ຮ່ວມກັນສົ່ງແຮງໃຈໃຫ້ທີມລົດຖັງຈາກ ສປປ ລາວ ໃນການເຂົ້າຮ່ວມແຂ່ງຂັນ ກິລາ Army Games International 2020 ທີ່ປະເທດລັດເຊຍ ເພື່ອໃຫ້ຢາດໄດ້ຫຼຽນຄຳກັບຄືນມາປະເທດ ໃນລະຫວ່າງວັນທີ 23 ສິງຫາ – 5 ກັນຍາ 2020 ນີ້ ຈະມີການແຂ່ງຂັນກິລາທາງການທະຫານນານາຊາດ ຄັ້ງທີ 6 ທີ່ປະເທດລັດເຊຍ, ປະກອບດ້ວຍ 31 ລາຍການແຂ່ງຂັນ ໂດຍມີຕົວແທນຈາກ 28 ປະເທດເຂົ້າຮ່ວມ ໃນນັ້ນລວມມີ ສປປ ລາວ ນຳ. ສຳລັບກອງທັບປະຊາຊົນລາວ ໄດ້ສົ່ງທີມນັກກິລາເຂົ້າຮ່ວມ 2 ລາຍການຄື: ແຂ່ງຂັນລົດຖັງ ແລະ ເຕັກນິກດ້ານອາວຸດ-ຍຸດໂທປະກອນ, ໂດຍທຳອິດ ກອງທັບປະຊາຊົນລາວ ຈະໄດ້ສົ່ງນັກກິລາເຂົ້າຮ່ວມຫຼາຍລາຍການ, ແຕ່ເນື່ອງຈາກການລະບາດຂອງ ໂຄວິດ-19 ຈຶ່ງໄດ້ຕັດບາງລາຍການອອກ. International Army Games ເລີ່ມຕົ້ນການແຂ່ງຂັນລະຫວ່າງໜ່ວຍທະຫານພາຍໃນກອງທັບລັດເຊຍ,​ຕໍ່ມາແມ່ນຂະຫຍາຍໄປແຂ່ງຂັນລະຫວ່າງປະເທດອະດີດສະຫະພບໂຊວຽດ ແລ້ວມາປ່ຽນເປັນລະດັບນານາຊາດໃນປີ 2015 ໂດຍປີທຳອິດ ມີພຽງລັດເຊຍເປັນເຈົ້າພາບ ພຽງປະເທດດຽວ, ແຕ່ຕໍ່ມາມີຫຼາຍປະເທດເປັນເຈົ້າພາບຮ່ວມ.​ ແຫຼ່ງຂໍ້ມູນ: https://www.facebook.com

ການຊ່ວງເຮືອ ທີ່ຫຼວງພະບາງ ເພື່ອເປັນການບູຊາໜ້ານໍ້າ ຕາມຮິດຄອງປະເພນີ ທ່າມກາງສາຍຝົນທີ່ຕົກລົງມາ. ໂດຍມີເຮືອຊ່ວງທັງໝົດ 6 ເຫລັ້ມ ປະກອບມີ: ເຮືອນາງດຳ-ນາງດ່ອນ 1 ຄູ່, ເຮືອຊ່ວງຊຽງທອງ, ປ່າຂາມ, ສັງຄະໂລກ ແລະ ຫາດຮ່ຽນ ໃນມື້ບຸນເດືອນເກົ້າ ຫໍ່ເຂົ້າປະດັບດິນ ບຸນຊ່ວງເຮືອ ຂອງນະຄອນຫລວງພະບາງ ໃນວັນທີ 18 ສິງຫາ 2020 ເນື່ອງຈາກການແຜ່ລະບາດຂອງເຊື້ອ ໂຄວິດ-19 ຢູ່ພາກພື້ນ, ການຈັດບຸນຊ່ວງເຮືອໃຫຍ່ ທີ່ມີຄົນເຂົ້າຮ່ວມຫຼາຍ ແມ່ນໄດ້ຖືກໂຈະ ແລະ ມີພຽງ ພິທີບູຊາ ໜ້ານໍ້າ ເທົ່ານັ້ນ. FM 90.0

ອົງການສະຖິຕິແຫ່ງຊາດຂອງປະເທດຊິມບັບເວ ກ່າວໃນວັນທີ 15 ສິງຫາ ຜ່ານມາວ່າ ອັດຕາເງິນເຟີ້ໝົດປີ 2020​ອາດຈະສູງເຖິງ 737,3%. ອັດຕາປະຈຳເດືອນກໍລະກົດແມ່ນ 35,53% ໂດຍເພີ່ມຂຶ້ນຈາກ 31,7% ໃນ ເດືອນມິຖຸນາ ປະເທດໃນອາຟຣິກາ ກຳລັງພົບກັບບັນຫາການຂາດແຄນອາຫານ, ນໍ້າມັນເຊື້ອໄຟ ແລະ ເງິນຕາທ້ອງຖິ່ນ ໃນປີຜ່ານມາ. ການລົງທຶນຂອງ hyperinflation ຄັ້ງກ່ອນ, ໃນໄລຍະທີ່ອັດຕາການເຕີບໂຕຂອງລາຄາໄດ້ສູງເຖິງ 500 ຕື້, ອີງຕາມອົງການ IMF, ບັງຄັບໃຫ້ລັດຖະບານຫຼຸດເງິນໂດລາຊິມບັບເວ ແລະ ເງິນຕາຕ່າງປະເທດກາຍເປັນມູນຄ່າທີ່ຖືກກົດໝາຍ ໃນປີ 2009. ເງິນໂດລາຊິມບັບເວ ມີການຊື້ຂາຍຢ່າງເປັນທາງການຢູ່ທີ່ 82,56 ຕໍ່ 1 ໂດລາສະຫະລັດ, ຫຼັງຈາກທີ່ເຈົ້າໜ້າທີ່ ໄດ້ປະຖິ້ມເງິນຕາ 25:1, ເຊິ່ງໄດ້ນຳສະເໜີ ໃນເດືອນມີນາຜ່ານມາ. ແຫຼ່ງຂໍ້ມູນ:​https://www.bloomberg.com

ເຖິງວ່າຈະຜ່ານມາຮອດເດືອນສິງຫາ 2020 ແລ້ວ ປະເທດລາວເຮົາກໍຄືທົ່ວໂລກ ກໍຍັງບໍ່ທັນຜ່ານພົ້ນວິກິດການ ໂຄວິດ-19 ທີ່ສົ່ງຜົນກະທົບຮ້າຍແຮງຕໍ່ລະບົບເສດຖະກິດ ອຸດສາຫະກຳຫຼາຍຂະແໜງຕ້ອງໂຈະການດຳເນີນກິດຈະການ ບັນດາຫົວໜ່ວຍທຸລະກິດຈຳເປັນຕ້ອງໄດ້ພາກັນປັບຕົວ ຫັນມາເປັນອອນລາຍແບບໄຮ້ທາງເລືອກ ທັງທີ່ຍັງບໍ່ທັນມີຄວາມພ້ອມ ແລະບໍ່ທັນໄດ້ສຶກສາ ທຳຄວາມເຂົ້າໃຈ ຫຼືກະກຽມຊັບພະຍາກອນເພື່ອລົງທຶນໃສ່ກັບການຕະຫຼາດໃນໂລກດິຈິຕອນຫຼາຍພຽງພໍ ສະນັ້ນ ມື້ນີ້ຄໍລຳການສ້າງຍີ່ຫໍ້ ແລະການຕະຫຼາດ ປະຈຳເດືອນສິງຫານີ້ ເຮົາຈະມານຳສະເໜີວິທີການສ້າງທີມການຕະຫຼາດດິຈິຕອນ ເພື່ອໃຫ້ບັນດາບໍລິສັດ ຜູ້ປະກອບການຕ່າງໆໄດ້ນຳເອົາໄປປັບໃຊ້ໃຫ້ເກີດປະໂຫຍດສູງສຸດ ເພື່ອຄວາມຢູ່ລອດໃນພາວະວິກິດຄັ້ງນີ້ໄປພ້ອມໆກັນ ທາງອອກຂອງການເຮັດການຕະຫຼາດດິຈິຕອນ ບາງບໍລິສັດກໍເລືອກສ້າງຕັ້ງທີມຂອງຕົນເອງຂຶ້ນ ເພື່ອຄວາມສະດວກ ແລະຄຸ້ມຄ່າ ປະຢັດງົບປະມານໃນໄລຍະຍາວ ແຕ່ບາງບໍລິສັດກໍເລືອກທີ່ຈະຈ້າງບໍລິສັດທີ່ປຶກສາທາງການຕະຫຼາດດິຈິຕອນມາຊ່ວຍ ໂດຍອາດຈະຈ້າງເປັນໂຄງການຍ່ອຍ ຫຼືຈ້າງເປັນລັກສະນະສັນຍາໄລຍະຍາວ ເຊິ່ງກໍແລ້ວແຕ່ເງື່ອນໄຂ ວິໄສທັດ ເປົ້າໝາຍ ຄວາມຄາດຫວັງ ແລະຂະໜາດຂອງແຕ່ລະບໍລິສັດເອງ.   