ຂ່າວ ຕ່າງປະເທດ

ທ່ານ ຮສ ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ, ຮອງຫົວໜ້າຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂ ການລະບາດພະຍາດໂຄວິດ 19 ຖະແຫລງຂ່າວຕໍ່ສື່ມວນຊົນຕອນເຊົ້າວັນທີ 31 ທັນວາ 2020 ທີ່ກະຊວງສາທາລະນະສຸກ ວ່າ: ສະພາບຄວາມຄືບໜ້າການນຳໃຊ້ ວັກຊິນປ້ອງກັນໂຄວິດ-19 ໃນ ສປປ ລາວ ຜ່ານມາພັກ ແລະ ລັດຖະບານ ພວກເຮົາ ບໍ່ໄດ້ລົດລະນີ້ງນອນໃຈ ໄດ້ມີຄວາມພະຍາຍາມຢ່າງສູງ ໃນການພົວພັນກັບໂລກ ເປັນຕົ້ນ ສະຫະພັນວັກຊີນສາກົນ Gavi (Global Alliance for Vaccines and Immunization ), COVAX FACILITY, ກັບປະເທດເພື່ອນມິດຍຸດທະສາດ, ກັບປະເທດພາຄີ, ກັບທະນາຄານສາກົນ ແລະ ອົງການຈັດຕັ້ງສາກົນ ເພື່ອກະກຽມ ແລະ ຈັດຫາວັກຊີນ ເພື່ອມາສັກປ້ອງກັນພະຍາດໃຫ້ແກ່ພໍ່ແມ່ປະຊາຊົນພວກເຮົາ ຊຶ່ງໄດ້ເລີ່ມແຕ່ເດືອນກໍລະກົດ 2020 ເປັນຕົ້ນມາ. ທ່ານ ຮສ ດຣ ບຸນກອງ ສີຫາວົງ ໃຫ້ຮູ້ອີກວ່າ: ...

ໃນ​ກອງ​ປະ​ຊຸມ​ສຸດຍອດ G20 ທີ່​ຈັດ​ຂຶ້ນ​ໃນ​ເມື່ອ​ບໍ່​ດົນ​ມາ​ນີ້, ທ່ານ ສີ​ຈິ້ນ​ຜິງ ປະ​ທານ​ປະ​ເທດ​ຈີນ​ໄດ້​ໃຫ້​ຄຳ​ເຫັນ​ສັນ​ຍາ​ຕໍ່​ໂລກ​ວ່າ​ຈະ​ສະ​ໜອງ​ການ​ຊ່ວຍ​ເຫຼືອ​ແລະ​ໃຫ້​ການ​ສະ​ໜັບ​ສະ​ໜູນ​​ແກ່​ປະ​ເທດ​ພວມ​ພັດ​ທະ​ນາ​ອື່ນ​ໆເພື່ອ​ເຮັດ​ໃຫ້​ຢາ​ວັກ​ຊິນ​ພະ​ຍາດ​ໂຄວິດ-19 ກາຍ​ເປັນ​ຜະ​ລິດ​ຕະ​ພັນ​ສາ​ທາ​ລະ​ນະ​ທີ່​ປະ​ຊາ​ຊົນ​ຂອງ​ປະ​ເທດ​ຕ່າງໆ​ສາ​ມາດ​ເຂົ້າ​ເຖິງ​ແລະ​ສາ​ມາດ​ຊີ້​ໄດ້. ຄຽງ​ຄູ່​ກັບ​ການ​ຊຸກ​ຍູ້​ວຽກ​ງານ​ຄົ້ນ​ຄວ້າ​ຜະ​ລິດ​ຢາ​ວັກ​ຊິນພະ​ຍາດ​ໂຄວິດ-19​ຂອງ​ຈີນ, ຄວາມ​ມຸ່ງ​ຫວັງ​ດັ່ງ​ກ່າວ​ພວມ​ໄດ້​ບັນ​ລຸ​ຜົນ​ເປັນ​ຈິງ. ວັນ​ທີ 9 ທັນ​ວາ​ນີ້, ກະ​ຊວ​ງສາ​ທາ​ລະ​ນະ​ສຸກແລະ​ປ້ອງ​ກັນ​ພະ​ຍາດ​ສະ​ຫະ​ລັດ​ອາ​ຣັບ​ເອ​ມີ​ເຣດ​ໄດ້​ປະ​ກາດ​ວ່າ:ໄດ້​ອະ​ນຸ​ຍາດ​ໃຫ້​ກຸ່ມ​ບໍ​ລິ​ສັດ​ການ​ຢາ​ແຫ່ງ​ຊາດ​ຈີນ​ຂຶ້ນ​ທະ​ບຽນ​ຢາ​ວັກ​ຊິນ​ພະ​ຍາດ​ໂຄວິດ-19 