General

ສປ. ຈີນ ຫ້າມ ແລະ ຈຳກັດການສົ່ງອອກສິນຄ້າ

ຕາມການລາຍງານຂອງສຳນັກຂ່າວຊິນຮວາ ໃຫ້ຮູ້ວ່າ: ກະຊວງການຄ້າຂອງ ສປ ຈີນ ໄດ້ອອກຖະແຫຼງການເຜີຍແຜ່ລົງເວັບໄຊຂອງກະຊວງການຄ້າ, ກະຊວງວິທະຍາສາດ ແລະ ເຕັກໂນໂລຊີວ່າ ຈີນໄດ້ຂຶ້ນບັນຊີສິນຄ້າເຕັກໂນໂລຊີຫ້າມສົ່ງອອກ 4 ລາຍການໄດ້ແກ່: ເຕັກໂນໂລຊີປຸ໋ຍຈຸລິນຊີ, ເຕັກໂນໂລຊີການຜະລິດກະເຟອິນ, ເຕັກໂນໂລຊີການຜະລິດໄຮໂບຟຣາວິນ, ເຕັກໂນໂລຊີການໝັກໃນຜະລິດຕະພັນວິຕາມິນ ນອກຈາກນີ້, ຍັງມີເຕັກໂນໂລຊີຈຳກັດການສົ່ງອອກ 5 ລາຍການໄດ້ແກ່: ເຕັກໂນໂລຊີວັກແຊັງປ້ອງກັນພະຍາດນີວຄາສເຊິລ, ເຕັກໂນໂລຊີການຜະລິດຢາຈາກທຳມະຊາດ, ເຕັກໂນໂລຊີການກຽມ ແລະ ແປຮູບຂອງວັດສະດຸພໍລີເມີ, ເຕັກໂນໂລຊີການຜະລິດຢາເຄິ່ງສັງເຄາະ ແລະ ສັງເຄາະທາງເຄມີ ແລະ ເຕັກໂນໂລຊີໄຟວອລ ປ້ອງກັນຄວາມປອດໄພຂອງຂໍ້ມູນ. ເຊິ່ງບັນຊີດັ່ງກ່າວຍັງໄດ້ເພີ່ມຕື່ມລາຍຊື່ເຕັກໂນໂລຊີທີ່ຈຳກັດການສົ່ງອອກລວມ 23 ລາຍການ, ໃນຄະນະທີ່ເຕັກໂນໂລຊີອີກ 21 ລາຍການ ຕ້ອງແກ້ໄຂເລື່ອງພາຣາມີເຕີທາງເຕັກນິກຕື່ມອີກ. ຖະແຫຼງການຍັງລະບຸວ່າ: ການຖ່າຍໂອນເຕັກໂນໂລຊີທັງໝົດໄປຍັງຕ່າງປະເທດດ້ວຍວິທີການທາງການຄ້າ – ການລົງທຶນ ຫຼື ວິທີການອື່ນໆ ຈະຕ້ອງປະຕິບັດຕາມກົດລະບຽບທີ່ກ່ຽວຂ້ອງໃນການນຳເຂົ້າ ແລະ ສົ່ງອອກເຕັກໂນໂລຊີຂອງປະເທດນັ້ນຢ່າງເຂັ້ມງວດ.

Read More »

ຮອງປະທານບໍລິສັດຊຳຊຸງ ຖືກຟ້ອງຢູ່ສານ ສ.​ເກົາຫຼີ​

ໄອຍາການຂອງເກົາຫຼີໃຕ້ຟ້ອງ Jay Y. Lee ຮອງປະທານບໍລິສັດ Samsung Electronics Co. ໃນຂໍ້ກ່າວຫາ ລວມເຖິງການປັ່ນຫຸ້ນ ເຊິ່ງເຮັດໃຫ້ຕົວຈິງທີ່ເປັນຫົວໜ້າບໍລິສັດ Electronics ທີ່ໃຫຍ່ທີ່ສຸດໃນໂລກຈະຕ້ອງສູ້ໄດ້ຄະດີເປັນເວລາຫຼາຍປີ ສໍານັກງານໄອຍາການເຂດກາງຂອງກຸງໂຊໄດ້ຮ້ອງຟ້ອງ 11 ຄົນລວມທັງ Jay Y. Lee ແລະ ອະດີດຜູ້ບໍລິຫານ. ໃນການຕັດສິນໃຈຟ້ອງ Jay Y. Lee ໃນຄັ້ງນີ້ເປັນການທ້າທາຍຄໍາແນະນໍາຂອງຄະນະກຳມະການ ແລະ ເພີ່ມຄວາມທ້າທາຍທາງກົດໝາຍສໍາຫຼັບ ບໍລິສັດ ທີ່ມີຄຸນຄ່າທີ່ສຸດຂອງປະເທດ, ການພິຈາລະນາຄະດີດັ່ງກ່າວ ອາດຈະໃຊ້ເວລາເຖິງ 18 ເດືອນ ຫຼືອາດຈະຍາວໄປອີກ 2 ປີ ແລະ ຄະດີນີ້ໄດ້ຮັບການຕັດສິນຈາກສານຊັ້ນສູງຂອງປະເທດ. Jay Y. Lee ອາຍຸ 52 ປີ ມີສ່ວນກ່ຽວຂ້ອງເລື່ອງທີ່ຜິດກົດໝາຍເຮັດໃຫ້ປະເທດເຊື່ອມເສຍ ເຊິ່ງເປັນເຫດເຮັດໃຫ້ສານໄອຍາການພິເສດຟ້ອງຮ້ອງໃນຕົ້ນປີ​ ພສ 2560 ທີ່ຜ່ານມາ ຍ້ອນ ສໍ້ໂກງ ແລະ ກ່າວຫາວ່າ Samsung ໃຊ້ເງິນໃຫ້ກັບຄົນສະນິດຂອງອະດີດປະທານາທິບໍດີ Park ເພື່ອແລກກັບການສະໜັບສະໜູນຈາກລັດຖະບານໃນການສືບທອດຕໍາແໜ່ງ.​ ນອກຈາກການກວດສອບການສໍ້ໂກງໃນຄັ້ງນີ້ແລ້ວ ຍັງໄດ້ມີກວດສອບການຄວບຄຸມກິດຈະການທີ່ມີຂໍ້ຂັດແຍ່ງກັນລະຫວ່າງໜ່ວຍງານຂອງ ...

Read More »

ເດືອນກໍລະກົດ ລາວ ນໍາເຂົ້າ-ສົ່ງອອກ ສິນຄ້າບັນລຸ 790 ລ້ານກວ່າໂດລາ

ໃນເດືອນ ກໍລະກົດ ມູນຄ່າການນໍາເຂົ້າ ແລະ ສົ່ງອອກສິນຄ້າ ຂອງ ສປປ ລາວ ບັນລຸໄດ້ເຖິງ 792 ລ້ານໂດລາສະຫະລັດ. ໃນນັ້ນ, ມູນຄ່າການສົ່ງອອກ ມີປະມານ 372 ລ້ານໂດລາສະຫະລັດ, ມູນຄ່າການນໍາເຂົ້າ ມີປະມານ 419 ລ້ານໂດລາສະຫະລັດ ແລະ ຂາດດຸນການຄ້າປະມານ 47 ລ້ານໂດລາສະຫາລັດ. ຈາກສູນຂໍ້ມູນຂ່າວສານທາງດ້ານການຄ້າຂອງ ສປປ ລາວ ໃຫ້ຮູ້ວ່າ: ສິນຄ້າສົ່ງອອກຫລັກຂອງ ສປປ ລາວ ລວມມູນຄ່າປະມານ 372 ລ້ານໂດລາສະຫະລັດ, ໃນນັ້ນມີ ແຮ່ທອງ ມູນຄ່າປະມານ 41 ລ້ານໂດລາສະຫະລັດ, ທອງແດງ ແລະ ເຄື່ອງທີ່ເຮັດດ້ວຍທອງແດງ ມູນຄ່າປະມານ 17 ລ້ານໂດລາສະຫະລັດ, ໝາກກ້ວຍ ມູນຄ່າປະມານ 19 ລ້ານໂດລາສະຫະລັດ, ເຍື່ອໄມ້, ເສດເຈ້ຍ ມູນຄ່າປະມານ 23 ລ້ານໂດລາສະຫະລັດ, ໂຄງຮ່າງ ແລະ ຊິ້ນສ່ວນກ້ອງບັນທຶກພາບ ມູນຄ່າປະມານ 11 ລ້ານໂດລາສະຫະລັດ, ເຄື່ອງດື່ມ ...