ເຊິ່ງແນ່ນອນວ່າ ການທີ່ບໍລິສັດໃດໜຶ່ງມີທີມການຕະຫຼາດຂອງຕົນເອງ ຈະເຮັດໃຫ້ທີມງານສຸມໃສ່ແຕ່ເປົ້າໝາຍດຽວ ກໍຄືຂອງບໍລິສັດ ຜົນໄດ້ຮັບຈຶ່ງມີປະສິດຕິພາບກວ່າ ການໄປຈ້າງບໍລິສັດທີ່ປຶກສາ ທີ່ຮັບວຽກຈາກລູກຄ້າທີ່ແຕກຕ່າງກັນ ຄວາມເຕັມທີ່ຕໍ່ວຽກງານກໍອາຈະຫຼຸດໜ້ອຍຖອຍລົງກໍເປັນໄດ້. ສຳລັບບໍລິສັດໃດທີ່ກຳລັງຄິດສ້າງທີມການຕະຫຼາດດິຈິຕອນຂຶ້ນມາໃນບໍລິສັດ ຈະຕ້ອງໄດ້ຄຳນຶງເຖິງໜ້າວຽກອີງຕາມ 6 ຕຳແໜ່ງ ດັ່ງຕໍ່ໄປນີ້: ນັກວາງແຜນຍຸດທະສາດ ຫຼື ຫົວໜ້າທີມການຕະຫຼາດດິຈິຕອນ (Stratgic Planner or Head of Digital Marketing)       ນັກວາງແຜນຍຸດທະສາດ ...

ຍີ່ປຸ່ນປະສົບກັບການຫົດຕົວທາງເສດຖະກິດທີ່ໃຫຍ່ທີ່ສຸດ ໃນໄຕມາດທີ 2, ຍ້ອນການແຜ່ລະບາດຂອງ ໂຄວິດ-19, ທຸລະກິດ ແລະ ການໃຊ້ຈ່າຍຂອງຜູ້ບໍລິໂພກຕົກຢູ່ໃນຄວາມກົດດັນ. ໃນຂະນະທີ່ເສດຖະກິດກຳລັງຈະດີຂື້ນ, ຈາກຄວາມຫຍຸ້ງຍາກຫຼັງຈາກມາດຕະການ Lock Down ໄດ້ຖືກຜ່ອນຜັນໃນທ້າຍ ເດືອນ ພຶດສະພາ, ນັກວິເຄາະຫຼາຍຄົນຄາດວ່າ ການຟື້ນຕົວໃນ ເດືອນ ກໍລະກົດ ຫາ ເດືອນ ກັນຍາ ຈະມີລະດັບປານກາງ ຍ້ອນວ່າການຕິດເຊື້ອເພີ່ມຂື້ນໃໝ່ ເຮັດໃຫ້ມີຜົນກະທົບໂດຍກົງຕໍ່ທຸລະກິດ. ລວມຍອດຜະລິດຕະພັນພາຍໃນ (GDP) ຫຼຸດລົງ 27,8% ໃນແຕ່ລະປີ ເຊິ່ງ ເດືອນ ເມສາ ຫາ ເດືອນ ມິຖຸນາ, ຂໍ້ມູນຂອງລັດຖະບານໄດ້ສະແດງໃຫ້ເຫັນວ່າ ເຊິ່ງເປັນການຫຼຸດລົງທີ່ຮ້າຍແຮງທີ່ສຸດ ນັບຕັ້ງແຕ່ຂໍ້ມູນທີ່ສົມທຽບໄດ້ມີຂຶ້ນໃນປີ 1980 ການບໍລິໂພກສ່ວນບຸກຄົນ ກວມເອົາຫຼາຍກ່ວາເຄິ່ງໜຶ່ງຂອງເສດຖະກິດຍີ່ປຸ່ນ ເຊິ່ງບໍລິໂພກໄດ້ຫຼຸດລົງເຖິງ 8,2% ສຳລັບໄຕມາດທີ 2 ໂດຍຮ້າຍແຮງກວ່າການຄາດຄະເນຂອງນັກວິເຄາະ ວ່າຈະຫຼຸດລົງ ພຽງ 7,1% ການໃຊ້ຈ່າຍຂອງທຶນຫຼຸດລົງ 1,5% ໃນໄຕມາດ 2 ເຊິ່ງໜ້ອຍກວ່າການຄາດຄະເນຂອງຕະຫລາດທີ່ສະເລ່ຍ ການຫຼຸດລົງແມ່ນ 4,2%. ຂໍ້ມູນສະແດງໃຫ້ເຫັນວ່າ, ຄວາມຕ້ອງການພາຍນອກ, ຫຼືການສົ່ງອອກການ-ນຳເຂົ້າ ...

