ວັກຊີນ Sinopharm ຖືກຮັບຮອງຈາກອົງການອະນາໄມໂລກຢ່າງເປັນທາງການແລ້ວ!!!

ວັນທີ 07 ພຶດສະພາ 2021, ອົງການອະນາໄມໂລກ (WHO) ໄດ້ອອກຖະແຫລງການຮັບຮອງການນຳໃຊ້ວັກຊີນກັນພະຍາດໂຄວິດ-19 Sinopharm ຈາກບໍລິສັດສັນຊາດຈີນ ຢ່າງເປັນທາງການ

Sinopharm ເປັນວັກຊີນທີ່ເຮັດຈາກເຊື້ອຕາຍ (Inactivated Vaccine) ຕົວທຳອິດທີ່ຖືກຜະລິດໃນເອເຊຍ ແລະ ກ່ອນໜ້າຈະມີການຮັບຮອງຈາກ WHO, ແມ່ນໄດ້ມີການນຳໃຊ້ໃນຫລາຍໆປະເທດທົ່ວໂລກ ເຊັ່ນ: ປະເທດແຖວທະວີບແອຟຣິກາ, ລາຕິນອາເມຣິກາ ແລະ ຫລາຍປະເທດໃນເອເຊຍ ລວມທັງ ສປປ ລາວ ເຮົາ

ການຢືນຢັນການນຳໃຊ້ວັກຊີນກັນພະຍາດ COVID-19 ຂອງ WHO ມີຄວາມຫມາຍຄວາມສຳຄັນຢູ່ບ່ອນວ່າ ວັກຊີນກັນພະຍາດຕົວນັ້ນໆ ຫລັງຈາກໄດ້ຜ່ານການກວດສອບແລ້ວ ພົບວ່າ ມີປະສິດທິພາບ ແລະ ຄວາມປອດໄພ.

ທ່ານ Tedros Adhanom Ghebreyesus, ຜູ້ອຳນວຍການໃຫຍ່ຂອງ WHO, ຍັງໄດ້ໃຫ້ຂໍ້ມູນວ່າ: “ການຮັບຮອງຄັ້ງນີ້ຈະຊ່ວຍໃຫ້ຫລາຍໆປະເທດທີ່ມີການນຳໃຊ້ວັກຊີນ Sinopharm ກ່ອນໜ້ານີ້ແລ້ວມີຄວາມຫມັ້ນໃຈຫລາຍຂຶ້ນ”

ສຳລັບວັກຊີນກັນພະຍາດ ໂຄວິດ-19 ທີ່ທາງ WHO ໄດ້ມີການຢືນຢັນໃຫ້ນຳໃຊ້ໄດ້ ທັງຫມົດມີດັ່ງນີ້:ວັກຊີນຈາກ Pfizer-BioNTechວັກຊີນຈາກ AstraZenecaວັກຊີນຈາກ Johnson & Johnsonວັກຊີນຈາກ Modernaວັກຊີນຈາກ Sinopharm

ຂໍ້ມູນອ້າງອີງ: https://bbc.in/33nK1mH, InsideLaos

Comments