ຢູ່​ໃນ​ປະ​ເທດ​ຕົນ​ຢ່າງ​ເປັນ​ທາງ​ການ. ກ່ອນ​ໜ້າ​ນີ້, ຢາ​ວັກ​ຊິນ​ພະ​ຍາດ​ໂຄວິດ-19 1 ລ້ານ​ຫຼອດງວດ​ທີ​ສອງ​ຂອງ​ຈີນ​ໄດ້​ຖືກ​ສົ່ງ​ໄປ​ລັດຊາວ​ປາວ​ໂລ​ປະ​ເທດບ​ຣາ​ຊີນ; ຢາ​ວັກຊິນພະ​ຍາດ​ໂຄວິດ-19​ ຈຳ​ນວນ 1,2 ລ້ານ​ຫຼອດ​ງວດ​ທຳ​ອິດ​ຂອງ​ຈີນ​ໄດ້​ຖືກ​ສົ່ງ​ໄປ​ຮອດ​ນະ​ຄອນ​ຫຼວງ​ຈາ​ກາ​ຕາ​ປະ​ເທດ​ອິນ​ໂດ​ເນ​ເຊຍ​ແລະ​ອື່ນໆ. ປັດ​ຈຸ​ບັນ​ນີ້, ຈຳ​ນວນ​ຜູ້​ຖືກ​ບົ່ງ​ມະ​ຕິ​ເປັນ​ພະ​ຍາດ​ໂຄວິດ-19 ໃນ​ໂລກ​​ມີທັງ​ໝົດ​​ເກືອບ 70 ລ້ານ​ກໍ​ລະ​ນີ, ການ​ສັກ​ຢາ​ວັກ​ຊິນທີ່​ມີ​ປະ​ສິດ​ທິ​ຜົນ​ແລະ​ມີ​ຄວາມ​ປອດ​ໄພ​ແມ່ນ​ວິ​ທີ​ທີ່ບັງ​ເກີດ​ຜົນແລະ​ຖື​ກ​ຕ້ອງທີ່​ສຸດ​ໃນ​ການ​ຕ້ານ​ກັບ​ພະ​ຍາດ​ໂຄວິດ-19. ສະ​ນັ້ນ, ການ​ສັກ​ຢາ​ວັກ​ຊິນ​ໂດຍ​ໄວ​ແມ່ນ​ຄວາມ​ຕ້ອງ​ການ​​ອັນ​ຮີບ​ດ່ວນ​ຂອງ​ຫຼາຍ​ປະ​ເທດ, ຄວາມ​ຂັດ​ແຍ້ງ​ກັນ​ດ້ານ​ການ​ສະ​ໜອງ​ແລະ​ຄວາມ​ຕ້ອງ​ການ​​ຢາ​ວັກຊິນ​ກໍ່​ໄດ້​ປະ​ກົດ​ຂຶ້ນ. ໃນ​ຖາ​ນະ​ເປັນ​ປະ​ເທດແຖວໜ້າ​ໃນ​ການ​ຄົ້ນ​ຄວ້າ​ຜະ​ລິດ​ຢາ​ວັກ​ຊິນ​ໃນ​ໂລກ,ຈີນ​ໄດ້​ປະ​ຕິ​ບັດ​​ຄຳ​ເຫັນສັນ​ຍາ​ຂອງ​ຕົນ​ໃນ​​ເວ​ລາ​ທີ່​ສຳ​ຄັນ​ແບບ​ນີ້,​ຈີນຈະ​ຊຸກ​ຍູ້​ໃຫ້​ສະ​ພາບຄວາມ​ຂັດ​ແຍ້ງ​ກັນ​ດ້ານ​ການ​ສະ​ໜອງ​ແລະ​ຄວາມ​ຕ້ອງ​ການ​​ຢາວັກ​ຊິນໃນ​ໂລກ​ຫຼຸດ​ໜ້ອຍ​ລົງ,ສ້າງ​ຄວາມ​ຫວັງ​ໃໝ່​ໃຫ້​ແກ່​ໂລກ​ໃນ​ການ​ຕ້ານ​ພະ​ຍາດ​ໂຄວິດ-19. ຫວ່າງ​ມໍ່ໆ​ມາ​ນີ້, ທ່ານ ຫວາງ​ຢີ້ ທີ່​ປຶກ​ສາ​ແຫ່ງ​ລັດ​ທັງ​ເປັນ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ,​ຜູ້​ຕາງ​ໜ້າ​ພິ​ເສດ​ຂອງ​ທ່ານ​ປະ​ທານ ສີ​ຈິ້ນ​ຜິງໄດ້​ກ່າວ​ຄຳ​ປາ​ໄສ​ຜ່ານທາງວິ​ດີ​ໂອ​ໃນ​ກອງ​ປະ​ຊຸມ​ຮ່ວມ​ສະ​ໄໝ​ພິ​ເສດ​ກ່ຽວ​ກັບ​ບັນ​ຫາ​ພະ​ຍາດ​ໂຄວິດ-19 ໂດຍ​ໄດ້​ກ່າວ​​ຢືນ​ຢັນອີກ​ຄັ້ງ​ໜຶ່ງວ່າ: ຈີນ​ຈະ​ສືບ​ຕໍ່​ໃຫ້ການ​ສະ​ໜັບ​ສະ​ໜູນ​ແລະຊ່ວຍ​ເຫຼືອ​ແກ່​ປະ​ເທດ​ທີ່​ມີ​ຄວາມ​ຕ້ອງ​ການ,ເພື່ອ​ປະ​ກອບ​ສ່ວນ​ເຂົ້າ​ໃນ​ການ​ສ້າງ​ປະ​ຊາ​ຄົມ​ຮ່ວມສາ​ທາ​ລະ​ນະ​ສຸກຂອງມວນ​ມະ​ນຸດ. ເຊິ່ງ​ເປັນ​ການ​ສະ​ແດງ​ຄວາມ​ມຸ່ງ​ຫວັງ​ທີ່​ຈິງ​ໃຈຂອງ​ຈີນ​​ທີ່​ມີຕໍ່​ໂລກ​ອີກ​ຄັ້ງ​ໃໝ່​ໃນ​ການ​ຮ່ວມ​ມື​ກັນ​ຕ້ານ​ກັບ​ພະ​ຍາດ​ໂຄວິດ-19. ນອກ​ຈາກ​ສະ​ຫະ​ລັດ​ອາ​ຣັບ​ເອ​ມີ​ເຣດ, ​ບ​ຣາ​ຊິນ​ແລະ​ອິນ​ໂດ​ເນ​ເຊຍ​ແລ້ວ, ແມັກ​ຊິກ​,ຕວກ​ກີ​ແລະ​ປະ​ເທດ​ອື່ນໆ​ກໍ່​ໄດ້​ຈອງ​ຊື້​ຢາ​ວັກຊິນ​ພະ​ຍາດ​ໂຄວິດ-19 ຈຳ​ນວນ​​ຫຼວງຫຼາຍ​ນຳ​ຈີນ. ຢາ​ວັກ​ຊິນ​ພະ​ຍາດ​ໂຄວິດ-19 ​ເປັນ​ທີ່ຍອມ​ຮັບຈາກ​ປະ​ເທດ​ພາ​ຄີ​ກໍ​ພໍ​ດີ​ເປັນ​ການ​ຕອບ​ໂຕ້​ຄືນ​ທີ່​ດີ​ທີ່​ສຸດ​ຕໍ່​ການ​ປ່າວ​ຂ່າວ​ແລະ​ການ​ໃສ່​ຮ້າຍ​ປາຍ​ສີ​ວ່າ “ຈີນ​ເອົາຢາ​ວັກຊິນ​ພະ​ຍາດ​ໂຄວິດ-19 ເປັນ​ເຄື່ອງ​ມື​ການ​ເມືອງ​ພູມິ​ພາກ”. ແຫຼ່ງຂໍ້ມູນ: ຊີອາໄອ

ຄວາມສຳເລັດຂອງຫຼາຍໆທຸລະກິດໂດຍສະເພາະການບໍລິຫານງານແບບຄອບຄົວ ໄດ້ສ້າງຊື່ສຽງໃຫ້ບັນດາມະຫາເສດຖີ ກາຍເປັນທີ່ຮູ້ຈັກຫຼາຍຂຶ້ນ ຊຶ່ງແນ່ນອນວ່າໃນປະເທດໄທ ກໍມີຢູ່ຫຼາຍຕະກູນ ຊຶ່ງເປັນທີ່ຮູ້ຈັກໃນລະດັບປະເທດ ແລະ ນາໆຊາດ ບໍ່ວ່າຈະດ້ວຍຄວາມລໍ່າລວຍ ຫຼື ຄວາມສຳເລັດຈາກການດຳເນີນກິດຈະການກໍຕາມ ເພື່ອສົ່ງທ້າຍປີ 2020 Bloomberg ໄດ້ຈັດອັນດັບ ‘20 ຄອບຄົວມະຫາເສດຖີໃນອາຊີ’ ຊຶ່ງມີຄົນໄທຕິດອັນດັບຢູ່ໃນ Top 20 ເຖິງ 3 ຄອບຄົວຄື: ຕະກູນ ‘ເຈຍຣະວະນົນ’ ມະຫາເສດຖີອັນດັບ 3 ແຫ່ງອາຊີ ຈາກຄວາມສຳເລັດຂອງເຄືອ ຈະເລີນໂພກພັນ ພາຍໃຕ້ການບໍລິຫານຢ່າງຍາວນານຂອງ ທ່ານ ທະນິນ ເຈຍຣະວະນົນ ຈົນມາເຖິງ Gen 4 ເຮັດໃຫ້ປັດຈຸບັນມີມູນຄ່າຊັບສິນເປັນອັນດັບ 3 ຂອງເສດຖີອາຊີ ເຖິງ 31.700 ລ້ານໂດລາ (ປະມານ 959.000 ລ້ານບາດ) ພາຍໃຕ້ຄວາມສຳເລັດຈາກຫຼາກຫຼາຍປະເພດທຸລະກິດ ຕັ້ງແຕ່ສາຍຂາຍຍ່ອຍ 7-Eleven, Marco, Tesco Lotus ຫຼື ສາຍໂທລະຄົມມະນາຄົມ True ຫຼືອະສັງຫາລິມມະຊັບ CP Land ຫຼືກຸ່ມອາຫານ CPF ...

