Worldometers ເປັນເວັບໄຊທີ່ລວມສະຖິຕິສະຖານະການ ຂອງໄວຣັດໂຄວິດ-19 ໄດ້ເຜີຍແຜ່ຂໍ້ມູນຜູ້ຕິດເຊື້ອທົ່ວໂລກ ປະຈຳວັນທີ 27 ມີນາ 2020 ມີຜູ້ເຊື້ອທົ່ວໂລກເພີ່ມຂຶ້ນເລື້ອຍໆ ຕະຫຼອດເວລາ ພົບຜູ້ຕິດເຊື້ອລວມ 532,119 ຄົນ ແລະ  ເສຍຊີວິດ 24,089 ຄົນ ຮັກສາຫາຍ 124,326 ຄົນ. ຈາກສະຖິຕິ ຂອງມື້ວານນີ້ 26 ມີນາ 2020 ຈະເຫັນໄດ້ວ່າຍອດຜູ້ຕິດເຊື້ອຂອງ ສ.ອາເມລິກາ  ເພີ່ມຂຶ້ນ 17,224 ຄົນ ເຮັດໃຫ້ຜູ້ຕິດເຊື້ອໂຄວິດ-19 ລວມ 85,594 ຄົນ ໂດຍເມືອງທີ່ພົບຄົນຕິດເຊື້ອຫຼາຍທີ່ສຸດຄື New york ພົບຜູ້ຕິດເຊື້ອລວມ 38,977 ຄົນ ໃນຂະນະນີ້ ສ.ອາເມລິກາ ມີຜູ້ເສຍຊີວິດ 1,300 ຄົນ ຍອດຜູ້ຕິດເຊື້ອເພີ່ມຂຶ້ນຢ່າງຕໍ່ເນື່ອງ ເຮັດໃຫ້ ອາເມລິກາ ເປັນອັນດັບ 1 ຂອງປະເທດທີ່ມີປະຊາກອນຕິດເຊື້ອໂຄວິດ-19 ຫຼາຍທີ່ສຸດໃນໂລກ. ຂໍ້ມູນຈາກ: ejan.co

ໃນວັນທີ 26 ມີນາ 2020 ສປປລາວ ເຮົາພົບຜູ້ຕິດເຊື້ອໂຄວິດ-19 ເພີ່ມຂຶ້ນເປັນຈຳນວນທັງໝົດ  6  ຄົນແລ້ວ ຂະນະນີ້ລັດຖະບານກໍໄດ້ອອກຫຼາຍມາດຕະການເພື່ອສະກັດກັ້ນການແຜ່ລະບາດຂອງພະຍາດລະບາດໃນຄັ້ງນີ້. ຫຼ້າສຸດອີງຕາມການລາຍງານຂອງ VOV5 ຂອງຫວຽດນາມໃຫ້ຮູ້ວ່າ: ຕອນບ່າຍວັນທີ 26 ມີນາຢູ່ຫ້ອງວ່າການລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ມີການໂອ້ລົມທາງໂທລະສັບກັບທ່ານທອງລຸນ ສີສຸລິດນາຍົກລັດຖະມົນຕີແຫ່ງສປປລາວ ແລະ ທ່ານນາຍົກລັດຖະມົນຕີກໍາປູເຈຍ ສົມເດັດ ຮຸນເຊັນ ກ່ຽວກັບການສົມທົບລະຫວ່າງຫວຽດນາມ ກັບ ລາວ ແລະ ກໍາປູເຈຍ ໃນການຮັບມືກັບໂລກລະບາດ ໂຄວິດ – 19. ໃນການໂອ້ລົມສົນທະນາ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເນັ້ນໜັກເຖິງການສົມທົບ ແລະ ໜູນຊ່ວຍເຊິ່ງກັນແລະກັນ ລະຫວ່າງບັນດາປະເທດໃນສະພາບເກີດພະຍາດລະບາດໂຄວິດ – 19 ແມ່ນມີຄວາມຈໍາເປັນ ແລະ ມີຄວາມໝາຍ. ສາຍສໍາພັນມິດຕະພາບ, ຄວາມສາມັກຄີແບບພິເສດ ລະຫວ່າງສາມປະເທດ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ແຈ້ງໃຫ້ຊາບວ່າ ລັດຖະບານຫວຽດນາມ ຕົກລົງໜູນຊ່ວຍເຫຼືອລັດຖະບານ ລາວ ແລະ ລັດຖະບານກໍາປູເຈຍ ບັນດາອຸປະກອນການແພດທີ່ຈໍາເປັນ ດ້ວຍມູນຄ່າ 100.000 ໂດລາສະຫະລັດ ...

ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງ ເລກທີ 238 ທຫລ ນະຄອນຫຼວງວຽງຈັນ, ລົງວັນທີ 26 ມີນາ 2020 ວ່າດ້ວຍນະໂຍບາຍສິນເຊື່ອ ເພື່ອແກ້ໄຂຜົນກະທົບຈາກສະພາບການລະບາດ ຂອງພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ (ໂຄວິດ-19) ອີງໃສ່ສະພາບການລະບາດຂອງພະຍາດອັກເສບປອດຈາກເຊື້ອຈຸລະໂລກສາຍພັນໃຫມ່ ຫລື ໂຄວິດ-19, ຜູ້ວ່າການທະນາຄານແຫ່ງ ສປປ ລາວ ຕົກລົງ: ມາດຕາ 1. ຈຸດປະສົງ ຂໍ້ຕົກລົງສະບັບນີ້ ກໍານົດນະໂຍບາຍແກ້ໄຂຜົນກະທົບຈາກພະຍາດອັກເສບປອດຈາກເຊື້ອຈຸລະໂລກ ສາຍພັນໃຫມ່ ໃຫ້ແກ່ລູກໜີ້ຂອງທະນາຄານທຸລະກິດ ແລະ ສະຖາບັນການເງິນ, ບັນດາທະນາຄານທຸລະກິດ ແລະ ສະຖາບັນການເງິນ ທີ່ຢູ່ພາຍໃຕ້ການຄຸ້ມຄອງຂອງທະນາຄານແຫ່ງ ສປປ ລາວ ທີ່ໄດ້ປ່ອຍກູ້ ຊຶ່ງໄດ້ຮັບ ຜົນກະທົບຈາກການລະບາດຂອງພະຍາດດັ່ງກ່າວ ໃຫ້ສາມາດສືບຕໍ່ດໍາເນີນທຸລະກິດພາຍຫຼັງການລະບາດໄດ້ ຖືກຄວບຄຸມ ຈົນກວ່າສະພາບເຂົ້າສູ່ປົກກະຕິ, ມາດຕາ 2 ຂອບເຂດການນໍາໃຊ້ ຂໍ້ຕົກລົງສະບັບນີ້ ນໍາໃຊ້ສໍາລັບ ບຸກຄົນ ແລະ ນິຕິບຸກຄົນ ທີ່ເປັນລູກຄ້າເງິນກູ້ທີ່ໄດ້ຮັບຜົນກະທົບຈາກ ພະຍາດອັກເສບປອດຈາກເຊື້ອຈຸລະໂລກສາຍພັນໃໝ່, ທະນາຄານທຸລະກິດ ແລະ ສະຖາບັນການເງິນ ທີ່ຢູ່ ພາຍໃຕ້ການຄຸ້ມຄອງຂອງທະນາຄານແຫ່ງ ສປປ ...

ໃນຕອນເຊົ້າໃນວັນທີ 26 ມີນາ 2020 ທີ່ ນະຄອນຫຼວງວຽງຈັນ – ບໍລິສັດ ເບຍລາວ ຈໍາກັດ (ບໍລິສັດເບຍລາວ) ໄດ້ມອບເງິນ 2 ​ຕື້ກີບ ເພື່ອປະກອບສ່ວນສະໜັບສະໜູນລັດຖະບານລາວ ກໍຄື ກະຊວງສາທາລະນະສຸກ ແລະ ເຈົ້າໜ້າທີ່ແພດໝໍ ທີ່ກໍາລັງຮັບມື ແລະ ຄວບຄຸມການລະບາດຂອງພະຍາດໂຄວິດ-19 ໃນລາວ. ທ່ານ ເຮັນລິກ ເອັນເດີເຊັນ ຜູ້ອໍານວຍການໃຫຍ່ ບໍລິສັດ ເບຍລາວ ໄດ້ກ່າວວ່າ: “ພວກເຮົາຮັບຮູ້ເຖິງການແຜ່ລະບາດຢ່າງຮ້າຍແຮງຂອງເຊື້ອພະຍາດນີ້ທີ່ເກີດຂຶ້ນທົ່ວໂລກ, ດັ່ງນັ້ນ, ພວກເຮົາຈິ່ງຕ້ອງການເປັນສ່ວນໜຶ່ງໃນການສະໜັບສະໜູນລັດຖະບານລາວທີ່ກໍາລັງຮັບມືກັບການແຜ່ລະບາດຂອງເຊື້ອພະຍາດພາຍໃນປະເທດ. ປະຊາຊົນລາວໄດ້ໃຫ້ການສະໜັບສະໜູນບໍລິສັດເບຍລາວດ້ວຍດີຕະຫຼອດມາໃນຊ່ວງເວລາທີ່ດີ, ເຊິ່ງເວລານີ້ ພວກຮົາກໍຍິນດີປະກອບສ່ວນໃຫ້ແກ່ລັດຖະບານລາວ ແລະ ປະຊາຊົນລາວໃນການຜ່ານຜ່າສິ່ງທ້າທາຍ ໂດຍຜ່ານການມອບປັດໃຈດັ່ງກ່າວນີ້.” ໃນມື້ນີ້, ເປັນການກ່າວມອບຮັບລະຫວ່າງ ທ່ານ ສົມດີ ດວງດີ ຮອງນາຍົກລັດຖະມົນຕີ ຫົວໜ້າຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂພະຍາດອັກເສບປອດຈາກເຊື້ອຈຸລະໂລກ COVID -19 ພ້ອມດ້ວຍການຈັດຕັ້ງສໍາຄັນ ແລະ ທ່ານ ສູນທອນ ພົມມະຈັກ ປະທານບໍລິສັດເບຍລາວ, ທ່ານ ເຮັນລິກ ເອັນເດີເຊັນ ຜູ້ອໍານວຍໃຫຍ່ ...

ຫຼັງຈາກທີ່ກະຊວງສາທາລະນະສຸກໄດ້ອອກມາຢືນຢັນກ່ຽວກັບຜູ້ຕິດເຊື້ອໂຄວິດ-19 ໃນລາວມີ 3 ກໍລະນີທໍາອິດ ເຮັດໃຫ້ສັງຄົມຕົກໃຈຫຼາຍພໍສົມຄວນ ແລະ ອາດເລີ່ມມີການກັກຕຸນສິນຄ້າຫຼາຍເພີ່ມຂຶ້ນ, ເຊິ່ງມັນອາດເປັນຊ່ອງທາງທີ່ເຮັດໃຫ້ຜູ້ປະກອບການ ຫຼື ແມ່ຄ້າຈໍານວນໜຶ່ງສວຍໂອກາດກັກຕຸນສິນຄ້າ ເພື່ອຂຶ້ນລາຄາສິນຄ້າຕາມລໍາພັງໃຈ. ເພື່ອຮັບປະກັນການສະໜອງສິນຄ້າອຸປະໂພກ-ບໍລິໂພກໃຫ້ພຽງພໍ ແລະ ຄຸ້ມຄອງລາຄາສິນຄ້າ ແລະ ຄ່າບໍລິການ ໃຫ້ສົມເຫດສົມຜົນ, ທັງເປັນການປົກປ້ອງສິດ ແລະ ຜົນປະໂຫຍດ ອັນຊອບທໍາຂອງຜູ້ຊົມໃຊ້, ຜົນປະໂຫຍດຂອງລັດ ແລະ ຜູ້ປະກອບການ ແລະ ເພື່ອຫຼີກເວັ້ນການສວຍໂອກາດຂຶ້ນລາຄາ ສິນຄ້າແບບບໍ່ສົມເຫດສົມຜົນຂອງຜູ້ປະກອບການ ເພື່ອເກັງກໍາໄລ ກະຊວງ ອຸດສາຫະກໍາ ແລະ ການຄ້າ ຈຶ່ງໄດ້ອອກຄໍາສັ່ງເພື່ອຕິດຕາມ, ກວດກາ ແລະ ຄຸ້ມຄອງລາຄາສິນຄ້າໃຫ້ເປັນໄປຕາມທີ່ລັດກໍານົດ.     1, ໃຫ້ຊີ້ນໍາ ພະແນກການກ່ຽວຂ້ອງທີ່ປະກອບໃນຄະນະຊີ້ນໍາວຽກງານຄຸ້ມຄອງລາຄາສິນຄ້າ ແລະ ຄ່າບໍລິການຂັ້ນແຂວງ, ນະຄອນຫຼວງວຽງຈັນ ທີ່ຖືກແຕ່ງຕັ້ງຈາກທ່ານເຈົ້າແຂວງ, ເຈົ້າຄອງນະຄອນຫຼວງວຽງຈັນ ຕາມຂໍ້ຕົກລົງເລກທີ 71/ນຍ ລົງວັນທີ 06 ຕຸລາ 2017 ເພື່ອຕິດຕາມ, ກວດກາ ແລະ ຄຸ້ມຄອງລາຄາສິນຄ້າ ແລະ ຄ່າບໍລິການ ບໍ່ໃຫ້ມີການຂຶ້ນລາຄາຕາມລໍາພັງໃຈ ແລະ ...