ປັດຈຸບັນ ສປ ຈີນ ໄດ້ດໍາເນີນການຈົດລິຂະສິດ ວັກຊີນ ດັ່ງກ່າວ ໃນວັນທີ 11/08/2020 ພ້ອມກຽມພ້ອມ ເຂົ້າສູ່ການທົດລອງໃນເຟດ 3 ກ່ອນປ່ອຍອອກສູ່ຕະຫຼາດ. ສໍານັກຂ່າວ ຊິນຫົວ ຂອງ ສປ ຈີນລາຍງານວ່າ ຜູ້ເຂົ້າຮັບການສີດຢາວັກຊີນ ທີ່ພັດທະນາໂດຍ ສປ ຈີນ ມີຄວາມປອດໄພ ແລະ ເກີດການຕອບສະໜອງຂອງພູມຄຸ້ມກັນ !!! ວັກຊີນນີ້ ພັດທະນາໂດຍ ສະຖາບັນຜະລິດຕະພັນຊີວະພາບ ອູ່ຮັນ ໃນກຸ່ມ Sinopharm ໂດຍໃຊ້ອາສາສະໝັກ 320 ຄົນ ອາຍຸ 18-59 ປີ ໂດຍມີ 96 ຄົນ ເຂົ້າຮ່ວມທົດສອບ ໃນເຟດ 1 ແລະ ອີກ 224 ຄົນ ເຂົ້າຮ່ວມໃນເຟດ 2. ຜົນການວິໄຈ ຊີ້ໃຫ້ເຫັນວ່າ ວັກຊີນ ກະຕຸ້ນໃຫ້ເກີດແອນຕີ້ບໍດີ ຊະນິດລົບລ້າງອາການ ທີ່ເກີດຂຶ້ນໃນກຸ່ມອາສາສະໝັກ ໄດ້ຢ່າງມີປະສິດທິພາບ ປລະ ມີການກະຕຸ້ນສ້າງພູມຄຸ້ມກັນທີ່ດີ ອັນເກີດຈາກຄວາມສາມາດຂອງວັກຊີນ ທີ່ກະຕຸ້ນ ...

ວັນທີ 14 ສິງຫາ 2020, ຄະນະຜູ້ແທນຂັ້ນສູງພັກ, ລັດ ລາວ ນໍາໂດຍ ສະຫາຍ ທອງລຸນ ສີສຸລິດ, ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງສາທາລະນະລັດ ປະຊາທິປະໄຕປະຊາຊົນລາວ ໄດ້ເດີນທາງໄປວາງພວງມາລາໄຫວ້ອາໄລ ສະຫາຍ ເລຂາຟຽວ, ອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ເຊິ່ງໄດ້ເຖິງແກ່ມໍລະ ນະກໍາ ເມື່ອວັນທີ 7 ສິງຫາ 2020 ຜ່ານມາ. ພາຍຫລັງພິທີໄຫວ້ອາໄລທາງການແລ້ວ, ສະຫາຍ ທອງລຸນ ສີສຸລິດ ກໍ່ໄດ້ຕາງໜ້າຄະນະບໍລິຫານງານສູນກາງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານ, ສູນກາງແນວລາວສ້າງຊາດ ຂຽນຄວາມຮູ້ສຶກລົງໃນປື້ມໄຫວ້ອາໄລ, ເຊິ່ງມີເນື້ອໃນບາງຕອນວ່າ: “ຄະນະບໍລິຫານງານສູນກາງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານ, ສູນກາງແນວລາວສ້າງຊາດ ມີຄວາມໂສກເສົ້າເສຍດາຍເປັນຢ່າງຍິ່ງ ເມື່ອໄດ້ຮັບຂ່າວການຈາກໄປຂອງ ສະຫາຍເລຂາຟຽວ, ອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຢ່າງບໍ່ມີວັນຫວນກັບມາ. ການຈາກໄປຂອງສະຫາຍເລຂາຟຽວ ເປັນການສູນເສຍອັນໃຫຍ່ຫລວງຂອງພັກ, ລັດ ແລະ ປະຊາຊົນຫວຽດນາມ, ສູນເສຍນັກປະຕິວັດຜູ້ອົງອາດກ້າຫານບໍ່ຍອມຈຳນົນ, ຜູ້ນຳທີ່ເຄົາລົບຮັກຂອງພັກ, ລັດ ແລະ ປະຊາຊົນຫວຽດນາມອ້າຍນ້ອງ. ຕະຫລອດໄລຍະຫລາຍທົດສະຫວັດທີ່ຜ່ານມາ ສະຫາຍ ເລຂາຟຽວ ໄດ້ມີການປະກອບສ່ວນຢ່າງໃຫຍ່ຫລວງເຂົ້າໃນພາລະກິດສ້າງສາພັດທະນາ ແລະ ...

