ທ່ານນາຍົກລັດຖະມົນຕີ ໄດ້ຊີ້ນໍາໃຫ້ຄະນະລັດຖະບານ ເອົາໃຈໃສ່ຈັດຕັ້ງປະຕິ ບັດມະຕິກອງປະຊຸມລັດຖະບານ ໃຫ້ມີປະສິດທິຜົນ, ໂດຍສຸມໃສ່ການສະກັດກັ້ນ, ການປ້ອງກັນ ແລະ ແກ້ໄຂບັນ ຫາການລະບາດຂອງພະຍາດ COVID-19. ກອງປະຊຸມລັດຖະບານຄັ້ງນີ້ ໄດ້ຮຽກຮ້ອງໄປຍັງປະຊາຊົນບັນດາເຜົ່າ, ຊາວຕ່າງດ້າວ, ຜູ້ບໍ່ມີສັນຊາດ, ນັກທຸ ລະກິດ ທັງພາກລັດ ແລະ ເອກະຊົນ, ພະນັກງານ-ລັດຖະກອນ, ກຳມະກອນ ແລະ ນັກຮຽນຮູ້ປັນຍາຊົນ ທຸກຖ້ວນໜ້າ ແຮງງານລາວກຳລັງເດີນທາງກັບບ້ານ ຈາກການໄປອອກແຮງງານຢູ່ໄທ ຈົ່ງເຊີດຊູນ້ຳໃຈເປັນເຈົ້າຂອງປະເທດຊາດ ສູງກວ່າເວລາໃດໝົດ, ຕັ້ງໜ້າເຂົ້າຮ່ວມປະຕິບັດບັນດາມາດຕະການທີ່ລັດຖະ ບານວາງອອກ ຄືປ້ອງກັນ ແລະ ກັກຕົນເອງ 14 ມື້ ດ້ວຍຄວາມຕື່ນຕົວ ແລະ ເປັນເຈົ້າການສູງ ເພື່ອເຮັດໃຫ້ການປ້ອງກັນ, ສະກັດກັ້ນພະຍາດ COVID-19 ຄັ້ງນີ້ ໄດ້ຮັບໄຊຊະນະ. ຂໍໃຫ້ສື່ມວນຊົນທຸກປະເພດ ລວມທັງ ສື່ອອນລາຍຕ່າງໆ ຈົ່ງຍົກສູງນ້ຳໃຈຮັກຊາດ, ຮັກປະ ຊາຊົນບັນດາເຜົ່າ ອອກຂ່າວ, ໃຫ້ຂໍ້ມູນຂ່າວສານຕ່າງໆ ໃຫ້ຖືກຕ້ອງກັບຄວາມເປັນຈິງ ແລະ ເປັນຜົນປະໂຫຍດສູງສຸດ ໃຫ້ແກ່ຊາດ ແລະ ປະຊາຊົນ, ຫຼີກເວັ້ນການອອກຂ່າວ, ໃຫ້ຂໍ້ມູນເທັດ ທີ່ຈະສ້າງຄວາມປັ່ນປ່ວນ ...

ກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ ( ທສວ ) ສະໜອງເງິນທຶນບ້ວງທຳອິດ 100 ຕື້ກີບ ໃຫ້ແກ່ທະນາຄານພັດທະນາລາວ, ທະນາຄານໄຊງ່ອນເທືອງຕິ່ນ ລາວ ( ຊາຄອມແບັງ ລາວ ), ທະນາຄານຮ່ວມທຸລະກິດ ລາວ – ຫວຽດ ແລະ ທະນາຄານມາຣູຮານ ເຈແປນລາວ ເພື່ອປ່ອຍກູ້ສົ່ງເສີມ SME. ໃນວັນທີ 20 ມີນາຜ່ານມາ ທີ່ກະຊວງອຸດສາຫະກຳ ແລະ ການຄ້າ ອຄ, ກອງທຶນສົ່ງເສີມວິສາຫະກິດຂະໜາດນ້ອຍ ແລະ ກາງ ( ທສວ ) ໄດ້ຈັດພິທີເຊັນສັນຍາສະໜອງທຶນຂຶ້ນລະຫວ່າງ ທສວ ແລະ 4 ທະນາຄານທຸລະກິດ ໂດຍການເຂົ້າຮ່ວມເປັນສັກຂີພິຍານຂອງ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງ ອຄ, ທ່ານ ສົມຈິດ ອິນທະມິດ ຮອງລັດຖະມົນຕີກະຊວງ ອຄ, ປະທານສະພາບໍລິຫານ ທສວ ພ້ອມດ້ວຍຜູ້ບໍລິຫານ 4 ທະນາຄານ ...