ການລະບາດຂອງໄວຣັດໂຄວິດ-19 ເຮັດໃຫ້ຫຼາຍປະເທດມີມາດຕະການ ປິດເມືອງ ຫຼື ປິດປະເທດ ປິດຊາຍແດນເປັນໄລຍະຊົ່ວຄາວ ລວມທັງປະເທດລາວເຮົາ ກໍໄດ້ມີມາດຕະການປິດດ່ານຊາຍແດນ ທັງສາກົນ ແລະ ດ່ານປະເພນີຕ່າງໆບໍ່ໃຫ້ຄົນເຂົ້າ-ອອກ ທີ່ມີຈຸດປະສົງທ່ອງທ່ຽວ ແລະ ໄປຄ້າຂາຍ ເປັນທີ່ຮຽບຮ້ອຍແລ້ວ ໃນວັນທີ 21 ມີນາ -20 ເມສາ 2020 ແຕ່ສຳລັບການຂົນສົ່ງສິນຄ້າທີ່ຈຳເປັນແມ່ນຍັງອະນຸຍາດໃຫ້ເຂົ້າ-ອອກໄດ້ ແຕ່ຕ້ອງປະຕິບັດຕາມມາດຕະການຂອງຂະແໜງການສາທາລະນະສຸກ ການຄວບຄຸມ ແລະ ປ້ອງກັນໂຄວິດ-19. ແລະ ໃນມື້ວານນີ້ວັນທີ 24 ມີນາ ກະຊວງໄດ້ຖະແຫຼງຂ່າວປະກາດຢ່າງເປັນທາງການ ວ່າ ສປປ ລາວ ເຮົາ ມີຄົນຕິດເຊື້ອໂຄວິດ-19 ແລ້ວ 2 ຄົນ, ຖ້າສົມມຸດປະເທດລາວແລະ ປະເທດອື່ນໆໃນໂລກ ໄດ້ມີມາດຕະການ ປິດເມືອງ ບໍ່ໃຫ້ຄົນອອກຈາກເຮືອນ ຫຼື ບ້ານເລີຍ ຈະມີຜົນກະທົບທາງເສດຖະກິດອັນມະຫາສານ ເພາະຫຼາຍທຸລະກິດ ແມ່ນກໍຕ້ອງໄດ້ຢຸດສະງັກ.  ແຕ່ແນ່ນອນວ່າ ໄລຍະນີ້ ຖ້າມີຜູ້ເສຍຜົນປະໂຫຍດ ກໍຕ້ອງມີຜູ້ໄດ້ຮັບປະໂຫຍດ ໃນທຸກວິກິດມັກຈະມີໂອກາດຢູ່ສະເໝີ ແລ້ວຈະມີທຸລະກິດໃດແດ່ ທີ່ຈະເສຍຜົນປະໂຫຍດ ແລະ ຈະໄດ້ຮັບຜົນປະໂຫຍດໃນໄລຍະນີ້ແບບເຕັມໆ ມາເບິ່ງເລີຍ…. ສົມມຸດວ່າ ...

