ກອງປະຊຸມສະຫຼຸບ ຕີລາຄາ ແລະ ຖອດຖອນບົດຮຽນ ວຽກງານພະລັງງານ ແລະ ບໍ່ແຮ່ ປີ 2018 ແລະ ໄຕມາດທີ 1 ປີ 2019 ທົ່ວປະເທດ ຈັດຂຶ້ນວັນທີ 3-4 ມີຖຸນາ 2019 ທີ່ຫໍປະຊຸມແຫ່ງຊາດ ພາຍໃຕ້ການເປັນປະທານຂອງທ່ານ ຄໍາມະນີ ອິນທິລາດ ລັດຖະມົນຕີ ກະຊວງພະລັງງານ ແລະ ບໍ່ແຮ່ ມີບັນດາເຈົ້າແຂວງ ຮອງລັດຖະມົນຕີ ຮອງເຈົ້າແຂວງທົ່ວປະເທດ ຜູ້ຕາງໜ້າຈາກບັນດາກະຊວງ ອົງການຈັດຕັ້ງສາກົນ ຜູ້ປະກອບການດ້ານພະລັງງານ ແລະ ບໍ່ແຮ່ ພ້ອມດ້ວຍແຂກຖືກເຊີນເຂົ້າຮ່ວມ. ທ່ານ ຄໍາມະນີ ອິນທິລາດ ກ່າວວ່າ: ບົນພຶ້ນຖານການຈັດຕັ້ງປະຕິບັດແນວທາງຫັນເປັນອຸດສາຫະກໍາ ແລະ ທັນສະໄໝຂອງພັກຊຶ່ງໄດ້ກໍານົດອອກຢູ່ໃນມະຕິກອງປະຊຸມໃຫຍ່ ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ VIII ມາເຖິງປັດຈຸບັນ ໄດ້ດຳເນີນການພັດທະນາວຽກງານພະລັງງານແລະບໍ່ແຮ່ ທີ່ມີລັກສະນະເປັນລະບົບ​ຄົບ​ຊຸດ ມີບາດກ້າວຂະຫຍາຍຕົວທີ່ໜັກແໜ້ນ ຕໍ່ເນື່ອງ ແລະ ມີດ້ານທີ່ໄດ້ຮັບການພັດທະນາຢ່າງ​ກ້າວກະໂດດ​ ເຊິ່ງລວມຍອດ​ມູນ​ຄ່າການ​ຜະລິດ​ ຂອງ​ຂະ​ແໜງ​ການ​ພະລັງງານ ​ແລະ ...

ພິທີປະກາດສະໜາມບິນສາກົນວັດໄຕ ປອດຄວັນຢາສູບຢ່າງເປັນທາງການ ຖືກຈັດຂຶ້ນໃນວັນທີ 31 ພຶດສະພາ 2019 ທີ່ອາຄານຜູ້ໂດຍສານສາກົນ ໂດຍມີທ່ານສັນຕິສຸກ ສິມມາລາວົງ, ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ, ທ່ານປອ ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ, ທ່ານສົມຈິດ ອິນທະມິດ, ຮອງລັດຖະມົນຕີກະຊວງອຸດສາຫະກໍາແລະ ການຄ້າ, ພ້ອມດ້ວຍ ຜູ້ຕາງໜ້າອົງການອະນາໄມໂລກ, ຜູ້ຕາງໜ້າສະມາພັນຄວບຄຸມຢາສູບອາຊຽນ, ແລະ ຜູ້ບໍລິຫານ ເຈົ້າໜ້າທີ່ສາຍການບິນຕ່າງໆ ຕະຫຼອດຮອດພະນັກງານປະຈໍາສະໜາມບິນສາກົນວັດໄຕເຂົ້າຮ່ວມ. ໃນພິທີ, ທ່ານ​ດ໋ອກເຕີ ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ ກ່າວວ່າ ມີຄວາມປິຕິຊົມຊື່ນເປັນຢ່າງຍິ່ງ ແລະ ສະແດງຄວາມຊົມເຊີຍຕໍ່ຄະນະຮັບຜິດຊອບສະໜາມບິນສາກົນວັດໄຕທຸກພາກສ່ວນ ທີ່ໄດ້ປະກາດໃຫ້ສະໜາມບິນແຫ່ງນີ້ເປັນສະໜາມບິນປອດຄວັນຢາສູບ. ອົງການອະນາໄມໂລກ ໄດ້ກໍານົດເອົາວັນທີ 31 ພຶດສະພາຂອງທຸກໆປີ ເປັນວັນສະເຫຼີມສະຫຼອງວັນງົດສູບຢາໂລກ ແລະ ສປປ ລາວ ກໍມີສ່ວນຮ່ວມເຊັ່ນດຽວກັນ. ວັນງົດສູບຢາໃນປີນີ້ ແມ່ນມີຄວາມໝາຍຄວາມສໍາຄັນເປັນຢ່າງຍິ່ງ ພາຍໃຕ້ຄໍາຂວັນ ການສູບຢາ ພາໃຫ້ເປັນພະຍາດປອດ ຫຼື tobacco and lung health, ທັງນີ້ເພື່ອເປັນການປຸກລະດົມ ແລະ ໃຫ້ຄວາມຮູ້ກ່ຽວກັບຄວາມອັນຕະລາຍຂອງການສູບຢາ ແລະການໄດ້ຮັບຄວັນຢາສູບ ...