Read More »

ສານຂອງທ່ານ ນາຍົກລັດຖະມົນຕີ ແຫ່ງ ສປປ ລາວ

ສານຂອງທ່ານ ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດ ວັນໄຂສົກຮຽນໃໝ່ ສົກຮຽນ 2020-2021. ພໍ່ແມ່ພີ່ນ້ອງປວງຊົນລາວໃນທົ່ວປະເທດທີ່ເຄົາລົບ;ບັນດາຜູ້ບໍລິຫານການສຶກສາ, ຜູ້ຊົງຄຸນວຸດທິ, ຄູອາຈານໃນທົ່ວປະເທດ ທີ່ນັບຖື ແລະ ຮັກແພງ;ບັນດາລູກຫຼານນັກຮຽນ ເນື່ອງໃນໂອກາດ ວັນໄຂສົກຮຽນໃໝ່ 1 ກັນຍາ ແລະ ວັນເປີດໂທລະພາບການສຶກສາ ຢ່າງເປັນທາງການ, ຂ້າພະເຈົ້າຂໍຕາງໜ້າກົມການເມືອງສູນກາງພັກ ແລະ ລັດຖະບານ ຂໍສົ່ງຄວາມຢ້ຽມຢາມຖາມຂ່າວ ອັນອົບອຸ່ນ, ​ຄວາມຮັກແພງອັນຈິງໃຈມາຍັງຜູ້ບໍລິຫານກາສຶກສາທຸກຂັ້ນ, ຄູອາຈານ ແລະ ນັກຮຽນ-ນັກສຶກສາທຸກຊັ້ນ, ທຸກສາຍ ທຸກລະດັບ ທຸກຂົງເຂດໃນຂອບເຂດທົ່ວປະເທດມານະໂອກາດນີ້. ດັ່ງທີ່ພວກເຮົາເຂົ້າໃຈກັນເປັນຢ່າງດີ ແລະ ເລິກເຊິ່ງນຳກັນແລ້ວວ່າ ແມ່ນການສ້າງຊັບພະຍາກອນມະນຸດ, ຊັບພະຍາກອນບຸກຄົນ, ເປັນກຳລັງແຮງ, ເປັນປັດໃຈສຳຄັນຍິ່ງ ທີ່ມີລັກສະນະຕັດສິນກວ່າໝູ່ ໃນການພັດທະນາປະເທດຊາດຂອງທຸກຍຸກທຸກສະໄໝ. ຍ້ອນເຫັນຄວາມສຳຄັນຍິ່ງ ຂອງວຽກງານການສຶກສາ ພວກເຮົາຍາມໃດກໍໃຫ້ທິດທາງ,​ ນະໂຍບາຍທີ່ໜັກແໜ້ນຕະຫຼອດມາວ່າ: ການສຶກສາຕ້ອງໄປກ່ອນກ້າວໜຶ່ງ. ຕະຫຼອດໄລຍະທີ່ຜ່ານມາ ລັດຖະບານທຸກຍຸກທຸກສະໄໝ ໄດ້ເອົາໃຈໃສ່ວຽກງານການພັດທະນາການສຶກສາ ຂອງຊາດເຮົາຕໍ່ໄປ ແລະ ໄດ້ມີການພັດທະນາ ເປັນຮູບປະທຳຕະຫຼອດມາ ແລະ ຈະສືບຕໍ່ໃຫ້ຄວາມເອົາໃຈໃສ່ວຽກງານພັດທະນາການສຶກສາຂອງຊາດເຮົາຕໍ່ໄປ ເພື່ອສ້າງຄົນລາວໃຫ້ມີຄວາມຮູ້, ຄວາມສາມາດສູງຂຶ້ນ ແລະ ...