ເວລາ 12:30 ນາທີຂອງວັນທີ 25 ມີນາ ນີ້ ທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ພ້ອມຄະນະສະເພາະກິດ ໄດ້ຖະແຫຼງຂ່າວຕໍ່ສື່ມວນຊົນ ກ່ຽວກັບການລະບາດຂອງເຊື້ອ ໂຄວິດ-19 ໃນນັ້ນ ມີຜູ້ຕິດເຊື້ອ 2 ຄົນ, ລັດຖະບານຈະເພີ່ມມາດຕະການເຂັ້ມງວດຄື: 1 .ຈະເພີ່ມທະວີຕິດຕາມແຮງງານທີ່ກັບມາຈາກປະເທດເພື່ອນບ້ານເພື່ອຄຸ້ມຄອງໃຫ້ເຂັ້ມງວດກັກຕົນເອງ ພາຍໃນ 14 ວັນ; 2. ຂໍໃຫ້ປະຕິບັດຫຼັກການກັກບໍລິເວນຕົນເອງຕາມຫຼັກການແພດວາງອອກ ແລະ ກວດກາເປັນປົກກະຕິ; 3.ໃຫ້ທຸກພາກສ່ວນ ຕິດຕາມການເຄື່ອນໄຫວຂອງສຳນັກງານໃຫ້ຢຸດຕິການປະຊຸມ ແລະ ການຊຸມນຸມຈຳນວນຫຼາຍ ຖ້າມີຄວາມສາມາດເຮັດວຽກຢູ່ເຮືອນ ຜ່ານອອນລາຍ ກໍໃຫ້ຈັດຕັ້ງປະຕິບັດໄດ້; 4. ການເດີນທາງໄປມາລະຫວ່າງກັນຄື ບ້ານຕໍ່ບ້ານ; ເມືອງຕໍ່ເມືອງ ຫຼື ຕໍ່ສຳນັກງານແມ່ນໃຫ້ຫຼຸດຜ່ອນໂດຍການ ໂທລະສັບຫາກັນ; 5.ຖ້າພົບອາການຜິດປົກກະຕິໃຫ້ຮີບຮ້ອນໂທຫາແພດຈາກສາຍດ່ວນ 166; 6.ຄະນະສະເພາະກິດຈະໄດ້ອອກຂໍ້ກຳນົດຕື່ມອີກເພື່ອໃຫ້ສັງຄົມປະຕິບັດຢ່າງເຂັ້ມງວດ ທັງນີ້ກໍເພື່ອປົກປັກຮັກສາ ຊິວິດປະຊາຊົນ ແລະ ຮຽກຮ້ອງ ສັງຄົມໃຫ້ຮ່ວມມືກັນ ນອກນີ້, ລັດຖະບານກຳລັງເລັ່ງຫາລືໃນການຊ່ວຍເຫຼືອ ຜູ້ໄດ້ຮັບຜົນກິນທົບທາງເສດຖະກິດຂອງເຊື້ອໄວຣັດ ໂຄວິດ-19 ໂດຍຈະພິຈາລະນາຊ່ວຍເຫຼືອ ຫຼາຍດ້ານ ແຕ່ຈະມີການຫາລືຕື່ມໃນຄະນະລັດຖະບານ ແລະ ...

ບັນດາຜູ້ປະກອບການໃນຫຼາຍແຂວງໄດ້ມີການສະເໜີໃຫ້ລັດຖະບານຫຼຸດພາສີ ແລະ ເລື່ອນການຊຳລະດອກເບ້ຍໃຫ້ແກ່ທະນາຄານ ເນື່ອງຈາກວ່າພວກເຂົາໄດ້ຮັບຜົນກະທົບຢ່າງໃຫຍ່ຫຼວງຈາກພະຍາດ COVID-19 ທີ່ກຳລັງລະບາດໃນຫຼາຍປະເທດ. ປອ ສຸດາພອນ ຄົມທະວົງ ຮອງຫົວໜ້າພະແນກ ຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງຫຼວງພະບາງ ໄດ້ໃຫ້ສຳພາດຕໍ່ນັກຂ່າວວຽງຈັນທາຍວ່າ: ເມື່ອບໍ່ດົນມານີ້ ແຂວງຫຼວງພະບາງ ໄດ້ຈັດກອງປະຊຸມປືກສາຫາລື ລະຫວ່າງ ພາກລັດ ແລະ ທຸລະກິດ ເພື່ອປືກສາຫາລືບັນຫາຜົນກະທົບຈາກ COVID-19 ຕໍ່ການທ່ອງທ່ຽວ ແລະ ເປີດໂອກາດໃຫ້ນັກທຸລະກິດ ແລະ ຜູ້ປະກອບການຕ່າງໆ ສະເໜີບັນຫາຂອງຕົນເອງເພື່ອໃຫ້ລັດຖະບານແກ້ໄຂ. ນັກທຸລະກິດສ່ວນຫຼາຍແມ່ນສະເໜີໃຫ້ລັດຖະບານຫຼຸດພັນທະການເສຍພາສີອາກອນ ເນື່ອງຈາກພວກເຂົາໄດ້ຮັບຜົນກະທົບຫຼາຍຍ້ອນນັກທ່ອງທ່ຽວມີໜ້ອຍຫຼາຍໃນປະຈຸບັນ ສາເຫດຍ້ອນການລະບາດຂອງພະຍາດ COVID-19 ໃນປະເທດຕ່າງໆ. ໃນຂະນະດຽວກັນ ເມືອງວັງວຽງ ແຂວງວຽງຈັນ ກໍ່ໄດ້ຈັດກອງປະຊຸມປືກສາຫາລື ລະຫວ່າງ ພາກລັດ ແລະ ເອກະຊົນ, ເຊິ່ງຜູ້ປະກອບການສ່ວນໃຫຍ່ແມ່ນສະເໜີໃຫ້ເລື່ອນ ແລະ ຫຼຸດການຊຳລະພາສີອາກອນ ລວມເຖິງຫຼຸດອັດຕາດອກເບ້ຍທີ່ຕ້ອງໄດ້ເສຍໃຫ້ແກ່ທະນາຄານໃນໄລຍະວິກິດນີ້. ທ່ານ ບຸນຈັນ ມາລາວົງ ເຈົ້າເມືອງວັງວຽງ ໄດ້ເວົ້າວ່າ: ບັນຫາຕ່າງໆທີ່ບັນຫາຫົວໜ່ວຍທຸລະກິດສະເໜີມາແມ່ນໄດ້ຖືກລາຍງານຕໍ່ ການນໍາແຂວງວຽງຈັນ ເປັນທີ່ຮຽບຮ້ອຍແລ້ວເພື່ອລໍຖ້າການແກ້ໄຂ. ຂ່າວ: ສີລັດດາ ພາບ: ປະຕິທິນ

ໃນວັນທີ 24 ມີນາ 2020, ທີ່ກະຊວງສາທາລະນະສຸກ ນະຄອນຫຼວງວຽງຈັນ. ໄດ້ຖະແຫຼງຂ່າວຢ່າງເປັນທາງການ ກໍລະນີຜູ້ຕິດເຊື້ອ 2 ທ່ານ ໃນ ສປປ ລາວ. ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກກ່າວວ່າ:ໃນວັນທີ 23 ມີນາ ໄດ້ມີການກວດຕົວຢ່າງຜູ້ສົງໄສຕິດເຊື້່ອຈຳນວນ14 ກໍລະນີ; ໃນນີ້12 ກໍລະນີ ທີ່ເປັນແຮງງານລາວເດີນທາງມາຈາກປະເທດໄທກວດບໍ່ພົບກໍລະນີຕິດເຊື້ອ(ແບ່ງເປັນທີ່ແຂວງຈຳປາສັກ 7 ກໍລະນີ, ສະຫວັນນະເຂດ1ຄົນ, ຄຳມ່ວນ1 ຄົນ, ສາລະວັນ2 ຄົນ, ໄຊຍະບູລີ 1ຄົນ). ສ່ວນອີກ 2 ກໍລະນີຢູ່ນະຄອນຫຼວງວຽງຈັນຜົນກວດວິເຄາະແມ່ນພົບການຕິດເຊື້ອ; ໃນນີ້ກໍລະນີທີ 1 ເປັນເພດຍິງ ອາຍຸ 36 ປີ ສັນຊາດລາວ ເປັນພະນັກງານນຳທ່ຽວ ໂດຍນຳພານັກທ່ອງທ່ຽວທີ່ມາຈາກປະເທດທີ່ມີການລະບາດ ໄປທ່ຽວ ວັງວຽງ, ຫຼວງພະບາງ ແລ້ວນຳສົ່ງນັກທ່ອງທ່ຽວໄປກຳປູເຈຍ ເມື່ອເວລານັກທ່ອງທ່ຽວໄປກຳປູເຈຍ ກໍໄດ້ມີການຄັດກອງແລ້ວພົບວ່າກຸ່ມນັກທ່ອງທ່ຽວດັ່ງກ່າວຕິດໂຄວິດ-19 ຈິ່ງປະສານມາຫາພວກເຮົາ, ພວກເຮົາຈິ່ງນຳສົ່ງພະນັກງານຍິງຄົນດັ່ງກ່າວເຂົ້າກວດເຊື້ອ ແລະ ປິ່ນປົວ. ກໍລະນີທີ 2 ເປັນເພດຊາຍ ອາຍຸ 28 ...