ພິທີເປີດໂຄງການສະໜັບສະໜູນຈາກສະຫະພາບເອີຣົບ ໃນການຕອບໂຕ້ການລະບາດຂອງພະຍາດໂຄວິດ19 ຢູ່ ສປປ ລາວ ຈັດຂຶ້ນຕອນບ່າຍວັນທີ 17 ມິນາ 2021 ທີ່ໂຮງແຮມຄຣາວພລາຊາ ນະຄອນຫລວງວຽງຈັນ ໂດຍການເຂົ້າຮ່ວມຂອງທ່ານພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ທ່ານນາງອີນາມາຈູລໍນີແຕ ເອກອັກຄະລັດຖະທູດສະຫະພາບເອີຣົບປະຈໍາ ສປປ ລາວ ແລະທ່ານ ດຣ. ມາກເຈຄອບສ໌. ຜູ້ຕາງໜ້າອົງການອະນາໄມໂລກປະຈໍາສປປລາວ ພ້ອມດ້ວຍພາກສ່ວນກ່ຽວຂ້ອງ. ທ່ານ ຮສ. ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກກ່າວໃນພິທີວ່າ: “ພວກເຮົາມີຄວາມຍິນດີເປັນຢ່າງສູງທີ່ຈະສືບຕໍ່ຮ່ວມເຮັດວຽກກັບສະຫະພາບເອີຣົບ ແລະອົງການອະນາໄມໂລກ ເນື່ອງຈາກວ່າທັງສອງລ້ວນແລ້ວແຕ່ແມ່ນຄູ່ຮ່ວມມືທີ່ສຳຄັນໃນໄລຍະການແຜ່ລະບາດຂອງພະຍາດໂຄວິດ-19. ພວກເຮົາພ້ອມແລ້ວທີ່ຈະເຮັດວຽກຮ່ວມກັນໃນການເສີມສ້າງແນວທາງການຮ່ວມມືໃນພາກພື້ນເພື່ອຍົກສູງສະມາຄົມອາຊຽນໃຫ້ເຂັ້ມແຂງຍິ່ງຂື້ນກວ່າເກົ່າໂດຍຄຽງຄູ່ໄປກັບການຟື້ນຟູຈາກການລະບາດຂອງພະຍາດດັ່ງກ່າວ. . ທ່ານນາງອີນາມາຈູລໍນີແຕ ເອກອັກຄະລັດຖະທູດສະຫະພາບເອີຣົບປະຈໍາສປປລາວ ກ່າວວ່າ: “ເພື່ອແກ້ໄຂຜົນກະທົບດ້ານສຸຂະພາບແລະເສດຖະກິດ-ສັງຄົມທີ່ໄດ້ຮັບຈາກການລະບາດດັ່ງກ່າວນີ້, ສະຫະພາບເອີຣົບໄດ້ຈັດຕັ້ງແຜນງານຄືນໃໝ່ເພື່ອສຸມໃສ່ການເພີ່ມທະວີການຮ່ວມມືໃນພາກພື້ນເພື່ອໃຫ້ສາມາດເຂົ້າເຖິງຂໍ້ມູນຂ່າວສານ, ອຸປະກອນ ແລະວັກຊີນເຊິ່ງເປັນສິ່ງຈຳເປັນຢ່າງຍິ່ງຕໍ່ການເອົາຊະນະວິກິດການໃນຄັ້ງນີ້. ພວກເຮົາທຸກຄົນລ້ວນແຕ່ມີສ່ວນຮ່ວມໃນການຕໍ່ສູ້ກັບບັນຫາດັ່ງກ່າວ ແລະໃນຖານະທີ່ເປັນຄູ່ຮ່ວມມືພວກເຮົາຫວັງຢາກໃຫ້ທຸກຄົນເຂັ້ມແຂງກ້າວໄປຂ້າງໜ້າພ້ອມໆກັນ. ບັນດາບຸລິມະສິດຂອງໂຄງການນີ້ແມ່ນສອດຄ່ອງກັບແຜນຍຸດທະສາດເພື່ອການກຽມຄວາມພ້ອມ ແລະຕອບໂຕ້ດ້ານສຸຂະພາບແຫ່ງຊາດປີ 2020-2025. ເຊິ່ງຈະລວມເອົາບູລິມະສິດດ້ານການສືບຕໍ່ຮັບປະກັນການກວດພົບກໍລະນີຕິດເຊື້ອພະຍາດໂຄວິດ-19 ແຕ່ທໍາອິດໂດຍການສ້າງຄວາມເຂັ້ມແຂງໃຫ້ແກ່ຈຸດເຂົ້າອອກປະເທດ, ສູນປະຕິບັດງານສຸກເສີນໃນລະດັບສູນກາງ ແລະຂັ້ນແຂວງ; ກຽມພ້ອມຮັບມືໃນສູນຈໍາກັດບໍລິເວນ ແລະສະຖານທີ່ໃຫ້ບໍລິການດ້ານສາທາລະນະສຸກ, ເພີ່ມຄວາມອາດສາມາດໃນການປ້ອງກັນ ແລະຄວບຄຸມການຕິດເຊື້ອ (IPC); ນໍ້າ, ສຸຂາພິບານ ແລະສຸຂະອະນາໄມ (WASH) ແລະການຄຸ້ມຄອງຈັດການສິ່ງເສດເຫຼືອ. ...
Read More »ຂ່າວ ຕ່າງປະເທດ
ຈີນເລັ່ງພັດທະນາລະບົບ AI ເພື່ອຫວັງເປັນຜູ້ນໍາທາງດ້ານເຕັກໂນໂລຊີຂອງໂລກ
ປັດຈຸບັນນີ້ ຖ້າປະເທດໃດໜຶ່ງສາມາດພັດທະນາເຕັກໂນໂລຊີໄດ້ຫຼາຍກວ່າປະເທດອື່ນໆ ກໍອາດເວົ້າໄດ້ວ່າສາມາດທີ່ຈະເປັນຜູ້ນຳໂລກຂອງເລີຍກໍວ່າໄດ້. ເຫັນໄດ້ວ່າ ປະເທດຈີນ ກໍເປັນອີກໜຶ່ງປະເທດທີ່ກຳລັງມາແຮງໃນເລື່ອງຂອງເຕັກໂນໂລຊີໃໝ່ ແລະ ກຳລັງເປັນທີ່ພຶງພໍໃຈຂອງຜູ້ບໍລິໂພກທົ່ວໂລກ ບໍ່ວ່າຈະເປັນສິນຄ້າ Computer, Note book, ໂທລະສັບມືຖື ແລະ ເຄື່ອງໄຟຟ້າອື່ນໆ. ເຖິງຢ່າງກໍຕາມ ໃນຊ່ວງໄລຍະທີ່ຜ່ານມາ ເສດຖະກິດຂອງປະເທດຈີນກໍໄດ້ຮັບຜົນກະທົບຢ່າງຫຼວງຫຼາຍຈາກນະໂຍບາຍກີດກັ້ນການຄ້າຂອງສະຫະລັດ ອາເມລິກາ ຈຶ່ງເປັນສາເຫດໃຫ້ຈີນ ຕ້ອງວາງແຜນຍຸດທະສາດໃດໜຶ່ງເພື່ອຫຼຸດຜ່ອນຜົນກະທົບຈາກສົງຄາມການຄ້າດັ່ງກ່າວ. ຫຼ້າສຸດ Wall Street Journal ລາຍງານວ່າ: ລັດຖະບານຈີນ ປະຊຸມປະຈຳປີກ່ຽວກັບ ຮ່າງແຜນການໃຫຍ່ 5 ປີ ຕັ້ງເປົ້າໝາຍເປັນຜູ້ນຳເຕັກໂນໂລຊີເພື່ອພັດທະນະປະເທດ ແລະ ຮັກສາຄວາມໝັ້ນຄົງໂດຍລວມ ເພາະຈີນໄດ້ຕັ້ງໃຈສ້າງຫ້ອງທອງລອງ, ລົງທຶນໃນການວິໄຈ AI, ຜະລິດຊິບເຊມີຄອນດັກເຕີ, ຄວັນຕຳຄອມພິວເຕີ ແລະ ອື່ນໆ. ໂດຍອີງຕາມການລາຍງານ ໄດ້ລະບຸວ່າຈະເພີ່ມເງິນລົງທຶນພັດທະນາການວິໄຈກວ່າ 7% ທຸກປີ ຕິດຕໍ່ກັນ 5 ປີໄປຈົນເຖິງປີ 2025 ນາຍົກລັດຖະມົນຕີ ລີ່ເຄີສຽງ ຍັງກ່າວຕື່ມອີກວ່າ ຈີນຈະແກ້ໄຂນະໂຍບາຍເພື່ອສະໜັບສະໜູນການໄຫຼວຽນຂອງເງິນລົງທຶນໃນບັນດາ Start Up ເກີດໃໝ່ ປ່ອຍກູ້ເງິນງ່າຍຂຶ້ນ ແລະ ເພີ່ມຜົນປະໂຫຍດການວິໄຈ ແລະ ...
Read More »ຈີນ ແລະ ລັດເຊຍ ຮ່ວມມືກັນສ້າງສະຖານີວິໄຈດວງຈັນ
ຈີນ ແລະ ລັດເຊຍຕ່າງກໍເປັນປະເທດທີ່ກຳລັງເລັ່ງໃສ່ການພັດທະນາເຕັກໂນໂລຊີ ເພື່ອທີ່ຈະເອົາຊະນະຄູ່ແຂ່ງຄົນດຽວກັນກໍຄືອາເມລິກາ ແລະ ປັດຈຸບັນທັງສອງປະເທດໄດ້ຈັບມືກັນສ້າງສະຖານີດວງຈັນໄປແລ້ວ. ສຳນັກຂ່າວ The Associated Press ລາຍງານວ່າ: ຈີນ ແລະ ລັດເຊຍຈະຮ່ວມກັນສ້າງສະຖານີດວງຈັນ ໂດຍອາດຈະສ້າງເທິງພື້ນຜິວດວງຈັນ ຖືເປັນການເລີ່ມຕົ້ນຍຸກໃໝ່ຂອງການຮ່ວມມືທາງອາກາດລະຫວ່າງ 2 ປະເທດ. ນອກຈາກນີ້, ເວັບໄຊທ໌ຂອງອົງການອາວະກາດແຫ່ງຊາດຈີນໄດ້ຖະແຫຼງວ່າ: ສະຖານີຄົ້ນຄວ້າດວງຈັນຍັງຈະເປີດໃຫ້ປະເທດອື່ນໄປພ້ອມ, ເຖິງຢ່າງໃດກໍຕາມໃນໄລຍະເວລາການກໍ່ສ້າງຍັງບໍ່ທັນໄດ້ເປີດເຜີຍເທື່ອ. ກ່ອນໜ້ານີ້, ຈີນໄດ້ນຳເອົາສະຖານີອາວະກາດທົດລອງຢູ່ 2 ແຫ່ງຂຶ້ນສູ່ອາວະກາດ. ພ້ອມຍັງໄດ້ນຳຍານອາວະກາດຂຶ້ນເພື່ອສຳຫຼວດດວງຈັນໃນບໍລິເວນທີ່ບໍ່ເຄີຍຄົ້ນພົບເຫັນກ່ອນໃນປີ 2019 ແລະ ນຳຍານອາວະກາດ tianwan-1 ເຂົ້າໄປໃນວົງໂຄຈອນທີ່ພັກຜ່ອນຂອງດາວອັງຄານ ໂດຍຄາດການວ່າຍານຈະລົງສູ່ພື້ນຜິວຂອງດາວອັງຄານໃນເດືອນໜ້ານີ້. ເຊິ່ງຖ້າຫາກປະສົບຜົນສຳເລັດ ຈີນຈະເປັນປະເທດທີສອງຂອງການສຳຫຼວດໄປດາວອັງຄານຫລັງຈາກສະຫະລັດອາເມລິກາເຄີຍໄປມາເປັນປະເທດທໍາອິດຂອງໂລກ. ແຫຼ່ງທີ່ມາ: https://www.sanook.com/hitech/1524745/ , Mobiletalk.tv