Read More »

ແຈ້ງການ ມອດໄຟຟ້າ

ຝ່າຍປະຕິບັດການ ໄຟຟ້ານະຄອນຫລວງ ສາຂາໄຟຟ້າເມືອງນາຊາຍທອງ ແຈ້ງການມອດໄຟຟ້າ ໃນວັນອັງຄານ 1 ກັນຍາ 2020 ຢູ່ບ້ານອິໄລເໜືອ ນົກແກ້ວລີສອດ ນັບແຕ່ເວລາ 9:00 ໂມງ ຫາ 14:00 ໂມງ

Read More »

ລັດເຊຍ ເປີດເຜີຍຄຣິບວີດີໂອ ທົດລອງລະເບີດນິວເຄຣຍ ທີ່ຮຸນແຮງທີ່ສຸດໃນໂລກ…

ລະເບີດ ຊາຣ໌ ບອມບາ ຫຼືຊື່ທີ່ເປັນທາງການຄື RDS-220 ເປັນລະເບີດນິວເຄຣຍທີ່ໃຫຍ່ທີ່ສຸດໃນໂລກ ແລະ ຖືກພັດທະນາຂຶ້ນ ໃນໄລຍະສົງຄາມເຢັນ ເພື່ອແຂ່ງກັບລະເບີດໄຮໂດຣເຈນ ຂອງສະຫະລັດອາເມລິກາ, ລະເບີດນິວເຄຣຍ ໜ່ວຍນີ້ມີນໍ້າໜັກເຖິງ 50 ລ້ານໂຕນ ໂດຍມີພະລັງທຳລາຍຮຸນແຮງກວ່າລະເບີດນິວເຄຣຍຮີໂຣຊິມະ 3,333 ເທົ່າ. ຄຣິບວີດີໂອທີ່ລັດເຊຍເກັບເປັນຄວາມລັບມາເກືອບ 6 ທົດສະວັດ ຫາກໍຖືກເປີດເຜີຍໂດຍ Rosatom ໃນວັນທີ 20 ສິງຫາ ຜ່ານມາ ໃນໂອກາດຄົບຮອບ 75 ປີ ຂອງການກໍ່ຕັ້ງໜ່ວຍງານ. Rosatom ໜ່ວຍງານດ້ານພະລັງງານນິວເຄຣຍຂອງລັດເຊຍ ເຜີຍແຜ່ຄຣິບວີດີໂອລັບສຸດຍອດທີ່ບໍ່ເຄີຍເຜີຍແຜ່ຢູ່ໃສມາກ່ອນ ໃນຂະນະທີ່ເຮັດການທົດລອງລະເບີດໄຮໂດຣເຈນ ຊາຣ໌ ບອມບາ (Tsar Bomba) ລະເບີດນິວເຄຣຍທີ່ມີອະນຸພາບທຳລາຍລ້າງສູງທີ່ນສຸດໃນໂລກ ໃນທະເລແບຣ໌ເຣນຕ໌ສ ໃນປີ 1961 ຫຼື ໃນ 59 ປີ ຜ່ານມາ. ຊ່າງພາບໂຊວຽດໃນຍຸກນັ້ນ ພະຍາຍາມຈັບພາບຫຼັງການທຳລາຍລ້າງຂອງລະເບີດໄຮໂດຣເຈນ ເຊິ່ງກ້ອງທີ່ຕັ້ງຢູ່ຫ່າງຈາກຈຸດລະເບີດຫຼາຍຮ້ອຍໄມ ຈັບພາບໄຟຂະໜາດໃຫຍ່ຂຶ້ນສູ່ທ້ອງຟ້າຕະຫຼອດເວລາ 40 ວິນາທີ ກ່ອນທີ່ຈະກະຈາຍເປັນກຸ່ມຄວັນຮູບຊົງດອກເຫັດ. ພາບອີກມຸມໜຶ່ງ ຈາກຍົນທີ່ຢູ່ຫ່າງຈາກຈຸດລະເບີດ 100 ໄມ ຫຼືປະມານ ...

Read More »

ພັດທະນາຕະຫລາດເຊົ້າ ໃຫ້ເປັນສູນການຄ້າທີ່ທັນສະໄໝ…

ຕະຫລາດເຊົ້າ ແມ່ນຕະຫລາດທີ່ເປັນໃຈກາງ, ເປັນທີ່ຮູ້ຈັກຂອງປວງຊົນລາວເຮົາໃນທົ່ວປະເທດ, ເຊິ່ງປັດຈຸບັນ, ພັກ ແລະ ລັດຖະບານ ໄດ້ເອົາໃຈໃສ່ໃນການຊຸກຍູ້ ແລະ ໃຫ້ມີການພັດທະນາໃຫ້ເປັນສະຖານທີ່ອຳນວຍຄວາມສະດວກ ໃນການຄ້າຂາຍ ແລກປ່ຽນສິນຄ້າ. ມາໃນວັນທີ 28 ສິງຫາ 2020 ນີ້, ທ່ານ ພູຂົງ ບັນນະວົງ ຮອງເຈົ້າຄອງນະຄອນຫລວງວຽງຈັນ, ຜູ້ຊີ້ນຳຄະນະສະເພາະກິດ ຍົກຍ້າຍຊາວຄ້າ-ຂາຍ ໂຄງການພັດທະນາຕະຫລາດເຊົ້າ ໄດ້ພົບປະຊາວຄ້າຂາຍ, ຜູ້ພັດທະນາຕະ ຫລາດເຊົ້າ ກໍຄື ບໍລິສັດ ຮົວຊິນ ພັດທະນາ ຈຳກັດ ແລະ ຊີ້ນຳການຈັດຕັ້ງປະຕິບັດແຜນພັດທານາຕະຫລາດເຊົ້າໃຫ້ເປັນສູນການຄ້າທີ່ທັນສະໄໝ, ທັງນີ້ ກໍເພື່ອເປັນການສ້າງຄວາມເຂົ້າໃຈຕໍ່ທິດທາງການພັດທະນາຂອງນະຄອນຫລວງວຽງຈັນ ໂດຍສະເພາະແມ່ນຕະຫລາດເຊົ້າ ກາຍເປັນສູນການຄ້າທີ່ທັນສະ ໄໝ, ເປັນສູນລວມຂອງການຄ້າຂາຍໃນຮູບແບບທີ່ທັນສະໄໝ ສົມເປັນເມືອງຫລວງຂອງປະເທດ. ທ່ານ ພູຂົງ ບັນນະວົງ ໄດ້ກ່າວກັບຊາວຄ້າຂາຍ ແລະ ຜູ້ເຂົ້າຮ່ວມໃນພິທີຄັ້ງນີ້ວ່າ: ພວກເຮົາຕ້ອງໄດ້ເຊື່ອໝັ້ນໃນການພັດທະນາ ແລະ ຢັ້ງຢືນຕາມສັນຍາທີ່ນະຄອນຫລວງວຽງຈັນ ໄດ້ເຊັນຮັບຮອງແລ້ວ ໂດຍຂັ້ນຕອນການຄົ້ນຄວ້າແມ່ນ ຜ່ານຂະບວນການຖືກຕ້ອງ ແລະ ມີຄວາມເປັນທຳທີ່ສຸດ, ການພັດທະນາຕະຫລາດເຊົ້າ ແມ່ນໃຫ້ໄປຕາມຮູບແບບແຜນຜັງ ທີ່ລັດຖະບານຮັບຮອງ, ການປຸກສ້າງກໍໃຫ້ຖືກຕ້ອງ ແລະ ...

Read More »