ທ່ານ Lai Xiaomin ຜູ້ບໍລິຫານຊັບສິນອັນດັບທີ 1 ຂອງຈີນໄດ້ໃຫ້ຜິດສິນບົນຈຳນວນ 258 ລ້ານໂດລາສະຫະລັດ. ໂດຍທາງ CCTV ໂທລະພາບຂອງຈີນ ໄດ້ລາຍງານວ່າ ທ່ານ Lai ໄດ້ເກັບເງິນໄວ້ໃນບັນຊີທະນາຄານ 300 ລ້ານຢວນ ໃນນາມແມ່ຂອງລາວ. Lai Xiaomin ໄດ້ໃຊ້ຕຳແໜ່ງຂອງລາວຮັບສິນບົນເພື່ອແລກກັບການເອື້ອອຳນວຍໃນດ້ານຕ່າງໆເປັນເວລາ 10 ປີ. ສຳລັບອາຊີບຂອງລາວ ແມ່ນໄດ້ເຮັດວຽກກັບສະຖາບັນລັດຖະບານທີ່ສຳຄັນຫຼາຍແຫ່ງ. Lai Xiaomin ເຮັດໜ້າທີ່ເປັນ ຫົວໜ້າພະແນກກັບທະນາຄານປະຊາຊົນຈີນ, ພ້ອມທັງ ເປັນຄະນະກຳມະການຄຸ້ມຄອງທະນາຄານຈີນ. ນອກຈາກນັ້ນ, ລາວຍັງໄດ້ຖືກແຕ່ງຕັ້ງໃຫ້ເປັນປະທານບໍລິສັດຄຸ້ມຄອງຊັບສິນ Huarong ໃນປີ 2012. ທັງໝົດນີ້, ແມ່ນຢູ່ພາຍໃຕ້ລັດຖະບານຈີນ ແລະ ທ່ານ Lai Xiaomin ເປັນຕົວແທນໃຫ້ແກ່ພັກຄອມມູນິດໃນພະແນກເຫຼົ່ານີ້. ພ້ອມກັນນັ້ນ, ທ່ານ Lai ຍັງເປັນຮອງຫົວໜ້າພັກຝ່າຍປີກພັກຝ່າຍບໍລິສັດຂອງລາວ. ຕຳແໜ່ງເຫຼົ່ານັ້ນ ໄດ້ເຮັດໃຫ້ ທ່ານ Lai ສາມາດດຳເນີນການຈັດການກັບການສໍ້ລາດບັງຫຼວງທີ່ໃຫຍ່ທີ່ສຸດໃນລະບົບທະນາຄານຂອງຈີນ. ທ່ານ Lai ໄດ້ຮັບສາລະພາບວ່າມີຄວາມຜິດ ແລະ ມີການໄຕ່ສວນຄະດີ ເຊິ່ງນອກເໜືອຈາກເງິນສົດຫຼາຍຮ້ອຍລ້ານແລ້ວ, ທ່ານ Lai ...