ຜູ້ປະກາດຂ່າວ ຈັດ ທີມະ ຊ່ອງ One31 ພ້ອມດ້ວຍຄະນະບໍລິຫານ  ໄດ້ເຂົ້າຂໍໂທດ ທາງການລາວ ຢ່າງເປັນທາງການແລ້ວ !!! ໃນຕອນບ່າຍຂອງມື້ນີ້ ຢູ່ທີ່ສະຖານທູດລາວ ປະຈຳ ບາງກອກ ປະເທດໄທ.  ຫຼັງຈາກ ທີ່ໄດ້ປະກາດຂ່າວສຽດສີ, ດູມິ່ນຕໍ່ວົງການແພດຂອງເຮົາລາວໃນຄໍ່າຄືນຂອງມື້ວານນີ້ ໃນລາຍການ “ຈັດ ຊັດທຸກຄວາມຈິງ” ວາລະສານທາເກັດ ເຊື່ອວ່າ ຄົນລາວ ແລະ ຄົນໄທ ຮັກກັນໄວ້ນັ້ນລະດີແລ້ວ ໃຫ້ອະໄພເຊິ່ງກັນ ແລະ ກັນ ທຸກຄົນມີການຜິດພາດໄດ້ ຖ້າຮູ້ຈັກຍອມຮັບການຜິດພາດຂອງຕົນເອງ ແລະ ຮູ້ອອກມາຂໍໂທດຂໍອະໄພ,  ເຊື່ອວ່າຄົນລາວ ທຸກຄົນຕ້ອງໃຫ້ອະໄພໄດ້ ເພາະຄົນລາວຄົນດີ ມີນໍ້າໃຈ. ສ່ວນ ທ້າວ ຈັດ ທີມະ ຜູ້ປະກາດຂ່າວ ຈະໄດ້ກ່າວຂໍໂທດຕໍ່ປະຊາຊົນລາວ ແລະ ປະເທດລາວ ຕື່ມອີກຄັ້ງໜຶ່ງຜ່ານລາຍການຂອງຜູ້ກ່ຽວໃນຕອນແລງຂອງມື້ນີ້ ລາວ-ໄທ ຊ່ວຍເຫຼືອເຊິ່ງກັນແລະກັນ.​

ແຂວງໄຊຍະບູລີ ໄດ້ຈັດກອງປະຊຸມສະຫຼຸບວຽກງານຂະແໜງການພາຍໃນທົ່ວແຂວງໄຊຍະບູລີ ທີ່ສະໂມສອນຫ້ອງວ່າການແຂວງ ໃນວັນທີ 16 ມີນາ 2020 ໂດຍເປັນປະທານຮ່ວມຂອງ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ, ທ່ານ ຄໍາໝັ້ນ ສູນວິເລີດ ລັດຖະມົນຕີກະຊວງພາຍໃນ, ຫົວໜ້າກົມ, ຮອງກົມພາຍໃນ, ຫົວໜ້າ, ຮອງຫົວໜ້າພະແນກການອ້ອມຂ້າງແຂວງ, ຮອງເຈົ້າເມືອງ ແລະ ຫົວໜ້າຫ້ອງການພາຍໃນ 11 ເມືອງເຂົ້າຮ່ວມ. ທ່ານ ຄໍາສີ ແພງສະຫວັນ ຫົວໜ້າພະແນກພາຍໃນແຂວງ ໄດ້ຂຶ້ນຜ່ານຮ່າງບົດສະຫຼຸບການຈັດຕັ້ງປະຕິບັດວຽກງານພາຍໃນ ປະຈໍາປີ 2019 ແລະ ທິດທາງແຜນການ ປະຈໍາປີ 2020 ວ່າ: ຕະຫຼອດໄລຍະ 1 ປີຜ່ານມາ ພະແນກພາຍໃນແຂວງແມ່ນໄດ້ເອົາໃຈໃສ່ຕໍ່ວຽກງານວິຊາສະເພາະ ເຊິ່ງສະແດງອອກຜົນງານແຕ່ລະດ້ານ ເຊັ່ນ: ຂົງເຂດບໍລິຫານລັດແມ່ນໄດ້ປັບປຸງກົງຈັກການຈັດຕັ້ງ, ກໍານົດພາລະບົດບາດຂັ້ນແຂວງໄດ້ຈໍານວນ 9 ພາກສ່ວນ, ເຮັດໃຫ້ກົງຈັກຂັ້ນຂະແໜງຫຼຸດລົງ 15 ຂະແໜງ, ຂັ້ນໜ່ວຍງານຫຼຸດລົງ 1 ໜ່ວຍງານ, ໄດ້ປັບປຸງລະບົບການບໍລິຫານລັດຂັ້ນທ້ອງຖິ່ນ ຈໍານວນ 430 ບ້ານ ມີ 6.450 ທ່ານ, ...

ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 2 ບັນລຸໄດ້ປະມານ 769 ລ້ານໂດລາສະຫະລັດ. ໃນນັ້ນ, ມູນຄ່າການສົ່ງອອກ ມີປະມານ 391 ລ້ານໂດລາສະຫະລັດ, ມູນຄ່າການນໍາເຂົ້າ ມີປະມານ 378 ລ້ານໂດລາສະຫະລັດ ແລະ ດຸນການຄ້າປະມານ 13 ລ້ານໂດລາສະຫາລັດ. ສິນຄ້າສົ່ງອອກຫຼັກປະກອບມີ: ມັນຕົ້ນ, ແຮ່ທອງ, ເຍື່ອໄມ້ ແລະ ເສດເຈ້ຍ, ທອງແດງ ແລະ ເຄື່ອງທີ່ເຮັດດ້ວຍທອງແດງ, ງົວ, ຄວາຍ, ນໍ້າຕານ, ໝາກກ້ວຍ, ເຄື່ອງນຸ່ງຫົ່ມ, ເຄື່ອງດື່ມ (ນໍ້າ, ນໍ້າອັດລົມ,ຊູກໍາລັງ…), ແລະ ໂຄງຮ່າງ, ຊິ້ນສ່ວນກ້ອງບັນທຶກພາບ. ໝວດສິນຄ້ານໍາເຂົ້າຫຼັກປະກອບມີ: ນ້ຳມັນກາຊວນ, ພາຫະນະທາງບົກ (ນອກຈາກລົດຈັກ, ລົດໄຖ), ອຸປະກອນກົນຈັກ (ນອກຈາກເຄື່ອງກົນຈັກພາຫະນະ), ໄຟຟ້າ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຫຼັກກ້າ, ສັດທີ່ມີຊີວິດ, ເຄື່ອງດື່ມ (ນໍ້າ, ນໍ້າອັດລົມ, ...