Read More »ອາຊຽນຕັ້ງເປົ້າໝາຍຟື້ນຟູເສດຖະກິດສູ່ລະດັບກ່ອນເກີດວິກິດໂຄວິດ-19
ປີ 2021 ບັນດາປະເທດໃນອາຊີຕາເວັນອອກສ່ຽງໃຕ້ (ອາຊຽນ) ໄດ້ຕັ້ງເປົ້າໝາຍການຟື້ນຟູເສດຖະກິດສູ່ລະດັບກ່ອນເກີດວິກິດການແຜ່ລະບາດຂອງພະຍາດໂຄວິດ-19 ທີ່ຖ່ວງດຶງໃຫ້ເສດຖະກິດຖົດຖອຍລົງເປັນປະຫວັດສາດ ຊຶ່ງມີຫຼາຍປັດໄຈອາດຈະເຮັດໃຫ້ເສດຖະກິດຟື້ນຟູໄດ້ ແຕ່ກໍຍັງມີຄວາມສ່ຽງຢູ່ຫຼາຍເຊັ່ນດຽວກັນ. ອີງຕາມການລາຍງານຂອງເວບໄຊແຊນແນວນິວອາຊີ ໄດ້ເຜີຍແຜ່ບົດລາຍງານຂອງກະຊວງການຄ້າ ແລະ ອຸດສາຫະກຳສິງກະໂປ ຊຶ່ງໄດ້ຄາດຄະເນໂຕເລກລວມຍອດຜະລິດຕະພັນພາຍໃນປະເທດ (GDP) ປະຈຳປີ 2021 ຢູ່ໃນລະດັບ 4%-6%. ເສດຖະກິດພາຍໃນປະເທດປີ 2020 ຫຼຸດລົງ 5,4% ດີ ກວ່າທີ່ເຄີຍຄາດຄະເນໄວ້ໃນລະດັບ -5,8% ແລະ ເໜືອກວ່າການຄາດຄະເນຂອງລັດຖະບານ -6% ເຖິງ -6,5% ຖືວ່າເປັນປີທີ່ເສດຖະກິດສິງກະໂປ ຫຼຸດລົງເປັນຄັ້ງທຳອິດ ນັບຕັ້ງແຕ່ປີ 2001 ແລະ ຖົດຖອຍໜັກທີ່ສຸດ ນັບຕັ້ງແຕ່ປະກາດເອກະລາດ. ເມື່ອກາງເດືອນກຸມພາທີ່ຜ່ານມາ, ທ່ານ ລີຊຽນລຸງ ນາຍົກລັດຖະມົນຕີສິງກະໂປ ກ່າວວ່າ: ເສດຖະກິດສິງກະໂປ ຈຳນວນຫຼາຍຈະປັບຕົວດີຂຶ້ນໃນປີ 2021, ແຕ່ບາງພາກສ່ວນເຊັ່ນ: ການຂົນສົ່ງ, ການທ່ອງທ່ຽວ ແລະ ການບິນອາດ ຈະຕ້ອງໃຊ້ເວລາດົນກວ່ານີ້. ເວບໄຊນິກເຄອິລາຍງານວ່າ: ສິງກະໂປ ຄວບຄຸມການແຜ່ລະບາດພະຍາດໂຄວິດ-19 ໄວ້ໄດ້ເປັນສ່ວນໃຫຍ່ ອີກທັງຍັງຕັ້ງເປົ້າໝາຍສີດວັກຊິນໃຫ້ແກ່ຜູ້ໃຫຍ່ທຸກຄົນພາຍໃນເດືອນກັນຍາປີນີ້. ການສົ່ງອອກສິນຄ້າເອເລັກໂຕຣນິກເພີ່ມຂຶ້ນ ເມື່ອບໍ່ດົນມານີ້ຖືວ່າ: ເປັນອີກໜຶ່ງສັນຍານບວກ. ເຖິງແມ່ນວ່າຂໍ້ຈຳກັດການເດີນທາງທີ່ບັງຄັບໃຊ້ມາດຕະການມາດົນນານຍັງຄົງສົ່ງຜົນຕໍ່ເສດຖະກິດ. ...