ທ່ານ ສະຫວັນຄອນ ຣາຊມຸນຕີ, ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາແລະ ທ່ອງທ່ຽວ ໄດ້ຂຶ້ນລາຍງານກ່ຽວກັບມູນເຊື້ອ ແລະ ຜົນງານທີ່ພົ້ນເດັ່ນຂອງສື່ມວນຊົນ ແລະ ການພິມຈໍາໜ່າຍລາວຕະຫລອດໄລຍະ 70 ປີ ຜ່ານມາ ໃນ ພິທີໂຮມຊຸມນຸມສະເຫລີມສະຫລອງວັນສື່ມວນຊົນ ແລະ ການພິມຈໍາໜ່າຍ ຄົບຮອບ 70 ປີ ຢູ່ທີ່ ຫໍປະຊຸມແຫ່ງຊາດ ນະຄອນຫຼວງວຽງຈັນ ໃນວັນທີ 14/08/2020 ນີ້ວ່າ ວຽກງານສື່ມວນຊົນ ມີຫລາຍຜົນງານອັນພົ້ນເດັ່ນໃນປະກອບສ່ວນໃນພາລະກິດຕໍ່ສູ້ປົດປ່ອຍຊາດ; ປົກປັກຮັກສາ ແລະ ສ້າງສາພັດທະນາປະເທດຊາດ. ໃນໄລຍະໃໝ່ສື່ມວນຊົນ ແລະ ການພິມຈໍາໜ່າຍລາວຍັງສາມາດຮັກສາບົດບາດການເປັນກະບອກສຽງອັນແຫຼມຄົມຂອງພັກ-ລັດ, ເປັນຜູ້ແນະນໍາ, ນໍາພາຫາງສຽງ ແລະ ສ້າງຄວາມເຂົ້າໃຈທີ່ຖືກຕ້ອງ ໂດຍໄດ້ຮັບຄວາມເຊື່ອຖືໃນການສະໜອງຂໍ້ມູນຂ່າວສານ, ສາລະຄວາມຮູ້, ສາລະບັນເທີງໃຫ້ແກ່ເປົ້າໝາຍຂອງຕົນ ພ້ອມທັງສາມາດເຊື່ອມຕໍ່ຂໍ້ມູນຂ່າວສານໃນພາກພື້ນ ແລະ ສາກົນ. ມາຮອດປັດຈຸບັນ, ຂົງເຂດສື່ມວນຊົນ: ມີສື່ສິ່ງພິມທັງໝົດ 152 ສະບັບໜັງ​ສືພິມ 33 ສະບັບ, ໃນນັ້ນໜັງສືພິມລາຍວັນ 11 ສະບັບ, ວາລະສານ 115 ສະບັບ ແລະ ໃບຂ່າວ ...

ສໍານັກຂ່າວຕ່າງປະເທດ ລາຍງານຈາກເມືອງ ເມລເບີນ ປະເທດ ອົດສະຕຣາລີ ໃນວັນທີ 15/08/2020 ທີ່ຜ່ານມາວ່າ ການແຜ່ລະບາດຂອງເຊື້ອ ໂຄວິດ-19 ຢູ່ເມືອງ ເມລເບີນ, ເມືອງທີ່ມີປະຊາກອນຫຼາຍເປັນອັນດັບສອງຂອງປະເທດ, ພົບການຕິດເຊື້ອ ພາຍໃນ 24 ຊົ່ວໂມງ ເພິ່ມຂຶ້ນ 303 ຄົນ, ໂດຍການລະບາດຂອງເຊື້ອໃນຮອບໃໝ່ນີ້ ແມ່ນຍັງບໍ່ທັນມີຫຼັກຖານ ທີ່ແນ່ນອນ ວ່າແຜ່ອອກມາຈາກແຫຼ່ງໃດ ແລະ ຍັງມີອັດຕາການແຜ່ລະບາດ ໃນເຂດຊຸມຊົນສູງ. ການແຜ່ລະບາດຮອບ 3 ນີ້ ເຮັດໃຫ້ເມືອງເມລເບີນ ເມືອງເອກຂອງລັດວິກຕໍເລຍ ຕ້ອງໄດ້ເຂົ້າສູ່ການລ໋ອກດາວລະດັບ 4 ແກ່ຍາວໄປ ຈົນຮອດວັນທີ 13 ກັນຍາ 2020. ປັດຈຸບັນ ອົດສະຕຣາລີ ມີຕົວເລກ ຜູ້ຕິດເຊື້ອສະສົມ ທົ່ວປະເທດ ຢູ່ທີ 23,036 ຄົນ ແລະ ເສຍຊີວິດແລ້ວ 380 ຄົນ.