​ພະນະ​ທ່ານ ທອງ​ລຸນ ສີ​ສຸ​ລິດ, ນາຍົກລັດຖະມົນຕີ ແຫ່ງ ສປປ ລາວ ​ພ້ອມດ້ວຍຄະນະ ໄດ້ສໍາເລັດການເຂົ້າ​ຮ່ວມ​ກອງ​ປະຊຸມ​ສາກົນ ກ່ຽວ​ກັບ ອະນາຄົດ​ຂອງ​ອາຊີ ຄັ້ງ​ທີ 25, ພາຍ​ໃຕ້​ຫົວ​ຂໍ້: “ຄົ້ນຫາລະບຽບໂລກແບບໃໝ່ ເພື່ອແກ້ໄຂຄວາມວຸ້ນວາຍໃນໂລກ (Seeking a new global order-overcoming the chaos)”, ​ໃນ​ວັນ​ທີ 30-31 ພຶດສະພາ 2019, ທີ່ ນະຄອນຫຼວງໂຕກຽວ, ປະເທດ ຍີ່ປຸ່ນ. ໃນກອງປະຊຸມຄັ້ງນີ້, ​ພະນະທ່ານນາຍົກລັດຖະມົນຕີ ໄດ້ຂຶ້ນກ່າວປາ​ໄສ ​ໂດຍ​ໄດ້​ຍົກໃຫ້​ເຫັນ​ເຖິງສະພາບການຄວາມວຸ້ນວາຍສັບສົນທີ່ພວມເກີດຂຶ້ນໃນປະຈຸບັນ ແລະ ໄດ້ສະແດງທັດສະນະ ແລະ ວິໄສທັດ ເພື່ອແກ້ໄຂຄວາມຫຍຸ້ງຍາກສັບສົນດັ່ງກ່າວ ດ້ວຍຂໍ້ລິເລີ່ມ ແລະ ກົນໄກການຮ່ວມມື ທີ່ມີຄວາມຍຸຕິທໍາ, ໂປ່ງໃສ່, ເທົ່າທຽມກັນ ແລະ ບໍ່ຂຶ້ນກັບປະເທດໃດໜຶ່ງ ຫຼື ກຸ່ມເສດຖະກິດໃດໜຶ່ງ ບົນພື້ນຖານການມີສ່ວນຮ່ວມຂອງປະຊາຄົມໃນທົ່ວໂລກ ເພື່ອຈະນໍາພາໂລກນີ້ ກ້າວໄປສູ່ໂລກແຫ່ງໂລກາ​ພິວັດທີ່ມີຄຸນນະພາບສູງ, ຍືນຍົງມີຄວາມສະເໝີພາບ, ມີຜົນປະໂຫຍດຮ່ວມກັນ ແລະ ຄົງຮັກສາໄວ້ສັນຕິພາບ, ສະຖຽນລະພາບ ແລະ ຄວາມໝັ້ນຄົງໃນໂລກ. ໃນໂອກາດດັ່ງກ່າວ ...