ເນັ້ນໃຫ້ແຂວງບໍ່ແກ້ວແກ້ໄຂ ປະກົດການຫຍໍ້ທໍ້ໃນຖັນແຖວພະນັກງານຫານ-ຕຳຫຼວດ…

ແຂວງບໍ່ແກ້ວຍັງມີຫາງສຽງອັນບໍ່ດີໃນຖັນແຖວພະນັກງານຖະຫານ-ຕຳຫຼວດ ຈາກສັງຄົມ ໂດຍສະເພາະປະກົດການຫຍໍ້ທໍ້ຕ່າງໆ ທີ່ສົ່ງຜົນກະທົບທາງລົບທີ່ວ່າມີພະນັກງານ ທະຫານ-ຕຳຫຼວດ ຈຳນວນໜຶ່ງ ພົວພັນກັບຢາເສບຕິດ. ເນື່ອງໃນໂອກາດ ທ່ານເລາຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ ທັງເປັນຮອງປະທານປ້ອງກັນຊາດ-ປ້ອງກັນຄວາມສະຫງົບສູນກາງ ທ່ານ ພົນໂທ ວິໄລ ຫຼ້າຄຳຟອງ ໄດ້ໃຫ້ກຽດເປັນປະທານໃນພິທີປະກາດມະຕິຕົກລົງແຕ່ງຕັ້ງ ຮອງປະທານຜູ້ປະຈຳການ ແລະ ກຳມະການຄະນະກຳມະການປ້ອງກັນຊາດ-ປ້ອງກັນຄວາມສະຫງົບ ແຂວງບໍ່ແກ້ວ ທີ່ໄດ້ຈັດຂຶ້ນເມື່ອບໍ່ດົນມານີ້ ທີ່ຫ້ອງວ່າການແຂວງບໍ່ແກ້ວ, ທ່ານໄດ້ກ່າວເນັ້ນໃຫ້ຄະນະກຳມະການປ້ອງກັນຄວາມສະຫງົບແຂວງບໍ່ແກ້ວ ເອົາໃຈໃສ່ແກ້ໄຂປະກົດການຫຍໍ້ທໍ້ ໃນຖັນແຖວພະນັກງານຂອງຕົນ ເພາະຍັງມີຫາງສຽງຈາກສັງຄົມວ່າ ຢາເສບຕິດຢູ່ແຂວງບໍ່ແກ້ວຍັງມີຫຼາຍ ແລະ ຍັງແກ້ໄຂບໍ່ຕົກ ຍ້ອນເກີດຈາກພະນັກງານ ທະຫານ-ຕຳຫຼວດ ຈຳນວນໜຶ່ງເຂົ້າຮ່ວມຂະບວນການ. ນອກຈາກນັ້ນ, ເມື່ອກວດພົບຢາເສບຕິດແລ້ວເອົາແຕ່ເງິນມາປັນກັນ ແລະ ປ່ອຍເຂົາໜີໄປ ແທນທີ່ຈະຈັບກຸມມາດຳເນີນຄະດີ. ສະຫາຍ ພົນໂທ ສິໄລ ໄດ້ກ່າວຕື່ມວ່າ: ຖ້າພົບເຫັນກໍລະນີພະນັກງານທະຫານ-ຕຳຫຼວດທີ່ພົວພັນກັບຢາເສບຕິດ ຈະລະດັບໃດກໍຕາມ ຫຼືຜູ້ທີ່ມີຜົນງານສໍ່າໃດກໍຕາມ ​ບໍ່ໃຫ້ເກີນ24 ຊົ່ວໂມງ ຕ້ອງເອົາມາປະຕິບັດວິໄນ ໂດຍອີງໃສ່ກົດໝາຍຂອງກະຊວງປ້ອງກັນຄວາມສະຫງົບ ດຳເນີນຄະດີໂລດ ຫຼືໄລ່ອອກໂລດ ທັງນີ້ ກໍເພື່ອລົບລ້າງຫາງສຽງອັນບໍ່ດີ ຈາກສັງຄົມຕໍ່ຖັນແຖງພະນັກງານ ທະຫານ-ຕຳຫຼວດ ຢູ່ແຂວງບໍ່ແກ້ວ. ແຫຼ່ງຂໍ້ມູນ: ວຽງຈັນທາຍ

Read More »

ລໍຖ້າລັດຖະບານ ອະນຸມັດແຂ່ງ ງານມະຫາກຳກິລາແຫ່ງຊາດ ຄັ້ງທີ 11 ກຽມພ້ອມແລ້ວ 100%

ງານມະຫາກຳກິລາແຫ່ງຊາດ ຄັ້ງທີ 11 ຫຼື ຊຽງຂວາງເກມ ກຽມພ້ອມແລ້ວ 100% ໂດຍສະເພາະ ສະໜາມກິລາທີ່ຈະນຳໃຊ້ເຂົ້າໃນພິທີເປີດ-ປິດ ແລະ ສະຖານທີ່ພັກເຊົາຂອງຄະນະນຳ, ຄູເຝິກ ແລະ ນັກກິລາ ກໍໄດ້ມີການປັບປຸງແກ້ໄຂຄືນໃໝ່ ສຳເລັດໄປແລ້ວ 100%, ປັດຈຸບັນ ຍັງລໍຖ້າທາງລັດຖະບານ ກໍຄືກະຊວງສຶກສາທິການ ແລະ ກິລາ ອະນຸມັດເປີດການແຂ່ງຂັນຢ່າງເປັນທາງການ ໃນມື້ໃດເທົ່ານັ້ນ. ໃນໂອກາດດັ່ງກ່າວ,​ຫົວໜ້າພະແນກສຶກສາທິການ ແລະ ກິລາແຂວງຊຍງຂວາງ ທ່ານ ບົວລີ ພັນນນາວົງ ໄດ້ລາຍງານໃນໂອກາດເຂົ້າຮ່ວມກອງປະຊຸມຜູ້ບໍລິຫານການສຶກສາ ແລະ ກິລາ ທົ່ວປະເທດ ປະຈຳສົກຮຽນປີ 2019-2020 ໃນລະຫວ່າງວັນທີ 27-28 ສິງຫາ 2020 ທີ່ນະຄອນຫຼວງວຽງຈັນວ່າ:​ ສຳລັບພິທີ ເປີດ-ປິດ ແລະ ປະດັບປະດາສະໜາມກິລາປະເພດຕ່າງໆ,​ ຕິດຕັ້ງລະບົບອິນເຕີເນັດ, ຈັດພິມໃບຍ້ອງຍໍ ແລະ ວິທີການມອບຫຼຽນແຕ່ລະປະເພດ ແມ່ນສຳເລັດໄປແລ້ວຈຳນວນ 2,534 ບັດ ພ້ອມທັງ ກຽມຫຼຽນລາງວັນ, ສັດນຳໂຊກຕະກຸນນົກແອ່ນ ແລະ ອື່ນໆ. ພ້ອມກັນນັ້ນ,​ ດ້ານກຳມະການເຕັກນິກ-ຈັດການແຂ່ງຂັນ ແມ່ນໄດ້ສຳເລັດການຈັດຊື້ເຄື່ອງນຸ່ງກິລາແຕ່ລະປະເພດ ...