ສະຫະລາດອານາຈັກ (UK) ກຳລັງເລີ່ມຕົ້ນໂຄງການ ‘V-Day’ ຫຼັງຈາກໜ່ວຍງານກຳກັບເບິ່ງແຍງຂອງອັງກິດ ໃນວັນທີ 2 ທັນວາ 2020 ໄດ້ໃຫ້ສິດໃນກໍລະນີສຸກເສີນ ສຳລັບວັກຊີນທີ່ຜະລິດ ໂດຍຜູ້ຜະລິດຢາຂອງສະຫະລັດ Pfizer ແລະ BioNTech ຂອງເຢຍລະມັນ ໜຶ່ງອາທິດ ຫຼັງຈາກທີ່ UK ກາຍເປັນປະເທດຕາເວັນຕົກປະເທດທຳອິດທີ່ອະນຸຍາດໃຫ້ມີການໃຊ້ວັກຊີນປ້ອງກັນໂຄວິດ-19 ຢ່າງແຜ່ຫຼາຍ​ ໂດຍກຳລັງກຽມຈັດການຄັ້ງທຳອິດ ໃນວັນທີ 8 ທັນວາ ຕາມເວລາທ້ອງຖິ່ນໃນການຕໍ່ສູ້ກັບໄວຣັດ 800,000 ຄັ້ງທຳອິດຈະສົ່ງໃຫ້ກັບຜູ້ທີ່ມີອາຍຸຫຼາຍກວ່າ 80 ປີ ທີ່ເຂົ້າຮັບການຮັກສາໃນໂຮງໝໍ ຫຼືມີການນັດໝາຍຜູ້ປ່ວຍນອກ ພ້ອມກັບຄົນງານໃນບ້ານພັກຄົນຊະລາ.​ ອີກດ້ານໜຶ່ງ​ ສູນບໍລິການສຸຂະພາບແຫ່ງຊາດກຳລັງເວົ້າກັບປະຊາຊົນທີ່ກຳລັງຄອງຖ້າຢູ່ວ່າ ບໍ່ຕ້ອງໂທຫາເຮົາ ເຮົາຊິໂທຫາເຈົ້າ ສະເພາະຜູ້ທີ່ໄດ້ຮັບການຕິດຕໍ່ຈາກ NHS ເພື່ອນັດໝາຍເທົ່ານັ້ນ ທີ່ຈະໄດ້ຮັບຜະລິດຕະພັນ. ການຈັດສົ່ງວັກຊີນ Pfizer-BioNTech ຄັ້ງທຳອິດຖືກສົ່ງໄປຍັງກຸ່ມໂຮງໝໍໃນສະຫະອານາຈັກທີ່ໄດ້ຮັບການຄັດເລືອກ ເມື່ອວັນທີ 6 ທັນວາທີ່ຜ່ານມາ.​ ລັດຖະບານມີກຳນົດເປົ້າໝາຍໄປຍັງປະຊາກອນຫຼາຍກວ່າ 25 ລ້ານຄົນ ຫຼືປະມານ 40% ຂອງປະຊາກອນໃນຊ່ວງທຳອິດ ຂອງໂຄງການສີດວັກຊີນ ຊຶ່ງໃຫ້ຄວາມສຳຄັນເປັນອັນດັບທຳອິດ ສຳລັບຜູ້ທີ່ມີຄວາມສ່ຽງສູງສຸດຈາກໂລກ.