ໃນຕອນເຊົ້າມື້ວານນີ້ ວັນທີ 1 ມິຖຸນາ 2019, ກະຊວງກະສິກຳ ແລະ ປ່າໄມ້ ຮ່ວມກັບ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດພິທີປູກຕົ້ນໄມ້ເນື່ອງໃນໂອກາດວັນປູກຕົ້ນໄມ້ແຫ່ງຊາດ ວັນທີ 1 ມິຖຸນາ ແລະ ວັນສິ່ງແວດລ້ອມໂລກ ກໍຄື ວັນສິ່ງແວດລ້ອມແຫ່ງຊາດ ວັນທີ 5 ມິຖຸນາ, ຢູ່ສວນພຶກສາສາດ, ຫ້ວຍຍາງດົງໝາກຄາຍ, ເມືອງໄຊທານີ, ນະຄອນຫຼວງວຽງຈັນ ໂດຍມີທ່ານ ພັນຄຳ ວິພາວັນ ຮອງປະທານປະເທດ ໃຫ້ກຽດເຂົ້າຮ່ວມ, ພ້ອມດ້ວຍ ບັນດາລັດຖະມົນຕີ, ຮອງລັດຖະມົນຕີຈາກບັນດາກະຊວງ ແລະ ອົງການທຽບເທົ່າ, ບັນດາທູຕານຸທູດຈາກປະເທດຕ່າງໆ ແລະ ຜູ້ຕາງຫນ້າຈາກພາກສ່ວນກ່ຽວຂ້ອງເປັນຈຳນວນຫຼາຍ.   ຈຸດປະສົງຂອງການປູກຕົ້ນໄມ້ໃນຄັ້ງນີ້ ແມ່ນເພື່ອແນ່ໃສ່ຟື້ນຟູສວນພຶກສາສາດໃຫ້ກາຍເປັນປ່າທີ່ອຸດົມສົມບູນ, ເປັນແຫຼ່ງເຕົ້າໂຮມເຊື້ອພັນໄມ້ຊະນິດຕ່າງໆທີ່ມີຄຸນຄ່າ ແລະ ຫາຍາກຂອງລາວ, ພ້ອມທັງເພີ່ມເນື້ອທີ່ສີຂຽວໃຫ້ກາຍເປັນປອດຫາຍໃຈເອົາອາກາດທີ່ສະອາດ ແລະ ຫຼຸດຜ່ອນມົນລະພິດໃນອາກາດໃຫ້ແກ່ຊາວນະຄອນຫຼວງວຽງຈັນ.  ສວນພຶກສາສາດແຫ່ງນີ້ ມີເນື້ອທີ່ທັງໝົດ 268 ເຮັກຕາ ຊື່ງເຫັນວ່າຕ້ອງໄດ້ຟື້ນຟູ ແລະ ປູກໄມ້ຊະນິດຕ່າງໆ ເພື່ອເຮັດໃຫ້ໂຄງປະກອບດ້ານຊະນິດພັນໄມ້ ມີຄວາມຫຼາກຫຼາຍຍີ່ງຂຶ້ນ, ກາຍເປັນສະຖານທີ່ເພື່ອການສຶກສາຄົ້ນຄ້ວາທາງດ້ານວິທະຍາສາດ ແລະ ...

ລັດຖະບານລາວ ຖືເອົາຂະແໜງກະສິກຳເປັນປາຍແຫຼມ ຂັບເຄື່ອນເສດຖະກິດ ພ້ອມທັງສົ່ງເສີມປະຊາຊົນຫັນມາປູກຜັກເປັນສິນຄ້າເພື່ອສົ່ງອອກໃຫ້ນັບມື້ຫຼາຍຂຶ້ນ, ທັງນີ້ ກໍ່ເພື່ອສ້າງລາຍຮັບເຂົ້າສູ່ຄອບຄົວ ເຮັດໃຫ້ຄອບຄົວມີຢູ່ມີກິນ ແລະ ຄ່ອຍໆຫຼຸດພົ້ນອອກຈາກຄວາມທຸກຍາກໄປເທື່ອລະກ້າວໆ. ສະນັ້ນ, ຍາມໃດພັກ-ລັດຈິ່ງໃຫ້ຄວາມສຳຄັນພິເສດໃນການຊຸກຍູ້ສົ່ງເສີມຂະແໜງການດັ່ງກ່າວ. ວັນທີ 31 ພຶດສະພາ 2019 ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ລົງລົງຢ້ຽມຢາມ ແລະ ຊຸກຍູ້ການຜະລິດຂອງຟາມປູກຜັກ ຕັ້ງຢູ່ບ້ານ ໂພນໄຮຄຳ ເມືອງ ໄຊທານີ ນະຄອນຫຼວງວຽງຈັນ ໂດຍມີທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ພ້ອມດ້ວຍພາກສ່ວນກ່ຽວຂ້ອງຂອງນະຄອນຫຼວງວຽງຈັນ ແລະ ເມືອງ ໃຫ້ການຕ້ອນຮັບຢ່າງອົບອຸ່ນ. ຟາມແຫ່ງນີ້ ແມ່ນຂຶ້ນກັບບໍລິສັດລາວສາກົນ ຈຳກັດ ມີເນື້ອທີ່ທັງໝົດ 12 ເຮັກຕາ ໃນນັ້ນ 9 ເຮັກຕາ ນຳໃຊ້ເຂົ້າໃນການເຮັດຟາມປູກຜັກເຊັ່ນ: ປູກຫົວສີໄຄ, ຜັກບົວລະພາ, ຂີງ, ຂ່າ, ກະເພົາ,ໃບຕອງ, ຜັກອີ່ເລີດ, ...

​ເມື່ອ​ບໍ່​ດົນ​ມາ​ນີ້ ເຈົ້າໜ້າທີ່ສັດຕະວະແພດ ທີ່ ດ່ານສາກົນນໍ້າກັ່ນ ແຂວງ ຊຽງຂວາງ ທີ່ໄດ້ກວດພົບສານປົນເປື້ອນ ຟໍມາລິນ ໃນ​ເຄື່ອງອາຫານທະເລ ທີ່ ນໍາເຂົ້າມາຈາກປະເທດ ສສ ຫວຽດນານ ຂົນສົ່ງໂດຍລົດເມໂດຍສານ, ເຊິ່ງກວດພົບໃນກຸ້ງຈໍານວນ 50 ກິໂລກຣາມ ແລະ ປາ​ເມຶກຈໍານວນ 100 ກິໂລກຣາມ. ຫຼັງຈາກກວດພົບສານຟໍມາລິນ (ນ້ຳຢາດອງສົບ) ດັ່ງກ່າວນີ້ ເຈົ້າໜ້າທີ່ໄດ້ນໍາເອົາໄປທໍາລາຍຖີ້ມ ແລະ ໄດ້ມີການປັບໃໝ ພ້ອມບັນທຶກການກະທໍາຜິດ ຂອງຜູ້ນໍາເຂົ້າຜະລິດຕະພັນອາຫານ ທີ່ເປັນອັນຕະລາຍ. ປັດຈຸບັນ, ຖືວ່າບ້ານເຮົາຍັງມີຈຸດອ່ອນເລື່ອງນີ້ຫຼາຍ ຜູ້ທີ່ຈະຄິດຊື້ອາຫານທະເລຢູ່ໃນທ້ອງຕະຫຼາດຕ່າງໆ ຄວນຄິດຄຳນຶ່ງ ແລະ ຄວນລະມັດລະວັງ.

ນັກສິນລະປິນຈາກກອງສິລະປະສູນກາງ ສາມາດຍາດໄດ້ໜຶ່ງຫຼຽນຄຳ, ໜຶ່ງຫຼຽນເງິນ, ລາງວັນສະແດງຍອດຢ້ຽມ ແລະ ລາງວັນຂວັນໃຈຜູ້ຊົມຈາກງານສະແດງດົນຕີອາຊຽນ Asean Music Festival 2019 ທີ່ ນະຄອນຮາຍຟອງ ປະເທດຫວຽດນາມ ເຊິ່ງຈັດຂຶ້ນລະຫວ່າງວັນທີ 25-31 ພຶດສະພາ 2019. ໃນການແຂ່ງຂັນໃນຄັ້ງນີ້ ມີສິນລະປິນຈາກ 7 ປະເທດອາຊຽນ ລວມມີ: ກຳປູເຈຍ, ສປປ.ລາວ, ອິນໂດເນເຊຍ, ມາເລເຊຍ, ຟິລິບປິນ, ໄທ ແລະ ຫວຽດນາມ.