ແຂວງ ໄຊຍະບູລີ ໄດ້ປະກາດແຈ້ງປິດດ່ານປະເພນີເຂົ້າ-ອອກ ປະເທດຊົ່ວຄາວ ຈຳນວນ 9 ດ່ານ  ເພື່ອປ້ອງກັນໂຄວິດ-19 ສຳລັບດ່ານສາກົນຈຳນວນ 4 ດ່ານແມ່ນຈະເປິດໃຫ້ບໍລິການເປັນປົກກະຕິ ແຕ່ຈໍາກັດຈໍານວນ ເຂົ້າ-ອອກ ທີ່ເປັນຂະບວນໃຫຍ່ ພ້ອມທັງມອບໃຫ້ 3 ຂະແໜງການໃຫຍ່ ຊີ້ນຳຢ່າງເຂັ້ມງວດຄື: ດ່ານສາກົນຂົວມິດຕະພາບນໍ້າເຫືອງ (ເມືອງແກ່ນທ້າວ); ດ່ານສາກົນພຸູດູ່ (ເມືອງປາກລາຍ); ດ່ານສາກົນນໍ້າເງິນ (ເມືອງເງີນ) ດ່ານສາກົນປາງມອນ (ເມືອງຄອບ) ປິດບໍລິການດ່ານປະເພນີຊົ່ວຄາວຄື: ດ່ານຫ້ວຍຕອງ (ເມືອງຊຽງຮ່ອນ); ຊ່ອງເຂົ້າ-ອອກກົວກອກ (ເມືອງໄຊສະຖານ); ດ່ານບ້ານໃໝ່ (ເມືອງທົ່ງມີໄຊ); ດ່ານສີພູມ, ດ່ານເມືອງໝໍ, ດ່ານນາແກ້ງມ້າ ແລະ ດ້ານເວີນຄໍາ (ເມືອງແກ່ນທ້າວ); ດ່ານນາຂ່າ, ດ່ານເໝືອງແຜ່, ດ່ານໜອງປະຈີດ ແລະ ດ່ານຂອນແກ່ນ (ເມືອງບໍ່ແຕນ). ດັ່ງນັ້ນ, ຈຶ່ງມອບໃຫ້ພະແນກສາທາລະນະສຸກແຂວງ ແຕ່ງຕັ້ງພະນັກງານແພດໄປປະຈໍາການຕິດຕາມກວດກາຢູ່ 04 ດ່ານສາກົນ ເຊິ່ງພະນັກງານທີ່ໄປປະຈໍາຕ້ອງແມ່ນພະນັກງານທີ່ມີຄວາມຮູ້, ຄວາມສາມາດ ແລະ ປະສົບການໃນການນໍາໃຊ້ອຸປະກອນຮັບໃຊ້ທີ່ເໝາະສົມ, ສາມາດກວດກາ-ປ້ອງກັນ ແລະ ສະກັດກັນກັບເຊື້ອພະຍາດ COVID-19. ມອບໃຫ້ພະແນກການຕ່າງປະເທດແຂວງ ແຈ້ງໄປຍັງບັນດາແຂວງ, ...

ສະບາຍດີແຟນເພສທາເກັດທຸກຄົນ ມື້ວານນີ້ ແອັດໄດ້ເລື່ອນໄປເຫັນ ເພສ  Lao Army – ທະຫານລາວ ທີ່ໄດ້ໂພສຂໍ້ຄວາມໜຶ່ງທີ່ໃຫ້ເປັນແງ່ຄິດຫຼາຍໃນວິກິດການແບບນີ້ ຢາກໃຫ້ທຸກຄົນຊ່ວຍເຫຼືອກັນຮັກແພງກັນ ແລະ ປ້ອງກັນຕົນເອງ, ສຸຂະພາບຕົນເອງ ຫຼາຍກວ່າການຕຳນິຕິຕຽນກັນ. ເນື້ອໃນມີດັ່ງນີ້: ການສຶກສາເປັນສິ່ງສຳຄັນຫຼາຍ ແລະ ຄວນວິເຄາະແບບມີວິທະຍາສາດແນ່…..ເມື່ອເຮົາໄດ້ເຂົ້າມາຢູ່ໃນສັງຄົມໃຫຍ່ມັນເຮັດໃຫ້ເຮົາຮູ້ວ່າ ລະດັບການໄດ້ຮັບການສຶກສາເຮົາເປັນແນວໃດ? 