Read More »ຈີນຕ້ອງການໃຫ້ນັກບິນອາວະກາດຢູ່ເທິງດວງຈັນໄລຍະຍາວ
ອ້າງຕາມຂ່າວ ປັກກິງຂອງ ຈີນ, ວັນທີ 14 ເດືອນມີນາທີ່ຜ່ານມາ, ສື່ຂອງຈີນລາຍງານວ່າເມື່ອຈີນ ສາມາດຈັດຕັ້ງສະຖານີວິໄຈຢູ່ເທິງດວງຈັນໄດ້ຮຽບຮ້ອຍແລ້ວ, ຈີນຈະໃຫ້ນັກບິນອາວະກາດ ປະຕິບັດໜ້າທີ່ຢູ່ເທິງດວງຈັນເປັນໄລະຍາວເພື່ອສຶກສາຄົ້ນຄ້ວາ, ທົດລອງທາງວິທະຍາສາດ. ທ່ານອູ່ ເຫວີຍຫລິນ ຫົວໜ້າເຈົ້າໜ໊າທີ່ອອກແບບຂອງ ໂຄງການສຳຫລວດດາວຈັນຂອງຈີນ ກ່າວວ່າ: ຖ້າຫາກໂຄງການສະຖານີສຳຫລວດດວງຈັນສາມາດຈັດຕັ້ງໄດ້ສຳເລັດ, ຈີນຈະສົ່ງມະນຸດຂຶ້ນໄປເທິງດວງຈັນ. http://kpl.gov.la/detail.aspx?id=58237 ຂປລ.
Read More »ສິງກະໂປ ດຳເນີນມາດຕະການດຶງດູດການລົງທຶນຈາກຕ່າງປະເທດ
ຕາມເວັບໄຊ ສເຕຣດ ທາມ(Straits Times),ວັນທີ15ມີນານີ້, ສິງກະໂປພວມດຳເນີນມາດຕະການ ດຶງດູດການລົງທຶນຈາກຕ່າງປະເທດໃນຖານະເປັນຕະຫລາດເສລີເກັບພາສີໃນອັດຕາຕ່ຳ ເຮັດໃຫ້ໃນໄລຍະເກີດການແຜ່ລະບາດ ໂຄວິດ-19 ບັນດານັກລົງທຶນຕ່າງປະເທດ ແລະ ບໍລິສັດ ຄຸ້ມຄອງຊັບສິນຂອງຕ່າງປະເທດຫັນມາລົງທຶນໃນປະເທດເພີ່ມຂຶ້ນໂດຍເສດຖີອາຊີມີຊັບສິນທັງໝົດ 22,2 ພັນຕື້ ໂດລາສະຫະລັດໃນປີ2019 ຫລາຍກວ່າອາເມລິກາເໜືອ, ສ.ອາເມລິກາ ແລະ ເອີຣົບ. ຂະນະທີ່ໃນສິງກະໂປບັນດານັກລົງທຶນທີ່ໝັ້ນຄົງຕ່າງໄດ້ຮັບການຕ້ອນຮັບຢ່າງອົບອຸ່ນບັນດາສະຖາບັນການເງິນເລັ່ງຂະຫຍາຍການບໍລິການທາງການເງິນ ແລະ ລັດຖະບານສິງກະໂປເລັ່ງເຮັດວຽກເພື່ອແນະນຳບັນດາກອບງານໃໝ່ທີ່ຊ່ວຍອຳນວຍຄວາມສະດວກແກ່ກອງທຶນຕ່າງໆ ທີ່ຕ້ອງການເຂົ້າມາລົງທຶນໃນປະເທດນີ້ ຂປລ.
