ວັນທີ 07 ພຶດສະພາ 2021, ອົງການອະນາໄມໂລກ (WHO) ໄດ້ອອກຖະແຫລງການຮັບຮອງການນຳໃຊ້ວັກຊີນກັນພະຍາດໂຄວິດ-19 Sinopharm ຈາກບໍລິສັດສັນຊາດຈີນ ຢ່າງເປັນທາງການ Morgantown, WV – 16 December 2020: Small bottle of coronavirus vaccine with syringe with background of the Chinese company Sinopharm logo Sinopharm ເປັນວັກຊີນທີ່ເຮັດຈາກເຊື້ອຕາຍ (Inactivated Vaccine) ຕົວທຳອິດທີ່ຖືກຜະລິດໃນເອເຊຍ ແລະ ກ່ອນໜ້າຈະມີການຮັບຮອງຈາກ WHO, ແມ່ນໄດ້ມີການນຳໃຊ້ໃນຫລາຍໆປະເທດທົ່ວໂລກ ເຊັ່ນ: ປະເທດແຖວທະວີບແອຟຣິກາ, ລາຕິນອາເມຣິກາ ແລະ ຫລາຍປະເທດໃນເອເຊຍ ລວມທັງ ສປປ ລາວ ເຮົາ ການຢືນຢັນການນຳໃຊ້ວັກຊີນກັນພະຍາດ COVID-19 ຂອງ WHO ມີຄວາມຫມາຍຄວາມສຳຄັນຢູ່ບ່ອນວ່າ ວັກຊີນກັນພະຍາດຕົວນັ້ນໆ ຫລັງຈາກໄດ້ຜ່ານການກວດສອບແລ້ວ ພົບວ່າ ມີປະສິດທິພາບ ແລະ ຄວາມປອດໄພ. ...
Read More »ຂ່າວ ຕ່າງປະເທດ
ເຢຍລະມັນ ກຽມຜ່ອນຜັນຂໍ້ຈຳກັດການນໍາໃຊ້ວັກຊິນ Astrazeneca
ລັດຖະບານເຢຍລະມັນ ອະນຸຍາດໃຫ້ປະຊາຊົນອາຍຸຕໍ່າກວ່າ 60 ປີ ສາມາດສັກວັກແຊັງປ້ອງກັນໂຄວິດ-19 ຂອງແອສຕຣາເຊເນກາ/ອັອກຟອດ. ສຳນັກຂ່າວຕ່າງປະເທດລາຍງານຈາກນະຄອນຫຼວງເບີລິນ ປະເທດເຢຍລະມັນ ເມື່ອວັນສຸກ ທີ 7 ພຶດສະພາ ວ່າ ທ່ານເຢນສ໌ ສະພານ (Jens Spahn) ລັດຖະມົນຕີກະຊວງສາທາລະນະສຸກເຢຍລະມັນ ກ່າວເມື່ອວັນພະຫັດ ຜ່ານມາ ກ່ຽວກັບຜົນການປະຊຸມກັບກັບໜ່ວຍງານດ້ານສາທາລະນະສຸກ 16 ລັດ ກ່ຽວກັບໂຄງການສັກວັກແຊັງປ້ອງກັນໂຄວິດ-19 ໃນປະເທດ ແລະ ມີມະຕິຕົກລົງຮ່ວມກັນໃຫ້ຍົກເລີກຂໍ້ຈຳກັດການສັກວັກແຊັງແອສຕຣາເຊເນກາ (AstraZeneca / Oxford) ໝາຍຄວາມວ່າ ປະຊາຊົນທີ່ມີອາຍຸຕໍ່າ ກວ່າ 60 ປີ ສາມາດເລືອກສັກວັກແຊັງຍີ່ຫໍ້ດັ່ງກ່າວເປັນຕົ້ນໄປ. ຂະນະດຽວກັນ, ການສັກວັກແຊັງປ້ອງກັນໂຄວິດ-19 ຂອງແອສຕຣາເຊເນກາ ບໍ່ຈຳເປັນຕ້ອງເວັ້ນໄລຍະຫ່າງດົນເຖິງ 12 ອາທິດລະຫວ່າງຄັ້ງທຳອິດ ແລະ ຄັ້ງທີສອງ ໂດຍຜູ້ທີ່ສັກຄັ້ງທຳອິດ ສາມາດໄດ້ສັກຄັ້ງທີ 2 ພາຍໃນໄລຍະ 4 ອາທິດ. ຢ່າງໃດກໍ່ຕາມ, ແນວທາງດັ່ງກ່າວຍັງຕ້ອງໄດ້ຮັບການອະນຸມັດອີກຄັ້ງ ແຕ່ການຜ່ານມະຕິໃນຄັ້ງນີ້ ເກີດຂຶ້ນໂດຍມີສຽງວິພາກວິຈານຈາກຫຼາຍຝ່າຍສຳລັບໂຄການສັກວັກແຊັງໃນເຢຍລະມັນວ່າ “ມີຄວາມຫຼ້າຊ້າ” ແຕ່ລັດຖະບານເຢຍລະມັນກຽມຜ່ອນຄາຍມາດຕະການຄວບຄຸມທາງສັງຄົມສຳລັບປະຊາຊົນທີ່ໄດ້ວັກແຊັງຄົບ 2 ເຂັມແລ້ວ.