1. ເງິນທີ່ຕ່າງປະເທດຊ່ວຍເຫຼືອໄປໃສ? ຖ້າໃຜໄດ້ເຮັດວຽກກັບອົງການສາກົນຈະຮູ້ດີວ່າ ການຈະໃຊ້ເງິນໂຄງການໃດໜຶ່ງມັນບໍ່ງ່າຍ ລາຍລະອຽດຕ້ອງຄົບ ຂາດຫຼືເກີນ 1 ກີບຍັງບໍ່ໄດ້… #ເຂົາຊ່ວຍເຫຼືອສ່ວນຫຼາຍກໍເປັນອຸປະກອນ  ບໍ່ແມ່ນເງີນສົດໆໃຊ້ເງີນເຮົາໄປຊື້ເອງນະບໍ່ຄ່ອຍມີ…ຫຼືມີ ກໍຕ້ອງຊື້ເຄື່ອງຈາກປະເທດທີ່ບໍລິຈາກໃຫ້ເທົ່ານັ້ນ… ຄັນເພີ່ນເອົາເງິນໄປໃຊ້ໄປກິນແທ້ ລະດັບປະເທດຈະເລີນມະຫາອຳນາດເປັນຫຍັງເຂົາຊິບໍ່ຮູ້ວ່າມີການໂກງ…ຖ້າຮູ້ວ່າໂກງແລ້ວແຕ່ຍັງສົ່ງເງິນໃຫ້ລາວຕະຫຼອດ ທຸກໆປີ…ເຂົາບໍ່ໄດ້ໂງ່ປານນັ້ນເດີ…ກໍຍ້ອນມັນມີປະສິດຕິພາບເຂົາຈຶ່ງໃຫ້ເຮົາ. #ເພີ່ນກໍເອົາຈຳນວນເງິນດັ່ງກ່າວໄປຊື້ອຸປະກອນທາງການແພດ ນັບແຕ່ເຄື່ອງເລັກໆນ້ອຍໆ ຈົນເຖິງເຄື່ອງທີ່ແສນແພງ ແລະ ຢາຕ່າງໆ ກະຈາຍໄປທົ່ວປະເທດ ປະເທດລາວບໍ່ໄດ້ມີແຕ່ໂຮງຫມໍພຽງແຫ່ງດຽວ…ເດີບັນດາທ່ານ…ເອົາແທ້ສ່ຳນັ້ນຍັງບໍ່ພໍສ່ຳ…ແຕ່ກໍດີທີ່ຍັງມີໃຫ້ໃຊ້…. 2. ເປັນຫຍັງຕ້ອງເສຍຄ່າກວດ? ແລ້ວລາຄາທໍ່ໃດ?..ຖ້າຕິດແລ້ວປີ້ນປົ່ວຟຣີບໍ? ທ່ານຕ້ອງເຂົ້າໃຈກ່ອນວ່າ ເຄື່ອງມືແພດ ແມ່ນໃຊ້ເທື່ອດຽວແລ້ວຖີ້ມ…ບໍ່ນຳມາໃຊ້ໃຫມ່…ຫຼືໃຜເຄີຍເຫັນໂຮງຫມໍໃດນຳເຂັມຊັກຢາທີ່ໃຊ້ແລ້ວນຳມາໃຊ້ຄືນ…ອຸປະກອບໃນການກວດໂລກກໍຄືກັນໃຫ້ສະເພາະຜູ້ນີ້ກໍຂອງຜູ້ນີ້…ບໍ່ແມ່ນກວດແລ້ວນຳໄປລ້າງມາໃຊ້ຄືນໃຫມ່…ຊື້ໃຫມ່ຫາໃຫມ່ຫມົດ…ມັນກໍ່ຕ້ອງໃຊ້ເງີນຊື້… ທາງການລາວປະກາດວ່າ #ຖ້າຫາກໃຜເຂົ້າຄ່າຍເປັນຜູ້ຕິດເຊື້ອ ແລະ ຕິດເຊື້ອແທ້ ຄ່າກວດ ແລະ ຄ່າຮັກສາແມ່ນຟຣີບໍ່ໄດ້ເສຍເງີນຈັກກິບ…. #ສ່ວນຜູ້ທີ່ບໍ່ຢູ່ໃນຄ່າຍແຕ່ຢາກກວດ ກວດແລ້ວວ່າບໍ່ຕິດ(ອາດຈະ)ຈ່າຍຄ່າກວດເອງ…ຖ້າຕິດແທ້ແນ່ນອນແມ່ນຄ່າກວດ ແລະ ຮັກສາຟຣີ… ໄລ່ລວມໆແລ້ວ ລາວໄດ້ຮັບເງິນຊ່ວຍເຫຼືອຈາກຕ່າງປະເທດທັງໝົດ ປະມານ 115 ລ້ານໂດລາ ( 115,000,000 ໂດລາ)….ຖ້ານຳເງິນເຫຼົ່ານັ້ນມາຊ່ວຍກວດ ...