Read More »ເປັນຄັ້ງທຳອິດທີ່ປະເທດບຣາຊິນ ມີຜູ້ເສຍຊີວິດຈາກໂຄວິດ-19 ຈໍານວນ 2.000 ກວ່າຄົນພາຍໃນມື້ດຽວ
ຕາມຂ່າວຈາກ ບຣາຊິນ, ເມື່ອບໍ່ດົນມານີ້ກະຊວງສາທາລະນະສຸກຂອງບຣາຊິນລາຍງານວ່າ: ສະຖິຕິຕົວເລກເສຍຊີວິດ ໂຄວິດ-19 ໃນຮອບ 24 ຊົ່ວໂມງຂອງ ວັນພຸດ 10 ມີນາ ຜ່ານມາ ໃນບຣາຊິນລວມມີ 2.286ຄົນ ນັບເປັນຄັ້ງທຳອິດຕັ້ງແຕ່ຜະເຊີນກັບການແຜ່ລະບາດເມື່ອເດືອນເມສາປີກາຍນີ້. ຂະນະທີ່ຈຳນວນຜູ້ເສຍຊີວິດໃນຮອບລາຍວັນລ້າສຸດເຮັດໃຫ້ສະຖິຕິສະສົມຂອງຜູ້ເສຍຊີວິດຈາກໂຄວິດ-19 ໃນບຣາຊິນເພີ່ມເປັນຢ່າງໜ້ອຍ 270.656ຄົນ ຫລາຍທີ່ສຸດໃນທະວີບອາເມລິກາໃຕ້ ແລະ ເປັນອັນດັບ 2 ຂອງໂລກ ຮອງຈາກ ສ.ອາເມລິກາ. ສ່ວນຜູ້ຕິດເຊື້ອລາຍວັນເພີ່ມຂຶ້ນ 79.876ຄົນ ເຮັດໃຫ້ເພີ່ມຈຳນວນຜູ້ຕິດເຊື້ອສະສົມຈາກໂຄວິດ-19 ໃນບຣາຊິນມາເປັນ 11,2 ລ້ານກວ່າຄົນ ຫລາຍທີ່ສຸດໃນພາກພື້ນ ແລະ ເປັນອັນດັບ 3 ຂອງໂລກຮອງຈາກ ສ.ອາເມລິກາ ແລະ ອິນເດຍ. ຂປລ.
Read More »ຄົນທົ່ວໂລກເຊື່ອໝັ້ນວັກຊິນຕ້ານໂຄວິດ-19 ຫຼາຍຂຶ້ນ
ຂ່າວຕ່າງປະເທດລາຍງານ ເມື່ອບໍ່ດົນມານີ້, ອິມພີຣຽວ ຄອນເລດ ລອນດອນ ຂອງອັງກິດ ໄດ້ເປີດເຜີຍຜົນການສຳຫຼວດ ໂດຍຊີ້ໃຫ້ເຫັນວ່າ: ປະຊາຊົນທົ່ວໂລກ ມີຄວາມເຊື່ອໝັ້ນຫຼາຍຂຶ້ນ ທີ່ຈະສີດວັກຊິນປ້ອງກັນພະຍາດໂຄວິດ-19. ຂະນະທີ່ມີປະຊາຊົນຈຳນວນຫຼາຍຂຶ້ນເຂົ້າຮັບການສີດວັກຊິນນັບຕັ້ງແຕ່ເດືອນພະຈິກ 2020 ທີ່ຜ່ານມາ. ຕາມຜົນການສຳຫຼວດຫຼ້າສຸດ ຊຶ່ງຄວບຄຸມເຖິງປະຊາຊົນປະມານ 500-1.000 ຄົນ ໃນ 14 ປະເທດ ລວມເຖິງຍີ່ປຸ່ນ, ອັງກິດ, ຝຣັ່ງ ແລະ ສ.ເກົາຫຼີ ຜູ້ຕອບແບບສຳຫຼວດໄດ້ຖືກຖາມວ່າ: ພວກເຂົາພໍໃຈທີ່ຈະສີດວັກຊິນປ້ອງກັນພະຍາດໂຄວິດ-19, ປະຊາຊົນອັງກິດ ສະແດງຄວາມເຊື່ອໝັ້ນສູງສຸດ ໂດຍ 77% ຂອງຜູ້ຕອບແບບສຳຫຼວດພໍໃຈຫຼາຍທີ່ຈະສີດວັກຊິນປ້ອງກັນພະຍາດໂຄວິດ-19, ຮອງລົງມາໄດ້ແກ່ປະຊາຊົນໃນດານມາກ ກວມປະມານ 70% ລະບຸວ່າ: ພໍໃຈທີ່ຈະສີດວັກຊິນ. ສ່ວນປະຊາຊົນໃນຍີ່ປຸ່ນ ແລະ ສິງກະໂປ ປະມານ 48% ລະບຸວ່າ: ພໍໃຈທີ່ຈະສີດວັກຊິນ. ຂະນະທີ່ມີປະຊາຊົນໃນຝຣັ່ງ 40% ພໍໃຈທີ່ຈະສີດວັກຊິນປ້ອງກັນພະຍາດໂຄວິດ-19. ອັດຕາສ່ວນໂດຍລວມຂອງຜູ້ທີ່ລະບຸວ່າ: ຕ້ອງການທີ່ຈະສີດວັກຊິນກວມ 58%, ເພີ່ມຂຶ້ນ 17% ຈາກເດືອນພະຈິກທີ່ຜ່ານມາ ຊຶ່ງເລີ່ມມີການສຳຫຼວດເປັນຄັ້ງທຳອິດ. ຂະນະດຽວກັນ, ຜູ້ຕອບແບບສຳຫຼວດ 45% ລະບຸວ່າ: ພວກເຂົາມີຄວາມກັງວົນຫຼາຍກ່ຽວກັບຜົນຂ້າງຄຽງທີ່ອາດຈະເກີດຂຶ້ນຈາກການສີດວັກຊິນປ້ອງກັນພະຍາດໂຄວິດ-19. ...