ອິນໂດເນເຊຍໄດ້ຮັບວັກຊີນປ້ອງກັນໂຄວິດເປັນຄັ້ງທຳອິດ ໃນວັນທີ 6 ພະຈິກ 2020 ທີ່ຜ່ານມາ, ປະທານາທິບໍດີ ໂຈໂກ ວິໂດໂດ ກ່າວໃນຂະນະທີ່ລັດຖະບານກຽມໂຄງການສັກວັກຊີນຈຳນວນຫຼາຍ. ປະທານາທິບໍດີ Jokowi ແຈ້ງວ່າໄດ້ຢາ 1.2 ລ້ານຊຸດ ຈາກ Sinovac Biotech Ltd. ຂອງຈີນ ຊຶ່ງເປັນວັກຊີນທີ່ອິນໂດເນເຊຍໄດ້ຮັບການທົດສອບຕັ້ງແຕ່ເດືອນສິງຫາ ແລະ ລັດຖະບານມີແຜນຈະຮັບອີກ 1.8 ລ້ານຊຸດ ໃນຕົ້ນເດືອນມັງກອນ. ການທົດລອງວັກຊີນ Sinovac ໃນໄລຍະສຸດທ້າຍກຳລັງດຳເນີນການໃນ ບຣາຊີວ ແລະ ຕວກກີ ໂດຍຄາດວ່າຈະມີຜົນຕອບຮັບອີກບໍ່ດົນ ກ່ຽວກັບປະສິດທິພາບຈາກ ບຣາຊີວພາຍໃນກາງເດືອນທັນວາ ນອກຈາກນີ້ຍັງຄາດວ່າ ອິນໂດເນເຊຍ ໃນເດືອນນີ້ຈະໄດ້ຮັບການຈັດສົ່ງວັດຖຸດິບເພື່ອຜະລິດ 15 ລ້ານຊຸດ ແລະ ວັດຖຸດິບ 30 ລ້ານຊຸດໃນເດືອນໜ້າ ແລະ ວັກຊີນຍັງຄົງຕ້ອງໄດ້ຮັບການປະເມີນໂດຍໜ່ວຍງານອາຫານ ແລະ ຢາຂອງປະເທດ (BPOM) ໃນຂະນະທີ່ຝ່າຍບໍລິຫານຂອງເຂົາຍັງຄົງກະກຽມສຳລັບການແຈກຢາຍໄປທົ່ວໝູ່ເກາະອັນກວ້າງໃຫຍ່ທີ່ມີປະຊາກອນ 270 ລ້ານຄົນ. ທ່ານຍັງກ່າວຕື່ມວ່າ “ພວກເຮົາກະກຽມມາຫຼາຍເດືອນແລ້ວຜ່ານການຈຳລອງສະຖານະການ ໃນຫຼາຍແຂວງ ແລະ ຂ້າພະເຈົ້າໜັ້ນໃຈ ເມື່ອຕັດສິນໃຈໄດ້ວ່າຈະເລີ່ມສັກວັກຊີນໄດ້ທຸກຢ່າງກໍຈະພ້ອມ”. ຈຳນວນຜູ້ຕິດເຊື້ອໂຄວິດ-19 ລາຍວັນຂອງອິນໂດເນເຊຍເພີ່ມຂຶ້ນຢ່າງໄວວາໃນຊ່ວງບໍ່ພໍເທົ່າໃດອາທິດທີ່ຜ່ານມາ ...

ການສົ່ງອອກຂອງຈີນເພີ່ມຂຶ້ນຢ່າງໄວວາໃນຮອບເກືອບ 3 ປີ ໃນເດືອນພະຈິກ ເນື່ອງຈາກຄວາມຕ້ອງການສິນຄ້າທົ່ວໂລກທີ່ແຂງແຮງ ຊຶ່ງຈໍາເປັນຕໍ່ການແກ້ໄຂບັນຫາໂລກລະບາດ ເຮັດໃຫ້ເສດຖະກິດທີ່ໃຫຍ່ເປັນອັນດັບ 2 ຂອງໂລກເກີນດຸນການຄ້າເປັນປະຫວັດສາດ. ການຟື້ນຕົວຢ່າງວ່ອງໄວຂອງໂຮງງານໃນຈີນ ເມື່ອການຄວບຄຸມໄວຣັດໂຄໂຣນາໄດ້ຢ່າງໜັກແໜ້ນໃນຕົ້ນປີທີ່ຜ່ານມາ ເຮັດໃຫ້ປະເທດມີການບໍລິການແຊງໜ້າອີກຄັ້ງກັບຄູ່ຄ້າລາຍໃຫຍ່ຫຼາຍແຫ່ງທີ່ຍັງຄົງຕໍ່ສູ້ກັບການລະບາດ; ການສົ່ງອອກຂອງຈີນໃນເດືອນພະຈິກ ເພີ່ມຂຶ້ນ 21,1% ຈາກປີກ່ອນໜ້າຂໍ້ມູນພາສີ ສະແດງໃຫ້ເຫັນໃນວັນທີ 7 ທັນວາ 2020 ນີ້ ຊຶ່ງເປັນການເຕີບໂຕທີ່ໄວທີ່ສຸດນັບຕັ້ງແຕ່ເດືອນກຸມພາ 2018. ນອກຈາກນີ້ ຍັງເອົາຊະນະຄວາມຄາດຫວັງຂອງນັກວິເຄາະທີ່ເພີ່ມຂຶ້ນ 12,0% ແລະ ເພີ່ມຂຶ້ນຢ່າງໄວວາ ຈາກການເພີ່ມຂຶ້ນ 11,4% ໃນເດືອນຕຸລາ. ການສົ່ງອອກທີ່ແຂງແຮງໄດ້ເກີດຂຶ້ນ ເຖິງວ່າເງິນຢວນຈະແຂງຄ່າເກືອບສູງສຸດໃນຮອບຫຼາຍປີ ເມື່ອທຽບກັບໂດລາ ຊຶ່ງເປັນຂ່າວທີ່ໜ້າຍິນດີສຳລັບຜູ້ກຳນົດນະໂຍບາຍ ທີ່ກັງວົນກ່ຽວກັບຜົນກະທົບຂອງເງິນໂດລາທີ່ອ່ອນຕົວລົງຕໍ່ຄວາມສາມາດໃນການແຂ່ງຂັນທາງການຄ້າຂອງຈີນ.ການນຳເຂົ້າເພີ່ມຂຶ້ນ 4,5% ເມື່ອທຽບເປັນລາຍປີ ໃນເດືອນພະຈິກ ຊ້າກວ່າການຂະຫຍາຍຕົວ 4,7% ຂອງເດືອນຕຸລາ ແລະ ຜົນການສຳຫຼວດຂອງ Reuters ທີ່ເພີ່່ມຂຶ້ນ 6,1% ແຕ່ຍັງຄົງຂະຫຍາຍຕົວ ເປັນເດືອນທີ 3 ຕິດຕໍ່ກັນ. ບົດບັນທຶກກ່າວວ່າ “ເຮົາເຊື່ອວ່າການເຕີບໂຕຂອງການສົ່ງອອກຂອງຈີນຈະຍັງຄົງສູງຂຶ້ນໄປອີກຫຼາຍເດືອນ ເນື່ອງຈາກສະຖານະການ COVID-19 ໃນຕ່າງປະເທດທີ່ຊຸດໂຊມລົງ”.ການຈັດສົ່ງເຄື່ອງຂອງບໍລິສັດ ນຳໄປສູ່ການເກີນດຸນການຄ້າໃນເດືອນພະຈິກ ທີ 75,42 ພັນລ້ານໂດລາ ...

ບໍລິສັດ e-commerce ຂອງຈີນ JD.com Inc ກ່າວໃນວັນທີ 5 ທັນວາ 2020 ວ່າ: ໄດ້ກາຍເປັນ platform ຕົວຈິງ ແຫ່ງທຳອິດຂອງປະເທດທີ່ຍອມຮັບສະກຸນເງິນດິຈີຕອນຂອງປັກກິ່ງ JD Digits ຊຶ່ງເປັນໜ່ວຍງານດ້ານ  fintech ຂອງບໍລິສັດ ຈະຮັບເງິນຢວນດີຈີຕອນ ສຳລັບການຊຳລະເງິນ ສຳລັບຜະລິດຕະພັນບາງຢ່າງ ໃນຮ້ານຊັບພະສິນຄ້າອອນໄລ ຊຶ່ງເປັນສ່ວນໜຶ່ງຂອງການທົດລອງແຈກ ເງິນຢວນດີຈີຕອນ ໃຫ້ກັບພົນລະເມືອງຂອງຊູໂຈ ໃກ້ກັບເມືອງ ຊຽງໄຮ ຕາມໂພສໃນບັນຊີ WeChat ຢ່າງເປັນທາງການຂອງບໍລິສັດ ເງິນຢວນດິຈີຕອນຂອງຈີນເປັນໜຶ່ງໃນໂຄງການລິເລີ່ມ “ສະກຸນເງິນດິຈິຕອນຂອງທະນາຄານກາງ” ທີ່ກ້າວໜ້າທີ່ສຸດໃນໂລກ ເນື່ອງຈາກທາງການທົ່ວໂລກຕອບສະໜອງຕໍ່ໄພຄຸກຄາມ ຈາກສະກຸນເງິນສ່ວນຕົວເຊັ່ນ: bitcoin ແລະ Libra ຂອງ Facebook ພາຍໃຕ້ໂຄງການ Suzhou ລັດຖະບານເທດສະບານ ແລະ People’s Bank of China (PBOC) ຈະອອກ “ ຊອງແດງ” ດິຈີຕອນ 200 ຢວນໃຫ້ກັບຜູ້ບໍລິໂພກ 100.000 ຄົນທີ່ເລືອກຜ່ານລອດເຕີຣີ່ ໂຄງການຂອງຊູໂຈເປັນລອດເຕີຮີ່ ດິຈີຕອນຄັ້ງທີ ...

ຫົວໜ້າໜ່ວຍງານສຸຂະພາບ U_N_ ກ່າວວ່າ: ຜົນດ້ານບວກຈາກການທົດລອງວັກຊີນໂຄວິດ-19 ໝາຍຄວາມວ່າໂລກ “ເລີ່ມຝັນເຖິງການສິ້ນສຸດຂອງການແຜ່ລະບາດ” ຫົວໜ້າດ້ານສຸຂະພາບຂອງສະຫະປະຊາຊາດ (ສປຊ) ປະກາດໃນວັນທີ 4 ທັນວາ 2020​ ວ່າ: ຜົນດ້ານບວກຈາກການທົດລອງວັກຊີນໂຄວິດ-19 ເຮັດໃຫ້ໂລກ “ເລີ່ມຝັນເຖິງການສິ້ນສຸດຂອງການລະບາດໄດ້” ແຕ່ເຂົາກ່າວວ່າ: “ປະເທດທີ່ລໍ່າລວຍ ແລະ ມີອຳນາດຈະຕ້ອງບໍ່ຂົ່ມເຫັງຄົນຍາກຈົນ ແລະ ຄົນເຂດນອກ ໃນເລື່ອງວັກຊີນ”. ໃນຄຳປາໄສຂອງການປະຊຸມລະດັບສູງຄັ້ງທຳອິດຂອງ ສປຊ ກ່ຽວກັບການລະບາດຂອງໂລກ Tedros Adhanom Ghebreyesus ຜູ້ອຳນວຍການອົງການອະນາໄມໂລກເຕືອນວ່າ ໃນຂະນະທີ່ໄວຣັດສາມາດຢຸດໄດ້ ແຕ່ “ເສັ້ນທາງຕໍ່ໜ້າຍັງຄົງບໍ່ແນ່ນອນ”. ການລະບາດຂອງໂລກໄດ້ສະແດງໃຫ້ມະນຸດຊາດເຫັນວ່າ: “ດີທີ່ສຸດ ແລະ ຊົ່ວຮ້າຍທີ່ສຸດ” ເຂົາກ່າວໂດຍຊີ້ໄປທີ່ “ການກະທຳທີ່ສ້າງແຮງບັນດານໃຈຂອງຄວາມເມດຕາ ແລະ ຄວາມເສຍສະຫຼະຕົນເອງ, ໃນຄວາມສຳເລັດອັນໜ້າພໍໃຈຂອງວິທະຍາສາດ ແລະ ນະວັດຕະກຳ ແລະ ການສະແດງໃຫ້ເຫັນເຖິງຄວາມເປັນນໍ້າໜຶ່ງໃຈດຽວກັນ ທີ່ອົບອຸ່ນໃຈ ແຕ່ຍັງກັງວົນກັບສັນຍາຂອງຜົນປະໂຫຍດສ່ວນຕົວດ້ວຍການຕຳນິ ແລະ ການແບ່ງແຍກ”ອ້າງອີງເຖິງການເພີ່ມຂຶ້ນ ຂອງການຕິດເຊື້ອ ແລະ ການເສຍຊີວິດໃນປັດຈຸບັນ.​ Tedros ກ່າວໂດຍບໍ່ໄດ້ລະບຸຊື່ປະເທດໃດໆທີ່ “ວິທະຍາສາດຖືກລຶບດ້ວຍທິດສະດີສົມຄົບຄິດທີ່ຄວາມເປັນນ້ຳໜຶ່ງໃຈດຽວກັນຖືກທຳລາຍໂດຍການແບ່ງຝ່າຍ ຊຶ່ງການເສຍສະຫຼະ ຖືກແທນທີ່ດ້ວຍຜົນປະໂຫຍດສ່ວນຕົວ ເຮັດໃຫ້ໄວໄຣເຕີບໃຫຍ່ ແລະ ...

ກອງປະຊຸມເວທີປຶກສາຫາລືຜູ້ນຳການຮ່ວມມື ແລະ ການພັດທະນາດ້ານການເງິນ ຈີນ-ອາຊຽນ ຄັ້ງທີ 12 ໄດ້ຈັດຂຶ້ນຢູ່ນະຄອນໜານໜິງ ເຂດປົກຄອງຕົນເອງເຜົ່າຈວ້າງ ກວາງຊີ ຂອງ ສປຈີນ ພາຍໃຕ້ຫົວຂໍ້; “ການເງິນຂ້າມແດນທີ່ມີການປະດິດສ້າງໃໝ່, ການຮ່ວມມືແບບເປີດປະຕູເພື່ອຕ່າງຝ່າຍຕ່າງມີຜົນປະໂຫຍດ”. ຂ່າວລະບຸວ່າ: ກອງປະຊຸມເວທີປຶກສາຫາລືດັ່ງກ່າວ ຈັດຂຶ້ນໃນຮູບແບບອອນລາຍ ແລະ ອັອຟລາຍ ໄດ້ບັນລຸການຮ່ວມມືຫຼາຍໂຄງການ, ໄດ້ເຊັນສັນຍາຮ່ວມມືດ້ານການເງິນ 8 ສະບັບເຊັ່ນ: “ສັນຍາຮ່ວມມືຍຸດທະສາດກ່ຽວກັບການຮ່ວມກັນສ້າງເວທີເປີດປະຕູດ້ານການເງິນທີ່ອວ່າຍໜ້າສູ່ອາຊຽນ” ແລະ ອື່ນໆ, ທັງໄດ້ເລີ່ມປະຕິບັດໂຄງການເວທີການບໍລິການດ້ານການເງິນ 3 ໂຄງການເຊັ່ນ: ເວທີການບໍລິການດ້ານການເງິນ ຈີນ-ອາຊຽນ ແລະ ໂຄງການອື່ນໆ. ເວທີປຶກສາຫາລືຜູ້ນຳການຮ່ວມມື ແລະ ການພັດທະນາດ້ານການເງິນ ຈີນ-ອາຊຽນ ແມ່ນເວທີທີ່ສຳຄັນຂອງຈີນ ແລະ ບັນດາປະເທດອາຊຽນ ໃນການຮ່ວມກັນປຶກສາຫາລືກ່ຽວກັບການຮ່ວມມືດ້ານການເງິນ ແລະ ສະແຫວງຫາການພັດທະນາດ້ານການເງິນ. ນັບແຕ່ໄດ້ເລີ່ມສ້າງຂຶ້ນໃນປີ 2009 ເປັນຕົ້ນມາ, ໄດ້ຂະຫຍາຍຕົວ ແລະ ກາຍເປັນເວທີແຫ່ງການແລກປ່ຽນ ແລະ ຮ່ວມມືດ້ານການເງິນຫຼາຍຝ່າຍ ທີ່ມີລະບົບປະຕິບັດງານ ແລະ ຫົວຂໍ້ປະຕິບັດງານທີ່ເປັນອິດສະຫຼະ. ສ່ວນການລົງນາມໃນສັນຍາວ່າດ້ວຍ; “ສັນຍາການພົວພັນຄູ່ຮ່ວມມືເສດຖະກິດຮອບດ້ານຂອງພາກພື້ນ” (RCEP) ໄດ້ສະໜອງຊ່ອງທາງທີ່ກວ້າງຂວາງກວ່າເກົ່າໃຫ້ແກ່ການໄປມາຫາສູ່ກັນດ້ານເສດຖະກິດການຄ້າ ລະຫວ່າງ ເຂດກວາງຊີ ...

Elon Musk ຜູ້ກໍ່ຕັ້ງ Tesla ແຊງໜ້າ Bill Gates ຜູ້ຮ່ວມກໍ່ຕັ້ງ Microsoft ຈົນກາຍເປັນບຸກຄົນທີ່ລໍ່າລວຍທີ່ສຸດ ເປັນອັບດັບ 2 ຂອງໂລກຕາມດັດສະນີ Bloomberg Billionaires Index Musk ອາຍຸ 49 ປີ ມີມູນຄ່າສຸດທິເພີ່ມ 100,​3 ພັນລ້ານໂດລາໃນປີ 2020 ຊຶ່ງຫຼາຍກວ່າບຸກຄົນອື່ນໆ ໃນການຈັດອັນດັບບຸກຄົນທີ່ລໍ່າລວຍທີ່ສຸດ 500 ອັນດັບທຳອິດຂອງໂລກຂອງ Bloomberg ລາຍງານຈາກ Bloomberg News ໃນການເພີ່ມຄັ້ງຫຼ້າສຸດມູນຄ່າສຸດທິຂອງ Musk ເພີ່ມຂຶ້ນ 7,​2 ພັນລ້ານໂດລາກ້າວຂຶ້ນທີ 127,​9 ພັນລ້ານໂດລາ. ການເພີ່ມຂຶ້ນຂອງດັດສະນີຈາກບຸກຄົນທີ່ລໍ່າລວຍທີ່ສຸດອັນດັບທີ 35 ໃນເດືອນ ມັງກອນ ເປັນຜົນມາຈາກ Tesla ຊຶ່ງມີມູນຄ່າຕະຫຼາດເກືອບ 500 ພັນລ້ານໂດລາ ປະມານ 3 ໃນ 4 ຂອງມູນຄ່າສຸດທິຂອງ Musk ປະກອບດ້ວຍຫຸ້ນຂອງ Tesla. Musk ຍັງເປັນຮອງຈາກ Jeff Bezos ...