Read More »

ເຜີຍແຜ່ການປະຕິບັດເປົ້າໝາຍການພັດທະນາແບບຍືນຍົງ ໃຫ້ແກ່ພາກເອກະຊົນ ແລະ ຫົວໜ່ວຍທຸລະກິດ

ກອງເລຂາຄະນະຊີ້ນໍາລະດັບຊາດ ເພື່ອການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ ຈັດກອງປະຊຸມເຜີຍແຜ່ ການຈັດຕັ້ງປະຕິບັດເປົ້າໝາຍການພັດທະ ນາແບບຍືນຍົງ (ປພຍ) ໃຫ້ແກ່ພາກເອກະຊົນ ແລະ ຫົວໜ່ວຍທຸລະກິດ ຢູ່ ສປປ ລາວໃນວັນທີ 28 ສິງຫາ 2020 ທີ່ສູນການຝຶກອົບຮົມ ແລະ ການຮ່ວມມືສາກົນ ນະຄອນຫລວງວຽງຈັນ ເພື່ອເປັນການໂຄສະນາ, ປູກຈິດສຳນຶກ ແລະ ການສ້າງຄວາມຮັບຮູ້-ເຂົ້າໃຈ ກ່ຽວກັບວາລະ 2030 ພ້ອມທັງສົ່ງເສີມການມີສ່ວນຮ່ວມ ຂອງພາກເອກະຊົນ ແລະ ຫົວໜ່ວຍທຸລະກິດ ເພື່ອຍົກລະດັບຄວາມເຂົ້າໃຈກ່ຽວກັບວຽກງານ ປພຍ ໃຫ້ແກ່ຂະແໜງການກ່ຽວຂ້ອງໄດ້ຮັບຮູ້ ແລະ ເຂົ້າໃຈໃຫ້ຫລາຍຂຶ້ນ. ພ້ອມນີ້, ຍັງເປັນເວທີການປຶກສາຫາລື ແລະ ແລກປ່ຽນ ລະຫວ່າງບັນດາກະຊວງ ແລະ ພາກສ່ວນທີ່ກ່ຽວຂ້ອງ ທີ່ເຮັດໜ້າທີ່ຮ່ວມກັບພາກເອກະຊົນ ແລະ ຫົວໜ່ວຍທຸລະກິດຢູ່ ສປປ ລາວ, ເພື່ອສ້າງເຄືອຂ່າຍການປະສານງານ ແລະ ຮ່ວມມືວຽກງານ ປພຍ ແນໃສ່ການແລກປ່ຽນປະສົບການ, ຂໍ້ມູນ-ຂ່າວສານ, ການສຶກສາ-ບົດຄົ້ນຄວ້າຄວາມຄິດສ້າງສັນ ແລະ ນະວັດຕະກຳໃໝ່ໆ ໃນການຈັດຕັ້ງປະຕິບັດ ປພຍ ຢູ່ຂັ້ນທ້ອງຖິ່ນ ແລະ ເປັນການແນະນຳ, ...

Read More »