Read More »ສ.ອາເມລິກາ ຈະລົງນາມແຜນກະຕຸ້ນເສດຖະກິດ 1,9 ພັນຕື້ໂດລາສະຫະລັດ
ຕາມຂ່າວຈາກ ວໍຊີງຕັນ, ທ່ານ ໂຈ ໄບເດນ,ປະທານາທິບໍດີ ສ. ອາເມລິກາ ຈະບັງຄັບໃຊ້ແຜນກະຕຸ້ນເສດຖະກິດ ໃນວັນທີ 12 ມີນານີ້ ຫລັງຈາກສະມາຊິກສະພາ ສ.ອາເມລິກາ ຜ່ານມະຕິ ດ້ວຍຄະແນນສຽງ 220 ຕໍ່ 211 ຜ່ານຮ່າງກົດໝາຍກະຕຸ້ນເສດຖະກິດສະບັບທີ່ 6 ທີ່ມີຊື່ວ່າ “American Rescue Plan Act of 2021” ກວມເອົາການຈັດສັນງົບປະມານ 400 ຕື້ໂດລາ ສະຫະລັດເພື່ອແຈກຢາຍໃຫ້ກັບຊາວອາເມລິກາໂດຍກົງຄົນລະ 1.400 ໂດລາສະຫະລັດ, ໃຫ້ເງິນຊ່ວຍເຫລືອບັນດາລັດ ແລະ ລັດຖະບານກາງ ໃນວົງເງິນ 3,50 ຕື້ໂດລາສະຫະລັດ, ຈັດສັນງົບປະມານເພື່ອຮັບມືກັບການແຜ່ລະບາດຂອງໂຄວິດ-19 ແລະ ຂະຫຍາຍໂຄງການຊ່ວຍເຫລືອຄົນວ່າງງານອາທິດລະ 300 ໂດລາສະຫະລັດຕໍ່ຄົນຈົນເຖິງເດືອນກັນຍາປີນີ້. ປັດຈຸບັນ ສ.ອາເມລິກາ ມີຜູ້ຕິດເຊື້ອ ໂຄວິດ-19 ເກືອບ30 ລ້ານ ຄົນ ແລະ ເສຍຊີວິດ 540.640 ຄົນ ຕິດເປັນ ອັນດັບໜຶ່ງ ຂອງໂລກ ຂປລ.
Read More »ລາຄາອາຫານໂລກ ເພີ່ມຂື້ນຢ່າງຕໍ່ເນື່ອງ
ສຳນັກຂ່າວ ຊິນຮວາຂອງຈີນ, ອົງການອາຫານ ແລະ ກະສິກຳແຫ່ງສະຫະປະຊາຊາດລາຍງານ ວ່າ: ເມື່ອເດືອນກຸມພາ ຜ່ານມາ, ລາຄາອາຫານໂລກໄດ້ເພີ່ມຂຶ້ນຢ່າງຕໍ່ເນື່ອງ ເປັນເດືອນທີ 9 ໂດຍສະເພາະດັດສະນີລາຄາອາຫານ ລວມມີ 116 ຈຸດ, ເພີ່ມຂຶ້ນ 26,5% ເມື່ອທຽບໃສ່ ໄລຍະດຽວກັນຂອງປີ 2019. ໃນນັ້ນລາຄານ້ຳຕານບໍລິໂພກເພີ່ມຂຶ້ນຫລາຍກວ່າ 6,4%, ລາຄານ້ຳມັນພືດ ເພີ່ມຂື້ນ 6,2% ເປັນຕົວເລກສູງສຸດ ນັບແຕ່ ເດືອນເມສາປີ 2012 ເປັນຕົ້ນມາ. ສ່ວນດັດສະນີລາຄາຜະລິດຕະພັນນົມ, ທັນຍາພືດ ແລະ ຊີ້ນສັດຕ່າງໆເພີ່ມຂຶ້ນຫລາຍກວ່າ 1,7%, 1,2% ແລະ 0,6% ຕາມລຳດັບ. ນອກຈາກນັ້ນ, ອົງການດັ່ງກ່າວຍັງໄດ້ປັບເພີ່ມປະລິມານການຜະລິດທັນຍາພືດໂລກ ໃນປີ 2020 ໃຫ້ເປັນ 2.761 ລ້ານໂຕນ, ເພີ່ມຂຶ້ນ 1,9% ເມື່ອທຽບໃສ່ປີ 2019. ຄາດວ່າ: ການຜະລິດເຂົ້າ, ສາລີ ຂອງ ໂລກ ໃນປີ 2021 ຈະເພີ່ມຂຶ້ນຢ່າງຕໍ່ເນື່ອງເປັນປີທີ 3 ແລະ ...
Read More »