Read More »ພົບແລ້ວ ຊາກເຮືອດຳນ້ຳຂອງອິນໂດເນເຊຍ ທະຫານຢູ່ໃນເຮືອເສຍຊີວິດທັງໝົດ
ສຳນັກຂ່າວຕ່າງປະເທດລາຍງານວ່າ ພົນເອກ ຢູໂດ ມາກາໂນ ຜູ້ບັນຊາການກອງທັບເຮືອ ຂອງອິນໂດເນເຊຍຖະແຫຼງວ່າ: ພາບຖ່າຍຈາກກ້ອງໃນຫຸ່ນຍົນດຳນ້ຳເລິກ ພົບວ່າ ເຮືອດຳນ້ຳ Nanggala 402 ໄດ້ແຕກອອກເປັນ 3 ສ່ວນຂະໜາດໃຫຍ່ ຈົມຢູ່ໃຕ້ທະເລ ໃນລະດັບຄວາມເລິກ 838 ແມັດ ຈາກຜິວນ້ຳ ໂດຍຈຸດເຮືອຈົມ ຢູ່ຫ່າງໄປທາງທິດໃຕ້ປະມານ 1.500 ແມັດ ຈາກຈຸດພິກັດສຸດທ້າຍທີ່ເຮືອລອຍລຳຢູ່ ກ່ອນສູນຫາຍ ຂະນະເຂົ້າຮ່ວມການຝຶກຊ້ອມທາງຍຸດທະວິທີໃນທະເລທາງທິດເໜືອຂອງເກາະບາຫຼີ ເມື່ອວັນທີ 21 ເມສາ 2021. ທ່ານ ພົນເອກ ຮາດີ ທະຍາຢັນໂຕ ຜູ້ບັນຊາການທະຫານສູງສຸດຂອງອິນໂດເນເຊຍກ່າວວ່າ: ພາບຖ່າຍໃຕ້ນ້ຳທີ່ໄດ້ຮັບຢືນຢັນວ່າ ເຮືອດຳນ້ຳນັງກາລາ 402 ໄດ້ຈົມຢູ່ໃຕ້ທະເລ ແຕ່ບໍ່ແມ່ນສູນຫາຍຕາມທີ່ໃຫ້ຂ່າວໄປກ່ອນໜ້ານີ້ ແລະ ທະຫານທີ່ຢູ່ໃນເຮືອຈຳນວນ 53 ຄົນເສຍຊີວິດທັງໝົດ, ຫຸ່ນຍົນດຳນ້ຳເລິກທີ່ພົບຊາກເຮືອນັງກາລາ 402 ຈາກການບັນທຶກພາບ ເປັນຂອງເຮືອກູ້ໄພທາງທະເລຂອງ MV Swift Rescue ຂອງສິງກະໂປ. ສ່ວນເຮືອ KRI ຣີເກີ້ລ ຂອງອິນໂດເນເຊຍ ຄົ້ນຫາເຮືອດຳນ້ຳ ນັງກາລາ 402 ດ້ວຍການໃຊ້ເຄື່ອງໂຊນານ້ຳເລິກ ...
Read More »ອົງການອະນາໄມໂລກເຕືອນໂຄວິດສາຍພັນອິນເດຍລະບາດໄວກວ່າສາຍພັນອື່ນ
ອົງການອະນາໄມໂລກ (WHO) ອອກມາເຕືອນວ່າ ເຊື້ອໄວຣັສໂຄວິດ-19 ສາຍພັນອິນເດຍ (B.1.617) ມີຄວາມສາມາດແຜ່ລະບາດໄວກວ່າສາຍພັນອື່ນ ລວມທັງສາຍພັນອັງກິດ. ດ້ານກະຊວງສາທາລະນະສຸກອິນເດຍອອກຖະແຫຼງການລະບຸວ່າ: ສາຍພັນດັ່ງກ່າວອາດເຮັດໃຫ້ມີຜູ້ຕິດເຊື້ອເພີ່ມຂຶ້ນ ແລະ ເຊື້ອໄວຣັສອາດຈະຫຼຸດລອດພູມຄຸ້ມກັນຂອງຮ່າງກາຍມະນຸດ. ທັງນີ້ເຊື້ອໄວຣັສໂຄວິດ-19 ສາຍພັນອິນເດຍມີການກາຍພັນ 2 ຕຳແໜ່ງຄື: E484Q ແລະ L452R ໂດຍໃນໄລຍະຜ່ານມາ ພົບການກາຍພັນດັ່ງກ່າວແຍກໃນໄວຣັສຫຼາຍສາຍພັນ ແຕ່ພົບການກາຍພັນທັງ 2 ຕຳແໜ່ງດັ່ງກ່າວໃນໄວຣັສສາຍພັນອິນເດຍ ແລະ ພົບການກາຍພັນທີ່ໜາມໂປຣຕິນຂອງໄວຣັສ ເຮັດໃຫ້ໄວຣັສສາມາດຈັບເກາະຕາມເຊວໃນຮ່າງກາຍຂອງມະນຸດໄດ້ງ່າຍຂຶ້ນ, ສົ່ງຜົນໃຫ້ເກີດການລະບາດຢ່າງໄວວາ. ດ້ານກະຊວງສາທາລະນະສຸກອິດສະຣາແອນ ເປີດເຜີຍວ່າ: ໄດ້ກວດພົບເຊື້ອໄວຣັສໂຄວິດ-19 ສາຍພັນອິນເດຍ (B.1.617) ເປັນຄັ້ງທຳອິດໃນອິດສະຣາແອນ ໂດຍພົບຜູ້ຕິດເຊື້ອໂຄວິດ-19 ສາຍພັນດັ່ງກ່າວ 7 ຄົນທີ່ເດີນທາງມາຈາກຕ່າງປະເທດ ເຊິ່ງທັງ 7 ຄົນ ຍັງບໍ່ທັນໄດ້ສັກວັກແຊັງປ້ອງກັນໂຄວິດ-19. ແຫຼ່ງຂ່າວຈາກ: ເສດຖະກິດການຄ້າ
Read More »ອິດສະຣາແອນ ປະກາດຍົກເລີກມາດຕະການໃສ່ຜ້າອັດປາກ-ດັງ ຫຼັງຈາກປະຊາຊົນໄດ້ຮັບວັກຊີນຫຼາຍກວ່າເຄິ່ງປະເທດແລ້ວ.
ອີງຕາມຂ່າວ Times of Israel ສື່ມວນຊົນທ້ອງຖິ່ນຂອງອິດສະຣາແອນ ໄດ້ລາຍງານໃນວັນທີ 15 ເມສາ 2021 ວ່າ: ລັດຖະບານອິດສະຣາແອນປະກາດ “ຍົກເລີກມາດຕະການໃສ່ຜ້າອັດປາກ-ດັງ ໃນສະຖານທີ່ສາທາລະນະ” ເລີ່ມປະຕິບັດໃນວັນທີ 18 ເມສາ 2021 (ມື້ວານ) ເປັນຕົ້ນໄປ, ຫຼັງຈາກໄດ້ສັກວັກຊີນປ້ອງກັນພະຍາດໂຄວິດ-19 ໃຫ້ກັບປະຊາຊົນຫຼາຍກວ່າເຄິ່ງປະເທດ, ເຮັດໃຫ້ຈຳນວນຜູ້ຕິດເຊື້ອຫຼຸດລົງເຫຼືອພຽງແຕ່ຫຼັກຮ້ອຍ. ໃນຂະນະທີ່ຜູ້ຊ່ຽວຊານກ່າວວ່າ ໃນເວລານີ້ເກີດມີພາວະ “ພູມຕ້ານທານກຸ່ມ” ຂຶ້ນແລ້ວ. ທ່ານ ຢິລິ ເອເດສະຕິນ (Yuli Delstein) ລັດຖະມົນຕີກະຊວງສາທາລະນະສຸກ ອິດສະຣາແອນ ໄດ້ອອກຖະແຫຼງການໃນວັນຊາດອິດສະຣາແອນວ່າ: ໃຫ້ຢຸດຕິຂໍ້ບັງຄັບທາງດ້ານສາທາລະນະສຸກໃນການໃສ່ຜ້າອັດປາກ-ດັງ ໃນເຂດສາທາລະນະລົງ ເຊິ່ງເລີ່ມປະຕິບັດຕັ້ງແຕ່ວັນທີ 18 ເດືອນເມສາ 2021 ເປັນຕົ້ນໄປ. ເຖິງຢ່າງໃດກໍ່ຕາມ, ມາດຕະການບັງຄັບໃຫ້ໃສ່ຜ້າອັດປາກ-ດັງ ໃນສະຖານທີ່ປິດ(ບ່ອນບໍ່ມີອາກາດຖ່າຍເທ) ນັ້ນຍັງຕ້ອງປະຕິບັດຢູ່. ຫຼັງຈາກອິດສະຣາແອນ ພົບກັບການແຜ່ລະບາດຂອງພະຍາດໂຄວິດ-19 ຢ່າງຮ້າຍແຮງ ໃນຮອບທີສາມແລ້ວ, ເຮັດໃຫ້ຮູ້ທິດທາງການແກ້ໄຂສະຖານະການໄດ້ດີຂຶ້ນຢ່າງໄວ ໃນໄລຍະເດືອນທີ່ຜ່ານມາ ຫຼັງຈາກທີ່ອິດສະຣາແອນ ເປັນຜູ້ດຳເນີນໂຄງການຊັກວັກຊີນທີ່ຄິດໄລ່ຕາມອັດຕາສ່ວນປະຊາກອນໄວທີ່ສຸດໃນໂລກ ໂດຍເລືອກໃຊ້ວັກຊີນຂອງ Pfizer / BioNTech. ແຫຼ່ງຂໍ້ມູນຈາກ: https://laopost.com
Read More »ຫຼັງຈາກມີຜູ້ຕິດເຊື້ອເພີ່ມຂຶ້ນ ກຳປູເຈຍ ໄດ້ສ້າງໂຮງໝໍພາກສະໜາມ 2 ແຫ່ງເພື່ອຮັບມືກັບໂຄວິດ-19
ຕາມຂ່າວຈາກ ພະນົມເປັນ,ທ່ານ ຮຸນເຊນ,ນາຍົກລັດຖະມົນຕີ ກຳປູເຈຍ ຖະແຫລງເມື່ອບໍ່ດົນມານີ້ວ່າ: ກຳປູເຈຍ ສ້າງໂຮງໝໍພາກສະໜາມຢ່າງໜ້ອຍ 2ແຫ່ງ ໃນນະຄອນຫລວງພະນົມເປັນ ເພື່ອຮັບມືກັບການແຜ່ລະບາດ ໂຄວິດ-19 ຫລັງຈາກມີຜູ້ຕິດເຊື້ອເພີ່ມຂຶ້ນ 1.000 ກວ່າຄົນ ພາຍໃນ 2 ວັນ ແລະ ເຂັ້ມງວດການໃສ່ຜ້າອັດປາກຖ້າຫາກຜູ້ໃດບໍ່ປະຕິບັດຈະປັບໄໝສູງເຖິງ 250 ໂດລາສະຫະລັດ. ປັດຈຸບັນກຳປູເຈຍມີຜູ້ຕິດເຊື້ອສະສົມພາຍໃນປະເທດເພີ່ມຂຶ້ນເປັນ 4.081ຄົນ ແລະ ເສຍຊີວິດ 26ຄົນ. ແຫຼ່ງທີ່ມາ: ຂປລ.
Read More »ຈີນສ້າງກ້ອງໂທລະພາບວິທະຍຸຟາສທີ່ໃຫຍ່ທີ່ສຸດໃນໂລກ ແລະ ພ້ອມເປີດໃຫ້ທົ່ວໂລກໃຊ້ບໍລິການແລ້ວ
ສຳນັກຂ່າວ ຊິນຮວາຂອງ ຈີນ ລາຍງານວ່າ: ນັບແຕ່ ວັນທີ 31 ມີນາ ເປັນຕົ້ນໄປ ກ້ອງໂທລະພາບ ວິທະຍຸຟາສ (FAST) ຫລື ດວງຕາສະຫວັນຂອງ ຈີນ ທີ່ມີເສັ້ນຜ່ານສູນກາງ ເຖິງ 500 ແມັດ ໄດ້ເລີ່ມເປີດໃຫ້ນັກດາລາສາດທົ່ວໂລກຍື່ນໃບສະເໜີຂໍໄປໃຊ້ງານໄດ້ແລ້ວ. ຈີນຈະພິຈາລະນາ ບັນດາໃບສະເໜີຈາກຕ່າງປະເທດ ແລະ ຈະປະກາດຜົນການພິຈາລະນາ ໃນວັນທີ 20 ກໍລະກົດນີ້ ຫລັງຈາກນັ້ນ ຈະເປີດໃຫ້ໃຊ້ກ້ອງໂທລະພາບວິທະຍາຟາສດຳເນີນການສັງເກດໄດ້ ໃນເດືອນສິງຫາ. ກ້ອງໂທລະພາບວິທະຍຸຟາສ ຫລື ດວງຕາສະຫວັນຂອງ ຈີນ ເປັນກ້ອງໂທລະພາບວິທະຍຸ ຂະໜາດໃຫຍ່ທີ່ສຸດ ແລະ ໄວທີ່ສຸດຂອງໂລກໃນປັດຈຸບັນ, ສາມາດຮັບສັນຍານແມ່ເຫລັກໄຟຟ້າ ທີ່ຫ່າງໄກເຖິງ 10.000 ລ້ານປີແສງ. ຫລັງຈາກໄດ້ເປີດໃຫ້ບໍລິການພາຍໃນປະເທດ ເມື່ອເດືອນ ມັງກອນປີ 2020 ເປັນຕົ້ນມາ, ກ້ອງໂທລະພາບວິທະຍຸຟາສ ເປັນເຄື່ອງອຸປະກອນ ຂັ້ນພື້ນຖານ ທາງວິທະຍາສາດ ແລະ ເຕັກໂນໂລຊີທີ່ຈີນວິໄຈພັດທະນາ ແລະ ຖືຄອງຊັບສິນທາງປັນຍານັ້ນ ໄດ້ດຳເນີນງານຢ່າງໝັ້ນຄົງ, ຄົ້ນພົບແຫລ່ງພະລັງງານແມ່ເຫລັກຫລາຍກວ່າ 300 ແຫ່ງ ແລະ ໄດ້ຮັບຜົນງານສຳຄັນໃນການວິໄຈທາງດາລາສາດອີກດ້ວຍ.
Read More »ຈີນປິດຊາຍແດນດ່ວນ!!! ຫຼັງຄົນມຽນມາລັກລອບເຂົ້າຊາຍແດນຈີນ ຕິດໂຄວິດ 6 ຄົນ…
ໃນວັນທີ 31 ມີນາທີ່ຜ່ານມາ, ສໍານັກຂ່າວ (AFP) ປັກກິ່ງລາຍງານວ່າ: ເມືອງໜຶ່ງຂອງຈີນທີ່ຢູ່ໃກ້ຊາຍແດນຕິດກັບມຽນມາໄດ້ສັ່ງປິດເມືອງຊົ່ວຄາວ ຫຼັງມີລາຍງານວ່າມີຄົນມຽນມາທີ່ເປັນຜູ້ຕິດເຊື້ອໂຄວິດ-19 ຈໍານວນ 6 ຄົນ ລັກລອບເຂົ້າຊາຍແດນຈີນ. ເມືອງຣຸ່ຍລີ່ ເປັນເມືອງທີ່ມີປະຊາກອນຫຼາຍກວ່າ 210,000 ຄົນ, ໂດຍມີຄົນມຽນມາ 3 ຄົນທີ່ມີອາຍຸລະຫວ່າງ 24-28 ປີ ຖືກບັນທຶກວ່າເປັນຄົນຕິດເຊື້ອທີ່ບໍ່ສະແດງອາການ ແລະ ເມືອງຮຸ່ຍລີ່ເປັນຈຸດຜ່ານແດນທີ່ສໍາຄັນຈາກເມືອງມິວສ໌ປະເທດມຽນມາ ເຊິ່ງເປັນເມືອງທີ່ມີເຫດການບໍ່ສະຫງົບ ແລະ ນັບມື້ນັບເພີ່ມທະວີຄວາມຮຸນແຮງຂຶ້ນຕັ້ງແຕ່ທີ່ມີການຍຶດອໍານາດຂອງກອງທັບ ໃນວັນທີ 1 ກຸມພາ ເຊິ່ງອາດຈະເຮັດປະຊາຊົນມຽນມາຂ້າມຊາຍແດນເພີ່ມຂຶ້ນຫາກເກີດມີການເພີ່ມທະວີຄວາມຮຸນແຮງ. ເມື່ອວັນທີ 31 ມີນາທີ່ຜ່ານມາ ໜ່ວຍງານດ້ານສຸຂະພາບຂອງມົນທົນຢູນນານເຕືອນວ່າພວກເຂົາຈະ “ປາບປາມການລັກລອບຂ້າມຊາຍແດນທີ່ຜິດກົດໝາຍ” ຢ່າງເຂັ້ມງວດ. ນອກຈາກນີ້, ເມືອງຣຸ່ຍລີ່ຈະເລັ່ງກວດເຊື້ອປະຊາຊົນທີ່ອາໄສຢູ່ເຂດນັ້ນ ແລະ ທຸກຄົນຈະຖືກກັກຂັງບໍລິເວນຕົນເອງຢູ່ເຮືອນຂອງໃຜລາວເປັນເວລາໜຶ່ງອາທິດ. ແຫຼ່ງຂໍ້ມູນ: https://www.straitstimes.com
Read More »ຕ້ານບໍ່ໄຫວ!!! ຝຣັ່ງຕ້ອງຍົກລະດັບສູ່ການ Lockdown ທົ່ວປະເທດໃນຮອບທີ 3 ເພື່ອສະກັດກັ້ນຕ້ານໂຄວິດ-19 ຫຼັງມີຄົນເສຍຊີວິດນັບແສນຄົນ…
ວັນທີ 31 ມີນາ 2021 ທີ່ຜ່ານມາ ປະທານາທິບໍດີປະເທດຝຣັ່ງ Emmanuel Macron ໄດ້ອອກຄໍາສັ່ງໃຫ້ປະຊາຊົນທົ່ວປະເທດເລີ່ມມີການ Lockdown ຮອບທີ 3 ນັບແຕ່ວັນທີ 3 ເມສາ ເປັນຕົ້ນໄປເປັນເວລາ 1 ເດືອນ ແລະ ໂຮງຮຽນຕ່າງໆ ຕ້ອງປິດການຮຽນການສອນເປັນເວລາ 3 ອາທິດ, ໃນຂະນະທີ່ພະຍາຍາມຮັບມືກັບການແຜ່ລະບາດຂອງພະຍາດໂຄວິດ-19 ທີ່ໄດ້ສົ່ງຜົນເຮັດໃຫ້ຄົນຕິດເຊື້ອເປັນຈໍານວນຫຼາຍຈົນລົ້ນໂຮງໝໍ ແລະ ເສຍຊີວິດເກືອບແສນຄົນ. ມາດຕະການ Lockdown ຮອບໃໝ່ຂອງຝຣັ່ງໄດ້ສົ່ງຜົນເສຍຫາຍຢ່າງຫຼວງຫຼາຍ ເນື່ອງຈາກວ່າການແຈກຢາຍວັກຊີນຕ້ານໂຄວິດ-19 ມີຄວາມລ່າຊ້າ ຫ້ອງສຸກເສີນທີ່ຢູ່ຕາມໂຮງໝໍຕ່າງໆກໍກຳລັງໄດ້ຮັບຜົນກະທົບຢ່າງໜັກໜ່ວງທີ່ສຸດ ແລະ ກຳລັງເຂົ້າສູ່ຈຸດແຕກຫັກ. ຈໍານວນຄົນຕິດເຊື້ອໂຄວິດ-19 ເພີ່ມຂຶ້ນເປັນຈໍານວນຫຼາຍນັບແຕ່ເດືອນກຸມພາທີ່ຜ່ານມາຈົນຮອດປັດຈຸບັນ ສະເລ່ຍປະມານ 40,000 ຄົນຕໍ່ມື້, ສ່ວນຈໍານວນຄົນທີ່ຕິດເຊື້ອທີ່ກຳລັງປິ່ນປົວຢູ່ໃນຫ້ອງສຸກເສີນທະລຸ 5,000 ຄົນແລ້ວ, ເປັນຈໍານວນຜູ້ຕິດເຊື້ອທີ່ສູງທີ່ສຸດຕັ້ງແຕ່ມີການປະກາດ Lockdown ຄັ້ງກ່ອນ. ຄໍາສັ່ງ Lockdown ຮອບໃໝ່ສ່ຽງຕໍ່ການຟື້ນຟູທາງດ້ານເສດຖະກິດຂອງຝຣັ່ງຢ່າງໜັກ ໂດຍມາດຕະການດັ່ງກ່າວຈະສັ່ງໃຫ້ບັນດາຫົວໜ່ວຍທຸລະກິດຕ່າງໆປິດຊົ່ວຄາວຫຼາຍກວ່າ 150,000 ແຫ່ງ. ທ່ານ Macron ຍັງກ່າວຕື່ມວ່າ ມາດຕະການ Lockdown ເດືອນເມສານີ້ ແລະ ການຍົກລະດັບຄວາມໄວຂອງໂຄງການສັກວັກຊີນຈະເປີດທາງໃຫ້ເສດຖະກິດຂອງປະເທດກັບມາຟື້ນຕົວໄວ ...
Read More »ຈີນ ຜະລິດວັກຊິນຕ້ານໂຄວິດ-19 ໄດ້ວັນລະ 5 ລ້ານໂດສ
ອ້າງຕາມຂ່າວ ປັກກິ່ງຂອງ ຈີນ, ວັນທີ 24 ເດືອນມີນາ, ທ່ານສຽວຫຍາ ລັດຖະມົນຕີ ອຸດສາຫະກຳ ແລະ ເຕັກໂນໂລຊີສື່ສານລະບຸວ່າການຜະລິດວັກຊິນປ້ອງກັນການຕິດເຊື້ອພະຍາດ ໂຄວິດ-19 ຂອງ ຈີນໄດ້ເພີ່ມຂື້ນເປັນວັນລະ 5 ລ້ານໂດສ ເຊິ່ງເປັນການເພີ່ມຂຶ້ນຫລາຍກວ່າ 3 ເທົ່າເມື່ອທຽບໃສ່ປະລິມານການຜະລິດລາຍວັນ. ໃນວັນທີ 1 ກຸມພາ ທີ່ຜ່ານມາຜະລິດໄດ້ວັນລະ 1,5 ລ້ານຫລອດ. ປັດຈຸບັນ, ຈີນຜະລິດວັກຊິນໃຊ້ພາຍໃນປະເທດຫລາຍກວ່າ 100 ລ້ານໂດສ, http://kpl.gov.la/detail.aspx?id=58488
Read More »