ້ອຍ 7 ວັນ ແລະ ກວດເຊື້ອພະຍາດ 4 ຄັ້ງ ຜົນອອກມາເປັນລົບ ຈິ່ງສາມາດເຂົ້າໄປປະເທດ ຈີນ ໄດ້).  2. ແຕ່ລະມື້ມີລົດຂົນສົ່ງສິນຄ້າເຂົ້າໄປຈີນ ສະເລ່ຍ ໄດ້ພຽງແຕ່ 150 ຄັນ/ມື້ ແລະ ລົດເປົ່າອອກມາ 50 ຄັນ/ມື້, ແຕ່ລົດຂົນສົ່ງສິນຄ້າເຂົ້າມາລໍຖ້າເພື່ອຂົນສົ່ງສິນຄ້າອອກໄປ ສປ ຈີນ ປະມານ 350 ຄັນ/ມື້ ເຮັດໃຫ້ມີລົດຕົກຄ້າງເປັນຈໍານວນຫຼວງຫຼາຍ. ...

Read More »