ຄວາມເປັນມາຂອງການອອກແບບລະບົບການຖ່າຍພາບທີ່ປ່ຽນແປງກົດເກນເກົ່າໆໃຫ້ເໜືອກວ່າສິ່ງທີ່ຄົນເຮົາສາມາດແນມເຫັນທົ່ວໄປ ຈາກພາບຂາວດຳໄປສູ່ດິຈີຕອລ: ວິວັດທະນາການການຖ່າຍພາບນີ້ມີເປັນເວລາຮ້ອຍປີ ການຖ່າຍພາບ 1.0 ເປັນພື້ນຖານຂອງການຖ່າຍພາບຂາວດຳທີ່ມີການສ້າງພາບດ້ວຍວັດຖຸທາດເງິນ. ໃນປີ 1893 ຈິດຕະກອນ Louis Daguerre ໄດ້ປະດິດ Daguerreotype ເຊິ່ງເປັນຂະບວນການຖ່າຍພາບທີ່ສ້າງພາບດ້ວຍແຜ່ນເຄືອບ silver iodide ທີ່ສໍາຜັດກັບ mercury vapor. ຂະບວນການຜະລິດພາບນີ້ຈະໃຊ້ເວລາປະມານ 30 ນາທີຈຶ່ງໄດ້ພາບໆໜຶ່ງ ການຖ່າຍພາບ 2.0 ເປັນຍຸກຂອງການຖ່າຍພາບດິຈີຕອລ. ໃນປີ 1975 ກ້ອງດີຈີຕອລໜ່ວຍທຳອິດຖືກສ້າງໂດຍ Steve Sasson ວິສະວະກອນຂອງ Eastman Kodak. ພຽງໜຶ່ງປີຕໍ່ມານັກວິທະຍາສາດຂອງ Kodak Bryce Bayer ໄດ້ປະດິດ Bayer Filter ເຊິ່ງເປັນຈຸດເລີ່ມຕົ້ນຂອງການຖ່າຍພາບດິຈີຕອລສີ. ປັດຈຸບັນ AI ໄດ້ສ້າງສັນພາບຖ່າຍສະໄໝໃໝ່, ສະມາດໂຟນ Huawei ໄດ້ຮັບການອອກແບບມາເພື່ອເນັ້ນຄຸນນະພາບການຖ່າຍພາບໃຫ້ປຽບດັ່ງລະດັບມືອາຊີບຖ່າຍເອງ, ໃຫ້ປະສົບການການຖ່າຍພາບສະຫຼຽວສະຫຼາດ ແລະ ໃຊ້ງານງ່າຍ, ເປັນຈຸດເລີ່ມຕົ້ນຂອງອະນາຄົດການຖ່າຍພາບເທິງມືຖື HUAWEI P Series: ວິວັດທະນາການຂອງຄວາມໄວແສງ HUAWEI P8 Series ເປັນລຸ້ນທຳອິດທີ່ມີເຊັນເຊີ RGBW ...

“ເທຣນ” ຮັກສຸຂະພາບກໍາລັງມາແຮງໃນປັດຈຸບັນ ໂດຍສະເພາະ ການກິນອາຫານ “ຄລີນ” ກໍາລັງເປັນທີ່ເວົ້າເຖິງກັນຫຼາຍໃນກຸ່ມຄົນຮັກສຸຂະພາບ ແລະ ຄົນເຮັດວຽກຫ້ອງການ ທີ່ບໍ່ມີເວລາໃນການອອກກໍາລັງກາຍ ແລະ ແຕ່ງກິນເອງ… ມື້ນີ້ວາລະສານທາເກັດ ຈະມາເຈາະໃຈຜູ້ປະກອບການດ້ານອາຫານ “ຄລີນ” ທີ່ກໍາລັງໄດ້ຮັບຄວາມສົນໃຈຫຼາຍ ຜ່ານເພຈ “Healthy Box” ກໍຄື ທ່ານ ນາງ ອາລີນາ ສີວົງໄຊ ຫຼື ປູນາ ເຈົ້າຂອງເພຈ ໄດ້ໃຫ້ສໍາພາດກັບທີມງານວາລະສານທາເກັດຂອງພວກເຮົາກ່ຽວກັບການມາເປັນຜູ້ປະກອບດ້ານອາຫານ “ຄລີນ”ວ່າ ຕົນເອງມີອາຊີບເປັນນັກຮ້ອງປະຈໍາຢູ່ຮ້ານອາຫານແຫ່ງໜຶ່ງ ແຕ່ເນື່ອງຈາກເປັນຄົນຈ່ອຍ ແຕ່ຮູບຮ່າງບໍ່ແໜ້ນ. ເລີຍຢາກມີກົ້ນ, ມີກ້າມທ້ອງ ເຮັດໃຫ້ເລີ່ມສຶກສາ ແລະ ສົນໃຈເລື່ອງການອອກກໍາລັງກາຍ ແລະ ກໍໄດ້ຮູ້ຈັກກັບອາຫານ “ຄລີນ” ຈາກຄູເຝິກຂອງຕົນເອງ. ໂດຍປົກກະຕິ ເປັນຄົນມັກເຮັດອາຫານກິນກັບຄອບຄົວຢູ່ແລ້ວ ຈຶ່ງມີຄວາມຢາກເຮັດອາຫານ “ຄລີນ” ກິນເອງ, ກໍເລີຍເລີ່ມສຶກສາຜ່ານ “ຢູທູບ” ລອງຜິດລອງຖືກມາຫຼາຍຄັ້ງ ແລ້ວລອງເອົາໄປໃຫ້ແມ່ຊີມເບິ່ງ ແມ່ກະວ່າແຊບລອງເຮັດຂາຍເບິ່ງບໍ່? ແຕ່ທໍາອິດແມ່ນບໍ່ໄດ້ຂາຍອາຫານ “ຄລີນ” ແຕ່ຈະເລີ່ມທົດລອງຂາຍປາ “ຊາບະ” ກ່ອນ ປະກົດວ່າຂາຍດີຫຼາຍໃນຕອນນັ້ນ. ຈຶ່ງມາປຶກສາກັບແມ່ວ່າຢາກເຮັດອາຫານ “ຄລີນ” ຂາຍ ໂດຍເລີ່ມຈາກການສ້າງເພຈ ...

ຈະເລີ່ມນໍາໃຊ້ລະບົບແຈ້ງພາສີປະຕູດຽວ (LNSW) ເຂົ້າໃນການຄຸ້ມຄອງການນໍາເຂົ້າພາຫະນະ ຢູ່ ດ່ານພາສີສາກົນຂົວມິດຕະພາບ 1  ຈົ່ງກຽມພ້ອມທຳຄວາມເຂົ້!ໃຈ ແລະ ໃຫ້ຄວາມຮ່ວມມືປະຕິບັດລະບົບແຈ້ງການພາສີປະຕູດຽວ. ນັບແຕ່ວັນທີ 24 ມິຖຸນາ 2019 ເປັນຕົ້ນໄປ, ທຸກການນໍາເຂົ້າ ແລະ ສົ່ງອອກ ສິນຄ້າປະເພດພາຫະນະ ຜ່ານດ່ານຂົວມິດຕະພາບ 1 (ນະຄອນຫຼວງວຽງຈັນ) ຕ້ອງໄດ້ດໍາເນີນການແຈ້ງຂໍ້ມູນ ແລະ ເອກະສານຜ່ານລະບົບແຈ້ງພາສີປະຕູດຽວ (LNSW). ກົມການນຳເຂົ້າ ແລະ ສົ່ງອອກ (ກຂອ), ກະຊວງອຸດສາຫະກຳ ແລະ ການຄ້າ ອອກ ແຈ້ງການ ການນໍາໃຊ້ລະບົບແຈ້ງພາສີປະຕູດຽວ (LNSW) ເຂົ້າໃນການຄຸ້ມຄອງການນໍາເຂົ້າພາຫະນະ ຢູ່ ດ່ານພາສີສາກົນຂົວມິດຕະພາບ 1 (ນະຄອນ ຫຼວງວຽງຈັນ) ເລກທີ 2790/ກຂອ.ບຂອ, ລົງວັນທີ 29 ພຶດສະພາ 2019 ເພື່ອແຈ້ງມາຍັງບັນດາບໍລິສັດ ນຳເຂົ້າ ແລະ ສົ່ງອອກຍານພະຫະນະວ່າ ການນຳເຂົ້າ ແລະ ສົ່ງອອກສິນຄ້າປະເພດຍານພະຫະນະຢູ່ ດ່ານພາສີສາກົນຂົວມິດຕະພາບ 1 ແມ່ນໃຫ້ເລີ່ມນໍາໃຊ້ລະບົບແຈ້ງພາສີປະຕູດຽວ (LNSW) ແຕ່ວັນທີ ...