ວັນທີ 18 ມີນາ 2020 ສປ ຈີນໄດ້ເລີ່ມທົດລອງນໍາໃຊ້ຢາວັກຊີນປ້ອງກັນພະຍາດອັກເສບປອດໂຄວິດ-19 ຄັ້ງທໍາອິດ ໂດຍໄດ້ຮັບການພັດທະນາຕົວຢາ ຈາກຜູ້ຊ່ຽວຊານດ້ານຊີວະວິທະຍາສົງຄາມຊີວະພາບ ຂອງທະຫານ ຂະນະທີ່ແຫຼ່ງຂ່າວເເດລີເມວຂອງປະເທດອັງກິດ ອ້າງວ່າ ຖ້າຈີນປະສົບສໍາເລັດທົດລອງ ແລະ ຜະລິດວັກຊີນຕ້ານໄວຣັສໂຄວິດຈະເຮັດໃຫ້ປະເທດຈີນກາຍເປັນທໍາອິດໃນໂລກ ທີ່ມີຄວາມກ້າວຫນ້າທາງດ້ານວິທະຍາສາດໃນຍຸກນີ້. ທ່ານ ເຊີນ ເຫວີ່ຍ ນັກຄົ້ນຄົ້ວວິໃຈ ວັກຊິນ ຕ້ານພະຍາດໂຄວິດໄດ້ປະກາດວ່າລັດຖະບານຈີນໄດ້ອະນຸຍາດ ໃຫ້ເລີ່ມທົດລອງໃຊ້ແລ້ວ “ຢາວັກຊີນດັ່ງກ່າວແມ່ນອາວຸດທາງວິທະຍາສາດທີ່ແຂງແກນທີ່ສຸດເພື່ອຢຸດພະຍາດຜີສາດຮ້າຍໂຄວິດ-19“ ຜູ້ຊ່ຽວຊານດ້ານສົງຄາມຊີວະພາບໄດ້ເປີດເຜີຍຕໍ່ຜູ້ສື່ຂ່າວຊີຊີທີວີ. ຫຼ້າສຸດ ທົ່ວໂລກມີຄົນຕິດເຊື້ອພະຍາດໂຄວິດ 187.700 ກວ່າຄົນ, ເສຍຊີວິດ 7.800 ກວ່າຄົນ ແລະ ປິ່ນປົວຫາຍດີ 79.800 ກວ່າຄົນ ໃນນັ້ນຈີນມີຜູ້ຕິດເຊື້ອ 80.000 ກວ່າຄົນ ແລະ ເສຍຊີວິດ 3.000 ກວ່າຄົນ. ແປໂດຍ: ນໍ້າອອ້ຍຂົມ ແຫຼ່ງຂ່າວ: Dailymail ທີ່ມາ: ຂ່າວສາປະເທດລາວ  

ສະຖານກົງສູນໃຫ່ຍແຫ່ງຣາຊະອານາຈັກໄທປະຈຳແຂວງສະຫວັນນະເຂດ ຂໍສະແດງຄວາມນັບຖືຢ່າງສູງມາຍັງພະແນກການຕ່າງປະເທດແຂວງຄຳມ່ວນ ແລະ ຂໍຖືເປັນກຽດແຈ້ງແຂວງຄຳມ່ວນດັ່ງນີ້ ເມື່ອວັນທີ່ 12 ມີນາ 2020 ເວລາ 09:30 ໂມງ ຜູ້ຕິດເຊື້ອໄວຣັດ ໂຄວິດ-19 ເຊີ່ງເປັນຄົນໄທ ແລະ ຄະນະລວມ 5 ຄົນ ເດີນທາງຂ້າມຂົວມິດຕະພາບ ແຫ່ງທີ່ 3 ຈາກແຂວງນະຄອນພະນົມໄປແຂວງຄຳມ່ວນ ລະຫວ່າງທີ່ຢູ່ແຂວງຄຳມ່ວນ ຄະນະໄດ້ໄປຮັບປະທານອາຫານທີ່ຮ້ານຈັນສະຖິດ ແລະ ຮ້ານພອນເທບ ແຂວງຄຳມ່ວນ ກ່ອນພະນັກງານຂອງຮ້ານອາຫານທັງສອງດັ່ງກ່າວທີ່ໃຫ້ບໍລິການແກ່ຄະນະເປັນຜູ້ຢູ່ໃນກຸ່ມທີ່ມີຄວາມສ່ຽງສູງຕໍ່ການຕິດເຊື້ອໄວຣັດໂຄວິດ-19 ໃນໂອກາດນີ້ ສະຖານກົງສູນໃຫ່ຍແຫ່ງຣາຊະອານາຈັກໄທປະຈຳແຂວງສະຫວັນນະເຂດ ຂໍຄວາມອະນຸເຄາະພະແນກການຕ່າງປະເທດແຂວງຄຳມ່ວນ ກະລຸນາພິຈາລະນາ ແລະ ດຳເນີນການໃນສ່ວນທີ່ກ່ຽວຂ້ອງຕໍ່ໄປດ້ວຍ ຂໍຂອບໃຈຢ່າງຫຼວງຫຼາຍ ສະຖານກົງສູນໃຫ່ຍແຫ່ງຣາຊະອານາຈັກໄທປະຈຳແຂວງສະຫວັນນະເຂດ ຂໍສະແດງຄວາມນັບຖືຢ່າງສູງອີກຄັ້ງໜຶ່ງມາຍັງພະແນກການຕ່າງປະເທດແຂວງຄຳມ່ວນ

ມາດຕະການ ຈັດຕັ້ງ ປະຕິບັດສຳລັບຜູ້ເດີນທາງເຂົ້າມາ ສປປ ລາວ ທຸກຄົນທີ່ເດີນທາງເຂົ້າມາ ສປປ ລາວ,​ທີ່ມີອາການດັ່ງລຸ່ມນີ້ ຕ້ອງປະຕິບັດມາດຕະການແຍກປ່ຽວ (Isolation) ຢູ່ໂຮງຫມໍເພື່ອຢັ້ງຢືນການບົ່ງມະຕິ: ຜູ້ທີ່ມີອາການໄຂ້, ໄອ ຫຼື ຫາຍໃຈຍາກ ແລະ ມີປະຫວັດເດີນທາງມາຈາດເຂດທີ່ມີການລະບາດຂອງ COVOD-19 ຜູ້ທີ່ມີອາການໄຂ້, ໄອ ຫຼື ຫາຍໃຈຍາກ ແລະ ມີປະຫວັດສຳຜັດກັບຜູ້ທີ່ມີການຢັ້ງຢືນການການຕິດເຊື້ອ COVOD-19 *ການແຍກປ່ຽວກໍລະນີສົງໄສ ຢູ່ນະຄອນຫຼວງວຽງຈັນ: ແມ່ນຢູ່ໂຮງຫມໍມິດຕະພາບ, ໂຮງຫມໍມະໂຫສົດ, ໂຮງຫມໍເຊດຖາທິຣາດ ແລະ ໂຮງຫມໍສູນກາງ 13 ກອງທັບ *ການແຍກປ່ຽວກໍລະນີສົງໃສ ບັນດາແຂວງ: ແມ່ນຢູ່ບັນດາໂຮງຫມໍແຂວງ 2. ທຸກຄົນທີ່ເດີນທາງເຂົ້າ ມາ ສປປ ລາວ ທີ່ມີອາການເຂົ້າກັບເງື່ອນໄຂດັ່ງລຸ່ມນີ້ຕ້ອງປະຕິບັດມາດຕະການຈຳກັດບໍລິເວນຢູ່ສະຖານທີ່ພັກເຊົາຂອງຕົນເອງພາຍໃນ 14 (Self-quaranline) ລາຍລະອຽດອ່ານຕາມແຈ້ງການລຸ່ມນີ້: